JoomlaLock.com All4Share.net

Background Video

கேரளாவில் நிபா வைரஸ் தாக்குதலால் 13 பேர் இறந்தனர். நிபா வைரஸ் பாதிக்கப்பட்டு இருக்கலாம் என்ற சந்தேகத்தின் பேரில் 116 பேரின் இரத்த மாதிரிகள் ஆய்வகத்துக்கு அனுப்பட்டுள்ளது. 15 பேருக்கு நிபா வைரஸ் பாதிப்பு இருப்பது ஊர்ஜிதம் செய்யப்பட்டுள்ளது. மேலும் பலர் தொடர்ந்து சிகிச்சை பெற்று வருகின்றனர். 
 
இந்நிலையில் ஐக்கிய அரபு அமீரக அரசு கேரள மாநில பழங்கள், காய்கறிகள் இறக்குமதிக்கு தடை விதித்து உத்தரவிட்டு உள்ளது.
 
இது குறித்து அந்நாட்டு சுற்றுச்சூழல் அமைச்சகம் வெளியிட்டுள்ள சுற்றறிக்கையில், இந்தியாவின் கேரள மாநிலத்தில் நிபா வைரஸ் பரவி இருப்பதாக உலக சுகாதார அமைப்பு எச்சரிக்கை விடுத்து உள்ளது. எனவே கேரள மாநிலத்தில் இருந்து வரும் அனைத்துவிதமான பழங்கள், காய்கறிகளை இறக்குமதி செய்ய தடை விதிக்கப்படுகிறது” என்று தெரிவிக்கப்பட்டுள்ளது. 
 
முன்னதாக கடந்த வாரம், கேரளாவில் உள்ள ஐக்கிய அரபு அமீரக தூதரகம், சுற்றுலா பயணிகள், முன்னெச்சரிக்கையுடன் இருக்க வேண்டும் என்றும் இந்திய அதிகாரிகள் அறிவுறுத்தும் பாதுகாப்பு வழிமுறைகளை முறைப்படி பின்பற்ற வேண்டும் என்று அறிவுறுத்தியிருந்தது நினைவிருக்கலாம். 
யோகா குரு பாபா ராம்தேவின் சொந்த நிறுவனமான பதஞ்சலி கடந்த 2006-ம் ஆண்டு நிறுவப்பட்டது. இந்த நிறுவனம்  பற்பசை, தேன், நூடுல்ஸ், கூந்தல் தைலம், சமையல் எண்ணெய், சோப்பு உள்ளிட்ட பல்வேறு பொருட்களை விற்பனை செய்து வருகிறது.
 
பதஞ்சலி தயாரிப்புப் பொருள்கள் ரசாயனக் கலப்பு இல்லை என்றும், இயற்கையாக உள்நாட்டில் தயாராகும் பொருட்கள் என்றும் விளம்பரம் செய்யப்பட்டு வருகின்றன. இதனால் நாடு முழுவதும் ஏராளமான மக்கள் நம்பிக்கையுடன் பதஞ்சலி பொருட்களை வாங்கி சென்று பயன்படுத்தி வருகின்றனர். ஆன்லைனிலும், தனித்தனியாக ஷோ ரூம்களை அமைத்தும் இந்தியா முழுவதும் இவருடைய பொருட்கள்  விற்பனை செய்யப்பட்டு வருகிறது.
 
இந்தநிலையில்,  தற்போது பிஎஸ்.என்.எல் உதவியுடன் தொலைத்தொடர்பு துறையிலும் பாபா ராம் தேவ் தடம் பதித்துள்ளார். சுதேதி சம்ரித்தி என்ற சிம் கார்டை இன்று அறிமுகம் செய்யப்பட்டுள்ளது. இந்த சிம் கார்டில் ரூ.144-ல்  அன்லிமிடெட் அழைப்புகள், 2 ஜிபி டேட்டா, தினமும் 100 எஸ்.எம்.எஸ்.கள் என பல்வேறு அதிரடி சிறப்பு அம்சங்கள் இடம்பெற்றுள்ளது. 
 
