JoomlaLock.com All4Share.net

Background Video

இந்தியாவின் முன்னணி தனியார் தொலைத்தொடர்பு நிறுவனமான ஏர்டெல், ஜியோவுக்கு முன் வரை போட்டியே இன்றி வெற்றிநடை போட்டு வந்த நிலையில் ஜியோவின் வருகைக்கு பின் லாபம் பெற திணறி வருகிறது.

இந்த நிறுவனத்தின் கடந்த ஜனவரி முதல் மார்ச் வரையிலான முதல் காலாண்டு வருமானம் சுமார் 78% அளவு குறைந்துள்ளதாகவும், இந்த வருமானம். கடந்த 15 ஆண்டுகளில் மிகக்குறைந்த லாபம் என்றும் கூறப்படுகிறது.. ஜியோ போட்டி காரணமாக குறைந்த கட்டணத்தில் சேவை வழங்கி வருவதால் ஏர்டெல் நிறுவனத்தின் லாபம் குறைந்ததற்கு முக்கியமான காரணமாக கூறப்படுகிறது.

கட்ந்த மார்ச் 31ம் தேதியுடன் முடிவடைந்த காலாண்டில் ஏர்டெல் நிறுவனத்தின் லாபம் வெறும் ரூ.82.9 கோடியாக மட்டுமே உள்ளது. இந்த லாபம் வழக்கத்தைவிட 77.8 சதவிகிதம் குறைவு என்பது குறிப்பிடத்தக்கது.

2003ஆம் ஆண்டு ஏப்ரல் - ஜூன் காலாண்டிற்கு பின்னர் 15 ஆண்டுகளுக்கு பின் இந்நிறுவனம் பெறும் குறைந்த லாப சதவிகிதம் இதுதான். ஜியோ போட்டியை சமாளிக்க முடியாமல்தான் ஏர்செல் நிறுவனம் சேவையை நிறுத்தி கொண்டது.

இந்த நிலையில் ஏர்டெல் ஏதாவது புதிய முயற்சிகள் மற்றும் திட்டங்களை அறிவித்து ஜியோ போட்டியை சமாளிக்கும் நடவடிக்கையை எடுக்கவில்லை என்றால் ஏர்செல் நிலை தான் ஏர்டெல்லுக்கும் ஏற்படும் என்று கூறப்படுகிறது.

சனிக்கிழமை, 14 ஏப்ரல் 2018 00:00

ப்ளிப்கார்ட்டை விலை பேசும் அமேசான் !

Written by
ஆன்லைன் வர்த்தகத்தில் அமேசான் நிறுவனம் முதலிடத்தில் உள்ளது. அதேபோல், ப்ளிப்கார்ட், ஸ்னாப்டீல் போன்ற நிறுவனங்களும் ஆன்லைன் வர்த்தகத்தில் தனி முத்திரை படைத்துள்ளது. 
 
 ஆனால், ஆன்லைன் வர்த்தகத்தில் அமேசானுக்கு போட்டியாக இருப்பது வால்மார்ட் நிறுவனம். அமேசானை பின்னுக்கு தள்ள இந்நிறுவனம் ப்ளிப்கார்ட்டின் பங்குகளை வாங்கலாம் என திட்டமிட்டது. 
 
ஆனால், வால்மார்ட் நிறுவனத்துக்கு எதிராக ப்[ளிப்கார்ட்டின் ஒரு பங்கை 2 பில்லியன் டாலருக்கு வாங்க அமேசான் முடிவு செய்துள்ளதாக தகவல்கள் வெளிவந்துள்ளன.
 
இதனால், வால்மார்ட் நிறுவனம் பிளிப்கார்ட் நிறுவனத்தை வாங்கி, வர்த்தக்ததில் முதல் இடத்தைப் பிடிக்க எண்ணிய கனவு கனவாகவே போய்யுள்ளது. 
 
