JoomlaLock.com All4Share.net

Background Video

சமீபகாலமாக த்ரிஷா நடித்துவரும் நாயகி, மோகினி என்கிற படங்களின் பெயர்களை பார்த்தாலே படத்தில் நாயகன் இருக்கிறாரோ இல்லையோ கதையின் பிரதான நாயகியாக த்ரிஷாதான் இருப்பார் என்றே தெரிகிறது. தற்போது மாதேஷின் இயக்கத்தில் மோகினி படத்தில் நடித்துவருகிறார் த்ரிஷா. இந்தப்படத்தில் லண்டன் வாழ இந்தியரான த்ரிஷா அங்கே சொந்தமாக பேக்கரி வைத்து நடத்துபவராக நடிக்கிறார்..இதற்கான படப்பிடிப்பு அங்கே நடைபெற்றுக்கொண்டு இருக்கும்போதே, மற்ற நேரங்களில் த்ரிஷாவுக்கு பேக்கரி பற்றியும் அங்கே கேக் மற்றும் சில உணவு வகைகளை செய்வது எப்படி என்பது குறித்தும் பயிற்சியும் கொடுக்கப்பட்டது.. த்ரிஷாவும் அவற்றை ஆவலுடன் கற்றுகொண்டு காட்சிகளில் அவற்றை இயல்பாக பிரதிபலித்தாராம். இதற்கு முன்னர் 'பிரேமம்' படத்திற்காக நிவின்பாலியும், 'தெறி' படத்திற்காக விஜய்யும் இந்த பேக்கரி தொழில் நுட்பங்களை கற்றுக்கொண்டவர்கள் தான். இப்போது த்ரிஷாவும் அந்த லிஸ்ட்டில் சேர்ந்துவிட்டார்.

Published in சினிமா
செவ்வாய்க்கிழமை, 05 ஜூலை 2016 00:00

சிம்புவுக்கு அம்மாவாகிறார் ஸ்ரேயா!

ஆதிக் ரவிச்சந்திரன் இயக்கத்தில் சிம்பு மூன்று வேடங்களில் நடிக்கும் படம் அன்பானவன் அசராதவன் அடங்காதவன். இந்த படத்தில் ஒரு கெட்டப்பில் நார்மலாகவும், இன்னொரு வேடத்தில் தாடி கெட்டப்பிலும், மற்றொரு வேடத்தில் 90 கிலோ வெயிட் போட்டும் மூன்று வித்தியாசமான வேடங்களில் நடிக்கிறார் சிம்பு. மேலும், இதில் ஒரு வேடத்தில் சிம்பு திருமணமானவராகவும், அவருக்கு பிறக்கும் ஒரு குழந்தை இன்னொரு சிம்பு போலவும் காட்சி உள்ளதாம். அதனால் அந்த சிம்புவுக்கு ஜோடியாக நடிக்க முதலில் திரிஷாவை அழைத்தனர். ஆனால் சிம்புவுக்கு ஜோடியாக நடிக்க ஓகேதான். ஆனால் இன்னொரு சிம்பு வுக்கு அம்மாவாக நடிப்பதுதான் பிடிக்கவில்லை. அப்படி நடித்தால் என்னை அடுத்தடுத்து அம்மா வேடங்களுக்கு நடிக்க அழைத்து விடுவார்கள் என்று மறுத்து விட்டார்.ஆனால் அந்த வேடத்தில் முன்னணி நடிகை ஒருவர் நடித்தால்தான் பொருத்த மாக இருக்கும் என்று பல முன்னணி நடிகைகளிடம் பேசி வந்தனர். இப்போது அந்த வேடத்துக்கு ஸ்ரேயா ஓகே சொல்லிவிட்டாராம். தற்போதைய நிலவரப்படி தமிழில் படவாய்ப்பு இல்லாத ஸ்ரேயா இது ஒரு என்ட்ரியாக இருக்கும் என்று நிக்கிறாராம். அதோடு, அவர் திரிஷ்யம் இந்தி ரீமேக்கிலும் தமிழில் கெளதமி நடித்த ரோலில் நடித்தவர். அந்த படத்தில் 16 வயது பெண்ணுக்கே அம்மாவாக நடித்த எனக்கு, இதில் ஒரு குழந்தைக்கு அம்மாவாக நடிப்பதில் எந்த பிரச்சினையும் இல்லை எனறு கூறினாராம்.

Published in சினிமா
 
 

நடிகை இலியானா மும்பையை சேர்ந்தவர். இவருக்கு 28 வயது ஆகிறது. தமிழில் ‘கேடி’ படத்தில் அறிமுகமானார். 2006-ல் இந்த படம் வெளியானது. தொடர்ந்து விஜய் ஜோடியாக ‘நண்பன்’ படத்தில் நடித்து பிரபலமானார். தெலுங்கு, கன்னட படங்களிலும் நடித்துள்ளார். தற்போது இரண்டு இந்தி படங்களில் நடித்துக்கொண்டு இருக்கிறார்.

