JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.
புதன்கிழமை, 21 ஆகஸ்ட் 2019 00:00

சிக்கலில் ப.சிதம்பரம் - தலைமறைவு

முன்னாள் மத்திய நிதி அமைச்சர் ப.சிதம்பரம் தாக்கல் செய்துள்ள முன்ஜாமீன் மனு குறைபாடுகள் உடையதாக இருப்பதாக சுப்ரீம் கோர்ட் பதிவாளர் கூறிய நிலையில், இந்த மனு இன்னும் சுப்ரீம் கோர்ட்டில் பட்டியலிடப்படாததை நீதிபதி ரமணா சுட்டிக் காட்டி, இப்போது எதையும் செய்ய முடியாது என்று தெரிவித்துவிட்டார்.

2007ம் ஆண்டு, ப.சிதம்பரம் நிதியமைச்சராக இருந்தபோது, ஐ.என்.எக்ஸ். மீடியா நிறுவனத்தில் 305 கோடி ரூபாய் அன்னிய நேரடி முதலீட்டிற்கு அனுமதி அளித்ததில் முறைகேடு நடைபெற்றதாக குற்றச்சாட்டு எழுந்தது.

ப.சிதம்பரத்தின் மகன் கார்த்தி சிதம்பரத்திற்கு சொந்தமான நிறுவனத்திற்கு லஞ்சம் கொடுக்கப்பட்டதாக சிபிஐ மற்றும் அமலாக்கத்துறை குற்றம்சாட்டி வருகின்றன.

சிபிஐ மற்றும் அமலாக்கத் துறைக்கு சிதம்பரம் உரிய ஒத்துழைப்பு அளிக்கவில்லை என்பதால் அவரை காவலில் எடுத்து விசாரிக்க அனுமதி தரவேண்டும் என்று அந்த இரு அமைப்புகளும் வலியுறுத்தி இருந்தன. இந்த வழக்கில் நேற்று தீர்ப்பளித்த டெல்லி உயர்நீதிமன்றம், சிதம்பரத்துக்கு முன்ஜாமீன் அளிக்க மறுப்பு தெரிவித்தது. இதையடுத்து சிதம்பரம் எந்த நேரத்திலும் கைது செய்யப்படும் சூழ்நிலை உருவாகி உள்ளது.

எனவே முன்ஜாமீன் கோரி அவர் உச்ச நீதிமன்றத்தில் மனு தாக்கல் செய்துள்ளார். இந்த மனு மீதான விசாரணை இன்று காலை 10.30 மணிக்கு விசாரணைக்கு வர இருந்தது. சிதம்பரம் தரப்பில் வழக்கறிஞர் குழு வட்டாரங்கள் இதுபற்றி கூறுகையில், இதுவரை இந்த வழக்கு விசாரணையின்போது சிதம்பரம் சிறப்பாக ஒத்துழைப்பு அளித்து வந்துள்ளதை உச்சநீதிமன்றத்தில் குறிப்பிட்டு அவருக்கு முன்ஜாமீன் தர வேண்டும் என்று கூற உள்ளோம் என்று தெரிவித்தனர்.

அதேநேரம் அமலாக்கத் துறை தரப்பு வழக்கறிஞர்கள் வட்டாரம் தெரிவிக்கையில், ஐஎன்எக்ஸ் மீடியா வழக்கில் சிதம்பரம் போதிய ஒத்துழைப்பு வழங்கவில்லை. எனவே அவரை காவலில் எடுத்து விசாரிக்க வேண்டும் என்று எங்கள் தரப்பு வலியுறுத்த உள்ளது என்று தெரிவித்தனர்.

இந்த நிலையில் காலை 10.30 மணிக்கு, இந்த வழக்கை அவசர வழக்காக எடுக்க நீதிபதி ரமணா மறுப்பு தெரிவித்தார். இதுதொடர்பாக, தலைமை நீதிபதி ரஞ்சன் கோகாய் முடிவெடுப்பார் என ரமணா தெரிவித்து வழக்கை தலைமை நீதிபதிக்கு மாற்றினார்.

ஆனால், அயோத்தி விவகாரம் தொடர்பாக தலைமை நீதிபதி தலைமையிலான அரசியல் சாசன அமர்வு காலை முதல் விசாரணை நடத்தி வருகிறது. எனவே, மதிய உணவு இடைவேளைக்கு பிறகுதான், தலைமை நீதிபதி இந்த விஷயத்தில் முடிவெடுப்பார் என்று தெரிவிக்கப்பட்டது.

