JoomlaLock.com All4Share.net

Background Video

உள்ளூர் நிறுவனங்களின் வர்த்தக போட்டி, சீன அரசின் கடுமையான விதிமுறைகள் ஆகியவை காரணமாக சீனாவில் கடந்த 15 ஆண்டுகள் ஆன்லைன் வர்த்தக சேவை செய்து கொண்டிருந்த அமேசான் நிறுவனம் தற்போது நாட்டை விட்டு வெளியேற முடிவு செய்துள்ளது.

சீனாவில் அமேசானுக்கு போட்டியாக உள்ளூர் நிறுவனங்களான அலிபாபா மற்றும் ஜே.டி.காம் ஆகிய நிறுவனங்கள் புதிய சலுகைகளை வழங்கி வாடிக்கையாளர்களை அசத்தி வருகின்றன. மேலும் இந்த இரு நிறுவனங்களுக்கும் சீன அரசின் பெரும் ஒத்துழைப்பு உள்ளது. ஆனால் வெளிநாட்டு நிறுவனமான அமேசானுக்கு மட்டும் சீன அரசு கடும் விதிமுறைகளை விதித்து வருகிறது. இதனால் வேறு வழியின்றி வரும் ஜூன் 18 முதல் சீனாவில் ஆன்லைன் வர்த்தக சேவையை நிறுத்தி கொள்வதாக அந்நிறுவனம் அதிகாரபூர்வமாக அறிவித்துள்ளது. எனவே இனி சீனாவில் உள்ளவர்கள் அமேசான் நிறுவனத்தின் மூலம் வெளிநாட்டு பொருட்களை மட்டுமே வாங்க முடியும் 
 
இருப்பினும் அமேசானின் வெப் சேவைகள், கிண்டில் இ-புத்தகங்கள் மற்றும் கிராஸ்-பார்டர் செயல்பாடுகள் சீனாவில் தொடரும் என்று அமேசான் அறிவித்துள்ளது. அமேசானின் இந்த அதிரடி முடிவால் சீன நிறுவனங்கள் மகிழ்ச்சி அடைந்திருந்தாலும் சீன மக்கள் வருத்தத்தில் இருப்பதாக கூறப்படுகிறது

 

வெள்ளிக்கிழமை, 19 ஏப்ரல் 2019 00:00

தங்கம் இறக்குமதி 3 சதவீதம் குறைந்தது

Written by

நாட்டின் தங்கம் இறக்குமதி கடந்த 2018-19 நிதியாண்டில் 3 சதவீதம் குறைந்துள்ளது. இதன் மூலம், நடப்பு கணக்கு பற்றாக்குறை குறையும் என எதிர்பார்க்கப்படுகிறது.

இதுகுறித்து வர்த்தக அமைச்சகத்தின் புள்ளிவிவரத்தில் தெரிவிக்கப்பட்டுள்ளதாவது: 
கடந்த 2017-18 நிதியாண்டில் 3,370 கோடி டாலர் மதிப்பிலான தங்கம் இறக்குமதியானது. இந்தநிலையில், சென்ற மார்ச் மாதத்துடன் முடிவடைந்த 2018-19 நிதியாண்டில் அதன் இறக்குமதி 3 சதவீதம் குறைந்து 3,280 கோடி டாலராகியுள்ளது. இதற்கு, சர்வதேச சந்தையில் தங்கத்தின் விலை கணிசமாக குறைந்ததே முக்கிய காரணம் என்று கூறப்படுகிறது.

கடந்த பிப்ரவரி மாதத்தில் தங்கம் இறக்குமதி எதிர்மறை வளர்ச்சியை கண்டிருந்தது.ஆனால், அதன் பிறகு மார்ச் மாதத்தில் அதன் இறக்குமதி 31.22 சதவீதம் அதிகரித்து 327 கோடி டாலராக காணப்பட்டது.

இந்திய ஆபரண துறையின் தேவை அதிகரிப்பால், உலகளவில் நம்நாடு அதிக அளவில் தங்கத்தை இறக்குமதி செய்து வருகிறது. அந்த வகையில், சென்ற மார்ச்சில் ஆபரண வர்த்தகர்கள் ஏற்றுமதியை அதிகரித்ததால் தங்கம் இறக்குமதி கணிசமாக உயர்ந்தது என புள்ளிவிவரத்தில் தெரிவிக்கப்பட்டுள்ளது. 

