JoomlaLock.com All4Share.net

Background Video

திங்கட்கிழமை, 27 பிப்ரவரி 2017 00:00

ஏர் டெல்லில் ரோமிங் கட்டணம் ரத்து !

Written by
மலிவான விலையில் சேவை வழங்கி வரும் ரிலையன்ஸ் ஜியோவுக்கு போட்டியாக ஏர்டெல் உள்ளிட்ட இந்தியா தொலை தொடர்பு நிறுவனங்கள் கால் கட்டணங்கள் மற்றும் இண்டர்நெட் டேட்டா கட்டணங்களை குறைத்து வருகின்றனர்.

இந்தியாவில் தொலை தொடர்பு சேவையில் முண்ணனி வகிக்கும் நிறுவனம் ஏர்டெல்.  ஜியோவின் போட்டியை சமாளிக்க தன்னுடைய வாடிக்கையாளர்களுக்கு கால் மற்றும் டேட்டாவுக்கான உள்நாட்டு ரோமிங் கட்டணத்தை ரத்து செய்யவுள்ளதாக தகவல்கள் வெளியாகியுள்ளது.

மேலும் வெளிநாட்டுகளுக்கு செல்லும் ஏர்டெல் பயனாளர்களுக்கு சலுகை விலையில் சிறப்பு உலகளவிளான ரோமிங் திட்டங்களையும், பயனாளர்கள் எளிதாக கட்டணங்களை கட்டும் வசதியை விரைவில் கொண்டுவர இருப்பதாக தகவல்கள் வெளியாகியுள்ளது.

 

ரிலையன்ஸ் ஜியோவுடனான தனது போட்டியை அதிகரிக்கும் விதமாக, 100 ரூபாய்க்கு 10GB 3ஜி/4ஜி டேட்டா வழங்கும் திட்டத்தை ஏர்டெல் நிறுவனம் அறிவித்துள்ளது.
 
ரிலையன்ஸ் ஜியோ நெட்வொர்க் சில தினங்களுக்கு முன்பு ஜியோ பிரைம் என்ற புதிய திட்டத்தை அறிமுகப்படுத்தியது. இதன்படி, ஜியோ பிரைம் வாடிக்கையாளர்கள் மிகக் குறைந்த கட்டணத்தில் அன்லிமிடெட் டேட்டா, வாய்ஸ் கால்ஸ், வீடியோ கால்ஸ் உள்ளிட்ட சலுகைகள் பெரலாம்.
 
இதனால், ஏர்டெல் நிறுவனம் 3ஜி அல்லது 4 ஜி போஸ்ட்பெய்டு வாடிக்கையாளர்கள் ரூ.100 கட்டணத்தில் கூடுதலாக 10 ஜிபி டேட்டாக்களை பயன்படுத்திக் கொள்ளலாம் என அறிவித்துள்ளது.
 
ஏற்கனவே இருக்கும் திட்டத்தில் கூடுதலாக ரூ.100 சேர்த்து ரீசார்ஜ் செய்வதன் மூலம் இச்சலுகையைப் பெறலாம் எனவும் ஏர்டெல் நிறுவனம் அறிவித்துள்ளது. 
வெள்ளிக்கிழமை, 24 பிப்ரவரி 2017 00:00

ஜியோவின் இலவச சலுகை : போராடும் ஏர்டெல்

Written by
ரிலையன்ஸ் ஜியோவின் அதிரடியான இலவச அறிவிப்புகளால் இழந்துவரும் தனது சந்தை மதிப்பை மீட்டெடுக்க ஏர்டெல் நிறுவனம் போராடி வருகிறது. 
 
இதன் ஒரு கட்டமாக டெலினார் நெட்வொர்க் நிறுவனத்தைக் கைப்பற்ற முடிவு செய்து அதற்கான பேச்சுவார்த்தையில் ஈடுபட்டு வருகிறது. 
 
இந்திய தொலைதொடர்பு சந்தையில், சமீப காலமாக நிலவி வரும் போட்டிக்கு காரணம் இலவச அறிவிப்புகளுடன் சந்தையில் களமிறங்கிய ரிலையன்ஸ் ஜியோ.
 
