JoomlaLock.com All4Share.net

Background Video

ரூ.251 விலையுள்ள Freedom 251 ஸ்மார்ட் போன்கள் ஜூன் 28ம் தேதி முதல் டெலிவரி செய்யப்படுவதாக ரிங்கிங் பெல்ஸ் நிறுவனம் அறிவித்துள்ளது.

உலகின் விலை குறைந்த ஆன்ட்ராய்டு செல்போனை நொய்டாவை சேர்ந்த ரிங்கிங் பெல்ஸ் நிறுவனம் விற்பனை செய்ய உள்ளதாக கடந்த பிப்ரவரி மாதம் அறிவித்தது. இதனை தொடர்ந்து, ரூ.251-க்கு ஸ்மார்ட் போன்கள் விற்பனை செய்யப்பட உள்ளதாக கூறி புக்கிங் செய்தது.

ஆன்ட்ராய்டு 5.1 இயங்குதளம் கொண்ட Freedom 251 செல்போன் 4-இன்ச் qHD IPS display மற்றும் 3.2MP பின்புற கேமரா, 0.3MP முன்புற கேமராவுடன் விற்பனை செய்யப்பட உள்ளதாக அந்த நிறுவனம் தெரிவித்தது. Freedom 251 செல்போனின் விளம்பரங்கள் நாடு முழுவதும் பெரிதும் கவனம் பெற்றதுடன் ஒரேநாளில் 30,000 பேர் செல்போனுக்கு பணம் செலுத்தி பதிவு செய்தனர்.

மொத்தம் 7 கோடி பேர் Freedom 251 செல்போன்களுக்கு பதிவு செய்துள்ளதாக ரிங்கிங் பெல்ஸ் நிறுவனம் தெரிவித்திருந்தது. முன்பதிவு நடைபெற்ற நாட்களில் அந்த நிறுவனத்தின் இணையதளம் முடங்கியது.

இதனிடையே, பல்வேறு பிரச்னைகளால் பணம் செலுத்தியோருக்கு பணத்தை Freedom 251 திரும்ப அளித்தது. ரூ.2,400 மதிப்பிலான ஆன்ட்ராய்டு செல்போனை ரூ.251-க்கு வழங்குவதாகக் கூறி முறைகேட்டில் ஈடுபடுவதாக கூறி ரிங்கிங் பெல்ஸ் நிறுவனம் மீது வழக்கு தொடரப்பட்டது.

இது தொடர்பான, வழக்கு நடைபெற்று வரும் நிலையில், திட்டமிட்டபடி, ஜூன் மாதம் முதல்கட்ட விற்பனை தொடங்கும் என ரிங்கிங் பெல்ஸ் நிறுவன இயக்குநர் மொயித் கோயல் தெரிவித்துள்ளார். வரும் 28ம் தேதி முதல் cash on delivery முறையில் பதிவு செய்தவர்களுக்கு செல்போன்களை வினியோகம் செய்ய உள்ளதாக ரிங்கிங் பெல்ஸ் நிறுவனம் அறிவித்துள்ளது.

பதிவு செய்துள்ள 7 கோடி பேரில் பதிவு அடிப்படையில் 25 லட்சம் பேர்களுக்கு முதல்கட்டமாக செல்போன்கள் ஷிப்பிங் செய்யப்பட்டு டெலிவரி செய்ய திட்டமிட்டுள்ளதாக அந்நிறுவனம் தெரிவித்துள்ளது.

செவ்வாய்க்கிழமை, 14 ஜூன் 2016 00:00

மைக்ரோசாப்ட் லிங்கிடு இன்னை வாங்குகிறது

Written by

தொழில்முறை வலையமைப்பு இணையதளத்தை வாங்குவதாக மைக்ரோசாப்ட் நிறுவனம் அறிவித்துள்ளது.

26 பில்லியன் அமெரிக்க டாலர்கள் கொடுத்து மைக்ரோசாப்ட் வாங்குகின்ற லிங்கிடு இன் தான் இது வரை இந்த பெரிய மென்பொருள் நிறுவனம் அதிக தொகை கொடுத்து வாங்குகின்ற இணையதளமாகும்.

உலகின் மிக பெரிய தொழில்முறை சமூக வலையமைப்பான, இந்த லின்க்ட் இன் இணையதளத்தை வாங்கியிருப்பதன் மூலம் கொண்டு மைக்ரோசாப்ட் அதன் வியாபாரம் மற்றும் மின்னஞ்சல் திட்டங்களின் மதிப்பை உயர்த்த முடியும் என்று கருதப்படுகிறது.

லிங்கிடு இன் உலக அளவில் 430 மில்லியனுக்கு மேலான உறுப்பினர்களை கொண்டுள்ளது.

