JoomlaLock.com All4Share.net

Background Video

இலங்கை

இலங்கை (311)

கேகாலை-தம்புள்ள ஊடாக பொலன்னறுவைக்கு அதிவேகப் பாதை அமைக்கப்படவுள்ளதாக பிரதமர் ரணில் விக்கிரமசிங்க தெரிவித்துள்ளார்.

அத்துடன் மத்தல விமானநிலையம் மூலம் வருடத்திற்கு மில்லியன் கணக்கான பயணிகளின் வருகையை அதிகரிக்கவுள்ளதாகவும் அவர் தெரிவித்துள்ளார்.

வத்தளையில் இன்று இடம்பெற்ற நிகழ்வு ஒன்றில் கலந்துக்கொண்ட பேதே அவர் இதனைத் குறிப்பிட்டுள்ளார்.

மேலும் கண்டி,கொழும்பு,அம்பாந்தோட்டை நகரங்களை மையப்படுத்தி அபிவிருத்தி வலயம் ஒன்றும் உருவாக்கப்படவுள்ளதாகவும் பிரமதர் குறிப்பிட்டுள்ளார்.

அத்துடன் மேல்மாகாணம் ழுமுவதும் பெரிய நகரங்களாக அபிவிருத்தி செய்யவுள்ளதோடு, ஹம்பாந்தோட்டை பிரதேசத்தையும் சீனாவின் உதவியுடன் பல்வேறு அபிவிருத்தி திட்டங்களை முன்னெடுக்கவுள்ளதாகவும் பிரதமர் தெரிவித்துள்ளார்.

இதேவேளை, அம்பாந்தோட்டை துறைமுகத்தில் 10 இலட்ச பயணிகளை வரவழைப்பதற்கான நடவடிக்கைகளும் முன்னெடுக்கப்படவுள்ளதாகவும், மயில்களின் வசிப்பிடமாகவுள்ள மத்தள விமான நிலையத்தில் மக்களின் நடமாட்டத்தை அதிகரிக்கும் வேலைத்திட்டங்கள் ஆரம்பிக்கப்படவுள்ளதாகவும் பிரதமர் தெரிவித்துள்ளமை குறிப்பிடத்தக்கது.

செவ்வாய்க்கிழமை, 26 ஜூலை 2016 00:00

கொழும்பில் வரிசையாக நிற்கும் வாகனங்கள்!!!

Written by

கொழும்பு - பொரளை பிரதான வீதியில் நூற்றுக் கணக்கில் வாகனங்கள் வரிசையாக நிற்பதாகவும், ஒரு வாகனம் கூட அசைய முடியாத அளவிற்கு இறுகிப் போயுள்ளதாகவும் அறியமுடிகின்றது.

குறித்த பிரதான வீதியில் வாகனங்களின் நெருக்கம் காணப்படுவதால், கிளை வீதிகளில் ஒரு வாகனங்களைக் கூட காணக்கிடைப்பதற்கு அரிதாக உள்ளது.

முக்கியமாக மருதானை சுற்றுவட்டம், மற்றும் மருதானையிலிருந்து புறக்கோட்டை செல்லும் வீதி, இதனிடையே காணப்படும் கிளை வீதிகளில் வாகனங்கள் எதுவும் வீதியில் இல்லை என எமது செய்தியாளர் தெரிவிக்கின்றார்.

இன்று வாரத்தின் இரண்டாம் நாள். மிகவும் பரபரப்பான நாள். ஆனால் பார்ப்பதற்கு இன்று ஞாயிற்றுக் கிழமையோ? என நினைக்கத்தோன்றும் அளவிற்கு வெறிச்சோடிப் போயுள்ளது கொழும்பு.

ஆயுர்வேத மருத்துவர்களின் போராட்டம் முக்கியமான பிரதான வீதிகளினூடாக சென்றதால் குறித்த போக்குவரத்து நெரிசல் காணப்படுவதாகவும், இதனால் என்றுமில்லாத அளவிற்கு இன்று பாரிய வாகன நெரிசலும், மக்கள் பெரும் சிரமங்களுக்கு முகம் கொடுத்துள்ளதாகவும் எமது செய்தியாளர் மேலும் தெரிவித்தார்.

இலங்கை பங்கு மற்றும் பரிவர்த்தனை ஆணைக்குழுவின் முன்னாள் தலைவர் நாலக கொடஹேவாவின் வழக்கு ஒக்டோபர் மாதம் 19ஆம் திகதி விசாரணைக்கு எடுத்துக்கொள்ளப்படும் என கொழும்பு உயர்நீதிமன்றம் தெரிவித்துள்ளது.