அனைத்து சேவைகளும் இலவசம் என்பதால், ஏர்டெல், வோடஃபோன், ஐடியா, பிஎஸ்என்எல் உள்ளிட்ட நெட்வொர்க் வாடிக்கையாளர்கள் ஜியோ நெட்வொர்க்குக்கு மாறியுள்ளனர்.
 
இந்நிலையில், ரிலையன்ஸ் ஜியோவின் போட்டியை சமாளிக்கும் விதமாக, பிற நெட்வொர்க் நிறுவனங்கள் பல்வேறு நடவடிக்கைகளில் ஈடுபட்டு வருகின்றன. 
 
எனவே, இந்தியாவின் மிகப்பெரிய நெட்வொர்க் நிறுவனமான ஏர்டெல், டெலினார் நெட்வொர்க்கை கையகப்படுத்த முடிவுசெய்துள்ளது. 
 
இதே போல் ஐடியா மற்றும் வோடஃபோன் நெட்வொர்க்குகள் இணைய முடிவுசெய்துள்ளன. ரிலையன்ஸ் கம்யூனிகேஷன் மற்றும் ஏர்செல் நிறுவனங்களும் இணைவதற்கான ஒப்பந்தமும் செய்யப்பட்டுள்ளது என்பது குறிப்பிடத்தக்கது. 
புதன்கிழமை, 22 பிப்ரவரி 2017 00:00

பெப்சி கோக் விற்பனையில் கடும் வீழ்ச்சி

Written by

தமிழகத்தில் பெப்சி, கோக் விற்பனை 75 சதவீதம் சரிந்துள்ளது என தமிழ்நாடு வணிகர் சங்கங்களின் பேரமைப்பின் தலைவர் ஏ.எம்.விக்கிரமராஜா தெரிவித்துள்ளார். Image result for pepsi coke images in paintings

இது குறித்து சென்னையில் செய்தியாளர்களிடம் பேசிய அவர், ஜல்லிக்கட்டு போராட்டத்தின்போது வெளிநாட்டு குளிர்பானங்களை குடிக்கமாட்டோம் என மாணவர்கள், இளைஞர்கள் முடிவு செய்தனர். இதைத்தொடர்ந்து மார்ச் 1 -ஆம் தேதி முதல் தமிழகத்தில் பெப்சி, கோக் ஆகிய குளிர்பானங்களை விற்கமாட்டோம் என தமிழ்நாடு வணிகர் சங்க பேரமைப்பு அறிவித்தது.

இதையடுத்து, கடந்த 4 வாரங்களில் 75 சதவீதம் அளவுக்கு பெப்சி, கோக் விற்பனை குறைந்துள்ளது. இந்த குளிர்பானங்களின் முகவர்கள், விற்பனையாளர்கள் கொண்டு வரும் சரக்குகளை தமிழக வணிகர்கள் புறக்கணித்து வருகின்றனர்.

வரும் மார்ச் 1 -ஆம் தேதிக்குள் தமிழகத்தில் எந்தக் கடைகளிலும் பெப்சி, கோக் விற்கப்படாது என நம்புகிறோம். விரைவில் அனைத்து கடைகளிலும் பதநீர் கிடைக்க ஏற்பாடு செய்யப்படும் என்றார்.

தொழில்நுட்பங்கள் ஒன்று மற்றொன்றாக தினந்தோறும் வளர்ச்சி அடைந்து கொண்டே இருக்கின்றன. மிக முக்கியமான தொழில்நுட்பம் என்று ஒரு காலத்தில் சிலாகிக்கப்பட்ட ஒன்று, காலமாற்றத்தில் வழக்கொழிந்து விடுகிறது. அந்த இடத்தில் வேறொரு கண்டுபிடிப்பு முக்கியமாக அமர்ந்து விடுகிறது.

