JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

பாக்.கின் இரண்டு செயற்கோள்களை சீனா விண்ணில் வெற்றிகரமாக செலுத்தியது. சீனா முதன்முறையாக சர்வதேச செயற்கை கோளினை விண்ணில் செலுத்து துவங்கியுள்ளது.

அதன்படி பாகிஸ்தானுக்காக பிரஸ்-1 மற்றும் பாக்டெஸ்-1ஏ ஏவுகணைகளை சுமந்து சென்று விண்ணில் செலுத்தியது.இந்த இரு செயற்கைக் கோள்களில், பிரஸ்-1 என்பது பாகிஸ்தானுக்காக சீனா வடிவமைத்த முதல் ஆப்டிகல்' வகை தொலை உணர்வு செயற்கைக்கோள் ஆகும்.பாக்டெஸ்-1ஏ ஏவுகணை, பாகிஸ்தானிலேயே உருவாக்கப்பட்டுள்ளது.

இந்த 2 செயற்கைக்கோள்களும் சீனாவில் அமைந்துள்ள ஜிவ்குவான் ஏவுகளத்திலிருந்து உள்ளூர் நேரப்படி மதியம் 11.56 மணிக்கு சீறிப்பாய்ந்த அந்த ராக்கெட், விண்ணில் வெற்றிகரமாக செலுத்தப்பட்டு, நல்ல முறையில் செயல்பட்டு வருவதாக தகவல் வெளியாகியுள்ளது.

21-வது உலக கோப்பை கால்பந்து போட்டி ரஷியாவில் நடைபெற்று வருகிறது. இந்தப் போட்டி தற்போது இறுதி கட்டத்தை எட்டியுள்ளது.

1966-ம் ஆண்டு சாம்பியனான இங்கிலாந்து, 1998-ம் ஆண்டு உலக கோப்பையை வென்ற பிரான்ஸ், கோப்பையை வெல்லாத பெல்ஜியம், குரோஷியா ஆகிய 4 அணிகள் அரை இறுதிக்கு தகுதி பெற்றுள்ளன.

முதல் அரை இறுதி ஆட்டம் நாளை (10-ந்தேதி) நடக்கிறது. இந்திய நேரப்படி இரவு 11.30 மணிக்கு போட்டி தொடங்குகிறது. இதில் பிரான்ஸ்-பெல்ஜியம் அணிகள் மோதுகின்றன. 

இரு அணிகளும் சமபலம் பொருந்தியவை என்பதால் இந்த ஆட்டம் மிகவும் விறுவிறுப்பாக இருக்கும் என்று எதிர்பார்க்கப்படுகிறது.

பிரான்ஸ் அணி 3-வது முறையாக இறுதிப் போட்டிக்குள் நுழையும் ஆர்வத்தில் உள்ளது. அந்த அணி 1998, 2006 ஆகிய ஆண்டுகளில் தகுதி பெற்று இருந்தது.

பெல்ஜியம் அணி முதல் முறையாக இறுதிப் போட்டிக்குள் நுழையும் வேட்கையில் உள்ளது. 1986-ம் ஆண்டு உலக கோப்பையில் 4-வது இடத்தை பிடித்ததே அந்த அணியின் சிறந்த நிலையாக இருக்கிறது. அந்த உலக கோப்பையில் அரை இறுதியில் அர்ஜென்டினாவிடம் 0-2 என்ற கணக்கில் தோற்று இருந்தது.

உலக தர வரிசையில் 7-வது இடத்தில் பிரான்ஸ் அணி முன்களம், நடுகளம், பின்களம் ஆகியவற்றில் சமபலத்துடன் இருக்கிறது. எம்பாப்வே, கிரீஸ்மேன், போக்பா, ஆலிவர் கிரவுட் போன்ற முன்னணி வீரர்கள் அந்த அணியின் முதுகெலும்பாக உள்ளனர்.

அர்ஜென்டினாவுக்கு எதிரான 2-வது சுற்று ஆட்டத்தில் 19 வயதான எம்பாப்வே சிறப்பாக ஆடி 2 கோல்களை பதிவு செய்தார். பெல்ஜியத்தின் பின்கள பலவீனத்தை பயன்படுத்தி அவர் தாக்குதல் ஆட்டத்தில் ஈடுபடலாம் என்ற எதிர்பார்ப்பு இருக்கிறது. இதே போல கிரீஸ்மேன் கால் இறுதியில் ஒரு கோல் அடித்து அணிக்கு உதவியாக இருந்தார். இருவரும் இந்த தொடரில் 3 கோல்களை அடித்துள்ளனர்.

