JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.
சனிக்கிழமை, 14 ஜூலை 2018 00:00

80 அடியை தாண்டியது மேட்டூர் அணை

மேட்டூர் அணைக்கு வரும் நீரின் அளவு தொடர்ந்து அதிகரித்து வருவதால், அணையின் நீர்மட்டம் 80 அடியை தாண்டியது.

இன்று (ஜூலை 14) காலை நேர நிலவரப்படி, அணைக்கு வரும் நீரின் அளவு 45,000 கனஅடியில் இருந்து 46,210 கனஅடியாக அதிகரித்துள்ளது. அணையின் நீர்இருப்பு 41.41 டிஎம்சி.,யாகவும், அணையில் இருந்து குடிநீருக்காக வெளியேற்றப்படும் நீரின் அளவு 1000 கனஅடியாகவும் உள்ளது.

கர்நாடகாவின் கபினி அணையில் இருந்து காவிரியில் திறந்து விடப்படும் நீரின் அளவு 50,000 ஆக உள்ளது. கேஆர்எஸ் அணையும் நிரம்பும் நிலையில் உள்ளதால் தமிழகத்திற்கு திறக்கப்படும் உபரிநீரின் அளவு அதிகரிக்க வாய்ப்புள்ளது. இதனால் மேட்டூர் அணைக்கு வரும் நீரின் அளவும் தொடர்ந்து அதிகரிக்க வாய்ப்புள்ளது.

ஒகேனக்கல்லில் தொடர் நீர்வரத்து காரணமாக வெள்ளப் பெருக்கு ஏற்பட்டுள்ளது. இதையடுத்து, வெள்ளிக்கிழமை மாலை நொடிக்கு 50 ஆயிரம் கன அடியாக நீர்வரத்து இருந்தது.

கர்நாடக காவிரி நீர்ப்பிடிப்புப் பகுதி மற்றும் கேரளத்தின் வயநாடு பகுதிகளில் தொடர்ந்து பலத்த மழை பெய்து வருவதால், அங்குள்ள கபினி மற்றும் கிருஷ்ணராஜசாகர் அணையில் இருந்து நொடிக்கு 50 ஆயிரம் கன அடி உபரி நீர் திறந்து விடப்பட்டுள்ளது.

கர்நாடக அணைகளில் திறந்துவிடப்பட்ட தண்ணீர் தமிழக-கர்நாடக எல்லையான பிலிகுண்டுலு வழியாக நொடிக்கு 50 ஆயிரம் கன அடி நீர் ஒகேனக்கல்லுக்கு வந்து கொண்டிருக்கிறது. இதனால் அருவிகளில் வெள்ளப்பெருக்கு ஏற்பட்டுள்ளதால் 5-ஆவது நாளாக குளிக்கவும், பரிசல் இயக்கவும் மாவட்ட நிர்வாகம் தடை விதித்துள்ளது.

மேலும், கர்நாடகத்தில் இருந்து திறந்துவிடப்பட்ட நீரின் அளவுகளை மத்திய நீர்வளத் துறை அதிகாரிகள் தீவிரமாகக் கண்காணித்து வருகின்றனர். ஒகேனக்கல் வரும் சுற்றுலாப் பயணிகள்அருவி மற்றும் காவிரிக் கரைப் பகுதிகளில் குளிப்பதைத் தவிர்க்குமாறு மாவட்ட நிர்வாகம் கேட்டுக் கொண்டுள்ளது. காவிரிக் கரையோர கிராமங்களுக்கு வெள்ள அபாய எச்சரிக்கை விடப்பட்டு, போலீஸார் தீவிரக் கண்காணிப்பில் ஈடுபட்டு வருகின்றனர்.

 

சீனாவின், அலிபாபா நிறுவன அதிபர் ஜாக் மாவை பின்னுக்கு தள்ளி, ஆசியாவின் முதல் பணக்காரராக, ரிலையன்ஸ் நிறுவனத்தின், முகேஷ் அம்பானி முன்னணியில் உள்ளதாக, 'புளூம்பர்க்' நிறுவனம் அறிவித்துள்ளது.அண்டை நாடான சீனாவின் அலிபாபா என்ற இணைய வர்த்தக நிறுவனத்தை நடத்தி வரும், ஜாக் மா, ஆசியாவின் மிகப் பெரிய பணக்காரர் என்ற அந்தஸ்தில், நீண்ட காலமாக இருந்து வந்தார்.

இந்நிலையில், ரிலையன்ஸ் நிறுவனத்தின் பங்குகள், ஒரே நாளில், 1.6 சதவீதம் உயர்ந்ததால், முகேஷ் அம்பானியின் சொத்து மதிப்பு உயர்ந்தது.இதையடுத்து, சீனாவின் ஜாக் மாவை பின்னுக்க தள்ளி, ஆசியாவின் முதல் பணக்காரர் என்ற அந்தஸ்தை, முகேஷ் அம்பானி பிடித்துஉள்ளதாக, 'புளூம்பர்க்' செய்தி நிறுவனம் தெரிவித்துள்ளது.

