JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

கர்நாடகாவில் கனமழையால் 6 மாவட்டங்கள் கடுமையாக பாதிக்கப்பட்டுள்ளன. தெற்கு கர்நாடகாவின் பல பகுதிகளில் நிலச்சரிவு ஏற்பட்டுள்ளது.

கர்நாடக கனமழை, வெள்ளம், நிலச்சரிவில் சிக்கி இதுவரை 6 பேர் பலியாகி உள்ளனர். வெள்ளத்தால் பாதிக்கப்பட்ட மாவட்டங்களில் நிவாரண பணிகளை மேற்கொள்ள கர்நாடக அரசு ரூ.200 கோடியை ஒதுக்கி உள்ளது. வெள்ளம் பாதித்த மாவட்டங்களில் குடகு மிக அதிக அளவிலான பாதிப்புக்களை சந்தித்துள்ளது. 

குடகு மாவட்டத்திற்கு செல்லும் சாலைகளில் பல இடங்களில் நிலச்சரிவு ஏற்பட்டுள்ளதால், குடுகு மாவட்டத்திற்கு செல்லும் அனைத்து சாலைகளும் மூடப்பட்டுள்ளன. குடகு - குஷல்நகர் இடையேயான சாலை நிலச்சரிவால் பெரிய அளவில் பாதிப்பை சந்தித்துள்ளது.

குடகு மாவட்டத்தில் தொடர் கனமழையால் மண்மேடான பகுதியில் அமைந்துள்ள இரண்டு அடுக்கு மாடி வீடு ஒன்று, நிலச்சரிவால் சரிந்து பள்ளத்திற்கு இறங்கி வரும் வீடியோ காட்சிகள் சமூக வலைதளங்களில் வைரலாகி வருகிறது. இதே போன்று காட்டாற்று வெள்ளத்தில் சிக்கியவர்களை மீட்புக் குழுவினர் காப்பாற்றும் காட்சிகளும் வைரலாக பகிரப்பட்டு வருகிறது.

சனிக்கிழமை, 18 ஆகஸ்ட் 2018 00:00

வைகை அணை வரும் 20 - ம் தேதி திறப்பு

பெரியாறு பாசனப்பகுதி, திருமங்கலம் பிரதான கால்வாயின் ஒரு போக பாசனத்திற்காக வைகை அணையை திறக்க முதல்வர் பழனிசாமி உத்தரவிட்டுள்ளார்.

வரும் 20 தேதி முதல் 120 நாட்களுக்கு வைகை அணை தண்ணீர் திறந்து விடப்படும் எனவும், இதனால் பெரியாறு பாசனப்பகுதியில் 85,563 ஏக்கர் நிலங்களும், திருமங்கலம் பிரதான கால்வாயின் கீழ் 19,439 ஏக்கர் நிலங்களும் பாசன வசதி பெறும் எனவும் முதல்வர் கூறியுள்ளார்.

மழை வெள்ளத்தினால் பாதிக்கப்பட்ட கேரளாவிற்கு மேலும் ரூ.5 கோடி வழங்க முதல்வர் பழனிசாமி உத்தரவிட்டுள்ளார்.
இது தொடர்பாக அவர் வெளியிட்ட அறிக்கை: கடந்த 10ம் தேதி கேரளாவிற்கு முதல்வர் பொது நிவாரண நிதியிலிருந்து 5 கோடி ரூபாய் வழங்க உத்தரவிட்டிருந்தேன்.

அங்குள்ள பாதிப்பின் தன்மையை கருத்தில் கொண்டு முதல்வரின் பொது நிவாரண நிதியிலிருந்து கூடுதலாக 5 கோடி ரூபாய் அளிப்பதுடன், பாதிக்கப்பட்ட கேரள மக்களுக்கு நிவாரண பொருட்களாக 500 மெட்ரிக் டன் அரிசி, 300 மெட்ரிக் டன் பால் பவுடர் மற்றும் 19 ஆயிரம் லிட்டர் பால், வேட்டிகள், கைலிகள், 10 ஆயிரம் போர்வைகள், அத்தியாவசிய மருந்துகளுடன் டாக்டர் மற்றும் கால்நடை டாக்டர்கள் அடங்கிய குழு உடனடியாக அனுப்பி வைக்கப்படும்.

இப்பணிகளை ஒருங்கிணைக்க வருவாய் நிர்வாக ஆணையர் தலைமையின் கீழ் இரண்டு ஐஏஎஸ் அதிகாரிகள் பணியாற்றவும் உத்தரவிட்டுள்ளதாக தெரிவித்துள்ளார்.

தி.மு.க. தலைவரும், முன்னாள் முதல்-அமைச்சருமான கருணாநிதி கடந்த 7-ந் தேதி உடல் நலக்குறைவு காரணமாக காலமானார். அவரது உடலை அடக்கம் செய்ய மெரினா கடற்கரை அண்ணா நினைவிடம் அருகே இடம் ஒதுக்க தி.மு.க. சார்பில் தமிழக அரசிடம் கேட்கப்பட்டது. ஆனால், சட்ட சிக்கல் காரணமாக கருணாநிதிக்கு கிண்டி காந்தி மண்டபம் அருகில் 2 ஏக்கர் நிலம் ஒதுக்குவதாகவும், மெரினாவில் இடம் அளிக்க முடியாது என்றும் தமிழக அரசு திட்ட வட்டமாக அறிவித்தது.