தகவல் களை அனுப்புவதில் மிகப் பெரிய புரட்சியை ஏற்படுத்திய தந்தி முறை இன்று வழக் கொழிந்து விட்டது. கம்ப்யூட்டர் பயன்பாடு அதிகரித்த பிறகு டைப்ரைட்டிங் இயந்திரங் கள் காணாமல் போயின. அந்த வகையில் டிஜிட்டல் கேமிராக்கள் வந்த பிறகு ஃபிலிம் சுருள் காணாமல் போனது.

ஆனால் மக்களிடம் உணர்வுபூர்வமாக இணைந்த சில அடிப்படையான விஷயங்கள் மட்டும் என்றும் மாறுவதேயில்லை. அந்த வகையில் ஃபிலிம் சுருள் தொழில்நுட்பத் துக்கான தேவை இப்போதும் இருப்பதாகவும், இதனால்ஃபிலிம் சுருள் உற்பத்தியை மீண்டும் தொடங்க உள்ளதாகவும் கோடக் அறிவித்துள்ளது. Image result for still camera images

குறிப்பாக தங்களது எக்டாகுரோம் ஃபிலிமை திரும்ப தயாரிக்க உள்ளதாகவும், இந்த ஆண்டு இறுதியில் அதை விற்பனைக்குக் கொண்டுவர திட்டமிட்டுள்ளதாகவும் கூறியுள்ளது. இதில் குறிப்பிடவேண்டிய விஷயம் என்னவென்றால் இந்த ஃபிலிம் உற்பத்தியை 2012-ம் ஆண்டிலேயே கோடக் நிறுத்திவிட்டது.

இந்த ஃபிலிம் பயன்படுத்தும்போது கிடைக்கும் படக்காட்சிகள் சிறப்பாகவும், ஃபிலிம் நீண்ட நாள் வீணாகாமல் இருக்கும் என்பதாலும் இதைப் பயன்படுத்தி படம் எடுத்த புகைப்பட கலைஞர்கள் இதைத் திரும்ப தயாரிக்க வேண்டும் என கோரியதாக கோடக் நிறுவனம் குறிப்பிட்டுள்ளது. இதனால் புதிய தொழில்நுட்பத்தில் தயாரிப்பதற்கான ஆராய்ச்சிகளை மேற்கொண்டுள்ளது. ஏனென்றால் சர்வதேச அளவில் சுற்றுச் சூழல் விதிமுறைகளுக்கு ஏற்ப சூழலை பாதிக்காத வகையிலும் ஃபிலிமை கொண்டு வர வேண்டும் என்று குறிப்பிட்டுள்ளது.

புதிய தொழில்நுட்பம் வந்த பிறகும், பழைய தொழில்நுட்பத்துக்கான தேவை உருவாகியுள்ளதற்கு முக்கிய காரணம் வாடிக்கையாளர் தேவைதான் என்பது முக்கியமானது. இந்த டிஜிட்டல் யுகத்தில் ஒரு புகைப்படத்தை வாடிக்கையாளர்கள் தங்கள் கையிலுள்ள செல்போனிலிருந்துகூட எடுத்து விட முடியும்.

ஆனால் இன்னமும் ஃபிலிம் பயன்படுத்தி எடுக்கும் ஆர்வலர்களும் இருக்கவே செய்கின்றனர். ஏனென்றால் ஃபிலிம் கொடுத்த தரம்தான் காரணம் என்கிறார் கோடக் நிறுவனத்தின் தலைமை சந்தையிடல் அதிகாரி ஸ்டீவன் ஓவர்மேன்.

மத்­திய அரசு, உயர் மதிப்பு ரூபாய் நோட்­டுகள் செல்­லாது என, அறி­வித்­ததை தொடர்ந்து, கடந்த ஆண்டு நவம்­பரில், பயன்­ப­டுத்­தப்­பட்ட கார்­களின் விற்­பனை, 42 சத­வீதம் சரி­வ­டைந்து உள்­ளது என, ஆய்­வொன்றில் தெரிய வந்­துள்­ளது.

