JoomlaLock.com All4Share.net

Background Video

இலங்கை

இலங்கை (318)

முன்னாள் பாராளுமன்ற உறுப்பினர் துமிந்த சில்வா மீதான 3 வழக்குகள் நவம்பர் மாதம் முதலாம் திகதிக்கு ஒத்திவைக்கப்பட்டுள்ளது.

கொழும்பு நீதவான் நீதிமன்றம் இந்த உத்தரவை பிறப்பித்துள்ளது.

தொடர்ந்து 3 வருடங்களாக தன்னுடைய கடன் மற்றும் சொத்து தொடர்பில் உரிய முறையில் இவர் தகவல்களை வெளிப்படுத்தவில்லை என்று கூறி இலஞ்சம் மற்றும் ஊழல் எதிர்ப்பு விசாரணை ஆணைக்குழுவானது இவர் மீது வழக்கு தொடர்ந்திருந்தமை குறிப்பிடத்தக்கது.

குறித்த விசாரணையை முன்னெடுக்கும் நீதவான் நீதிபதி அருனி ஆட்டிகல இன்று (26) விடுமுறை எடுத்துள்ளதால் இந்த வழக்கு மீதான விசாரணை நவம்பர் மாதம் முதலாம் திகதிக்கு ஒத்திவைக்கப்படுவதாக கொழும்பு பிரதான நீதவான் கிஹான் பிலப்பிட்டிய உத்தரவிட்டுள்ளமை குறிப்பிடத்தக்கது.

செவ்வாய்க்கிழமை, 26 ஜூலை 2016 00:00

தென் மாகாண சபையில் பதற்ற நிலை!

Written by

தென் மாகாண சபை எதிர்வரும் ஆகஸ்ட் 8 ஆம் திகதி வரை ஒத்தி வைக்கப்பட்டுள்ளது.

இந்த தீர்மானம் சற்று முன்னரே முன்னெடுக்கப்பட்டுள்ளது.

தென் மாகாண சபையில் இடம்பெற்ற பதற்ற நிலை காரணமாக இந்த தீர்மானம் முன்னெடுக்கப்பட்டுள்ளது.

ஐக்கிய மக்கள் சுதந்திர கூட்டமைப்பினால் முன்னெடுக்கப்பட்ட ஆர்ப்பாட்டம் காரணமாகவே இந்த பதற்ற நிலை ஏற்பட்டுள்ளது.

தென் மாகாண சபை உறுப்பினரான டி.வி உபுலை பதவி நீக்கம் செய்தமை தொடர்பிலேயே இந்த ஆர்பாட்டம் முன்னெடுக்கப்பட்டமை குறிப்பிடத்தக்கது.

ஆயுர்வேத வைத்தியர்களும், ஆயுர்வேத மருத்துவ பீட மாணவர்களும் ஒன்றிணைந்து மாபெரும் ஆர்ப்பாட்டம் ஒன்றை இன்று முன்னெடுத்துள்ளார்கள்.

குறித்த ஆர்ப்பாட்டம் இராஜகிரியவில் உள்ள ஆயுர்வேத வைத்தியசாலைக்கு முன்பாக ஆரம்பிக்கப்பட்டு, சுகாதார அமைச்சு வரை சென்று ஜனாதிபதி செயலகத்திற்கு செல்கின்றது.

ஆயுர்வேத வைத்திய பீடத்தில் 900 வெற்றிடங்கள் காணப்படுகின்றன. ஆனால் அதற்கான நியமனங்கள் வழங்கப்படவில்லை, குறித்த நியமனங்களை வழங்குவதாக ஜனாதிபதி உறுதியளித்திருந்தாலும் அதை நிறைவேற்றவில்லை என ஆர்ப்பாட்டத்தில் கலந்து கொண்டவர்கள் தெரிவிக்கின்றனர். 

மேலும், இந்த மாணவர்களுக்கு உரிய பயிற்சிகள் வழங்கப்படுவது இல்லை என்றும், அரசாங்கம் ஆயுர்வேத மருத்துவப் பீடத்தை மூடிவிடுவதற்கு தீர்மானித்துள்ளதாகவும் ஆர்ப்பாட்டக்காரர்கள் குற்றம் சுமத்துகின்றனர்.

இவர்கள் முன்னெடுத்துள்ள ஆர்ப்பாட்டத்தினால் தலைநகர் முற்றுமுழுதாக ஸ்தம்பிதம் அடைந்துள்ளதாகவும், போக்குவரத்து பெரிதும் பாதிக்கப்பட்டுள்ளதாகவும் எனது செய்தியாளர் தெரிவிக்கின்றார்.

பாடசாலையின் பாடவிதானங்களில் இலஞ்சம் மற்றும் ஊழல் தொடர்பான பாடநெறியினை அறிமுகப்படுத்துவதற்கு இலஞ்சம் மற்றும் ஊழல் ஒழிப்பு விசாரணை ஆணைக்குழு முன்வந்துள்ளது.