முதற்கட்டமாக பதஞ்சலி நிறுவன ஊழியர்களுக்கு இந்த சிம்கார்டுகள் வழங்கப்படுகிறது. விரைவில் பொதுமக்களின் பயன்பாட்டுக்கு விற்பனைக்கு வரவுள்ளது. மேலும், மருத்துவ காப்பீடு, ஆயுள் காப்பீடு வசதிகளும் ஏற்படுத்தப்படவுள்ளது. இந்த சுதேசி சம்ரதி சிம்கார்டு மூலம் வாடிக்கையாளர்கள் 10 சதவீத தள்ளுபடியில் பதஞ்சலி தயாரிப்புகளை வாங்கிக்கொள்ளலாம்.
 
இது குறித்து பாபா ராம் தேவ் கூறியதாவது:
 
பதஞ்சலி-பி. எஸ் என்.எல். இணைந்து நாட்டின் நன்மைக்காக நவீன சுதேசி இயக்கத்தை துவங்கி உள்ளது. இந்த சிம்கார்டுடன் 2.5 லட்சம் ரூபாய்க்கு மருத்துவ காப்பீடு மற்றும் 5 லட்சம் ரூபாய்க்கு ஆயுள் காப்பீடு கிடைக்கும்.  
 
இவ்வாறு அவர் கூறினார்.
 
யோகா குரு பாபா ராம்தேவ், பதஞ்சலி என்ற பல்வேறு தயாரிப்புகள் விற்று வரும் நிலையில், தற்போது பிஎஸ்என்எல் உடன் இணைந்து சிம்கார்டையும் அறிமுகப்படுத்தியுள்ளார்.
 
அடுத்த ஆண்டு முதல் பதஞ்சலி கார்மென்ட்ஸ் என்ற பெயரில் துணி வியாபாரம் துவங்கவுள்ளார் என்பது குறிப்பிடத்தக்கது. 

தூத்துக்குடி துப்பாக்கிச் சூடு சம்பவத்தையடுத்து ஸ்டெர்லைட் நிறுவனத்தை நடத்தும் வேதாந்தா குழுமத்தை லண்டன் பங்குச்சந்தையில் இருந்து வெளியேற்ற வேண்டும் தொழிலாளர் கட்சி போர்க்கொடி தூக்கியுள்ளது.

தூத்துக்குடியில் ஸ்டெர்லைட் ஆலைக்கு எதிராக நடந்த போராட்டத்தில், போலீஸார் நடத்திய துப்பாக்கிச்சூட்டில் 10க்கும் மேற்பட்டோர் உயிரிழந்தனர். இதுதொடர்பாக தமிழக அரசு மீது கடுமையான விமர்சனங்கள் எழுந்து வருகின்றன. எதிர்க்கட்சிகள் போராட்டங்கள் நடத்தி வருகின்றன.

ஸ்டெர்லைட் ஆலைக்கு எதிராக லண்டனில் உள்ள அதன் இயக்குனர் அணில் அகர்வாலின் வீட்டை முற்றுகையிட்டு தமிழர்கள் போராட்டம் நடத்தினர். ஸ்டெர்லைட் ஆலையை நடத்தி வரும் வேதாந்தா குழுமத்திற்கு எதிராக கோஷங்களை எழுப்பினர். மேலும் அணில் அகர்வால் மற்றும் ஸ்டெர்லைட் ஆலைக்கு எதிராக இந்திய தூதரகத்தில் மனுவும் அளித்தனர். அத்துடன் ஸ்டெர்லைட் ஆலைக்கு எதிராகவும், வேதாந்தா குழுமத்திற்கு எதிராகவும் இங்கிலாந்து நாட்டு எம்.பிக்களை சந்தித்து ஆதரவு திரட்டி வருகின்றனர்.

இதையடுத்து இங்கிலாந்து நாட்டின் எதிர்கட்சியான தொழிலாளர் கட்சி முதன்முறையாக ஸ்டெர்லைட் ஆலைக்கு எதிராக குரல் எழுப்பியுள்ளது. இதுகுறித்து செயல் தலைவரும், அக்கட்சி எம்.பி.யுமான ஜான் மெக்டொனால்டு கூறியதாவது:

‘‘தமிழகத்தில் ஸ்டெர்லைட் ஆலைக்கு எதிராக போராடிய மக்கள் 13 பேர் சுட்டுக்கொல்லப்பட்டது எங்களுக்கு பெரும் அதிர்ச்சியை ஏற்படுத்தியுள்ளது. இதுபோன்ற படுகொலைக்கு ஸ்டெர்லைட் ஆலை காரணமாக அமைந்துள்ளது கண்டிக்கத்தக்கது.

