JoomlaLock.com All4Share.net

Background Video

விளையாட்டு

தென்னாப்பிரிக்காவின் ஃபில்டிங் சொதப்பல் : அனுகூலத்தை தவற விட்டது இந்தியா

தென்னாப்பிரிக்காவுக்கு எதிரான 3-வது டெஸ்ட் கிரிக்கெட் போட்டியில் முதல் இன்னிங்ஸில் இந்திய அணி 187 ரன்களுக்கு ஆட்டமிழந்தது.

விராட் கோலி தலைமையிலான இந்தியக் கிரிக்கெட் அணி தென்னாப்பிரிக்காவில்சுற்றுப்பயணம் செய்து விளையாடி வருகிறது. டெஸ்ட் தொடரில் முதலிரண்டு போட்டிகளில் வெற்றி பெற்ற தென்னாப்பிரிக்க அணி தொடரையும் கைப்பற்றி விட்டது. இவ்விரு அணிகளுக்கு இடையேயான கடைசி மற்றும் 3-வது டெஸ்ட் போட்டி ஜோகனஸ்பர்க்கில் இன்று தொடங்கியது. இந்திய அணியில் இரண்டு மாற்றங்கள் செய்யப்பட்டன. ரோஹித் ஷர்மாவுக்குப் பதிலாக ரஹானே சேர்க்கப்பட்டார். அஷ்வின் நீக்கப்பட்டு, புவனேஷ்வர் குமார் மீண்டும் களமிறங்கினார். டாஸ் வென்ற இந்திய அணி பேட்டிங்கை தேர்வு செய்தது. 

தொடக்க வீரர்களாக முரளி விஜய், லோகேஷ் ராகுல்  களமிறங்கினார்கள். இந்திய அணிக்கு ஆரம்பமே அதிர்ச்சி காத்திருந்தது. ராகுல் ரன் எதுவும் எடுக்காமலும், விஜய் 7 ரன்னிலும் அடுத்தடுத்து ஆட்டமிழந்தனர். அதன்பிறகு களமிறங்கிய புஜாரா, கேப்டன் கோலி இணை விக்கெட் விழுந்துவிடாமல் இருக்க தடுப்பாட்டத்தில் ஈடுபட்டது.

அதிலும் புஜாரா கடுமையான நிதானத்தைக் கடைபிடித்தார். முதல் ரன் எடுக்கவே அவருக்கு 54 பந்துகள் தேவைப்பட்டன. இவர்களின் பொறுப்பான ஆட்டத்தால் இந்திய அணி மெல்ல நிமிர்ந்தது. கோலி அரைசதம் அடித்தார். நல்ல நிலையில் சென்றுகொண்டிருந்த நிலையில், ஸ்கோர் 97 ரன்களாக உயர்ந்தபோது கோலி 54 ரன்களில் ஆட்டமிழந்தார். அதன்பிறகு இந்தியா மீண்டும் வீழ்ச்சிப் பாதைக்குச் சென்றது.

எதிர்பார்க்கப்பட்ட ரஹானே 8 ரன்னிலும், பட்டேல் 2 ரன்னிலும் வீழ்ந்தனர். அரைசத்தைக் கடந்த புஜாரா 50 ரன்னுக்கு அவுட்டானார்.  ஹர்திக் பாண்ட்யா டக் அவுட்டானார். பந்துவீச்சாளர் புவனேஷ்குமார் சிறிது நேரம் போராடி 30 ரன் சேர்த்தார்.  இந்திய அணி முதல் இன்னிங்ஸில் 187 ரன்களுக்கு ஆல் அவுட் ஆனது. 76.4 ஓவர்களைச் சந்தித்த இந்திய அணியின் ரன் வேகம் மிகக் குறைவாக இருந்தது.

இதைத் தொடர்ந்து, தென்னாப்பிரிக்க அணி முதல் இன்னிங்ஸை தொடங்கியது. டீன் எல்கர, மார்க்ரம் துவக்க வீரர்களாக களமிறங்கினர். மார்க்ரம் 2 ரன்களில் புவனேஷ்வர் குமார் பந்தில் ஆட்டமிழந்தார்.  இன்றைய ஆட்டநேர முடிவில் தென்னாப்பிரிக்க அணி ஒரு விக்கெட் இழப்புக்கு 6 ரன்கள் எடுத்துள்ளது. இரண்டாம் நாள் ஆட்டம் நாளை நடைபெறவுள்ளது.

 

Read 33 times
Share this article

About author

Super User

Leave a comment

Make sure you enter the (*) required information where indicated. HTML code is not allowed.

Top
We use cookies to improve our website. By continuing to use this website, you are giving consent to cookies being used. More details…