அந்நியச் செலாவணி செலவு மற்றும் வரத்து ஆகியவற்றுக்கிடையிலான வித்தியாசமே நடப்பு கணக்கு பற்றாக்குறை எனப்படுகிறது. கடந்த நிதியாண்டின் மூன்றாவது காலாண்டில் மொத்த உள்நாட்டு உற்பத்தியில் நடப்பு கணக்கு பற்றாக்குறை 2.5 சதவீதமாக அதிகரித்தது. இது, 2017-18 நிதியாண்டின் இதே கால அளவில் 2.1 சதவீதமாக காணப்பட்டது. நடப்பு கணக்கு பற்றாக்குறை அதிகரிப்புக்கு, மிகப் பெரிய அளவில் ஏற்பட்ட வர்த்தக பற்றாக்குறையே முக்கிய காரணம்.

அந்நியச் செலாவணி அதிக அளவில் வெளியேறுவதை தடுக்கும் வகையில், மத்திய அரசு தங்கம் இறக்குமதிக்கு பல்வேறு கட்டுப்பாடுகளை அறிமுகப்படுத்தியது. தற்போது, அதன் இறக்குமதி மீது 10 சதவீத வரி விதிக்கப்படுகிறது.
ஆபரண ஏற்றுமதியை ஊக்குவிக்கும் வகையில், தங்கத்தின் மீதான கட்டுப்பாடுகளை தளர்த்த வேண்டும் என்பதே உள்நாட்டு ஆபரண வர்த்தகர்களின் நீண்ட கால கோரிக்கையாக உள்ளது.

ஆப்பிள் நிறுவனத்தின் வித்தியாசமான சிந்தனைகள் தான் அதன் வெற்றிக்குக் காரணமாகும். தொடக்கம் முதல் தரத்திலும், வாடிக்கையாளர்கள் பயன்பாட்டிலும் அந்நிறுவனம் காட்டிய நேர்மைதான் அதன் பெருமைக்கு சான்றாக உள்ளது.
 
தற்போதும் முன்னணி நிறுவனமாக இருந்து பல புதிய ஐபோன்களையும் , ஐபேட், கணினி போன்றவற்றை அறிமுகம் செய்துவருகிறது.
 
சமீபகாலமாக ஆப்பிள் மற்றும் குவால்காம் நிறுவனங்கள் இடையே உலகம் முழுக்க பல்வேறு நீதிமன்றங்களில் பல்வேறு வழக்குகள் நிலுவையில் இருப்பதாக செய்திகள் வெளியாகின.இந்நிலையில் பல ஆண்டுகளாக இந்நிறுவனங்கள் மாறி மாறி வழக்குத் தொடுத்து வந்தன.
 
இந்நிலையில் தற்போது குவால்காம் மற்றும் ஆப்பிள் நிறுவனங்கள் தங்கள் நிறுவனம் சார்பில் நீதிமன்றங்களில் தொடுத்த வழக்குகளை திரும்ப பெற்றுக்கொள்வதாக தெரிவித்துள்ளன. இதனடிப்படையில் ஆப்பிள் நிறுவனம் குவால்காம் நிறுவனத்திற்கு எவ்வளவு இழப்பீடு தருகிறது என்று கூறவில்லை.
 
கடந்த ஏப்ரல் 1 ஆம் தேதி ஆப்பிள் நிறுவனத்திற்கும் குவால்காம் நிறுவனத்திற்கும் புதிய ஒப்பந்தம் கையெழுத்தாகியுள்ளதாகத் தெரிகிறது.இதன்படி குவால்காம் நிறுவனம் பல ஆண்டுகளுக்குத் தேவையான சிப்செட்களை விநியோகம் செய்ய உள்ளது. 
 
எனவே இனி ஆப்பிள் நிறுவனம் தன் வாடிக்கையாளர்களுக்காக புதிய ஐபோன்களில் 5 ஜி மாடல்களை உற்பத்தி செய்யவுள்ளதாகத் தகவல் வெளியாகிறது.
 
இதற்கு முன்னதாக இவ்விரு நிறுவனத்திற்கும் இடையே காப்புரிமை பற்றி தீவிரமான பிரச்சனைகள் நடைபெற்று கோர்டிலும் வழக்குகள் தொடுக்கப்பட்டது என்பது குறிப்பிடத்தக்கது.

