JoomlaLock.com All4Share.net

Background Video

திங்கட்கிழமை, 04 ஜூன் 2018 00:00

தமிழக தேங்காய் எண்ணெய்க்கு கேரளாவில் தடை Featured

Written by 
Rate this item
(0 votes)

தமிழக தயாரிப்புகள் உட்பட 45 பிராண்ட் தேங்காய் எண்ணெய்களுக்கு கேரளா திடீர் தடை விதித்துள்ளது. சமையலுக்கு பயன்படுத்தப்படும் தேங்காய் எண்ணெய்களில் கலப்படம் இருப்பதாகவும், இவற்றின் உற்பத்தி, கொள்முதல், விநியோகம், விற்பனை ஆகியற்றை தடை செய்து 45 நிறுவனங்களின் எண்ணெய்களுக்கு கேரள மாநில உணவு பாதுகாப்பு ஆணையர் உத்தரவிட்டுள்ளார். 2006ம் ஆண்டு உணவு பாதுகாப்பு சட்டத்தின் அடிப்படையில் இந்த நடவடிக்கை எடுக்கப்பட்டுள்ளது. இவை பாலக்காடு, கோழிக்கோடு, எர்ணாகுளம் மற்றும் தமிழகத்தில் பொள்ளாச்சி, கோவை, நாமக்கல், உள்ளிட்ட பகுதிகளில் இருந்து தயார் செய்யப்பட்டு கேரளா கொண்டு செல்லப்படுபவை ஆகும். இந்த எண்ணெய் வகைகளின் மாதிரிகளை பல்வேறு இடங்களில் இருந்து சேகரித்த நிலையில் அவற்றுக்கு நடத்தப்பட்ட சோதனை முடிவுகள் அடிப்படையில் இந்த தடை விதிக்கப்பட்டுள்ளது என்று தெரிவிக்கப்பட்டுள்ளது. 

இதில் பெரும்பாலன நிறுவனங்கள் பாலக்காடு மற்றும் பொள்ளாச்சி பகுதிகளில் செயல்பட்டு வருபவை என்று தெரிவிக்கப்பட்டுள்ளது குறிப்பிடத்தக்கது. ஏற்கனவே கடந்த ஆண்டு 18 நிறுவனங்களின் எண்ணெய்கள் தடை செய்யப்பட்டிருந்த நிலையில் அந்த நிறுவனங்கள் வேறு பெயர்களில் எண்ணெய் உற்பத்தியில் ஈடுபட்டதாக கூறப்படுகிறது. இதற்கிடையே இந்த நிறுவனங்கள் தமிழக பகுதிகளில் கலப்பட தேங்காய் எண்ணெய் விற்பனையில் ஈடுபட்டுள்ளதா, தமிழக பகுதிகளில் விற்பனை செய்யப்படுகின்ற தேங்காய் எண்ணெயில் கலப்படம் உள்ளதா என்பது தொடர்பாக தமிழக உணவு பாதுகாப்பு அதிகாரிகள் பரிசோதனை நடத்த வேண்டும் என்று கோரிக்கை எழுந்துள்ளது.

Read 141 times Last modified on திங்கட்கிழமை, 04 ஜூன் 2018 22:11

Leave a comment

Make sure you enter the (*) required information where indicated. HTML code is not allowed.

Top
We use cookies to improve our website. By continuing to use this website, you are giving consent to cookies being used. More details…