JoomlaLock.com All4Share.net

Background Video

இலங்கை

இலங்கை (320)

இலங்கையில் நடந்த குண்டு வெடிப்பு தாக்குதல்களை தொடர்ந்து, பதவி விலகிய, நான்கு முஸ்லிம் அமைச்சர்கள், மீண்டும் பதவிஏற்றனர்.

இலங்கையில் இந்தாண்டு, ஏப்., 21ல், ஈஸ்டர் பண்டிகையின் போது, சர்சுகள் உள்பட, ஒன்பது இடங்களில், குண்டு வெடிப்பு தாக்குதல்கள் நடந்தன.இதில், 259 பேர் உயிரிழந்தனர்; ஏராமானோர் படுகாயமடைந்தனர். முஸ்லிம் அமைப்பான, தேசிய தவ்ஹீத் ஜமாத் இந்த தாக்குதலை நடத்தியது, விசாரணையில் தெரிந்தது.

இந்நிலையில், 'இந்த அமைப்புடன் தொடர்புள்ளதால், நான்கு முஸ்லிம் அமைச்சர்களை நீக்க வேண்டும்' என, எதிர்க்கட்சிகள் வலியுறுத்தின. அதையடுத்து, ஜூன் மாதத்தில், நான்கு முஸ்லிம் அமைச்சர்களும் பதவி விலகினர். தொடர்ந்து நடத்தப்பட்ட விசாரணையில், இவர்களுக்கும், அந்த அமைப்புக்கும் எந்தத் தொடர்பும் இல்லை என்பது தெரிந்தது.அதையடுத்து, 'முஸ்லிம் அமைச்சர்கள், மீண்டும் அமைச்சரவையில் சேர்க்கப்படுவர்' என, பிரதமர், ரணில் விக்கிரமசிங்கே சமீபத்தில் தெரிவித்திருந்தார்.

இந்நிலையில், இலங்கை முஸ்லிம் காங்கிரஸ் தலைவர், ராப் ஹகீம், அனைத்து சிலோன் மக்கள் காங்கிரஸ் தலைவர், ரிஷத் பாதியுதீன் உள்பட, நான்கு முஸ்லிம் தலைவர்களும், நேற்று முன்தினம் இரவு, மீண்டும் அமைச்சர்களாக பதவியேற்றனர்.இந்தாண்டு டிசம்பரில், அதிபர் தேர்தல் நடக்க உள்ளது. நாட்டின் மக்கள்தொகையில், 10 சதவீதம் உள்ள முஸ்லிம்கள், சிறுபான்மையினரில், ஹிந்துக்களுக்கு அடுத்த இடத்தில் உள்ளனர்.கடந்த, அதிபர் தேர்தலில், ஹிந்துக்கள் மற்றும் முஸ்லிம்களின் ஆதரவுடன் தான், மைத்ரிபால சிறிசேனா, அதிபராக தேர்ந்தெடுக்கப்பட்டா

 இலங்கையில் வெளிநாட்டு சுற்றுலா பயணியர் எண்ணிக்கை 57 சதவீதம் குறைந்துள்ளதால் உள்நாட்டு வருமானமும் கடுமையாக பாதிக்கப்பட்டுள்ளது.

அண்டை நாடான இலங்கையில் ஈஸ்டர் பண்டிகை நாளான ஏப்.21ல் தேவாலயங்கள், நட்சத்திர ஓட்டல்களில் வெடிகுண்டு தாக்குதல் நடத்தப்பட்டது. இதில் வெளிநாட்டு சுற்றுலா பயணியர் உட்பட 250 பேர் கொல்லப்பட்டனர். இச்சம்பவத்தை அடுத்து 'இலங்கைக்கு சுற்றுலா செல்ல வேண்டாம்; அங்கு தங்கியிருப்பவர்களும் உடனே நாடு திரும்ப வேண்டும்' என பல நாடுகள் அறிவித்தன.

