JoomlaLock.com All4Share.net

Background Video

இலங்கை

இலங்கை (318)

இலங்கை நாடாளுமன்றத்தில் மஹிந்த ராஜபக்ஷ அரசுக்கு எதிராகக் கொண்டுவரப்படும் நம்பிக்கையில்லாத் தீர்மானத்தை ஆதரிக்கப்போவதாக தமிழ் தேசிய கூட்டமைப்பு அறிவித்துள்ளது. இந்தத் தருணத்தில் நடுநிலை வகிப்பதென்பது அராஜகம் வெற்றிபெற வழிசெய்யும் என்றும் கூட்டமைப்பு தெரிவித்துள்ளது.

இந்த விவகாரம் தொடர்பாக கூட்டமைப்பு வெளியிட்டுள்ள அறிக்கையில், பிரதமரை பதவிநீக்கம் செய்யும் அதிகாரம் ஜனாதிபதியிடம் இல்லையெனவும், இந்த அதிகாரம் 19வது திருத்தத்தின் மூலம் நீக்கப்பட்டுவிட்டதாகவும் ஆகவே பிரதமரை நீக்குவதாக வெளிட்ட வர்தமானி அறிவிப்பு அரசியலமைப்புக்கு முரணானது என்றும் கூறப்பட்டுள்ளது.

மேலும், நாடாளுமன்றத்தில் பெரும்பான்மை இல்லாத ஒருவரை பிரதமராக அறிவித்துவிட்டு, பெரும்பான்மையை அவர் நிரூபிப்பதற்கு வேண்டிய தேவையை தாமதிக்கவே கால அவகாசம் வழங்கப்பட்டிருப்பதாகவும் கூட்டமைப்பு குற்றம்சாட்டியுள்ளது.

இந்த காலநீட்டிப்பைப் பயன்படுத்தி, மந்திரி பதவிகளையும் பணத்தையும் லஞ்சமமாகக் கொடுத்து தனது பக்கத்திற்கு நாடாளுமன்ற உறுப்பினர்களை இழுத்தெடுப்பது ஜனநாயக விரோத நடவடிக்கையென்றும் தங்களுடைய நாடாளுமன்ற உறுப்பினர் எஸ். வியாழேந்திரன் இந்த சதிக்கு பலியானது கடுமையான கண்டனத்திற்கு உரியதென்றும் அவர் மீது நடவடிக்கை எடுக்கப்போவதாகவும் கூட்டமைப்பு தெரிவித்துள்ளது.

 

உங்கள் நியமனம் அரசியலமைப்பிற்கு முரணானது என மஹிந்தவிடம் தமிழ் தேசியக் கூட்டமைப்பின் தலைவர் சம்பந்தன் ஏற்கனவே நேரில் சந்தித்து கூறியிருந்தார்

மஹிந்த ராஜபக்ஷ அரசாங்கத்திற்கு எதிராக நாடாளுமன்றத்தில் கொண்டுவரப்படும் நம்பிக்கையில்லாத் தீர்மானத்திற்கு ஆதரவாக தமிழ் தேசிய கூட்டமைப்பு வாக்களிக்கும் என்றும் இந்தத் தருணத்தில் நடுநிலை வகிப்பது அராஜகம் வெற்றியீட்டக்கூடிய ஜனநாயக விரோத செயல் என்றும் கூட்டமைப்பின் அறிக்கை தெரிவிக்கிறது.

இலங்கையில் தற்போது எழுந்துள்ள சூழல் குறித்து முடிவெடுக்க கூட்டமைப்பில் இடம்பெற்றுள்ள கட்சித் தலைவர்களின் ஒருங்கிணைப்புக் குழு கூட்டம் வெள்ளிக்கிழமையன்று மாலையில் நடைபெற்றது. அந்தக் கூட்டத்தில் இந்த முடிவு எடுக்கப்பட்டதாக கூட்டமைப்பு தெரிவித்துள்ளது.