வேதாந்தா குழுமம் பல நாடுகளில் முறைகேடான வகையில் சுரங்கங்களை தோண்டுவதும், சுற்றுச்சூலுக்கு பாதிப்பை ஏற்படுத்துவதையும் வாடிக்கையாக கொண்டுள்ளது. அமெனஸ்டி இண்டர்நேஷனல் போன்ற தொண்டு நிறுவனங்கள் இதனை சுட்டிக்காட்டியுள்ளன.

இந்தியாவில் சுற்றுச்சூழல் சீர்கேட்டிற்கும், மனித உரிமை மீறலுக்கு காரணமான வேதாந்தா நிறுவனத்திற்கு எதிராக கடும் நடவடிக்கை எடுக்க வேண்டும். ஆப்ரிக்க நாடுகளிலும் வேதாந்தா நிறுவனம் முறைகேடுகளில் ஈடுபட்டுள்ளது.

சர்வதேச அளவில் விதிமீறலில் ஈடுபடும் வேதாந்தா நிறுவனத்தை லண்டன் பங்குச்சந்தையில் இருந்து டிலிஸ்ட் செய்து அங்கீகாரத்தை ரத்து செய்ய வேண்டும். இங்கிலாந்து அரசு, அந்நிறுவனத்தின் மீது கடும் நடவடிக்கை எடுக்க வேண்டும்’’ எனக் கூறினார்.

இதுகுறித்து லண்டன் ‘தமிழ் மக்கள் அமைப்பு’ நிர்வாகி கார்த்திக் கமலக்கண்ணன் கூறுகையில் ‘‘ஸ்டெர்லைட் நிறுவனத்தின் பேரசையால் அப்பாவி மக்கள் உயிரிழந்துள்ளனர். தண்ணீர், காற்று, மண் அனைத்தையும் கொடூரமான முறையில் அழிக்கும் இதுபோன்ற நிறுவனங்களை ஏற்க முடியாது. கார்பரேட் நிறுவனங்கள் பணம் சம்பாதிப்பதற்காக அப்பாவி மக்கள் காலம் காலமாக உயிரழப்பதை பார்த்துக் கொண்டு இருக்க முடியாது’’ எனக் கூறினார்.  

அமெரிக்காவின் வால்மார்ட், பிளிப்கார்ட்டின் 77% பங்குகளை 16 பில்லியன் டாலருக்கு கைப்பற்றியுள்ளது. அமெரிக்க நிறுவனமான வால்மார்ட் இந்திய ஆன்லைன் வர்த்தகமான பிளிப்கார்ட்டின் 77% பங்குகளை சுமார் 16 பில்லியன் டாலருக்கு வாங்கியுள்ளது.

அமெரிக்க நிறுவனம், இந்திய ஆன்லைன் நிறுவத்தினை இவ்வளவு விலை கொடுத்து வாங்கியிருப்பது இதுவே முதல்முறை. வால்மார்ட் - பிளிப்கார்ட் இடையிலான பேச்சுவார்த்தை 2016ஆம் ஆண்டு முதல் நடைபெற்று வந்த நிலையில் தற்போது வெற்றிகரமாக முடிந்துள்ளது.

உலகளவில் அனைவரையும் ஈர்க்கும் மிகப் பெரிய ரீடெய்ல் சந்தையாக இந்தியா உள்ளதாக வால்மார்ட்டின் தலைவர் மற்றும் தலைமை நிர்வாக அதிகாரியா டக் மக்மில்லன் குறிப்பிட்டுள்ளார். மேலும் வால்மார்ட் இந்தியாவில் 2 பில்லியன் டாலர் வரை முதலீடு செய்ய உள்ளதாக தெரிவித்துள்ளது.

செவ்வாய்க்கிழமை, 08 மே 2018 00:00

ஜிஎஸ்டி எதிரொலி : ஆடை ஏற்றுமதி 15% சரிவு

Written by

 ஜிஎஸ்டி உள்ளிட்ட பிரச்னைகளால் கடந்த 2017-18ம் நிதியாண்டில், திருப்பூரில் ஆயத்த ஆடை ஏற்றுமதி வர்த்தகம் 15 சதவீதம் வரை குறைந்துள்ளதாக இந்திய பின்னலாடை கழகத் தலைவர் சக்திவேல் தெரிவித்தார்.இது குறித்து அவர் நிருபர்களிடம் கூறியதாவது: திருப்பூரின் வர்த்தகம் வளர்ச்சி அடைந்து, 2016-17ம் நிதியாண்டில், 26 ஆயிரம் கோடியை எட்டியது. 

