JoomlaLock.com All4Share.net

Background Video

அரசியல்

ஆர்.கே.நகர் இடைதேர்தல் :  வெற்றிச் சின்னமா இரட்டை இலை !!!

அண்ணா திராவிட முன்னேற்றக் கழகத்தின் வெற்றிச் சின்னம் என அறியப்பட்ட இரட்டை இலை இப்போது பெரும் விவாதப் பொருளாக மாறியுள்ளது. ஜெயலலிதா மறைவுக்கு்ப பிறகு கட்சியில் ஏற்பட்ட பிளவு இரட்டை இலைச் சின்னத்தையும் பிரச்சனைக்கு உள்ளாக்கியது. Image result for இரட்டை இலை சின்னம் புகைப்படங்கள்

இப்போது அறிவிக்கப்பட்டிருக்கும் ஆர்.கே. நகர் இடைத் தேர்தலில் அ.தி.மு.கவின் சார்பில் இ. மதுசூதனன் போட்டியிடுவார் என அறிவிக்கப்பட்டிருக்கிறது.

இரட்டை இலைச் சின்னம் தங்களுக்கு வெற்றி தேடித் தரும் என அ.தி.மு.க. நம்புகிறது.

கடந்த ஆறு மாதங்களுக்கு முன்பாகத்தான் அனைத்து அமைச்சர்களும் அ.தி.மு.க. அம்மா அணி நிர்வாகிகளும் தினகரனுக்காக தொப்பிச் சின்னத்தில் வாக்குக் கேட்டனர்.

ஓ.பி.எஸ். இதே மதுசூதனனை நிறுத்தி, இரட்டை மின் விளக்குக் கம்ப சின்னத்தில் வாக்குக் கேட்டார்.

 தி.மு.க., காங்கிரஸ், கம்யூனிஸ்ட், வி.சி.க. கட்சிகளின் வாக்குகள், தேர்தலைப் புறக்கணித்திருக்கும் பாட்டாளி மக்கள் கட்சி, தே.மு.தி.க., தமிழ் மாநில காங்கிரஸ் கட்சிகளின் வாக்குகள் இணைந்து தங்களுக்கு வெற்றிவாய்ப்பைத் தேடித்தரும் என  திமுகவினர்   நம்புகின்றனர்.

தமிழகத்தில் தொன்னூறுகளுக்குப் பிறகு நடந்த இடைத்தேர்தல்களில் பெரிதும் ஆளுங்கட்சியின் வேட்பாளர்களே வெற்றிபெற்றுள்ளனர். ஆளும் கட்சியினர் எப்போதுமே இடைத்தேர்தல் வெற்றியை கவுரவப் பிரச்சனையாகக் கருதி களம் இறங்கி, ஆட்சி, அதிகாரத்தின் துணையுடனும் பண விநியோகத்தின் மூலமும் அந்த வெற்றிகளைச் சாத்தியப்படுத்தியுள்ளனர்.

இப்போது நடக்கும் ஆர்.கே. நகர் தொகுதி இடைத் தேர்தலில் ஆளுங்கட்சியினர் தங்கள் பண பலத்தையும் அதிகார பலத்தையும் முழுமையாகப் பயன்படுத்த முடியுமா என்பது கேள்விக்குறிதான். இரட்டை இலை சின்னம் மட்டுமே வெற்றியைப் பெற்றுத்தருமா என்றால், அதற்கும் வாய்ப்புக் குறைவு என்றுதான் சொல்ல வேண்டும். Image result for rising sun dmk Vs two leaves admk images photos

ஏனென்றால் இரட்டை இலைச் சின்னத்திற்குப் போராடி அது கிடைக்காத டிடிவி தினகரன், மாற்றுச் சின்னத்தில் போட்டியிடுகிறார். அவர், அ.தி.மு.கவின் வாக்குகளில் இருந்து கணிசமான வாக்குகளை நிச்சயம் பிரிப்பார்.

தவிர, ஜெயலலிதாவின் அண்ணன் மகள் தீபாவும் களம் இறங்கி குறைந்த அளவிற்காவது அ.தி.மு.க. அனுதாப வாக்குகளை பெற வாய்ப்பு உள்ளது.

ஆளுங்கட்சிக்கு வாக்களித்தால் மீதமிருக்கும் நான்கு ஆண்டுகளில் தொகுதிக்கு சில நன்மைகள் கிடைக்கலாம் எனக் கருதி அத்தொகுதி மக்கள் அ.தி.மு.கவுக்கு ஒட்டுமொத்தமாக வாக்களித்தால் மட்டுமே மதுசூதனனுக்கு வெற்றி நிச்சயம்.

ஆனால், ஆளும்கட்சிக்கு பாடம் கற்பிக்க வேண்டுமென மக்கள் நினைத்தால் தி.மு.கவிற்கே வெற்றி கிடைக்கும். தினகரனைப் பொறுத்தவரை வெற்றிக்கான வாய்ப்பே இல்லை என்பதுதான் ஆர்.கே. நகரின் யதார்த்தம்.

Read 110 times
Share this article

About author

Super User

Leave a comment

Make sure you enter the (*) required information where indicated. HTML code is not allowed.

Top
We use cookies to improve our website. By continuing to use this website, you are giving consent to cookies being used. More details…