JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

தென்ஆப்பிரிக்கா - பாகிஸ்தான் இடையில் மூன்று போட்டிகள் கொண்ட டெஸ்ட் தொடர் நடைபெற்று வந்தது. செஞ்சூரியனில் நடைபெற்ற முதல் டெஸ்டில் தென்ஆப்பிரிக்கா 6 விக்கெட் வித்தியாசத்தில் வெற்றி பெற்றது. கேப் டவுனில் நடைபெற்ற 2-வது டெஸ்டில் 9 விக்கெட் வித்தியாசத்தில் வெற்றி பெற்று தொடரை 2-0 எனக் கைப்பற்றியது.

இந்நிலையில் 3-வது மற்றும் கடைசி டெஸ்ட் ஜோகன்னஸ்பர்க்கில் கடந்த 11-ந்தேதி தொடங்கியது. தென்ஆப்பிரிக்கா முதல் இன்னிங்சில் 262 ரன்களும், பாகிஸ்தான் முதல் இன்னிங்சில் 185 ரன்களும் சேர்த்தன. தென்ஆப்பிரிக்கா 2-வது இன்னிங்சில் 303 ரன்கள் குவித்தது.

இதனால் பாகிஸ்தான் வெற்றிக்கு 381 ரன்கள் வெற்றி இலக்காக நிர்ணயித்தது தென்ஆப்பிரிக்கா. 381 ரன்கள் அடித்தால் வெற்றி என்ற கடின இலக்குடன் பாகிஸ்தான் களம் இறங்கியது. நேற்றைய 3-வது நாள் ஆட்ட முடிவில் பாகிஸ்தான் 3 விக்கெட் இழப்பிற்கு 153 ரன்கள் எடுத்திருந்தது.

ஆசாத் ஷபிக் 48 ரன்னுடனும், பாபர் ஆசம் 17 ரன்னுடனும் களத்தில் இருந்தனர். இன்று 4-வது நாள் ஆட்டம் தொடங்கியது. ஆட்டம் தொடங்கியதும் ஆசாத் ஷபிக் அரைசதம் அடித்தார். மறுமுனையில் பாபர் ஆசம் 21 ரன்கள் எடுத்த நிலையில் ஆட்டமிழந்தார். அடுத்த பந்தில் சர்பிராஸ் அகமது ரன்ஏதும் எடுக்காமல் முதல் பந்திலே ஆட்டமிழந்தார். அரைசதம் அடித்த ஆசாத் ஷபிக் 65 ரன்னில் ஆட்டமிழந்தார்.

ஷபிக் ஆட்டமிழந்ததும் பாகிஸ்தான் தோல்வி உறுதியானது. பஹீம் அஷ்ரப் 15 ரன்னிலும், முகமது அமிர் 4 ரன்னிலும், ஹசன் அலி 22 ரன்னிலும், முகமது அப்பாஸ் 9 ரன்னிலும் ஆட்டமிழக்க பாகிஸ்தான் 273 ரன்னில் ஆல்அவுட் ஆனது. இதனால் தென்ஆப்பிரிக்கா 107 ரன்கள் வித்தியாசத்தில் வெற்றி பெற்றது. சதாப் கான் 47 ரன்கள் எடுத்து ஆட்டமிழக்காமல் இருந்தார்.

தென்ஆப்பிரிக்கா அணி சார்பில் ஆலிவியர், ரபாடா தலா 3 விக்கெட்டுக்களும், ஸ்டெயின் இரண்டு விக்கெட்டுக்களும் வீழ்த்தினார். ஏற்கனவே முதல் இரண்டு போட்டிகளில் தென்ஆப்பிரிக்கா வெற்றி பெற்றிருந்ததால் பாகிஸ்தானை 3-0 என ஒயிட் வாஷ் செய்தது.