வலை­தள நிறு­வ­ன­மான, இந்­தியன் புளு புக், புதிய கார்­களின் வருகை, பயன்­ப­டுத்­தப்­பட்ட கார்­களின் சந்தை விலை உட்­பட, பல்­வேறு தக­வல்­களை வழங்கி வரு­கி­றது. இந்­நி­று­வனம், பண மதிப்பு நீக்­கத்தால், பழைய கார் விற்­ப­னையில் ஏற்­பட்­டுள்ள தாக்கம் குறித்து ஆய்வு மேற்­கொண்டு, அறிக்கை வெளி­யிட்­டுள்­ளது.

அதன் விபரம்:பயன்­ப­டுத்­தப்­பட்ட கார்­களின் பெரும்­பான்மை விற்­பனை, ரொக்­கத்தில் தான் நடை­பெ­று­கி­றது. இந்­நி­லையில், 2016 நவ., 8ல், பண மதிப்பு நீக்க அறி­விப்பு வெளி­யா­னதால், பழைய கார்­களின் விற்­பனை, 42 சத­வீதம் சரி­வ­டைந்­தது.பணத் தட்­டுப்­பாடு கார­ண­மாக, பயன்­ப­டுத்­தப்­பட்ட கார் வாங்க நினைத்த வாடிக்­கை­யா­ளர்­களில், 13 சத­வீதம் பேர், தங்கள் திட்­டத்தை தள்ளி வைத்து விட்­டனர் என்­பது, ஆய்வில் தெரிய வந்­துள்­ளது.

தெற்கு மற்றும் மேற்கு பிராந்­தி­யங்­களை விட, வடக்கு மற்றும் கிழக்கு பிராந்­தி­யங்­களில் தான், பழைய கார் விற்­பனை சரி­வ­டைந்து உள்­ளது. பண மதிப்பு நீக்க நட­வ­டிக்­கைக்கு முன், பயன்­ப­டுத்­தப்­பட்ட கார்­களின் விலையில் ஏற்றம் காணப்­பட்­டது. அதன்பின், விலை வீழ்ச்­சி­ய­டைய துவங்­கி­யது.

டிசம்­பரில், பழைய கார்­களின் விலை, 15 சத­வீதம் சரி­வ­டைந்­தது. இந்த வீழ்ச்­சிக்கு, மேலும் வலு சேர்க்கும் விதத்தில், பல நிறு­வ­னங்கள், புத்­தாண்டில், புதிய மாடல் கார்­களை அறி­மு­கப்­ப­டுத்த உள்­ள­தாக அறி­வித்­தி­ருந்­தன. இத்­த­கைய சூழ­லிலும், பழைய கார் சந்­தையின் வளர்ச்­சிக்­கான அடிப்­படை கார­ணிகள், வலு­வா­கவே உள்­ளன.

அதனால், வரும் மாதங்­களில், பயன்­ப­டுத்­தப்­பட்ட கார் சந்தை, வீழ்ச்­சியில் இருந்து எழுச்சி காணும் எனலாம். இச்­சந்தை, மிகப்­பெ­ரிய மாற்­றத்­திற்கு தயா­ராகி வரு­கி­றது. அமைப்பு சார்ந்த பழைய கார் சந்­தையின் வளர்ச்சி, தற்­போது, 12 சத­வீதம் என்­ற­ளவில் உள்­ளது.

நீண்ட கால அடிப்­ப­டையில், இந்த வளர்ச்சி, 20 சத­வீ­த­மாக உயரும் என, மதிப்­பி­டப்­பட்டு உள்­ளது.பணத் தட்­டுப்­பாடு பிரச்னை குறைந்­துள்­ள­தாலும், மின்­னணு பணப் பரி­மாற்ற நடை­மு­றைக்கு, ஏரா­ள­மானோர் மாறி வரு­வ­தாலும், பழைய கார் விற்­பனை மெல்ல உயரத் துவங்­கி­யுள்­ளது.

