JoomlaLock.com All4Share.net

Background Video

செவ்வாய்க்கிழமை, 22 அக்டோபர் 2019 00:00

இன்போசிஸ் பங்குகள் வீழ்ச்சி

Written by

இன்போசிஸ் நிறுவனத்தின், தலைமை செயல் அதிகாரி சலீல் பரேக் மற்றும், தலைமை நிதி அதிகாரி நிலஞ்சன் ராய் ஆகியோர், குறுகிய கால வருவாய் மற்றும் லாபத்தை உயர்த்துவதற்காக, நெறிமுறையற்ற நடவடிக்கையில் ஈடுபட்டதாக, 'நெறிமுறை கொண்ட ஊழியர்கள்' என்ற பெயரில், ஒரு குழுவினரால் குற்றம் சாட்டப்பட்டுள்ளது. இதனையடுத்து, இந்நிறுவனத்தின் பங்குகள் விலை நேற்று, 16.21 சதவீதம் சரிந்தது. இதனால், நிறுவனத்தின் சந்தை மதிப்பும், 53 ஆயிரத்து, 451 கோடி ரூபாய் அளவுக்கு குறைந்தது.

மும்பை பங்குச் சந்தையில், ஒரு பங்கின் விலை, 16.21 சதவீதம் சரிந்து, 643.30 ரூபாயாக குறைந்தது. தேசிய பங்குச் சந்தையில், 16.65 சதவீதம் குறைந்து, ஒரு பங்கின் விலை, 640 ரூபாயாக நிலைபெற்றது.இதையடுத்து, நிறுவனத்தின் சந்தை மதிப்பு, 2.76 லட்சம் கோடி ரூபாயாக சரிந்தது.நிறுவனத்தின் இரண்டு உயரதிகாரிகள் மீது, ஒரு குழுவினர் குற்றம் சாட்டியிருக்கும் நிலையில், நிறுவனத்தின் நடைமுறைப்படி இந்த புகாரானது தணிக்கை குழுவுக்கு அனுப்பப்பட்டிருப்பதாக நிறுவனம் தெரிவித்துள்ளது.

நிறுவனத்தின் தலைவர் நந்தன் நிலேகனி, இப்புகார் மீது தனிக்கை குழு சுதந்திரமான விசாரணையை நடத்தும் என தெரிவித்துள்ளார்.இன்போசிஸ் நிறுவனத்தின் சந்தைமதிப்பு சரிந்த நிலையில், ரிலையன்ஸ் இண்டஸ்ட்ரீஸ் நிறுவனத்தின் சந்தை மதிப்பு வர்த்தகத்தினிடையே மீண்டும், 9 லட்சம் கோடி ரூபாயை தொட்டது. வர்த்தகத்தின் முடிவில், சந்தை மதிப்பு, 8.98 லட்சம் கோடி ரூபாயாக குறைந்தது.

சனிக்கிழமை, 19 அக்டோபர் 2019 00:00

தங்கம் விற்பனை மந்தம்

Written by

தங்கம் அணிவதை பலரும் கவுரவமாக கருதுவதால் அதன் மவுசு தொடர்ந்து கூடிக்கொண்டே இருக்கிறது. இதனால் தங்கத்தின் விலை தொடர்ந்து ஏறுமுகத்தில் சென்று கொண்டிருக்கிறது. ஒவ்வொரு ஆண்டும் தங்கம் விலை புதிய உச்சத்தை தொடுகிறது.

தீபாவளி, பொங்கல், புத்தாண்டு போன்ற பண்டிகை காலங்களில் தங்கநகைகள் வாங்குவதில் பலரும் ஆர்வம் காட்டுவது வழக்கம். எனவே பண்டிகை காலங்களின்போது தங்க நகைகள் விற்பனை அமோகமாக நடை பெறும். ஆனால் இந்த ஆண்டு பொருளாதார மந்தநிலை, தங்கம் விலை அதிரடி உயர்வு போன்ற காரணங்களால் தீபாவளி பண்டிகை தங்கநகைகள் விற்பனை மந்தநிலையில் உள்ளது.