இலங்கையில் பிரதமராக பொறுப்பேற்றுள்ள மஹிந்த ராஜபக்சேவிற்கு எதிராக ஐக்கிய தேசிய கட்சியினர் போராட்டத்தில் ஈடுபட்டனர். லிபர்ட்டி ரவுன்டபவட் அருகில் நடைபெற்ற போராட்டத்தில் பல்லாயிரக்கணக்கானோர் பங்கேற்றனர். இதனால் அந்தப் பகுதியில் போக்குவரத்து ஸ்தம்பித்தது.

கடந்த வெள்ளிக்கிழமை அன்று திடீரென ரணில் விக்ரமசிங்கே பிரதமர் பொறுப்பிலிருந்து நீக்கப்பட்டு முன்னாள் அதிபர் ராஜபக்சே பிரதமராக அறிவிக்கப்பட்டார். இதனை தொடர்ந்து நேற்றைய தினம் ராஜபக்சே பிரதமருக்கான பொறுப்புகளை ஏற்றுக் கொண்டார். நாடாளுமன்றத்தில் பெரும்பான்மை இல்லாத போதும் சிறிசேனா ராஜபக்சேவை பிரதமராக அறிவித்துள்ளதற்கு கடும் கண்டனங்கள் எழுந்தன.

ரணில் விக்ரமசிங்கேவின் ஐக்கிய தேசிய கட்சிக்கு பெரும்பான்மை இருக்கும் நிலையில் அவரை பதவி நீக்கம் செய்தது செல்லாது என்று அந்தக் கட்சியினர் தெரிவித்து வருகின்றனர். நாடாளுமன்றத்தில் பெரும்பான்மையை நிரூபிக்க தாங்கள் தயாராக இருப்பதாகவும் அவர்கள் கூறி வருகின்றனர். இந்நிலையில் ஐக்கிய தேசியக் கட்சியினர் ராஜபக்சேவை பிரதமராக நியமித்ததற்கு கண்டனம் தெரிவிக்கும் விதமாக கொழும்புவில் போராட்டத்தில் ஈடுபட்டனர். கொள்ளுப்பிட்டியில் உள்ள லிபர்டி ரவுண்டபவட் அருகே ரணில் விக்கிரமசிங்கவுக்கு ஆதரவாக ஐக்கிய தேசியக் கட்சியினர் போராட்டம் நடத்தினர்.

மிகப் பிரம்மாண்டமான அளவில் நடைபெற்ற இந்த போராட்டத்தில் பல்லாயிரக்கணக்கானோர் பங்கேற்றனர். இதனால் அந்த பகுதியில் போக்குவரத்து பாதிப்பு ஏற்பட்டது. எந்த நிலையிலும் தங்களின் ஆதரவு ரணில் விக்ரமசிங்கவிற்கு என்று போராட்டத்தில் ஈடுபட்டவர்கள் உறுதிமொழி எடுத்துக்கொண்டனர்.

இலங்கை பிரதமராக ரணில் விக்கிரமசிங்கே நீடிப்பதாக, அந்நாட்டு பார்லிமென்ட் சபாநாயகர் கரு ஜெயசூர்யா கூறியுள்ளார்.

இது தொடர்பாக அவர், அதிபர் சிறிசேனாவுக்கு எழுதிய கடிதத்தில் கூறப்பட்டுள்ளதாவது: இலங்கை பிரதமராக ரணில் விக்கிரமசிங்கே நீடிக்கிறார். ஜனநாயகத்தை காக்கவும்,நல்ல நிர்வாகத்திற்காகவும் அரசின் தலைவர் என்ற உத்தரவை பெற்றுள்ளார்.

இதனால், ரணிலின் அதிகாரத்தை மீண்டும் ஒப்படைக்க வேண்டும். பார்லிமென்ட் முடக்கம் குறித்து சபாநாயகருடன் ஆலோசனை நடத்தியிருக்க வேண்டும். பார்லிமென்டை நவ.16 வரை முடக்கி வைத்தது, நாட்டில் தீவிரமான மற்றும் தொடர்ச்சியான விளைவுகளை ஏற்படுத்தும். பார்லிமென்ட் அடுத்த பிரதமரை தேர்வு செய்யும் வரை ரணில் விக்கிரமசிங்கே பிரதமராக நீடிப்பார். இவ்வாறு அவர் கூறினார். 

