JoomlaLock.com All4Share.net

Background Video

தமிழக அரசின் விவசாய கடன் தள்ளுபடி திட்டத்தில் 40 நாட்களுக்கு பின் வழிகாட்டு நெறிமுறைகள் வெளியிடப்பட்டுள்ளது.கூட்டுறவு வங்கிகளில் சிறு, குறு விவசாயிகள் வாங்கிய கடன் ரத்து செய்யப்படும் திட்டத்தில் முதல்வர் ஜெயலலிதா கடந்த மே 23ம் தேதி கையெழுத்து போட்டார். இத்திட்ட செலவாக ரூ.5,780 கோடி அறிவிக்கப்பட்டது.கூட்டுறவு வங்கிகளில் ஏற்பட்டுள்ள நிர்வாக குளறுபடி காரணமாக பல்வேறு மாவட்ட கடன்தாரர்கள் பட்டியலை துல்லியமாக சேகரிப்பதில் தாமதம் ஏற்பட்டது. பல இடங்களில் ஆளுங்கட்சி நிர்வாகிகள், தங்களை கவனித்தால் மட்டுமே கடன் தள்ளுபடி செய்யப்படும் என மிரட்டியதாகவும் புகார் எழுந்தது. இதனால் கூட்டுறவு வங்கி செயலாளர்கள் பட்டியலை இறுதிப்படுத்த முடியாமல் திணறி வந்தனர். இந்நிலையில், 40 நாட்களுக்கு பின் தற்போது விவசாய கடன் தள்ளுபடி திட்டத்துக்கான வழிகாட்டு நெறிமுறைகள் தொடர்பான அரசாணை வெளியிடப்பட்டுள்ளது. பொதுவாக, இதுபோன்ற கடன் தள்ளுபடி திட்டங்கள் அறிவிக்கப்பட்டால் அடுத்த சில நாட்களில் வழிகாட்டு நெறிமுறைகள் வெளியிடப்பட்டு பயனாளிகள் பட்டியல் வெளியிடுப்படுவது வழக்கம். ஆனால் சிறு, குறு விவசாய கடன் தள்ளுபடி திட்டத்தில் மிகவும் தாமதமாக வழிகாட்டு நெறிமுறைகள் வெளியிடப்பட்டிருப்பது விவசாயிகள் மத்தியில் அதிருப்தியை ஏற்படுத்தியுள்ளது. இருப்பினும் பட்டியலை இறுதி செய்யவதில் தொடர்ந்து குளறுபடி நீடிப்பதால் இந்த நடைமுறை அமலுக்கு வர தாமதமாகும் என்று கூறப்படுகிறது.

Published in தமிழகம்

வங்கிக் கடன்களுக்கான வட்டி விகிதத்தில் மாற்றமில்லை என்று மும்பையில் இன்று நடைபெற்ற நிதிக் கொள்கை ஆய்வு கூட்டத்தில் முடிவு செய்யப்பட்டுள்ளது.

இதன் மூலம் ரெப்போ எனப்படும் வங்கிகளுக்கான குறுகிய கால கடன் வட்டி விகிதம் 6.50 சதவீதமாகவே தொடரும்.

மேலும், சி.ஆர்.ஆர். எனப்படும் வங்கிகளின் ரொக்க கையிருப்பபு விகிதமும் 4 சதவீதமாகத் நீடிக்கும்.

ரிசர்வ் வங்கியின் இந்த அறிவிப்பால் வீடு, வாகன கடன்களுக்கான வட்டி குறைய வாய்ப்பில்லை.

இது குறித்து ரிசர்வ் வங்கி ஆளுநர் ரகுராம் ராஜன் விளக்கம் அளித்துள்ளார்.

மும்பையில் இன்று நடைபெற்ற நிதிக் கொள்கை ஆய்வுக் கூட்டத்திற்கு பின்னர் செய்தியாளர்களிடம் பேசிய ரகுராம் ராஜன், 7வது ஊதிய குழு பரிந்துரையை அமல்படுத்தினால் ஏற்படும் பணவீக்க சூழலை கருதி இந்த நடவடிக்கை எடுக்கப்பட்டுள்ளது.

மேலும், கச்சா எண்ணெய் விலை நிலவரத்தை கருதியும் வட்டி விகிதத்தில் மாற்றம் செய்யப்படவில்லை என்று தெரிவித்துள்ளார்.

Published in வணிகம்
Top
We use cookies to improve our website. By continuing to use this website, you are giving consent to cookies being used. More details…