 

செவ்வாய்க்கிழமை, 09 ஏப்ரல் 2019 00:00

சென்செக்ஸ் 238 புள்ளிகள் அதிகரிப்பு

Written by

இந்தியப் பங்குச் சந்தைகளில் செவ்வாய்க்கிழமை நடைபெற்ற வர்த்தகத்தில் அதிக ஏற்ற இறக்கம் காணப்பட்டது. இருந்தபோதிலும் நிறுவனங்களின் காலாண்டு நிதி நிலை முடிவுகள் சிறப்பாக இருக்கும் என்ற நம்பிக்கை காரணமாக பங்குச் சந்தைகளில் வர்த்தகம் ஏற்றத்துடன் நிறைவடைந்தன. 

நிறுவனங்களின் நான்காம் காலாண்டு செயல்பாட்டிற்கான நிதி நிலை முடிவுகள் நன்கு இருக்கும் என்ற எதிர்பார்ப்பு சந்தை வட்டாரத்தில் நிலவியது. மேலும், சர்வதேச சந்தைகளில் நிலவிய சாதகமான சூழலும் பங்குச் சந்தையின் ஏற்றத்துக்கு வலு சேர்த்தது.

இதன் காரணமாக, வங்கி, மோட்டார் வாகனம், கட்டுமானம் மற்றும் உலோகத் துறை குறியீட்டெண்கள் 1.40 சதவீதம் வரை உயர்ந்தன. அதேசமயம், ஏஷியன் பெயின்ட்ஸ், இன்ஃபோசிஸ், பார்தி ஏர்டெல், பஜாஜ் பைனான்ஸ் மற்றும் ஓஎன்ஜிசி பங்குகளின் விலை 3.54 சதவீதம் வரை சரிவடைந்தன. 

மும்பை பங்குச் சந்தையில் செவ்வாய்க்கிழமை நடைபெற்ற வர்த்தகத்தில் சென்செக்ஸ் 238 புள்ளிகள் உயர்ந்து 38,939 புள்ளிகளில் நிறைவடைந்தது. தேசிய பங்குச் சந்தையில் நடைபெற்ற வர்த்தகத்தில் நிஃப்டி 67 புள்ளிகள் அதிகரித்து 11,671 புள்ளிகளில் நிலைத்தது.

செவ்வாய்க்கிழமை, 26 மார்ச் 2019 00:00

பங்குச் சந்தைகளில் திடீர் எழுச்சி

Written by

இரண்டு நாள் சரிவுக்குப் பிறகு செவ்வாய்க்கிழமை நடைபெற்ற வர்த்தகத்தில் இந்தியப் பங்குச் சந்தைகள் திடீர் எழுச்சி கண்டது.
அந்நிய நிதி நிறுவனங்கள் இந்திய நிறுவனங்களின் பங்குகளில் தங்களது முதலீட்டை கணிசமான அளவுக்கு அதிகரித்தன. இதன் காரணமாக, பங்குச் சந்தைகளில் வர்த்தகம் விறுவிறுப்புடன் இருந்தது. சர்வதேச அளவில் காணப்பட்ட சாதகமான சூழலும் இந்திய பங்குச் சந்தைகளின் ஏற்றத்துக்கு கைகொடுத்தது.

வங்கி துறை பங்குகளில் அதிக முதலீடு மேற்கொள்ளப்பட்டதையடுத்து, அத்துறை குறியீட்டெண் 2.19 சதவீதம் ஏற்றமடைந்தது. இதையடுத்து, மின்சாரம் 1.70 சதவீதமும், பொதுத் துறை 1.31 சதவீதமும், உலோகம் 1.11 சதவீதமும், நுகர்வோர் சாதனங்கள் துறை குறியீட்டெண் 1.08 சதவீதமும் அதிகரித்தன. 

அதேசமயம், ரூபாயின் மதிப்பு வலுவடைந்து வருவதையடுத்து தகவல் துறை குறியீட்டெண் 0.58 சதவீதம் குறைந்தது. 
ஜெட் ஏர்வேஸ் நிறுவனத்தின் இயக்குநர் குழுவிலிருந்து நரேஷ் கோயல் விலகியதன் எதிரொலியாக அந்நிறுவனப் பங்கின் விலை 7 சதவீதம் வரை உயர்ந்தது. அதேபோன்று பொதுத் துறையைச் சேர்ந்த என்டிபிசி பங்கின் விலை 3.28 சதவீதமும், எஸ்பிஐ 3.23 சதவீதமும், ரிலையன்ஸ் இண்டஸ்ட்ரீஸ் 3 சதவீதமும் அதிகரித்தன.

