JoomlaLock.com All4Share.net

Background Video

இலங்கை

இலங்கை (318)

தமிழர் இனப் பிரச்னைக்கு கூட்டாட்சி அடிப்படையில் தீர்வு காணப்பட வேண்டும் என்று வடக்கு மாகாண முதல்வர் விக்னேஷ்வரன் விடுத்த கோரிக்கையை இலங்கை பிரதமர் ரணில் விக்ரமசிங்கே நிராகரித்து விட்டார்.

இதுதொடர்பாக யாழ்ப்பாணத்தில் கடந்த 2 வாரங்களுக்கு முன்பு நடைபெற்ற ஆர்ப்பாட்டத்தின்போது விக்னேஷ்வரன் பேசியபோது, சிறுபான்மையினரான தமிழர்களின் அரசியல் விருப்பங்களுக்கு கூட்டாட்சி அடிப்படையில் தீர்வு காணப்பட வேண்டும் என்று குறிப்பிட்டிருந்தார்.

இதுகுறித்து இலங்கை நாடாளுமன்றத்தில் அந்நாட்டு எதிர்க்கட்சிகள் வெள்ளிக்கிழமை கேள்வி எழுப்பின. பிரதமர் ரணில் விக்ரமசிங்கே, விக்னேஷ்வரனின் கோரிக்கை குறித்து பதிலளிக்க வேண்டும் என்று அக்கட்சிகள் வலியுறுத்தின.

இதையடுத்து ரணில் விக்ரமசிங்கே பதிலளித்துப் பேசுகையில், "விக்னேஷ்வரனின் கோரிக்கை பொருத்தமற்றது. ஒவ்வொருவருக்கும் தங்களது கருத்தை தெரிவிப்பதற்கு சுதந்திரம் உள்ளது. ஆனால், சட்டமியற்றுவது என்பது நாடாளுமன்றத்தின் பணியாகும்' என்றார்.

முன்னதாக, யாழ்ப்பாணத்தில் நடைபெற்ற ஆர்ப்பாட்டம் ஒன்றில் விக்னேஷ்வரன் பேசியபோது, கூட்டாட்சி அடிப்படையில் தமிழர் பிரச்னைக்குத் தீர்வு காண்பதற்கு சிங்களர்கள் அச்சப்படுவதாகவும், கூட்டாட்சி அடிப்படையில் தீர்வு என்பது இனவாத அடிப்படையில் இலங்கையிலுள்ள மாகாணங்களை பிளவுபடுத்தும் நடவடிக்கை அல்ல என்றும் குறிப்பிட்டிருந்தார்.

இலங்கை மத்துகம பகுதியில் 12 முதல் 15 வயதுக்குட்பட்ட சிறுவர்கள் கிரிக்கெட் விளையாடிக் கொண்டிருந்தனர். பந்தாக வீசியதில் 14 வயது பேட்டிங் செய்த 14 வயது சிறுவருக்கும் 15 வயது பந்துவீச்சாளருக்கும் இடையில் தகராறு ஏற்பட்டுள்ளது.

அப்போது அந்த பேட்டிங் செய்த சிறுவர் 15 வயது பந்துவீச்சாளரை மட்டையால் தாக்கியதாக கூறப்படுகிறது. இதில் அவருக்கு தலை மற்றும் கழுத்து பகுதியில் பலத்த காயம் ஏற்பட்டது. உடனடியாக அவர் அருகில் இருந்த மருத்துவமனைக்கு கொண்டு செல்லப்பட்டார்.

ஆனால் சிகிச்சை பலனளிக்காமல் அவர் இறந்துவிட்டார். உயிரிழந்த சிறுவனுக்கு ஏற்கனவே உடல்நிலை சரியில்லாமல் இருந்ததாக கூறப்படுகிறது. இந்த சம்பவம் தொடர்பாக 14 வயது சிறுவனை கைது செய்துள்ள போலீசார், வழக்கு பதிவு செய்து விசாரணை நடத்தி வருகின்றனர்.

ஞாயிற்றுக்கிழமை, 25 செப்டம்பர் 2016 00:00

உலகையே திரும்ப வைத்த எழுக தமிழ் பேரணி !

