JoomlaLock.com All4Share.net

Background Video

ஐ.பி.எல். ஒளிபரப்பு உரிமத்தை பெற நிறுவனங்கள் போட்டாபோட்டி ஐ.பி.எல். கிரிக்கெட்டை டெலிவிஷனில் நேரடி ஒளிபரப்பும் செய்யும் உரிமத்தை பெற்றுள்ள சோனியின் ஒப்பந்தம் அடுத்த ஆண்டுடன் நிறைவு பெறுகிறது. Image result for ipl cricket telecast rights images

இதையடுத்து 2018-ம் ஆண்டு முதல் 2027-ம் ஆண்டு வரை(10 சீசன்) நடைபெறும் ஐ.பி.எல். கிரிக்கெட் போட்டிக்கான ஒளிபரப்பு உரிமம் கோர விரும்பும் நிறுவனங்கள், அதற்குரிய டெண்டர் விண்ணப்பங்களை இந்திய கிரிக்கெட் வாரியத்திடம் இருந்து வாங்கிக்கொள்ளலாம் என்று அறிவிக்கப்பட்டு இருந்தது.

இந்த நிலையில் விண்ணப்ப படிவத்தை பெறுவதற்கான காலஅவகாசம் நேற்றுடன் முடிவடைந்த நிலையில், டுவிட்டர், பேஸ்புக், ஸ்டார் இந்தியா, சோனி பிக்சர்ஸ், ரிலையன்ஸ் ஜியோ டிஜிட்டல் சர்வீசஸ் உள்பட 18 நிறுவனங்கள் விண்ணப்பங்களை வாங்கியுள்ளன.

வருகிற 25-ந்தேதிக்குள் இவற்றை சமர்ப்பிக்க வேண்டும். ஐ.பி.எல் போட்டிக்கான இணையதள, மொபைல் உரிமமும் வழங்கப்பட இருக்கிறது.

உரிமத்தை பெற பல புகழ்பெற்ற நிறுவனங்கள் ஆர்வம் காட்டி வருவதால் இந்த முறை சுமார் ரூ.30 ஆயிரம் கோடி வரை வருவாய் கிடைக்கும் என்று இந்திய கிரிக்கெட் வாரியம் எதிர்பார்க்கிறது.

வெள்ளிக்கிழமை, 14 அக்டோபர் 2016 00:00

இந்திய ரூபாயின் மதிப்பு உயர்வு !

Written by

சர்வதேச அந்நிய செலாவணி சந்தையில் அமெரிக்க டாலருக்கு எதிரான இந்திய ரூபாயின் மதிப்பு 9 காசுகள் உயர்வடைந்துள்ளது. நேற்றைய கடும் சரிவிற்கு பிறகு இந்திய பங்குச்சந்தைகள் இன்று ஏற்றத்துடன் வர்த்தகத்தை துவக்கி இருப்பதன் காரணமாக சர்வதேச சந்தையில் இந்திய ரூபாயின் மதிப்பு உயர்ந்து காணப்படுகிறது. இன்றைய வர்த்தக நேர துவக்கத்தின் போது டாலருக்கு எதிரான இந்திய ரூபாயின் மதிப்பு 66.84 ஆக உள்ளது. முன்னதாக நேற்றைய வர்த்தக நேர முடிவின் போது ரூபாய் மதிப்பு 66.93 ஆக இருந்தது. :-மதன்குமார்.

வெள்ளிக்கிழமை, 07 அக்டோபர் 2016 00:00

இன்று முதல் விற்பனையில் ஆப்பிள் ஐ ஃபோன் 7

Written by

ஆப்பிள் ஐபோன் 7 மற்றும் ஐபோன் 7 பிளஸ் இன்றுமுதல் இந்திய சந்தையில் விற்பனைக்கு வந்துள்ளது. ஆப்பிள் நிறுவனத்தின் ஐபோன் உலக அலவில அதிக மக்களால் பயன்படுத்தப்படுகிறது.

