JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

செஞ்சூரியன் மைதானத்தில் தோல்வி தழுவி தொடரை இழந்த பிறகு பொறிபறக்கும் செய்தியாளர்கள் சந்திப்பில் விராட் கோலி கேள்விகளுக்குப் பதில் அளிக்கும் போது நிதானமிழந்து தென் ஆப்பிரிக்க அணியின் இந்தியப் பயணம் குறித்த கருத்தைத் தெரிவிக்க அதற்கு தென் ஆப்பிரிக்கா கேப்டன் டுபிளெசிஸ் பதிலடி கொடுத்துள்ளார்.

தென் ஆப்பிரிக்கா எவ்வளவு போட்டிகளில் இந்தியாவில் வெற்றிக்கு அருகில் வந்துள்ளனர் என்று கோலி கூறும்போது பின்னறையில் தென் ஆப்பிரிக்கா கேப்டன் டுபிளெசிஸ் இருந்தார்.

கோலிக்கு பதில் அளிக்கும் விதமாக அவர் கூறியது:

உள்நாடு அல்லாத வெளிநாடுகளில் எங்கள் வெற்றி விகிதம் உலகிலேயே சிறந்தது, ஏனெனில் நாங்கள் சீரியசாகவே சிறப்பான கிரிக்கெட்டை ஆடியுள்ளோம். ஆனால் பிட்ச் உள்ளிட்ட சூழ்நிலைகள் சில வேளைகளில் தீவிரமாக உள்ளது. நான் இப்படிப் பார்க்கிறேன், இந்திய அணியின் ஸ்பின்னர்கள் எங்கள் ஸ்பின்னர்களை விட அபாரமாகத் திகழ்ந்த சூழ்நிலையில் கூட இந்திய பேட்ஸ்மென்கள் திணறியுள்ளனர். ஒவ்வொரு டெஸ்ட் போட்டியுமே 3 நாட்களில் முடிந்தது. ஒரேயொரு சதம் மட்டுமே என்று நினைக்கிறேன். (டெல்லியில் அஜிங்கிய ரஹானே இரண்டு இன்னிங்ஸ்களிலும் சதம் அடித்தார்).

இந்தத் தொடரில் கடினமான சில தருணங்கள் இருந்தன, ஆனால் வீரர்கள் ரன்கள் எடுத்தனர், விக்கெட்டுகள் விழுந்தன. எனவே பந்துக்கும் பேட்டுக்கும் இடையே கடும் போட்டி நிலவியது. இப்படியிருந்தாலே அது நல்ல பிட்ச். ஆனால் பிட்ச் ஸ்விங் பந்துகளுக்கு மட்டுமே, அல்லது ஸ்பின் பந்துகளுக்கு மட்டுமே சாதகமாக இருந்து பந்து வீச்சு ஆதிக்கம் செலுத்தினால் அப்படிப்பட்ட பிட்ச்கள் அதீதமானவை என்று கூறலாம்.

5 நாட்களோ. நான்கு நாட்களோ, கிரிக்கெட்டின் அனைத்து காரணிகளும் நமக்கு கிடைத்தால் அது நல்லது. நியூலேண்ட்சில் முதல் நாள் காலை கடினமாக இருந்தது பிறகு எளிதானது கடைசியில் கடினமானது. பந்துக்கும் மட்டைக்கும் கடும் போட்டி நிலவ வேண்டும், அதில் வெற்றி பெற போராட வேண்டும்.

கடந்த இந்தியத் தொடரிலிருந்து நிறைய பாடங்கள் கற்றுக் கொண்டோம், அடுத்த முறை அங்கு ஆடும்போது நாங்கள் கடந்த முறையை விட நல்ல போட்டியளிப்போம்.

இவ்வாறு கூறினார் டுபிளெசிஸ்.

திருப்பதி கோயில் உண்டியல் போலீஸ் பாதுகாப்பை கடவுள் நம்பிக்கையுடன் இணைத்துப் பேசிய கனிமொழி மீது 6 பிரிவுகளின் கீழ் வழக்கு தொடர போலீஸாருக்கு கரீம் நகர் மாவட்ட நீதிமன்றம் உத்தரவிட்டுள்ளது.

