JoomlaLock.com All4Share.net

Background Video

புதன்கிழமை, 26 அக்டோபர் 2016 00:00

சென்செக்ஸ் 201 புள்ளிகள் உயர்வு !

Written by

இன்று காலை வர்த்தக தொடக்கத்தில் சென்செக்ஸ் 201 புள்ளிகள் உயர்ந்து காணப்பட்டது. கடந்த வர்த்தகத்தில் குறியீடு 88 புள்ளிகளாக சரிந்துள்ளதை அடுத்து, இன்று மும்பை பங்குசந்தை குறியீட்டு எண் சென்செக்ஸ் 201.20 புள்ளிகள் உயர்ந்து 27,890.22 புள்ளிகளாக உள்ளது. வங்கி, ஆட்டோமொபைல் மற்றும் எப்எம்சிஜி, பொதுத்துறை மற்றும் ஐடி போன்ற முன்னணி நிறுவன பங்குகள் விலை 1.33% வரை அதிகரித்து காணப்பட்டன. தேசிய பங்குசந்தை குறியீட்டு எண் நிஃப்டி 61.65 புள்ளிகள் அதிகரித்து 8,629.65 புள்ளிகளாக உள்ளது. :-மதன்குமார்.

செவ்வாய்க்கிழமை, 25 அக்டோபர் 2016 00:00

ஜியோ இலவச சேவை மார்ச் வரை நீட்டிப்பு ?

Written by

ஜியோ தனது சேவைகள் அனைத்தையும் இலவசமாக வழங்கும் காலக்கெடு டிசம்பர் 3 ஆம் தேதியுடன் நிறைவு பெறுவதாக டிராய் அறிவித்தது. ஆனால் அது டிசம்பர் 31 வரை இருக்கும் என ரிலையன்ஸ் அறிவித்தது.

 தற்போது கிடைத்துள்ள, புதிய தகவல்களின் படி ரிலையன்ஸ் ஜியோ டேட்டா மற்றும் வாய்ஸ் கால் சேவைகளை மார்ச் 2017 ஆம் ஆண்டு வரை நீட்டிக்கலாம் என தெரிகிறது.

100 மில்லியன் பயனாளர்களை அடைய ரிலையன்ஸ் ஜியோ தனது அறிமுகச் சலுகையினை மார்ச் 2017 வரை நீட்டிக்கலாம் என எதிர்பார்க்கப்படுகின்றது.

ஜியோவின் டேட்டா சேவைகள் ஜிபி ஒன்றிற்கு ரூ.130-140 வரை இருக்கலாம் என்றும் கூறப்படுகின்றது. டிராய் விதிமுறைகளின் படி எந்த டெலிகாம் நிறுவனமும் தனது சேவைகளை 90 நாட்களுக்கும் அதிகமாக இலவசமாக வழங்க முடியாது.

ஆனால், பயனர்களுக்கு இலவச ஜியோ சேவைகளை வழங்க டிராய் அனுமதி தேவையில்லை என்று ஜியோ தெரிவித்துள்ளது. இன்டர்கணெக்ஷன் சார்ந்த பிரச்சனைக்குத் தீர்வு கிடைக்கும் வரை ஜியோ பல்வேறு வித்தியாச தீர்வுகளைப் பெற முயற்சிக்கும் எனவும் தெரிவிக்கப்பட்டுள்ளது.

டிராய் மற்றும் ரிலைன்ஸ் ஜியோ விதிமுறைகளை வைத்துப் பார்க்கும் போது ஜியோ தனது சேவைகளை நீட்டிக்க அதிக வாய்ப்புகள் இருப்பதாக டெலிகாம் சந்தையைச் சேர்ந்த வட்டாரங்கள் தெரிவிக்கின்றன.

செவ்வாய்க்கிழமை, 25 அக்டோபர் 2016 00:00

சென்செக்ஸ் 132 புள்ளிகள் சரிவு !

Written by

வர்த்தக முடிவில் இந்திய பங்குச்சந்தையில் சென்செக்ஸ் 128 புள்ளிகள் சரிந்து 28,050 புள்ளிகளாக உள்ளது. நிஃப்டி 32 புள்ளிகள் சரிந்து 8,676 புள்ளிகளாக உள்ளது. :-மதன்குமார்.

செவ்வாய்க்கிழமை, 25 அக்டோபர் 2016 00:00

இந்திய ரூபாயின் மதிப்பு 8 காசுகள் சரிவு !

