JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

மக்கள் நீதி மய்யத்தின் தலைவர் கமல் தலைவர் ஸ்டாலினைக் கேலி செய்யும் விதமாக பேசியுள்ளது தமிழக அரசியலில் பரபரப்பை ஏற்படுத்தியுள்ளது.

நடிகர் கமல் மக்கள் நீதி மய்யம் எனும் கட்சியை ஆரம்பித்து விறுவிறுப்பாக மக்கள் பணிகளை மேற்கொண்டு வருகிறார். வரும் நாடாளுமன்றத் தேர்தலிலும் போட்டியிடப் போவதாக அறிவித்துள்ளார். கூட்டணிக் குறித்த கேள்வி ஒன்றின் போது பதிலளித்த அவர் திமுக மற்றும் அதிமுக இரண்டுமே ஊழல் கறைப்படிந்தவையே. அதனால் இரண்டு கட்சிகளோடும் கூட்டணி இல்லை எனத் தெரிவித்தார்.

அதனால் திமுகவின் அதிகாரப்பூர்வ நாளேடான முரசொலி கமலைக் கிண்டலடிக்கும் விதமாக பூம்பூம் மாட்டுக்காரன் எனக் கேலிக் கட்டுரை வெளியிட்டது. இந்நிலையில் அரசியல் நிகழ்ச்சி ஒன்றில் பேசியக் கமல் ‘ என்னைப் பகுதிநேர அரசியல்வாதிகள் என்கிறார்கள். முழுநேரமும் அரசியலை நம்பியே இருப்பவர்கள் கண்டிப்பாக ஊழல்வாதிகளாகத்தான் இருப்பார்கள்.. ஒருவேளை நான் சட்டமன்றத்திற்கு சென்றால் சட்டையைக் கிழித்துக்கொண்டு வரமாட்டேன். அப்படியே சட்டையை யாராவது கிழித்தாலும் வேறு சட்டையை மாற்றிக்கொண்டே வருவேன்’ என திமுக தலைவர் ஸ்டாலினைக் கிண்டல் செய்யும் விதமாகப் பேசியுள்ளார்.

ஞாயிற்றுக்கிழமை, 17 பிப்ரவரி 2019 00:00

பாகிஸ்தான் வெளியுறவுத்துறை இணையதளம் முடக்கம்

பாகிஸ்தான் வெளியுறவுத்துறை அமைச்சகத்தின் அதிகாரப்பூர்வ இணையதளத்தை ஹேக்கர்கள் முடக்கி உள்ளனர்.

இது தொடர்பாக பாக்., வெளியுறவுத்துறை செய்தி தொடர்பாளர் முகம்மது பைசல் கூறுகையில், பாக்.,கில் இருந்து இந்த இணையதளம் எந்த பிரச்னையும் இன்றி இயங்கி வருகிறது. ஆனால் ஆஸ்திரேலியா, சவுதி அரேபியா, இங்கிலாந்து, நெதர்லாந்தில் இருந்து எங்கள் இணையதளத்தை தொடர்ந்து பின்தொடர்ந்து வருபவர்கள், தங்களால் இணையதளத்தை பார்க்க முடியவில்லை என புகார் தெரிவிக்கின்றனர் என்றார்.

ஆனால் இது இந்தியாவில் இருந்து நடத்தப்பட்டிருக்கும் சைபர் தாக்குதலாக இருக்கலாம் என பாக்., சந்தேகிப்பதாக தகவல் வெளியாகி உள்ளன. புல்வாமா தாக்குதலுக்கு பதிலடி கொடுப்பதற்காக இந்திய ஹேக்கர்கள் இதனை செய்திருக்கலாம் எனவும் கூறப்படுகிறது. இணையதளம் ஹேக் செய்யப்பட்டுள்ளதா என்பதை ஐடி குழு ஆய்வு செய்து வருகிறது.