ஆனால், இந்த விவகாரம் குறித்து ப்ளிப்கார்ட் எந்த ஒரு செய்தியையும் வெளியிடவில்லை என்பது குறிப்பிடத்தக்கது. 

ரூ.2,500 கோடி வரி ஏய்ப்பு செய்ததாக காக்னிசன்ட் நிறுவனத்தின் வங்கிக் கணக்குகளை வருமான வரித்துறை முடக்கியுள்ளது.

இந்தியாவில் தகவல் தொழில்நுட்பத் துறையில் முன்னணி நிறுவனமாக இருக்கிறது காக்னிசன்ட். இந்த நிறுவனம் ரூ. 2,500 கோடி வரி ஏய்ப்பு செய்ததாக வருமான வரித்துறை ஏற்கனவே நோட்டீஸ் அளித்துள்ளது.

வருமான வரித்துறையின் நோட்டீசிற்கு முறையான விளக்கம் அளிக்கப்படாததால் காக்னிசன்ட் நிறுவனத்தின் சென்னை மற்றும் மும்பை கிளைகளின் வங்கிக் கணக்குகளை வருமானவரித்துறை முடக்கியுள்ளது. 2016-17ம் ஆண்டிலேயே செலுத்த வேண்டிய இந்த வரி பாக்கி தொகையை காக்னிசன்ட் நிறுவனம் செலுத்தாததால் இந்த நடவடிக்கை எடுக்கப்பட்டுள்ளது.

ஞாயிற்றுக்கிழமை, 18 மார்ச் 2018 00:00

வரத்து அதிகரிப்பு : சரிகிறது தேங்காய் விலை

Written by

கேரள தேங்காய் வரத்து துவங்கியுள்ளதால் கோவை உட்பட தமிழகத்தில் தேங்காய் விலை குறைகிறது. சில்லரை விலையில் கிலோ ரூ.40 முதல் ரூ.45 வரை விற்கப்படுகிறது. 

கோவை மாவட்டத்தில் பொள்ளாச்சி பகுதியில் தேங்காய் அதிகளவில் உற்பத்தியாகிறது. இப்பகுதியில் கடந்த ஆண்டு வட கிழக்கு பருவ மழை போதிய அளவு பெய்யாததால் மகசூல் குறைந்து, வரத்து குறைந்தது. ஆனால், கேரளாவில் வட கிழக்கு பருவமழை போதிய அளவு பெய்ததால், அங்கு தேங்காய் உற்பத்தி அதிகரித்துள்ளது. கோவையில் இருந்து கேரளாவிற்கு செல்லும் தேங்காய் கடந்த ஒரு மாதமாக நின்று விட்டது. 

அங்கிருந்து வருவது அதிகரித்துள்ளது. இதனால் விலை சரிந்து வருகிறது. கோவையில் சில்லரை விற்பனையில் ஒரு கிலோ தேங்காய் கடந்த பிப்ரவரியில் ரூ.55 வரை விற்றது. 

பின்னர் இம்மாதம் துவக்கம் முதல் விலை சரிய துவங்கியது. கடந்த 16ம் தேதி வரை ரூ.50 வரையும், பின் கடந்த 17ம் தேதி முதல் விலை மேலும் சரிந்து ரூ.40 முதல் ரூ.45 வரை விற்கப்படுகிறது. வியாபாரிகள் மற்றும் விவசாயிகள் கூறுகையில், காங்கயம் தேங்காய் எண்ணெய் மார்க்கெட்டில் விலை குறைந்து வருவதால், கொப்பரை விலையும், தேங்காய் விலையும் குறைந்துள்ளதும், அதோடு கேரள வரத்தும் அதிகரித்துள்ளதால், தமிழகம் முழுவதும் விலை சரிந்து வருகிறது' என்றனர்.

