JoomlaLock.com All4Share.net

Background Video

வியாழக்கிழமை, 01 மார்ச் 2018 00:00

ரியைலன்ஸ் டி டி ஹெச்சின் அதிரடி சலுகை Featured

Written by 
Rate this item
(0 votes)

அனில் அம்பானியின், ரிலையன்ஸ் பிக் டிவி புது ஆஃபர்களை வெளியிட்டு பிற டிடிஎச் சேவை நிறுவனங்களுக்கு ஷாக் கொடுத்துள்ளது. சகோதரர் முகேஷ் அம்பானியின் ஜியோ, செல்போன் சேவை துறையில், அதிரடி சலுகைகள் மூலம் பெரும் அளவிற்கு வாடிக்கையாளர்களை ஈர்த்ததை போல டிடிஎச் சேவையில் அதிரடி சலுகைகளை அறிவித்துள்ளது அனில் அம்பானியின் 'பிக் டிவி'. இதற்காக ஜியோவை போலவே, இலவசம் என்ற கவர்ச்சி அறிவிப்பை கையில் எடுத்துள்ளது பிக் டிவி.

ரிலையன்ஸ் பிக் டிவியின் இயக்குநர், விஜேந்தர் சிங் வெளியிட்டுள்ள அறிக்கையில் இதுபற்றிய தகவல்கள் வெளியிடப்பட்டுள்ளன. இதன்படி டிடிஎச் சேவையை புக் செய்ய பிக் டிவியின் அதிகாரப்பூர்வ வெப்சைட்டான www.reliancedigitaltv.com ல், ரூ.499 செலுத்த வேண்டும். டிடிஎச் வீட்டில் பொருத்தப்படும்போது எஞ்சிய ரூ.1500 தொகையை செலுத்த வேண்டும். டிஷ் ஆன்டனாவை பொருத்துவதற்கு ரூ.250 கொடுக்க வேண்டும்.

அதேநேரம், இந்த 2000 ரூபாய், வாடிக்கையாளர்களுக்கே 3 வருடங்களுக்கு பிறகு ரீசார்ஜ் தொகை என்ற வகையில் திரும்ப கிடைக்கும். இப்படி இந்த தொகை திரும்ப கிடைக்க வேண்டுமானால், 2வது வருடத்தில் இருந்து தொடர்ந்து 2 வருடங்களுக்கு, மாதம் ரூ.300 ரீசார்ஜ் செய்ய வேண்டும்.

இந்த திட்டத்தில் 5 வருடங்களுக்கு 500 சேனல்கள் ஃப்ரீயாக கிடைக்கும், கட்டண மற்றும் எச்டி சேனல்களையும் ஓராண்டு இலவசமாக பார்த்துக்கொள்ள முடியும். பிக் டிவி வழங்கும் செட்ஆப் பாக்சில், ரெக்கார்டிங், யூடியூப் மற்றும் யூஎஸ்பி வசதிகளும் இணைந்திருக்கும் என்பது சிறப்பு.  பிக் டிவி டிடிஎச்சுக்கான முன்பதிவு இன்று காலை 10 மணி முதல் துவங்கியுள்ளது. இதனால் பிற டிடிஎச் நிறுவனங்கள் தங்கள் கட்டணத்தில் சலுகை காட்ட வேண்டிய நிலை ஏற்படும் என்கிறார்கள் மார்க்கெட் பார்வையாளர்கள்.


Read 155 times

Leave a comment

Make sure you enter the (*) required information where indicated. HTML code is not allowed.

Top
We use cookies to improve our website. By continuing to use this website, you are giving consent to cookies being used. More details…