லிங்கிடு இன் இப்போது இருப்பதை போல அதனுடைய தனித்துவ அடையாளம், பண்பாடு மற்றும் சுதந்திரத்தை கொண்டு செயல்படும் என்று மைக்ரோசாப்ட் தெரிவித்துள்ளது.

மும்பை : இந்திய பங்குச்சந்தைகள் போன்று இந்திய ரூபாயின் மதிப்பும் தள்ளாட்டத்துடன் காணப்படுகிறது. இன்றைய வர்த்தகம் துவங்கும்போது(காலை 9.15மணி) அந்நிய செலாவணி சந்தையில் அமெரிக்க டாலருக்கு எதிரான இந்திய ரூபாயின் மதிப்பு 4காசுகள் சரிந்து ரூ.67.18-ஆக இருந்தது. பணவீக்கம் உயர்வு, பங்குச்சந்தைகளில் காணப்படும் ஏற்ற, இறக்கமான சூழல் போன்ற காரணங்களால் ரூபாயின் மதிப்பு சரிந்துள்ளதாக சந்தை வல்லுநர்கள் தெரிவித்துள்ளனர். முன்னதாக நேற்று ரூபாயின் மதிப்பு 38 காசுகள் சரிந்து ரூ.67.14-ஆக இருந்தது.

திங்கட்கிழமை, 13 ஜூன் 2016 00:00

ரூபாய் மதிப்பு சரிவு

Written by

வாரத்தின் முதல் வர்த்தக நாளான இன்று, வர்த்தக நேர துவக்கத்தின் போது இந்திய ரூபாயின் மதிப்பு சரிவுடன் காணப்படுகிறது. சர்வதேச சந்தைகளில் ஏற்பட்டுள்ள நெருக்கடி நிலை இந்திய ரூபாயின் மீது பெரும் தாக்கத்தை ஏற்படுத்தி உள்ளது. இதன் காரணமாக சர்வதேச அந்நிய செலாவணி சந்தையில் இந்திய ரூபாயின் மதிப்பு 18 காசுகள் சரிந்துள்ளது. வர்த்தக நேர துவக்கத்தின் போது அமெரிக்க டாலருக்கு எதிரான இந்திய ரூபாயின் மதிப்பு ரூ.66.94 ஆக உள்ளது. முன்னதாக கடந்த வார இறுதியில் ரூபாய் மதிப்பு ரூ.66.76 ஆக இருந்தது. இதே நிலை தொடர்ந்தால் ரூபாயின் மதிப்பு மீண்டும் 67 ஐ கடக்கும் என கூறப்படுகிறது.

டி.வி.எஸ். மோட்டார் நிறுவனத்தின் ஜூபிடர் ஸ்கூட்டர் கூடுதல் சிறப்பம்சங்களுடன் "ஜூபிடர் மில்லியன்ஆர்' என்ற பெயரில் புது தில்லியில் வியாழக்கிழமை அறிமுகம் செய்யப்பட்டது.

இந்த நிகழ்ச்சியின்போது அந்நிறுவனத்தின் துணைத் தலைவர் (சந்தைப்படுத்தல்) அனிருத்தா ஹல்தார் கூறியதாவது: டி.வி.எஸ். மோட்டார் நிறுவனத்தின் ஜூபிடர் ஸ்கூட்டர்களுக்கு வாடிக்கையாளர்களிடையே வரவேற்பு அதிகரித்துள்ளது.

இதன் காரணமாக, கடந்த முப்பதே மாதங்களில் 10 லட்சம் ஸ்கூட்டர்கள் விற்று சாதனை புரியப்பட்டுள்ளது. இதனை கொண்டாடும் விதமாக தற்போது புதிய வடிவில் "ஜூபிடர் மில்லியன்ஆர்' ஸ்கூட்டர் வெளியிடப்பட்டுள்ளது.

110 சிசி என்ஜின் திறன் கொண்ட இந்தப் புதிய ஸ்கூட்டரில் முன்புற டிஸ்க் பிரேக், மொபைல் சார்ஜ் செய்வதற்கு இடவசதி உள்ளிட்ட 10 கூடுதல் சிறப்பம்சங்கள் உள்ளன. இதன் புது தில்லி விற்பனையக விலை ரூ.53,034 என்றார் அவர்.

யமஹா நிறுவனம், தங்களின் 2017 எஸ்சிஆர்950 ஸ்க்ராம்ப்ளர் (2017 SCR950 Scrambler) மோட்டார்சைக்கிளை அறிமுகம் செய்துள்ளனர்.

2017 யமஹா எஸ்சிஆர்950 ஸ்க்ராம்ப்ளர் குறித்த கூடுதல் தகவல்களை வரும் ஸ்லைடரில் தெரிந்து கொள்ளலாம்.