பெரும்பாலான நகைக்கடைகள் வாடிக்கையாளர்கள் கூட்டமின்றி வெறிச்சோடி காணப்படுகின்றன.

இதுகுறித்து சென்னை தங்க-வைர நகை வியாபாரிகள் சங்கத்தின் தலைவர் ஜெயந்தி லால் ஜலானியிடம் கேட்டபோது, அவர் கூறியதாவது:-

கடந்த ஆண்டு தீபாவளி பண்டிகையின்போது சென்னையில் ஒரு கிராம் தங்கம் ரூ.3 ஆயிரத்து 21-க்கும், பவுன் ரூ.24 ஆயிரத்து 124-க்கும் விற்பனை செய்யப்பட்டது. இந்த ஆண்டு பவுன் ரூ.29 ஆயிரத்தை தாண்டி விற்பனை ஆகிறது.

கடந்த ஆண்டை காட்டிலும் தங்கம் விலை ஒரு பவுன் ரூ.5 ஆயிரத்துக்கும் மேல் அதிகரித்துள்ளது. தங்கத்தின் மீதான விலை உயர்வே விற்பனை மந்தத்துக்கு காரணம்.

தற்போது அமெரிக்க டாலருக்கு நிகரான இந்திய ரூபாயின் மதிப்பு தொடர்ந்து சரிந்து வரும் வேளையில் உலக சந்தையில் தங்கத்தின் மதிப்பு உயர்ந்து கொண்டிருக்கிறது. எனவே தங்கத்தின் விலை ரூ.29 ஆயிரத்துக்கு கீழ் குறைவதற்கு வாய்ப்பு இல்லை.

தீபாவளி பண்டிகைக்கு இன்னும் 7 நாட்களுக்கு மேல் இருப்பதால், வரும் நாட்களில் தங்க நகைகள் வாங்குவதற்கு வாடிக்கையாளர்கள் அதிகளவில் வருவார்கள் என்று எதிர்பார்க்கிறோம். இவ்வாறு அவர் கூறினார்.

 

 

வெள்ளிக்கிழமை, 18 அக்டோபர் 2019 00:00

சரித்திர சாதனை படைத்தது ரிலையன்ஸ்

Written by

ரிலையன்ஸ் இண்டஸ்ட்ரீஸ் நிறுவனம், இந்திய வரலாற்றில் இதுவரை இல்லாத சாதனையாக, 9 லட்சம் கோடி ரூபாய் சந்தை மதிப்பை எட்டிய நிறுவனமாக உருவெடுத்துள்ளது.

ரிலையன்ஸ் இண்டஸ்ட்ரீஸ் நிறுவனத்தின் சந்தை மதிப்பு, நேற்று முதன் முறையாக, 9 லட்சம் கோடி ரூபாய் என்ற நிலையை, வர்த்தகத்தின் இடையே எட்டியது.காலாண்டு முடிவுமும்பை பங்குச் சந்தையில், இந்நிறுவனத்தின் சந்தை மதிப்பு, வர்த்தகத்தின் இடையே, 9.05 லட்சம் கோடி ரூபாயாக உயர்ந்தது. இருப்பினும், வர்த்தக முடிவில், 8.97 லட்சம் கோடி ரூபாயாக குறைந்து நிலைபெற்றது.ரிலையன்ஸ் இண்டஸ்ட்ரீஸ் நிறுவனத்தின் இரண்டாவது காலாண்டு முடிவுகள் வரவிருந்த நிலையில், அதன் பங்குகளின் விலை, நேற்று வர்த்தகத்தின் போது அதிகரித்தது.இந்நிறுவனப் பங்குகள் விலை, வர்த்தக முடிவில், 1.37 சதவீதம் அதிகரித்து, ஒரு பங்கின் விலை, 1,415.30 ரூபாய் என்ற அளவில் முடிவுற்றது.