இலியானாவுக்கு திருமணம் நிச்சயமாகி உள்ளது. ஆஸ்திரேலியாவை சேர்ந்த ஆண்ட்ரூ என்பவரை அவர் மணக்கிறார். ஆண்ட்ரூ புகைப்பட கலைஞர் ஆவார். சில வருடங்களுக்கு முன்பு இருவரும் நிகழ்ச்சி ஒன்றில் சந்தித்தனர். அப்போது காதல் மலர்ந்து சேர்ந்து சுற்றினார்கள். வெளிநாடுகளுக்கும் ஜோடியாக சென்று வந்தார்கள். காதலை இலியானாவும் உறுதிப்படுத்தினார்.

இவர்கள் திருமணம் விரைவில் நடக்க இருப்பதாகவும், திருமண ஏற்பாடுகளில் இலியானா தீவிரமாக ஈடுபட்டு உள்ளதாகவும் தகவல் வெளியாகி இருக்கிறது. மும்பையில் உள்ள நட்சத்திர ஓட்டலில் இவர்கள் திருமணம் நடக்க இருப்பதாக கூறப்படுகிறது.

திருமணத்துக்கு பிறகு இலியானா சினிமாவில் நடிப்பாரா? மாட்டாரா? என்பது உறுதியாக தெரியவில்லை. ஆனால் புதிய படங்களில் தற்போது அவர் ஒப்பந்தமாகவில்லை. ஏற்கனவே கைவசம் உள்ள படங்களை முடிப்பதில் தீவிரமாக இருக்கிறார்.

Published in சினிமா
திங்கட்கிழமை, 04 ஜூலை 2016 00:00

சமையற்கலைஞராக மாறிய திரிஷா!

மோகினி படத்தில் திரிஷா சமையல் கலைஞராக நடித்து வருவதாகத் தகவல்கள் வெளியாகியுள்ளன.

'நாயகி' படத்தைத் தொடர்ந்து திரிஷா 'மதுர' மாதேஷ் இயக்கத்தில் 'மோகினி'யாக நடித்து வருகிறார். இப்படத்தின் முதற்கட்ட படப்பிடிப்பு லண்டன் பகுதியில் நிறைவடைந்துள்ளது.

படக்குழு அடுத்ததாக தாய்லாந்து பகுதிகளில் படப்பிடிப்பினை நடத்தவிருக்கிறது. இந்நிலையில் இப்படம் குறித்த புதிய தகவல்கள் தற்போது வெளியாகியுள்ளன.

திரிஷா இப்படத்தில் முதன்முறையாக சமையல் கலைஞராக நடிக்கிறார். லண்டனில் உணவகம் நடத்தும் பெண்ணாக இவரின் கதாபாத்திரம் வடிவமைக்கப்பட்டுள்ளது.

இதற்காக சமையல் கலைஞர்களிடம் திரிஷா முறையான சமையல் பயிற்சி பெற்று நடித்து வருகிறார். குறிப்பாக அவர்களின் முக பாவனை, உடல் அசைவுகள் குறித்து அவர் பயிற்சி எடுத்துக் கொண்டுள்ளார்.

தற்போது திரிஷா சமையல் கலைஞராக நடிக்கும் காட்சிகளை படம் பிடித்துள்ளனர். அடுத்ததாக அவர் பேயாக வருவது போன்ற காட்சிகளை படம்பிடிக்கவுள்ளனர்.

இந்தியில் வெற்றி பெற்ற 'குயின்' படத்தில் திரிஷாவை நடிக்க வைக்கப் பேச்சுவார்த்தைகள் நடந்து வருவது குறிப்பிடத்தக்கது.

Published in சினிமா

வெற்றிமாறன் இயக்கத்தில் தனுஷ் நடிக்கவிருக்கும் வட சென்னை படத்திலிருந்து சமந்தா வெளியேறிவிட்டதாக தகவல்கள் வெளியாகியுள்ளன. தெலுங்கு நடிகர் நாகர்ஜூனாவின் மகனான நாக சைதன்யாவுக்கும் சமந்தாவுக்கும் காதல் என்றும், இருவரும் விரைவில் திருமணம் புரிந்து கொள்ளவிருப்பதால் நாக சைதன்யாவின் வேண்டுகோளுக்கினங்கவே அவர் வட சென்னை படத்திலிருந்து விலகியதாக கூறப்படுகிறது. சமந்தா சமீப காலமாக எந்த ஒரு புது படத்தையும் ஒப்பு கொள்ளவில்லை என்பது குறிப்பிடத்தக்கது.

Published in சினிமா
பக்கம் 1 / 3
Top
We use cookies to improve our website. By continuing to use this website, you are giving consent to cookies being used. More details…