திருச்சியில் சமீபத்தில் திக சார்பில் உலக நாத்திக மாநாடு நடந்தது. இதில் திமுக மாநிலங்களவை உறுப்பினர் கனிமொழி பங்கேற்றுப் பேசினார். திருப்பதி கோயில் நிர்வாகம் குறித்தும், அதன் பராமரிப்பு குறித்தும் புகழ்ந்து பேசிய அவர் கடவுள் மீது பக்தர்கள் வைத்திருக்கும் நம்பிக்கை குறித்து கேள்வி எழுப்பினார்.

அப்போது கனிமொழி பேசுகையில், ''உள்துறை விவகாரக் குழு சார்பில் திருப்பதி கோயிலுக்கு துணை ஜனாதிபதி வெங்கய்ய நாயுடுவுடன், நான் உள்ளிட்ட பல எம்.பி.க்கள் சென்று இருந்தோம். திருப்பதி கோயில் நிர்வாகம் மிகச் சிறப்பாக கோயிலைப் பராமரித்து வருகிறது. நிர்வாகத்தை மிகவும் கட்டுக்கோப்பாக நடத்தி வருகிறது. அந்த கோயில் நிர்வாகத்திடம் இருந்து நாம் பல விஷயங்களை கற்க வேண்டியது அவசியம்.

அதேசமயம், நாங்கள் எம்.பி.க்கள் என்பதால், சிறப்பு தரிசனத்துக்கு வழி செய்யப்பட்டது. இறைவன் முன் அனைவரும் சமம் என்று கூறுவது எல்லாம் பொய்யா? நீங்கள் அதிகமாக பணம் கொடுத்து டிக்கெட் வாங்கினால், விரைவாக இறைவனை தரிசனம் செய்ய முடியும். இல்லாவிட்டால், 10 மணி நேரம் முதல் 2 நாட்கள்வரை காத்திருக்க வேண்டும்.

கோயிலில் இறைவனுக்கு முன் இருக்கும் உண்டியல் அருகே எப்போதும் ஆயுதம் ஏந்திய பாதுகாப்புப் படையினர் இருக்கிறார்கள். உண்மையில் கடவுள் இருக்கிறார் என்றால், அவரே உண்டியலை பாதுகாப்பாரே? ஏன் பாதுகாப்பு படையினர் பாதுகாப்பு அளிக்கிறார்கள்?. கடவுள் நம்பிக்கை உள்ளவர்கள் உண்மையில் கடவுளை நம்புகிறார்களா?'' எனப் பேசி இருந்தார்.

கனிமொழியின் இந்தப் பேச்சுக்கு எதிர்ப்பு தெரிவித்து ராமகோபாலன் உள்ளிட்டோர் கண்டனம் தெரிவித்திருந்தனர். இந்து முன்னணி அமைப்பினர் சென்னை காவல் ஆணையரிடம் திமுக எம்.பி. கனிமொழி மீது புகார் அளித்திருந்தனர்.

ஆந்திராவில் கனிமொழி பேச்சுக்கு பலத்த எதிர்ப்பு கிளம்பியது. ஆந்திர ஊடகங்கள் கடுமையாக விமர்சனம் செய்து விவாதப் பொருளாக்கின. இதற்கிடையே ஹைதராபாத்தில் உள்ள சயீதாபாத் நகர் காவல் நிலையத்தில் கருணா சாகர் என்ற வழக்கறிஞர் திருச்சி பேச்சு பற்றி புகார் அளித்து, கனிமொழி மீது நடவடிக்கை எடுக்க கேட்டிருந்தார்.

கனிமொழி மீதான புகார் மனு மீது நடவடிக்கை எடுக்கும் முன், சட்டபூர்வ ஆலோசனை நடத்துவோம் என ஹைதராபாத் போலீஸார் தரப்பில் கூறப்பட்டிருந்தது.