 

இந்நிலையில் இலங்கையில் சுற்றுலா பயணியர் எண்ணிக்கை வெகுவாக குறைந்தது. கடந்த ஜூனில் 63 ஆயிரத்து 72 பேர் மட்டுமே வந்துள்ளனர். இதுவே 2018 ஜூனில் ஒரு லட்சத்து 46 ஆயிரத்து 828 பேர் வந்திருந்தனர். இலங்கையின் உள்நாட்டு வருமானத்தில் 5 சதவீதம் சுற்றுலா துறையின் வாயிலாகத்தான் கிடைக்கிறது. இந்தியா, ஆஸ்திரேலியா, ரஷ்யா, மற்றும் சீனா ஆகிய நாடுகளில் இருந்துதான் இலங்கைக்கு ஏராளமான சுற்றுலா பயணியர் செல்கிறார்கள்.

இலங்கை தலைநகர் கொழும்புவில் கடந்த பிப்ரவரி மாதம் ஈஸ்டர் தினத்தன்று தேவாலயங்கள் மற்றும் சொகுசு ஹோட்டல்கள் மீது தற்கொலைப்படை பயங்கரவாதிகள் நடத்திய தாக்குதலில் 258-க்கும் மேற்பட்டோர் பலியானார்கள். 

இந்த தாக்குதலுக்கு பொறுப்பேற்ற தேசிய தவ்ஹீத் ஜமாத் மற்றும் ஐ.எஸ்.  பயங்கரவாத இயக்கத்தைச் சேர்ந்த பலர் கைது செய்யப்பட்டு சிறையில் அடைக்கப்பட்டுள்ளனர்.
 
இந்த தாக்குதலைத் தொடர்ந்து இலங்கையில் முஸ்லிம்களுக்கு எதிரான  மனநிலை அதிகரித்ததாக கூறப்பட்டது. ஈஸ்டர் தாக்குதலுக்கு காரணமான பயங்கரவாதிகளுக்கு ஆதரவாக இருந்ததாக சிலரை அங்குள்ள புத்த மதத்தலைவர்கள் குற்றம்சாட்டி வந்தனர்.
 
மேலும் இலங்கை அமைச்சரவையில் இடம்பெற்றிருந்த சில முஸ்லிம் அமைச்சர்கள், தாக்குதல் நடத்திய தேசிய தவ்ஹீத் ஜமாத் அமைப்புடன் தொடர்பில் இருப்பதாக குற்றம்சாட்டப்பட்டது.  
 
இந்நிலையில், ரணில் விக்ரம சிங்கே அமைச்சரவையில் இருந்த  மத்திய அமைச்சர்கள் 9 பேர் திடீர் ராஜினாமா செய்துள்ளனர். ராஜினாமா செய்த அவர்கள் இஸ்லாமியர்களின் பாதுகாப்பை உறுதிப்படுத்த இலங்கை அரசு தவறியதாக குற்றச்சாட்டை முன்வைத்தனர். 
 
சில அமைச்சர்கள் மீதான குற்றச்சாட்டுகளை ஒரு மாதத்தில் விசாரித்து முடிக்க வேண்டும் எனவும் கோரிக்கை விடுத்துள்ளனர். முஸ்லிம் அமைச்சர்கள் 9 பேர் ஒட்டு மொத்தமாக ராஜினாமா செய்ததால் இலங்கை அரசியலில் பரபரப்பு ஏற்பட்டுள்ளது.
திங்கட்கிழமை, 13 மே 2019 00:00

இலங்கையில் ஊரடங்கு உத்தரவு

Written by

இலங்கையின் கொழும்பு நகரில் தேவாலயங்கள் மற்றும் நட்சத்திர ஓட்டல்களை குறிவைத்து கடந்த ஈஸ்டர் தினத்தன்று தற்கொலைப்படை தாக்குதல் நடத்தப்பட்டது. ஒரு பெண் உள்பட 9 பயங்கரவாதிகள் நடத்திய இந்த கொடூர தாக்குதலில் 250-க்கும் மேற்பட்டோர் பலியாகினர், 500-க்கும் மேற்பட்டோர் காயமடைந்தனர்.