கடந்த ஆண்டு, நவம்­ப­ருக்கு முன் மேற்­கொள்­ளப்­பட்ட, எண்­ணிக்கை அடிப்­ப­டை­யி­லான கார் விற்­ப­னையில், தற்­போது, 87 சத­வீதம் எட்­டப்­பட்­டுள்­ளது. இது, வரும் மாதங்­களில், மேலும் அதி­க­ரிக்கும் என, எதிர்­பார்க்­கப்­ப­டு­கி­றது.இவ்­வாறு அதில் கூறப்­பட்­டு உள்­ளது.

மேக் இன் இந்தியா திட்டத்தின் கீழ் ரிங்கிங் பெல்ஸ் நிறுவனம், ஃபிரீடம் என்ற ஸ்மார்ட்போனை அறிமுகம் செய்தது. இந்த ஸ்மார்ட்போன் ரூ.251க்கு விற்பனை செய்யப்படும் என்று அறிவித்து, அதற்காக புக்கிங் வசதி கொண்ட சேவையையும் வழங்கியது அந்நிறுவனம்.

பாஜக கட்சியின் மூத்த தலைவர்களில் ஒருவனான முரளி மனோகர் ஜோஷி தலைமையில் நடந்த விழாவில் இந்த ஸ்மார்ட்போன் அறிமுகம் செய்யப்பட்டது குறிப்பிடத்தக்கது. இந்த ஃபிரீடம் ஸ்மார்ட்போன் புக்கிங் செய்வது குறித்து அந்நிறுவனம், மொபைலுக்கான 251 ரூபாயுடன் டெலிவரி சார்ஜாக சுமார் 40 ரூபாயும் சேர்த்து 291 ரூபாய் இணையத்தில் செலுத்தி விட்டால் போதும். அதாவது ஜூன் முப்பதாம் தேதி மொபைல் புக்கிங் செய்தவர்கள் அனைவரின் கையிலும் மொபைல் இருக்கும் என்று தெரிவித்தது.

அதைத்தொடர்ந்து அந்நிறுவனத்தின் தலைவர் கூறியதாவது:- இதுவரை மொத்தமாக மொத்தமாக ஏழு கோடி பேர் மொபைல் ரிஜிஸ்டர் செய்தார்கள், அதில் முப்பதாயிரம் ஆர்டர் மட்டும் எடுத்துக் கொள்ளப்பட்டது . அதில் ஐந்தாயிரம் மொபைல் மட்டும் ஜூன் இறுதியில் டெலிவரி செய்யப்படும்.

மீதி பேருக்கு பணம் திருப்பி அனுப்பபடும், அதன் பின்னர் கேஷ் ஆன் டெலிவரி முறையில் 65,000 மொபைல் மீண்டும் தரப்படும் என்று கூறினார். ஆனால் இன்றும் அந்த முப்பது ஆயிரம் நபர்களுக்கு மொபைல் போன் போய் சேர்ந்ததா என்பது குறித்து எந்த தகவலும் இல்லை.

இந்த மொபைல் போன் வெளிவந்ததா என்பது குறித்த சந்தேகம் அனைவரிடமும் உள்ளது. மேலும் இதுவே இந்த ஆண்டின் மிகப்பெரிய மோசடியாக கருத்தபடும் என்பதில் எந்த மாற்று கருத்தும் இல்லை. அதோடு இந்த திட்டத்திற்கு மத்திய அரசு அனுமதி வழங்கியது குறிப்பிடத்தக்கது.

செவ்வாய்க்கிழமை, 29 நவம்பர் 2016 00:00

நேபாளத்தில் அனுமதியின்றி நுழைந்தது பதஞ்சலி ??

Written by

நேபாளத்தில் அந்நாட்டு அரசு அனுமதியின்றி யோகா குரு ராம்தேவ், ரூ.150 கோடியை முதலீடு செய்துள்ளதாக ஊடகங்களில் செய்திகள் வெளியாகியுள்ளன.