போக்பா, நிக்கோலா காண்டே ஆகியோர் நடுகளத்தில் சிறப்பாக விளையாட கூடியவர்கள். தோல்வி எதையும் சந்திக்காத அந்த அணி ஒரே ஒரு ஆட்டத்தில் மட்டும் டிரா செய்தது.

பெல்ஜியம் தான் ஆடிய 5 ஆட்டத்திலும் வெற்றி பெற்றது. அந்த அணி முன் களத்தில் மிகவும் வலுவாக இருக்கிறது. பதிலடியான தாக்குதல் ஆட்டத்தில் அந்த அணி வீரர்கள் சிறந்து விளங்குகிறார்கள்.

கேப்டன் ஈடன் ஹசாட், லுகாகு, டிபுருயன் ஆகியோரது கூட்டணி முன்களத்தில் பலம் பெற்று திகழ்கிறது. இதில் லுகாகு 4 கோல்கள் அடித்து உள்ளார். பிரேசிலுக்கு எதிராக அவர் கோல் அடிக்க உதவியாக இருந்தார். புருயன் பிரேசிலுக்கு எதிராக அபாரமான ஆட்டத்தை வெளிப்படுத்தினார். ஹசாட் அனைவரையும் ஒருங்கிணைத்து கொண்டு செல்வதில் திறமை பெற்றவராக இருக்கிறார். 

இது தவிர பெலானி, விஸ்டல், கோம்பேனி, நாசெர் சாதிலி போன்ற சிறந்த வீரர்களும் உள்ளனர். அந்த அணியின் சிறந்த பின்கள வீரரான தாமஸ் மினுயர் கிரானி 2 முறை மஞ்சள் அட்டை பெற்றதால் நாளைய முக்கியமான ஆட்டத்தில் விளையாட இயலாது. பெல்ஜியம் அணியின் பலவீனமே பின்களம்தான். அதை சரி செய்வது அவசியம். ஜப்பானுக்கு எதிரான ஆட்டத்தில் இதை காண முடிந்தது.

இரு அணிகளும் நாளை மோத இருப்பது 74-வது போட்டியாகும். இதுவரை நடந்த 73 ஆட்டத்தில் பிரான்ஸ் 24-ல், பெல்ஜியம் 30-ல் வெற்றி பெற்றுள்ளன. 19 போட்டி ‘டிரா’ ஆனது.

உலக கோப்பையில் இரு அணிகளும் 32 ஆண்டுகளுக்கு பிறகு மோத இருக்கின்றன. ஏற்கனவே 2 முறை மோதி உள்ளன. இந்த இரண்டிலும் பிரான்சே வெற்றி பெற்றது. 1938-ம் ஆண்டு லீக் ஆட்டத்தில் 3-1 என்ற கோல் கணக்கிலும், 1986-ல் 3-வது இடத்துக்கான போட்டியில் 4-2 என்ற கோல் கணக்கிலும் வென்று இருந்தது.

இரு அணிகளும் கடைசியாக 2015-ம் ஆண்டு காட்சி போட்டியில் மோதின. இதில் பெல்ஜியம் 4-3 என்ற கோல் கணக்கில் வென்றது.

பிரான்ஸ், பெல்ஜியம் அணிகள் இறுதிப் போட்டியில் நுழைய கடுமையாக போராடுவார்கள் என்பதால் அரை இறுதி ஆட்டத்தில் விறுவிறுப்புக்கு பஞ்சம் இருக்காது.

திருவனந்தபுரம், பத்மநாப சுவாமி கோவிலின் விலை மதிப்பில்லாத நகைகளை, மக்கள் பார்வைக்காக, அருங்காட்சியகத்தில் வைக்க, திருவிதாங்கூர் அரச குடும்பத்தினர் மறுப்பு தெரிவித்தனர்.

கேரளாவில், முதல்வர் பினராயி விஜயன் தலைமையில், இடது ஜனநாயக முன்னணி ஆட்சி நடக்கிறது.திருவனந்தபுரத்தில், நுாற்றாண்டு பழமை வாய்ந்த, பத்மநாப சுவாமி கோவில் உள்ளது. திருவிதாங்கூர் சமஸ்தானத்துக்கு சொந்தமான இந்த கோவிலை, அரச குடும்பத்தினர் பராமரித்து வந்தனர்.