இந்த சம்பவத்துக்கு ஐ.எஸ். அமைப்பு பொறுப்பேற்று இருந்தாலும், இலங்கை அரசோ உள்ளூரை சேர்ந்த தேசிய தவ்ஹீத் ஜமாத் அமைப்பை குற்றம் சாட்டியது. எனவே அந்த அமைப்பை தடை செய்து, ஏராளமானோரை கைது செய்து  விசாரணை நடத்தி வருகிறது. தேவாலயங்கள் மீது நடத்தப்பட்ட குண்டுவெடிப்புகளால் இலங்கையின் பல பகுதிகளில் இரு பிரிவினர் இடையே ஒருவித பதற்றமான சூழல் நிலவி வருகிறது. எனவே இரு தரப்பும் அமைதி காக்குமாறு அதிபர் சிறிசேனா அறிவுறுத்தி வருகிறார்.

சமூக வலைத்தளத்தில் வெளியான ஒரு விரும்பத்தகாத பதிவை மையமாக வைத்து அந்நாட்டின் மேற்கு பகுதியில் அமந்துள்ள கடலோர நகரமான சிலாபம் நகரில் நேற்று முன்தினம் இருதரப்பினருக்கு இடையில் கலவரம் வெடித்ததால் ஊரடங்கு உத்தரவு பிறப்பிக்கப்பட்டிருந்தது. அசம்பாவித சம்பவங்களை தடுக்க அங்கு கூடுதலாக போலீசார் குவிக்கப்பட்டுள்ளனர். தேவையற்ற வதந்திகள் பரவாமல் இருக்க சமூக வலைத்தளங்களும் முடக்கி வைக்கப்பட்டுள்ளன. 

முன்னதாக கொழும்பு அருகேயுள்ள புட்டாளம், குருநெங்களா மற்றும் கம்பகா ஆகிய இடங்களில் மட்டும் கட்டுப்பாடுகள் விதிக்கப்பட்டன. அங்கு பல இடங்களில் தாக்குதல் சம்பவங்கள் நடைபெற்றதால் மக்கள் வீட்டை விட்டு வெளியே வர வேண்டாம் என்று அறிவிக்கப்பட்டது.

இந்நிலையில் அந்த 3 மாவட்டங்களிலும் நாளை காலை 6 மணி வரைக்கும் ஊரடங்கு உத்தரவு அமலில் இருக்கும் என்றும், நாடு முழுவதும் இன்று இரவு 9 மணி முதல் நாளை அதிகாலை 4 மணி வரையில் ஊரடங்கு உத்தரவு அமலில் இருக்கும் என்றும் காவல் துறை வெளியிட்டுள்ள அறிக்கையில் தெரிவிக்கப்பட்டுள்ளது.

இது குறித்து இலங்கை பிரதமர் ரணில் விக்ரமசிங்கே, “வதந்திகளை நம்ப வேண்டாம், பாதுகாப்புக்கு தேவையான அனைத்து நடவடிக்கைகளையும் மேற்கொண்டிருக்கிறோம்” என்று தெரிவித்துள்ளார்.

இலங்கை முழுவதும் தேவாலயங்களில் ஞாயிறு வழிபாடுகள் ரத்து செய்யப்படுவதாக கத்தோலிக்க திருச்சபை அறிவித்துள்ளது. மீண்டும் தாக்குதல் நடக்கும் அபாயம் காரணமாக இந்த முடிவு எடுக்கப்பட்டுள்ளது.

இலங்கையில் கடந்த 21-ந் தேதி ஈஸ்டர் பண்டிகை தினத்தில், 3 தேவாலயங்கள் உள்பட 8 இடங்களில் தொடர் குண்டுவெடிப்பு சம்பவம் நடந்தது. இதில், 253 பேர் பலியானார்கள். தேசிய தவ்ஹீத் ஜமாத் பயங்கரவாத இயக்கத்துடன் தொடர்புடைய நூற்றுக்கும் மேற்பட்டோர் கைது செய்யப்பட்டுள்ளனர்.

