JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

சென்னை உள்ளிட்ட மூன்று மாவட்டங்களில் டேங்கர் லாரிகள் காலவரையற்ற வேலை நிறுத்தத்தில் ஈடுபட்டுள்ளதால் குடிநீர் விநியோகத்தில் தட்டுப்பாடு ஏற்படும் சூழல் உருவாகியுள்ளது. சென்னை உயர்நீதிமன்றம் கடந்த 3 ஆம் தேதி ஒரு முக்கியமானத் தீர்ப்பை அறிவித்தது. அதில் 'சட்டவிரோதமாக நிலத்தடிநீரை உறிஞ்சுவதற்கு தடை விதித்தும் வணிக பயன்பாட்டிற்காக நிலத்தடி நீர் எடுப்பதை முறைப்படுத்த வேண்டும்' என்றும் கூறியது. இந்த எதிர்ப்பு தெரிவித்த லாரி உரிமையாளர்கள் தற்போது கால வரையற்ற வேலைநிறுத்தத்தில் ஈடுபட்டுள்ளனர்.

அவர்கள் தங்கள் கோரிக்கையாக இந்த தடையை நீக்க வேண்டுமெனவும் மேலும் கனிமவளப் பிரிவிலிருந்து நிலத்தடி நீரை நீக்க வேண்டுமெனவும் கூறியுள்ளனர்.இதனால் சென்னை, திருவள்ளூர், காஞ்சிபுரம் ஆகிய மாவட்டங்களில் குடிநீர் விநியோகித்து வந்த 4100 லாரிகள் வேலை நிறுத்தத்தில் பங்கேற்றுள்ளதால் குடிநீர் தட்டுப்பாடு ஏற்படும் அபாயம் உருவாகியுள்ளது.
இதுகுறித்து ஊரக வளர்ச்சித்துறை அமைச்சர் எஸ் பி வேலுமணி சம்மந்தப்பட்ட அதிகாரிகளோடு ஆலைசனை நடத்தினார். வேலைநிறுத்தத்தால் பாதிக்கப்பட்ட கல்வி நிலையங்கள், மருத்துவமனைகள் மற்றும் வனிக வளாகங்களுக்கு உடனடியாக தண்ணீர் வழங்க ஏற்பாடு செய்யுமாறு உத்தரவிட்டுள்ளார்.

'பாதிக்கப்பட்ட நுகர்வோர் தங்கள் லாரிகளில் சென்னை குடிநீர் வாரிய லாரி நீர்நிரப்பு நிலையங்களில் இரவு 10 மணிமுதல் காலை 5 மணி வரை நீரைப் பெற்றுக்கொள்ளலாம். இதற்கு ஒருவாரத்திற்கு தேவையான குடிநீர் கட்டணத்தை முன்பணமாக செலுத்த வேண்டும். ஒரு நாளுக்கு அதிகபட்சமாக் 2 லாரி தண்ணீர் வழங்கப்படும்' என தமிழக அரசு செய்திக்குறிப்பு வெளியிட்டுள்ளது.

அ.தி.மு.க.வின் அதிகாரப்பூர்வ நாளேடான ‘நமது புரட்சி தலைவி அம்மா’வில், மக்கள் நீதி மய்யத்தின் தலைவரும், நடிகருமான கமல்ஹாசனை கடுமையாக விமர்சித்து கட்டுரை வெளியாகி உள்ளது. அதில் கூறியிருப்பதாவது:-

ஒரு ரூபாய் சம்பளம் வாங்கியவர் தான் கஜானாவை காலி செய்தார் என்று ஜெயலலிதா மீது கமல்ஹாசன் புழுதிவாரி தூற்றி இருக்கிறார். ஜெயலலிதா உயிரோடு இருக்கிற வரை இதுபோன்ற கருத்துகளை சொல்வதற்கு தைரியம் இல்லாத கோழையாக இருந்துவிட்டு, வங்கத்து கடலோரம் உறங்க சென்ற அவர் எழுந்து வரமாட்டார் என்கிற தைரியத்தால் உண்மைக்கு மாறான தகவல்களை எல்லாம் சொல்லி, ஏகத்துக்குமாக அ.தி.மு.க.வையும், ஜெயலிதாவையும் பழிக்கிறார்.