கேரள மாநிலம், பத்தினம்திட்டா மாவட்டத்தில் உள்ள சபரிமலை அய்யப்பன் கோவிலில் மகரவிளக்கு பூஜைக்காக கடந்த மாதம் 30-ந்தேதி கோவில் நடை திறக்கப்பட்டது. நாள்தோறும் அய்யப்பனுக்கு நெய் அபிஷேகம் மற்றும் சிறப்பு வழிபாடுகள் நடைபெற்றன.
 
விழாவின் முத்தாய்ப்பு நிகழ்ச்சியான மகரவிளக்கு பூஜை மற்றும் மகரஜோதி தரிசனம் இன்று (திங்கட்கிழமை) மாலை நடந்தது. 
 
மகரவிளக்கு பூஜையையொட்டி சாமி ஐய்யப்பனுக்கு அணிவிக்கப்படும் திருவாபரணங்கள் மாலை 6.20 மணிக்கு சன்னிதானத்திற்கு வந்து சேர்ந்தது. அவற்றை தந்திரி ராஜீவரு மற்றும் மேல்சாந்தி வாசுதேவன் நம்பூதிரி ஆகியோர் பெற்று கொண்டனர்.
 
அந்த திருவாபரணங்களை சாமிக்கு அணிவித்து சிறப்பு தீபாராதனை நடத்தினர். இதைதொடர்ந்து, இன்று மாலை 6.35 மணி அளவில் பொன்னம்பல மேட்டில் சாமி ஐய்யப்பன் ஜோதி வடிவில் 3 முறை காட்சி கொடுக்கும் மகரஜோதி தரிசன வைபவம் நடைபெற்றது.
 
இந்த மகரஜோதியை பல்லாயிரக்கணக்கான பக்தர்கள் ‘சாமியே சரணம் ஐயப்பா’ என்ற சரண கோஷத்துடன் தரிசித்து பரவசம் அடைந்தனர்.

கர்நாடகாவில் பா.ஜ. எம்.எல்.ஏ.க்களை இழுக்க குதிரை பேரம் நடப்பதாக ஆளும் மதச்சார்பற்ற ஜனதா தளம் கட்சியின் முதல்வர் குமாரசாமி மீது புகார் எழுந்துள்ளது.

கர்நாடகாவில் காங்,- மதச்சார்பற்ற ஜனதா தள கூட்டணி ஆட்சி நடக்கிறது. முதல்வராக குமாரசாமி உள்ளார். மொத்தமுள்ள 224 இடங்களில் இக்கூட்டணிக்கு 118 எம்.எல்.ஏ.க்கள் உள்ளனர். பிரதான எதிர்கட்சியான பா.ஜ.வுக்கு 104 எம்.எல்.ஏ.க்கள் உள்ளனர். 

இந்நிலையில் பா.ஜ. எம்.எல்.ஏ.க்களை இழுக்க முதல்வர் குமாரசாமி குதிரை பேரம் நடத்துவதாக பா.ஜ. தலைவர் எடியூரப்பா குற்றம் சாட்டினார். இதையடுத்து பா.ஜ. எம்.எல்.ஏ.க்கள் 104 பேரும் அரியானாவின் கூர்கானுக்கு கடத்திச் செல்லப்பட்டதாகவும், அதே நேரம் காங்.கட்சி எம்.எல்.ஏ.க்கள் 5 பேர் திடீரென காணாமல் போய்விட்டதால் காங். எம்.எல்.ஏ.க்களை இழுக்க பா.ஜ. குதிரை பேரம் நடத்துவதாகவும் செய்திகள் வெளியாகியுள்ளன.இதனால் கர்நாடகா அரசியலில் திடீர் திருப்பமும் பரபரப்பும் ஏற்பட்டுள்ளது.

தேச விரோத கோஷம் எழுப்பியதாக தொடரப்பட்ட தேச துரோக வழக்கில் மாணவர் சங்க தலைவர் கன்னயைாகுமார் உள்பட 10 பேர் மீது குற்றப்பத்திரிகை தாக்கல் செய்யப்பட்டது.

