JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

வரும் பாராளுமன்ற தேர்தலின்போது காங்கிரஸ் கட்சியுடன் கூட்டணி வைத்துவிட்டு, தேர்தலுக்கு பின் தேவைப்பட்டால் பாஜக அரசுக்கு ஆதரவு தர திட்டமிட்டுள்ளதாக அரசியல் வட்டாரங்கள் கூறுகின்றன.

மோடி அரசை திமுக தலைவர் மு.க.ஸ்டாலின் கடுமையாக விமர்சனம் செய்து வருவதால் பாஜகவுடன் கூட்டணி இல்லை என்பது உறுதியாகிறது. ஆனால் அதே நேரத்தில் மீண்டும் மோடி தலைமையான பாஜக அரசு ஆட்சியை பிடிக்கும் நிலை வந்தால் திமுக ஆதரவு அளிக்கும் என்றே திமுக வட்டாரங்கள் கூறுகின்றன.

மேலும் ஒருவேளை மூன்றாவது அணி ஆட்சி அமைக்கும் நிலை வந்தாலும் திமுக ஆட்சி அமைக்கும் என்றும் எப்படி இருந்தாலும் அடுத்த ஆட்சியில் திமுக மந்திரிகள் இடம்பெறுவது உற்தி என்றும் கூறப்படுகிறது.

பொங்கல் பண்டிகைக்கு சர்க்கரை அட்டைதாரர்களுக்கும் ரூ.1000 பொங்கல் பரிசு வழங்க சென்னை உயர்நீதிமன்றம் அனுமதி அளித்துள்ளது.

பொங்கல் பண்டிகைக்கு தமிழகம் வேகமாக தயாராகி வருகிறது. இதை முன்னிட்டு ரூபாய் 1000 பணமும் அதனுடன் பரிசு பொருட்களும் வழங்க தமிழக அரசு முடிவெடுத்து இருந்தது.

இந்த பரிசு பொருளில், ஒரு கிலோ பச்சரிசி, ஒரு கிலோ சர்க்கரை, முந்திரி, உலர்ந்த திராட்சை, ஏலக்காய், 2 அடி நீளமுள்ள கரும்பு ஆகியவை இருக்கும். பொங்கல் பரிசு தொகுப்பை ஒவ்வொரு ரேஷன் அட்டைதாரர்களுக்கு வழங்க தமிழக அரசு உத்தரவிட்டது.

ஆனால் கோவையை சேர்ந்த டேனியல் என்பவர் அனைத்து கார்டுகளுக்கு பொங்கல் பரிசு வழங்க கூடாது என்று வழக்கு தொடர்ந்தார். இந்த வழக்கில் சென்னை ஹைகோர்ட், அனைத்து கார்டுகளுக்கும் பொங்கல் பரிசு வழங்க கூடாது, முன்னுரிமை குடும்ப அட்டைகளுக்கு மட்டும் பொங்கல் பரிசு வழங்கலாம் என்று கூறியது.

இதனால் 1.30 கோடி முன்னுரிமை அல்லாத அட்டைதாரர்கள் பாதிக்கப்படும் நிலை ஏற்பட்டது. இதை எதிர்த்து சென்னை ஹைகோர்ட்டில் தமிழக அரசு மேல்முறையீடு செய்தது. சென்னை உயர் நீதிமன்றம் இதில் தற்போது தனது உத்தரவை பிறப்பித்துள்ளது.

அதன்படி, பொங்கல் பண்டிகைக்கு சர்க்கரை அட்டைதாரர்களுக்கும் ரூ.1000 பொங்கல் பரிசு வழங்க சென்னை உயர்நீதிமன்றம் அனுமதி அளித்துள்ளது. முன்னுரிமை இல்லாத குடும்ப அட்டைதாரர்களுக்கும் பொங்கல் பரிசு வழங்க சென்னை உயர்நீதிமன்றம் அனுமதி அளித்துள்ளது.

இதில் அரசுக்கு உயர்நீதிமன்றம் சில அறிவுரைகளையும் வழங்கி உள்ளது. அதில், அனைவருக்கும் வங்கி கணக்கு உள்ள நிலையில் மக்களை வரிசையில் காக்க வைப்பது ஏன்? மக்களின் வங்கி கணக்கில் பணத்தை செலுத்தலாமே என்றுள்ளது.

மேலும் , ரூ.1000 அளிக்காவிட்டால் வாக்களிக்க மாட்டோம் என்று சொல்லும் நிலைக்கு மக்களை கொண்டு சென்றது யார் என்றும் கேள்வி எழுப்பியுள்ளது. சென்னை ஹைகோர்ட் அறிவிப்பால் பொங்கலுக்கு மேலும் 10 குடும்பம் அட்டைகளுக்கு பரிசு பொருட்கள் வழங்கப்பட உள்ளது.

36 வயதாகும் மேரி கோம் இந்தியாவின் முன்னணி குத்துச்சண்டை வீராங்கனையாக திகழ்ந்து வருபவர். 2018ம் ஆண்டு டெல்லியில் நடந்த உலக சாம்பியன்ஷிப் தொடரில் உக்ரைன் வீராங்கனையை வீழ்த்தி 6-வது முறையாக சாம்பியன் பட்டத்தை தட்டிச் சென்றார். சர்வதேச குத்துச்சண்டை அசோசியேசன் இன்று குத்துச்சண்டை உலகத் தரவரிசையை வெளியிட்டுள்ளது. இதில் 45 முதல் 48 கிலோ லைட் பிளை பிரிவில் இடம் பிடித்துள்ள மேரி கோம் 1700 புள்ளிகள் பெற்று முதல் இடத்தை பிடித்துள்ளார்.