இதனிடையே, கொழும்புவில், பெட்ரோலியத்துறை அமைச்சகத்தில் உள்ள கோப்புகளை எடுத்து செல்ல அதிபர் சிறிசேனவின் ஆதரவாளர்கள் வந்தனர். அப்போது, பெட்ரோலியத்துறை அமைச்சர் அர்ஜூன ரணதுங்கவின் ஆதரவாளர்கள் நடத்திய துப்பாக்கிச்சூட்டில் 2 பேர் காயமடைந்து மருத்துவமனையில் சிகிச்சை பெற்று வருகின்றனர்.

 

 
 

தனது பெரும்பான்மையை நிரூபிக்க பார்லி.,யை கூட்ட வேண்டும் என பதவி நீக்கப்பட்ட ரணில் விக்கிரமசிங்கே கோரியிருந்த நிலையில் பார்லி.,யை தற்காலிகமாக முடக்கி வைப்பதாக அதிபர் சிறிசேனா இன்று அறிவித்துள்ளார். முன்னதாக ரணிலுக்கு சபாநாயகர் ஆதரவான முடிவை அறிவித்திருந்தார். 

இலங்கை பிரதமர் பொறுப்பில் இருந்து ரணில் நீக்கப்பட்டதற்கு அவர் தேச விரோத செயல்களில் ஈடுபட்டார் என அந்நாட்டு அதிபர் சிறிசேனா அலுவலகம் குற்றம்சாட்டியுள்ளது.

ஐக்கிய தேசிய கட்சியை சேர்ந்த ரணில் விக்கிரமசிங்கே நேற்று இரவு அதிரடியாக பதவி நீக்கம் செய்யப்பட்டார். இந்திய உளவு அமைப்பான, 'ரா', சிறிசேனாவை கொலை செய்ய முயற்சித்ததாக, சமீபத்தில் ஒரு குற்றச்சாட்டு எழுந்தது. இந்த விவகாரம் தான் அவரை நீக்க காரணம் என கூறப்பட்டது. தற்போது சில உண்மை காரணங்கள் வெளியாகி இருக்கின்றன.

ரணில் நாட்டின் சொத்துக்களை வெளிநாட்டினருக்கு விற்பனை செய்தல், நாட்டின் பொருளாதாரத்தை சீர்குலைய செய்தல், நாட்டின் பாதுகாப்புக்கு குந்தகம் ஏற்படுத்துதல் ஆகிய காரணங்களினால் பிரதமர் பொறுப்பில் இருந்து நீக்கப்படுவதாக அறிவிக்கப்படுகிறது. இவ்வாறு அதில் கூறப்பட்டுள்ளது.

அண்டை நாடான இலங்கையில் நிகழ்ந்த அதிரடி அரசியல் மாற்றங்களை தொடர்ந்து, அந்த நாட்டின் புதிய பிரதமராக, முன்னாள் அதிபர், மகிந்த ராஜபக்சே, 72, நேற்று பதவி ஏற்றார்.

இலங்கையில், 2015ல் நடந்த அதிபர் தேர்தலில், முன்னாள் அதிபர் ராஜபக்சே தோல்வி அடைந்தார். ரணில் விக்கிரமசிங்கே தலைமையிலான, யு.என்.பி., எனப்படும் ஐக்கிய தேசிய கட்சி அளித்த ஆதரவுடன், யு.பி.எப்.ஏ., எனப்படும் ஐக்கிய மக்கள் சுதந்திர கூட்டணியின், மைத்ரிபால சிறிசேனா, அதிபராக பதவி ஏற்றார். பிரதமராக, ரணில் விக்ரமசிங்கே பதவியேற்றார்.