Written by

தமிழர் பகுதிகளில் சிங்கள, புத்த மயமாக்கல் நடவடிக்கைகளைக் கண்டித்தும், பல்வேறு கோரிக்கைகளை வலியுறுத்தியும், யாழ்ப்பாணத்தில் இலங்கை தமிழர்கள் ஆர்ப்பாட்டத்தில் ஈடுபட்டனர்.
போராட்டத்தின் ஒரு பகுதியாக, ‘எழுக தமிழ்’ என்ற பெயரில், யாழ்ப்பாணம் நல்லூர் கந்தசுவாமி கோயில் அருகே காலை பேரணி தொடங்கியது. வடக்கு மாகாண முதல்வர் சி.வி.விக்னேஸ்வரன் பேரணிக்கு தலைமை தாங்கினார்.
‘தமிழர் பகுதிகளில் சிங்கள குடியிருப்புகளை அமைப்பது, புத்த கோயில்கள் கட்டுவது போன்ற நடவடிக்கைகளை இலங்கை அரசு உடனடியாக நிறுத்த வேண்டும்; ராணுவ தேவைகளுக்காக ஆக்கிரமிக்கப்பட்ட தமிழர் நிலங்களை திரும்ப ஒப்படைக்க வேண்டும்; தமிழ் அரசியல் கைதிகளை விடுவிக்கவேண்டும்; மாயமானவர்களை கண்டுபிடிப்பதில் அரசு உதவி வேண்டும்’ என்பன உள்ளிட்ட பல்வேறு கோரிக்கைகள் வலியுறுத்தப்பட்டன.
‘(விடுதலைப் புலிகளுக்கு எதிரான) போர் முடிந்து 7 ஆண்டுகள் ஆகிவிட்டன. இன்னமும் தமிழர்களின் பிரச்சினைகளுக்கு உரிய தீர்வு கிடைக்கவில்லை. இந்த நிலைமையை பிரதிபலிக்கவே இந்த கவன ஈர்ப்பு போராட்டம் நடத்தப்படுகிறது’ என, சி.வி.விக்னேஸ்வரன் கூறினார்.தமிழ் மக்கள் தேசிய முன்னணி பேரணிக்கான ஏற்பாடுகளை செய்திருந்தது. பல்கலை மாணவர்கள் உட்பட வெளியூர்களில் இருந்தும் ஏராளமான பொதுமக்கள் வந்து பேரணியில் கலந்துகொண்டனர். போராட்டத்துக்கு ஆதரவு தெரிவித்து யாழ்ப்பாணத்தில் வர்த்தக நிறுவனங்களும் அடைக்கப்பட்டிருந்தன. மைத்ரிபால சிறிசேன கடந்தாண்டு இலங்கை அதிபராக பதவியேற்ற பிறகு, வடக்கு பகுதியில் பெரிய அளவில் பொதுமக்கள் கூடி போராட்டத்தில் ஈடுபடுவது இதுவே முதல்முறை.

வெள்ளிக்கிழமை, 09 செப்டம்பர் 2016 00:00

இலங்கை : ராஜபக்சேவின் அமைச்சருக்கு மரண தண்டனை

Written by

இலங்கை முன்னாள் அதிபர் ராஜபட்சேவின் ஆலோசகராக இருந்தவரும், முன்னாள் அமைச்சருமான டுமின்ந்தா சில்வாவுக்கு, கொலை வழக்கு ஒன்றில் அந்நாட்டு ஐகோர்ட் மரண தண்டனை அளித்துள்ளது.

இலங்கையில் கடந்த 2011-ம் ஆண்டு நடைபெற்ற தேர்தலில் பாரத லட்சுமன் பிரேமச்சந்திரா என்பவர் கொலை செய்யப்பட்டார். இக்கொலை தொடர்பாக முன்னாள் அமைச்சரும், ராஜபட்சேவின் ஆலோசகராகவும் இருந்தவருமான டுமின்ந்தா சில்வா உள்ளிட்ட 7 பேர் மீது குற்றம் சுமத்தப்பட்டு விசாரணை நடைபெற்றது.

அரசியல் பிரச்சனையாக உருவெடுத்த இவ்வழக்கில், ராஜபட்சேவின் ஆலோசகர் உள்பட 5 பேருக்கு கொழும்பு ஐகோர்ட் மரண தண்டனை விதித்து உத்தரவிட்டுள்ளது.

17ஆகஸ்ட், 2016 அன்று இலங்கையின் தலைநகர் கொழும்பின் வடக்கில் சுமார் 260கி.மீ. தொலைவில் உள்ள செட்டிகுளம் பகுதியில், ஒரு ரயிலில் அடிபட்ட யானையின் உடலை பார்க்க மக்கள் குவிந்தனர்.

இலங்கையில் வணக்கத்துக்குரியதாக கருதப்படும் யானைகள் விபத்தில் சிக்கி இறக்கும் சம்பவங்களில், இலங்கையின் வடக்கில் நடந்த மிகச் சமீபத்திய இந்த சம்பவத்தில், ஒரு பயணிகள் ரயில் மோதி இந்த யானை மற்றும் மூன்று யானை குட்டிகள் கொல்லப்பட்டன.