2017 யமஹா எஸ்சிஆர்950 ஸ்க்ராம்ப்ளர்...

ஜப்பானை மையமாக கொண்டு இயங்கும் யமஹா நிறுவனம், தங்கள் வாகனங்களின் ரேஞ்ச்சில் நடுத்தர எடை கொண்ட (middleweight line-up) வாகனங்களின் போர்ட்ஃபோலியோவை, 2017 எஸ்சிஆர்950 ஸ்க்ராம்ப்ளர் அறிமுகத்துடன் மேம்படுத்துயுள்ளனர்.

ஸ்டைல்;

2017 யமஹா எஸ்சிஆர்950 ஸ்க்ராம்ப்ளர், ரெட்ரோ-ரேசிங் சைட் நம்பர் பிளேட்கள் கொண்டுள்ளது.

மேலும், இது துனிச்சலான கலர் ஆக்சென்ட்கள், கொண்ட்டுள்ளது. இது 1970-களில் இருந்த யமஹா ஸ்க்ராம்ப்ளரில் காணப்பட்டது போன்ற ஸ்டைலிங் கொண்டுள்ளது.

தோற்றம்;

2017 யமஹா எஸ்சிஆர்950 ஸ்க்ராம்ப்ளர், கிளாசிக் ஸ்க்ராம்ப்ளர் ஸ்டைல் அம்சங்கள் கொண்டுள்ளது.

2017 யமஹா எஸ்சிஆர்950 ஸ்க்ராம்ப்ளர், ஸ்போக்குகளால் ஆன வீல்கள், ட்ரெயில் டயர்கள், யமஹாவின் எக்ஸ்டி 500 என்ட்யூரோ (XT 500 Enduro) அடிப்படையிலான பெயின்ட் ஸ்கீம் கொண்டுள்ளது.

இதர அம்சங்கள்;

2017 யமஹா எஸ்சிஆர்950 ஸ்க்ராம்ப்ளர், இதன் சப் ஃபிரேமில், புதிய மற்றும் கிளாசிக் தோற்றம் கொண்ட பெஞ்ச்-சீட் ரெஸ்டிங் அமைப்பு கொண்டுள்ளது.

இதன் வட்ட வடிவிலான டெயில்லைட் மற்றும் புல்லட்-வடிவிலான டர்ன் சிக்னல்கள், ஃபென்டர் உடன் இணைக்கப்பட்டுள்ளது.

ஹேண்டில் பார்;

2017 யமஹா எஸ்சிஆர்950 ஸ்க்ராம்ப்ளர் மோட்டார்சைக்கிளுக்கு, யமஹா நிறுவனம் உயர்ந்த ஹேண்டில் பார் வழங்கியுள்ளது.

இதன் மூலம், ஒய்யாரமாக உட்கார்ந்து ஜாலியான ரைடிங் மேற்கொள்ளலாம்.

பிற அம்சங்கள்;

2017 யமஹா எஸ்சிஆர்950 ஸ்க்ராம்ப்ளர், ரிடர்ன்ட் சஸ்பென்ஷன் மற்றும் பிளாக் பேட்டர்ன் டயர்கள் கொண்டுள்ளது.

இதனால், நல்ல கிரிப், ஹேண்ட்லிங் கிடைக்கிறது.

இஞ்ஜின்;

2017 யமஹா எஸ்சிஆர்950 ஸ்க்ராம்ப்ளர், 942 சிசி, ஏர்-கூல்ட், வி-ட்வின் இஞ்ஜின் கொண்டுள்ளது.

கியர்பாக்ஸ்;

2017 யமஹா எஸ்சிஆர்950 ஸ்க்ராம்ப்ளர் மோட்டார்சைக்கிளின் இஞ்ஜின், 5-ஸ்பீட் கியர்பாக்ஸ் கொண்டுள்ளது.

மேலும், இந்த 2017 யமஹா எஸ்சிஆர்950 ஸ்க்ராம்ப்ளர் மோட்டார்சைக்கிளுக்கு, யமஹா நிறுவனம், பெல்ட்-டிரைவ் மெக்கானிஸம் ஏற்றுக்கொண்டுள்ளது.

இதன் மூலமாக தான், பின் சக்கரங்களுக்கு பவர் கடத்தப்படுகிறது.

