JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

ஊதிய உயர்வு கோரிக்கையை வலியுறுத்தி வெள்ளிக்கிழமை (அக். 25) முதல் அரசு மருத்துவர்கள் வேலைநிறுத்தப் போராட்டத்தில் ஈடுபட உள்ளனர்.

டெங்கு, மலேரியா உள்ளிட்ட காய்ச்சல் பாதிப்புகள் அதிகரித்து வரும் நிலையில், மருத்துவர்கள் பணிப் புறக்கணிப்பில் ஈடுபடுவதால் நோயாளிகள் கடும் அவதிக்குள்ளாகக் கூடிய சூழல் உருவாக உள்ளது.

தமிழகத்தில் அரசு மருத்துவக் கல்லுரி மருத்துவமனைகள், மாவட்ட தலைமை மருத்துவமனைகளில் 20 ஆயிரத்துக்கும் மேற்பட்ட மருத்துவர்கள் பணியாற்றி வருகின்றனர்.

காலமுறை ஊதியமும், பிற மாநிலங்களுக்கு நிகராக ஊதிய உயர்வும் வழங்க வேண்டும் என்பது அவர்களது பிரதான கோரிக்கையாக இருக்கிறது.

அதுதொடர்பாக ஆய்வு செய்ய அரசு தரப்பில் குழு அமைக்கப்பட்டு, அக்குழு அளித்த பரிந்துரைகள் ஏற்கப்படவில்லை என்பது அவர்கள் முன்வைக்கும் முக்கிய குற்றச்சாட்டு. இந்நிலையில், அந்தக் கோரிக்கைகளை வலியுறுத்தி வரும் 25-ஆம் தேதி முதல் காலவரையற்ற வேலைநிறுத்தப் போராட்டத்தில் ஈடுபட உள்ளதாக அரசு மருத்துவர்கள் மற்றும் பட்ட மேற்படிப்பு மருத்துவர்கள் சங்கம் அறிவித்தது.

மற்றொரு அமைப்பான அரசு மருத்துவர்கள் சங்கமும் வரும் 30, 31-ஆம் தேதிகளில் அத்தகைய போராட்டத்தை முன்னெடுக்க உள்ளதாகத் தெரிவித்தது. இந்தச் சூழலில், வேலைநிறுத்தத்தைத் தடுக்கும் பொருட்டு அரசு மருத்துவர்கள் எவருக்கும் இம்மாத இறுதி வரை விடுமுறை அளிக்கக் கூடாது என்று சுகாதாரத் துறை அறிவுறுத்தியுள்ளது.

முன்னறிவிப்பின்றி விடுமுறை எடுப்பவர்கள் மீது துறைரீதியான நடவடிக்கை எடுக்கவும் திட்டமிட்டிருப்பதாகக் கூறப்படுகிறது. இந்தச் சூழலில், அரசு மருத்துவர்கள் மற்றும் பட்ட மேற்படிப்பு மருத்துவர்கள் சங்கத்தினரின் ஆலோசனைக் கூட்டம் சென்னையில் நடைபெற்றது. அதில், திட்டமிட்டபடி வேலைநிறுத்தத்தில் ஈடுபடுவது என ஒரு மனதாக முடிவு செய்யப்பட்டதாக சங்க நிர்வாகிகள் தெரிவித்துள்ளனர்.

மருத்துவர்கள் தர்னா: இதற்கிடையே, தமிழ்நாடு அரசு மருத்துவர்கள் சங்கத்தைச் சேர்ந்தவர்கள், சென்னை ராஜீவ் காந்தி அரசு மருத்துவமனையில் புதன்கிழமை, தர்னா போராட்டத்தில் ஈடுபட்டனர்.

அப்போது, ஊதிய உயர்வு வழங்க வலியுறுத்தி அவர்கள் முழக்கங்களை எழுப்பினர்.  இதுகுறித்து, தமிழக அரசு மருத்துவர்கள் சங்கத் தலைவர் டாக்டர் செந்தில் கூறியதாவது: ஊதிய உயர்வு கோரிக்கையை முன்னிறுத்தி வரும் 30, 31-ஆம் தேதிகளில், அடையாள வேலை நிறுத்த போராட்டத்தில் எங்களது அமைப்பினர் ஈடுபட உள்ளனர்.  நோயாளிகள் பாதிக்கப்படாமல் இருக்க அதற்கு முந்தைய நாளிலேயே காத்திருப்புப் பட்டியலில் உள்ள அறுவைச் சிகிச்சைகள் மேற்கொள்ளப்படும் என்றார் அவர்.