கடந்த சில மாதங்களாக, ரணிலுடன், அதிபர் சிறிசேனாவுக்கு கருத்து வேறுபாடு அதிகரித்தது. இந்திய உளவு அமைப்பான, 'ரா' சிறிசேனாவை கொலை செய்ய முயற்சித்ததாக, சமீபத்தில் பரபரப்பு குற்றச்சாட்டு எழுந்தது.இந்த விவகாரத்தை, ரணில் விக்கிரமசிங்கேவும், அவரது கட்சியினரும், சரியாக கையாளவில்லை என்ற அதிருப்தி, சிறிசேனாவுக்கு இருந்தது. 
இந்நிலையில், யு.என்.பி.,யுடனான கூட்டணியை முறித்து கொள்வதாக, யு.பி.எப்.ஏ., நேற்று இரவு, அறிவித்தது. இதனால், ரணில் விக்கிரமசிங்கே, பிரதமர் பதவியை இழந்தார்.அதிரடி திருப்பமாக, இலங்கை பிரதமராக, மகிந்த ராஜபக்சேவுக்கு, அதிபர் சிறிசேனா, நேற்று இரவு பதவி பிரமாணம் செய்து வைத்தார். இந்த காட்சிகள் அடங்கிய வீடியோ, 'டிவி' சேனல்களுக்கும், ஊடகங்களுக்கும் அளிக்கப்பட்டன.

யு.பி.எப்.ஏ.,வின் முடிவு, பார்லிமென்டிற்கு தெரிவிக்கப்பட்டுள்ளதாக, அதன் பொது செயலரும், விவசாயத் துறை அமைச்சருமான, மகிந்த அமரவீரா, நிருபர்களிடம் தெரிவித்தார்.இதுகுறித்து அரசியல் விமர்சகர்கள் கூறியதாவது:சிறிசேனாவின் கட்சியும், ராஜபக்சேயின் இலங்கை சுதந்திர முன்னணி கட்சியும், கூட்டணி வைத்தாலும், அவர்களுக்கு பெரும்பான்மை இல்லை. 95 இடங்களே, இந்த கட்சிகளுக்கு உள்ளன. 

ஆனால், ரணில் விக்கிரமசிங்கேவின் கட்சிக்கு, 106 இடங்கள் உள்ளன. அவரது கட்சி பெரும்பான்மை பெறுவதற்கு, இன்னும் ஏழு இடங்கள் மட்டுமே தேவை.இந்நிலையில், ரணில் விக்கிரமசிங்கேவை பிரதமர் பதவியில் இருந்து நீக்கிவிட்டு, ராஜபக்சேவை பிரதமராக்கியது, அரசியல் சாசன குழப்பத்தை ஏற்படுத்தும். பிப்ரவரியில் நடந்த உள்ளாட்சி தேர்தலில், ராஜபக்சே கட்சி வெற்றி பெற்றதிலிருந்தே, இலங்கை அரசியலில் மாற்றங்கள் நிகழத் துவங்கி விட்டன. இவ்வாறு அவர்கள் கூறினர்.

 

 

இலங்கையில், நஷ்டத்தில் செயல்படும் விமானநிலையம் ஒன்றை, ஏற்று நடத்த இந்தியா முடிவு செய்துள்ளது.  இலங்கை தலைநகர் கொழும்புவிலிருந்து 241 கி.மீ., ஹம்பந்தோட்டா நகரில் உள்ளது மட்டல ராஜபக்சா சர்வதேச விமானநிலையம்.

கடந்த 2013ல், சீனா வழங்கிய கடன் மூலம் கட்டப்பட்ட இந்த விமான நிலையம், போதிய விமானங்கள் இயக்கப்படாததால், உலகிலேயே 'காலியான விமான நிலையம்' என அழைக்கப்படுகிறது. கூட்டு ஒப்பந்தம் இந்நிலையில், இந்த விமான நிலையத்தை குத்தகைக்கு எடுத்து நடத்த இந்தியா முடிவு செய்துள்ளதாக இலங்கை விமான போக்குவரத்து அமைச்சர் நிமல் சிறிபாலா டி சில்வா, பார்லிமென்டில் கூறியுள்ளார்.

