JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

வேலை தேடி வளைகுடா நாடுகளுக்கு செல்லும் இந்தியர்களின் எண்ணிக்கை 21 சதவீதம் குறைந்துள்ளதாக குடியுரிமை அனுமதி கழகம் வெளியிட்டுள்ள புள்ளி விபரத்தில் குறிப்பிடப்பட்டுள்ளது.

புள்ளி விபர அடிப்படையில், 2014 ம் ஆண்டு வளைகுடா நாடுகளுக்கு வேலை தேடிச் செல்லும் இந்தியர்கிளின் எண்ணிக்கை 7.76 லட்சமாக இருந்தது. இது 2018 ம் ஆண்டு நவம்பர் 30 ல் 2.95 லட்சமாக குறைந்துள்ளது. 2017 ம் ஆண்டுடன் ஒப்பிடுகையில் 2018 ல் வளைகுடா நாடுகளுக்கு வேலை தேடி செல்லும் இந்தியர்களின் எண்ணிக்கை 21 சதவீதம் குறைந்துள்ளது. கடந்த 5 ஆண்டுகளில் வளைகுடா நாடுகளுக்கு வேலைக்காக செல்லும் இந்தியர்களின் எண்ணிக்கை 62 சதவீதத்திற்கும் மேல் குறைந்துள்ளது.

ஐக்கிய அரபு அமீரகத்திற்கு செல்லும் இந்தியர்களின் எண்ணிக்கை 53.7 சதவீதமும், அரேபியா செல்வோர் 80.13 சதவீதமும், குவைத் செல்வோர் 35.05 சதவீதமும், கத்தார் செல்வோர் 57.24 சதவீதமும், ஓமன் செல்வோர் 37.03 சதவீதமும், பஹ்ரைன் செல்வோர் 40 சதவீதமும் குறைந்துள்ளதாக கூறப்படுகிறது. 

இது தொடர்பாக லோக்சபாவில் வெளியுறவுத்துறை அமைச்சகம் அளித்துள்ள பதிலில், கடந்த டிசம்பர் மாதத்தில் பல காரணங்களால் வளைகுடா நாடுகளுக்கு செல்லும் இந்தியர்களின் எண்ணிக்கை வெகுவாக குறைந்துள்ளது. எண்ணெய் விலையில் ஏற்பட்ட சரிவின் காரணமாக உண்டான பொருளாதார சரிவின் காரணமாக வளைகுடா நாடுகள் ஒப்பந்த காலத்தை குறைத்து தீர்மானம் நிறைவேற்றியது. வளைகுடா நாடுகள் பெரும்பாலான அரசு மற்றும் பொதுத்துறை பதவிகளை தங்கள் நாட்டினரை கொண்டு நிரப்ப இலக்கு நிர்ணயித்திருப்பது ஆகியன முக்கிய காரணங்களாகும்.

நீலகிரி மாவட்டம், குன்னுார் பகுதியில், தொடர் பனிப்பொழிவால் கடுங்குளிர் நிலவுகிறது. 
குன்னுாரில் வழக்கத்துக்கு மாறாக, இந்தாண்டு பனிப்பொழிவு அதிகளவில் காணப்படுகிறது. இதன் ஒரு பகுதியாக, வெலிங்டன் ஜிம்கானா மைதானத்தில், அதிகாலை நேரத்தில் பனியின் தாக்கம் அதிகரித்து, புல்வெளி காஷ்மீர் போன்று காட்சியளிக்கிறது. ராணுவ பயிற்சி கல்லுாரியில், கால்ப் விளையாட முடியாத நிலை ஏற்பட்டுள்ளது. கடும் பனி காரணமாக, புல்வெளிகள், மலர் செடிகள் கருகும் நிலை ஏற்kட்டுள்ளது. காலை மற்றும் இரவு நேரங்களில் கடுங்குளிர் காணப்படுகிறது. பகல் நேரங்களில் வெயில் இருந்தாலும், இதமான காலநிலை உள்ளது.

புதுக்கோட்டை மாவட்டம் ஜெகதாப்பட்டினத்திலிருந்து மீன்பிடிக்கச் சென்ற மீனவர்கள் 11 பேர் இலங்கைகடற்படையினரால் கைது செய்யப்பட்டனர். நெடுந்தீவுக்கு வடகிழக்கே லைட்ஹவுஸ் பகுதியில் ரோந்து பணியில் ஈடுபட்டிருந்த இலங்கை கடற்படையினர் அவர்களை எல்லைதாண்டி மீன்பிடித்ததாக கைது செய்து அவர்களிடமிருந்து 2 படகுகளையும் பறிமுதல் செய்துள்ளனர். கைது செய்யப்பட்ட மீனவர்களை காரை நகர் கடற்கரை முகாமில் வைத்து விசாரணை செய்து வருகின்றனர்.

காவிரியின் குறுக்கே மேகதாது என்ற இடத்தில் அணை கட்டுவதற்கான முயற்சியில் கர்நாடக அரசு ஈடுபட்டுள்ளது. தமிழகத்தின் கடும் எதிர்ப்பையும் மீறி, அணை கட்டுவதற்கான வரைவு அறிக்கைக்கு மத்திய நீர்வள ஆணையம் ஒப்புதல் அளித்தது. அத்துடன் விரிவான திட்ட அறிக்கை தயாரிக்கவும் அனுமதி அளித்தது. 