ஐபோன் என்றாலே அதுக்கு தனி மரியாதை உண்டு. ஆப்பிள் நிறுவனத்தில் பொருட்கள் எல்லாமே விலை உயர்வாக விறகப்படுகிறது. இருந்தாலும் அந்த ஆப்பிள் என்ற பெயருக்கே அனைவரும் அதை விரும்புகின்றனர். Image result for apple i phone 7 images

அதோடு விலை ஏற்ற அதன் பயன்பாடு உள்ளது. அதைக்கொண்டு ஏராளமான செயல்கள் பாதுக்காப்பான முறையில் செய்யலாம்.

இந்தியாவில் ஐபோன் 6 மற்றும் ஐபோன் 6 பிளஸ் பெரிய வரவேற்பை பெற்றது. அதைத்தொடர்ந்து ஆப்பிள் நிறுவனம் அண்மையில் வெளியிட்ட ஐபோன் 7 மற்றும் ஐபோன் 7 பிளஸ் இன்றுமுதல் இந்திய சந்தையில் விற்பனைக்கு வந்துள்ளது.

தற்போது ஐபோன் 6, போலவே ஐபோன் 7 மொபைல் போனும் இந்திய மக்களிடையே நல்ல வரவேற்பை பெரும் என்று எதிர்பார்க்கப்படுகிறது. தொழில்நுட்ப நீதியான மொபைல் போன் பயன்படுத்துபவர்கள் நிச்சயமாக இந்த ஐபோன் 7 மாடலை விரும்பி வாங்குவார்கள்.

இந்த ஐபோன் 7 மற்றும் ஐபோன் 7 பிளஸ் மாடல் மொபைலில் ஆப்பிள் 10 இயக்குதளத்தில் இயங்கக்கூடியது. அதோடு பின்புற கேமரா இரட்டை லென்ஸ் கொண்டது என்பதால் புகைப்பட விரும்பிகளுக்கு இது விருந்து படைக்கும். இந்திய சந்தையில் ஐபோன் 7 32GB, 128GB, 256GB என மூன்று விதமான சேமிப்பு வசதியுடன் களமிறங்கியுள்ளது.

32GB ஐபோன் 7 மாடல் ரூ.60,000-க்கும், 128GB ஐபோன் 7 மாடல் ரூ.70,000-க்கும், 256GB ஐபோன் 7 மாடல் ரூ.80,000-க்கும் விற்பனை செய்யப்படுகிறது. ஐபோன் 7 பிளஸ் மாடல் ஒவ்வொன்றும் ஐபோன் 7 மாடலைவிட ரூ.12,000 அதிக விற்பனை செய்யப்படுகிறது.

பிரபல சமூக வலைதளமான பேஸ்புக்கில் இனி பயனர்கள் தங்களுக்கு தேவையான பொருட்களை வாங்க - விற்க புதிய அம்சம் அறிமுகப்படுத்துப்படவுள்ளது. மார்க்கெட் ப்ளேஸ் (Marketplace) என இதற்கு பெயரிடப்பட்டுள்ளது.

இ-காமர்ஸ் தளங்கள் அதிகமாகி, இணையத்தில் ஷாப்பிங் செய்யும் பழக்கமும் பன்மடங்கு பெருகி வரும் நிலையில், சூழலுக்கு ஏற்றவாரு பேஸ்புக்கும் தனது தளத்தில் ஷாப்பிங் செய்வதற்கான வசதியை செய்துள்ளது.

அடுத்த சில நாட்களில், இந்த அம்சம் அமெரிக்க, பிரிட்டைன், ஆஸ்திரேலியா, நியூஸிலாந்து ஆகிய நாடுகளில், 18 வயதுக்கு அதிகமான பயனர்கள் பயன்படுத்துமாறு அறிமுகப்படுத்தப்படும். Image result for facebook going to launch marketplace images

முதலில் ஐஓஎஸ் மற்றும் ஆண்ட்ராய்ட் தளங்களில் இருக்கும் பேஸ்புக் செயலியில் இந்த வசதியை பெற முடியும். அடுத்த சில மாதங்களில் டெஸ்க்டாப் பயனர்களுக்கான வடிவம் அறிமுகப்படுத்தப்படும் என பேஸ்புக்கின் தயாரிப்பு நிர்வாக இயக்குநர் மேரி கு அறிவித்துள்ளார்.