இது தொடர்பில் ஆசிரியர்களை பயிற்சிவிப்பதற்கான வேலைத்திட்டங்களை முன்னெடுப்பதற்கும் இந்த ஆணைக்குழு தீர்மானித்துள்ளதாக தெரிவிக்கப்பட்டுள்ளது.

மேலும் இதற்கான ஆரம்பக்கட்ட வேலைத்திட்டங்கள் தற்போது முன்னெடுக்கப்பட்டுள்ளதாகவும் ஆணைக்குழு குறிப்பிட்டுள்ளது.

குறித்த இலஞ்சம் மற்றும் ஊழல் தொடர்பான பாடநெறிகளை 6ஆம் ஆண்டு மாணவர்களுக்கு அறிமுகப்படுத்தப்படவுள்ளதாகவும் குறிப்பிடப்பட்டுள்ளது.

மேலும் இந்த திட்டத்திற்கு கல்வி அமைச்சின் அனுமதி கிடைத்துள்ளதாகவும் சுட்டிக்காட்டப்பட்டுள்ளது.

அடுத்த வருடம் முதல் இந்த பாடத்திட்டம் பாடசாலைகளில் உள்வாங்கப்படவுள்ளதாகவும், மேலும் பல நிபுணர்களையும் இதனுடன் சம்பந்தப்படுத்த எண்ணியுள்ளதாகவும் இலஞ்ச ஒழிப்பு ஆணைக்குழு குறிப்பிட்டுள்ளது.

செவ்வாய்க்கிழமை, 26 ஜூலை 2016 00:00

போராட்டங்களை நிறுத்தமாட்டோம்!!!!

Written by

மாலபே சய்டம் தனியார் பல்கலைக்கழகம் பொய்களால் கல்வியை விற்பதற்காக மட்டுமே ஆரம்பிக்கப்பட்டது. பதிவு செய்த பெயர் முதலாக அனைத்துமே பொய்கள் தான் எனும் குற்றச்சாட்டினை பல்கலைக்கழக மாணவர் சங்கத் தலைவர் லகிரு முன்வைத்துள்ளார்.

அனைத்து பல்கலைக்கழக மாணவ ஒன்றியம் இன்று ஏற்பாடு செய்திருந்த ஊடகவியலாளர் சந்திப்பிலேயே இவர் இதனைத் தெரிவித்திருந்தார்.

தொடர்ந்தும் அவர் கருத்து தெரிவிக்கையில்,

மாலபே சய்டம் தனியார் பல்கலைக்கழகம் அரச பல்கலைக்கழகமாக மாற்றப்படும் என அமைச்சர் லக்ஷ்மன் கிரியெல்லவும், பிரதமர் ரணிலும் தற்போது தெரிவித்துள்ளனர்.

எமக்கு அது தனியாருடையதா அல்லது அரசினுடையதா என்ற பிரச்சினையில்லை, அதன் கல்வி செயற்பாடுகள் காரணத்தினாலேயே போராட்டங்களையும் கருத்துகளையும் வெளியிட்டு வருகின்றோம்.

அரச மயமாக்கிவிட்டால் மட்டும் போதாது இதில் நடைபெறும் ஊழல்கள் நிறுத்தப்பட வேண்டும்.

அரசிற்கு நாம் எச்சரிக்கை விடுக்கின்றோம் எமது கோரிக்கைகள் நிறைவேற்றப்படும் வரை யார் சொன்னாலும் எமது போராட்டம் நிறுத்தப்பட மாட்டாது எனவும் லகிரு தெரிவித்தமை குறிப்பிடத்தக்கதாகும்.

செவ்வாய்க்கிழமை, 26 ஜூலை 2016 00:00

6.7 மில்லியனில் வீதி புனரமைப்பு பணிகள்!

Written by

வடக்கு மாகாண, அபிவிருத்தி நன்கொடை 2016 (PSDG ) கீழ் ஒதுக்கப்பட்ட நிதி ஒதுக்கீட்டில் இருந்து வடக்கின் ஐந்து மாவட்டங்களிலும் சிறப்பாக இயங்கிவரும் மாதர் கிராம அபிவிருத்தி சங்கங்கள் மற்றும் கிராம அபிவிருத்தி சங்கங்களுக்கான தளபாட தொகுதிகள் மற்றும் சமையல் பாத்திரத் தொகுதிகள் வழங்கும் திட்டம் அனைத்து மாவட்டங்களிலும் இடம்பெறவுள்ளது.

