JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

தாஜ்மகாலில் உள்ள மசூதியில் ஆக்ராவில் குடியிருப்பவர்கள் அல்லாத ஏனைய மக்களும் வெள்ளிக்கிழமை தொழுகை நடத்த அனுமதி வழங்க வேண்டும் என மனு தாக்கல் செய்யப்பட்டது. மனுவை நீதிபதிகள் தள்ளுபடி செய்தனர்.

வழக்கை நீதிபதிகள் ஏ.கே.சிக்ரி , அசோக்பூஷண், ஆகியோரை கொண்ட பெஞ்ச் விசாரித்தது. தாஜ்மகால் ஏழு அதிசயங்களில் ஒன்றாகும். இங்கு நாடு முழுவதும் இருந்து பலரும் வந்து செல்கின்றனர். இதனால் தொழுகை நடத்துவது பெரும் இடையூறை ஏற்படுத்தும். 

தொழுகை நடத்த விரும்புபவர்கள் மற்ற மசூதிக்கு சென்று தொழுகை நடத்தலாமே என்றும் நீதிபதிகள் தெரிவித்தனர். கடந்த ஜனவரி மாதம் கூடுதல் நீதிபதி பிறப்பித்த உத்தரவு சரியே என்றும் கோர்ட் கூறியுள்ளது.

தாஜ்மகாலில் தொழுகை நடத்த, முஸ்லிம்களுக்கு அனுமதி வழங்க சுப்ரீம் கோர்ட் மறுத்து விட்டது. உலக அதிசயங்களில் ஒன்றான தாஜ்மகாலில் தொழுகை நடத்த அனுமதி கேட்டு வழக்கு தொடரப்பட்டது. 

தமிழக சட்டசபையில் ஊழல் ஒழிப்புக்கான லோக் அயுக்தா மசோதா இன்று தாக்கல் செய்யப்பட்டது. இந்த மசோதாவை அமைச்சர் ஜெயக்குமார் தாக்கல் செய்தார்.

2018 தமிழக லோக் அயுக்தா என்ற பெயரில் இந்த மசோதா தாக்கல் செய்யப்பட்டுள்ளது. உயர் அதிகாரிகளுக்கு எதிரான ஊழல் குற்றச்சாட்டுக்களை விசாரிக்க இந்த சட்ட மசோதா வழிவகை செய்யும்.

இந்த மசோதாவுக்கு எந்த கட்சியும் எதிர்ப்பு தெரிவிக்கவில்லை. ஏற்கனவே 17 மாநிலங்களில் லோக் அயுக்தா சட்டம் அமலுக்கு வந்து விட்டது. 18 மாநிலமாக தமிழத்தில் அமலாக உள்ளது. இந்த மசோதா குறித்து விவாதம் நடத்தப்பட்டு, இன்றே நிறைவேற்றப்பட உள்ளது.

ஞாயிற்றுக்கிழமை, 08 ஜூலை 2018 00:00

அமித்ஷா இன்று சென்னை வருகை

நாடாளுமன்றத் தேர்தல் குறித்து ஆலோசனை நடத்துவதற்காக பாஜக தேசிய தலைவர் அமித்ஷா திங்கள்கிழமை சென்னை வருகிறார்.
2019 நாடாளுமன்றத் தேர்தலுக்கான ஆயத்தப் பணிகளை பாஜக தேசிய தலைவர் அமித்ஷா தொடங்கியுள்ளார். இதற்காக அவர் நாடு முழுவதும் சுற்றுப்பயணம் மேற்கொண்டு பா.ஜ.க. நிர்வாகிகளைச் சந்தித்து ஆலோசனை நடத்தி வருகிறார். 

ஐந்து வாக்குச்சாவடிகளுக்கு ஒரு பொறுப்பாளர் நியமிக்கப்பட்டுள்ளார். இவற்றை சக்தி கேந்திரம் மற்றும் மகா சக்தி கேந்திரங்களாகப் பிரித்துள்ளனர். 