33 ஆண்டுகளில் இல்லாத வகையில், கடந்த 2017-18 ம் நிதியாண்டில், திருப்பூரின் ஏற்றுமதி வர்த்தகம் 15 சதவீதம் சரிந்துள்ளது. ரூ.26 ஆயிரம் கோடியாக இருந்த ஏற்றுமதி ரூ.23 ஆயிரம் கோடியாக குறைந்துள்ளது. ஆடை ஏற்றுமதி நிறுவனங்கள் 4 முதல் 5 சதவீதம் என்கிற மிக குறைந்த லாபத்திலேயே வர்த்தகம் செய்கின்றன. ஜி.எஸ்.டி.,க்குப்பின், நிறுவனங்களுக்கு கிடைத்து வந்த சலுகை தொகை குறைந்துவிட்டது. 

இது தொடர்ந்தால், ஏராளமான தொழிலாளர்கள் வேலை வாய்ப்பை இழக்கும் நிலை ஏற்படும். ஜி.எஸ்.டி., ரீபண்ட் கிடைப்பதில் ஏற்படும் காலதாமதத்தால், நிறுவனங்களின் நிதி முடங்கியுள்ளது. 15 நாட்களுக்குள், ஜி.எஸ்.டி., ரீபண்ட் வழங்கவேண்டும். ஏற்றுமதி சலுகைகளை, அதிகரித்து வழங்க வேண்டும் என்றார்.

பின்னலாடை கண்காட்சி: திருப்பூர் ஏற்றுமதியாளர்கள் சங்கம், இந்திய பின்னலாடை கண்காட்சி அமைப்பு, ஆயத்த ஆடை ஏற்றுமதி மேம்பாட்டுக் கழகம் ஆகிய அமைப்புகள் இணைந்து திருப்பூர் திருமுருகன் பூண்டியில் உள்ள ஐ.கே.எப். கண்காட்சி வளாகத்தில் சர்வதேச கோடை கால சிறப்பு பின்னலாடை கண்காட்சி மே 16 முதல் 18ம் தேதி வரை 3 நாள் நடக்கிறது. இதில் 30க்கும் மேற்பட்ட அரங்குகள் இடம்பெற உள்ளன. வெளிநாட்டு வர்த்தகர்களிடம் இருந்து ஆர்டர்களை பெறும் வகையில் இந்த கண்காட்சி நடத்தப்படுகிறது.

திங்கட்கிழமை, 07 மே 2018 00:00

பங்குச் சந்தையில் திடீர் எழுச்சி

Written by

மும்பை பங்குச் சந்தையில் திங்கள்கிழமை நடைபெற்ற வர்த்தகத்தில் சென்செக்ஸ் 292 புள்ளிகள் அதிகரித்தது.
நிறுவனங்களின் நிதி நிலை முடிவுகள் குறித்த எதிர்பார்ப்பு, முன்னணி நிறுவனப் பங்குகளின் விலை குறைந்திருந்தது ஆகியவற்றால் பங்குச் சந்தைகளில் வர்த்தகம் விறுவிறுப்புடன் காணப்பட்டது.

சர்வதேச சந்தையில் நான்கு ஆண்டுகளில் இல்லாத அளவில் கச்சா எண்ணெய் விலை 75 டாலராக அதிகரித்ததன் காரணமாக, இதர ஆசியப் பங்குச் சந்தைகளில் வர்த்தகம் ஏற்றம் இறக்கமாகவே காணப்பட்டது. உள்நாட்டு முதலீட்டாளர்கள் ஆர்வத்துடன் பங்குகளை வாங்கி குவித்ததையடுத்து அதன் தாக்கம் இந்தியப் பங்குச் சந்தைகளில் எதிரொலிக்கவில்லை. 

உலோகத் துறை பங்குகளுக்கு அதிக தேவை காணப்பட்டதையடுத்து அத்துறை குறியீட்டெண் 1.68 சதவீதம் அதிகரித்தது. இதைத் தொடர்ந்து, எண்ணெய்-எரிவாயு 1.64 சதவீதமும், ரியல் எஸ்டேட் 1.51 சதவீதமும், நுகர்வோர் சாதனங்கள் துறை குறியீட்டெண் 1.45 சதவீதமும் ஏற்றம் பெற்றன.