இந்த கோவிலில் உள்ள, ஆறு ரகசிய அறைகளில், ஐந்து அறைகளை திறக்கும்படி, 2011ல், உச்ச நீதிமன்றம் உத்தரவிட்டது.அந்த அறைகளில், குவியல் குவியலாக தங்க, வைர நகைகள், வெள்ளிப் பாத்திரங்கள், வைர கற்கள் பதித்த கிரீடங்கள் உட்பட, விலைமதிப்பற்ற ஏராளமான ஆபரணங்கள் இருந்தன.

அவை அனைத்தும், மீண்டும், அந்த அறைகளிலேயே பாதுகாப்பாக வைக்கப்பட்டன. இதையடுத்து, கோவிலுக்கு பலத்த பாதுகாப்பு போடப்பட்டது.இந்நிலையில், கோவிலின் அருகே, அருங்காட்சியகம் அமைத்து, நகைகளை மக்கள் பார்வைக்கு வைக்க, மத்திய, மாநில அரசுகள் திட்டமிட்டன. இதற்காக, திருவிதாங்கூர் அரச குடும்பத்தினரிடம் கருத்து கேட்கப்பட்டது.

ஆனால், அரச குடும்பத்தினர் மறுப்பு தெரிவித்தனர்.இது குறித்து, திருவிதாங்கூர் அரச குடும்பத்தை சேர்ந்த, ஆதித்ய வர்மா, செய்தியாளர்களிடம் கூறியதாவது:கோவில் நிர்வாகம் மற்றும் அதன் சொத்துகள் குறித்த வழக்கு, உச்ச நீதிமன்றத்தில் நிலுவையில் உள்ளது. மேலும், கடவுளின் ஆபரணங்களை வர்த்தகமயமாக்குவதில், எங்கள் குடும்பத்தினருக்கு விருப்பமில்லை.பக்தர்களும் அதை விரும்ப மாட்டார்கள்.

பத்மநாப சுவாமிக்கு சொந்தமான நகைகளை, கோவிலை விட்டு வெளியே எடுத்துவரக்கூடாது. வேண்டுமானால், சில குறிப்பிட்ட நகைகளின், முப்பரிமாண புகைப்படத்தை, அருங்காட்சியகத்தில் வைத்துக் கொள்ளட்டும்.இவ்வாறு அவர் கூறினார்.

சர்கார்' படத்தின் போஸ்டரில் நடிகர் விஜய் புகை பிடிப்பதைப் போல் விளம்பரப்படுத்தியுள்ள காட்சியை எதிர்த்து தொடரப்பட்ட வழக்கில் நடிகர் விஜய், இயக்குநர் முருகதாஸ் உள்ளிட்டோர் பதிலளிக்க நோட்டீஸ் பிறப்பித்து உயர் நீதிமன்றம் உத்தரவிட்டுள்ளது.
சென்னை உயர் நீதிமன்றத்தில் சிரில் அலெக்ஸாண்டர் தாக்கல் செய்த மனுவில், இந்தியாவில் கோடிக்கணக்கானோர் அடிமைப்பட்டுள்ள புகைப் பழக்கத்தால் ஆண்டுக்கு சுமார் ஒரு லட்சம் பேர் இறக்கின்றனர்.

புகையிலை, சிகரெட் உள்ளிட்ட புகையிலைப் பொருள்களை விளம்பரப்படுத்த கடந்த 2011- ஆம் ஆண்டு தடை விதித்து மத்திய அரசு உத்தரவிட்டது.

மேலும், திரைப்படங்கள் மற்றும் தொலைக்காட்சித் தொடர்களில் இடம்பெறக் கூடிய புகை பிடிக்கும் காட்சிகளுக்குக் கடுமையான கட்டுப்பாடுகள் விதிக்கப்பட்டன. இந்த நிலையில், நடிகர் விஜய் நடிக்கும் புதிய படமான சர்கார்' படத்தின் போஸ்டர் விளம்பரம் நாளிதழ்களில் வெளியானது. 

அதில் நடிகர் விஜய் புகை பிடிப்பது போன்ற காட்சி இடம்பெற்றுள்ளது. தமிழ்நாடு விளம்பரப் பொருள் கட்டாய தணிக்கைச் சட்டத்தின் கீழ் இந்த விளம்பர போஸ்டருக்கு தணிக்கைச் சான்றிதழ் பெறவில்லை.