சுற்றுச்சூழல் மாசுபடுவதை தவிர்க்கும் வகையில் தீபாவளியன்று 2 மணி நேரம் மட்டுமே பட்டாசு வெடிக்க அனுமதிக்க வேண்டும் என உச்ச நீதிமன்றம் உத்தரவிட்டது. பட்டாசு வெடிக்கும் 2 மணி நேரம் எது என்பதை மாநில அரசே முடிவு செய்யலாம் என்றும் தெரிவித்தது.  பட்டாசு வெடித்ததால் வண்ணமயமாக காட்சியளிக்கும் வானம்

அதன்படி கடந்த ஆண்டு காலையில் 6 மணி முதல் 7 மணி வரையிலும், மாலையில் 7 மணி முதல் 8 மணி வரையிலும் பட்டாசுகளை வெடிக்க வேண்டும் என தமிழக அரசு அறிவித்தது. பட்டாசு வெடிக்க பல்வேறு கட்டுப்பாடுகளும் விதிக்கப்பட்டன. 

இந்நிலையில், இந்த ஆண்டு தீபாவளி பண்டிகை வரும் ஞாயிற்றுக்கிழமை கொண்டாடப்பட உள்ள நிலையில், அன்றைய தினம் பட்டாசு வெடிக்கும் நேரத்தை அரசு வெளியிட்டுள்ளது.
 
கடந்த ஆண்டைப் போலவே இந்த ஆண்டும், தீபாவளி நாளில் காலை 6 மணி முதல் 7 மணி வரையிலும், மாலையில் 7 மணி முதல் 8 மணி வரையிலும் பட்டாசுகளை வெடிக்கலாம் என அறிவிக்கப்பட்டுள்ளது. பாதுகாப்பாக பட்டாசுகளை வெடிக்க வேண்டும் என்றும், பட்டாசுகளின் அருகில் தீப்பற்றும் பொருட்களை வைக்கக்கூடாது, குழந்தைகளை அருகில் செல்ல அனுமதிக்கக் கூடாது என அறிவுறுத்தப்பட்டுள்ளது.
 
மருத்துவமனைகள், பள்ளிகள், நீதிமன்றம், புனித தலங்கள் மற்றும் குடிசைப் பகுதிகளில் பட்டாசு வெடிக்க கூடாது உள்ளிட்ட பல்வேறு கட்டுப்பாடுகளும் விதிக்கப்பட்டுள்ளன.
 
இதேபோல் புதுச்சேரியில் காலை 6 மணி முதல் 7 மணி வரையிலும், இரவு 8 மணி முதல் 9 மணி வரையிலும் பட்டாசு வெடிக்க அனுமதி வழங்கப்பட்டுள்ளது. 
 
கடந்த சில நாட்களாக நடைபெற்று வந்த விஜய் ஹசாரே கோப்பை கிரிக்கெட் போட்டி தற்போது இறுதிக்கட்டத்திற்கு வந்துள்ளது. இந்த தொடரின் இறுதிப்போட்டிக்கு கர்நாடகா மற்றும் தமிழக அணிகள் தகுதி பெற்றுள்ளது. இரு அணிகளுக்கும் இடையிலான இறுதிப்போட்டி நாளை மறுநாள் நடைபெறவுள்ளது
 
முன்னதாக இன்று நடைபெற்ற முதல் அரையிறுதி போட்டியில் கர்நாடகா மற்றும் சட்டீஸ்கர் அணிகள் மோதின. இந்த போட்டியில் முதலில் பேட்டிங் செய்த சட்டீஸ்கர் அணி 223 ரன்கள் எடுத்த நிலையில் கர்நாடகா அணி 229 ரன்கள் எடுத்து இறுதிப்போட்டிக்கு தகுதி பெற்றது
 
அதேபோல் இன்று நடைபெற்ற இரண்டாவது அரையிறுதி போட்டியில் தமிழகம் மற்றும் குஜராத் அணிகள் மோதியது. இந்த போட்டியில் குஜராத் அணி முதலில் பேட்டிங் செய்து 177 ரன்கள் எடுத்த நிலையில் தமிழக அணி 181 ரன்கள் எடுத்து இறுதிப்போட்டிக்கு தகுதி பெற்றது. இன்றைய போட்டியில் தமிழக அணியின் ஷாருக்கான் 56 ரன்களும், கேப்டன் கார்த்திக் 47 ரன்களும், முகுந்த் 32 ரன்களும் எடுத்தனர்.

