JoomlaLock.com All4Share.net

Background Video

விளையாட்டு

ஒரு நாள் தொடர்: தெ. ஆப்பிரிக்க அணி அறிவிப்பு

இந்திய அணிக்கு எதிரான 3 போட்டிகள் கொண்ட ஒரு நாள் தொடருக்கான தென் ஆப்பிரிக்க அணி இன்று அறிவிக்கப்பட்டது. இதில் வேகப்பந்துவீச்சாளர் லுங்கி இங்கிடி, பேட்ஸ்மன் காயா ஜோன்டோ ஆகியோர் இடம் பெற்றுள்ளனர்.

தென் ஆப்பிரிக்கா சென்றுள்ள இந்திய அணி டெஸ்ட், ஒருநாள், டி20 போட்டிகளில் விளையாட உள்ளது. இதில் 3 போட்டிகள் கொண்ட டெஸ்ட் தொடரில் 2-0 என்ற கணக்கில் தென் ஆப்பிரிக்கா தொடரைக் கைபற்றிவிட்டது

இந்நிலையில், ஒருநாள் தொடர் பிப்ரவரி 1-ந்தேதி தொடங்குகிறது. முதல் ஆட்டம், பிப்ரவரி 1-ம் தேதி டர்பன் நகரில் நடைபெறுகிறது. இந்த தொடரில் பங்கேற்கும் தென் ஆப்பிரிக்க அணி வீரர்கள் பட்டியலை அந்நாட்டு வாரியம் இன்று வெளியிட்டது.

அதில் வேகப்பந்துவீச்சாளர் லுங்கி இங்கிடி இடம் பெற்றுள்ளார். பிரிடோரியாவில் இந்தியாவுக்கு எதிரான 2-வது டெஸ்ட் போட்டியில் 6 விக்கெட்டுகள் வீழ்த்தி தேர்வாளர்களின் கவனத்தை ஈர்த்ததால் அவருக்கு வாய்ப்பு வழங்கப்பட்டுள்ளது. சமீப காலமாக காயத்தால் பாதிக்கப்பட்டு இருந்த இங்கிடி இப்போது அதில் இருந்து மீண்டு போட்டியில் பங்கேற்று வருகிறார்.

அதேபோல, கடந்த 2015ம் ஆண்டு இந்தியாவுக்கு வந்த தென் ஆப்பிரிக்க அணியில் இடம் பெற்ற பேட்ஸ்மென் காயா ஜோன்டா இந்த முறை வாய்ப்பு பெற்றார். இந்தியாவுக்கு எதிரான அணியில் இடம் பெற்று இருந்தும், அப்போது ஒரு போட்டியில்கூட அவர் களமிறங்கவில்லை என்பது குறிப்பிடத்தக்கது.

மேலும், வேகப்பந்துவீச்சாளற் மோர்ன் மோர்கல், ஆல்ரவுண்டர் கிறிஸ் மோரீஸ், சுழற்பந்துவீச்சாளர் தப்ரெய்ஸ் ஷாம்ஸி ஆகியோர் இடம் பெற்றுள்ளனர்.

தென் ஆப்பிரிக்க வீரர்கள் விவரம்:

பா டூ பிளசிஸ்(கேப்டன்), ஹசிம் அம்லா, குயின்டன் டீ காக், டிவில்லியர்ஸ், ஜே.பி. டுமினி, இம்ரான் தாஹிர், எய்டன் மார்க்ரம், டேவிட் மில்லர், மோர்ன் மோர்கல், கிறிஸ் மோரிஸ், லுங்கி இங்கிடி, அன்டில் பெலுக்வேயோ,  ரபாடா, டப்ரெய்ஸ் ஷாம்சி, காயா ஜோன்டோ

Read 87 times
Share this article

About author

Super User

Leave a comment

Make sure you enter the (*) required information where indicated. HTML code is not allowed.

Top
We use cookies to improve our website. By continuing to use this website, you are giving consent to cookies being used. More details…