JoomlaLock.com All4Share.net

Background Video

இலங்கை

இலங்கை (318)

செவ்வாய்க்கிழமை, 05 ஜூலை 2016 00:00

கரும்புலிகள் நாள் யூலை 5ம்

Written by

கரும்புலிகள் நாள் யூலை 5ம் திகதி 1987 – தமிழீழ விடுதலைப் போரின் தடைநீக்கிகளாக, உயிராயுதமாகி வெடித்து விடுதலைக்கு வலுச்சேர்த்த தற்கொடையாளர்களை நினைவுகொள்ளும் நினைவு வணக்க நிகழ்வு இந்த “தற்கொடையாளர் நாள்”.

முதலாவது தற்கொடையாளியாய்
தமிழீழத்திலிருந்து 05.07.1987’ல்
கரும்புலி கப்டன் மில்லரும் !!!
” தமிழ்நாட்டிலிருந்து 11.11.1993’ல்
கரும்புலி லெப் செங்கண்ணனும்
உதிராத உயிராயுத உயிர்பூவாய்…!!!

அன்றும் இன்றும் என்றும்
தமிழர் தரப்பின் சக்தி மிக்க ஆயுதமாகப் பார்க்கப்படுவது ~ இந்த உயிராயுதம் தான் [♥]

” போடா தமிழா போடா
கரும்புலி மில்லர் காட்டிய வழி நீ
போடா தமிழா போடா

மோதி ஏதிர்த்து மலையாய் இருபினும்
…மூச்சால் உடைக்கலாம்
உயர் நீதி உயிர்வாழ உயிரை நீ விடு
வெற்றி படைக்கலாம்

நெல்லியடியிலே மில்லர் தன்சாவை
வண்டியில் ஏற்றி பறந்தானே
பொல்லா வெறியர்கள் சாக தன்உயிரை
போக்கி மின்னலாய்மறந்தானே

வளரும்காலத்தில் மலரும்காலத்தில்
வசந்தகாலத்தில் விழுந்தமரம்
இளைய மாவீரன்மில்லர் தியாகம்தான்
இன்பதமிழீழம் கொண்டுவரும்.

இலங்கை அரசு நல்லிணக்கத்தை எட்டுவதில் போர்க்காலத்தில் இழைக்கப்பட்டதாகக் கூறப்படும் மனித உரிமை மீறல் சம்பவங்கள் மீண்டும் நிகழாமல் பார்த்துக்கொள்ளவேண்டும் என்பதிலும் உறுதியுடன் இருக்கிறது என்று இலங்கை வெளியுறவு அமைச்சர் மங்கள சமரவீர கூறியிருக்கிறார்.

இலங்கை போரின் இறுதிக் கட்டத்தில் நடைபெற்ற மனித உரிமை மீறல்கள் விஷயத்தில் ஐநா மனித உரிமை கவுன்சிலின் கடந்த ஆண்டு தீர்மானத்தை அமல்படுத்துவதில் இலங்கை அரசின் செயல்பாடு குறித்து, நேற்று செவ்வாய்க்கிழமை, ஐநா மன்ற மனித உரிமைக் கவுன்சில் ஆணையரின் வாய்மொழி அறிக்கையில் கூறப்பட்ட கருத்துக்களுக்கு பதிலளித்து, இன்று ஜெனிவாவில் பேசிய இலங்கை வெளியுறவு அமைச்சர் மங்கள சமரவீர,இலங்கை ஜனாதிபதி மைத்திரிபால சிறிசேன இத்தீர்மானத்தை அமல்படுத்த உறுதியளித்தார் என்பதை சுட்டிக்காட்டினார் .

சுதந்திரம், ஜனநாயகம் மற்றும் நல்லிணக்கம் ஆகியவை இத்தீர்மானத்தை அமல்படுத்துவதன் மூலம் வலுப்பெறும் என்று ஜனாதிபதி இந்த ஆண்டு இலங்கை சுதந்திர தின உரையில் கூறியதை சமரவீர நினைவு கூர்ந்தார்.

இலங்கையின் புதிய தேசிய ஒற்றுமை அரசு பதவியேற்ற ஓராண்டுக்குள் இலங்கையில் நல்லிணக்கம் ஏற்பட பல நடவடிக்கைகள் எடுக்கப்பட்டு வருவதாகக் கூறிய சமரவீர, நல்லாட்சி வழங்குவது, சட்டத்தின் ஆட்சி, மனித உரிமைகள் பாதுகாத்தல் மற்றும் , நல்லிணக்க வழிமுறையைத் தொடங்கியிருப்பது போன்றவைகளை குறிப்பிட்டார்.

இந்த நல்லிணக்க வழிமுறைகள ஒழுங்குபடுத்தி ஒருங்கிணைப்பதற்கான செயலகம் பிரதமர் அலுவலகத்தின் கீழ் அமைக்கப்பட்டுள்ளதையும் அவர் குறிப்பிட்டார்.

வட இலங்கையில் முக்கிய பிரச்சனைகளான, ராணுவத்தால் ஆக்ரமிக்கப்பட்ட பொதுமக்கள் காணிகள் 2018ம் ஆண்டுக்குள் ஒப்படைக்கப்படும் என்று அவர் கூறினார். நாட்டின் திட்டங்களுக்காகத் தேவைப்படும் காணிகள் எடுத்துக்கொள்ளப்பட்டால், அவற்றின் உரிமையாளர்களுக்கு உரிய நியாயமான இழப்பீடு வழங்கப்படும் என்றார் அவர்.