Written by

இன்றைய வர்த்தகநேர துவக்கத்தில் அந்நிய செலாவணி சந்தையில், அமெரிக்க டாலருக்கு எதிரான இந்திய ரூபாயின் மதிப்பு 8 காசுகள் சரிந்து ரூ.66.93 காசுகளாக உள்ளது. வங்கிகள் மற்றும் இறக்குமதியாளர்களிடையே அமெரிக்க டாலரின் தேவை அதிகரித்துள்ளது, உலகளவில் மற்ற நாணயங்களுக்கு எதிரான டாலரின் வலிமை மற்றும் உள்நாட்டு பங்குச்சந்தையில் காணப்படும் சரிவு போன்ற காரணங்களால் இந்திய ரூபாயின் மதிப்பில் சரிவு காணப்படுவதாக அந்நிய செலாவணி விநியோகஸ்தர் தெரிவித்துள்ளார். கடந்த வர்த்தகத்தில் டாலருக்கு எதிரான இந்திய ரூபாயின் மதிப்பு 4 காசுகள் அதிகரித்து ரூ.66.85 காசுகளாக இருந்தது குறிப்பிடத்தக்கது. :-மதன்குமார்.

செவ்வாய்க்கிழமை, 25 அக்டோபர் 2016 00:00

தங்கத்தின் விலை ரூ.48 உயர்வு !

Written by

சென்னையில் ஆபரணத் தங்கத்தின் விலை சவரனுக்கு ரூ.48 உயர்ந்துள்ளது. ஒரு கிராம் ஆபரணத் தங்கம் ரூ.2,848-க்கும், ஒரு சவரன் ரூ.22,784-க்கும் விற்பனை செய்யப்படுகிறது. ஒரு கிராம் வெள்ளி விலை ரூ.45.50-க்கும், ஒரு கிலோ கட்டி வெள்ளி ரூ.42,535-க்கும் விற்பனை செய்யப்படுகிறது. மேலும் தீபாவளி பண்டிகையை முன்னிட்டு விலை அதிகரிக்கும் என எதிர்பார்க்கப்படுகிறது. :-மதன்குமார்.

 
திங்கட்கிழமை, 24 அக்டோபர் 2016 00:00

சென்செக்ஸ் 88புள்ளிகள் உயர்வு !

Written by

இன்று காலை வர்த்தக தொடக்கத்தில் சென்செக்ஸ் 88 புள்ளிகள் உயர்ந்து காணப்பட்டது. கடந்த வர்த்தகத்தில் குறியீடு 52.66 புள்ளிகளாக சரிந்துள்ளதை அடுத்து, இன்று மும்பை பங்குசந்தை குறியீட்டு எண் சென்செக்ஸ் 88.13 புள்ளிகள் உயர்ந்து 28,165.31 புள்ளிகளாக உள்ளது. வங்கி, எண்ணெய் மற்றும் எரிவாயு, மின்சாரம், மூலதன பொருட்கள், மற்றும் ஆட்டோத் துறை போன்ற முன்னணி நிறுவன பங்குகள் விலை 0.71% வரை அதிகரித்து காணப்பட்டன. தேசிய பங்குசந்தை குறியீட்டு எண் நிஃப்டி 23.75 புள்ளிகள் அதிகரித்து 8,716.80 புள்ளிகளாக உள்ளது.ஆசியாவின் இதர பங்குச்சந்தையான, சீனாவின் ஷாங்காய் கூட்டுக் குறியீடு 0.42%, ஹாங்காங்கின் ஹாங் செங் 0.42% மற்றும் ஐப்பான் நாட்டின் நிக்கேய் 0.02% அதிகரித்து காணப்பட்டது. :-மதன்குமார்.

வெள்ளிக்கிழமை, 21 அக்டோபர் 2016 00:00

சென்செக்ஸ் 94 புள்ளிகள் சரிவு !

Written by

இன்று காலை வர்த்தக தொடக்கத்தில் சென்செக்ஸ் 94 புள்ளிகள் சரிந்து காணப்பட்டது. கடந்த வர்த்தகத்தில் குறியீடு 145.47 புள்ளிகளாக உயர்ந்துள்ளதை அடுத்து, இன்று மும்பை பங்குசந்தை குறியீட்டு எண் சென்செக்ஸ் 94.24 புள்ளிகள் உயர்ந்து 28,035.60 புள்ளிகளாக உள்ளது. எண்ணெய் மற்றும் எரிவாயு, உலோகம், வங்கி, பொதுத்துறை மற்றும் மூலதன பொருட்கள் போன்ற முன்னணி நிறுவன பங்குகள் விலை குறைந்து காணப்பட்டன. தேசிய பங்குசந்தை குறியீட்டு எண் நிஃப்டி 24.30 புள்ளிகள் குறைந்து 8,675.10 புள்ளிகளாக உள்ளது.ஆசியாவின் இதர பங்குச்சந்தையான, சீனாவின் ஷாங்காங் கூட்டுக் குறியீடு 0.20% மற்றும் ஹாங்காங்கின் ஹாங் செங் 0.67% உயர்ந்து காணப்பட்டது. :-மதன்குமார்.