இவைதவிர, வேதாந்தா பங்கின் விலை 3.18 சதவீதமும், ஐசிஐசிஐ வங்கி 2.75 சதவீதமும், பஜாஜ் பைனான்ஸ் 2.72 சதவீதமும், யெஸ் வங்கி 2.71 சதவீதமும், கோட்டக் வங்கி 2.60 சதவீதமும், ஏஷியன் பெயின்ட்ஸ் 2.02 சதவீதமும் உயர்ந்தன. இருப்பினும், லாப நோக்கம் கருதி விற்பனை செய்யப்பட்டதால் இன்ஃபோசிஸ் பங்கின் விலை 1.23 சதவீதமும், பஜாஜ் ஆட்டோ 0.85 சதவீதமும், ஐடிசி 0.68 சதவீதமும் சரிந்தன.

மும்பை பங்குச் சந்தையில் செவ்வாய்க்கிழமை நடைபெற்ற வர்த்தகத்தில் சென்செக்ஸ் 424 புள்ளிகள் அதிகரித்து 38,233 புள்ளிகளில் நிலைபெற்றது. தேசிய பங்குச் சந்தையில் நடைபெற்ற வர்த்தகத்தில் நிஃப்டி 129 புள்ளிகள் உயர்ந்து 11,483 புள்ளிகளில் நிலைத்தது.

அமெரிக்காவை சேர்ந்த இணையதள ஜாம்பவானான ‘கூகுள்’ நிறுவனத்துக்கு நேற்று போட்டிகளுக்கான ஐரோப்பிய யூனியன் கமிஷனர் இந்திய மதிப்பில் சுமார் ரூ.11,648 கோடி அபராதம் விதிப்பதாக அறிவித்தார். ஒப்பந்த விதிகளை மீறியதற்காக இந்த அபராதம் விதிக்கப்படுவதாக அவர் கூறியுள்ளார்.

கூகுள் நிறுவனம் ஆன்-லைன் வர்த்தக சந்தையில் தனது ஆதிக்கத்தை தவறாக பயன்படுத்தி தனது போட்டியாளர்கள் தேடு விளம்பரங்கள் வெளியிடுவதை தடுத்துள்ளது. கூகுள் வர்த்தகரீதியாக மிகவும் முக்கிய விளம்பரதாரர்களுக்கு மட்டுமே தேடு விளம்பரங்கள் வெளியிட தனிப்பட்ட ஒப்பந்தங்கள் மூலம் அனுமதி வழங்கியுள்ளது.கூகுள் முதலில் தனது போட்டியாளர்களின் இணையதளங்களில் தேடு விளம்பரங்கள் வெளியிடுவதை தடுத்துள்ளது. 

பின்னர் அவர்களிடம் கூகுளில் குறைந்த எண்ணிக்கையில் விளம்பரங்கள் வெளியிட மிகவும் லாபகரமான இடம் ஒதுக்குவதற்கு முன்பதிவு செய்யும்படி வலியுறுத்தியுள்ளது.அதோடு தனது போட்டி இணையதளங்களில் ஏதாவது தேடு விளம்பரங்கள் வெளியானால், மாற்றம் செய்வதற்கு முன்பு கூகுளிடம் எழுத்து மூலம் அனுமதி பெறவேண்டும் என்றும் வலியுறுத்தி உள்ளது என்று போட்டிகளுக்கான ஐரோப்பிய யூனியன் கமிஷன் வெளியிட்டுள்ள அறிக்கையில் கூறியுள்ளது.

நாட்டின் பொதுத்துறையைச் சேர்ந்த தகவல் தொடர்பு நிறுவனமான பிஎஸ்.என்.எல். வாடிக்கையாளர்களுக்கு பிராட்பேண்ட் சேவையை வழங்க முடிவெடுத்துள்ளதாகத் தெரிகிறது. இதனால் பி.எஸ்.என்.எல். லேண்ட்லைன் சேவையை பயன்படுத்துவோருக்கு டேட்டா பலன்களுடன் கூடிய பிராண்ட் சேவை இலவசமாக வழங்கப்படுகிறது.  இதனால் வாடிக்கையாளர்கள்  மகிழ்ச்சி அடைந்துள்ளனர்.
 
இந்தப் புதிய சலுகையானது  பி.எஸ்.என்.எல் சேவை அளிக்கப்படும் எல்லா இடங்களிலும் பொருந்தும் என்று கூறப்பட்டுள்ளது. 
 