இதைத்தொடர்ந்து தி.மு.க. சார்பில் ஐகோர்ட்டில் அவசர வழக்கு தொடரப்பட்டது. இந்த வழக்கில் கருணாநிதிக்கு மெரினா கடற்கரையில் இடம் ஒதுக்க தமிழக அரசுக்கு ஐகோர்ட்டு உத்தரவிட்டது. இந்த உத்தரவை ஏற்றுக்கொண்ட தமிழக அரசு மேல் முறையீட்டுக்கு செல்லாமல், அண்ணா நினைவிடம் அருகே கருணாநிதியின் உடலை அடக்கம் செய்ய 1.75 ஏக்கர் நிலத்தை ஒதுக்கி கொடுத்தது. அந்த இடத்தில் கருணாநிதியின் உடல் அரசு மரியாதையுடன் அடக்கம் செய்யப்பட்டது.

மெரினா கடற்கரை அண்ணா நினைவிடம் அருகே கருணாநிதியை அடக்கம் செய்ய 1.75 ஏக்கர் நிலம் ஒதுக்கப்பட்டதற்கான அரசாணை நேற்று மாலை வெளியிடப்பட்டது.

இந்த தகவலை தி.மு.க. வக்கீல் ஒருவரும் உறுதிப்படுத்தினார். இது குறித்து அவர் கூறும்போது, ‘மெரினா கடற்கரை அண்ணா நினைவிடத்தில் கருணாநிதியை அடக்கம் செய்ய 1.75 ஏக்கர் நிலம் ஒதுக்கப்பட்டது தொடர்பாக அரசாணை வெளியிடப்பட்டு இருக்கிறது. இதை என்னிடம் அதிகாரி ஒருவர் தெரிவித்தார்’ என்றார்.

கேரளாவில் ஏற்பட்டுள்ள வெள்ள பாதிப்பில், தற்போது வரை உயிரிழந்தவர்களின் எண்ணிக்கை 324 ஆக உயர்ந்துள்ளது என்றும், 2.23 லட்சம் பேர் 1,500-க்கும் மேற்பட்ட முகாம்களில் தங்கவைக்கப்பட்டுள்ளதாகவும் கேரள முதலமைச்சர் பினராயி விஜயன் டிவிட்டரில் தெரிவித்துள்ளார்.

முன்னதாக, திருவனந்தபுரத்தில் செய்தியாளர்களிடம் பேசிய அவர் மாநிலம் முழுதும் 1,568 நிவாரண முகாம்கள் உள்ளதாகவும் அவற்றில் 52,856 குடும்பங்களை சேர்ந்த சுமார் 2,23,000 பேர் தங்கியிருப்பதாகவும் முதல்வர் கூறினார்.

இறப்பு எண்ணிக்கை விளக்கம்

இறப்பு எண்ணிக்கை குறித்து கேரள மாநில கூடுதல் டிஜிபி (சிறப்புப் பிரிவு) வீரக்குமாரிடம் பிபிசி தமிழ் விளக்கம் கேட்டது. ஆகஸ்ட் 8-ம் தேதி (வெள்ளச்சூழ்நிலை தொடங்கிய தேதி) முதல் இறந்தவர்கள் எண்ணிக்கை 171 என்றும், 324 என்பது ஜூன் 1ம் தேதி பருவமழை தொடங்கியதில் இருந்து அது தொடர்பான சம்பவங்களில் இறந்தவர்கள் எண்ணிக்கை என்றும் அவர் விளக்கம் அளித்தார்.

வெள்ளிக்கிழமை மாலை சுமார் 5.15 அளவில் முதல்வர் வெளியிட்ட டிவிட்டர் பதிவில் கடந்த நூறு ஆண்டுகளில் மோசமான வெள்ளத்தை தற்போது கேரளம் சந்தித்து வருவதாகவும், 80 அணைகள் திறக்கப்பட்டுள்ளதாகவும் கூறியுள்ளார்.

 

பத்தனம்திட்டா, எர்ணாகுளம், ஆலப்புழா மற்றும் திருச்சூர் ஆகிய மாவட்டங்கள் அதிக பாதிப்புக்கு உள்ளாகியுள்ளதாகவும், அவற்றில் வீடுகளில் இருந்து வெளியேற முடியாமல் தவிப்பவர்களை மீட்கும் பணிகள் நடந்து வருவதாக முதல்வர் முன்னதாக செய்தியாளர் கூட்டத்தில் கூறினார்.

டெல்லியில் முன்னாள் பிரதமர் வாஜ்பேயி இறுதிச் சடங்கில் பங்கேற்ற பிரதமர் நரேந்திர மோதி உடனடியாக விமானம் மூலம் கேரளா புறப்பட்டு கேரளா போய் சேர்ந்தார். நாளை சனிக்கிழமை காலை அவர் மாநில முதல்வர் பினராயி விஜயன் மற்றும் அதிகாரிகளை சந்திப்பதோடு, வெள்ளம் பாதிப்புகளையும் பார்வையிடுவார் என்று தெரிகிறது

 

பக்கம் 1 / 2137
Top
We use cookies to improve our website. By continuing to use this website, you are giving consent to cookies being used. More details…