நேபாளத்தில் இருந்து வெளியாகும் "காந்திப்பூர்' நாளிதழின் திங்கள்கிழமை பதிப்பில், இதுதொடர்பாக மேலும் கூறப்பட்டிருந்ததாவது: நேபாளத்தின் அன்னிய முதலீடு மற்றும் தொழில்நுட்ப பறிமாற்றச் சட்டப்படி, எந்தவொரு அன்னிய முதலீட்டாளரும் நேபாளத்தில் முதலீடு செய்வதற்கு முன், நேபாள முதலீட்டு வாரியம் அல்லது அரசின் தொழில் துறையிடம் அனுமதி பெற வேண்டியது கட்டாயமாகும்.

ஆனால், இந்த அனுமதியைப் பெறாமலேயே ராம்தேவ், நேபாளத்தில் முதலீடு செய்துள்ளார் என்று அந்த நாளிதழில் தெரிவிக்கப்பட்டிருந்தது. இந்நிலையில், தம் மீதான குற்றச்சாட்டுகளுக்கு யோகா குரு ராம்தேவ் மறுப்பு தெரிவித்துள்ளார்.

இதுதொடர்பாக, அவர் செவ்வாய்க்கிழமை வெளியிட்ட அறிக்கையில் கூறப்பட்டுள்ளதாவது: நேபாளத்தில் ஆயுர்வேதத் தொழிற்சாலையைத் தொடங்கியதில் அந்நாட்டுச் சட்டம் எதையும் பதஞ்சலி நிறுவனம் மீறவில்லை.Image result for nepal images

தற்போது, நேபாளத்தில் தொடங்கப்பட்டுள்ள பதஞ்சலி நிறுவனத்தில் அந்நாட்டின் தொழிலதிபர் உபேந்திர மஹதோவும், அவரது மனைவி சமதாவும்தான் முழுமையாக முதலீடு செய்துள்ளனர்.

நேபாள அரசிடம் இருந்து உரிய அனுமதி பெற்ற பிறகே, அந்த நிறுவனத்தில் முதலீடு செய்வோம். கருப்புப் பணம், ஊழல், நிதி முறைகேடு ஆகியவற்றுக்கு எதிரான போராட்டத்துக்கு எனது வாழ்நாள் முழுவதையும் அர்ப்பணித்துள்ளேன். இந்த நிலையில், நேபாளத்தில் சட்ட விரோதமாக முதலீடு செய்யும் வேலைகளில் ஈடுபடமாட்டேன் என்று அந்த அறிக்கையில் ராம்தேவ் தெரிவித்துள்ளார்.

இதற்கு முன், கடந்த 23-ஆம் தேதியன்று செய்தியாளர் சந்திப்புக் கூட்டம் ஒன்றில் பேசிய ராம்தேவ், நேபாளத்தில் ஆயுர்வேதத் தொழிற்சாலை தொடங்குவதற்காக, ரூ.150 கோடி முதலீடு செய்யப்பட்டிருப்பதாகத் தெரிவித்தார்.

இதனால், 20,000 பேருக்கு வேலைவாய்ப்பு கிடைக்கும் என்றும் அவர் கூறினார். மறுநாள், நேபாளத்தில் உள்ள பாரா மாவட்டத்தில் ராம்தேவின் ஆயுர்வேதத் தொழிற்சாலையை அந்நாட்டு அதிபர் வித்யாதேவி பண்டாரி திறந்து வைத்தார்.

ஆன்லைன் வர்த்தகத்தில் ஈடுபட்டுள்ள ஃபிளிப்கார்ட் நிறுவனம், கடந்த 2015-16ம் நிதியாண்டில் ரூ.2,306 கோடி நஷ்டத்துடன் உள்ளதாக தெரியவந்துள்ளது.

ஃபிளிப்கார்ட் இன்டர்நெட் நிறுவனம்: இந்திய ஆன்லைன் வர்த்தக சந்தையில் முன்னிலை வகிக்கும் ஃபிளிப்கார்ட் இன்டர்நெட் நிறுவனம், பெங்களூரை தலைமையிடமாகக் கொண்டு செயல்படுகிறது. இந்நிறுவனம், பல்வேறு புதுப்புது பொருட்களை ஆன்லைன் வர்த்தகத்தில் அறிமுகம் செய்து, வாடிக்கையாளர்களின் கவனத்தை ஈர்த்து வருகிறது.

