JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

தினகரன் தலைமையில் மெகா கூட்டணிக்காக மாற்று கட்சித் தலைவர் ஒருவர் தீயாக வேலை செய்து வருவது அரசியல் வட்டாரங்களில் பரபரப்பை ஏற்படுத்தியுள்ளது. சட்டசபை தேர்தலில் திமுக தலைமையில் மெகா கூட்டணி அமைவதற்கான சாத்தியங்கள் இருக்கின்றன. இதற்கான வியூகங்களை திமுக வகுத்து செயல்படுத்தி வருகிறது.

இந்நிலையில் திமுகவை நோக்கி நகர்ந்து வரும் கட்சிகளில் ஒன்றின் தலைவரை திமுகவின் இயற்கையான கூட்டணி கட்சியின் தலைவர் ஒருவர் அண்மையில் ரகசியமாக சந்தித்து பேசியிருக்கிறார். இச்சந்திப்பின் போது, அதிகாரத்தில் பங்கு தந்தால் கூட்டணி வைப்போம் என திமுகவிடம் பேரம் பேசுங்கள் என வலியுறுத்தியிருக்கிறார்.

Image result for dinakaran - thirunavukkarasar photos images

இந்த மூளைச்சலவைக்குப் பின்னர் திமுகவுடன் கை கோர்ப்பதில் தீவிரமாக இருந்த அந்த கட்சியின் தலைவர் சற்றே ஜெகா வாங்கியிருக்கிறார். இதேபோல திமுகவின் நேச சக்திகளாக உருவெடுக்கும் கட்சித் தலைவர்களுக்கும் அந்த தலைவர் செக் வைத்து வருகிறாராம்.

அவரைப் பொறுத்தவரையில் தினகரன் தலைமையில் மெகா கூட்டணியை உருவாக்குவோம்; ஆட்சி கைக்கு வந்தால் மகிழ்ச்சி; வராது போனாலும் இழப்பு இல்லை என்பதுதான் வியூகமாம்.

திமுக நிச்சயம் அதிகாரத்தில் பங்கு தராது; அப்படியிருக்கும் போது எதற்காக திமுகவுக்கு முட்டுக் கொடுக்க வேண்டும் என்பதுதான் அந்த தலைவரின் வாதமாம். இதற்கு அந்த கட்சியின் மேலிடமும் க்ரீன் சிக்னல் கொடுத்துவிட்டதாம்.

சென்னையில் நடந்த ஒரு விழாவில் தமிழ்தாய் வாழ்த்து பாடிய போது, காஞ்சி விஜயேந்திரர் எழுந்து நிற்காமல் உட்கார்ந்திருந்த விவகாரம் சர்ச்சையை ஏற்படுத்தியுள்ளது.
 
பேராசிரியர் ஹரிஹரன் எழுதிய தமிழ் - சமஸ்கிருதம் அகராதி நூல் வெளியீட்டு விழா நேற்று சென்னையில் நடைபெற்றது. இதில், ஆளுநர் பன்வாரிலால் கலந்து கொண்டு நூலை வெளியிட்டார். விழாவின் தொடக்கத்தில் தமிழ்தாய் வாழ்த்து இசைக்கப்பட்டது. அப்போது, ஆளுநர் உட்பட அனைவரும் எழுந்து நின்றனர். ஆனால், இந்த விழாவில் கலந்து கொண்ட காஞ்சி இளைய மடாதிபதி விஜேயேந்திர சரஸ்வதி மட்டும் எழுந்து நிற்காமல் தனது இருக்கையிலேயே அமர்ந்திருந்தார்.
 
ஆனால், விழா முடிந்து தேசிய கீதம் இசைக்கப்பட்டபோது மட்டும் விஜயேந்திரர் எழுந்து நின்று மரியாதை செய்தார். விஜயேந்திரரின் இந்த செயல் அங்கிருந்தவர்களுக்கு அதிர்ச்சியை ஏற்படுத்தியது. 
 
இதன் மூலம் அவர் தமிழை அவமரியாதை செய்து விட்டார் எனவும், இதற்காக அவர் மன்னிப்பு கேட்க வேண்டும் எனவும் தமிழ் ஆர்வலர்கள் கடும் கண்டனம் தெரிவித்து வருகின்றனர்.
 