தமிழகம் வரும் அவர், இந்த சக்தி கேந்திரம் மற்றும் மகா சக்தி கேந்திர பொறுப்பாளர்களையும் மாநிலத் தேர்தல் கமிட்டி உறுப்பினர்களையும் சந்தித்து நாடாளுமன்ற தேர்தல் குறித்து ஆலோசனை நடத்த உள்ளார். 

திங்கள்கிழமை காலை 11 மணிக்கு சென்னை விமான நிலையம் வரும் அமித்ஷா, கிழக்குக் கடற்கரை சாலையில் அமைந்துள்ள தங்க கடற்கரை அரங்கில் பகல் 12 மணியளவில் நடைபெறும் பாஜக தேர்தல் முன் தயாரிப்புக் கூட்டத்தில் பங்கேற்கிறார்.

உணவு இடைவேளைக்குப் பிறகு பிற்பகல் 3 மணியில் இருந்து 4 மணி வரை சங்க் பரிவார் கூட்டத்தில் அவர் கலந்து கொண்டு நாடாளுமன்ற தேர்தலுக்கான வியூகம் வகுப்பது குறித்து விவாதிக்கிறார். மாலை 4 மணியில் இருந்து இரவு 7.30 மணி வரை தமிழகத்தில் உள்ள 39 நாடாளுமன்றத் தொகுதிகளில் தேர்தலைச் சந்திப்பது குறித்து 14 ஆயிரம் சக்தி கேந்திர பொறுப்பாளர்களிடமும், 3 ஆயிரம் மகாசக்தி கேந்திர பொறுப்பாளர்களிடமும் விவாதிக்க உள்ளார். 

இந்த நிகழ்ச்சியின் போது கலை நிகழ்ச்சிகளும் நடத்தப்பட உள்ளன. இரவு 7.30 மணியில் இருந்து 8.30 மணி வரை புதுச்சேரி அரசியல் நிலவரம் குறித்தும், புதுச்சேரி நாடாளுமன்றத் தொகுதியில் தேர்தல் வியூகம் வகுப்பது குறித்தும் அந்த மாநில பா.ஜ.க. நிர்வாகிகளிடம் ஆலோசனை நடத்துகிறார். இரவு 8.30 மணியில் இருந்து 9.30 மணி வரை அந்தமான் நாடாளுமன்றத் தொகுதி தேர்தல் வியூகம் தொடர்பாக ஆலோசனைக் கூட்டம் நடக்க உளளது.

இரவு தரமணியில் உள்ள சி.எஸ்.ஐ.ஆர். விருந்தினர் இல்லத்தில் தங்கி ஓய்வு எடுத்து விட்டு மறுநாள் காலை தில்லி புறப்பட்டு செல்கிறார்.

 

மக்களவைக்கும், மாநில சட்டப்பேரவைகளுக்கும் ஒரே நேரத்தில் தேர்தல் நடத்துவதற்கு திமுக எதிர்ப்புத் தெரிவித்துள்ளது. 
ஒரே நேரத்தில் தேர்தல் நடத்துவது தொடர்பாக, முக்கிய அரசியல் கட்சிகளிடம் கருத்துக் கேட்கும் கூட்டம் சட்ட ஆணையம் சார்பில் சனி, ஞாயிறு ஆகிய இரண்டு நாள்கள் நடைபெற்றது. தில்லி கான் மார்க்கெட்டில் உள்ள லோக் நாயக் பவனில் நடைபெற்ற இக்கூட்டத்தில், அதிமுக உள்ளிட்ட கட்சிகளிடம் சனிக்கிழமை கருத்துகள் கேட்கப்பட்டன. இரண்டாம் நாள் கூட்டத்தில் திமுக, ஆம் ஆத்மி, சமாஜவாதி, தெலங்கானா ராஷ்டிர சமிதி உள்ளிட்ட கட்சிகள் பங்கேற்றன.