புதிய மற்றும் பயன்படுத்திய பொருட்களை வாங்க, விற்க ஏற்கனவே பேஸ்புக்கில் பல குழுக்கள் இயங்கி வருகின்றன. இந்த குழுக்களை நிர்வாகிக்க சில பயனர்கள் இருப்பார்கள். ஏறத்தாழ 45 கோடி மக்கள் பேஸ்புக்கில் இப்படியான குழுக்களில் இயங்கி வருகின்றனர் என பேஸ்புக்கின் ஆய்வில் தெரியவந்தது.

அதைத் தொடர்ந்து, தனிக் குழுக்களாக இல்லாமல், பொது தளமாக, இந்த சந்தை வசதியை அறிமுகம் செய்துள்ளது. வழக்கமான இ-காமர்ஸ் தளங்களின் வடிவம் மற்றும் பயன்பாட்டை போலவே மார்கெட்ப்ளேஸும் இருக்கும் எனத் தெரிகிறது.

எனவே ஆன்லைன் ஷாப்பிங்கில் அனுபவம் உள்ள பயனர்கள் இதை எளிதாகப் பயன்படுத்த முடியும். மேலும், பொருட்களை விற்கும் பயனர்களை தனிப்பட்ட முறையில் தொடர்பு கொண்டும் தேவையான பொருளை வாங்க வசதி செய்யப்பட்டுள்ளது.

ஆன்லைன் வர்த்தக நிறுவனமான பிலிப்கார்ட், பண்டிகை காலத்தை முன்னிட்டு "பிக் பில்லியன் டே" விற்பனையை அக்டோபர் 3ம் தேதி நடத்தியது.

இதில் ஒரே நாளில் ரூ.1400 கோடிக்கு பொருட்கள் விற்பனை செய்யப்பட்டுள்ளன. ஒரே நாளில் ஸ்மார்ட்போன் பிரிவில் அதிகமானவர்கள் ஆர்டர் செய்ததன் காரணமாக இந்த அளவிற்கு விற்பனை அதிகரித்ததாகவும், 2015ம் ஆண்டு 5 நாட்களில் ரூ.2000 கோடிக்கு பொருட்கள் விற்பனை செய்யப்பட்டதாகவும் பிலிப்கார்ட் நிறுவனம் தெரிவித்துள்ளது.Image result for flipkart images

பல புதிய வாடிக்கையாளர்கள் அதிக அளவில் ஆன்லைன் மூலம் பொருட்களை வாங்கியதன் காரணமாக இந்த வரலாற்று சாதனை நிகழ்த்தப்பட்டுள்ளதாக பிலிப்கார்ட் நிறுவனத்தின் தலைமை நிர்வாகி பின்னி பன்சால் தெரிவித்துள்ளார்.

அதிக வாடிக்கையாளர்கள் ஒரே நேரத்தில் புக் செய்தாலும் டிராபிக், லோடிங் உள்ளிட்ட பிரச்னைகள் ஏற்படாமல் இருக்க பிலிப்கார்ட் நிறுவனம் முன்னேற்பாடுகளை செய்திருந்தது.

இதனால் எந்த ஆன்லைன் வர்த்தக நிறுவனமும் எட்ட முடியாத விற்பனை சாதனையை பிலிப்கார்ட் நிகழ்த்தி உள்ளதாக அதன் தலைவர் அரவிந்த் சிங்கால் தெரிவித்துள்ளார்.

இந்தியாவில் ஆன்லைனில் பொருட்கள் வாங்கும் வாடிக்கையாளர்களின் எண்ணிக்கை நாளுக்கு நாள் அதிகரித்து வருவதால், இனி வரும் காலங்களில் விற்பனை இன்னும் அதிகரிக்கும் என எதிர்பார்க்கப்படுகிறது.

பண்டிகை கால சலுகை அறிவிக்கப்பட்ட பிறகு பிலிப்கார்ட்டில் 40 மில்லியன் பொருட்கள் விற்பனை செய்யப்பட்டுள்ளது. இது கடந்த ஆண்டு விற்பனையை விட இரண்டு மடங்கு அதிகமாகும்.