மேலும் அவர், இறந்து கொண்டிருக்கும் இந்த விமானநிலையத்தை மறு ஆய்வு செய்ய வேண்டியுள்ளது. இந்தியா இலங்கை கூட்டு ஒப்பந்தம் அடிப்படையில், இந்த விமான நிலையத்தை இந்தியா எடுத்து நடத்தும். இது தொடர்பாக சர்வதேச அளவில் வெளியிடப்பட்ட ஒப்பந்தத்திற்கு இந்தியா மட்டுமே பதிலளித்தது என்றார். சீனாவுக்கு பதில்: ஹம்பந்ததோட்டா துறைமுகத்தை சீனா குத்தகைக்கு எடுத்து மேம்படுத்தி வருகிறது.

இலங்கை பிரதமர் ரனில் விக்ரமசிங்கேவுக்கு எதிராக இன்று கொண்டு வரப்பட்ட நம்பிக்கையில்லா தீர்மானம் தோல்வியில் முடிந்தது.

இலங்கையில் நடந்த உள்ளாட்சி தேர்தலில் ரனில் விக்ரம சிங்கேயின் ஐக்கிய தேசிய கட்சி தோல்வி கண்டது. அவர் பதவி விலகுமாறு அதிபர் சிறிசேனா கோரியும் அவர் மறுத்து விட்டார். ஆனாலும், புத்த மதத்தினருக்கும், இஸ்லாமியர்களுக்கும் ஏற்பட்ட மோதலைத் தொடர்ந்து ரனிலிடம் இருந்து சட்டம்- ஒழுங்கு மந்திரி பதவியை அதிபர் சிறிசேனா பறித்தார்.

இப்போது ரனில் மீது ராஜபக்சே கட்சி (இலங்கை மக்கள் முன்னணி), அந்த நாட்டின் நாடாளுமன்றத்தில் நம்பிக்கை இல்லா தீர்மானம் கொண்டு வந்தது. இந்த தீர்மானத்தை சபாநாயகர் கரு ஜெயசூரியாவிடம் அந்தக் கட்சி அளித்துவிட்டது. அதில் அவர் மீது நிதி மோசடி செய்ததாகவும், இனக்கலவரத்தை அடக்கத் தவறி விட்டதாகவும் குற்றம்சாட்டப்பட்டு உள்ளது.

இந்நிலையில், இந்த தீர்மானம் இன்று விவாதத்துக்கு எடுத்துக் கொள்ளப்பட்டது. ரனில் விக்ரமசிங்கேவுக்கு ஆதரவாக மொத்தமுள்ள 225 உறுப்பினர்களில் சுமார் 122 பேர் வாக்களித்தனர். இதையடுத்து, இலங்கை பிரதமர் ரனில் விக்ரம்சிங்கேவுக்கு எதிராக கொண்டு வரப்பட்ட நம்பிக்கையில்லா தீர்மானம் தோல்வியில் முடிந்தது என அதிகாரிகள் தெரிவித்துள்ளனர்

செவ்வாய்க்கிழமை, 27 மார்ச் 2018 00:00

புலிகளின் கப்பல் இலங்கையில் அழிப்பு

Written by

அண்டை நாடான இலங்கையில், விடுதலைப் புலிகள் பயன்படுத்திய கப்பலை, அந்நாட்டு கடற்படையினர் நேற்று கடலில் மூழ்கடித்து அழித்தனர்.

இதுகுறித்து இலங்கை கடற்படை வெளியிட்ட அறிக்கையில் கூறியிருப்பதாவது:இலங்கையின் முன்னாள் அதிபர்களான, ஜெயவர்த்தனே, பிரேமதாசா, சந்திரிகா குமாரதுங்கா மற்றும் ராஜபக்சே ஆகியோர், குண்டு துளைக்காத வாகனங்களை பயன்படுத்தினர்.இந்நிலையில், இந்த வாகனங்களில் இருந்த, தகவல் தொடர்பு சாதனங்களை அகற்றிய பின், ஆழ்கடலில் மூழ்கடிக்கப்பட்டு, அந்த வாகனங்களை, கடற்படையினர் அழித்தனர்.

அதேபோல், 30 ஆண்டுகள் நடந்த, உள்நாட்டு போரின்போது, இந்தோனேஷியாவில் இருந்து ஆயுதங்களை எடுத்து வருவதற்கு, விடுதலைப் புலிகள் பயன்படுத்திய கப்பலும், கடற்படையினரால் அழிக்கப்பட்டது.