ஆரோக்கியப் பராமரிப்பு மற்றும் தகவல் தொழில்நுட்பத் துறை குறியீட்டெண்கள் மட்டும் சரிவை சந்தித்தன. நிறுவனங்களைப் பொருத்தவரையில், மஹிந்திரா அண்டு மஹிந்திரா பங்கின் விலை 3.68 சதவீதமும், ஆக்ஸிஸ் வங்கி பங்கின் விலை 2.82 சதவீதமும் அதிகரித்தன.

மும்பை பங்குச் சந்தையில் திங்கள்கிழமை நடைபெற்ற வர்த்தகத்தில் சென்செக்ஸ் 292 புள்ளிகள் உயர்ந்து 35,208 புள்ளிகளில் நிலைத்தது. தேசிய பங்குச் சந்தையில் நடைபெற்ற வர்த்தகத்தில் நிஃப்டி 97 புள்ளிகள் அதிகரித்து 10,715 புள்ளிகளில் நிலைத்தது.

வியாழக்கிழமை, 26 ஏப்ரல் 2018 00:00

IPL விளம்பர மோசடி: ஏர்டெல் மீது ஜியோ புகார்

Written by

ஐபிஎல் போட்டிகளை முன்னிட்டு ஜியோ மற்றும் ஏர்டெல் நிறுவனங்கல் பல விளம்பரங்கலையும் டேட்டா சலுகைகளையும், லைவ் டெலிகேஸ்ட் ஆகியவற்றை வழங்கி வருகிறது.

ஏர்டெல் நிறுவனம், தனது விளம்பரத்தில் வாடிக்கையாளர்கள் தங்களது ஆப்பை தரவிரக்கம் செய்து, ஐபிஎல் போட்டிகளை நேரலையில் இலவசமாக பார்க்கலாம் என்று விளம்பரம் செய்து வருகிறது. இதற்கு ஜியோ, ஏர்டெல் விளம்பரங்கள் மோசடியானது, தவறான விளக்கத்தை கொண்டுள்ளது. இதனால், பார்வையாளர்கள் ஏமாற்றப்பட்டு வருகின்ரனர் என உயர் நீதிமன்றத்தில் புகார் அளித்திருந்தது.

இந்நிலையில், ஜியோ நிறுவனம் ஏர்டெல் மீது டெல்லி உயர் நீதிமன்றத்தில் புகார் அளித்துள்ள நிலையில், உயர் நீதிமன்றம் ஐபிஎல் போட்டி தொடர்பான விளம்பரங்களை ஏர்டெல் மாற்றி அமைக்க வேண்டும் என உத்தரவிட்டுள்ளது.

மேலும், முற்றிலும் இலவசமாக காணலாம் என்ற விளம்பரத்தை தெளிவாகவும், இணையத்திற்கு பணம் வசூலிக்கப்படும் என்பதை தெளிவாக குறிப்பிடுமாறும் உத்தரவிட்டுள்ளது. ஏர்டெல் இது குறித்து கூறியதாவது, இது ஒரு அற்பமான புகார், இருப்பினும் உச்ச நிதீமன்றத்தின் உத்தரவின் படி நடவடிக்கை எடுக்கப்படும் என தெரிவித்துள்ளது.

இந்தியாவின் முன்னணி தனியார் தொலைத்தொடர்பு நிறுவனமான ஏர்டெல், ஜியோவுக்கு முன் வரை போட்டியே இன்றி வெற்றிநடை போட்டு வந்த நிலையில் ஜியோவின் வருகைக்கு பின் லாபம் பெற திணறி வருகிறது.

இந்த நிறுவனத்தின் கடந்த ஜனவரி முதல் மார்ச் வரையிலான முதல் காலாண்டு வருமானம் சுமார் 78% அளவு குறைந்துள்ளதாகவும், இந்த வருமானம். கடந்த 15 ஆண்டுகளில் மிகக்குறைந்த லாபம் என்றும் கூறப்படுகிறது.. ஜியோ போட்டி காரணமாக குறைந்த கட்டணத்தில் சேவை வழங்கி வருவதால் ஏர்டெல் நிறுவனத்தின் லாபம் குறைந்ததற்கு முக்கியமான காரணமாக கூறப்படுகிறது.