இதனிடையே சிதம்பரம் தாக்கல் செய்துள்ள, முன் ஜாமீன் மனுவை பரிசீலித்த, சுப்ரீம் கோர்ட் பதிவாளர், அது குறைபாடு உள்ளதாக தெரிவித்துள்ளதாக தகவல் வெளியானது.இந்த பரபரப்புகளுக்கு நடுவே, நீதிபதி ரமணா முன்னிலையில் சிதம்பரம் வக்கீல் கபில் சிபல் ஆஜரானார். இன்னும் தலைமை நீதிபதி அமர்வு இந்த மனுவை விசாரிக்கவில்லை எனவும், எனவே ப.சிதம்பரத்திற்கு இடைக்கால சட்ட பாதுகாப்பு வழங்க தாங்கள் முன்வர வேண்டும் என்றும் கேட்டுக் கொண்டார்.

ஆனால், சாரி மிஸ்டர் சிபல். இப்போது எதுவும் செய்ய முடியாது. தலைமை நீதிபதிதான், இந்த வழக்கு எப்போது பட்டியலிடப்படும் என்று தெரிவிப்பார் என்று தெரிவித்துவிட்டார். எனவே, இன்று வழக்கு விசாரணைக்கு வராது என்றே தெரிகிறது.

புதன்கிழமை, 21 ஆகஸ்ட் 2019 00:00

சிக்கலில் ப.சிதம்பரம் - தலைமறைவு

முன்னாள் மத்திய நிதி அமைச்சர் ப.சிதம்பரம் தாக்கல் செய்துள்ள முன்ஜாமீன் மனு குறைபாடுகள் உடையதாக இருப்பதாக சுப்ரீம் கோர்ட் பதிவாளர் கூறிய நிலையில், இந்த மனு இன்னும் சுப்ரீம் கோர்ட்டில் பட்டியலிடப்படாததை நீதிபதி ரமணா சுட்டிக் காட்டி, இப்போது எதையும் செய்ய முடியாது என்று தெரிவித்துவிட்டார்.

2007ம் ஆண்டு, ப.சிதம்பரம் நிதியமைச்சராக இருந்தபோது, ஐ.என்.எக்ஸ். மீடியா நிறுவனத்தில் 305 கோடி ரூபாய் அன்னிய நேரடி முதலீட்டிற்கு அனுமதி அளித்ததில் முறைகேடு நடைபெற்றதாக குற்றச்சாட்டு எழுந்தது.

ப.சிதம்பரத்தின் மகன் கார்த்தி சிதம்பரத்திற்கு சொந்தமான நிறுவனத்திற்கு லஞ்சம் கொடுக்கப்பட்டதாக சிபிஐ மற்றும் அமலாக்கத்துறை குற்றம்சாட்டி வருகின்றன.

சிபிஐ மற்றும் அமலாக்கத் துறைக்கு சிதம்பரம் உரிய ஒத்துழைப்பு அளிக்கவில்லை என்பதால் அவரை காவலில் எடுத்து விசாரிக்க அனுமதி தரவேண்டும் என்று அந்த இரு அமைப்புகளும் வலியுறுத்தி இருந்தன. இந்த வழக்கில் நேற்று தீர்ப்பளித்த டெல்லி உயர்நீதிமன்றம், சிதம்பரத்துக்கு முன்ஜாமீன் அளிக்க மறுப்பு தெரிவித்தது. இதையடுத்து சிதம்பரம் எந்த நேரத்திலும் கைது செய்யப்படும் சூழ்நிலை உருவாகி உள்ளது.

எனவே முன்ஜாமீன் கோரி அவர் உச்ச நீதிமன்றத்தில் மனு தாக்கல் செய்துள்ளார். இந்த மனு மீதான விசாரணை இன்று காலை 10.30 மணிக்கு விசாரணைக்கு வர இருந்தது. சிதம்பரம் தரப்பில் வழக்கறிஞர் குழு வட்டாரங்கள் இதுபற்றி கூறுகையில், இதுவரை இந்த வழக்கு விசாரணையின்போது சிதம்பரம் சிறப்பாக ஒத்துழைப்பு அளித்து வந்துள்ளதை உச்சநீதிமன்றத்தில் குறிப்பிட்டு அவருக்கு முன்ஜாமீன் தர வேண்டும் என்று கூற உள்ளோம் என்று தெரிவித்தனர்.