குண்டு துளைக்காத கார்கள் மற்றும் கப்பலை பொது ஏலத்தில் விற்பனை செய்யும்போது, தவறான நபர்களிடம் செல்வதைத் தடுப்பதற்காக, அவை கடலில் மூழ்கடிக்கப்பட்டு, அழிக்கப்பட்டன.இவ்வாறு அதில் கூறப்பட்டுள்ளது.

இலங்கை பிரதமர் ரனில் விக்ரமசிங்கேவிற்கு எதிராக அந்நாட்டு எதிர்க்கட்சிகள் கொண்டு வர திட்டமிட்டுள்ள   நம்பிக்கையில்லா தீர்மானத்துக்கு இலங்கை முன்னாள் அதிபர் ராஜபக்சே ஆதரவு தெரிவித்துள்ளார். 
 
இலங்கையில் அண்மையில் ஏற்பட்ட கண்டி கலவரத்துக்கு பிறகு, சட்டம் ஒழுங்கு துறை பொறுப்பு ரனில் விக்ரமசிங்கேவிடம் இருந்து  பறிக்கப்பட்ட நிலையில், அவருக்கு எதிராக நம்பிக்கையில்லா தீர்மானமும் எதிர்க்கட்சிகள் கொண்டு வர உள்ளது மிகவும் முக்கியத்துவம் வாய்ந்ததாக பார்க்கப்படுகிறது. 
 
இது தொடர்பாக எதிர்க்கட்சி அணியை சேர்ந்த எம்.பி., ரஞ்சித் சோய்சா கூறுகையில், ‘‘நாடாளுமன்றம் அடுத்த வாரம் கூடுகிறபோது, பிரதமர் ரனில் விக்ரம சிங்கே மீதான நம்பிக்கை இல்லா தீர்மானம், சபாநாயகரிடம் வழங்கப்படும்’’ என கூறினார். ஏற்கனவே நேற்று ராஜபக்சே நிருபர்களிடம் பேசுகையில், ‘‘இலங்கை அரசை அகற்றும் நிலையை நெருங்கி வருகிறோம். அவர் (ரனில் விக்ரம சிங்கே) சீக்கிரம் வெளியேறித்தான் ஆக வேண்டும்’’ என்று கூறியது நினைவுகூரத்தக்கது.
 
ரனில் விக்ரம சிங்கே மீது 3 குற்றச்சாட்டுகளை கூறி, நம்பிக்கை இல்லா தீர்மானம் கொண்டு வர எதிர்க்கட்சிகள் திட்டமிட்டு உள்ளன. இந்த நம்பிக்கை இல்லா தீர்மானத்தில் ரனில் விக்ரம சிங்கேயின் ஐக்கிய தேசிய கட்சி உறுப்பினர்கள் சிலரும் கையெழுத்து போடுவார்கள் என எதிர்க்கட்சிகளின் வட்டாரம் கூறுகிறது.
இலங்கையில் கண்டி - திகன மற்றும் தெல்தெனிய பகுதியில் நேற்றைய தினம்  வன்முறை வெடித்ததைத் தொடர்ந்து அங்கு  ஊரடங்கு சட்டம் அமல்படுத்தப்பட்டிருந்தது. இந்த நிலையிலேயே தற்போது நாடு முழுவதும் அவசர நிலை  அமல்படுத்தப்பட்டுள்ளதாக அமைச்சர் எஸ்.பி திஷ்ஷ நாயக்க தெரிவித்துள்ளார்.
 
நாட்டில் 10 நாட்களுக்கு அவசர கால சட்டம் அமல்படுத்தப்பட்டுள்ளது. இலங்கை அதிபர் சந்திப்பின் போது இந்த தீர்மானம் எடுக்கப்பட்டுள்ளதாக அமைச்சர் எஸ்.பி திஷ்ஷநாயக்க  ஊடகங்களுக்கு தெரிவித்துள்ளார்.
பக்கம் 2 / 23
Top
We use cookies to improve our website. By continuing to use this website, you are giving consent to cookies being used. More details…