கடந்த ஆண்டுவர்த்தகத்தின் இடையே பங்குகளின் விலை, 2.28 சதவீதம் அதிகரித்து, ஒரு பங்கின் விலை, 1,428 ரூபாய் என்ற நிலையை தொட்டது.கடந்த ஆண்டு ஆகஸ்ட் மாதத்தில், இந்நிறுவனத்தின் சந்தை மதிப்பு, 8 லட்சம் கோடி ரூபாய் என்ற நிலையை எட்டியது குறிப்பிடத்தக்கது.காலாண்டு முடிவிலும் கலக்கல்ரிலையன்ஸ் இண்டஸ்ட்ரீஸ் நிறுவனத்தின் நிகர லாபம், செப்டம்பருடன் முடிவடைந்த இரண்டாவது காலாண்டில், 18.6 சதவீதம் அதிகரித்து, 11 ஆயிரத்து 262 கோடியாக உயர்ந்துள்ளது.

இதுவே, இதற்கு முந்தைய நிதியாண்டில், இதே காலகட்டத்தில் 9,516 கோடி ரூபாயாக இருந்தது.மதிப்பீட்டு காலத்தில், ஒட்டுமொத்த வருவாய், 1.64 லட்சம் கோடி ரூபாயாக அதிகரித்துள்ளது.டெலிகாம் நிறுவனமான, ஜியோவின் நிகர லாபம், 990 கோடி ரூபாய்.சில்லரை வணிகமான, இ.பி.ஐ.டி.டி.ஏ., நிகர லாபம், 13 சதவீதம் அதிகரித்து, 2,322 கோடி ரூபாயாக உயர்ந்துள்ளது.காலாண்டு முடிவிலும் கலக்கல்ரிலையன்ஸ் இண்டஸ்ட்ரீஸ் நிறுவனத்தின் நிகர லாபம், செப்டம்பருடன் முடிவடைந்த இரண்டாவது காலாண்டில், 18.6 சதவீதம் அதிகரித்து, 11 ஆயிரத்து 262 கோடியாக உயர்ந்துள்ளது.

இதுவே, இதற்கு முந்தைய நிதியாண்டில், இதே காலகட்டத்தில் 9,516 கோடி ரூபாயாக இருந்தது.மதிப்பீட்டு காலத்தில், ஒட்டுமொத்த வருவாய், 1.64 லட்சம் கோடி ரூபாயாக அதிகரித்துள்ளது.டெலிகாம் நிறுவனமான, ஜியோவின் நிகர லாபம், 990 கோடி ரூபாய்.

சில்லரை வணிகமான, இ.பி.ஐ.டி.டி.ஏ., நிகர லாபம், 13 சதவீதம் அதிகரித்து, 2,322 கோடி ரூபாயாக உயர்ந்துள்ளது.டாப் 10 நிறுவனங்கள்( சந்தை மதிப்பில்)நிறுவனம் சந்தை மதிப்பு (ரூபாய் கோடிகளில்)ரிலையன்ஸ் 8,97,179.47டி.சி.எல். 7,71,996.87எச்.டி.எப்.சி., பேங்க் 6,72,466.30எச்.யூ.எல்., 4,55,952.72எச்.டி.எப்.சி., 3,61,801.97இன்போசிஸ் 3,29,751.88கோட்டக் மகிந்திரா வங்கி 3,08,708.32ஐ.டி.சி., 3,02,861.98ஐ.சி.ஐ.சி.ஐ., வங்கி 2,82,783.39பஜாஜ் பைனான்ஸ் 2,39,947.60 டாப் 10 நிறுவனங்கள்

புதன்கிழமை, 16 அக்டோபர் 2019 00:00

கூகுளின் நவீன ஸ்மார்ட் ஃ போன் அறிமுகம்

Written by

 ஆப்பிள் நிறுவனத்தின் ஐபோனுக்கு போட்டியாக கூகுள் நிறுவனம் புதிய தொழிநுட்பத்துடன் கூடிய குறைந்த விலை ஸ்மார்ட்போனை அறிமுகம் செய்கிறது. நியூயார்க்கில் இந்த போன் அறிமுகம் செய்யப்பட்டுள்ளது.