அதேநேரம் அமலாக்கத் துறை தரப்பு வழக்கறிஞர்கள் வட்டாரம் தெரிவிக்கையில், ஐஎன்எக்ஸ் மீடியா வழக்கில் சிதம்பரம் போதிய ஒத்துழைப்பு வழங்கவில்லை. எனவே அவரை காவலில் எடுத்து விசாரிக்க வேண்டும் என்று எங்கள் தரப்பு வலியுறுத்த உள்ளது என்று தெரிவித்தனர்.

இந்த நிலையில் காலை 10.30 மணிக்கு, இந்த வழக்கை அவசர வழக்காக எடுக்க நீதிபதி ரமணா மறுப்பு தெரிவித்தார். இதுதொடர்பாக, தலைமை நீதிபதி ரஞ்சன் கோகாய் முடிவெடுப்பார் என ரமணா தெரிவித்து வழக்கை தலைமை நீதிபதிக்கு மாற்றினார்.

ஆனால், அயோத்தி விவகாரம் தொடர்பாக தலைமை நீதிபதி தலைமையிலான அரசியல் சாசன அமர்வு காலை முதல் விசாரணை நடத்தி வருகிறது. எனவே, மதிய உணவு இடைவேளைக்கு பிறகுதான், தலைமை நீதிபதி இந்த விஷயத்தில் முடிவெடுப்பார் என்று தெரிவிக்கப்பட்டது.

இதனிடையே சிதம்பரம் தாக்கல் செய்துள்ள, முன் ஜாமீன் மனுவை பரிசீலித்த, சுப்ரீம் கோர்ட் பதிவாளர், அது குறைபாடு உள்ளதாக தெரிவித்துள்ளதாக தகவல் வெளியானது.இந்த பரபரப்புகளுக்கு நடுவே, நீதிபதி ரமணா முன்னிலையில் சிதம்பரம் வக்கீல் கபில் சிபல் ஆஜரானார். இன்னும் தலைமை நீதிபதி அமர்வு இந்த மனுவை விசாரிக்கவில்லை எனவும், எனவே ப.சிதம்பரத்திற்கு இடைக்கால சட்ட பாதுகாப்பு வழங்க தாங்கள் முன்வர வேண்டும் என்றும் கேட்டுக் கொண்டார்.

ஆனால், சாரி மிஸ்டர் சிபல். இப்போது எதுவும் செய்ய முடியாது. தலைமை நீதிபதிதான், இந்த வழக்கு எப்போது பட்டியலிடப்படும் என்று தெரிவிப்பார் என்று தெரிவித்துவிட்டார். எனவே, இன்று வழக்கு விசாரணைக்கு வராது என்றே தெரிகிறது.

செவ்வாய்க்கிழமை, 20 ஆகஸ்ட் 2019 00:00

தொடர்ந்து உயரும் வைகை அணை நீர்மட்டம்

ஆண்டிபட்டி, பெரியாறு அணை நீர் வரத்தால் தேனிமாவட்டம் வைகை அணை நீர் மட்டம் தொடர்ந்து உயர்கிறது. இம்மாத இறுதியில் மதுரை, திண்டுக்கல் பாசனத்திற்கு நீர் திறக்க வாய்ப்புள்ளதாக பொதுப்பணித்துறையினர் தெரிவித்தனர்.

கடந்த ஆண்டு வைகை அணை நீர் தொடர்ந்து குடிநீருக்கு பயன்படுத்தப்பட்டதால், நீர் மட்டம் ஜூலையில் 27 அடி வரை குறைந்தது. தற்போது கேரளாவில் பெய்த மழையால் பெரியாறு அணையில் இருந்து கூடுதலான நீர் திறக்கப்பட்டது.

மேலும் கடந்த சில வாரங்களாக தேனி மாவட்டத்தின் பல்வேறு பகுதியிலும் மழை பெய்ததால் வைகை அணையில் நீர் கணிசமாக உயர்ந்தது. இம்மாத துவக்கத்தில் 29.95 அடியாக இருந்த நீர் மட்டம் ஆக.10-ல் 34.19 அடியானது. ஆக.15-ல் 40.96 அடியாக இருந்த நீர் மட்டம் நேற்று 47.01 அடியானது (மொத்த உயரம் 71 அடி). அணைக்கான நீர் வரத்து வினாடிக்கு 1432 கன அடியாக இருந்தது. 