மேலும், ஆண்டாள் விவகாரத்தை கையில் எடுத்து வைரமுத்து மன்னிப்பு கேட்க வேண்டும் என போர்க்கொடி பிடித்த ஹெச்.ராஜா மற்றும் இந்து அமைப்பினர் விஜேந்திரரை மன்னிப்பு கேட்ப சொல்வார்களா? எனவும் சமூக வலைத்தளங்களில் கேள்வி எழுப்பி வருகின்றனர்.

மாட்டு தீவன ஊழல் தொடர்பான 3வது வழக்கிலும் ராஷ்டிரிய ஜனதா தள கட்சி தலைவர் லாலு பிரசாத் குற்றவாளி என தீர்ப்பு வழங்கப்பட்டுள்ளது.

மாட்டு தீவன ஊழல் தொடர்பாக லாலு மீது 6 வழக்குகள் போடப்பட்டன. இதில் ஏற்கனவே 2 வழக்கில் லாலு குற்றவாளி என தீர்ப்பு வழங்கப்பட்டு, ராஞ்சியில் உள்ள பிர்சா முண்டா சிறையில் மூன்றரை ஆண்டுகள் சிறை தண்டனை அனுபவித்து வருகிறார்.

இந்நிலையில், லாலு, பீகார் முதல்வராக இருந்த போது 1992-93 ம் ஆண்டுகளில் ரூ.33.67 கோடி அளவிற்கு மாட்டு தீவனம் வாங்கியதில் ஊழல் நடைபெற்றுள்ளது. இது தொடர்பாக 76 பேர் மீது வழக்கு தொடரப்பட்டது.

குற்றம் சாட்டப்பட்டவர்களில் 14 பேர் விசாரணை நடைபெற்று கொண்டிருந்த போதே மரணமடைந்து விட்டனர். 3 பேர் குற்றத்தை ஒப்புக் கொண்டுள்ளனர். 2 பேர் தலைமறைவாக இருந்து வருகின்றனர். மீதமுள்ள 56 பேர் மீது வழக்கு நடைபெற்று வருகிறது.

இவர்களில் 6 பேர் அரசியல்வாதிகள், 3 பேர் ஐஏஎஸ் அதிகாரிகள், 6 பேர் கால்நடை மற்றும் கருவூலத்துறை அதிகாரிகள், 40 பேர் கால்நடை துறைக்கு உணவு விநியோகம் செய்தவர்கள் ஆவர். இந்நிலையில் சிபிஐ சிறப்பு கோர்ட் நீதிபதி எஸ்.எஸ்.பிரசாத் தலைமையிலான அமர்வு இவ்வழக்கில் இன்று தீர்ப்பு வழங்கி உள்ளது. லாலு குற்றவாளி என அறிவிக்கப்பட்டுள்ளார். தண்டனை விவரம் பிற்பகல் 2 மணியளவில் அறிவிக்கப்பட உள்ளது.

மாட்டு தீவன ஊழல் விவகாரத்தில் லாலுவிற்கு எதிரான முதல் வழக்கில் 5 ஆண்டு சிறை தண்டனையும், 2வது வழக்கில் மூன்றரை ஆண்டு சிறை தண்டனையும் வழங்கப்பட்டுள்ளது. தற்போது 3வது வழக்கிலும் அவர் குற்றவாளி என அறிவிக்கப்பட்டுள்ளார்.

 

 

தி.மு.க.,வின் செயல் தலைவராக இருக்கும் ஸ்டாலின், கட்சியின் பொருளாளர் பதவியையும் சேர்த்து வகிக்கிறார். ஏற்கனவே அவரிடம் இருந்த இன்னொரு பொறுப்பான, இளைஞர் அணி பதவியை வெள்ளக்கோவில் சாமிநாதனிடம் கொடுத்தது போல, பொருளாளர் பதவியை, முக்கியமானவர் ஒருவருக்கு கொடுக்க திட்டமிட்டுள்ளார்.