வியாழக்கிழமை, 01 மார்ச் 2018 00:00

ரியைலன்ஸ் டி டி ஹெச்சின் அதிரடி சலுகை

Written by

அனில் அம்பானியின், ரிலையன்ஸ் பிக் டிவி புது ஆஃபர்களை வெளியிட்டு பிற டிடிஎச் சேவை நிறுவனங்களுக்கு ஷாக் கொடுத்துள்ளது. சகோதரர் முகேஷ் அம்பானியின் ஜியோ, செல்போன் சேவை துறையில், அதிரடி சலுகைகள் மூலம் பெரும் அளவிற்கு வாடிக்கையாளர்களை ஈர்த்ததை போல டிடிஎச் சேவையில் அதிரடி சலுகைகளை அறிவித்துள்ளது அனில் அம்பானியின் 'பிக் டிவி'. இதற்காக ஜியோவை போலவே, இலவசம் என்ற கவர்ச்சி அறிவிப்பை கையில் எடுத்துள்ளது பிக் டிவி.

ரிலையன்ஸ் பிக் டிவியின் இயக்குநர், விஜேந்தர் சிங் வெளியிட்டுள்ள அறிக்கையில் இதுபற்றிய தகவல்கள் வெளியிடப்பட்டுள்ளன. இதன்படி டிடிஎச் சேவையை புக் செய்ய பிக் டிவியின் அதிகாரப்பூர்வ வெப்சைட்டான www.reliancedigitaltv.com ல், ரூ.499 செலுத்த வேண்டும். டிடிஎச் வீட்டில் பொருத்தப்படும்போது எஞ்சிய ரூ.1500 தொகையை செலுத்த வேண்டும். டிஷ் ஆன்டனாவை பொருத்துவதற்கு ரூ.250 கொடுக்க வேண்டும்.

அதேநேரம், இந்த 2000 ரூபாய், வாடிக்கையாளர்களுக்கே 3 வருடங்களுக்கு பிறகு ரீசார்ஜ் தொகை என்ற வகையில் திரும்ப கிடைக்கும். இப்படி இந்த தொகை திரும்ப கிடைக்க வேண்டுமானால், 2வது வருடத்தில் இருந்து தொடர்ந்து 2 வருடங்களுக்கு, மாதம் ரூ.300 ரீசார்ஜ் செய்ய வேண்டும்.

இந்த திட்டத்தில் 5 வருடங்களுக்கு 500 சேனல்கள் ஃப்ரீயாக கிடைக்கும், கட்டண மற்றும் எச்டி சேனல்களையும் ஓராண்டு இலவசமாக பார்த்துக்கொள்ள முடியும். பிக் டிவி வழங்கும் செட்ஆப் பாக்சில், ரெக்கார்டிங், யூடியூப் மற்றும் யூஎஸ்பி வசதிகளும் இணைந்திருக்கும் என்பது சிறப்பு.  பிக் டிவி டிடிஎச்சுக்கான முன்பதிவு இன்று காலை 10 மணி முதல் துவங்கியுள்ளது. இதனால் பிற டிடிஎச் நிறுவனங்கள் தங்கள் கட்டணத்தில் சலுகை காட்ட வேண்டிய நிலை ஏற்படும் என்கிறார்கள் மார்க்கெட் பார்வையாளர்கள்.


கடன் சுமை அதிகரித்ததால் ஏர்செல் நிறுவனத்தைத் திவாலானதாக அறிவிக்கக்கோரி அந்நிறுவனம் சார்பில் தேசிய கம்பெனி தீர்ப்பாயத்தில் மனுத்தாக்கல் செய்யப்பட்டுள்ளது. 

இந்திய தொலைத்தொடர்புத்துறை சந்தையில் முக்கிய நிறுவனமாக இருந்த ஏர்செல் கடன் சுமையால் தத்தளித்து வருகிறது. அந்நிறுவனத்துக்கு சுமார் ரூ.15,000 கோடி கடன் இருப்பதாகச் சொல்லப்படுகிறது. கடந்த சில தினங்களுக்கு முன்னர் ஏர்செல் நிறுவன சேவை பல இடங்களில் கிடைக்கவில்லை.