கடந்த ஆண்டு பண்டிகை கால விற்பனையில் 80 மில்லியனுக்கும் அதிகமான பொருட்களை விற்பனை செய்து 3 மடங்கு அதிகமாக விற்பனை சாதனையை அமேசான் நிறுவனம் நிகழ்த்தியது குறிப்பிடத்தக்கது.

திங்கட்கிழமை, 03 அக்டோபர் 2016 00:00

கூகுளின் பிக்செல் நாளை வெளி வருமா ?

Written by

ஆப்பிள் ஐபோன்கள் வெளியாகும் ஆப்பிள் நிகழ்ச்சிக்கு இணையாக மொத்த டெக் உலகமும் அக்டோபர் 4ம் தேதிக்காக‌ ஆவலுடன் காத்துக் கொண்டிருக்கிறது, இதற்கு காரணம் நீண்ட நாளாக எதிர்பார்த்துக் கொண்டிருந்த கூகுள் நிறுவனத்தின் Pixel மொபைல் போன்களை அந்நிறுவனம் வெளியிடலாம் என்ற செய்தியே.

சான் பிரான்ஸிஸ்கோவில் நடக்கவிருக்கும் இந்த நிகழ்வில் கூகுள் தன் பிக்சல் மொபைல், அமேசான் நிறுவனத்தின் தயாரிப்பான Echoக்கு போட்டியாக கூகுள் ஹோம் எனும் ஸ்மார்ட் ஸ்பீக்கர், புதிய க்ரோம்கேஸ்ட், புதிய Wi-Fi ரூட்டர்,ஆண்ட்ரோமீடா (Andromeda) என்ற புதிய OS என பல விஷயங்களை அறிமுகப்படுத்தும் என்று எதிர்பார்க்கப்படுகிறது இதில் பிக்சல் மொபைல்களுக்கே எதிர்பார்ப்பு அதிகம்.

அம்பானி சகோதரர்கள் பிளவுக்குப் பின்னர் மீண்டும் இணையவுள்ளனர். அதாவது அனில் அம்பானியின் ரிலையன்ஸ் கம்யூனிகேஷன்ஸ், முகேஷ் அம்பானியின் ரிலையன்ஸ் ஜியோ இரண்டும் இணைய உள்ளன. திருபாய் அம்பானியின் மரணத்திற்கு பிறகு, தொலைத் தொடர்பு வர்த்தகம், நிதி சேவைகள் அனில் அம்பானியின் கைக்குல் வந்தது. Image result for reliance communications - jio images

எண்ணெய் மற்றும் பெட்ரோ கெமிக்கல் பிசினஸில் அவரது மூத்த சகோதரரான முகேஷ் அம்பானியின் கீழ் வந்தது. ஆனால் தற்போது, எங்கள் 100 மில்லியன் வாடிக்கையாளர்களுக்காகவும், 1 மில்லியன் விற்பனையாளர்களுக்காவும் மற்றும் பார்ட்னர்களுக்காவும் ரிலையன்ஸ் கம்யூனிகேஷன்ஸ், ரிலையன்ஸ் ஜியோ (ஆர்.காம், ஜியோ) இரண்டு நிறுவனங்களும் இணைய உள்ளதாக அனில் அம்பானி தெரிவித்தார்.

மேலும், எங்களது ஸ்பெக்ட்ரம், ஃபைபர், கோபுரங்கள், நெட்வொர்க் ஆகிய அனைத்தும் பகிரப்படும் எனவும் தெரிவித்தார்.

ஏற்கனவே, ஏர்செல் நிறுவனத்துடன் கைகோர்த்த ரிலையன்ஸ் கம்யூனிகேஷன்ஸ் தற்போது ஜியோ உடன் சேரவிருப்பதால், ஏர்டெல், வோடோபோன், ஐடியா போன்ற முன்னனி தொலைத் தொடர்பு நிறுவனங்களின் நிலை கேள்வி குறியாகி உள்ளது. 

தமிழ்நாட்டில் சென்னை, கோவை என இரண்டு இடங்களில் பொருட்களை இருப்புவைக்கும் மையங்களை (நுகர்வோரை திருப்திபடுத்தும் மையங்கள்) துவக்குவதாக அமேசான் டான் இன் நிறுவனம் அறிவித்துள்ளது.