கட்ந்த மார்ச் 31ம் தேதியுடன் முடிவடைந்த காலாண்டில் ஏர்டெல் நிறுவனத்தின் லாபம் வெறும் ரூ.82.9 கோடியாக மட்டுமே உள்ளது. இந்த லாபம் வழக்கத்தைவிட 77.8 சதவிகிதம் குறைவு என்பது குறிப்பிடத்தக்கது.

2003ஆம் ஆண்டு ஏப்ரல் - ஜூன் காலாண்டிற்கு பின்னர் 15 ஆண்டுகளுக்கு பின் இந்நிறுவனம் பெறும் குறைந்த லாப சதவிகிதம் இதுதான். ஜியோ போட்டியை சமாளிக்க முடியாமல்தான் ஏர்செல் நிறுவனம் சேவையை நிறுத்தி கொண்டது.

இந்த நிலையில் ஏர்டெல் ஏதாவது புதிய முயற்சிகள் மற்றும் திட்டங்களை அறிவித்து ஜியோ போட்டியை சமாளிக்கும் நடவடிக்கையை எடுக்கவில்லை என்றால் ஏர்செல் நிலை தான் ஏர்டெல்லுக்கும் ஏற்படும் என்று கூறப்படுகிறது.

சனிக்கிழமை, 14 ஏப்ரல் 2018 00:00

ப்ளிப்கார்ட்டை விலை பேசும் அமேசான் !

Written by
ஆன்லைன் வர்த்தகத்தில் அமேசான் நிறுவனம் முதலிடத்தில் உள்ளது. அதேபோல், ப்ளிப்கார்ட், ஸ்னாப்டீல் போன்ற நிறுவனங்களும் ஆன்லைன் வர்த்தகத்தில் தனி முத்திரை படைத்துள்ளது. 
 
 ஆனால், ஆன்லைன் வர்த்தகத்தில் அமேசானுக்கு போட்டியாக இருப்பது வால்மார்ட் நிறுவனம். அமேசானை பின்னுக்கு தள்ள இந்நிறுவனம் ப்ளிப்கார்ட்டின் பங்குகளை வாங்கலாம் என திட்டமிட்டது. 
 
ஆனால், வால்மார்ட் நிறுவனத்துக்கு எதிராக ப்[ளிப்கார்ட்டின் ஒரு பங்கை 2 பில்லியன் டாலருக்கு வாங்க அமேசான் முடிவு செய்துள்ளதாக தகவல்கள் வெளிவந்துள்ளன.
 
இதனால், வால்மார்ட் நிறுவனம் பிளிப்கார்ட் நிறுவனத்தை வாங்கி, வர்த்தக்ததில் முதல் இடத்தைப் பிடிக்க எண்ணிய கனவு கனவாகவே போய்யுள்ளது. 
 
ஆனால், இந்த விவகாரம் குறித்து ப்ளிப்கார்ட் எந்த ஒரு செய்தியையும் வெளியிடவில்லை என்பது குறிப்பிடத்தக்கது. 

ரூ.2,500 கோடி வரி ஏய்ப்பு செய்ததாக காக்னிசன்ட் நிறுவனத்தின் வங்கிக் கணக்குகளை வருமான வரித்துறை முடக்கியுள்ளது.

இந்தியாவில் தகவல் தொழில்நுட்பத் துறையில் முன்னணி நிறுவனமாக இருக்கிறது காக்னிசன்ட். இந்த நிறுவனம் ரூ. 2,500 கோடி வரி ஏய்ப்பு செய்ததாக வருமான வரித்துறை ஏற்கனவே நோட்டீஸ் அளித்துள்ளது.

வருமான வரித்துறையின் நோட்டீசிற்கு முறையான விளக்கம் அளிக்கப்படாததால் காக்னிசன்ட் நிறுவனத்தின் சென்னை மற்றும் மும்பை கிளைகளின் வங்கிக் கணக்குகளை வருமானவரித்துறை முடக்கியுள்ளது. 2016-17ம் ஆண்டிலேயே செலுத்த வேண்டிய இந்த வரி பாக்கி தொகையை காக்னிசன்ட் நிறுவனம் செலுத்தாததால் இந்த நடவடிக்கை எடுக்கப்பட்டுள்ளது.

பக்கம் 2 / 20
Top
We use cookies to improve our website. By continuing to use this website, you are giving consent to cookies being used. More details…