அதே சமயத்தில், பயங்கரவாதிகள் நடமாட்டம் இன்னும் இருப்பதால், மீண்டும் தாக்குதல் நடக்க வாய்ப்புள்ளதாக பிரதமர் ரனில் விக்ரமசிங்கே கூறியுள்ளார்.இதுதொடர்பாக உளவுத்துறையும் எச்சரிக்கை விடுத்துள்ளது. இந்த சூழ்நிலையில், இலங்கை முழுவதும் கத்தோலிக்க தேவாலயங்களில் ஞாயிற்றுக்கிழமை தோறும் நடக்கும் வழிபாடுகள் (திருப்பலி) ரத்து செய்யப்படுவதாக இலங்கை கத்தோலிக்க திருச்சபை அறிவித்துள்ளது.

மறுஉத்தரவு வரும்வரை இந்த கூட்டங்களை ரத்து செய்ய கார்டினல் ரஞ்சித் உத்தரவிட்டிருப்பதாக பேராயர் இல்ல செய்தித்தொடர்பாளர் எட்மண்ட் திலகரத்னே தெரிவித்துள்ளார். இருப்பினும், தேவாலயங்களில் பொது திருப்பலிகள், 5-ந் தேதி தொடங்குவதாக கத்தோலிக்க திருச்சபை அறிவித்துள்ளது. தேவாலயத்துக்குள் பை கொண்டுவர தடை விதிக்கப்பட்டுள்ளது.

குண்டு வெடிப்பைத் தொடர்ந்து, கத்தோலிக்க பள்ளிகள் அனைத்தும் மூடப்பட்டன. இப்பள்ளிகள், 6-ந் தேதி மீண்டும் திறக்கப்படுவதாக அறிவிக்கப்பட்டு இருந்தது. ஆனால், அன்றைய தினம் பள்ளிகளை திறக்க வேண்டாம் என்று கத்தோலிக்க பள்ளிகளின் முதல்வர்களுக்கு கத்தோலிக்க திருச்சபை அறிவுறுத்தி உள்ளது.

இலங்கையின் கொழும்பு நகரில் கடந்த ஞாயிற்றுக்கிழமை ஈஸ்டர் பண்டிகையன்று காலை மூன்று கிறிஸ்தவ ஆலயங்கள் மற்றும் மூன்று 5 நட்சத்திர ஓட்டல்கள் மீது திடீரென வெடிகுண்டு தாக்குதல்கள் நடத்தப்பட்டன. 

இதில் 359 பேர் உயிரிழந்து உள்ளனர். 500 பேர் வரை காயமடைந்து உள்ளனர். இந்த சம்பவத்தை நிகழ்த்திய 9 பேரின் புகைப்படங்களை காவல்துறை இன்று வெளியிட்டது. இதில் 3 பெண்கள் உள்பட 9 பயங்கரவாதிகளின் புகைப்படங்கள் பெற்றுள்ளன. 

புதன்கிழமை, 24 ஏப்ரல் 2019 00:00

இலங்கை குண்டுவெடிப்பு: 100 பேர் கைது

Written by

 இலங்கை குண்டுவெடிப்புகள் தொடர்பாக இதுவரை 100 பேர் கைது செய்யப்பட்டுள்ளனர். தாக்குதல் நடத்தியவர்கள் 9 பேர் என்றும் அவர்களில் 8 பேர் அடையாளம் காணப்பட்டுள்ளதாகவும் அந்நாட்டு அமைச்சர் ருவான் விஜேரத்னே கூறினார்.

இலங்கையில் ஏப்.,21 ம் தேதியன்று நடந்த தொடர் குண்டுவெடிப்பு தாக்குதலில் பலியானவர்களின் எண்ணிக்கை 359 ஆக அதிகரித்துள்ளது. இதில் நூற்றுக்கணக்கானவர்கள் படுகாயம் அடைந்துள்ளனர். இந்த தாக்குதலுக்கு ஐஎஸ் பயங்கரவாத அமைப்பு பொறுப்பேற்றுள்ளது. 

