JoomlaLock.com All4Share.net

Background Video

விளையாட்டு

4வது ஒருநாள் போட்டி : ஹேன்ட்ஸ்கோம்ப் - டர்னர் அதிரடியில் ஆஸ்திரேலியா வெற்றி
ஆஸ்திரேலிய கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது. இரு அணிகள் இடையேயான 20 ஓவர் தொடரை ஆஸ்திரேலியா 2-0 என்ற கணக்கில் கைப்பற்றியது.
 
5 போட்டிகள் கொண்ட ஒருநாள் தொடரில் இதுவரை நடந்த 3 ஆட்டத்தின் முடிவில் இந்தியா 2-1 என்ற கணக்கில் முன்னிலையில் உள்ளது.
 
இந்நிலையில், இந்தியா- ஆஸ்திரேலியா அணிகள் மோதும் 4-வது ஒருநாள் போட்டி மொகாலியில் இன்று நடைபெற்று வருகிறது.
 
டாஸ் வென்ற இந்தியா முதலில் பேட்டிங்கை தேர்வு செய்தது. தொடக்க ஆட்டக்காரர்களாக ரோகித் சர்மாவும், ஷிகர் தவானும் களமிறங்கினர்.
 
இருவரும் முதலில் இருந்தே அதிரடியாக ஆடினர். அதனால் இந்தியாவின் ரன் வேகம் அதிகரித்து வந்தது. இருவரும் எளிதில் அரை சதம் கடந்தனர்.
 
அணியின் எண்ணிக்கை 193 ரன்னாக இருக்கும்போது ரோகித் சர்மா அவுட்டானார். அவர் 92 பந்துகளில் 2 சிக்சர், 7 பவுண்டரியுடன் 95 ரன்கள் எடுத்து ஆட்டமிழந்தார். இந்த போட்டியில் முதல் விக்கெட்டுக்கு ரோகித், தவான் ஜோடி 193 ரன்கள் எடுத்ததும் சாதனையாகும்.
 
அடுத்து இறங்கிய கே.எல்.ராகுல் தவானுக்கு ஒத்துழைப்பு அளித்தார். ஷிகர் தவான் அதிரடியாக ஆடி சதம் கடந்தார். சிறப்பாக ஆடிய ஷிகர் தவான் 115 பந்துகளில் 3 சிக்சர், 18 பவுண்டரியுடன் 143 ரன்களில் ஆட்டமிழந்தார்.
 
அவரை தொடர்ந்து கே.எல்.ராகுல் 26 ரன்னிலும், விராட் கோலி 7 ரன்னிலும், ரிஷப் பந்த் 36 ரன்னிலும் விஜய்சங்கர் 26 ரன்னிலும் அவுட்டாகினர்.
 
இறுதியில், இந்திய அணி நிர்ணயிக்கப்பட்ட 50 ஓவரில் 9 விக்கெட் இழப்புக்கு 358 ரன்கள் எடுத்துள்ளது.
 
ஆஸ்திரேலியா சார்பில் பாட் கம்மின்ஸ் 5 விக்கெட்டும், ரிச்சர்ட்சன் 3 விக்கெட்டும் வீழ்த்தினர்.
 
அடுத்து இமாலய இலக்கை நோக்கி களம் புகுந்த ஆஸ்திரேலிய அணியில் கேப்டன் ஆரோன் பிஞ்ச் (0) அடுத்து வந்த ஷான் மார்ஷ் (6 ரன்) இருவரும் கிளன் போல்டு ஆனார் கள். இதன் பின்னர் உஸ்மான் கவாஜாவும், பீட்டர் ஹேன்ட்ஸ்கோம்ப்பும் இணைந்து தங்கள் அணியை சரிவில் இருந்து மீட்டனர். ஆரம்பத்தில் நிதானமாக ஆடிய இவர்கள் போக போக ரன்வேகத்தை தீவிரப்படுத்தினர். பேட்டிங்குக்கு சொர்க்கபுரியாக திகழ்ந்த இந்த ஆடுகளத்தில் இந்திய பவுலர்களால் தாக்கத்தை ஏற்படுத்த இயலவில்லை. இவர்கள் 3-வது விக்கெட்டுக்கு 192 ரன்கள் திரட்டி அணிக்கு நம்பிக்கை அளித்தனர்.
 