கனிமொழி மீது வழக்குப் பதிவு செய்ய உத்தரவிடக் கோரி தெலங்கானா மாவட்ட நீதிமன்றத்தில் கரீம்நகர் பாஜக மாவட்ட தலைவர் சார்பில் வழக்குத் தொடரப்பட்டது. இதன் மீதான விசாரணையில் கனிமொழி மீது வழக்குப் பதிவு செய்ய செய்ய தெலங்கானா கரீம்நகர் மாவட்ட நீதிமன்றம் உத்தரவிட்டது.

திருப்பதி கோயில் குறித்த விமர்சனம் செய்த்தாக கரீம் நகர் நீதிமன்றம் கனிமொழி மீது 153a, 504, 505, 298, 295 A ஆகிய 6 பிரிவுகளின் கீழ் வழக்குப் பதிவு செய்ய கரிம் நகர் போலீஸாருக்கு உத்தரவிட்டுள்ளது.

டிடிவி தினகரன் அதிருப்தி அடைந்தால் எதிர்கொள்ள வேண்டியதுதான் என்று அவரது தீவிர ஆதரவாளரான தங்க தமிழ் செல்வன் கூறியுள்ளது பெரும் பரபரப்பை ஏற்படுத்தியுள்ளது.
 
டிடிவி தினகரன் ஆர்.கே.நகரில் சுயேட்சையாக போட்டியிட்டு வெற்றிப்பெற்றார். இதைத்தொடர்ந்து தற்போது அவர் புதிய கட்சி தொடங்கவுள்ளதாக தகவல்கள் வெளியாகி வருகிறது. தினகரன் ஆதரவாளர் தங்க தமிழ் செல்வன், உள்ளாட்சி தேர்தலை மனதில் வைத்துக்கொண்டு தினகரன் தனிக்கட்சி தொடங்கும் எண்ணத்தில் இருந்தால் அதில் நான் சேர மாட்டேன் என்று கூறியிருந்தார்.
 
இதுகுறித்து மேலும் அவர் கூறியதாவது:-
 
எனக்கும் தினகரனும் எந்த கருத்து வேறுபாடும் இல்லை. எங்கள் இருவரிடையே கருத்து வேறுபாடு நிலவுவதாக சிலர் தவறான தகவலை பரப்புகிறார்கள். தினகரன் தனிக்கட்சி தொடங்கும் எண்ணத்தில் இருந்தால் அதில் நான் சேர மாட்டேன் என்று சொன்னது உண்மைதான்.
 
இதனால் தினகரன் அதிருப்தி அடைந்தால் அதை சந்திக்க வேண்டியதுதான் என்று கூறியுள்ளார். இவரது இந்த பதில் அரசியல் வட்டாரத்தில் பெரும் பரபரப்பை ஏற்படுத்தியுள்ளது. 

சூப்பர் ஸ்டார் ரஜினிகாந்த், உலக நாயகன் கமல்ஹாசன் ஆகிய இருவரும் அடுத்த மாதம் அரசியல் களத்தில் புதிய கட்சியுடன் களமிறங்கவுள்ளனர். மேலும் விஷால் மற்றும் விஜய் எந்த நேரமும் களமிறங்க காத்திருக்கின்றனர். அதுமட்டுமின்றி பாக்யராஜ் உள்பட இன்னும் ஒருசிலரும் அரசியலில் நுழைய சரியான நேரத்தை எதிர்நோக்கியுள்ளனர்.