2001-ம் ஆண்டு பார்லி. தாக்குதல் குற்றவாளி அப்சல் குரு தூக்கு தண்டனை நினைவு நாளையொட்டி, கடந்த 2016-ம் ஆண்டு ஜே.என்.யு. எனப்படும் டில்லி ஜவஹர்லால் நேரு பல்கலை. மாணவர் தலைவர் கன்னையாகுமார் தலைமையில் மாணவர்கள், தேச விரோத கோஷம் எழுப்பியதாக புகார் கூறப்பட்டது. 

இந்த வழக்கில் மாணவர் தலைவன் கன்னையா குமார், உமர் காலித், அனீர்பான் பட்டாச்சார்யா. அப்ராஜீிதா உள்ளிட்ட 10 பேர் மீது டில்லி போலீசார் தேச துரோக வழக்குப்பதிவு செய்து, கன்னையாகுமார் உள்பட சில மாணவர்களை திகார் சிறையில் அடைத்தனர். இவர்களுக்கு டில்லி ஐகோர்ட் ஜாமின் வழங்கியதையடுத்து வெளியே வந்தனர். டில்லி பாட்டியாலா கோர்ட்டில் நடந்துவரும் இந்த வழக்கில் நேற்று 1200 பக்க குற்றப்பத்திரிகை தாக்கல் செய்யப்பட்டது.

''கோடநாடு விவகாரத்தில், தன்னால் என்ன நடவடிக்கை எடுக்க முடியுமோ, அதை எடுப்பதாக, கவர்னர் உறுதி அளித்தார்,'' என, ஸ்டாலின் கூறினார். சென்னை, கிண்டி, ராஜ்பவனில், கவர்னர் பன்வாரிலால் புரோஹித்தை, நேற்று மாலையில், தி.மு.க., தலைவர் ஸ்டாலின், மகளிர் அணி செயலர், கனிமொழி, முதன்மை செயலர், டி.ஆர்.பாலு, கொள்கை பரப்பு செயலர், ஆ.ராஜா, அமைப்பு செயலர், ஆர்.எஸ்.பாரதி, ராஜ்யசபா எம்.பி., இளங்கோவன் ஆகியோர் சந்தித்து, மனு அளித்தனர்.

பின்,ஸ்டாலின் அளித்த பேட்டி: கோடநாடு கொலை விவகாரம் தொடர்பாக, நேர்மையான, ஐ.ஜி., தலைமையில், சிறப்பு புலனாய்வு குழு அமைத்து, பாரபட்சமற்ற, சுதந்திரமான விசாரணை நடத்த வேண்டும். அதற்கு முன், முதல்வர் பதவியிலிருந்து, பழனிசாமி விலக வேண்டும். இந்த விவகாரம் குறித்து, ஜனாதிபதிக்கு தெரிவிக்க வேண்டும். கோடநாடு எஸ்டேட், தனியார் இடமில்லை; முதல்வர் அலுவலகமாக செயல்பட்டுள்ளது.

அரசு சம்பந்தப்பட்ட கோப்புகள், ஆவணங்கள், அங்கு இருந்துள்ளன. ,  நாங்கள் தெரிவித்த விஷயங்களை, கவர்னர் கூர்ந்து கேட்டார். அவரிடம் வழங்கிய மனுவை, முழுவதுமாக படித்தார். 'என்னால்என்ன நடவடிக்கை எடுக்க முடியுமோ, அந்த நடவடிக்கையை எடுப்பேன்' என, உறுதி அளித்தார். அவர் நடவடிக்கை எடுக்கவில்லை என்றால், தி.மு.க., - எம்.பி.,க்கள், ஜனாதிபதியை சந்தித்து, சட்டப்பூர்வ நடவடிக்கை எடுக்க வலியுறுத்துவர். கோடநாடு வீடியோ விவகாரத்தில், எந்த அரசியல் பின்புலமும் இல்லை. இவ்வாறு, அவர் கூறினார்.

பக்கம் 5 / 2332
Top
We use cookies to improve our website. By continuing to use this website, you are giving consent to cookies being used. More details…