கூகுள் நிறுவனத்தின் பிக்சல் 4 மற்றும் பிக்சல் 4 XL ஸ்மார்ட் போன்கள் அமெரிக்காவில் நடைபெற்ற விழாவில் அறிமுகம் செய்யப்பட்டது. பிக்சல் 4 ஸ்மார்ட் போனில் 5.7 இன்ச் FHD+ OLED ஸ்கிரீன், பிக்சல் 4 XL ஸ்மார்ட்போனில் 6.3 இன்ச் QHD+ OLED ஸ்கிரீன் கொண்டிருக்கிறது. இரு டிஸ்ப்ளேக்களிலும் 90 ஹெர்ட்ஸ் ரிப்ரெஷ் ரேட் கொண்டிருக்கிறது.

இரண்டு மாடல்களிலும் ஸ்னாப்டிராகன் 855 பிராசஸர், 6 ஜிபி ரேம், ஆண்ட்ராய்டு 10 இயங்குதளம் மற்றும் 3 ஆண்டுகளுக்கான ஆண்ட்ராய்டு மற்றும் செக்யூரிட்டி அப்டேட்கள் வழங்கப்படும் என கூகுள் தெரிவித்துள்ளது. அத்துடன் கூகுள் உருவாக்கிய டைட்டன் எம் செக்யூரிட்டி சிப் இணைக்கப்பட்டுள்ளது.

12.2 எம்பி கேமரா, 16 எம்பி டெலிபோட்டோ லென்ஸ் வழங்கப்பட்டுள்ளது. இது தவிர போட்டோக்களை அழகாக்கும் புதிய அம்சங்களும் சேர்க்கப்பட்டுள்ளன. புதிய பிக்சல் 4 ஸ்மார்ட் போன்களில் மோஷன் சென்ஸ் அம்சம் வழங்கப்பட்டுள்ளது. அதாவது அசைவுகளை அறிந்து செயல்படும் திறமை இந்த போனுக்கு உண்டு.

பிக்சல் 4 ஸ்மார்ட்போனின் 64 ஜிபி வெர்ஷன் விலை 799 டாலர்கள் எனவும், 128 ஜிபி மாடல் விலை 899 டாலர்கள் எனவும் நிர்ணயம் செய்யப்பட்டுள்ளது. பிக்சல் 4 XL ஸ்மார்ட்போனின் 64 ஜிபி மாடல் விலை 899 வாலர்கள் எனவும், 128 ஜிபி மாடல் விலை 999 டாலர் எனவும் நிர்ணயம் செய்யப்பட்டுள்ளது.

இந்த ஸ்மார்ட்போன்கள் அமெரிக்காவில் அக்.,24 ம் தேதி விற்பனைக்கு வருகிறது. விரைவில் இந்தியாவில் அறிமுகம் செய்யப்படலாம் என எதிர்பார்க்கப்படுகிறது.

தங்க ஆபரணங்களுக்கு பிஐஎஸ் ஹால்மாா்க்கை கட்டாயமாக்கும் திட்டத்துக்கு மத்திய வா்த்தக அமைச்சகம் ஒப்புதல் வழங்கியுள்ளது.

இதுகுறித்து நுகா்வோா் விவகாரங்கள் துறை அமைச்சா் ராம் விலாஸ் பாஸ்வான் தெரிவித்துள்ளதாவது:

தங்க ஆபரணங்களுக்கு கட்டாய பிஐஎஸ் ஹால்மாா்க்கை வழங்கும் திட்டத்துக்கு மத்திய வா்த்தக அமைச்சகம் அக்டோபா் 1-ஆம் தேதி ஒப்புதல் அளித்தது. ஆனால், இதனை நடைமுறைப்படுத்துவதற்கு முன்பாக உலக வா்த்தக அமைப்புடன் தொழில்நுட்ப ரீதியில் சில சிக்கல்கள் உள்ளன. அதற்கு தீா்வு கண்ட பிறகே. இந்த திட்டம் நடைமுறைக்கு வரும் என்றாா் அவா்.

உலக வா்த்தக அமைப்பின் (டபிள்யூடிஓ) சா்வதேச வணிக விதிகளின்படி, அதில் உறுப்பினராக உள்ள நாடு தரக்கட்டுப்பாட்டு அறிவிக்கை குறித்து அந்த அமைப்புக்கு தெரிவிப்பதுடன், அதற்கு பதிலளிக்க இரண்டு மாதங்கள் கால அவகாசம் வழங்க வேண்டும் என்பது விதிமுறை.