செல்போன் டவர் உரிமையாளர்களுக்குக் கொடுக்க வேண்டிய நிலுவைத்தொகை பாக்கி இருந்ததே இதற்குக் காரணமாகச் சொல்லப்பட்டது. இதையடுத்து ஏர்செல் நிறுவனம் சேவைகளை நிறுத்திக் கொள்ளும் என்று தகவல் வெளியானது. ஆனால், அதை அந்நிறுவனம் மறுத்தது. கடன் இருப்பது உண்மைதான். அதற்காகச் சேவையை நிறுத்திக்கொள்ளப் போவதில்லை என்று நிறுவனம் தரப்பில் விளக்கம் அளிக்கப்பட்டது. 

இந்நிலையில், இன்று மீண்டும் ஏர்செல் நிறுவனத்தின் தென்னிந்திய பிரிவு தலைமைச் செயல் அதிகாரி அதிர்ச்சி அறிவிப்பு ஒன்றை வெளியிட்டார். செல்போன் கோபுரங்கள் வைத்திருக்கும் உரிமையாளர்களுடன் மீண்டும் கருத்து வேறுபாடு ஏற்பட்டதால் சிக்னல் கிடைப்பதில் சிக்கல் ஏற்படும் என்று அவர் அறிவித்தார். வாடிக்கையாளர்கள் வேறு ஏற்பாடுகளைச் செய்துகொள்ளுமாறும் கூறினார். இது வாடிக்கையாளர்களிடையே அதிருப்தியை ஏற்படுத்தியுள்ளது. 

இந்தச் சூழலில், ஏர்செல் நிறுவனத்தை திவாலானதாக அறிவிக்கக்கோரி மும்பை தேசிய கம்பெனி சட்ட தீர்ப்பாயத்தில் அந்நிறுவனம் சார்பில் மனுத்தாக்கல் செய்யப்பட்டுள்ளது.

இந்தியாவில் மாருதி சுஸுகி கார் சந்தையில் பெட்ரோல், டீசல் கார்கள் தற்போது விற்பனையாகி வருகின்றன. அதே கார்களை எதிர்காலத்தில் ஹைபிரிட் அல்லது முழு மின்சாரம் தேர்வில் மாருதி சுஸுகி தயாரிக்க ஆயத்தமாகி வருகிறது.

அதன்படி, ஹேட்ச்பேக் ரக கார்களான ஆல்டோ, செலிரியோ, ஸ்விப்ட் கார்களில் துவங்கி, எஸ்யூவி (ஸ்போர்ட்ஸ் யுடிலிட்டி வெகிக்கிள்) ரக கார்களான டிசையர், பலேனோ, பிரிஸ்ஸா வரை புதிய தலைமுறை மாடலாக மாற்றப்படும்போது அவை மின்சாரம் அல்லது ஹைப்ரிட் தேர்வுகளிலும் வெளிவரலாம். இந்திய அரசு, வாகன பயன்பாட்டை 2030ம் ஆண்டிற்குள் மின்சார ஆற்றலுக்கு மாற்ற முயற்சித்து வருகிறது.

இந்த காலவரையை அடைவதற்குள் மாருதியின் மின்சார மற்றும் ஹைபிர்ட் கார்கள் விற்பனைக்கு வந்துவிடும் என எதிர்பார்க்கப்படுகிறது. மாருதியின் பிரபல கார்களில் ஒன்றான சியாஸ் மற்றும் எர்டிகா மாடல்கள் ஏற்கனவே இந்தியாவில் மைல்டு-டீசல் ஹைபிரிட் தேர்வில் விற்பனையில் உள்ளது.

