JoomlaLock.com All4Share.net

Background Video

இன்போசிஸ் நிறுவன சாப்ட்வேர் இன்ஜினியர் சுவாதி கொலை வழக்கில், ராம்குமார்தான் குற்றவாளி என்பதை நிரூபிக்க வலுவான ஆதாரம் உள்ளது என்று காவல்துறை சார்பில் கோர்ட்டில் தெரிவிக்கப்பட்டது.

கொலையாளி என சந்தேகத்தின் பேரில் கைது செய்யப்பட்டுள்ள ராம்குமார் தரப்பில் தாக்கல் செய்யப்பட்ட ஜாமீன் மனு மீதான விசாரணை இன்று சென்னை முதன்மை அமர்வு நீதிமன்றத்தில் விசாரணைக்கு வந்தபோது, இவ்வாறு அரசு தரப்பு தெரிவித்தது.

மேலும், ராம்குமாரை போலீஸ் காவலில் எடுத்து விசாரிக்க கால அவகாசம் உள்ளதாகவும், 4 நாள் போலீஸ் காவலில் எடுத்த விசாரிக்கவும் திட்டமிடப்பட்டுள்ளதாகவும் காவல்துறை தரப்பில் விளக்கம் அளிக்கப்பட்டுள்ளது.

ராம்குமார் கைது நடவடிக்கையில் மர்மம் இருப்பதாக ஊடகங்களில் சந்தேகம் வெளியிடும் நிலையில், காவல்துறை இவ்வாறு கூறியுள்ளது.

Published in தமிழகம்

வி.ஏ.ஓ. ஆக ஆசைப்பட்ட என் அண்ணன் வாழ்க்கையை சீரழித்து விட்டனர் என்று ராம்குமார் தங்கை மதுபாலா தெரிவித்து உள்ளார்.சென்னை பொறியாளர் சுவாதி கடந்த மாதம் 24-ம் தேதி நுங்கம்பாக்கம் ரயில் நிலையத்தில் மர்ம நபரால் வெட்டி படுகொலை செய்யப்பட்டார். இந்த வழக்கில் நெல்லை மாவட்டம் செங்கோட்டை அருகே உள்ள தேன்பொத்தை மீனாட்சிபுரத்தை சேர்ந்த ராம்குமார் (22) என்பவரை போலீசார் கடந்த 1-ம் தேதி இரவு கைது செய்தனர்.போலீசார் கைது செய்ய முயன்றபோது ராம்குமார் கழுத்தை அறுத்து தற்கொலைக்கு முயன்றார். போலீசார் அவரை மீட்டு நெல்லை அரசு ஆஸ்பத்திரியில் சிகிச்சைக்கு சேர்த்தனர். அவரது பெற்றோர் மற்றும் சகோதரிகளையும் நெல்லைக்கு தனிப்படை போலீசார் அழைத்து வந்தனர். மேலும் ராம்குமாரின் பெற்றோரான பரமசிவன், புஷ்பம், தங்கை மதுபாலா ஆகியோரிடம் தனிப்படை போலீசார் ரகசிய இடத்தில் வைத்து விசாரணை நடத்தினர். மருத்துவமனையில் சிகிச்சை பெற்று வந்த ராம்குமாரை கடந்த 3-ம் தேதி நீதிமன்ற அனுமதியுடன் பலத்த போலீஸ் பாதுகாப்புடன் ஆம்புலன்சில் சென்னைக்கு அழைத்து வந்தனர். அப்போது அவரது பெற்றோர், சகோதரியையும் போலீசார் விசாரணைக்காக சென்னைக்கு அழைத்து வந்தனர்.ராயப்பேட்டை அரசு மருத்துவமனையில் சிகிச்சைக்கு சேர்க்கப்பட்ட ராம்குமார் குணமடைந்து தற்போது புழல் சிறையில் அடைக்கப்பட்டுள்ளார். நேற்று மாலை ராம்குமாரின் தாயார் புஷ்பம், தங்கை மதுபாலா ஆகியோர் மீனாட்சிபுரத்தில் உள்ள அவர்களது வீட்டிற்கு திரும்பி சென்றனர். ஆனால், ராம்குமாரின் தந்தை பரமசிவன், மற்றொரு தங்கை காளீஸ்வரி ஆகியோர் சென்னையில் தங்கியிருந்து ராம்குமாரை ஜாமீனில் எடுக்கும் முயற்சியில் ஈடுபட்டு வருகிறார்கள்.இந்நிலையில், இந்த படுகொலை சம்பவம் குறித்து ராம்குமார் சகோதரி மதுபாலா கூறும்போது, ''ராம்குமாருக்கும், சுவாதி கொலைக்கும் சம்பந்தமே இல்லை. போலீசார் எப்படியோ எனது அண்ணனை இதில் சிக்க வைத்துவிட்டனர். அவர் குற்றவாளி இல்லை என்பதை நீதிமன்றத்தில் நிரூபிப்போம். சந்தேகத்தின் பேரில் ராம்குமாரை பிடித்து விசாரித்தபோதே இவர்தான் உண்மை குற்றவாளி என்று போலீசார் புகைப்படத்தை வெளியிட்டு விட்டனர். பெண் என்றும் பாராமல், எங்கள் படத்தை வெளியிட்டு குடும்பத்தை அவமானப்படுத்தி விட்டனர்.எங்கள் அண்ணன் வி.ஏ.ஓ. தேர்வில் பாஸ் செய்வதற்காக எப்போதும் புத்தகம் படித்து கொண்டுதான் இருப்பார். இப்போது அவரது வாழ்க்கையை சீரழித்து விட்டனர். அவன் உண்மை குற்றவாளி இல்லை என்று விரைவில் தெரியவரும்" என்றார்.