மேலும், தங்கத்துக்காக குறிப்பிடப்பட்டுள்ள பிஐஎஸ் தர விதிமுறைகளை ஏற்றுமதி நாடுகளும் ஒப்புக் கொள்ள வேண்டும்.

கடந்த 1995-லிருந்து டபிள்யூடிஓ-வில் உள்ள 164 உறுப்பு நாடுகளில் இந்தியாவும் பங்கு வகிக்கிறது.

ஆபரண துறையின் தேவையை ஈடு செய்ய இந்தியா அதிக அளவிலான தங்கத்தை இறக்குமதி செய்து வருகிறது.அதன்படி அளவின் அடிப்படையில், ஆண்டுக்கு 700-800 டன் தங்கம் இந்தியாவுக்கு இறக்குமதியாகிறது என்பது குறிப்பிடத்தக்கது.

அடுத்தடுத்து நாட்களில் வரும் பண்டிகை தினங்களை முன்னிட்டு விற்பனை தொடங்கவுள்ள நிலையில், அமேசான் மற்றும் பிளிப்கார்ட் நிறுவனங்கள் 1.4 லட்சம் பேருக்கு தற்காலிக வேலைவாய்ப்பை வழங்கவுள்ளதாக அறிவித்துள்ளது.

முன்னதாக கடந்த சில மாதங்களுக்கு முன்பு இந்தியாவில் தனது வர்த்தகத்தை மிகப்பெரிய அளவில் விரிவுபடுத்தும் வகையில் அமேசான் டாட் காம் என்ற இணைய வழி வர்த்தக நிறுவனம் ஹைதராபாத்தில் மிகப்பெரிய வளாகத்தைத் தொடங்கியது குறிப்பிடத்தக்கது.

ஆன்லைன் வர்த்தகத்தின் ஜாம்பவானான அமேசான், சமீபத்தில் ஹைதராபாத்தில் மிகப்பெரிய வளாகத்தை தொடங்கியது. இந்த புதிய வளாகம், 9 புள்ளி 5 ஏக்கர் நிலப்பரப்பும் ஆயிரக்கணக்கான மில்லியன் டாலர்கள் முதலீடும் கொண்டதாகும். இதில், சுமார் 15 ஆயிரம் ஊழியர்கள் நியமிக்கப்பட உள்ளதாக அப்போது அறிவிக்கப்பட்டன.

2004-ஆம் ஆண்டு முதன்முதலில் இந்தியாவில் களமிறங்கிய அமேசான் நிறுவனம் ஹைதராபாத்திலிருந்துதான் தனது பணியை ஆரம்பித்தது. தற்போது, அந்நிறுவனத்தின் கீழ் இந்தியாவில் மட்டும் சுமார் 62 ஆயிரத்திற்கும் மேற்பட்டோர் முழுநேர ஊழியர்களாகப் பணியாற்றி வருகின்றனர்.

அமேசான், தனது சொந்த நாட்டை விட இந்தியாவில் தான் அதிக அளவு ஊழியர்களைக் கொண்டுள்ளது. இதைத் தவிர்த்து 1.55 லட்சம் ஒப்பந்தத் தொழிலாளர்கள் அமேசானுக்காக இந்தியாவில் பணியாற்றி வருவதாக தெரிவிக்கப்பட்டுள்ளது.

இந்நிலையில், அடுத்து வரும் விழாக்காலங்களை முன்னிட்டு அமேசான் 90,000 வேலை வாய்ப்புகளை அறிவித்துள்ளது. இந்த வேலை வாய்ப்பில் வாடிக்கையாளர்களிடம் இருந்த ஆடர் பெருவது முதல் டெவிவரி செய்வது வரையில் உள்ள விநியோக நிலையங்கள், விற்பனை பிரதிநிதிகள் மற்றும் வாடிக்கையாளர் சேவை மையங்கள் என அனைத்து துறையிலும் வேலை வாய்ப்புகள் அதிகரிக்கும் என்று அறிவிக்கப்பட்டுள்ளது.