மேலும் இந்த ஆஃபரை செயல்படுத்த வாடிக்கையாளர்கள் கட்டணமில்லாத தொலைபேசி எண்ணிற்க்குத் தொடர்பு கொண்டு அழைப்பு விடுக்க வேண்டும் என கேட்டுக்கொள்ளப்பட்டுள்ளது. இதுவரை பகிரங்கமாக இந்த இலவச சேவை துவக்கப்படாத ரிலையன்ஸ் ஜியோவிற்கு பிஎஸ்.என்.எல் இந்த அறிவிப்பு கடும் போட்டியை ஏற்படுத்தும் என தெரிகிறது.
 
பி.எஸ்.என்.எல்.வாடிக்கையாளர்கள்,  18003451504  என்ற இலவ தொலைபேசி எண்ணிற்கு  தொடர்பு கொண்டு பிராட்பேண்ட் சேவைக்கு  முன்பதிவுச் செய்து கொள்ளலாம் என்று தெரிவிக்கப்பட்டுள்ளது.
 
இதன் மூலம் ஏற்கனவே பிஎஸ்,என்.எல் பிராட்பேண்ட் இணைப்பு வைத்துள்ள வாடிக்கையாளர்கள் இதற்கென்று தனி கட்டணம் செலுத்த வேண்டும். அதனடிப்படையில் இந்தக் கட்டணம் முழுமையாக ரத்து செய்யப்படுகிறது. இப்புதிய சலுகையில் இந்தக் கட்டணம் முழுமையாக ரத்துசெய்யப்படும் . இதில் பிராட்பேண்ட் சேவை மட்டுமின்றி இன்னும் சில இலவசங்களை வாரிக் கொடுக்கிறது.
 
இவ்விணைப்பில் பி.எஸ்.என்.எல் நிறுவனம் மாதாமாதம் 5 ஜிபி டேட்டாவை வழங்கும். 5 ஜிபி டேட்டா முடிந்ததும் வாடிக்கையாளர்கள் மேற்கொண்டு கட்டணம் செலுத்தி கூடுதல் டேட்டாக்களை பெற்றுக்கொள்ளலாம். 
 
பிஎஸ்.என்.எல்லில் ஆண்டு சலுகைகளை வாங்கும் போது 25 % கேஷ்பேக் வழங்குகிறது. இச்சலுகையானது கடந்த  டிசம்பர் 31 ஆம் தேதி வழங்கப்பட்டு வரும் மார்ச் 31 , 2019 ஆம் தேதி வரை நீட்டிக்கப்பட்டுள்ளது.
 
இதனால் பி.எஸ்.என்.எல்வாடிக்கையாளர்கள் குஷி அடைந்துள்ளனர்.

ஆப்பிள் நிறுவனம் ஐபோன் விற்பனையை இந்தியாவில் நிறுத்த உள்ளதாக தகவல்கள் வெளியாகியுள்ளது. ஆப்பிள் நிறுவனத்தின் இந்த முடிவிற்கான காரணமும் வெளியாகியுள்ளது. ஆம், ஐபோன் விற்பனை மந்தமாக உள்ளதால் இந்த முடிவுக்கு வந்துள்ளதாம் ஆப்பிள் நிறுவனம். குறிப்பாக ஐபோன் 6 விற்பனையை இந்தியாவில் நிறுத்த ஆப்பிள் நிறுவனம் திட்டமிட்டுள்ளதாம். இந்தியாவில் விற்பனை 35%க்கு கீழே இருக்கும் கடைகளிலிருந்து ஐபோன் 6 மொபைல்களை திரும்பப் பெற உள்ளதாம். மேலும், ஐபோன் 6s மற்றும் ஐபோன் 6s பிளஸ் மொபைல்களின் பேசிக் விலையை உயர்த்த உள்ளதாகவும் செய்திகள் வெளியாகியுள்ளது.

முதல் முதலாக ஐபோன் வாங்க விரும்புவோர் பெரும்பாலும் தேர்வு செய்யும் மாடல் ஐபோன் 6. ஆனால், இந்த மொபைலைத்தான் இந்தியாவில் விற்பதை நிறுத்த திட்டமிட்டுள்ளது. ஏற்கனவே விலை அதிகமாக உள்ளதால்தான் பலரும் ஐபோனை வாங்குவதில்லை. இந்நிலையில் மேலும் விலையை ஆப்பிள் உயர்த்துவதால் விற்பனை மேலும் குறையும் என கூறப்படுகிறது.