உஸ்மான் கவாஜா 91 ரன்களில் (99 பந்து, 7 பவுண்டரி) வெளியேறினார். அடுத்து வந்த மேக்ஸ்வெல் 23 ரன்னில் ‘ரிவர்ஸ் ஸ்வீப்’ ஷாட் அடிக்க முயற்சித்து எல்.பி.டபிள்யூ. ஆனார். இதற்கு மத்தியில், இன்னொரு முனையில் நங்கூரம் பாய்ச்சியது போல் நிலைகொண்டு ஆடிய பீட்டர் ஹேன்ட்ஸ்கோம்ப் தனது ‘கன்னி’ சதத்தை எட்டினார். மேக்ஸ்வெல்லுக்கு பிறகு வந்த ஆஷ்டன் டர்னர், இந்திய பந்து வீச்சை நொ றுக்கித் தள்ளினார். பேட் டில் பட்ட பந்துகள் எல்லைக்கோட்டை நோக்கி தெறித்து ஓடின. பல கட்டத்தில் பீல்டிங்கில் கோட்டை விட்ட இந்திய வீரர்கள் ஏதோ ரசிகர்கள் போன்று வேடிக்கை பார்த்தது மட்டுமே மிச்சம்.
 
டர்னரின் ஆக்ரோஷமான பேட்டிங், 10 ஓவர்களில் 98 ரன்கள் தேவை என்ற நிலையை 5 ஓவர்களில் 42 ரன்கள் தேவை என்று மாற்றியது. இதற்கிடையே ஹேன்ட்ஸ்கோம்ப் 117 ரன்களில் (105 பந்து, 8 பவுண்டரி, 3 சிக்சர்) கேட்ச் ஆனார். அடுத்து களம் கண்ட விக்கெட் கீப்பர் அலெக்ஸ் காரி டர்னருக்கு நன்கு ஒத்துழைப்பு தந்தார். கடைசி கட்டத்தில் புவனேஷ்வர்குமாரை அலற வைத்த ஆஷ்டன் டர்னர் அவரது 2 ஓவர்களில் மட்டும் 3 சிக்சர், 2 பவுண்டரி சாத்தினார். இதனால் ஆட்டம் ஆஸ்திரேலியாவின் பக்கம் முழுமையாக திரும்பியது. வெற்றியை நெருங்கிய சமயத்தில் அலெக்ஸ் காரி 21 ரன்களில் கேட்ச் ஆனார்.
 
ஆஸ்திரேலியா சாதனை வெற்றி
 
ஆஸ்திரேலிய அணி 47.5 ஓவர்களில் 6 விக்கெட்டுக்கு 359 ரன்கள் குவித்து 4 விக்கெட் வித்தியாசத்தில் வெற்றி பெற்றது. ஹீரோவாக ஜொலித்த 26 வயதான ஆஷ்டன் டர்னர் 84 ரன்களுடன் (43 பந்து, 5 பவுண்டரி, 6 சிக்சர்) களத்தில் இருந்தார். டர்னருக்கு 38 ரன்னில் ஸ்டம்பிங் வாய்ப்பை ரிஷாப் பான்டும், 80 ரன்னில் எளிய கேட்ச் வாய்ப்பை ஷிகர் தவானும் நழுவ விட்டது கவனிக்கத்தக்கது. ஒரு நாள் போட்டியில், இந்தியாவுக்கு எதிராக ஒரு அணி விரட்டிப்பிடித்த (சேசிங்) அதிகபட்ச ஸ்கோர் இது தான். 2007-ம் ஆண்டில் பாகிஸ்தானும், 2017-ம் ஆண்டில் இலங்கையும் 322 ரன்கள் இலக்கை எட்டிப்பிடித்ததே, இதற்கு முன்பு இந்தியாவுக்கு எதிராக ஒரு அணியின் அதிகபட்ச சேசிங்காக இருந்தது. இதே போல் ஆஸ்திரேலிய அணிக்கும் இது தான் உயரிய ‘சேசிங்’ ஆகும்.
 
இந்த வெற்றியின் மூலம் 5 போட்டிகள் கொண்ட ஒரு நாள் தொடரை ஆஸ்திரேலியா 2-2 என்ற கணக்கில் சமனுக்கு கொண்டு வந்துள்ளது. முதல் 2 ஆட்டங்களில் இந்தியாவும், 3-வது ஆட்டத்தில் ஆஸ்திரேலியாவும் வெற்றி பெற்றிருந்தது. தொடர் யாருக்கு என்பதை நிர்ணயிக்கும் கடைசி ஒரு நாள் போட்டி டெல்லியில் வருகிற 13-ந்தேதி நடக்கிறது.
 
 
Read 73 times
Share this article

About author

Super User

Leave a comment

Make sure you enter the (*) required information where indicated. HTML code is not allowed.

Top
We use cookies to improve our website. By continuing to use this website, you are giving consent to cookies being used. More details…