ஞாயிற்றுக்கிழமை, 17 பிப்ரவரி 2019 00:00

ஈரான் - பாகிஸ்தான் மோதல்

 ஈரானில் கடந்த பிப்., 13ல் 27 ஈரானிய ராணுவத் துருப்புகள் மீது தற்கொலைப் படை தாக்குதல் நடத்தியது. இதன் பின்னணியில் பாகிஸ்தான் பாதுகாப்புப் படைகளின் ஆதரவு இருப்பதாக ஈரான் குற்றம் சாட்டியுள்ளது.

இஸ்பஹான் நகரில் நேற்று முன்தினம் கொல்லபட்ட ராணுவ வீரர்களின் உடல்களை ஊருக்கு கொண்டு செல்லும் பணி நடந்தது. ராணுவ வீரர்களின் இறுதிச் சடங்குகள் அவரவர் சொந்த ஊர்களில் நேற்று நடந்தது.

நேற்று முன்தினம் ஈரான் ராணுவத் தளபதி ஜெனரல் முகம்மது அலி ஜாபரி தெரிவித்ததாவது:ஈரானிய புரட்சிகர அரசுக்கு எதிரானவர்களுக்கு பாகிஸ்தான் அரசு அடைக்கலம் தந்துள்ளது. அவர்கள் எங்கே மறைந்திருக்கிறார்கள் என்பது பாகிஸ்தான் அரசுக்குத் தெரியும். அதேநேரத்தில் அவர்களை பாகிஸ்தான் பாதுகாப்புப் படைகள் ஆதரித்து வருகின்றன. அப்பயங்கரவாதிகள் அனைவரும் ஜெய்ஷ் அல்-அதுல் இயக்கத்தைச் சேர்ந்த ஜிகாதிகள் ஆவர்.ஜெய்ஷ் அல் அதுல் பயங்கரவாதிகளை பாகிஸ்தான் அரசு தண்டிக்கவில்லையெனில், அத்தகைய ஈரானிய எதிர்ப்பு சக்திகளான எதிர்-புரட்சிகரப் படைகளுக்கு பதிலடி கொடுப்போம். தீவிரவாத இயக்கத்திற்கு பாகிஸ்தான் துணை நிற்பதோடு, தீவிரவாதத்தைத் துாண்டி வருமானால் அதற்கான எதிர்விளைவுகளையும் விரைவில் அவர்கள் சந்திக்க வேண்டும் என்று எச்சரிக்கிறோம்''.இவ்வாறு அவர் பேசினார்.

ஜெய்ஷ் அல் அதுல் தீவிரவாத இயக்கம் 2012-ல் உருவானது. இது ஜூன்டால்லா பயங்கரவாத இயக்கத்திலிருந்து தனியே பிரிந்து வந்த இயக்கம்.தெஹ்ரானில் 2010ல் ஜூன்டால்லா இயக்கத் தலைவர் அப்துல்மாலிக் ரிக்கி துாக்கிலிடப்பட்டதை அடுத்து ஒரு நாடெங்கும் கொடூர தீவிரவாதக் கிளர்ச்சியை இவ்வியக்கம் முன்னெடுத்தது. அப்போது உருவானதுதான் ஜெய்ஷ் அல் அதுல் பயங்கரவாத இயக்கம்.

பிப்., 13ல் தென்கிழக்கு மாகாணமான சிஸ்தான்-பெலுசிஸ்தானில் சாலையில் வந்துகொண்டிருந்த பேருந்தைக் குறிவைத்து இந்த தற்கொலைப் படை வெடிகுண்டு தாக்குதல் நடத்தப்பட்டது. அதில் பயணித்த 27 ஈரானிய ராணுவத்தினர் பலியாகினர்.சமீபத்திய ஆண்டுகளில் ஈரானிய பாதுகாப்புப் படைகள் மீது நடந்த மிகப்பெரிய தாக்குதல் இது.

 ''நமது வீரர்கள் மீதான தாக்குதல் பின்னணியில் யார் உள்ளனர் என்பது அனைவருக்கும் தெரியும். உலக கோப்பை கிரிக்கெட் தொடரில் இந்திய அணி பாகிஸ்தானுடன் விளையாடக் கூடாது,'' என, கிரிக்கெட் கிளப் ஆப் இந்தியா தலைவர் சுரேஷ் பப்னா தெரிவித்துள்ளார்.