அமேசானின் இந்த திருவிழாக் கால விற்பனையின் போது தள்ளுபடிகள் ஏராளம் அளிக்கப்படும் என்பதால் விற்பனையும் அதிகரிப்பது வழக்கம். இதனால், இந்த தள்ளுபடி விற்பனைக் காலங்களில் விற்பனையை மேம்படுத்த, இன்னும் விரிவாக்கம் செய்யவுள்ளதாகவும், இதனால் வேலைவாய்ப்புகளும் அதிகரிக்கக்கூடும் என்றும் அமேசான் தரப்பில் கூறப்பட்டுள்ளது.

இதுகுறித்து அமேசான் நிறுவனம் கடந்த செவ்வாயன்று அறிக்கை ஒன்றை வெளியிட்டுள்ளது. அதில், "பண்டிகைக் கால விற்பனை இம்மாத இறுதியில் தொடங்க உள்ளது. எனவே, பொருட்கள் சேமிப்பு மையங்கள், வகை பிரிப்பு மையங்கள், விநியோக நிலையங்கள், வாடிக்கையாளர் சேவை மையம் என சுமார் 90,000-க்கும் மேற்பட்டோருக்கு தற்காலிக வேலைவாய்ப்புகள் உருவாக்கப்பட்டுள்ளது என தெரிவித்துள்ளது.

இதனிடையே, வால்மார்ட்டுக்கு சொந்தமான பிளிப்கார்ட் நிறுவனமும், விநியோக சங்கிலித் தொடர், சரக்குப் போக்குவரத்து கிளைகள் மற்றும் வாடிக்கையாளர் ஆதரவு என பல்வேறு பணிகளுக்கு 50 ஆயிரத்திற்கும் மேற்பட்டோருக்கு நேரடியான வேலைவாய்ப்பை வழங்கவுள்ளதாக அறிவித்துள்ளது.

இந்த வேலைவாய்ப்புகள், மும்பை, தில்லி, ஹைதராபாத், சென்னை, பெங்களூரு, அகமதாபாத் மற்றும் புனே உள்ளிட்ட பெரு நகரங்களில் உருவாக்கப்பட்டுள்ளன. கடந்த ஆண்டை ஒப்பிடுகையில், நடப்பாண்டில் பண்டிகைக் கால விற்பனை உதவியாளர்களின் எண்ணிக்கையை இணையவழி வர்த்தக நிறுவனங்கள் இருமடங்கு அதிகரித்துள்ளன. இதனால், வேலை வாய்ப்புகளும் அதிகரிக்கப்பட்டுள்ளது.


புதன்கிழமை, 25 செப்டம்பர் 2019 00:00

சென்னையில் மீன் விலை வீழ்ச்சி

Written by

புரட்டாசி மாதம் தொடங்கிவிட்டதால் மீன்கள், கடல் உணவு வகைகள் மற்றும் இறைச்சிகளின் விலை குறைந்துள்ளன. இதனால் புரட்டாசி மாதத்திலும் அசைவம் சாப்பிடும் பலர் மகிழ்ச்சியில் உள்ளனர்.

தமிழகத்தில் புரட்டாசி விரதம் என்பது பல்வேறு மக்களால் கடைப்பிடிக்கப்படும் ஒரு வழக்கம். புரட்டாசி மாதம் முழுவது அசைவம் எதுவும் சாப்பிட மாட்டார்கள். இதனால் மீன்களின் விலை மிகவும் குறைந்துள்ளது. புரட்டாசி விரதம் கடைப்பிடிக்காத அசைவ பிரியர்களுக்கு இது மகிழ்ச்சி செய்தியாக அமைந்துள்ளது.

இன்றைய நிலவரப்படி சென்னையில் கிலோ 1000 ரூபாய்க்கு விற்பனையான வஞ்சிரம் மீன் 500 ரூபாய்க்கு விலை குறைந்துள்ளது. அதேபோல மற்ற மீன் வகைகளான சங்கரா, வௌவால் மற்றும் சுறா மீன்களும் கிலோ 200 முதல் 300 வரை விற்பனையாகி வருகின்றன.