2 ஜி வழக்கில் இருந்து விடுதலை ஆகி இருக்கும், கனிமொழிக்கு, பொருளாளர் பதவியை பெற்றுத் தர, அவரது ஆதரவாளர்கள் விரும்புகின்றனர். அதற்காக, ஸ்டாலினிடம் பலமுறை பேசி விட்டனர்.

இதற்கிடையில், அதே 2 ஜி வழக்கில் இருந்து விடுதலை ஆகி இருக்கும் முன்னாள் மத்திய அமைச்சர் ஆ.ராஜாவும், பொருளாளர் பதவியை பிடிப்பதற்காக, காய் நகர்த்தத் துவங்கி இருக்கிறார். துணைப் பொதுச் செயலராக இருக்கும் நாமக்கல் துரைசாமி தவிர, தலித் இனத்தைச் சேர்ந்த ஒருவருக்கு, கட்சியில் முக்கிய பதவியை அளிக்கவில்லை.

அதனால், பொருளாளர் பதவியை கொடுக்க வேண்டும் என்று, அவர் கேட்கத் துவங்கி உள்ளார். ஸ்டாலினும், ராஜாவுக்கு கொடுக்கலாமா என்ற யோசனையில் ஆழ்ந்திருப்பததாகக் கட்சி வட்டாரங்களில் கூறப்படுகிறது.

 

 

ஆர்.கே.நகர் தொகுதி எம்.ல்.ஏ டிடிவி தினகரன் சிறைக்கு செல்லும் நேரம் வந்து விட்டது என அமைச்சர் ஜெயக்குமார் பேட்டியளித்துள்ளார்.
 
கடந்த 20ம் தேதி முதல் தமிழக அரசு பேருந்து கட்டணத்தை திடீரென உயர்த்தி அறிவிப்பை வெளியிட்டது. இதனால், சென்னை போன்ற பெரிய நகரங்கள் மட்டுமின்றி, சிறு கிராமங்கள் மற்றும் நகரங்களில் பேருந்துகளை பயன்படுத்தும் சாதாரண பொதுமக்கள், இதற்கு முன் செலுத்தியதை விட இரண்டு மடங்கு தொகை கொடுக்க வேண்டியுள்ளது.  
 
சரியான முன்னறிவிப்பின்றி இப்படி அரசு பேருந்து கட்டணத்தை உயர்த்தியது தவறு எனவும், இதனால், தாங்கள் மிகுந்து சிரமத்திற்கு ஆளாகியுள்ளதாகவும், இந்த கட்டண உயர்வை அரசு திரும்ப பெற வேண்டும் என பொதுமக்கள் புகார் கூறி வருகின்றனர். ஆனால், விலை ஏற்றத்தை திரும்ப பெற முடியாது என தமிழக அரசு கைவிரித்து விட்டது.
 
அந்நிலையில், பேருந்து கட்டண உயர்வை திரும்பி பெற வேண்டும் என டிடிவி தினகரன் கோரிக்கை விடுத்திருந்தார். அதில், எம்.எல்.ஏ.க்களுக்கான சம்பள உயர்வை நான் பெறப்போவதில்லை, எம்.எல்.ஏ.க்கள் மட்டும் தமிழக பிரஜைகள் போலவும், பொதுமக்கள் இந்த அரசுக்கு தேவையற்றவர்கள் போலவும் ஆட்சியாளர்கள் நடந்து கொள்கின்றனர் என புகார் கூறியிருந்தார். 
 
இந்நிலையில் இதுபற்றி பேட்டியளித்த ஜெயக்குமார் “பேருந்து கட்டணத்தை மீண்டும் குறைக்க முடியாது. முதல்வர் எடப்பாடி பழனிச்சாமி தலைமையிலான அரசு மக்கள் நலத்திட்டங்களை சிறப்பாக செயல்பட்டு வருகிறது.  டிடிவி தினகரன் சிறைக்கு செல்லும் நேரம் நெருங்கி விட்டது” என அவர் தெரிவித்தார்.
பக்கம் 1 / 1837
Top
We use cookies to improve our website. By continuing to use this website, you are giving consent to cookies being used. More details…