இதன் காரணமாக, இந்த நிலைப்பாட்டை மாருதி எடுத்திருப்பது புதிதல்ல. ஜிஎஸ்டி அமல்படுத்தப்பட்ட பிறகும், அது திருத்தப்பட்டபோதும், மைல்டு-ஹைபிரிட் மற்றும் முழு-ஹைபிரிட் கார்களின் வரி விதிப்பு அதிகப்படுத்தப்பட்டது. தொடர்ந்து, மின்சார திறன் பெற்ற கார்கள் ஜிஎஸ்டி-க்கு கீழ் 12 சதவீத வரி விதிப்பை பெறுகின்றன. 

அரசின் அதிகாரம் இப்படி இருப்பதால், பல்வேறு கார் நிறுவனங்கள் ஹைபிரிட் தொழில்நுட்பத்திற்கு பதிலாக மின்சார கார்களை உருவாக்குவதில் அதிக ஆர்வம் காட்டுகின்றன. வாகனங்களை மின்சார ஆற்றலுக்கு மாற்றும் முடிவை இந்திய அரசு முன்னதாகவே எடுத்திருந்தாலும், அதற்கு ஏற்றவாறு கட்டமைப்பை உருவாக்கும் பணிகள் இதுவரை பெரியளவில் தொடங்கவில்லை.

எதிர்காலத்தில் வாகன பயன்பாடு மின்சார ஆற்றலுக்கு மாறப்போகிறது என்பது தெரியாமலேயே பலர் உள்ளனர். மஹாராஷ்டிராவின் நாக்பூர், பெங்களூர் உள்ளிட்ட நகரங்களில் மட்டுமே மின்சார வாகனங்களுக்கான கட்டமைப்புகள் சில மேற்கொள்ளப்பட்டுள்ளன. மத்திய அரசின் மின்சார வாகன பயன்பாட்டை முழுவதுமாக அமல்படுத்த பலம் வாய்ந்த அடிப்படை கட்டமைப்புகளை நிறுவுவது அவசியம். அதுவரை ஹைபிரிட் கார்களை வாங்குவதில் வாடிக்கையாளர்கள் கவனம் செலுத்தலாம்.

புதன்கிழமை, 14 பிப்ரவரி 2018 00:00

இனி சாதாரண மொபைல் போனிலும் ஜிபிஎஸ்

Written by

சாதாரண மொபைல் போனிலும் ஜிபிஎஸ் வைக்க உத்தரவிட உள்ளது மத்திய அரசு என்று தகவல்கள் வெளியாகி உள்ளது.

ஆபத்தில் இருக்கும் பெண்களுக்கு உதவும் வகையில், அனைத்து மொபைல் போன்களிலும் ஜிபிஎஸ் வசதி மற்றும் எச்சரிக்கை பட்டன் இருப்பது கட்டாயம் என்ற உத்தரவை மீண்டும் அமல்படுத்த மத்திய அரசு முடிவு செய்துள்ளது.

ஆபத்தில் இருக்கும் பெண்களுக்கு உதவ ஜிபிஎஸ் மற்றும் எச்சரிக்கை பட்டன் இடம்பெற செய்ய வேண்டும் என அனைத்து மொபைல் போன் உற்பத்தியாளர்களுக்கும் கடந்த 2016ம் ஆண்டு மத்திய அரசு உத்தரவிட்டது. இதனால் தங்களது உற்பத்தி செலவு அதிகரிக்கும் என உரிமையாளர்கள் கூறியதை தொடர்ந்து சாதாரண போன்களுக்கு விலக்கு அளிக்கப்பட்டது.

இதற்கிடையில் மத்திய பெண்கள் நலத்துறை அமைச்சக அதிகாரிகள், தொலைதொடர்பு துறை அமைச்சர் மனோஜ் சின்ஹா மற்றும் மொபைல் போன் உற்பத்தியாளர்களை சந்தித்து ஆலோசனை நடத்தினர்.