இக்கூட்டத்தில் திமுக சார்பில் பங்கேற்ற அக்கட்சியின் மாநிலங்களவை உறுப்பினர் திருச்சி சிவா, பின்னர் செய்தியாளர்களிடம் கூறியதாவது: மக்களவைக்கும், சட்டப்பேரவைகளுக்கும் ஒரே நேரத்தில் தேர்தல் நடத்த வேண்டும் என்ற மத்திய அரசின் முயற்சி தொடர்பாக கருத்துகள் கோரிய சட்ட ஆணையத்திடம், திமுக செயல் தலைவர் ஸ்டாலின் எழுதிய கடிதத்தை அளித்தேன். திமுகவைப் பொருத்தவரை, ஒரே நேரத்தில் தேர்தல் நடத்துவதை கொள்கை அளவில் ஏற்றுக் கொள்ளவில்லை. 

நமது நாட்டின் அரசியலமைப்புச் சட்டத்தில் 356-ஆவது பிரிவு இருக்கும் வரை மாநில அரசுகளை மத்திய அரசு எந்த நேரத்திலும் கலைக்கலாம் என்ற நிலை உள்ளது. எனவே, எந்த மாநில அரசும் 5 ஆண்டுகள் ஆட்சியில் நீடிக்கும் என்பதற்கு உத்தரவாதம் இல்லை. மேலும், மக்களவையும் 5 ஆண்டுகள் வரை ஆட்சிப் பொறுப்பில் இருக்க முடியாது என்பதற்கு பல உதாரணங்கள் உள்ளன. 2014-இல் மக்களவைத் தேர்தலுக்கு ரூ.3 ஆயிரம் கோடிதான் செலவிடப்பட்டது. அதாவது ஒரு வாக்காளருக்கு தலா ரூ. 45 செலவிடப்பட்டுள்ளது. ஆனால், ஒரே நேரத்தில் தேர்தல் நடத்தப்பட்டால், ரூ. 10 ஆயிரம் கோடி வரை செலவாகும். பணம் செலவு என்பது ஒரு பொருட்டல்ல. பரந்த ஜனநாயகம் உள்ள நாட்டில் தேர்ந்தெடுக்கப்பட்ட மக்கள் பிரதிநிதிகளை இடையிலேயே திரும்பப் பெறும் உரிமை வேண்டும் என்கிற குரல் பரவலாக எழுந்து வருகிறது. இந்நிலையில், 5 ஆண்டுகளுக்கு ஆட்சி நிரந்தரமாக இருக்க வேண்டும் என்று திட்டம் தீட்டுவது சாத்தியமாகாது. அது ஜனநாயகத்துக்கும் மாறானது.

ஓர் உறுப்பினர் கட்சி மாறினால், கட்சித் தாவல் தடைச் சட்டத்தின்படி அவரது பதவி பறிபோகும். இந்நிலையில் ஒரே நேரத்தில் தேர்தல் நடத்துவது, இச்சட்டத்தை நீர்த்துப் போக செய்துவிடும். மேலும், மாநிலங்களின் அதிகாரங்கள் பறிபோகும். அரசியல் சட்டம் அளித்துள்ள கூட்டாட்சித் தத்துவத்தைப் பேணிப் பாதுகாக்கவும், மாநில உரிமைகளைப் பாதுகாக்கவும், செலவைக் காரணம் காட்டி ஜனநாயகத்தை சிதைப்பதை திமுக ஏற்றுக் கொள்ளவில்லை.