புகையிலை மற்றும் சிகரெட் உள்ளிட்ட பொருள்கள் விளம்பர தடைச் சட்டத்தின்படி மாநில அளவிலான கண்காணிப்புக் குழு அமைக்கப்பட்டுள்ளது. இது போன்ற சர்ச்சைக்குரிய விளம்பரங்கள் மீது நடவடிக்கை எடுக்க இந்த குழுவுக்கு அதிகாரம் உள்ளது. எனவே, நடிகர் விஜய், இயக்குநர் ஏ.ஆர்.முருகதாஸ் மற்றும் படத் தயாரிப்பு நிறுவனம் மீது மாநில கண்காணிப்புக் குழு, பொது சுகாதாரத் துறை நடவடிக்கை எடுக்க உத்தரவிட வேண்டும். புகையிலைப் பொருள்களை விளம்பரம் செய்வதை தடுக்கும் சட்டத்தை தீவிரமாக தமிழக அரசு அமல்படுத்த உத்தரவிட வேண்டும்.

மேலும், புற்று நோயாளிகள் நலனுக்காக பொது நிதியம் உருவாக்கி, நடிகர் விஜய், இயக்குநர் முருகதாஸ் மற்றும் படத்தயாரிப்பு நிறுவனத்திடம் ரூ.10 கோடி இழப்பீடு வசூலித்து, ராயப்பேட்டையில் உள்ள அரசு மருத்துவமனையின் நலனுக்குப் பயன்படுத்த உத்தரவிட வேண்டும் எனக் கோரியிருந்தார்.

இந்த மனு, தலைமை நீதிபதி இந்திரா பானர்ஜி மற்றும் நீதிபதி பி.டி.ஆஷா ஆகியோர் அடங்கிய அமர்வு முன் விசாரணைக்கு வந்தது. வழக்கை விசாரித்த நீதிபதிகள், இந்த மனுவுக்கு மத்திய, மாநில அரசுகள், நடிகர் விஜய், இயக்குநர் ஏ.ஆர்.முருகதாஸ் உள்ளிட்டோர் இரண்டு வார காலத்துக்குள் பதிலளிக்க நோட்டீஸ் பிறப்பித்து உத்தரவிட்டு விசாரணையை ஒத்திவைத்தார்.

திருநெல்வேலி மாவட்டம், குற்றாலம் பேரருவியில் திங்கள்கிழமை இரவு ஏற்பட்ட வெள்ளப்பெருக்கின் காரணமாக சுற்றுலாப் பயணிகள் குளிக்க போலீஸார் தடை விதித்தனர்.

குற்றாலம் மலைப் பகுதியில் ஞாயிற்றுக்கிழமை இரவு பெய்த தொடர்மழையின் காரணமாக ஏற்பட்ட வெள்ளப்பெருக்கைத் தொடர்ந்து, பேரருவியில் குளிக்கத் தடைவிதிக்கப்பட்டது. திங்கள்கிழமை காலையில் வெள்ளம் சற்று குறைந்ததையடுத்து சுற்றுலாப் பயணிகள் குளிக்க அனுமதிக்கப்பட்டனர்.

ஆனால், மீண்டும் மாலை முதல் பெய்த தொடர் சாரல் மழை காரணமாக பேரருவியில் தண்ணீர்வரத்து அதிகரிக்கத் தொடங்கியது. இதையடுத்து, பேரருவியின் மையப் பகுதிக்குள் சென்று யாரும் குளிக்காதவண்ணம் ஆண்கள், பெண்கள் பகுதியில் தடுப்பு ஏற்படுத்தப்பட்டு ஓரமாக நின்று குளிக்க அனுமதிக்கப்பட்டனர். 

இரவில் தண்ணீர்வரத்து அதிகரிக்கத் தொடங்கியதையடுத்து பேரருவியில் பாதுகாப்பு வளைவின் மீது தண்ணீர் சீறிப்பாய்ந்தது. இதனால், பேரருவியில் குளிக்க போலீஸார் தடை விதித்தனர். ஐந்தருவி, பழைய குற்றாலம், சிற்றருவி, புலியருவி உள்ளிட்ட அனைத்து அருவிகளிலும் தண்ணீர் கொட்டுகிறது.

பக்கம் 8 / 2091
Top
We use cookies to improve our website. By continuing to use this website, you are giving consent to cookies being used. More details…