 

தங்கம் விலை இன்று(ஜூன் 10-ம் தேதி) சவரனுக்கு ரூ.128 உயர்ந்துள்ளது. சென்னை, தங்கம்-வெள்ளி சந்தையில், மாலைநேர நிலவரப்படி 22காரட் ஒருகிராம் ஆபரணத்தங்கத்தின் விலை ரூ.2,817-க்கும், சவரனுக்கு ரூ.120 உயர்ந்து ரூ.22,544-க்கும், 24காரட் 10கிராம் தங்கத்தின் விலை ரூ.170 உயர்ந்து ரூ.30,140-க்கும் விற்பனையாகிறது.வெள்ளியின் விலையும் உயர்ந்துள்ளது. ஒருகிராம் சில்லரை வெள்ளியின் விலை 50 காசுகள் உயர்ந்து ரூ.44.40-க்கும், பார்வெள்ளி கிலோவுக்கு ரூ.475 உயர்ந்து ரூ.41,510-க்கும் விற்பனையாகிறது.

வியாழக்கிழமை, 09 ஜூன் 2016 00:00

தங்கம் விலை ரூ.136 உயர்வு

Written by

தங்கம் விலை இன்று ஒரே நாளில் சவரனுக்கு ரூ.136 ம், பார்வெள்ளி விலை ரூ.1060ம் அதிகரித்துள்ளன.

சென்னையில் 22 காரட் ஒரு கிராம் ஆபரண தங்கத்தின் விலை ரூ.2806 ஆகவும், 24 கேரட் ஒரு கிராம் தங்கம் விலை ரூ. 18 அதிகரித்து ரூ.3,001க்கு விற்கப்படுகிறது.

வெள்ளி விலை கிராமுக்கு, ரூ.1.20 அதிகரித்து ரூ.44.20 ஆகவும், ஒரு கிலோ பார் வெள்ளியின் விலை ரூ.1,060 உயர்ந்து ரூ.41,265 ஆகவும் விற்பனை செய்யப்படுகிறது.

புதன்கிழமை, 08 ஜூன் 2016 00:00

அதி நவீன பிட்னெஸ் ட்ராக்கர்

Written by

இதுவரை காலமும் மணிக் கட்டில் அணியக்கூடிய பிட்னெஸ் ட்ராக்கரையே அனைத்து நிறுவனங்களும் அறிமுகம் செய்து வந்தன.

இவற்றில் உடல் ஆரோக்கியம் தொடர்பான தகவல்களை மட்டுமே ஒப்பீடு செய்யக்கூடியதாக இருந்தது.

ஆனால் முதன் முறையாக இவற்றினையெல்லாம் தாண்டி அதி நவீன பிட்னெஸ் ட்ராக்கரை சம்சுங் நிறுவனம் அறிமுகம் செய்யவுள்ளது.

Gear IconX எனும் இந்த ட்ராக்கர் ஆனது வழமைக்கு மாறாக காதில் அணியக்கூடியவாறு வடிவமைக்கப்பட்டுள்ளது.

மிகவும் பாரம் குறைந்ததாக காணப்படும் இச் சாதனம் பாதுகாப்பானதாகவும், பயன்படுத்துவதற்கு வசதியாகவும் இருக்கின்றது.

இதில் தரப்பட்டுள்ள 4GB சேமிப்பு வசதியின் ஊடாக 1000 வரையான பாடல்களை சேமித்து வைத்து கேட்டு மகிழவும் முடியும்.

இவற்றுடன், இதயத்துடிப்பு வீதம், எரிக்கப்படும் கலோரியின் அளவு, வேகம், தூரம், கால அளவு என்பவற்றினையும் அறிந்துகொள்ள முடியும்.

மேலும் குரல் வழி கட்டுப்பாட்டினைக் கொண்டிருத்தல் விசேட அம்சமாகும்.

இந்திய பங்குச்சந்தைகள் தொடர்ந்து ஏற்றத்துடன் காணப்படுகின்றன. இன்றைய வர்த்தகநேர துவக்கத்தில்(காலை 9.15மணி) மும்பை பங்குச்சந்தையின் குறியீட்டு எண் சென்செக்ஸ் 95.74 புள்ளிகள் உயர்ந்து 27,105.41-ஆகவும், நிப்டி 22.45 புள்ளிகள் உயர்ந்து 8,288.90-ஆகவும் இருந்தன. வங்கி வட்டி விகிதத்தில் ரிசர்வ் வங்கி எந்த மாற்றமும் செய்யாதது, அந்நிய முதலீடுகள் அதிகரிப்பு, பருவமழை மீதான எதிர்பார்ப்பு, வரும் வெள்ளியன்று வெளியாக உள்ள ஏப்ரல் மாதல் தொழில்துறையின் வளர்ச்சி போன்ற காரணங்களால் இன்றைய வர்த்தகம் உயர்வுடன் இருப்பதாக சந்தை வல்லுநர்கள் தெரிவித்துள்ளனர்.

Top
We use cookies to improve our website. By continuing to use this website, you are giving consent to cookies being used. More details…