ஆனாலும், அமேசான் இணையதளத்தின் போட்டியை சமாளிக்கும் விதமாக, ஃபிளிப்கார்ட் மேற்கொண்ட பல்வேறு வர்த்தக விரிவாக்கப் பணிகள் எதிர்பார்த்த பலன் அளிக்கவில்லை. இதன்காரணமாக, கடந்த மார்ச் மாதத்துடன் முடிவடைந்த 2015-16 நிதியாண்டில் லாபம் ஏதுமின்றி, ரூ.2,306 கோடி நஷ்டத்துடன் உள்ளதாக, ஃபிளிப்கார்ட் தெரிவித்துள்ளது.

இது முந்தைய நிதியாண்டின் முடிவில் இருந்ததைவிட 110% சரிவாகும். நிறுவனத்தின் விற்பனை 153% உயர்ந்து, லாபம் ரூ.1,952 கோடியாக இருந்தாலும் எதிர்பார்த்த பலன் கிடைக்கவில்லை என ஃபிளிப்கார்ட் குறிப்பிட்டுள்ளது.

சில வாரங்களுக்கு முன்பு வரை ரூ.225 வரை விற்ற துவரம் பருப்பு முதல் அனைத்து பருப்பு வகைகளின் விலைகள் தற்போது இறங்கு முகத்தில் உள்ளன. கடந்த 8-ம் தேதி முதல் 500 மற்றும் 1000 ரூபாய் தாள்கள் செல்லாது என பிரதமர் நரேந்திர மோடி அறிவித்தார்.

இந்தியாவில் புழங்கிய பணத்தில் 85 சதவிகித பணத்தை செல்லாது என அறிவித்ததால் பெரும் பணத்தட்டுப்பாடு ஏற்பட்டது. அதன் பின்னர் இந்திய ரிசர்வ் வங்கி புதிய 2000 ரூபாய் தாளை வெளியிட்டாலும் மக்களிடையே பணத்தட்டுப்பாடும் தீர்ந்தபாடில்லாமல்தான் இருக்கிறது. Image result for indian dals images

பழைய ரூபாய்களை மாற்றி புதிய 2000 ரூபாய் பெற்றவர்களுக்கு சில்லறை கிடைக்காமல் மற்றொரு பெரும் சிக்கல் ஏற்பட்டது. கடந்த வாரத்தில் அறிமுகப்படுத்தப்பட்ட புதிய 500 ரூபாய் தாளும் இன்னும் சரிவர விநியோகிப்படவில்லை. பணத்தட்டுப்பாடு நிலவுவதால் கடைகளில் நடைபெறும் அன்றாட வியாபாரம் பெருமளவு சரிந்து விட்டன. Related image

 

இந்நிலையில் பருப்பு உள்ளிட்ட அத்தியாவசிய பொருட்களின் விலைவாசி குறைந்து வருவது குறித்து சில்லறை வியாபரிகளிடம் கேட்டபோது  " வழக்கமாக இந்த மாதத்தில்தான் பருப்பு விலை ஏறும். ஆனால் எப்போதும் இல்லாத வகையில் இந்த மாதத்தில் விலை வீழ்ச்சியாகிக்கொண்டிருக்கிறது.

தென் மேற்கு பருவ மழை அதிகம் பெய்து பருப்பின் விளைச்சல் அதிகரித்துவிட்ட காரணத்தால் உள்நாட்டு உற்பத்தி பெருகி உள்ளது. கள்ளப்பண ஒழிப்பு நடவடிக்கை காரணமாக பதுக்கல் அதிகம் நடக்கும். எனவே பருப்பின் விலை அதிகரிக்கும் என்றும் சிறுவியாபாரிகள் அஞ்சிக்கொண்டிருக்கும்போது இப்படி குறைந்துள்ளது.