தமிழக கேரளா எல்லையில் உள்ள சிவ பார்வதி ஆலயத்தில் 111.2 அடி உயரம் கொண்ட சிவலிங்கம் உலகிலேயே மிக உயரமான சிவலிங்கம் என இந்தியா புக் ஆஃப் ரெக்கார்டில் இடம் பிடித்துள்ளது.

கன்னியாகுமரி மாவட்டம் தமிழக கேரள எல்லை பகுதியான உதயம்குளம்கரை பகுதியில் வரலாற்று சிறப்பு மிக்க செங்கல் மஹேஸ்வர சிவபார்வதி கோயில் உள்ளது. இந்தக் கோயிலில் கடந்த 2012 ஆம் ஆண்டு உலகில் மிக உயரமான சிவலிங்கத்தை அமைக்க இந்த ஆலயத்தின் நிர்வாகம் முடிவு செய்தது. அதன்படி மஹேஸ்வரானந்தா சரஸ்வதி சுவாமிகள் இந்தியாவின் பல்வேறு சிவன் கோயில்களுக்குச் சென்று, அந்தக் கோயில்களின் மாதிரியைக் கொண்டு பணிகளை துவங்கினார்.

இப்போது 80% பணிகள் நிறைவேறியுள்ள நிலையில் உலகில் மிக உயரமான சிவலிங்கம் என்று தேர்வாகியுள்ளது. தற்போது இந்தியா புக் ஆஃப் ரெக்காட்டில் இடம் பிடித்துள்ள இந்தச் சிவலிங்கம் பத்து கோடி மதிப்பில் 111.2 அடி உயரத்தில் எட்டு நிலைகளில் உருவாகி வருகிறது.

ஒவ்வொரு நிலையிலும் தியான மண்டபங்களை கொண்ட இந்தச் சிவலிங்கத்தின் உள்ளே, குகைக்குள் பல முனிவர்கள் தவம் செய்வது போன்றும், பல கடவுள்களின் சிற்ப வடிமைப்புடன் தறைத்தளத்தில் பக்தர்கள் அபிஷேகம் செய்து வழிபடும் வகையில் கட்டப்பட்டுள்ளது.

குறிப்பாக சிவலிங்க சிலையும் மேல் பகுதியான எட்டாம் நிலையில் கைலாய மலையில் சிவன் பார்வதி குடி கொண்டு இருப்பது போன்று அழகிய சிலையுடன் கட்டபட்டிருக்கும் சிலைக்கு இந்தியா புக் ஆஃப் ரெக்காட்டின் ஒருங்கிணைப்பாளர் ஷாகுல் ஹமீது தலைமையில் இன்று அதிகாரிகள் ஆய்வு மேற்கொண்டு சான்றிதழை வழங்கினர். அறுபது பேர் சேர்ந்து கடந்த ஆறு ஆண்டுகளாக இந்த சிலைச் கட்டும் பணியில் ஈடுபட்டு வருகின்றனர். மேலும் இந்தச் சிலை வருகின்ற மஹா சிவராத்திரி அன்று திறக்க திட்டமிட்டுள்ளதாக தெரிய வந்துள்ளது.

புதுக்கோட்டை மாவட்டம் விராலிமலை பட்டமரத்தம்மான் கோயில் திருவிழாவை முன்னிட்டு வருகிற 20-ஆம் தேதி ஜல்லிக்கட்டு போட்டி நடத்த அரசு அனுமதி அளித்துள்ளது. கடந்த ஆண்டு அங்கு நடைபெற்ற போட்டியில் ஆயிரத்து 805 காளைகள் பங்கு பெற்றன. இந்நிலையில் இந்த ஆண்டு அங்கு நடைபெறும் ஜல்லிக்கட்டு போட்டியில் 2000 காளைகளை பங்கு பெற செய்து உலக சாதனை புத்தகத்தில் இடம் பெறச் செய்ய திட்டம் வகுக்கப்பட்டுள்ளது.

இதற்காக இங்கிலாந்தைச் சேர்ந்த உலக சாதனைக்கான அமைப்பினர் விராலிமலை வர உள்ளனர். இந்நிலையில் ஜல்லிக்கட்டு போட்டி நடைபெறும் இடத்தில் வாடிவாசல் அமைக்கும் பணி, தடுப்பு வேலிகள் அமைக்கும் பணிகள், பார்வையாளர்கள் மாடம் உள்ளிட்ட பணிகளை சுகாதாரத்துறை அமைச்சர் ஆய்வு செய்து அதிகாரிகளுக்கு ஆலோசனைகளை வழங்கினார்.

அதுபோல ஈரோட்டில் ஜல்லிக்கட்டு விளையாட்டு நடைபெறும் இடத்தினை அமைச்சர்கள் செங்கோட்டையன், கருப்பணன் ஆகியோர் ஆய்வு செய்தனர். ஈரோடு ஏஇடி பள்ளி மைதானத்தில் வருகிற 19ம் தேதி முதன்முறையாக ஜல்லிக்கட்டு விளையாட்டு போட்டி நடத்தப்படுகிறது. இதற்கான முன்னேற்பாடுகள் குறித்து அமைச்சர்கள் செங்கோட்டையன், கருப்பணன், மாவட்ட ஆட்சியர் கதிரவன், எஸ்.பி சக்தி கணேசன் ஆகியோர் ஆய்வு செய்தனர்.

பக்கம் 9 / 2332
Top
We use cookies to improve our website. By continuing to use this website, you are giving consent to cookies being used. More details…