தமிழகத்துக்கு வருவாய் பெருக்கும் திட்டங்களை வகுத்து, அதன் மூலம் கஜானாவை நிரம்பி வழியும் பொக்கிஷ பெட்டகமாக மாற்றியது ஜெயலலிதா தான்.

எனக்காக ஏதுமில்லை எல்லாமும் என் மக்களுக்கே என்னும் தவத்தால் வாழ்ந்து, தமிழ் உலகிற்கு ஏராள வளர்ச்சியையும், மலர்ச்சியையும் வழி வகுத்து தந்த விடையை கமல்ஹாசன் என்கிற காகிதப்பூ ஏதோ, தன்னை மெத்த அறிவாளி என்று கருதிக்கொண்டு அலைகிற மேற்படி அட்டைக் கத்தி, கஜானாவை காலி செய்தார் என்று கருத்து சொல்லி இருப்பது உளறல் நாயகனின் கூமுட்டை தனத்தை தான் காட்டுகிறது. Image result for kamal haasan -namathu amma magazine photos images

முக்தா சீனிவாசனின் மொத்த கஜானாவையும் காலி செய்தவர். கமல்ஹாசனை வைத்து ‘அந்த ஒரு நிமிடம் படம்’ எடுத்தேன். நான் நிம்மதியை தொலைத்ததே அந்த ஒரு நிமிடத்தில் தான் என்று தலையில் முக்காடு போட்டுக் கொண்டு புலம்பிய மேஜர் சுந்தர்ராஜன், தமிழ் திரையுலகத்தால் முதலாளி என்று அழைக்கப்பட்ட ரைக்டர் ஸ்ரீதர், இவரை வைத்து ‘நானும் ஒரு தொழிலாளி’ படம் எடுத்து, நடுத்தெருவுக்கு வந்த கதை. ‘ஆளவந்தான்’ என்னை அழிக்க வந்தான் என்று கலைப்புலி தாணுவை கடனில் தள்ளி கண்ணீர் கசிய வைத்தது. ‘மன்மத அம்பு’ என்று படம் எடுத்து, மஞ்சள் நோட்டீஸ் கொடுத்த ஜெமினி பிலிம்ஸ்.

கலைஞன், வெற்றி விழா என இவரை வைத்து படம் எடுத்து நொடிப்பு நிலைக்கு ஆளான நடிகர் சிவாஜி பிலிம்ஸ். முதலாளி என எல்லோராலும் அழைக்கப்பட்ட எஸ்.ஏ.ராஜ்கண்ணுவை மகாநதிக்குள் தள்ளி மூழ்கடித்த மகா கேவலம்.

‘விஸ்வரூபம்-2’ மற்றும் தசாவதாரத்தால், ஆஸ்கார் ரவியை அழித்து முடித்தது. குணா படத் தயாரிப்பாளரை குணாவாகவே மாற்றியது. லிங்குசாமியின் மொத்த கையிருப்பையும் ஒற்றை படத்தின் மூலம் உருவி எடுத்தது.

எடுக்காத படமாம் மருதநாயகத்தை வைத்து எலிசபெத் ராணியையே ஏமாற்றியது என்றெல்லாம் ஏராளமான தயாரிப்பாளர்களின் கஜானாவை காலி செய்த பேர் வழி தன்னைப் போலவே, பிறரை கருதிக் கொண்டு ஜெயலலிதாவை விமர்சிப்பது மையம் நடத்துபவரின் மனநோயைத் தான் காட்டுகிறது. இவ்வாறு அதில் கூறப்பட்டுள்ளது.

