JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.
தேனி தொகுதியில் முறைகேடு நடந்துள்ளது எனவும், தேர்தல் முடிவை எதிர்த்து வழக்கு தொடர் உள்ளதாகவும் ஈவிகேஸ் இளங்கோவன் தெரிவித்துள்ளார்.  
 
திமுக காங்கிரஸ் கூட்டணி போட்டியிட்ட இடங்களில் தேனி தொகுதி தவிர அனைத்துத் தொகுதிகளிலும் வெற்றி பெற்றது. தேனித் தொகுதியில் மட்டும் அதிமுக வேட்பாளரும் ஓபிஎஸ்-ன் மகனுமான ரவீந்திரநாத் வெற்றி பெற்றார். 
 
காங்கிரஸ் சார்பில் அந்த தொகுதியில் போட்டியிட்ட ஈவிகேஸ் இளங்கோவன் 65717 வாக்குகள் வித்தியாசத்தில் தோல்வி அடைந்தார். இந்நிலையில், சென்னையில் உள்ள காங்கிரஸ் அலுவலகமான சத்தியமூர்த்தி பவனில் ஈவிகேஸ் இளங்கோவன் செய்தியாளர்களைச் சந்தித்தார். 
 
அவர் பேசியதாவது, தேனி தொகுதியில் முறைகேடு நடந்துள்ளது. அங்கு பல்வேறு தில்லுமுல்லுகள் அரங்கேறியுள்ளன. பல மின்னணு வாக்குப்பதிவு இயந்திரன்களில் சீல் இல்லை. தேனி தொகுதியில் ஒப்புகைச் சீட்டுகளை முழுமையாக எண்ண வேண்டும் என்று வழக்குத் தொடர உள்ளேன். 
 
இது தொடர்பாக வழக்கறிஞர்களுடன் ஆலோசித்து அடுத்தக்கட்ட நடவடிக்கை எடுக்கப்படும். நான் பண பலம், அதிகார பலம் காரணமாக தோற்கடிக்கப்பட்டேன் என தெரிவித்துள்ளார். 

புதிய லோக்சபாவில் முஸ்லிம் எம்.பி.,க்களின் எண்ணிக்கை 27 ஆக அதிகரித்துள்ளது தெரியவந்துள்ளது. 

1980ஆம் ஆண்டு லோக்சபாவில், 49 முஸ்லிம் எம்.பி.,க்கள் இருந்ததே அதிகம். இதைத் தொடர்ந்து அந்த எண்ணிக்கையானது 16ஆவது லோக்சபாவில், 22ஆக குறைந்தது. இந்த நிலையில் தற்போது தேர்வு செய்யப்பட்டுள்ள 17ஆவது லோக்சபாவில், 27ஆக உயர்ந்துள்ளது. 

இதில் மேற்குவங்கத்தைச் சேர்ந்த சவுமித்ரா கான் என்பவர் மட்டுமே பா.ஜ., எம்.பி. மற்றொருவர் பாஜ கூட்டணியில் உள்ள லோக் ஜனசக்தி கட்சியின் உறுப்பினர் மஹ்பூப் அலி கைசர் என்பவர் ஆவார். மற்ற அனைத்து முஸ்லிம் உறுப்பினர்களும் எதிர்க்கட்சிகளைச் சேர்ந்தவர்கள் என்பது குறிப்பிடத்தக்கது.

ஞாயிற்றுக்கிழமை, 26 மே 2019 00:00

கொடைக்கானல், தர்மபுரி பகுதிகளில் மழை

கொடைக்கானல் மற்றும் தர்மபுரி பகுதிகளில் சூறை காற்றுடன் மழை பெய்தது.  தமிழகத்தில் வெப்ப சலனம் காரணமாக மழை பெய்ய வாய்ப்பு உள்ளதாக சென்னை வானிலை ஆய்வு மையம் தெரிவித்திருந்தது.

இந்நிலையில் திண்டுக்கல் மாவட்டம் கொடைக்கானல் பகுதியான அண்ணாநகர், அண்ணாசாலை, மூஞ்சிக்கல், ஏரிக்கரை ஆகிய பகுதிகளில் சூறை காற்றுடன் மழை பெய்கிறது.

மேலும் தர்மபுரி மாவட்டத்தில் தர்மபுரி பகுதியை சுற்றி உள்ள பகுதிகளான பாரதிபுரம் வெண்ணாம்பட்டி, இலக்கியம்பட்டி பகுதிகளில் காற்றுடன் கூடிய மழை பெய்தது.