தொடர்ந்து ஜிபிஎஸ் வசதி எச்சரிக்கை பட்டன் பொருத்த விலக்கு அளித்து 2016ம் ஆண்டு பிறப்பிக்கப்பட்ட உத்தரவை திரும்ப பெற்று கொள்வதாக தொலைதொடர்பு அமைச்சக அதிகாரிகள் உறுதியளித்துள்ளனர். இத்தகவலை பெண்கள் நலத்துறை அமைச்சகம் கூறியுள்ளது.

இதன் மூலம் அனைத்து சாதாரண மொபைல்களிலும் ஜிபிஎஸ் மற்றும் எச்சரிக்கை பட்டன் இடம்பெறுவது அவசியமாகிறது.

 

பஞ்சாப் நேஷனல் வங்கியில் சுமார் 11,000 கோடி ரூபாய் அளவிற்கு மோசடியாக பணபரிமாற்றம் நடந்துள்ளதாக தகவல் வெளியாகியுள்ளது. இதையடுத்து, பங்குச்சந்தைகளில் அந்நிறுவன பங்குகள் பெரிய அளவில் சரிவடைந்தன.

நாட்டின் இரண்டாவது பெரிய வங்கியான பஞ்சாப் நேஷனல் வங்கியின் மும்பை கிளையில் மோசடிகள் நடந்ததது சமீபத்தில் வெளிச்சத்திற்கு வந்தன. பஞ்சாப் நேஷனல் வங்கியில் மோசடி செய்து 280 கோடி ரூபாயை ஏமாற்றியதாக வைர வியாபாரி நிரவ் மோடி, அவரது மனைவி, சகோதரர் ஆகியோர் மீது சிபிஐ வழக்கு பதிவு செய்துள்ளது. மேலும், வங்கியின் ஓய்வு பெற்ற துணை மேலாளர் கோகுல்நாத் ஷெட்டி, மனோஜ் கரத் ஆகியோர் மீதும் மோசடி புகார் உள்ளது.

இந்நிலையில் பஞ்சாப் நேஷனல் வங்கியின் மும்பை கிளையில் பல வாடிக்கையாளர்களுக்கு முறைகேடான முறையில் பண பரிமாற்றம் செயயப்பட்டுள்ளது தற்போது வெளிச்சத்திற்கு வந்துள்ளது. வெளிநாடுகளில் உள்ள வாடிக்கையாளர்களுக்கு முன்கூட்டியே பணப் பரிவர்த்தனை செய்த வகையில் பல கோடி ரூபாய் அளவில் மோசடி நடந்துள்ளது.

சுமார் 11,000 கோடி ரூபாய் அளவிற்கு மோசடி நடந்துள்ளதாக தற்போது தகவல் வெளியாகியுள்ளது. இதுகுறித்து பங்குச்சந்தைக்கு அந்த வங்கியின் சார்பில் தகவல் தெரிவிக்கப்பட்டுள்ளது. இந்த விவரம் வெளியானதால், பங்குச்சந்தைகளில், பஞ்சாப் நேஷனல் வங்கியின் பங்குகள் சரிவடைந்தன. 10.50 ரூபாய் சரிவடைந்து 151.15 ரூபாயாக வர்த்தகமாகின.

செவ்வாய்க்கிழமை, 13 பிப்ரவரி 2018 00:00

ஏறுமுகத்தில் இந்திய பங்குசந்தை

Written by

தொடர்ந்து இரண்டாவது நாளாக இந்திய பங்குச்சந்தை உயர்வுடன் நிறைவடைந்துள்ளது. மும்பை பங்குச்சந்தை குறியீடு எண் சென்செக்ஸ் 295 புள்ளிகள் உயர்ந்து 34,000 புள்ளிகளானது. தேசிய பங்குச் சந்தை குறியீட்டு எண் நிஃப்டி 85 புள்ளிகள் அதிகரித்து 10,539 புள்ளிகளாக உயர்ந்துள்ளது. 

பக்கம் 3 / 21
Top
We use cookies to improve our website. By continuing to use this website, you are giving consent to cookies being used. More details…