செவ்வாய்க்கிழமை, 16 அக்டோபர் 2018 00:00

அமரர் வாலியை மட்டம் தட்டிய இளையராஜா

இளையராஜா தனது இசையால்தான் பாடல் வரிகள் சிறப்பான இடத்தைப் பெற்றன என்ற கருத்தை சமீபத்தில் நடந்த ஒரு விழாவில் கூறியுள்ளார். Image result for kannadasan - msv photos

இளையராஜாவின் 75-ம் ஆண்டு பிறந்தநாளை சிறப்பிக்கும் விதமான விழா ஒன்று சென்னை அடையாறில் உள்ள எம்.ஜி. ஆர் ஜானகி மகளிர் கல்லூரியில் கொண்டாடப்பட்டது. இந்நிகழ்ச்சியில் கலந்துகொண்டு பேசினார் இளையராஜா
 
அப்போது மாணவிகள் வேண்டுகோளுக்கு இணங்க தான் இசையமைத்த சிலப் பாடல்களைப் பாடி, பாடல்கள் உருவான விதம் மற்றும் பாடல்கள் பற்றிய சுவாரசியத் தகவல்களைக் கூறினார்.

அப்போது தளபதி படத்தில் ’சுந்தரி கண்ணால் ஒரு சேதி’ எனும் பாடலைப் பாடி முடித்ததும், அப்பாடல் பற்றிப் பேசினார். ’இந்த பாடலில் வரிகள் யாவும் மிகவும் சாதாரணமானவை. எந்த கவியரங்கத்தில் வாசித்தாலும் இவை சிறப்பானக் கருத்தையோ உணர்வையோ தூண்டாது.
 
ஆனால் பாடலாசிரியர் வாலி அவர்கள் அவற்றை சிறப்பான இசையின் மீது வைத்ததால்தான் அவை காலத்தால் அழியாத இடத்தைப் பிடித்துள்ளன.’ எனக் கூறினார்.

இதே போல கண்ணதாசன் பாடல் ஒன்றையும் குறிப்பிட்டு எம் எஸ் வி யின் இசையால்தான் இந்த பாடல் சிறந்து விளங்குகிறது என்று கூறினார்.

 

செவ்வாய்க்கிழமை, 16 அக்டோபர் 2018 00:00

அரியானா சாமியார் ராம்பாலுவுக்கு ஆயுள் சிறை

அரியானா சாமியார் ராம்பாலுக்கு ஆயுள்சிறை விதித்து ஹிசார் கோர்ட் தீர்ப்பளித்துள்ளது. அரியானா மாநிலம், ஹிசாரில் ஆசிரமம் அமைத்து வலம் வந்தவர் ராம்பால் மகாராஜ். 

அவரது ஆசிரமத்தில் 4 பெண்கள் மற்றும் ஒரு குழந்தை இறந்து கிடந்தது கண்டுபிடிக்கப்பட்டது. இதனையடுத்து அவர் மீதும், ஆதரவாளர்கள் மீதும் கொலை வழக்குகள் பதிவு செய்யப்பட்டது.

இதில், இரண்டு வழக்குகளில் ராம்பால் குற்றவாளி என கோர்ட் தீர்ப்பளித்தது. இவருக்கான தண்டனை இன்று அறிவிக்கப்பட்டது. இதன்படி அவருக்கு ஆயுள் சிறை விதிக்கப்படுவதாக நீதிபதி தெரிவித்தார்.

வைகை அணை வேகமாக முழு கொள்ளளவை எட்டி வரும் நிலையில் வைகை கரையோர மக்களுக்கு வெள்ள அபாய எச்சரிக்கை விடுக்கப்பட்டுள்ளது.

மேற்குதொடர்ச்சி மலை பகுதிகளில் தொடர்ந்து மழை பெய்து வருவதால் வைகை அணைக்கு வரும் நீரின் அளவு அதிகரித்துள்ளது. தற்போதைய நிலவரப்படி வைகை அணை தன்னுடைய முழு கொள்ளளளவான 71 அடியில் 66 அடி வரை நெருங்கி உள்ளது.

இதனையடுத்து தேனி, மதுரை திண்டுக்கல், சிவகங்கை, ராமநாதபுரம் ஆகிய 5 மாவட்டங்களில் வைகை ஆற்றின் கரையோரங்களில் வசிக்கும் மக்களுக்கு முதற்கட்ட வெள்ள அபாய எச்சரிக்கை விடுக்கப்பட்டுள்ளது.

பக்கம் 1 / 2214
Top
We use cookies to improve our website. By continuing to use this website, you are giving consent to cookies being used. More details…