இதற்கு பிரதமர் மோடி போட்டுள்ள பருப்பு இறக்குமதி ஒப்பந்தமே முதல் காரணம். கடந்த காங்கிரஸ் அரசுக்கு முந்தைய பாரதிய ஜனதா அரசில் கூட பருப்பு விலையை கட்டுக்குள் வைக்க ஏற்றுமதி இறக்குமதிக்கு தடைவிதிக்கப்பட்டிருந்தது. ஆனால் தற்போது பிரதமர் செய்துள்ள ஒப்பந்தத்தினால் தான்சானியா, கென்யா, மாளாவியா,கனடா ஆகிய நாடுகளில் இருந்து துவரம்பருப்பு இறக்குமதியாக உள்ளது.

அவை வந்தால் இன்னும் விலை குறையும் என்கிற காரணத்தால் சிறிய அளவில் இருப்பு வைத்திருந்த மொத்த வியாபாரிகளும் தங்களின் இருப்பை சந்தையில் வந்த விலைக்கு விற்கத் தொடங்கிவிட்டனர்.

இவை ஒரு பக்கம் இருந்தாலும் ரூபாய் பிரச்னைதான் பெரிய சிக்கலாக இருக்கிறது. லாரி வாடகையை நூறு ரூபாய்களாக கேட்கின்றனர். 500 ரூபாய்தான் போதிய அளவில் புழக்கத்துக்கு கிடைக்கவில்லை என்றால் நூறு ரூபாய்க்கு பெரும் தட்டுப்படாக உள்ளது. 50 சதவிகிதம் வியாபாரம் சுத்தமாக படுத்துவிட்டது. அனைத்து வகை பருப்புகளின் விலையும் வீழ்ந்துவிட்டது.Image result for indian dals images

இந்நிலையில் பர்மாவிலிருந்து உளுந்தம்பருப்பும் வர இருக்கிறது. இந்தியாவில் இம்முறை உளுந்து விளைச்சல் அதிகமாக உள்ளது.இந்த சூழலில் இறக்குமதி செய்யப்படும்போது இன்னும் அதிகமாக விலை வீழ்ச்சியடையவே அதிக வாய்ப்புள்ளது. வரும் ஜனவரியில் 100 கிலோ மூட்டை ஒன்றுக்கு ரூ.1000 முதல் ரூ.2000 வரை உளுந்தின் விலை குறைய வாய்ப்புள்ளது.

சிறு வியாபாரிகளின் சந்தையில் இந்த ஏற்ற இறக்கம் உடனுகுடன் நடை முறைக்கு வந்து விடுகிறது. ஆனால் பேரங்காடிகளில் "கேஷ் லெஸ்" என்கிற அட்டை வர்த்தகம் செய்யும் இடங்களில் விலை குறைந்தாலும் உடனடியாக குறைக்க மாட்டார்கள்.பொதுமக்கள் பாக்கெட்டுகளில் அச்சிடப்பட்டுள்ள விலையை மட்டுமே நம்பி கொடுக்கிறார்கள்.

மாத சாமான் வாங்கும் மத்திய வர்க்கத்தினர் நாளைந்து கடையில் விசாரித்து வாங்கினால் பயன் அடையலாம் " 

 மேலும்  பருப்பு வகைகள் " வடமாநிலங்களான மத்தியப்பிரதேசம், குஜராத் போன்றவற்றில் இந்த பணப்பிரச்னையில் விலை ஏறும் என எதிர்பார்த்து பழைய தாள்களைக் கொண்டு பருப்புகளை வாங்கி ஸ்டாக் வைத்தவர்கள் தற்போது விலை இறங்கும் என தெரியவந்ததும் பதுக்கல் பருப்புகளை சந்தைக்கு கொண்டு வந்ததும் கிடைத்த விலைக்கு விற்று காசாக்கியதும் விலை இறங்கியதற்கு முக்கிய காரணம்." என்று தெரிவித்தனர் 

பக்கம் 7 / 21
Top
We use cookies to improve our website. By continuing to use this website, you are giving consent to cookies being used. More details…