இதற்கு தடை விதிக்கக் கோரி தமிழக அரசு சார்பில் உச்ச நீதிமன்றத்தில் மனு தாக்கல் செய்யப்பட்டுள்ளது. மேலும் நீதிமன்ற உத்தரவை மீறி அணை கட்ட முயற்சிக்கும் கர்நாடக அரசுக்கு எதிராக நீதிமன்ற அவமதிப்பு வழக்கும் தொடரப்பட்டது. காவிரி மேலாண்மை ஆணையத்திற்கு நிரந்தர தலைவரை நியமிக்கக் கோரியும் வழக்கு தொடரப்பட்டுள்ளது.

இந்நிலையில்,  தமிழக அரசு தொடர்ந்த நீதிமன்ற அவமதிப்பு வழக்கில், மத்திய அரசு சார்பில் இன்று பதில் மனு தாக்கல் செய்யப்பட்டுள்ளது. அதில், மேகதாதுவில் கர்நாடகா அணை கட்ட அனுமதி அளிக்கப்படவில்லை என்று கூறப்பட்டுள்ளது.  இந்த விஷயத்தில் சம்பந்தப்பட்ட மாநிலங்களுடன் ஆலோசித்த பிறகே இறுதி முடிவு எடுக்கப்படும் என்றும் மத்திய அரசு கூறியுள்ளது.

இந்திய கிரிக்கெட் அணி கேப்டன் விராட் கோலி தலைமையில் ஆஸ்திரேலியாவில் சுற்றுப்பயணம் மேற்கொண்டு விளையாடி வருகிறது.  இவ்விரு அணிகள் இடையே நடந்த 20 ஓவர் போட்டி தொடர் 1-1 என்ற கணக்கில் சமனில் முடிந்தது. அதை தொடர்ந்து நடந்த டெஸ்ட் தொடரை இந்திய அணி 2-1 என்ற கணக்கில் சொந்தமாக்கி புதிய வரலாறு படைத்தது.

இந்த நிலையில், இன்று ஆஸ்திரேலியாவுக்கு எதிரான முதல் ஒரு நாள் போட்டி நடந்தது.  இதில் டாஸ் வென்ற ஆஸ்திரேலிய அணியின் கேப்டன் ஆரோன் பிஞ்ச் முதலில் பேட்டிங்கை தேர்வு செய்தார். இதன்படி இந்திய அணி முதலில் பந்து வீசியது.
 
அந்த அணியின் கேப்டன் ஆரோன் பின்ச் (6) புவனேஷ்குமார் பந்தில் கிளீன் போல்டு ஆனார். ஆஸ்திரேலிய அணி சீரான இடைவெளியில் விக்கெட்டுகளை இழந்த போதிலும், கணிசமாக ரன்களையும் சேர்க்கத்தவறவில்லை. அந்த அணியில் கேரி (24), உஸ்மான் கவாஜா (59), ஷான் மார்ஷ் (54), ஹேண்ட்ஸ்கோம்ப் (73) என பொறுப்பான முறையில் ரன்களை சேர்த்து ஆட்டமிழந்தனர்.  மார்கஸ் ஸ்டாயின்ஸ் (47) மற்றும் மேக்ஸ்வெல் (11) ரன்கள் எடுத்து ஆட்டமிழக்காமல் உள்ளனர்.
 
ஆஸ்திரேலிய அணி நிர்ணயிக்கப்பட்ட 50 ஓவர்கள் முடிவில் 5 விக்கெட் இழப்புக்கு 288 ரன்களை சேர்த்தது. இதன் மூலம் இந்திய அணிக்கு 289 ரன்கள் வெற்றி இலக்காக நிர்ணயிக்கப்பட்டது.
 
இதனை தொடர்ந்து இந்திய அணி விளையாடியது.  இதில் ஒரு புறம் தோனி (51) தவிர மற்றவர்கள் குறைந்த ரன்களில் ஆட்டமிழந்த நிலையில், தொடக்க ஆட்டக்காரராக விளையாடிய ரோகித் சர்மா நிலைத்து நின்று ஆடினார்.  அவர் சதம் அடித்து அசத்தினார்.  ரோகித் 133 ரன்கள் (129 பந்துகள், 10 பவுண்டரிகள், 6 சிக்சர்கள்) எடுத்த நிலையில் கேட்ச் கொடுத்து ஆட்டமிழந்து உள்ளார்.

ஷிகர் தவான் (0), கோலி (3), ராயுடு (0), கார்த்திக் (12), ஜடேஜா (8), குல்தீப் யாதவ் (3) ரன்களில் ஆட்டமிழந்தனர்.  முகமது ஷமி (1) கடைசி பந்தில் கேட்ச் கொடுத்து வெளியேறினார்.  புவனேஷ்குமார் (29) ரன்கள் எடுத்து ஆட்டமிழக்கவில்லை.  அகமது இன்னும் விளையாடவில்லை.  இந்த நிலையில் 50 ஓவர்கள் முடிவில் இந்திய அணி 9 விக்கெட்டுகள் இழப்பிற்கு 254 ரன்கள் எடுத்தது.  இதனால் ஆஸ்திரேலிய அணி 34 ரன்கள் வித்தியாசத்தில் இந்தியாவை வீழ்த்தி வெற்றி பெற்றுள்ளது.
 
 ஆட்ட நாயகனாக பந்து வீச்சாளர் ரிச்சர்ட்சன் தேர்ந்தெடுக்கப்பட்டார் 
பக்கம் 7 / 2332
Top
We use cookies to improve our website. By continuing to use this website, you are giving consent to cookies being used. More details…