இந்த யானைக் கூட்டம், காட்டுப் பகுதியின் வழியாக செல்லும், புதிதாக மேம்படுத்தப்பட்ட ரயில் தடம் ஒன்றை தாண்டிச் சென்று கொண்டிருந்தபோது இந்த விபத்து நடந்தது. இலங்கையில், 1900ல் 12 ஆயிரமாக இருந்த யானைகளின் எண்ணிக்கை வெறும் 7 ஆயிரமாகக் குறைந்து விட்டது என்று சமீபத்திய கணக்கெடுப்பில் தெரியவந்துள்ளது.

இந்த விபத்து குறித்து இலங்கையின் வனத்துறை இயக்குனர் பத்திரத்ன பேசுகையில், ரயில்வே அதிகாரிகளிடம் யானைகளின் இறப்புகள் குறித்து விவாதிக்கப் போவதாகவும், இதுபோன்ற விபத்துகள் ஏற்படுவதை தடுக்க ரயில்களில் சிறப்பு காமராக்களை பொருத்தவும் திட்டமிட்டுள்ளதாக தெரிவித்தார்.

இலங்கையின் வடக்கில் நெடுந்தீவுக்கு அருகில் உள்ள கடற்பரப்பில் தத்தளித்த மூன்று இந்திய மீனவர்களை இலங்கை கடற்படையினர் இன்று காப்பற்றியுள்ளனர்.

தமிழகத்தை சேர்ந்த இந்த மீனவர்கள் வந்த படகில் தொழிநுட்ப கோளாறு ஏற்பட்டுள்ளது.

புதுக்கோட்டை கோட்டைப்பட்டினம் பகுதியை சேர்ந்த இந்த மீனவர்களை இலங்கைக்கு அழைத்து வந்து, படகு பழுதுப்பார்க்கப்பட்ட பின்னர், மீனவர்கள் படகுடன் சர்வதேச எல்லையில் வைத்து இந்திய கடலோர காவற்படையினரிடம் ஒப்படைக்கப்பட்டுள்ளமை குறிப்பிடத்தக்கது.

ஐக்கிய தேசியக் கட்சியின் முன்னாள் அமைச்சரான எம்.எல்.எம். அபுசாலியின் இளைய சகோதரரான எம்.எல்.எம் சலீம் பலாங்கொடையில் உள்ள அவரது வீட்டில் கொலை செய்யப்பட்டுள்ளார்.

சலீம் தனித்து தனது வீட்டில் வசித்து வந்துள்ளார். இந்த நிலையில், ஒரு நபரோ அல்லது குழுவினரோ நேற்று முன்தினம் இரவு வெட்டிக்கொலை செய்திருக்கலாம் என பொலிஸார் சந்தேகம் வெளியிட்டுள்ளனர்.

சம்பவம் குறித்து பலாங்கொடை பொலிஸார் விசாரணைகளை மேற்கொண்டு வருகின்றனர்.

கொலை செய்யப்பட்ட சலீமுக்கு 87 வயது எனவும் பொலிஸார் கூறியுள்ளனர்.

எம்.எல்.எம். அபுசாலி, ஜே.ஆர். ஜயவர்தன, ரணசிங்க பிரேமதாச மற்றும் டி.பி. விஜேதுங்க ஆகிய ஜனாதிபதிகளின் அரசாங்கங்களில் அமைச்சராக பதவி வகித்தவர் என்பது குறிப்பிடத்தக்கது.

ஏறாவூர் பொலிஸ் பிரிவுக்குட்பட்ட சந்திவெளி பிரதேசத்தைச் சேர்ந்த குடும்பஸ்தர் ஒருவர் தனது பிள்ளைகளுக்கான பிள்ளைச் செலவுகளைக் கட்டமுடியாமல் தற்கொலை செய்து கொண்டுள்ளதாக பொலிஸார் தெரிவித்தனர்.

இவரின் சடலம் சந்திவெளி பொது மயானத்திற்கருகில் இருந்து மீட்கப்பட்டுள்ளதாகவும் பொலிஸார் தெரிவித்தனர்.

சந்திவெளி பிரதான வீதியைச் சேர்ந்த சின்னையா குணரத்தினம் (55 வயது) என இவர் அடையாளம் காணப்பட்டுள்ளார்.

பொதுமக்களினால் வழங்கப்பட்ட தகவலையடுத்து இச்சடலம் மீட்கப்பட்டதாக பொலிஸார் கூறினர்.