கிலோ 500 க்கு விற்கப்பட்டு வந்த நண்டு மற்றும் இறால் தற்போது 200 ரூபாய் முதல் 250 வரை விற்பனையாகி வருகின்றன.

மீன்களின் விலௌ குறைந்தது போலவே கோழி மற்றும் ஆட்டிறைச்சியும் விலை குறைந்துள்ளது. மேலும் அசைவ உணவகங்கள் பல இறைச்சி குறைந்த விலையில் கிடைப்பதால் உணவு பொருட்களையும் குறைந்த விலைக்கு விற்பனை செய்து வருகின்றன. புரட்டாசி மாதத்தில் அசைவம் சாப்பிடுபவர்கள் குறைவு என்பதால் அவர்களுமே விலை குறைப்பில் ஈடுபட்டுள்ளதாக தெரிகிறது.

ஞாயிற்றுக்கிழமை, 22 செப்டம்பர் 2019 00:00

வெங்காயம் விலை கிலோ ரூ.80-ஆக அதிகரிப்பு

Written by

சந்தைகளில் வரத்து குறைந்து போனதையடுத்து, தேசிய தலைநகர் தில்லி உள்பட சில இடங்களில் ஒரு கிலோ வெங்காயத்தின் விலை ரூ.70-80-ஆக அதிகரித்துள்ளது.

இதுகுறித்து தகவல்கள் தெரிவிப்பதாவது:

வெங்காயம் அதிகம் விளையும் மாநிலங்களில் ஏற்பட்ட மித மிஞ்சிய மழையால் உற்பத்தி பாதிக்கப்பட்டு சந்தைகளில் அதன் வரத்து குறைந்து போயுள்ளது.

நுகர்வோர் அமைச்சக புள்ளிவிவரப்படி, கடந்த வாரம் சில்லறை விற்பனையில் ஒரு கிலோ வெங்காயத்தின் விலை தில்லியில் ரூ.57-ஆகவும், மும்பையில் ரூ.56ஆகவும், கொல்கத்தாவில் ரூ.48-ஆகவும், சென்னையில் ரூ.34 ஆகவும் இருந்தது. இதே கால அளவில், குர்கான் மற்றும் ஜம்மு சந்தைகளில் ஒரு கிலோ வெங்காயத்தின் விலை ரூ.60-ஆக காணப்பட்டது.

இந்த நிலையில், முந்தைய வாரத்தில் சராசரியாக ஒரு கிலோ வெங்காயத்தின் விலை ரூ.50-60-ஆக இருந்த நிலையில், தற்போது வரத்து குறைந்து போனதால் தேசிய தலைநகர் தில்லி மற்றும் நாட்டின் இதர பகுதிகளில் ஒரு கிலோ வெங்காயத்தின் விலை ரூ.70-80-ஆக கிடுகிடுவென உயர்ந்துள்ளது.

உள்நாட்டு சந்தைகளில் வரத்தை அதிகரிக்கவும், வெங்காயத்தின் விலை மேலும் உயர்வதை கட்டுக்குள் வைக்கவும் மத்திய அரசு கடந்த சில வாரங்களாகவே நடவடிக்கைகளை மேற்கொண்டு வருகிறது. இருப்பினும், சில்லறை விற்பனையில் கடந்த 2-3 நாட்களாகவே வெங்காயத்தின் விலை ராக்கெட் வேகத்தில் உயர்ந்துள்ளது. இதற்கு, மழையால் பயிர் சேதமடைந்து உற்பத்தி குறைந்து போனதே முக்கிய காரணமாக கூறப்படுகிறது.

இது ஒரு குறுகிய கால விநியோக சீர்குலைவு, அடுத்த 2-3 நாட்களில் நிலைமை சீரடையாவிட்டால் வெங்காயத்தின் மேலும் அதிகரிக்கும்.