திங்கட்கிழமை, 11 மார்ச் 2019 00:00

சென்னை : தங்கம் பவுனுக்கு ரூ.120 குறைவு

Written by

சென்னையில் ஆபரணத் தங்கத்தின் விலை திங்கள்கிழமை பவுனுக்கு ரூ.120 குறைந்து, ரூ.24,616-க்கு விற்பனை செய்யப்பட்டது.

சர்வதேச பொருளாதாரச் சூழல், உலகச் சந்தையில் தங்கத்தின் மதிப்பு, அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கத்தின் விலை நிர்ணயிக்கப்படுகிறது. சென்னையில் திங்கள்கிழமை நிலவரப்படி, ஆபரணத் தங்கம் ஒரு கிராமுக்கு ரூ.15 குறைந்து ரூ.3,077-க்கு விற்பனை செய்யப்பட்டது. வெள்ளி கிராமுக்கு 10 பைசா குறைந்து, ரூ.41.50 ஆகவும், கட்டி வெள்ளி கிலோவுக்கு ரூ.100 குறைந்து, ரூ.41,500 ஆகவும் இருந்தது.

திங்கள்கிழமை விலை
ரூபாயில் (ஜி.எஸ்.டி. தனி):
1 கிராம் தங்கம் 3,077 
1 பவுன் தங்கம் 24,616 
1 கிராம் வெள்ளி 41.50 
1 கிலோ வெள்ளி 41,500 
சனிக்கிழமை விலை 
ரூபாயில் (ஜி.எஸ்.டி. தனி):
1 கிராம் தங்கம் 3,092
1 பவுன் தங்கம் 24,736
1 கிராம் வெள்ளி 41.60
1 கிலோ வெள்ளி 41,600

சாம்சங், சியோமி, ஹூவாய் போன்ற ஆப்பிள் நிறுவனமும் மடிக்கக்கூடிய ஸ்மார்ட்போனினை உருவாக்கி வருகிறது. அந்நிறுவனம் பதிவு செய்திருந்த காப்புரிமையில் இந்த தகவல் கிடைத்துள்ளது. 2011 ஆம் ஆண்டு பதிவு செய்யப்பட்டு பின் 2016 ஆம் ஆண்டு அப்டேட் செய்யப்பட்ட வடிவங்களில் மடிக்கக்கூடிய டிஸ்ப்ளே கொண்ட ஐபோனினை ஆப்பிள் உருவாக்க இருப்பதாக தெரிகிறது.

புதிய சாம்சங் கேலக்ஸி எஸ்10 சீரிஸ் மாடல்களுடன் தனது மடிக்கக்கூடிய ஸ்மார்ட்போனை பிப்ரவரி 20 ஆம் தேதி அறிமுகம் செய்யலாம் என கூறப்படுகிறது. ஆப்பிள் காப்புரிமையின் படி புதிய போன் பாதியாக மடிக்கக்கூடியதாக இருக்கும் என தெரிகிறது. முன்னதாக இதேபோன்ற வடிவமைப்பு மோட்டோரோலா பதிவு செய்திருந்த காப்புரிமையில் காணப்பட்டது.

சாம்சங் மற்றும் சியோமி நிறுவனங்களின் ஸ்மார்ட்போன்கள் விரிக்கப்பட்ட நிலையில், டேப்லெட் போன்று பயன்படுத்தக்கூடியதாக இருக்கும் நிலையில், ஆப்பிள் வடிவமைப்பில் வளையக்கூடிய OLED டிஸ்ப்ளே போனினை வளையச் செய்யும் என தெரிகிறது. வரைபடங்களில் மடிக்கக்கூடிய ஸ்கிரீன்கள் வெளிப்புறம் மற்றும் உள்புறங்களில் மடிக்கக்கூடியதாக இருக்கிறது.

அந்த வகையில் புதிய சாதனத்தை மேக்புக் அல்லது ஐபேட் போன்று இருக்கும் என தெரிகிறது. ஆப்பிள் பதிவு செய்திருக்கும் காப்புரிமைகள் வெளியாகியிருப்பதால் மடிக்கக்கூடிய ஐபோன்கள் இந்த ஆண்டே அறிமுகமாகும் என எதிர்பார்க்க முடியாது.

பக்கம் 1 / 22
Top
We use cookies to improve our website. By continuing to use this website, you are giving consent to cookies being used. More details…