அணையில் இருந்து மதுரை, ஆண்டிபட்டி -- சேடபட்டி குடிநீர் திட்டங்களுக்காக வினாடிக்கு 60 கன அடி வெளியேற்றப்பட்டது. பெரியாறு அணையில் இருந்து நீர் வரத்து, நீர் பிடிப்பு பகுதியில் மழைக்கான சூழல் தொடர்வதால் இம்மாத இறுதியில் வைகை அணையில் இருந்து மதுரை, திண்டுக்கல் மாவட்ட பாசனத்திற்கு நீர் திறக்க வாய்ப்புள்ளதாக பொதுப்பணித்துறையினர் தெரிவித்தனர்.

தஞ்சாவூர், திருவையாறு பகுதிக்கு, காவிரி தண்ணீர் வந்ததையடுத்து பொதுமக்களும், சிவாச்சாரியார்களும் தீபாராதனை காட்டி, மலர் துாவி வரவேற்றனர்.சேலம் மாவட்டம், மேட்டூர் அணையிலிருந்து டெல்டா பாசனத்திற்காக, 13ம் தேதி, காவிரி ஆற்றில் தண்ணீர் திறக்கப்பட்டது.

அந்த தண்ணீர், 120 கி.மீ., கடந்து, கல்லணைக்கு வந்தது.கடந்த, 17ம் தேதி அதிகாலை, கல்லணையிலிருந்து காவிரி, கொள்ளிடம், வெண்ணாறு, கல்லணை கால்வாய் ஆகியவற்றில், பாசனத்துக்கு தண்ணீர் திறந்து விட்டப்பட்டது.

கல்லணையிலிருந்து, 33 கி.மீ., கடந்து, நேற்று காலை, திருவையாறுக்கு காவிரி தண்ணீர் வந்தது. அப்போது, புஷ்பமண்டப படித்துறையில் பொதுமக்களும், சிவாச்சாரியார்களும் மஞ்சள், குங்குமம், மலர் துாவி, காவிரி தண்ணீரை வரவேற்றனர்.தொடர்ந்து, கற்பூர ஆரத்தி எடுத்து, தேங்காய் உடைத்து வழிபட்டனர். 'இந்த ஆண்டு வறட்சியில்லாமல் செழிப்புடனும், வளமாகவும் இருக்க வேண்டும்' என வேண்டி, காவிரியை வழிபட்டனர்.

செவ்வாய்க்கிழமை, 20 ஆகஸ்ட் 2019 00:00

சிதம்பரம் வீட்டில் சிபிஐ நோட்டீஸ்

அடுத்த 2 மணி நேரத்தில் சிபிஐ அலுவலகத்தில் நேரில் ஆஜராக வேண்டும் என சிதம்பரம் இல்லத்தில் சிபிஐ நோட்டீஸ் ஒட்டியது.

ஐ.என்.எஸ்., மீடியா வழக்கில் முன்னாள் மத்திய நிதி அமைச்சர் நிதி அமைச்சர் சிதம்பரத்தின் முன் ஜாமின் மனுவை டில்லி ஐகோர்ட் தள்ளுபடி செய்தது. கைது நடவடிக்கையை தவிர்க்க அவர் சுப்ரீம் கோர்ட்டில் மேல் முறையீடு மனு தாக்கல் செய்துள்ளார். அதுவும் நிராகரிக்கப்பட்டால் அவர் கைதாவார்.

இந்நிலையில் டில்லியில் உள்ள சிதம்பரம் வீட்டில் சிபிஐ அதிகாரிகள் நோட்டீஸ் ஒட்டினர். சிதம்பரம் வீட்டிற்கு இன்று ( ஆக.20) இரவு 11.30 மணிக்கு வந்த 4 சிபிஐ அதிகாரிகள், அடுத்த 2 மணி நேரத்தில் சிபிஐ அலுவலகத்தில் சிதம்பரம் நேரில் ஆஜராக வேண்டும் என நோட்டீஸ் ஒட்டி விட்டுச் சென்றனர்.

முன்னதாக அமலாக்கத்துறை அதிகாரிகள் சிதம்பரம் வீட்டிற்கு வந்து சென்றநிலையில், சி,பி.ஐ. அதிகாரிகள் நோட்டீஸ் ஒட்டி சென்றுள்ளது குறிப்பிடத்தக்கது.

பக்கம் 1 / 2597
Top
We use cookies to improve our website. By continuing to use this website, you are giving consent to cookies being used. More details…