குறித்த வழக்கில் இதற்கு முன்னர் கைதுசெய்யப்பட்டிருந்த நாளக ஜனவரி மாதம் 21ஆம் திகதி பிணையில் விடுவிக்கப்பட்டமை சுட்டிக்காட்டத்தக்கது.

பங்கு மற்றும் பரிவர்த்தனை ஆணைக்குழுவில் இடம்பெற்றதாகக் கூறப்படும் 50 மில்லியன் நிதி மோசடி தொடர்பில் இவர் மீது வழக்கு தொடரப்பட்டிருந்தமை குறிப்பிடத்தக்கது.

குறித்த வழக்கு இன்று விசாரணைக்கு எடுத்துக்கொள்ளப்பட்ட சந்தர்ப்பத்தில் சட்டத்தரணி ஆஜராகாமையினால் குறித்த வழக்கு மீதான விசாரணை ஒத்திவைக்கப்பட்டுள்ளதாக தெரிவிக்கப்பட்டுள்ளது.

செவ்வாய்க்கிழமை, 26 ஜூலை 2016 00:00

வித்தியா படுகொலை வழக்கு ஒத்திவைப்பு!

Written by

புங்குடுதீவு மாணவி வித்தியா படுகொலை வழக்கில் குற்றஞ்சாட்டப்பட்ட 12 சந்தேநபர்களின் விளக்கமறியலை எதிர்வரும் ஆகஸ்ட் மாதம் 9ம் திகதி வரை நீடிக்குமாறு ஊர்காவற்றுறை நீதிமன்ற நீதவான் ஏ.எம்.எம்.றியாழ் உத்தரவிட்டார்.

இன்றைய தினம் செவ்வாய்க்கிழமை மேற்படி வழக்கு விசாரணைக்கு எடுத்துக்கொள்ளப்பட்ட நிலையில் நீதிபதி இவ்வாறு உத்தரவிட்டார்.

புங்குடுதீவு மாணவியின் படுகொலை வழக்கு விசாரணை ஊர்காவற்றுறை நீதிமன்றத்தில் கடந்த ஒரு வருடத்திற்கு மேலாக நடைபெற்று வருகின்றது.

இன்றைய தினம் இவ்வழக்கில் எந்த விடயங்களும் ஆராயப்படாமல், சந்தேகநபர்களின் விளக்கமறியலை நீடித்து வழக்கு விசாரணையை நீதவான் விரைவாக முடித்தார்.

மேலும் குறித்த வழக்கு தொடர்பாக எதிர்வரும் ஆகஸ்ட் மாதம் 10ம் திகதி அன்று மேல் நீதிமன்றத்தில் முக்கிய முடிவு ஒன்று எட்டப்படவுள்ளமை குறிப்பிடத்தக்கது.

கிளிநொச்சி பரந்தன் பகுதியில் இன்று காலை இடம்பெற்ற விபத்தில் முதியவர் ஒருவர் பரிதாபமாக பலியாகியுள்ளார்.

பரந்தனை சேர்ந்த 64 வயதான சண்முகன் என்ற முதியவரே விபத்தில் பலியாகி உள்ளார்

புத்தளத்தில் இருந்து யாழ்ப்பாணம் நோக்கி சென்றுகொண்டிருந்த கார் ஒன்றுடன் துவிச்சக்கர வண்டியில் சென்று கொண்டிருந்த முதியவர் மோதியதால் விபத்து ஏற்பட்டுள்ளது. 

 விபத்துக்குள்ளான முதியவர் பலத்த காயங்களுடன் கிளிநொச்சி பொது வைத்தியசாலையில் அனுமதிக்கப்பட்ட போதும் சிகிச்சை பயனின்றி உயிரிழந்துள்ளார்.

காரை செலுத்திய சாரதிக்கு ஏற்பட்ட நித்திரையின் காரணமாக இந்த விபத்து ஏற்பட்டுள்ளதாக கிளிநொச்சி பொலிஸார் தெரிவித்துள்ளனர்.

காரின் சாரதியை கிளிநொச்சி பொலிஸார் கைது செய்து மேலதிக விசாரனைகளை மேற்கொண்டு வருகின்றனர்.

கலப்பு நீதிமன்றம் குறித்த இறுதித் தீர்மானம் என்னுடையதேயாகும் என ஜனாதிபதி மைத்திரிபால சிறிசேன தெரிவித்துள்ளார்.

சரனங்கர வீதியில் அமைந்துள்ள ஜனாதிபதியின் உத்தியோகபூர்வ இல்லத்தில் நேற்று, கூட்டு எதிர்க்கட்சி உறுப்பினர்களை சந்தித்த போது அவர் இதனைக் குறிப்பிட்டுள்ளார்.

