JoomlaLock.com All4Share.net

Background Video

தேங்காய் உற்பத்தி குறைந்து வரும் நிலையில் இறக்குமதி செய்யப்படுகின்ற ஒயிட் பாமாயில், பாம்கெர்னல் ஆயில் ஆகியவற்றை தேங்காய் எண்ணெய்யாக மாற்றி விற்பனை செய்யப்படுவதாக தகவல்கள் வெளியாகியுள்ளன.

தமிழகம், கேரளாவில் தென்னை மரம் சாகுபடி நடைபெறுகின்ற பகுதிகளில் பல இடங்களிலும் சாகுபடி பரப்பு குறைந்துள்ளது. வறட்சி காரணமாகவும் தேங்காய் உற்பத்தி சரிய தொடங்கியுள்ளது. இதன் காரணமாக தேங்காய் விலை கணிசமாக உயர்ந்துள்ளது. வெளிநாடுகளுக்கும் தேங்காய் மதிப்பு கூட்டப்பட்ட பொருட்களாக ஏற்றுமதி செய்யப்படுகிறது. இது தேங்காய் விலை உயர்வுக்கு மற்றொரு காரணம் ஆகும்.

இதனால் தேங்காய் விலை படிப்படியாக உயரத் தொடங்கியுள்ளது. கடந்த 6 மாதங்களுக்கு முன்பு வரை கிலோ ரூ.30க்கு விற்பனை செய்யப்பட்ட தேங்காய் தற்போது கிலோ ரூ.52 வரை விற்பனை செய்யப்படுகிறது. அப்போதும் தரமான தேங்காய் கிடைப்பது இல்லை. குறிப்பாக எண்ணெய் சத்து குறைவாகவே இருந்து வருகிறது. இதனால் தமிழகத்தில் ராமநாதபுரம் உள்ளிட்ட மாவட்டங்களில் இருந்து குமரி மாவட்டம் உட்பட பல்வேறு பகுதிகளுக்கு தேங்காய் எடுத்து வரும் நிலை உள்ளது. 

குமரி மாவட்டத்தையொட்டியுள்ள கேரளாவிலும் தேங்காய் உற்பத்தி கணிசமாக சரிந்துள்ளது. வறட்சி காரணமாக இழந்த தேங்காய் உற்பத்தி சீராக மேலும் பல ஆண்டுகள் ஆகும் நிலை ஏற்பட்டுள்ளது. கேரளாவில் தென்னந்தோப்புகள் அளவு 9 லட்சம் ஹெக்டரில் இருந்து 7 லட்சம் ஹெக்டராக குறைந்துள்ளதாக புள்ளி விபரங்கள் தெரிவிக்கின்றன.

இவை ஒருபுறம் இருக்க கேரளாவில் இருந்து தேங்காய் கொள்முதல் செய்து எண்ணெய் தயாரிக்கும் தொழிலில் பல்வேறு நிறுவனங்கள் ஈடுபட்டு வருகின்றன. சந்தையிலும் புதிது புதிதாக பல்வேறு பெயர்களில் தேங்காய் எண்ணெய் விற்பனை செய்யப்படுகிறது. பாக்கெட்டில் அடைத்து வரப்படுகின்ற ஒரு லிட்டர் தேங்காய் எண்ணெய் தற்போது சந்தையில் ரூ.292க்கு விற்பனை செய்யப்படுகிறது. 

தேங்காய் உற்பத்தி சரிவு காரணமாக மார்க்கெட்டில் கலப்பட தேங்காய் எண்ணெய் அதிகம் விற்பனைக்கு வருவதாக தகவல்கள் வெளியாகியுள்ளன. உணவு எண்ணெய்யான பாம் கெர்னல் ஆயில், ஒயிட் பாமாயில் ஆகியன இறக்குமதி செய்யும் நிறுவனங்கள் தமிழகத்தில் 10க்கும் மேற்பட்டவை உள்ளன.

இவ்வாறு இறக்குமதி செய்யப்படுகின்ற இந்த எண்ணெய்கள் கலப்பட தேங்காய் எண்ணெய் தயாரிப்புக்கு பயன்படுத்தப்படு வதாக கூறப்படுகிறது. இவற்றுடன் கொப்பரையை சேர்த்து தேங்காய் எண்ணெய் மணம் கிடைக்கும் வகையில் தேங்காய் எண்ணெய் தயாரித்து சிலர் சந்தைப்படுத்துவதாக கூறப்படுகிறது. இதனை கண்டுபிடிப்பதும் கடினம் ஆகும். 

கிலோ ரூ.65க்கு ஒயிட் பாமாயிலும், பாம்கெர்னல் ஆயிலும் கிடைக்கிறது. இதனை தேங்காய் எண்ணெய் என்று மாற்றினால் லிட்டர் ரூ.200க்கு மேல் விற்பனையாகும். தேங்காய் தட்டுப்பாடு காலங்களிலும், தேங்காய் எண்ணெய் உற்பத்தி குறைகின்ற வேளையிலும் போலி தேங்காய் எண்ணெய் உற்பத்தி சூடுபிடித்து வருவதாக கூறப்படுகிறது. எனவே உணவு பாதுகாப்பு துறை அதிகாரிகள் இது தொடர்பாக விசாரித்து தக்க நடவடிக்கை எடுக்க வேண்டும் என்றும் கோரிக்கை எழுந்துள்ளது.

Published in வணிகம்
Top
We use cookies to improve our website. By continuing to use this website, you are giving consent to cookies being used. More details…