மக்களிடம் அதிருப்தி நிலவினால், தேர்தல் மூலமாக ஆட்சி மாற்றத்தைக் கொண்டு வர முடியும் என்கிற நிலை தற்போது உள்ளது. இந்நிலையில், ஒரே நேரத்தில் தேர்தல் நடத்தும் முயற்சி, முன்னெடுப்பு ஆகியவை நாட்டின் சூழலுக்கும், ஜனநாயகத்துக்கும் ஏற்றதல்ல என கட்சியின் செயல் தலைவர் தெரிவித்துள்ளார். இதுதான் திமுகவின் நிலைப்பாடு என்றார் திருச்சி சிவா.

தாய்லாந்து நாட்டின் சியாங்ராய் மாகாணத்தில் உள்ள தாம் லுவாங் என்ற குகையில் சிக்கிய 12 சிறார்கள் மற்றும் அவர்களுடைய கால்பந்து பயிற்சியாளரை காப்பாற்றும் பணியில் மீட்பு குழு தீவிரமாக இறங்கியுள்ளது. முக்குளிப்பவர்கள் உதவியுடன் மீட்கப்பட்டு வருகிறார்கள்.  மழை பெய்யும் வாய்ப்பு உள்ளதால், சிறுவர்களையும், பயிற்சியாளரையும் மீட்க தீவிரமாக திட்டம் வகுக்கப்பட்டது. சிறுவர்கள், பயிற்சியாளர் என 13 பேரும் நல்ல மன வலிமையுடனும், உடல் வலிமையுடனும் காணப்பட்டதால் அவர்களை மீட்க அதிரடியாய் திட்டமிட்டு, டி-டே என்ற ஆபரேஷன் தொடங்கப்பட்டது.
 
சிறுவர்களையும், பயிற்சியாளரையும் மீட்பதற்காக முக்குளிப்பு வீரர்கள் குகைக்குள் சென்றனர். காலை 10 மணியளவில் சென்ற அவர்கள் மாலை 5:45 மணியளவில் சிறார்களை வெளியே கொண்டுவரத் தொடங்கினர். இப்படி 4 சிறுவர்கள் மீட்கப்பட்டுள்ளார்கள். சிறுவர்களுக்கு மீட்பு குழு மருத்துவ முகாமில் முதல்கட்ட சோதனை மேற்கொள்ளப்பட்டது. இதனையடுத்து அவர்கள் ஹெலிகாப்டர்கள் உதவியுடன் சியாங்ராய் மருத்துவமனைக்கு கொண்டு செல்லப்பட்டனர். குகைக்குள் வழித்துணையாக கயிறு கட்டப்பட்டு நடவடிக்கை மேற்கொள்ளப்படுகிறது. இதற்கிடையே 6 சிறார்கள் மீட்கப்பட்டார்கள் என உறுதிப்படுத்தாத தகவல்கள் தெரிவிக்கிறது.
 
மீதம் இருப்பவர்களையும் மீட்க தீவிரமாக நடவடிக்கை மேற்கொள்ளப்படுகிறது. நிலை எதிர்பார்த்ததைவிட சாதகமாக அமைந்தது என மீட்பு குழுவினர் மகிழ்ச்சியை தெரிவித்துள்ளார்கள். இருப்பினும் அனைவரையும் வெளியே கொண்டுவர வேண்டும், அதற்கான பணிகளை மேற்கொள்கிறோம் என்கிறார்கள். இதற்கிடையே 10 மணிநேரங்கள் கழித்து அடுத்த ஆபரேஷன் தொடங்கும் என தெரிவிக்கப்பட்டுள்ளது. மீட்பு குழுவினர் அடுத்தக்கட்டமாக சிறார்களை வெளியே கொண்டுவர 10 மணி நேரங்கள் தயாராகவேண்டும் என தெரிவிக்கிறார்கள். 50 வெளிநாட்டவர்கள் உள்பட 90 முக்குளிப்பு வீரர்கள் இப்பணியில் இறங்கியுள்ளார் என எனவும் தெரிவிக்கப்படுகிறது.
பக்கம் 9 / 2091
Top
We use cookies to improve our website. By continuing to use this website, you are giving consent to cookies being used. More details…