வெளிநாட்டு நீதவான்கள் இலங்கையில் விசாரணை நடாத்துவதற்கு அனுமதியளிக்கப்படாது என தெரிவித்துள்ளார்.

யார் என்ன சொன்னாலும் கலப்பு நீதிமன்றம் மற்றும் வெளிநாட்டு நீதவான்களின் பங்களிப்பு குறித்த எனது தீர்மானமே இறுதியானது என அவர் குறிப்பிட்டுள்ளார்.

வெளிநாட்டு நீதவான்கள் இலங்கை விசாரணைப் பொறிமுறையில் இணைத்துக்கொள்ளப்படுவார்கள் என வெளிவிவகார அமைச்சர் மங்கள சமரவீர கூறியுள்ளதாகவும்,

இது குறித்த ஜனாதிபதியின் நிலைப்பாடு என்ன எனவும் முன்னாள் ஊடக அமைச்சர் கெஹலிய ரம்புக்வெல்ல ஜனாதிபதியிடம் கேள்வி எழுப்பியிருந்தார்.

இதற்கு பதிலளித்த போது, வெளிநாட்டு நீதவான்கள் இலங்கை போர்க்குற்ற விசாரணைப் பொறிமுறையில் இணைத்துக்கொள்ளப்பட மாட்டார்கள் என அவர் தெரிவித்துள்ளார்.

இலங்கையர் உட்பட சுமார் 100 தொழிலாளர்கள், ஐக்கிய அரபு இராச்சியத்தில் நிர்க்கதியானநிலைக்கு உள்ளாகியிருப்பதாக ரொய்ட்டர் தெரிவித்துள்ளது.

இந்திய தொழிலாளர்களும் இதில் அடங்குகின்றனர்.

தமது தொழில் வீசா முடிவடைந்த நிலையிலேயே இவர்கள் நிர்க்கதிக்கு உள்ளாகியிருப்பதாகதெரிவிக்கப்பட்டுள்ளது.

இந்தநிலையில் இவர்கள் அனைவரும் இந்திய அரசாங்கத்திடம் நிதியுதவியை கோரியுள்ளனர்.தமது குடும்பத்துடன் மீண்டும் இணைந்துக்கொள்ள உதவுமாறு அவர்கள் கோரிக்கை விடுத்துள்ளனர்.

நிதிவசதியோ அல்லது ஆவணங்களோ இன்று தாம் நாட்டுக்கு திரும்பிச்செல்ல முடியாதுள்ளதாகஅவர்கள் குறிப்பிட்டுள்ளனர்.

இந்த தொழிலாளர்களில் பங்களாதேஸ் மற்றும் பாகிஸ்தானியர்களும் உள்ளடங்குகின்றனர்.

தமக்கு தொழில் தருநரால் 2015ம் ஆண்டு நவம்பர் மாதம் முதல் சம்பளம் தரப்படவில்லைஎன்று அவர்கள் குறிப்பிட்டுள்ளனர்

நாடாளுமன்ற உறுப்பினர்களின் வாகன தீர்வை அனுமதிப்பத்திர துஸ்பிரயோகம் தொடர்பான வழக்கு விசாரணை ஒன்று நேற்று உயர்நீதிமன்றத்தில் இடம்பெற்றது.

சமூக ஆர்வலர் நாகாநந்த கொடிதுவக்கு இந்த மனுவை தாக்கல் செய்துள்ளார்.

குறித்த வழக்கு தொடர்பில் உரிய சாட்சியங்கள் இல்லை.

எனவே இதற்காக உயர்நீதிமன்றத்தில் முழுமை நீதியரசர்களின் விசாரணை அவசியம் இல்லை என்று சட்டமா அதிபர் தமது அறிக்கையை நீதிமன்றத்துக்கு சமர்ப்பித்தார்.

எனினும் வழக்காளியான கொடிதுவக்கு, ஏற்கனவே 10 வாகனங்களுக்கான தீர்வையற்ற அனுமதிப்பத்திரம் விநியோகிக்கப்பட்ட நிலையில் அவை ஒன்று 25 மில்லியன் ரூபா என்ற விலைகளில் விற்பனை செய்யப்பட்டுள்ளன என்று தெரிவித்தார்.

எனவே இது பொதுமக்களின் இறைமையை பாதிப்பதாக அவர் சுட்டிக்காட்டினார்.

எனவே உயர்நீதிமன்றத்தில் முழுமை அமர்வில் இது விசாரணை செய்யப்படவேண்டும் என்று அவர் கோரிக்கை விடுத்துள்ளார்.

செவ்வாய்க்கிழமை, 26 ஜூலை 2016 00:00

ரவூப் ஹக்கீமுக்கு வந்த நெருக்கடி!