இந்த நிலையில் ஒருசிலர் புதிய கட்சி தொடங்குகின்றனர் என யாரும் கவலைப்பட வேண்டாம் என்றும் புதிய கட்சி தொடங்குபவர்கள் எல்லாம் சோளக்காட்டு பொம்மைகள் என்றும், அதற்கு உயிர் இல்லை என்றும் துணை முதல்வர் ஓபிஎஸ் கூறியுள்ளார். அவர் கமல் மற்றும் ரஜினியைத்தான் சோளக்காட்டு பொம்மைகள் என்று கூறியதாக அரசியல் விமர்சகர்கள் கருத்து தெரிவித்து வருகின்றனர்

மேலும் அதிமுகவை யாராலும் அசைக்க முடியாதபடி எஃகு கோட்டையாக ஜெயலலிதா வழங்கியுள்ளதாகவும், எனவே அதிமுக தொண்டர்கள் எதற்கும் கவலைப்பட வேண்டாம் என்று ஓபிஎஸ் மேலும் கூறியுள்ளார். கமல் மற்றும் ரஜினி ஆகிய இருவரும் ஓபிஎஸ் கூறியது போல் சோளக்காட்டு பொம்மைகளா? அல்லது அதிமுகவுக்கு சோதனை தரும் தலைவர்களா? என்பதை பொறுத்திருந்து பார்ப்போம்

தமிழகத்தில், ஆறு ஆண்டுகளுக்கு பின், பஸ் கட்டணம் உயர்த்தப்பட்டுள்ளது. புதிய கட்டண உயர்வு, இன்று முதல் அமலுக்கு வருகிறது. 'புதிய கட்டணம், தனியார் பஸ்களுக்கும் பொருந்தும்' என, தமிழக அரசு அறிவித்துள்ளது.

தமிழகத்தில், 2011 நவ., 18ல், பஸ் கட்டணம் மாற்றி அமைக்கப்பட்டது. அதன்பின், கட்டணம் உயர்த்தப்படவில்லை. அண்டை மாநிலங்களோ, பல முறை கட்டணத்தை உயர்த்தின. ஏழு ஆண்டுகளில், அரசு போக்குவரத்து கழகங்களின் நிதி நெருக்கடியை சமாளிக்க, தமிழக அரசு, 12 ஆயிரத்து, 59 கோடி ரூபாயை மானியமாக வழங்கி உள்ளது. 
அரசு போக்குவரத்து கழகங்களுக்கு, இதுவரை ஏற்பட்டுள்ள தொடர் நஷ்டம், 20 ஆயிரத்து, 488 கோடி ரூபாய். போக்குவரத்து கழகங்கள் சிறப்பாக இயங்கவும், நிதி நெருக்கடியை சமாளிக்கவும், பொதுமக்களுக்கு சிறந்த போக்குவரத்து சேவையை வழங்கவும், அரசு பஸ் கட்டணத்தை உயர்த்தி உள்ளது.

அதன்படி, புறநகர் பஸ்களில், குறைந்தபட்ச கட்டணம், ஐந்து ரூபாயிலிருந்து, ஆறு ரூபாய்; நகர் மற்றும் மாநகர பஸ்களில், மூன்று ரூபாயில் இருந்து, ஐந்து ரூபாயாக உயர்த்தப்பட்டுள்ளது. அதிகபட்ச கட்டணம், 12 ரூபாயில் இருந்து, 19 ரூபாயாகவும், சென்னையில், குறைந்த பட்ச கட்டணம், மூன்று ரூபாயில் இருந்து, ஐந்து ரூபாயாகவும், அதிகபட்ச கட்டணம், 14 ரூபாயில் இருந்து, 23 ரூபாயாகவும் அதிகரிக்கப்பட்டு உள்ளது.

வால்வோ பஸ்களில், ஒன்று முதல், 38 நிலை வரை, குறைந்தபட்ச கட்டணம், 15 ரூபாயில் இருந்து, 25 ரூபாயாகவும், அதிகபட்ச கட்டணம், 100 ரூபாயில் இருந்து, 150 ரூபாயாகவும்உயர்த்தப்பட்டுள்ளது. 

இருப்பினும், 'அண்டை மாநிலங்களை விட, குறைவாகவே கட்டணம் உயர்த்தப்பட்டுள்ளது. புதிய பஸ் கட்டணம், தனியார் பஸ்களுக்கும் பொருந்தும். 

பக்கம் 3 / 1832
Top
We use cookies to improve our website. By continuing to use this website, you are giving consent to cookies being used. More details…