 வி.ஏ.ஓ. ஆக ஆசைப்பட்ட என் அண்ணன் வாழ்க்கையை சீரழித்து விட்டனர் என்று ராம்குமார் தங்கை மதுபாலா தெரிவித்து உள்ளார்.சென்னை பொறியாளர் சுவாதி கடந்த மாதம் 24-ம் தேதி நுங்கம்பாக்கம் ரயில் நிலையத்தில் மர்ம நபரால் வெட்டி படுகொலை செய்யப்பட்டார். இந்த வழக்கில் நெல்லை மாவட்டம் செங்கோட்டை அருகே உள்ள தேன்பொத்தை மீனாட்சிபுரத்தை சேர்ந்த ராம்குமார் (22) என்பவரை போலீசார் கடந்த 1-ம் தேதி இரவு கைது செய்தனர்.போலீசார் கைது செய்ய முயன்றபோது ராம்குமார் கழுத்தை அறுத்து தற்கொலைக்கு முயன்றார். போலீசார் அவரை மீட்டு நெல்லை அரசு ஆஸ்பத்திரியில் சிகிச்சைக்கு சேர்த்தனர். அவரது பெற்றோர் மற்றும் சகோதரிகளையும் நெல்லைக்கு தனிப்படை போலீசார் அழைத்து வந்தனர். மேலும் ராம்குமாரின் பெற்றோரான பரமசிவன், புஷ்பம், தங்கை மதுபாலா ஆகியோரிடம் தனிப்படை போலீசார் ரகசிய இடத்தில் வைத்து விசாரணை நடத்தினர்.மருத்துவமனையில் சிகிச்சை பெற்று வந்த ராம்குமாரை கடந்த 3-ம் தேதி நீதிமன்ற அனுமதியுடன் பலத்த போலீஸ் பாதுகாப்புடன் ஆம்புலன்சில் சென்னைக்கு அழைத்து வந்தனர். அப்போது அவரது பெற்றோர், சகோதரியையும் போலீசார் விசாரணைக்காக சென்னைக்கு அழைத்து வந்தனர்.ராயப்பேட்டை அரசு மருத்துவமனையில் சிகிச்சைக்கு சேர்க்கப்பட்ட ராம்குமார் குணமடைந்து தற்போது புழல் சிறையில் அடைக்கப்பட்டுள்ளார். நேற்று மாலை ராம்குமாரின் தாயார் புஷ்பம், தங்கை மதுபாலா ஆகியோர் மீனாட்சிபுரத்தில் உள்ள அவர்களது வீட்டிற்கு திரும்பி சென்றனர். ஆனால், ராம்குமாரின் தந்தை பரமசிவன், மற்றொரு தங்கை காளீஸ்வரி ஆகியோர் சென்னையில் தங்கியிருந்து ராம்குமாரை ஜாமீனில் எடுக்கும் முயற்சியில் ஈடுபட்டு வருகிறார்கள்.இந்நிலையில், இந்த படுகொலை சம்பவம் குறித்து ராம்குமார் சகோதரி மதுபாலா கூறும்போது, ''ராம்குமாருக்கும், சுவாதி கொலைக்கும் சம்பந்தமே இல்லை. போலீசார் எப்படியோ எனது அண்ணனை இதில் சிக்க வைத்துவிட்டனர். அவர் குற்றவாளி இல்லை என்பதை நீதிமன்றத்தில் நிரூபிப்போம். சந்தேகத்தின் பேரில் ராம்குமாரை பிடித்து விசாரித்தபோதே இவர்தான் உண்மை குற்றவாளி என்று போலீசார் புகைப்படத்தை வெளியிட்டு விட்டனர். பெண் என்றும் பாராமல், எங்கள் படத்தை வெளியிட்டு குடும்பத்தை அவமானப்படுத்தி விட்டனர்.எங்கள் அண்ணன் வி.ஏ.ஓ. தேர்வில் பாஸ் செய்வதற்காக எப்போதும் புத்தகம் படித்து கொண்டுதான் இருப்பார். இப்போது அவரது வாழ்க்கையை சீரழித்து விட்டனர். அவன் உண்மை குற்றவாளி இல்லை என்று விரைவில் தெரியவரும்" என்றார்.