Written by

ஸ்ரீலங்கா முஸ்லிம் காங்கிரஸ் கட்சியின் சொத்துக்கள் மற்றும் அவற்றின் நிர்வாகம் குறித்து கட்சியின் சிரேஷ்ட அங்கத்தவர்கள் பகிரங்கமாக கேள்வி எழுப்பியுள்ளனர்.

காலம் சென்ற அமைச்சர் அஷ்ரப், தான் உருவாக்கிய முஸ்லிம் காங்கிரஸ் கட்சி தொடர்ந்தும் செயற்பட வேண்டுமென்பதற்காக கட்சியின் பெயரில் சில சொத்துக்களை விட்டுச் சென்றிருந்தார்.

அவருக்குப் பின் கட்சியின் தலைமைத்துவத்துக்கு வந்த அமைச்சர் ஹக்கீம் குறித்த சொத்துக்களை நிர்வகிக்கும் பொறுப்பில் தனக்கு நெருக்கமானவர்களை ஈடுபடுத்தியுள்ளதாக குற்றச்சாட்டொன்று எழுந்துள்ளது.

இந்நிலையில் முஸ்லிம் காங்கிரஸ் கட்சியின் சொத்துக்கள் விபரம், அவற்றினை நிர்வகிப்போர் குறித்த விபரங்களை வெளியிடுமாறு கோரி அக்கட்சியின் மூத்த போராளிகளினால் கட்சித் தலைமைக்கு கடிதம் ஒன்று அனுப்பப்பட்டுள்ளது.

குறைந்த பட்சம் கட்சித் தலைமையகமான தாருஸ் ஸலாம் கட்டிடத்தில் இயங்கும் அலுவலகங்கள் அளிக்கும் வாடகை, கட்சிக்கு உரித்தான காணித்துண்டுகளின் விற்பனை மூலம் கிடைத்த வருமானம் போன்றவற்றுக்கு என்ன நடந்தது என்பது குறித்தாவது நாட்டு மக்களுக்குத் தெளிவுபடுத்தப்பட வேண்டும் என்றும் அவர்கள் வேண்டுகோள் விடுத்துள்ளனர்.

இது தொடர்பில் ஓரிரு வாரங்களுக்குள் கட்சித் தலைவர் அமைச்சர் ஹக்கீம் பதிலளிக்காது போனால் அவருக்கு எதிரான நடவடிக்கைகளில் இறங்கப் போவதாகவும் குறித்த கடிதத்தில் சுட்டிக்காட்டப்பட்டுள்ளது.

ஸ்ரீலங்கா சுதந்திரக் கட்சியை நேசிக்கும் எவரும் மஹிந்த ராஜபக்சவின் பாத யாத்திரையில் இணைந்து கொள்ள மாட்டார்கள் என கட்சியின் பொதுச் செயலாளர் துமிந்த திஸாநாயக்க தெரிவித்துள்ளார்.

சிங்கள பத்திரிகை ஒன்று எழுப்பிய கேள்விக்கு பதிலளித்த போது அவர் இதனைத் தெரிவித்துள்ளார்.

அவர் மேலும் கூறுகையில்,

ஸ்ரீலங்கா சுதந்திரக்கட்சியை நேசிக்கும் எந்தவொரு உறுப்பினரும் மஹிந்த ராஜபக்சவின் பாத யாத்திரையில் இணைந்து கொள்ளக்கூடிய சாத்தியமில்லை.

எதிர்வரும் 28ம் திகதி கண்டியில் ஆரம்பமாகும் பாத யாத்திரைக்கு சுதந்திரக் கட்சியின் அனுமதியோ அல்லது ஆதரவோ கிடையாது.

ஸ்ரீலங்கா சுதந்திரக் கட்சியை நேசிக்கும் நாடாளுமன்ற உறுப்பினர்கள், மாகாணசபை உறுப்பினர்கள், மாநகர சபை, நகரசபை மற்றும் உள்ளுராட்சி மன்ற உறுப்பினர்கள், தொகுதி அமைப்பாளர்கள் மற்றும் கட்சியின் உறுப்பினர்கள் இந்த பாத யாத்திரையில் இணைந்து கொள்ள மாட்டார்கள்.

அரசாங்கத்திற்கு எதிராக பாத யாத்திரை மேற்கொள்ள வேண்டுமென ஸ்ரீலங்கா சுதந்திரக் கட்சியின் மத்திய செயற்குழுவோ அல்லது தீர்மானம் எடுக்கும் வேறும் எந்தவொரு கூட்டத்திலோ தீர்மானிக்கப்படவில்லை என அவர் தெரிவித்துள்ளார்.

பக்கம் 9 / 23
Top
We use cookies to improve our website. By continuing to use this website, you are giving consent to cookies being used. More details…