இந்நிலையில் வெடி பொருட்கள் நிரப்பப்பட்ட லாரி ஒன்று கொழும்பு நகருக்குள் நுழைந்துள்ளதாக உளவுத்துறைக்கு தகவல் கிடைத்தது. இதனையடுத்து கொழும்பு நகர் முழுவதும் சோதனை தீவிரப்படுத்தப்பட்டது. இதன் ஒரு பகுதியாக இன்று (ஏப்.,24) கொழும்புவின் வெள்ளவத்தை பகுதியில் உள்ள சவாய் தியேட்டர் அருகில் மோட்டார் சைக்கிள் ஒன்றில் இருந்து மேலும் ஒரு வெடிகுண்டு கண்டுபிடிக்கப்பட்டு செயலிழக்கம் செய்யப்பட்டுள்ளது. ஆனால் வெடிகுண்டு எதுவும் கண்டுபிடிக்கப்படவில்லை என்றும் வண்டியின் பெட்டியை திறக்க முடியாததால் சிறு குண்டு வைத்து வண்டியை தகர்த்துவிட்டதாக தகவல்கள் தெரிவிக்கின்றன.

இலங்கையின் தற்போதைய நிலவரம் குறித்து அந்நாட்டு பாதுகாப்புத்துறை அமைச்சர் ருவான் விஜேவர்தனே செய்தியாளர்களிடம் பேசுகையில், இன்னும் 2 நாட்களில் இலங்கையின் பாதுகாப்பு நிலவரம் உறுதிப்படுத்தப்படும். இரண்டு குழுக்களாக பிரிந்து பயங்கரவாத அமைப்பினர் செயல்படுவது தெரிய வந்துள்ளது. இந்த தாக்குதலில் பயங்கரவாத அமைப்பின் ஒரு பிரிவின் தலைவன், மனித வெடிகுண்டாக மாறி உயிரிழந்திருப்பது தெரிய வந்துள்ளது. 

தாக்குதலில் ஈடுபட்ட மொத்தம் 9 பயங்கரவாதிகளில் ஒரு பெண் உள்பட 8 பேர் அடையாளம் காணப்பட்டுள்ளனர். இது தொடர்பாக மொத்தம் 100 பேர் கைது செய்யப்பட்டுள்ளனர். பயங்கரவாதிகளின் அடையாளத்தை இப்போது வெளியிட முடியாது. விசாரணையை பாதிக்கும் என்பதால் பயங்கரவாதிகளின் பெயர் உள்ளிட்ட விபரங்களை வெளியிட முடியாது. தாக்குதலில் உயிரிழந்தவர்களின் எண்ணிக்கை 359 ஆக அதிகரித்துள்ளது. இவர்களில் 39 பேர் வெளிநாட்டினர். இவர்களில் 17 வெளிநாட்டினரின் உடல்கள் அடையாளம் காணப்பட்டு, அவர்களின் குடும்பத்தினரிடம் ஒப்படைக்கப்பட்டுள்ளது. தொடர்ந்து விசாரணை நடத்தப்பட்டு வருகிறது. இவ்வாறு அவர் தெரிவித்துள்ளார்.

ஈஸ்டர் திருநாளில் இலங்கையில் 3 தேவாலயங்களில் குண்டுவெடிப்பு நிகழ்ந்துள்ளது. இதில் 150 க்கும் மேற்பட்டோர் காயமுற்றுள்ளதாக முதல்கட்ட தகவல் தெரிவிக்கிறது. 100 க்கும் மேற்பட்டோர் பலர் பலியாகி இருக்கலாம் என அஞ்சப்படுகிறது. 156 பேர் பலியானதாக இலங்கை அரசு அதிகாரப்பூர்வமாக அறிவித்துள்ளது. Image result for 156 dead in bomb blasts in sri lanka images photos