 நடந்து முடிந்த லோக்சபா தேர்தலில் சென்னை தொகுதிகளில், மக்கள் நீதி மையம் மற்றும் நாம் தமிழர் கட்சிக்கு, கணிசமான ஓட்டுகள் கிடைத்துள்ளன. 

தமிழகத்தில் திராவிடக் கட்சிகளே மாறி மாறி ஆட்சி செய்து வருகின்றன. தேசிய கட்சிகளுக்கும் இங்கு வாய்ப்பு அளிக்கப்படுவதில்லை. ஆனால் மாற்று கட்சி வேண்டும் என பலரும் நினைக்கின்றார்கள். இந்த லோக்சபாவில் ம.நீ.ம நல்ல வரவேற்பை பெற்றிருக்கிறது. தினகரனின், அ.ம.மு.க., கட்சி, பின்னடைவை சந்தித்துள்ளது. மக்கள் நீதி மையம் கட்சிக்கு, வடசென்னையில், 1 லட்சத்து, 2 ஆயிரத்து, 980 ஓட்டுகள்; மத்திய சென்னையில், 92 ஆயிரத்து, 249 ஓட்டுகள்; தென் சென்னையில், 1 லட்சத்து, 35 ஆயிரத்து, 465 ஓட்டுகள் என, 3 லட்சத்து, 30 ஆயிரத்து, 694 ஓட்டுகள் கிடைத்து உள்ளன. இதன் வாயிலாக, தி.மு.க., மற்றும் அ.தி.மு.க., கூட்டணி கட்சிகளுக்கு, அடுத்தபடியாக, மூன்றாவது இடத்தை, மக்கள் நீதி மையம்பெற்றுள்ளது. 

பெரம்பூர் சட்டசபை தொகுதி இடைத்தேர்தலிலும், 20 ஆயிரத்து, 508 ஓட்டுகளை, கமல் கட்சி பெற்றுள்ளது. அதேபோல், நாம் தமிழர் கட்சிக்கும், கணிசமான ஓட்டுகள் கிடைத்துள்ளன. அக்கட்சிக்கு, வடசென்னையில், 30 ஆயிரத்து, 886 ஓட்டுகள்; மத்திய சென்னையில், 50 ஆயிரத்து, 222 ஓட்டுகள்; தென்சென்னையில், 60 ஆயிரத்து, 515 ஓட்டுகள் என, 1 லட்சத்து, 41 ஆயிரத்து, 623 ஓட்டுகள்கிடைத்துள்ளன.அ.ம.மு.க.,வை காட்டிலும், அதிகப்படியான ஓட்டுகளை பெற்று, சென்னை மாவட்டத்தில், நான்காம் இடத்தில், நாம் தமிழர் கட்சி உள்ளது.பெரம்பூர் எம்.எல்.ஏ.,வாக இருந்து, தகுதி நீக்கம் செய்யப்பட்ட, அ.ம.மு.க., வேட்பாளர் வெற்றிவேல், 6 ஆயிரத்து, 274 ஓட்டுகள் மட்டுமே பெற்றுள்ளார். 

தென்னமெரிக்கா கண்டத்தில் அழகிய அமேசான் காடுகள் மற்றும் கண்ணை கவரும் மச்சு பிச்சு மலைத்தொடர்கள் என இயற்கை எழில்சூழ அமைந்துள்ள பெரு நாட்டில் இன்று சக்திவாய்ந்த நிலநடுக்கம் தாக்கியது.  

உள்ளூர் நேரப்படி பிற்பகல் 1.11 மணியளவில் அல்ட்டோ அமேசானஸ் மாகாணத்தின் லகுனாஸ் மாவட்டத்தின் தென்கிழக்கே சுமார் 83 கிலோமீட்டர் தூரத்தில் பூமியின் அடியில் சுமார் 105 கிலோமீட்டர் ஆழத்தில் ஏற்பட்ட இந்த நிலநடுக்கடுக்கத்தின் தாக்கத்தை 8 ரிக்டர்களாக  அமெரிக்க புவிசார் ஆய்வு மையம் மதிப்பீடு செய்துள்ளது. 

 

இந்த நிலநடுக்கத்தின் தாக்கம் அருகாமையில் உள்ள பிரேசில், கொலம்பியா மற்றும் ஈக்குவேடார் ஆகிய நாடுகளிலும் உணரப்பட்டதாக செய்திகள் கிடைத்துள்ளன. இன்றைய நிலநடுக்கத்தால் ஏற்பட்ட சேதங்கள் தொடர்பான உடனடி தகவல்கள் ஏதும் வெளியாகவில்லை. 

பக்கம் 1 / 2477
Top
We use cookies to improve our website. By continuing to use this website, you are giving consent to cookies being used. More details…