எனவே, வர்த்தகர்கள் வெங்காயத்தை இருப்பு வைக்கும் அளவில் கட்டுப்பாடுகளை விதிப்பது குறித்து மத்திய அரசு தீவிரமாக பரிசீலிக்ககூடும் என அந்தத் தகவல்கள் தெரிவிக்கின்றன.

டாடா மோட்டார்ஸ் நிறுவனம் தனது டாடா சுமோ காரின் உற்பத்தியை நிறுத்திக்கொள்வதாக அறிவித்துள்ளது. 
 
டந்த 1994 ஆம் ஆண்டு விற்பனைக்கு வந்த டாடா சுமோ கடந்த 25 ஆண்டுகளாக உற்பத்தில் இருந்தது. இந்நிலையில் தற்போது இதன் உறபத்தி நிறுத்திக்கொள்வதாகவும், இனி நாடு முழுந்த எந்த டாடா விற்பனையகத்திலும் சுமோ விற்பனைக்கு வராது என அறிவிக்கப்பட்டுள்ளது. 
 
சமீபத்தில் இந்தியாவில் கொண்டுவரப்பட்டுள்ள ஏ.ஐ.எஸ். 145 பாதுகாப்பு விதிகள் மற்றும் புதிய வாகன பாதுகாப்பு திட்டம் போன்ற புதிய பாதுகாப்பு விதிகளுக்கு சுமோ பொருந்தாததால், இதன் உற்பத்தி நிறுத்தப்படுகிறது என தெரிவிக்கப்பட்டுள்ளது. இதே காரணத்தால்தான் ஆம்னி கார்களின் உற்பத்தியும் நிறுத்தப்பட்டது குறிப்பிடத்தக்கது. 
 
ரூ.7.39 லட்சத்தில் துவங்கி அதிகபட்சம் ரூ.8.77 லட்சம் என நிர்ணயிக்கப்பட்ட விலையில் டாடா சுமோ சீரிசில் கடைசியாக சுமோ கோல்டு மாடல் விற்பனைக்கு வந்தது என்பது கூடுதல் தகவல்.
புதன்கிழமை, 18 செப்டம்பர் 2019 00:00

டெலிவி‌‌ஷன் விலை குறைகிறது

Written by

எல்.சி.டி. மற்றும் எல்.இ.டி. டி.வி.க்களில் பயன்படுத்தப்படும் முக்கிய பாகமான ‘ஓபன் செல் பேனல்’ (15.6 அங்குலம் மற்றும் அதற்கு மேற்பட்டது) மீது 5 சதவீதம் சுங்க வரி விதிக்கப்பட்டு வந்தது. இந்த சுங்க வரி முற்றிலும் ரத்து செய்யப்படுவதாக மத்திய நிதி அமைச்சகம் நேற்று அறிவிப்பு ஒன்றை வெளியிட்டது.

தங்கள் விற்பனை குறைந்துள்ளதாக டி.வி. உற்பத்தியாளர்கள் தரப்பில் தெரிவிக்கப்பட்டதை தொடர்ந்து, உள்நாட்டில் டி.வி. உற்பத்தி நிறுவனங்களின் செலவை குறைத்து அவற்றுக்கு ஊக்கம் அளிக்கும் வகையில் இந்த நடவடிக்கை எடுக்கப்பட்டு இருப்பதாக அந்த அறிவிப்பில் கூறப்பட்டு உள்ளது.

சுங்க வரி ரத்து காரணமாக டி.வி. உற்பத்தி செலவினம் சுமார் 3 சதவீதம் வரை குறையும் என்று கூறப்படுகிறது. இதனால் எல்.சி.டி. மற்றும் எல்.இ.டி. டி.வி.க்களின் விலை குறையும் வாய்ப்பு ஏற்பட்டு உள்ளது. டி.வி. உற்பத்தி செலவு 3 முதல் 4 சதவீதம் வரை குறையும் என்பதால் அதன் பலனை வாடிக்கையாளர்களுக்கு வழங்கப்போவதாக பானசோனிக் நிறுவனம் தெரிவித்து உள்ளது.

பக்கம் 1 / 24
Top
We use cookies to improve our website. By continuing to use this website, you are giving consent to cookies being used. More details…