கிறிஸ்தவர்கள் கொண்டாடும் ஈஸ்டர் திருநாளை முன்னிட்டு இலங்கையில் பல்வேறு ஆலயங்களில் சிறப்பு பிரார்த்தனை நடந்து வருகிறது. இந்நிலையில் கொச்சிக்கடை செயின்ட் அந்தோணியார் , நீர்க்கொழும்பு கத்துவாபட்டியா செபஸ்டியான் ஆலயம் , பட்டிகோலாவில் உள்ள சீயோன் ஆலயம் ஆகிய 3 ஆலயங்களில் பிரார்த்தனையின் போது பலத்த சப்தத்துடன் குண்டு வெடித்தது.

இதில் பலர் ரத்த காயங்களுடன் விழுந்தனர். சம்பவம் அறிந்த போலீசார் மற்றும் மீட்பு படையினர் ஆலயங்களில் பாதிக்கப்பட்டவர்களை மீட்டு மருத்துவமனைக்கு அனுப்பி வைத்து வருகின்றனர்.

இந்த தாக்குதலில் எந்த பயங்கரவாத அமைப்பினர் என்பது குறித்து இதுவரை அறியப்படவில்லை. மேலும் பிரபல நட்சத்திர ஓட்டல்களான சங்ரிலா, சின்னமோன்கிராண்ட், கிங்ஸ்புரி போன்ற ஓட்டல்களிலும் குண்டு வெடித்துள்ளது. இந்த ஓட்டல்கள் இந்தியர்கள் அதிகம் தங்கும் நட்சத்திர ஒட்டல் ஆகும்.

சிறிது காலம் அமைதியாக இருந்த இலங்கையில் தற்போது வன்முறை தலைதூக்கியுள்ளது கவலை அளிப்பதாகும்.

 

 

ஞாயிற்றுக்கிழமை, 23 டிசம்பர் 2018 00:00

இலங்கையில் வெள்ளம்: 45 ஆயிரம் பேர் தவிப்பு

Written by

இலங்கையில் தொடர் கனமழை காரணமாக வெள்ளத்தில் மிதக்கிறது. 45 ஆயிரம் பேர் வீடுகளை இழந்து வெளியேறியுள்ளனர்.வெள்ளத்தால் பாதிக்கப்பட்டுள்ள மக்களுக்கு உடனடி நிவாரணம் வழங்குமாறு அந்நாட்டு அதிபர் மைத்ரிபால சிறிசேன உத்தரவிட்டுள்ளார்.

இலங்கையின் வடக்கு மாகாணத்தில் உள்ள முல்லைத் தீவு, கிளிநொச்சி, மன்னார், வவுனியா, யாழ்பாணம் மாவட்டங்களில் கடந்த 3 நாட்களாக கனமழை கொட்டித் தீர்த்து வருகிறது. இதனால் அந்த ஐந்து மாவட்டங்களிலும் வெள்ளப்பெருக்கு ஏற்பட்டுள்ளது. மாங்குளம், இரணைமடு உள்ளிட்ட நீர் நிலைகள் நிரம்பி வழிகின்றன.வெள்ளப்பெருக்கால், முல்லைத் தீவுக்குச் செல்லும் முக்கிய சாலை துண்டிக்கப்பட்டுள்ளது. கிளிநொச்சியில் 40 செ.மீ மழை பதிவாகி உள்ளது.

வெள்ளத்தில் சிக்கியவர்களில், 8 ஆயிரத்து 539 பேர் இதுவரை மீட்கப்பட்டுள்ளனர். அவர்கள் 52 முகாம்களில் தங்க வைக்கப்பட்டுள்ளனர். 212 ஹெலிகாப்டர்கள் மற்றும் விமானங்கள், படகுகள் மூலம் மீட்புப் பணிகள் முடுக்கிவிடப்பட்டுள்ளன.

பக்கம் 1 / 23
Top
We use cookies to improve our website. By continuing to use this website, you are giving consent to cookies being used. More details…