இந்த ஆண்டில் மட்டும், முகேஷ் அம்பானியின் சொத்து மதிப்பு, 27 ஆயிரத்து, 200 கோடி ரூபாய் உயர்ந்துள்ளதாக தகவல்கள் வெளியாகி உள்ளன.

பாகிஸ்தானில் நேற்று, இரண்டு இடங்களில் நடந்த குண்டு வெடிப்புகளில், 128 பேர், உடல் சிதறி பலியாகினர்;ஏராளமானோர் காயம்அடைந்தனர்.

அண்டை நாடான பாகிஸ்தானில், வரும், 25ல், பார்லிமென்ட் தேர்தல் நடக்கவுள்ளது. இந்த தேர்தலை சீர்குலைக்க, தலிபான் பயங்கரவாதிகள் சதி திட்டம் தீட்டியுள்ளதாக, அந்த நாட்டு உளவுத்துறை எச்சரித்திருந்தது.

தேர்தல் பிரசாரம் : இந்நிலையில், கைபர் மாகாணத்தில் உள்ள பானு பகுதியில், முடாஹிடா மஜ்லிஸ் கட்சியின் தேர்தல் பிரசார கூட்டம், நடந்தது; அப்போது, குண்டு வெடித்ததில், ஐந்து பேர் இறந்தனர். இந்த குண்டு வெடிப்பு நடந்த, அடுத்த சில மணி நேரத்தில், பலுசிஸ்தான் மாகாணம், மஸ்டங் பகுதியில், சக்திவாய்ந்த குண்டு வெடித்தது.

அச்சம் : பலுசிஸ்தான் அவாமி கட்சியின் தேர்தல் பிரசார கூட்டத்தில் நடந்த இந்த குண்டு வெடிப்பில், அந்த கட்சியின் தலைவர் சிராஜ் ரைசனி உட்பட, 95 பேர் இறந்தனர்; 150க்கும் அதிகமானோர் படுகாயம் அடைந்தனர். இவர்களில் பலரது நிலைமை கவலைக்கிடமாக இருப்பதால், பலி எண்ணிக்கை அதிகரிக்கும் என, அஞ்சப்படுகிறது.

சசிகலாவை நிரந்தரமாக சிறையில் வைக்க டிடிவி தினகரன் சதி செய்து வருகிறார் என அதிமுகவின் அதிகாரப்பூர்வ நாளிதழான நமது அம்மா செய்தி வெளியிட்டுள்ளது. Image result for sasikala in prison images

தமிழக அரசு சத்துணவு திட்டத்திற்கு உணவு பொருட்கள் வழங்கும் கிறிஸ்டி நிறுவனம் வரி ஏய்ப்பு செய்ததாக எழுந்த புகாரில், கடந்த 5ம் தேதி தமிழகம் மற்றும் கர்நாடகாவில் உள்ள கிறிஸ்டி நிறுவனத்திற்கு சொந்தமான 76 இடங்களில் வருமான வரித்துறையின் சோதனையை தொடங்கினர்.

கிறிஸ்டி நிறுவன உரிமையாளர் வீடு, உறவினர்கள் வீடுகள் மற்றும் அலுவலகங்களில் 45க்கும் மேற்பட்ட அதிகாரிகள் 15 குழுக்களாக பிரிந்து சோதனை மேற்கொண்டனர். இறுதியாக, கணக்கில் வராத பணமாக ரூ.4 கோடியை அதிகாரிகள் கைப்பற்றினர். அதேபோல், வெளிநாட்டில் பணம் முதலீடு செய்யப்பட்டதற்கான ஆவணங்களும் சிக்கியுது.

மேலும், பணமதிப்பிழப்பு நடவடிக்கையின் போது கிறிஸ்டி நிறுவனம் வங்கியில் ரூ.245 கோடி டெபாசிட் செய்தது கண்டுபிடிக்கப்பட்டுள்ளது. இந்நிலையில், இதுபற்றி கருத்து தெரிவித்த டிடிவி தினகரன், மறைந்த முதல்வர் ஜெயலலிதா ஆட்சி காலத்திலேயே சத்துணவு துறையில் ஊழல் நடந்தது எனக் கூறினார்.

இது குறித்து அதிமுகவின் நாளிதழான 'நமது அம்மா' வெளியிட்டுள்ள செய்தியில் " டிடிவி தினகரன் கூறியது போல் நடந்திருந்தாலும், அந்த ஊழல் பணம் அனைத்தும் சசிகலாவிடம்தானே சென்றிருக்கும்.

எனவே, தினகரன் பேசுவதை பார்க்கும் போது, சசிகலாவை நிரந்தரமாக சிறையில் வைக்க அவர் சதி செய்வது போலவே தெரிகிறது" என செய்தி வெளியிட்டுள்ளது.

பக்கம் 2 / 2091
Top
We use cookies to improve our website. By continuing to use this website, you are giving consent to cookies being used. More details…