இந்த நிலையில், நேற்று வவுனியா மாவட்டத்தை சேர்ந்த சங்கங்களுக்கான பொருட்கள் மற்றும் தையல் இயந்திரங்கள் என்பன வழங்கும் நிகழ்வும் வவுனியாவில் உள்ள கிராம அபிவிருத்தி திணைக்கள பயிற்சி நிலையத்தில் இடம்பெற்றது.

குறித்த நிகழ்வில், வடக்கு மாகாண கிராம அபிவிருத்தி அமைச்சர் பா.டெனிஸ்வரன், உற்பட பலர் கலந்து கொண்டிருந்தனர்.

இதன்போது, கருத்து தெரிவித்த அமைச்சர்

அரசால் வழங்கப்பட்ட பல திட்டங்கள் இன்று கைவிடப்பட்டுள்ளதை அவதானிக்கும்போது மக்கள் அசமந்தமாக நடந்து கொண்டமையே காரணம் என்றும், எல்லா திட்டங்களும் சரியான முறையில் பயன்படுத்தப்படும்போது நமது மக்கள் வாழ்வாதாரத்தில் உயரமுடியும் என்றும் குறிப்பிட்டுள்ளார்.

இதேவேளை, வவுனியா பிரதேச செயலகத்துக்கு உட்பட்ட பாலமோட்டை மூன்று முறிப்பு வீதியின் வேலைத்திட்டங்களை நேற்று மாலை 5.30 மணியளவில் உத்தியோக பூர்வமாக அமைச்சர் பா.டெனிஸ்வரன் ஆரம்பித்துவைத்தார்.

வடக்கு வீதி அபிவிருத்தி அமைச்சின் கீழுள்ள வீதி அபிவிருத்தி திணைக்களத்தினூடாக சுமார் 6.7 மில்லியன் நிதியில் வீதி செப்பனிடும் பணிகள், தாரிடுதல் மற்றும் 04 மதகுகள் அமைத்தல் போன்ற திட்டங்களுக்கு ஒதுக்கப்பட்டுள்ளமை குறிப்பிடத்தக்கது.

பிரித்தானியாவில் No 10, Downing Street, London SW1A 2AA எனும் இடத்தில் 24.07.2016 மதியம் 12:00 மணி முதல் மாலை 04:00 வரை நாடு கடந்த தமிழீழ அரசாங்கத்தினால் மாபெரும் கவனயீர்ப்புப் போராட்டம் ஒன்று முன்னெடுக்கப்பட்டது.

எமக்காக போராடியவர்கள் அண்மைக்காலமாக புனர்வாழ்வளிக்கப்பட்டு விடுதலை செய்யப்பட்டவர்கள் மரணத்தை தழுவி வருகின்றனர்.

மேலும் கைது செய்யப்பட்டு விடுதலை செய்யப்பட்ட போராளிகள் இடுப்புக்கு கீழே இயங்க முடியாத நிலையிலும் உள்ளனர். இது பலத்த சந்தேகங்களை ஏற்படுத்தியுள்ளது.

“2009 ம் ஆண்டு இராணுவத்திடம் சரணடைந்து புனர்வாழ்வளிக்கப்பட்டு விடுதலை செய்யப்பட்ட 104 போராளிகளது சந்தேகத்திற்கு இடமான மரணங்கள் குறித்து நம்பகத்தன்மையுடன் சர்வதேச விசாரணை மேற்கொள்ளப்பட வேண்டும்.”

“முன்னாள் போராளிகளாய் இருந்து புனர்வாழ்வளிக்கப்பட்டவர்களின் உடல் நிலை பரிசோதனைக்கு உட்படுத்தப்பட வேண்டும்.”

ஆகிய அம்சக்கோரிக்கைகளை முன் வைத்து நாடு கடந்த தமிழீழ அரசாங்கத்தினால் கவனயீர்ப்பு போராட்டம் நடைபெற்றது.

இதன்போது நூற்றுக்குமதிகமானோர் கலந்து கொண்டு எங்கள் உறவுகளின் கோரிக்கைக்கு வலுச்சேர்த்தனர்.

கேகாலை-தம்புள்ள ஊடாக பொலன்னறுவைக்கு அதிவேகப் பாதை அமைக்கப்படவுள்ளதாக பிரதமர் ரணில் விக்கிரமசிங்க தெரிவித்துள்ளார்.

அத்துடன் மத்தல விமானநிலையம் மூலம் வருடத்திற்கு மில்லியன் கணக்கான பயணிகளின் வருகையை அதிகரிக்கவுள்ளதாகவும் அவர் தெரிவித்துள்ளார்.

வத்தளையில் இன்று இடம்பெற்ற நிகழ்வு ஒன்றில் கலந்துக்கொண்ட பேதே அவர் இதனைத் குறிப்பிட்டுள்ளார்.

