JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

டாஸ் வென்ற பெங்களூர் அணி முதலில் பந்து வீச்சை தேர்வு செய்தது. பஞ்சாப் அணியின் தொடக்க ஆட்டக்காரர்களாக லோகேஷ் ராகுலும் மயங்க் அகர்வாலும் களமிறங்கினர். 

பெங்களூர் அணியினரின் சிறப்பான பந்துவீச்சில் சிக்கிய பஞ்சாப் அணி தடுமாறியது. சீரான இடைவெளியில் விக்கெட்டுகளை இழந்தது. இதனால் பஞ்சாப் அணி 19.2 ஒவர்கள் முடிவில் அனைத்து விக்கெட்களையும் இழந்து 155 ரன்கள் எடுத்துள்ளது. அந்த அணியில் அதிகபட்சமாக லோகேஷ் ராகுல் 47 ரன்னும், கேப்டன் அஷ்வின் 33 ரன்னும், கருண் நாயர் 29 ரன்னும் எடுத்தனர்.

பெங்களூர் அணி சார்பில் உமேஷ் யாதவ் 3 விக்கெட்டும், வோக்ஸ், கேஜ்ரோலியா, வாஷிங்டன் சுந்தர் ஆகியோர் தலா 2 விக்கெட்டும் வீழ்த்தினர்.

இதையடுத்து, 156 ரன்கள் எடுத்தால் வெற்றி என்ற இலக்குடன் ராயல் சேலஞ்சர்ஸ் பெங்களூர் அணி விளையாடி வருகிறது. தொடக்க ஆட்டக்காரர்களாக டி காக், மெக்கல்லம் களமிறங்கினர். முதல் ஓவரிலேயே மெக்கல்லம் ரன் எதுவும் எடுக்காமல் அவுட்டானார்.

அடுத்து இறங்கிய கேப்டன் விராட் கோலி 21 ரன்கள் எடுத்து ஆட்டமிழந்தார். அவரை தொடர்ந்து டி வில்லியர்ஸ் களமிறங்கினார். 

பொறுப்புடன் ஆடிய டி காக் 34 பந்துகளில் ஒரு சிக்சர், 7 பவுண்டரியுடன் 45 ரன்கள் எடுத்தார். அடுத்து இறங்கிய சர்பிராஸ்கான் டக் அவுட்டானார். அப்போது அணியின் எண்ணிக்கை 4 விக்கெட்டுக்கு 87 ரன் எடுத்திருந்தது.

அவரை தொடர்ந்து மந்தீப் சிங் களமிறங்கினார். அவர் டி வில்லியர்சுடன் சேர்ந்து பொறுப்புடன் ஆடி மேலும் விக்கெட் விழாமல் பார்த்துக் கொண்டார். அதிரடியாக ஆடிய டி வில்லியர்ஸ் 40 பந்துகளில் 4 சிக்சர், 2 பவுண்டரியுடன் 57 ரன்னும், மந்தீப் சிங் 22 ரன்னும் எடுத்து அவுட்டாகினர். 

இறுதியில் பெங்களூர் அணி 6 விக்கெட் இழப்புக்கு 159 ரன்கள் எடுத்து வெற்றி பெற்றது. கிரிஸ் வோக்ஸ் ஒரு ரன்னும், வாஷிங்டன் சுந்தர் 9 ரன்னும் எடுத்து அவுட்டாகாமல் இருந்தனர்.

பஞ்சாப் அணி சார்பில் அஷ்வின் 2 விக்கெட்டும், அக்சர் படேல், முஜிபுர் ரகுமான், ஆண்ட்ரு டை ஆகியோர் தலா ஒரு விக்கெட் எடுத்தனர். 

21-வது காமன்வெல்த் போட்டி ஆஸ்திரேலியாவின் கோல்டு கோஸ்டில் நடைபெற்று வருகிறது. கடந்த 4-ந்தேதி கலைநிகழ்ச்சியுடன் தொடங்கிய இந்த போட்டியில் 5-ந்தேதியில் இருந்து பதக்கத்திற்கான போட்டிகள் நடைபெற்று வருகின்றன.



தொடக்க நாளில் இருந்தே போட்டியை நடத்தும் ஆஸ்திரேலியா ஆதிக்கம் செலுத்தி வருகின்றன. இன்றோடு 13 நாட்கள் ஆட்டம் முடிந்துள்ளன. இதில் ஆஸ்திரேலியா 65 தங்கம், 49 வெள்ளி, 54 வெண்கலத்துடன் 168 புள்ளிகள் பெற்று முதல் இடத்தை பிடித்துள்ளது. இங்கிலாந்து 31 தங்கம், தலா 34 வெள்ளி, வெண்கலத்துடன் 99 பதக்கங்கள் வென்று 2-வது இடத்தை பிடித்துள்ளது.

மல்யுத்தம், துப்பாக்கி சுடுதல், பளுதூக்குதல் ஆகியவற்றில் ஆதிக்கம் செலுத்திய இந்தியா 17 தங்கம், 11 வெள்ளி, 14 வெண்கலத்துடன் 42 பதக்கங்கள் பெற்று 3-வது இடத்தில் தொடர்கிறது.

கனடா 14 தங்கத்துடன் 74 பதக்கங்கள் பெற்று 4-வது இடத்திலும், தென்ஆப்பிரிக்கா 13 தங்கத்துடன் 5-வது இடத்திலும் உள்ளது. நியூசிலாந்து, ஸ்காட்லாந்து, நைஜீரியா, சைப்ரஸ், வேல்ஸ் முறையே 6-வது இடத்தில் இருந்து 10-வது இடம் வரை பிடித்துள்ளது.