2 லட்சம் சதுர அடி பரப்பளவில் அமைந்துள்ள இந்த மையங்களில், சுமார் 9 லட்சம் கன அடி அளவுக்கு பொருட்களை இருப்பு வைக்கலாம். இந்த மையங்கள் ஆயிரக்கணக்கான சிறு மற்றும் நடுத்தர தொழில் நிறுவனங்களின் வணிக வாய்ப்புகளை டிஜிட்டல் பொருளாதாரத்துக்கு உயர்த்துவதோடு அவர்களின் தயாரிப்புகள் வாடிக்கையாளரை விரைந்து சென்றடைய உதவும்.

Image result for amazon.com images

இதையடுத்து, தமிழகத்தில் உள்ள அமேசான் டாட் இன் மையங்களின் எண்ணிக்கை 3-ஆக உயர்ந்துள்ளது. இதனால் விநியோகம் செய்ய உள்ள பொருட்களை சேமித்துவைக்கும் இடத்தின் அளவு 10 லட்சம் கன அடியாக உயர்ந்துள்ளது.

மேலும், வரும் பண்டிகை காலத்தில் பொருட்களை மேலும் விரைவாக விநியோகம் செய்யவும் இது உதவும். அமேசான் டாட் இன் சமீபத்தில் துவக்கிய முன்னுரிமை விநியோகத் திட்டத்தின் கீழ் பொருட்களை வாடிக்கையாளர்களுக்கு விரைந்து விநியோகம் செய்யவும் இது உதவும்.

இந்தப் புதிய மையங்களையும் சேர்த்து, இந்தியாவில் உள்ள அமேசான் டாட் இன் நிறுவனத்தின் சேமிப்பு மையங்களின் எண்ணிக்கை 27-ஆக உயர்ந்துள்ளது. மொத்தம், 10 மாநிலங்களில் உள்ள மொத்த மையங்களின் அளவு 75 லட்சம் கன அடியாக அதிகரித்துள்ளது.

புதன்கிழமை, 28 செப்டம்பர் 2016 00:00

தங்கம் விலைரூ.184 குறைவு !

Written by

சென்னையில் ஆபரணத் தங்கத்தின் விலை சவரனுக்கு ரூ.184 குறைந்துள்ளது. ஒரு கிராம் ஆபரணத் தங்கம் ரூ.2,950-க்கும், ஒரு சவரன் ரூ.23,600-க்கும் விற்பனை செய்யப்படுகிறது. ஒரு கிராம் வெள்ளி விலை ரூ.48.80-க்கும், ஒரு கிலோ கட்டி வெள்ளி ரூ.45,600-க்கும் விற்பனை செய்யப்படுகிறது. :-மதன்குமார்.

புதன்கிழமை, 28 செப்டம்பர் 2016 00:00

பங்கு சந்தையில் ஏற்றம் !!

Written by

இன்று காலை வர்த்தக தொடக்கத்தில் சென்செக்ஸ் 68 புள்ளிகள் உயர்ந்து காணப்பட்டது. கடந்த மூன்று நாள் வர்த்தகத்தில் குறியீடு 550 புள்ளிகளாக குறைந்துள்ளதை அடுத்து, இன்று மும்பை பங்குசந்தை குறியீட்டு எண் சென்செக்ஸ் 68.17 புள்ளிகள் உயர்ந்து 28,291.87 புள்ளிகளாக உள்ளது. மூலதன பொருட்கள், சுகாதாரம் மற்றும் ஆட்டோ போன்ற முன்னணி நிறுவன பங்குகள் விலை 0.55% வரை அதிகரித்து காணப்பட்டன. தேசிய பங்குசந்தை குறியீட்டு எண் நிஃப்டி 21.60 புள்ளிகள் அதிகரித்து 8,728 புள்ளிகளாக உள்ளது.

ஆசியாவின் இதர பங்குச்சந்தையான, ஹாங்காங்கின் ஹாங் செங் 0.68%, ஷாங்காய் கூட்டுக் குறியீடு 0.24% மற்றும் ஐப்பான் நாட்டின் நிக்கேய் 1.54% சரிந்து காணப்பட்டது.

 
பக்கம் 6 / 17
Top
We use cookies to improve our website. By continuing to use this website, you are giving consent to cookies being used. More details…