இரண்டு பிள்ளைகளின் தந்தையான இவர், பல வருடங்களாக குடும்பத்தைப் பிரிந்து வாழ்ந்துவந்துள்ளார். இதனையடுத்து இவரின் மனைவி இவருக்கெதிராக வழக்குத் தாக்கல் செய்த போதிலும் தனது பிள்ளைகளுக்கு செலவுக்கான பணத்தினை செலுத்த முடியாத நிலையில் மறியலில் இருந்து விட்டு வந்தபோது மீண்டும் இவருக்கான வழக்கு தொடரப்பட்டதையடுத்து இவர் நஞ்சருந்தி தற்கொலை செய்த கொண்டதாக பொலிஸார் மேற்கொண்ட விசாரணைகள் மூலம் தெரியவந்துள்ளது.

இச்சடலத்திற்கருகில் போத்தல் ஒன்றும் கிளாஸ் ஒன்றும் காணப்பட்டுள்ளது. சடலம் காணப்பட்ட இடத்தைப் பார்வையிட்ட ஏறாவூர் திடீர் மரணவிசாரணை அதிகாரி எம்.எஸ்.எம். நஸிர் விசாரணைகளை ஆரம்பித்ததுடன் சடலத்தில் எவ்வித காயங்களும் காணப்படவில்லை என்றும் கூறினார்.

பொலிஸ் குற்றப் புலனாய்வுப் பிரிவினர் சம்பவ இடத்திற்குவருகைதந்து தடயங்களை பரிசோதனை செய்தனர். சடலம் பிரேத பரிசோதனைக்காக செங்கலடி கிராமிய வைத்தியசாலையில் ஒப்படைக்கப்பட்டிருந்தது.

இதன் பிரகாரம் நேற்று வியாழக்கிழமை முற்பகல் இவரின் மரணம் தொடர்பான விசாரணைகள் நடத்தப்பட்டு சடலம் குடம்பத்தாரிடம் ஒப்படைக்கப்பட்டது.

மேலதிக விசாரணைகளை ஏறாவூர்ப் பொலிஸார் மேற்கொண்டுவருகின்றனர்.

வெள்ளிக்கிழமை, 05 ஆகஸ்ட் 2016 00:00

முடிவுக்கு வந்த நானுஓயா அவோகா படுகொலை!

Written by

நானுஓயா அவோகா தோட்டத்தில் 2000ஆம் ஆண்டு இடம்பெற்ற கொலைச் சம்பவத்தில் கைதுசெய்யப்பட்ட 08 சந்தேகநபர்களில் எழுவரை, நுவரெலியா மேல் நீதிமன்றம் நேற்று விடுதலை செய்ததுடன், ஒருவருக்கு 10 வருடச் சிறைத்தண்டனையை விதித்து உத்தரவிட்டுள்ளது.

குறித்த வழக்கு தொடர்பில் தெரியவருவதாவது,

கிளரன்டன் அவோகா தோட்டத்தில் 12.10.2000 அன்று, மரக்குற்றிகளை திருட்டில் 8 பேர் அடங்கிய குழு ஒன்று ஈடுபட்டுள்ளது. இதனைத் தடுக்க முயன்ற காவலாளி பன்னீர்ச்செல்வம் என்பவரை அந்தக் குழு தாக்கியுள்ளது. தாக்குதலில் பலத்த காயமடைந்த பன்னீர்ச்செல்வம் உயிரிழந்துள்ளார்.

இந்த சம்பவம் தொடர்பில் சந்தேகநபர்களான 8 பேர் நானுஓயாப் பொலிஸாரினால் கைது செய்யப்பட்டு நுவரெலியா நீதிமன்றத்தில் ஆஜர்செய்யப்பட்டனர்.

3 மாதகால விளக்கமறியலின் பின்னர் இவர்கள் பிணையில் விடுதலை செய்யப்பட்டனர். தொடர்ந்து 16 வருட காலம் இடம்பெற்றுவந்த வழக்கில் பிரதான குற்றவாளியாக இனங்காணப்பட்ட ராமன் பாஸ்கரன் (48) என்பவருக்கு 10 வருடகாலச் சிறைத்தண்டனை வழங்கி நுவரெலியா மேல் நீதிமன்ற நீதிபதி லலித் ஏக்கநாயக்கவினால் தீர்ப்பளிக்கப்பட்டது.

குற்றவாளி தலவாக்கலை பொலிஸ் நிலையத்தின் சிவில் கிராமப் பாதுகாப்பு உத்தியோகத்தராகக் கடமையாற்றியவர் என்பது குறிப்பிடத்ததக்கது.

பக்கம் 3 / 23
Top
We use cookies to improve our website. By continuing to use this website, you are giving consent to cookies being used. More details…