வெள்ளிக்கிழமை, 21 அக்டோபர் 2016 00:00

தங்கம் விலை ரூ.88 குறைவு !

Written by

தங்கம், வெள்ளி விலையில் இன்று சரிவு காணப்படுகிறது. தங்கம் விலை சவரனுக்கு ரூ.88 ம், பார்வெள்ளி விலை ரூ.305 ம் குறைந்துள்ளன. இன்றைய காலை நேர நிலவரப்படி சென்னையில் ஒரு கிராம் (22 காரட்) ஆபரண தங்கத்தின் விலை ரூ.2840 ஆகவும், 10 கிராம் (24 காரட்) தங்கத்தின் விலை ரூ.30370 ஆகவும் உள்ளன. ஒரு சவரன் ரூ.22,720 க்கு விற்பனையாகிறது. ஒரு கிராம் வெள்ளி ரூ.45 க்கும், பார்வெள்ளி விலை ரூ.42,075 க்கும் விற்கப்படுகிறது. :-மதன்குமார்.

இன்று காலை வர்த்தக தொடக்கத்தில் சென்செக்ஸ் 217 புள்ளிகள் உயர்ந்து காணப்பட்டது. கடந்த வர்த்தகத்தில் குறியீடு 66.51 புள்ளிகளாக சரிந்துள்ளதை அடுத்து, இன்று மும்பை பங்குசந்தை குறியீட்டு எண் சென்செக்ஸ் 216.80 புள்ளிகள் உயர்ந்து 28,201.17 புள்ளிகளாக உள்ளது. வங்கி, நுகர்வோர் சாதனங்கள் மற்றும் ரியல் எஸ்டேட் போன்ற முன்னணி நிறுவன பங்குகள் விலை 1.25% வரை அதிகரித்து காணப்பட்டன. தேசிய பங்குசந்தை குறியீட்டு எண் நிஃப்டி 64 புள்ளிகள் அதிகரித்து 8,723.10 புள்ளிகளாக உள்ளது. :-மதன்குமார்.

புதன்கிழமை, 19 அக்டோபர் 2016 00:00

இணையும் ஏர்டெல் - நோக்கியா நிறுவனங்கள்

Written by

இந்தியாவின் மிகப்பெரிய தொலைத்தொடர்பு ஆபரேட்டர்களில் ஒன்றான ஏர்டெல் மீண்டும் தொலைதொடர்பு சாதனங்கள் நிறுவனமான நோக்கியாவுடன் கூட்டணி வைக்கிறது.

சமீபத்தில் நடந்த ஸ்பெக்ட்ரம் ஏலத்தில் அடுத்த 20 வருடங்களுக்கு ஏர்டெல் நிறுவனத்தின் தேவைகளை பூர்த்தி செய்யும் வகையிலான 173.8 மெகாஹெர்ட்ஸ் ஸ்பெக்ட்ரமை ஏர்டெல் கைப்பற்றியுள்ளது.

இப்போது ரிலையன்ஸ் ஜியோ உடனான போட்டியில் கடினமான தன்மையை கொடுக்கும் முயற்சிகளில் ஒன்றாக ஏர்டெல்- நோக்கியா கூட்டணி நிகழ்த்தப்பட்டுள்ளது.

ஏற்கனவே சேவைகளை வழங்கும் ஆறு வட்டங்களை (மும்பை, மத்தியப் பிரதேசம், மேற்கு வங்காளம், ஒடிசா, பஞ்சாப், கேரளா) தொடர்ந்து ஏர்டெல் நிறுவனம் குஜராத், பீகார், மற்றும் உ.பி. கிழக்கு ஆகிய 3 புதிய வட்டங்களில் அதன் சேவைகளை விரிவடைய செய்கிறது.

நாட்டில் இணைய தரவு பயன்பாடு அதிகரித்து வருவதை கருத்தில் கொண்டு, ஏர்டெல் நிறுவனம் வாடிக்கையாளர்களின் திருப்தியை மேம்படுத்த கவரேஜ் அனுமதிக்கும் 4ஜி தொழில்நுட்ப விரிவாக்கத்தை நிகழ்த்தி வருகிறது.

 ஏர்டெல் நிறுவனத்தின் இந்த புதிய பயன்படுத்தல் சேவையானது நம் அனைவருக்கும் ஒரு சமமான வேகத்திலான மொபைல் இணைய அணுகலை வழங்க அனுமதிக்கும்.

மரபுவழி 2ஜி அடிப்படை நிலையங்கள் உட்பட ஏர்டெல் நிறுவனத்தின் எட்டு 3ஜி பிரதேசங்கள் நவீனமயமாக்கப்படும் என்று நோக்கியா குறிப்பிட்டுள்ளது.

பக்கம் 10 / 22
Top
We use cookies to improve our website. By continuing to use this website, you are giving consent to cookies being used. More details…