புல்வாமாவில் நடந்த பயங்கரவாத தாக்குதலில் 40 சி.ஆர்.பி.எப்., வீரர்கள் மரணமடைந்தனர். இதனால், அண்டை நாடான பாகிஸ்தான் மீது இந்திய மக்கள் கோபத்தில் உள்ளனர். வரும் உலக கோப்பை தொடரில் (மே 30- ஜூலை 14, இங்கிலாந்து) இந்தியா- பாகிஸ்தான் போட்டிக்கு தடை விதிக்க வேண்டும் என மும்பையை சேர்ந்த கிரிக்கெட் கிளப் ஆப் இந்தியா (சி.சி.ஐ.,) கோரிக்கை விடுத்துள்ளது. உலக கோப்பை தொடரில் இந்தியா - பாகிஸ்தான் அணிகள் ஜூன் 16ல் (மான்செஸ்டர்) மோதவுள்ளன. இப்போட்டி கிரிக்கெட் போர் போல கருதப்படும்.

இது குறித்து சி.சி.ஐ., தலைவர் சுரேஷ் பப்னா கூறியது: நமது வீரர்கள் மீதான பயங்கரவாத தாக்குதலை கண்டிக்கிறோம். இந்த சம்பவம் குறித்து பாகிஸ்தான் பிரதமர் இம்ரான் கான் வெளிப்படையாக பேச வேண்டும். அப்படி என்றால் ஏதோ தவறு இருக்கிறது என்றுதான் அர்த்தம். இதன் பின்னணியில் யார் உள்ளனர் என்பது அனைவருக்கும் தெரியும்.

மும்பை பிரபோர்ன் மைதானத்தின் ஓட்டல் உள்ளிட்ட பல இடங்களில் முன்னாள் கிரிக்கெட் நட்சத்திரங்களின் புகைப்படம் இடம் பெற்றிருக்கும். புல்வாமா தாக்குதலுக்குப்பின், இம்ரான் கான் புகைப்படம் மறைக்கப்பட்டுவிட்டது. இதை எப்படி அகற்றுவது என்பது பற்றி விரைவில் முடிவு செய்யப்படும். 

உலக கோப்பை தொடரில் இந்திய அணி, பாகிஸ்தானுடன் மோதக்கூடாது. இப்போட்டியை நடத்த இந்திய கிரிக்கெட் போர்டு (பி.சி.சி.ஐ.,) எதிர்ப்பு தெரிவிப்பது அவசியம். விளையாட்டு முக்கியம் என்றாலும், தேசத்திற்குத்தான் முதலிடம் தருவோம்,'' என்றார்.

இயக்குநரும் நடிகருமான டி.ராஜேந்தருக்கு சிம்பு, குறளரசன் என இரு மகன்கள் உள்ளனர். இதில் சிம்பு தமிழ் சினிமாவில் முன்னணி நடிகராக வலம் வருகிறார். இளைய மகள் குறளரசன் சிறு வயதில் குழந்தை நட்சத்திரமாக நடித்திருந்தாலும், சிம்பு நடிப்பில் வெளியான இது நம்ம ஆளு படத்தின் மூலம் தமிழ் சினிமாவில் இசையமைப்பாளராக அறிமுகமானார்.

அதன்பின்னர் அவருக்கு படவாய்ப்புகள் அமையவில்லை. சில ஆல்பங்களுக்கு இசையமைத்து வந்தார். இந்த நிலையில், குறளரசன் அவர்களது பெற்றோரான டி.ராஜேந்தர் - உஷா முன்னிலையில் இஸ்லாம் மதத்திற்கு மாறினார்.

குறளரசன் இஸ்லாம் மதத்திற்கு மாறிய வீடியோ சமூக வலைதளங்களில் வைரலாக பரவி வருகிறது. 

பக்கம் 1 / 2364
Top
We use cookies to improve our website. By continuing to use this website, you are giving consent to cookies being used. More details…