தமிழகத்தில் மேலும் 6 மருத்துவ கல்லூரிகள் அமைக்க மத்திய அரசு ஒப்புதல் வழங்கியுள்ளது.

தமிழகத்தில், திருப்பூர், நீலகிரி, ராமநாதபுரம், நாமக்கல், திண்டுக்கல், விருதுநகர் ஆகிய மாவட்டங்களில் மருத்துவ கல்லூரிகள் அமைக்க ஒப்புதல் வழங்கப்பட்டுள்ளது. இந்த மருத்துவ கல்லூரிகள் தலா ரூ.395 கோடியில் அமைய உள்ளன. இதற்கு, மத்திய அரசு தலா ரூ.195 கோடியும், மாநில அரசு தலா ரூ.130 கோடியும் வழங்க உள்ளன. இதன்மூலம் 900 எம்.பி.பி.எஸ்., சீட்கள் கிடைக்கும் எனவும், அதில் 85 சதவீதம் தமிழக மாணவர்களுக்கும், 15 சதவீதம் வெளி மாநில மாணவர்களுக்கும் கிடைக்கும் எனவும் கூறப்பட்டுள்ளது.

தமிழகத்தில், தற்போது மொத்தம் 23 மருத்துவ கல்லூரிகள் உள்ளன. புது மருத்துவ கல்லூரிகளுக்காக நிலம் கையகபடுத்துதல், தேவையான டாக்டர்கள், நர்சுகள் நியமித்தல் போன்ற பணிகளில் தமிழக அரசு ஈடுபட்டுள்ளது. இந்த கல்லூரிகள் திறக்கப்படும் போது, அரசு கல்லூரிகளில் எம்.பி.பி.எஸ்., படிக்கும் மொத்த மாணவர்களின் எண்ணிக்கை 4,150 ஆக உயர வாய்ப்பு உள்ளது.

தமிழகத்தில் புதிதாக ஆறு மருத்துவ கல்லுாரிகள் துவங்க மத்திய அரசு அனுமதி அளித்ததை யடுத்து, முதல்வர் பழனிசாமி, பிரதமர் மோடிக்கு நன்றி தெரிவித்து கடிதம் எழுதி உள்ளார்.

புதன்கிழமை, 23 அக்டோபர் 2019 00:00

தமிழகம் முழுவதும் பரவாலாக மழை

வேலூர் மற்றும் நாகை மாவட்டங்கள் உட்பட தமிழகம் முழுவதும் பல்வேறு பகுதிகளில் மழை பெய்தது.

வடகிழக்கு பருவமழை தமிழகத்தில் தீவிரமடைந்து உள்ளது. இதனையடுத்து மாநிலத்தில் பல்வேறு பகுதிகளில் கனமழை பெய்து வருகிறது.

இதனையடுத்து வேலூர் மாவட்டம் குடியாத்தம் மற்றும் அதன் சுற்றுப்பகுதிகளில் மழை பெய்தது.

நாகை மாவட்டம் : திட்டச்சேரி , திருமருகல் ,சீயாத்தமங்கை, திருகண்ணபுரம் , திருப்புகலூர் உள்ளிட்ட பகுதிகளிலும் மழை பெய்தது.

திருவண்ணாமலை மாவட்டம்:வந்தவாசி, மாம்பட்டு, பாதிரி, சென்னாவரம், பிருதுார் உட்பட பல பகுதிகளில் மழை பெய்து வருகிறது.

மதுரை: மதுரை மாநகரில் ஆரப்பாளையம், கோரிப்பாளையம், மாட்டுத்தாவணி உள்ளிட்ட பகுதிகளில் மழை பெய்தது.

காஞ்சிபுரம் மாவட்டம்: காஞ்சிபுரம் மாவட்டத்தில் செங்கல்பட்டு, திம்மாவரம், மறைமலை நகர், சிங்கபெருமாள் கோவில் உள்ளிட்ட பகுதிகளில் மழை பெய்தது

பக்கம் 1 / 2682
Top
We use cookies to improve our website. By continuing to use this website, you are giving consent to cookies being used. More details…