Published in தமிழகம்

சுவாதி கொலைக்கும் தனக்கும் தொடர்பில்லை எனக்கூறி, ஜாமின் கேட்டு சென்னை முதன்மை அமர்வு கோர்ட்டில் , ராம்குமார் மனுதாக்கல் செய்துள்ளான்.

சென்னை சூளைமேட்டை சேர்ந்த மென்பொருள் பொறியாளர் சுவாதி, நுங்கம்பாக்கம் ரயில் நிலையத்தில் படுகொலை செய்யப்பட்டார். இந்த சம்பவம் தொடர்பாக நெல்லை மீனாட்சிபுரத்தை சேர்ந்த ராம்குமார் என்பவன் கைது செய்யப்பட்டான். அவன் கழுத்தை அறுத்து தற்கொலைக்கு முயற்ச்சித்த போது அவனை காப்பாற்றிய போலீசார் மருத்துவமனையில் அனுமதித்தனர். தற்போது அவன் சென்னை ராயப்பேட்டை அரசு மருத்துவமனையில் தீவிர சிகிச்சை பிரிவில் சிகிச்சை பெற்று வருகிறான். இந்நிலையில், ராம்குமார் இன்று புழல் சிறை மருத்துவமனைக்கு மாற்றப்படலாம் என செய்திகள் வெளியாகியுள்ளன.