மேலும் கண்டி,கொழும்பு,அம்பாந்தோட்டை நகரங்களை மையப்படுத்தி அபிவிருத்தி வலயம் ஒன்றும் உருவாக்கப்படவுள்ளதாகவும் பிரமதர் குறிப்பிட்டுள்ளார்.

அத்துடன் மேல்மாகாணம் ழுமுவதும் பெரிய நகரங்களாக அபிவிருத்தி செய்யவுள்ளதோடு, ஹம்பாந்தோட்டை பிரதேசத்தையும் சீனாவின் உதவியுடன் பல்வேறு அபிவிருத்தி திட்டங்களை முன்னெடுக்கவுள்ளதாகவும் பிரதமர் தெரிவித்துள்ளார்.

இதேவேளை, அம்பாந்தோட்டை துறைமுகத்தில் 10 இலட்ச பயணிகளை வரவழைப்பதற்கான நடவடிக்கைகளும் முன்னெடுக்கப்படவுள்ளதாகவும், மயில்களின் வசிப்பிடமாகவுள்ள மத்தள விமான நிலையத்தில் மக்களின் நடமாட்டத்தை அதிகரிக்கும் வேலைத்திட்டங்கள் ஆரம்பிக்கப்படவுள்ளதாகவும் பிரதமர் தெரிவித்துள்ளமை குறிப்பிடத்தக்கது.

செவ்வாய்க்கிழமை, 26 ஜூலை 2016 00:00

கொழும்பில் வரிசையாக நிற்கும் வாகனங்கள்!!!

Written by

கொழும்பு - பொரளை பிரதான வீதியில் நூற்றுக் கணக்கில் வாகனங்கள் வரிசையாக நிற்பதாகவும், ஒரு வாகனம் கூட அசைய முடியாத அளவிற்கு இறுகிப் போயுள்ளதாகவும் அறியமுடிகின்றது.

குறித்த பிரதான வீதியில் வாகனங்களின் நெருக்கம் காணப்படுவதால், கிளை வீதிகளில் ஒரு வாகனங்களைக் கூட காணக்கிடைப்பதற்கு அரிதாக உள்ளது.

முக்கியமாக மருதானை சுற்றுவட்டம், மற்றும் மருதானையிலிருந்து புறக்கோட்டை செல்லும் வீதி, இதனிடையே காணப்படும் கிளை வீதிகளில் வாகனங்கள் எதுவும் வீதியில் இல்லை என எமது செய்தியாளர் தெரிவிக்கின்றார்.

இன்று வாரத்தின் இரண்டாம் நாள். மிகவும் பரபரப்பான நாள். ஆனால் பார்ப்பதற்கு இன்று ஞாயிற்றுக் கிழமையோ? என நினைக்கத்தோன்றும் அளவிற்கு வெறிச்சோடிப் போயுள்ளது கொழும்பு.

ஆயுர்வேத மருத்துவர்களின் போராட்டம் முக்கியமான பிரதான வீதிகளினூடாக சென்றதால் குறித்த போக்குவரத்து நெரிசல் காணப்படுவதாகவும், இதனால் என்றுமில்லாத அளவிற்கு இன்று பாரிய வாகன நெரிசலும், மக்கள் பெரும் சிரமங்களுக்கு முகம் கொடுத்துள்ளதாகவும் எமது செய்தியாளர் மேலும் தெரிவித்தார்.

இலங்கை பங்கு மற்றும் பரிவர்த்தனை ஆணைக்குழுவின் முன்னாள் தலைவர் நாலக கொடஹேவாவின் வழக்கு ஒக்டோபர் மாதம் 19ஆம் திகதி விசாரணைக்கு எடுத்துக்கொள்ளப்படும் என கொழும்பு உயர்நீதிமன்றம் தெரிவித்துள்ளது.

குறித்த வழக்கில் இதற்கு முன்னர் கைதுசெய்யப்பட்டிருந்த நாளக ஜனவரி மாதம் 21ஆம் திகதி பிணையில் விடுவிக்கப்பட்டமை சுட்டிக்காட்டத்தக்கது.

பங்கு மற்றும் பரிவர்த்தனை ஆணைக்குழுவில் இடம்பெற்றதாகக் கூறப்படும் 50 மில்லியன் நிதி மோசடி தொடர்பில் இவர் மீது வழக்கு தொடரப்பட்டிருந்தமை குறிப்பிடத்தக்கது.

குறித்த வழக்கு இன்று விசாரணைக்கு எடுத்துக்கொள்ளப்பட்ட சந்தர்ப்பத்தில் சட்டத்தரணி ஆஜராகாமையினால் குறித்த வழக்கு மீதான விசாரணை ஒத்திவைக்கப்பட்டுள்ளதாக தெரிவிக்கப்பட்டுள்ளது.

பக்கம் 9 / 23
Top
We use cookies to improve our website. By continuing to use this website, you are giving consent to cookies being used. More details…