வெள்ளிக்கிழமை, 13 ஏப்ரல் 2018 00:00

பாடகர் கோவன் கைது

பிரதமர் நரேந்திர மோடி, முதல்வர் எடப்பாடி பழனிசாமியை விமர்சித்து பாடல் பாடியதாக மக்கள் கலை இலக்கிய கழகத்தை சேர்ந்த பாடகர் கோவனை திருச்சி போலீஸார் கைது செய்துள்ளனர்.

நாட்டுப்புறக் கலைஞர், பாடகர், சமூகச் செயற்பாட்டாளர் கோவன். நாட்டுப் பாடல்கள் பாடுவதில் அதிக ஆர்வம் கொண்ட கோவன் அரசின் அடக்குமுறைகளை கண்டித்து வீதிகளில் இறங்கி மக்கள் மத்தியில் பாடல் வடிவில் விழிப்புணர்வை ஏற்படுத்தி வருபவர்.

மக்கள் கலை இலக்கிய கழகத்துடன் இணைந்து மக்களுக்கு எதிரான அரசின் நடவடிக்கைகளை பாடல் வடிவில் மக்கள் மத்தியில் வீதிகளில் இறங்கி பாடி வருபவர்.

இவர் மீது திருச்சி பாஜக மாநகர் மாவட்ட இளைஞரணி பிரிவுத் தலைவர் நா. கௌதமன் தலைமையில் இளைஞரணியைச் சேர்ந்த சிலர் கடந்த செவ்வாய்க்கிழமை திருச்சி மாவட்ட காவல் கண்காணிப்பாளர் அலுவலகத்தில், மக்கள் கலை இலக்கியக் கழகத்தைச் சேர்ந்த கோவன், பொதுமக்களிடம் குந்தகம் மற்றும் பிரிவினையை ஏற்படுத்தும் வகையிலும், பிரதமர் நரேந்திர மோடியை, இந்து மதத்தை இழிவுபடுத்தும் வகையில் பல்வேறு பாடல்களை பாடி வருகிறார். எனவே, அவர் மீது உரிய பிரிவுகளில் வழக்கு பதிந்து நடவடிக்கை எடுக்க வேண்டும் என புகார் அளிக்கப்பட்டுள்ளது.

புகாரை பெற்றுக்கொண்ட அதிகாரிகள் உரிய நடவடிக்கை எடுப்பதாகத் தெரிவித்துள்ளனர்.

இந்நிலையில், பிரதமர், முதல்வரை விமர்சித்து பாடல் பாடியதாக எழுந்த குற்றச்சாட்டு வழக்கில் திருச்சி போலீஸார் கோவனை கைது செய்துள்ளனர்.

கடந்த 2015ம் ஆண்டு முழு மதுவிலக்கை அமல்படுத்தக் கோரி ஜெயலலிதா முதல்வராக இருந்த போது மூடு டாஸ்மாக்கை மூடு என்று பாடியதற்காக தேச துரோக வழக்கில் கோவன் கைது செய்யப்பட்டார் என்பது குறிப்பிடத்தக்கது.

 

சென்னையில் இருந்து புனேவுக்கு மாற்றப்பட்ட ஐபிஎல் போட்டிக்கும் எதிர்ப்பு கிளம்பியுள்ளது. தண்ணீர் பற்றாக்குறை உள்ள புனேயில் கிரிக்கெட் திடலுக்கு நீர் எப்படி வழங்க முடியும் என்ற கேள்வியெழுந்துள்ளது. இதுகுறித்து மும்பை நீதிமன்றம் மகாராஷ்டிரா கிரிக்கெட் வாரியத்துக்கு நோட்டீஸ் அனுப்பியுள்ளது. 

காற்றழுத்த தாழ்வு நிலை நிலவுதால் தென் தமிழகத்தில் ஒரு சில இடங்களில் மழை பெய்யும் என சென்னை வானிலை மையம் அறிவித்துள்ளது.
 
இதுபற்றி சென்னை வானிலை மைய இயக்குனர் பாலசந்திரன் செய்தியாளர்களிடம் பேசிய போது “தென் மேற்கு வங்கக்கடல் மற்றும் அதை ஒட்டியுள்ள இலங்கைக்கு அருகே ஒரு காற்றழுத்த தாழ்வு நிலை உருவாகியுள்ளது. அது தவிர, தெற்கு தமிழகம் முதல் தென் உள் கர்நாடகம் வரை ஒரு காற்றழுத்த தாழ்வு நிலை உருவாகியுள்ளது. 
 
அதன் காரணமாக, தென் தமிழகத்தில் ஒரு சில இடங்களில்  அடுத்த 24 மணி நேரத்தில் மழையோ இடியுடன் கூடிய மழையோ பெய்யக்கூடும். குறிப்பாக மேற்கு தொடர்சி மலைப்பகுதியை ஒட்டியுள்ள பகுதிகளில் கனத்த மழை பெய்யக்கூடும்” என அவர் தெரிவித்தார்.
 
மேலும், மீனவர்கள் மீன் பிடிக்க செல்ல வேண்டாம் எனவும் அவர் வலியுறுத்தியுள்ளார்.
பக்கம் 9 / 1970
Top
We use cookies to improve our website. By continuing to use this website, you are giving consent to cookies being used. More details…