தற்போது, ராம்குமார் ஜாமின் கேட்டு, மனு தாக்கல் செய்துள்ளான். சென்னை முதன்மை அமர்வு நீதிமன்றத்தில் ராம்குமார் சார்பில் மனு தாக்கல் செய்யப்பட்டுள்ளது அந்த மனுவில் கூறியுள்ளதாவது:

சுவாதி கொலைக்கும் எனக்கும் எந்தவித தொடர்பும் இல்லை. உண்மையான கற்றவாளியை காப்பாற்றவே என் மீது குற்றம் சாட்டப்பட்டுள்ளது. கொலை சம்பவத்திற்கு 2 நாளுக்கு முன் சுவாதியை யாரோ தாக்கியதாக கூறப்படுகிறது எனக்கூறப்பட்டுள்ளது. விரைவில் இந்த மனு குறித்து விசாரணை நடைபெற உள்ளது.

மேலும் இது பற்றி ராம்குமார் சார்பில் ஆஜரான வழக்கறிஞர் கிருஷ்ணமூர்த்தி கூறியதாவது:

ராம்குமார் கழுத்தை அறுத்து தற்கொலை முயற்சியில் ஈடுபடவில்லை. போலீசாருடன் வந்த நபர்கள் தான். ராம்குமார் கழுத்தை அறுத்தது என்று எங்களுக்கு வந்த தகவலின்

படி ராம்குமாருக்கு ஜாமின் கேட்டு மனுத்தாக்கல் செய்யப்பட்டுள்ளது. சுவாதி கொலைக்கும் ராம்குமாருக்கும் தொடர்பில்லை. கொலைக்கு முன்னர் சுவாதியை யாரோ தாக்கியுள்ளனர். இது பற்றி தீவிரமாக விசாரணை நடத்தப்பட வேண்டும் என்று தெரிவித்துள்ளார்.

Published in தமிழகம்
திங்கட்கிழமை, 04 ஜூலை 2016 00:00

ராம்குமார் நலமுடன் உள்ளார்

சுவாதி கொலை செய்யப்பட்ட வழக்கில் கைதான ராம்குமார் சென்னை, ராயப்பேட்டை அரசு மருத்துவமனையில் அனுமதிக்கப்பட்டு சிகிச்சை பெற்று வருகின்றார்.

அவசர சிகிச்சை பிரிவில் சேர்க்கப்பட்ட ராம்குமாரை மருத்துவர்கள் பரிசோதனை செய்தனர். ராம்குமார் நல்ல நிலையில் இருப்பதாக மருத்துவர்கள் தெரிவித்தனர். மேலும், ராம்குமார் தற்போது நல்ல உடல் நலத்துடன் உள்ளார். பேசகூடிய நிலையில் அவர் தேறி வருகின்றார் என்று மருத்துமனை டீன் தகவல் தெரிவித்துள்ளார்.

Published in தமிழகம்

சென்னை பெருநகர காவல்துறையினருக்கு முதல்வர் ஜெயலலிதா தனது பாராட்டுக்களைத் தெரிவித்துள்ளார்.

கடந்த 24-ம் தேதி மென்பொறியாளர் சுவாதி நுங்கம்பாக்கம் ரயில் நிலையத்தில் கொலைசெய்யப்பட்டார். ஒரு வாரக் காலமாக காவல்துறையினர் பல்வேறு முயற்சிக்குப் பின்னர், குற்றவாளியைக் கைது செய்துள்ளனர். சுவாதி கொலை வழக்கில் குற்றவாளியை கண்டுபிடித்து விரைந்து செயல்பட்டதற்கு முதல்வர் ஜெயலலிதா பாராட்டுக்களை தெரிவித்துள்ளார்.

காவல் ஆணையரை தொலைப்பேசியில் தொடர் கொண்டு பாராட்டுக்களைத் தெரிவித்துள்ளார். சிறப்பு வாய்ந்த காவல்துறை என்பதைத் தமிழக காவல்துறை மீண்டும் நிரூபித்துள்ளது என்று கூறியுள்ளார்.

Published in அரசியல்
பக்கம் 1 / 4
Top
We use cookies to improve our website. By continuing to use this website, you are giving consent to cookies being used. More details…