காணாமல் போனோருக்கான அலுவலகம் அமைக்கப்பட்டிருப்பது முக்கியமானது என்றும் அவர் கூறினார்.

கடந்த காலங்களில் தவறாக பயன்படுத்தப்பட்ட பயங்கரவாதத் தடை சட்டத்தை விலக்கிகொண்டு, மனித உரிமைகளை மதிக்கும் அதே சமயத்தில், பயங்கரவதத்துக்கு எதிரான நடவடிக்கைகளை எடுக்கும் புதிய சட்டம், ஐநா வல்லுநர்களின் ஆலோசனைகளுடன் அமல்படுத்தப்படும் என்றார் அவர்

நல்லிணக்கம் என்பது ஓரிரவில் வருவதல்ல என்று கூறிய மங்கள சமரவீர, அது கடுமையான உழைப்பாலும், தொடர்ச்சியான நடவடிக்கைகளாலும் தான் பெறமுடியும் என்றார்.

மனித உரிமைகள் ஆணையரின் அறிக்கை பற்றிக் குறிப்பிட்ட சமரவீர , இலங்கையின் சாதனைகளை இந்த அறிக்கை ஏற்றுக் கொண்டிருப்பதையும், அதே சமயத்தில் அவர் கவலை வெளியிட்டிருக்கும் அம்சங்களையும் இலங்கை அரசு கவனத்தில் எடுத்துக்கொள்கிறது என்றார். இலங்கையில் நீடித்து நிலைத்து நிற்கக்கூடிய சமாதானத்தை எட்ட சர்வதேச சமூகத்துடன் தொடர்ந்து இணைந்து செயல்பட இலங்கை தயாராக இருக்கிறது என்றும் அவர் கூறினார்.

தேங்காய் உடைத்து போராட்டத்தில் கலந்து இரட்டை வேடமிட்ட மாவை , சரவணபவன் , சிறீதரன் எம் பி களை வலி வடக்கு மக்கள் விரட்டியடித்தனர்.

சகல தமிழ் எம் பி களும் பாராளுமன்றத்தை விட்டு வெளியேற வேண்டும். ஆர்ப்பாட்டத்தில் கலந்துகொண்ட பொதுமக்கள் ஆக்ரோசம் , சரவணபவன் மகளின் பிறந்தநாள் படங்கள் ஒட்டப்பட்டு கூட்டமைப்பு மீது யாழ்ப்பாணத்தில் கடும் கண்டனம்.

ஐக்கிய நாடுகள் மனித உரிமை பேரவையின் 32வது கூட்டத் தொடரில் எதிர்வரும் புதன்கிழமை இலங்கை தொடர்பான அறிக்கை வெளியிடப்படவுள்ள நிலையில் இதனூடாக இலங்கைக்கு மேலும் கால அவகாசம் வழங்கப்படும் என்றும் கூறப்படுகின்றது.

அதாவதுஐக்கிய நாடுகள் மனித உரிமை பேரவையில் கடந்த செப்டெம்பர் மாதம் நிறைவேற்றப்பட்ட பிரேரணையை முழுமையாக அமுல்படுத்துவதற்கே இந்த கால அவகாசம் வழங்கப்படும் என எதிர்பார்க்கப்படுகின்றது.

இதேவேளை எதிர்வரும் 29ம்திகதி புதன்கிழமை ஜெனிவாவில்உரையாற்றவுள்ள வெளிவிவகாரஅமைச்சர் மங்கள சமரவீர வடக்கில் காணி விடுவிப்பு இராணுவம் குறைக்கப்படுதல் சர்வதேச நீதிபதிகள் விவகாரம் உள்ளிட்ட விடயங்கள்தொடர்பில் முழுமையாக விளக்கம் ஒன்றை அளிப்பார் என எதிர்பார்க்கப்படுகின்றது.

குறிப்பாக உள்ளக விசாரணை பொறிமுறையில்சர்வதேச நீதிபதிகளை உள்ளடக்குவதா இல்லையா என்பது தொடர்பில் பாதிக்கப்பட்ட தரப்பினருடனும் தமிழ்த் தேசியக் கூட்டமைப்புடனும் கலந்துரையாடி தீர்மானம் எடுக்கப்படும் என்றும் அமைச்சர் மங்கள சமரவீர ஜெனிவாவில் எடுத்துக்கூறவுள்ளார்.

மேலும் கடந்த வருடம் செப்டெம்பர் மாதம் ஜெனிவா மனித உரிமை பேரவையில் நிறைவேற்றப்பட்ட இலங்கை தொடர்பான பிரேரணையை முழுமையாக அமுல்படுத்துவது குறித்தும் அமைச்சர் சமரவீர ஜெனிவாவில் விளக்கமளிப்பார் என எதிர்பார்க்கப்படுகின்றது.

செய்ட் அல் ஹுசேன் வாய்மூல அறிக்கையை வெளியிட்டதும் இலங்கை தொடர்பான விவாதம் நடைபெறவுள்ளது. அதன்போது மனித உரிமை பேரவையின் உறுப்பு நாடுகளும் சர்வதேச மனித உரிமை அமைப்புக்களும் இலங்கை தொடர்பான விவாதத்தில் பங்கேற்று உரையாற்றவுள்ளன.

இதேவேளை இந்தக் கூட்டத் தொடரில் தமிழ்த் தேசியக் கூட்டமைப்பின் சார்பில் எம்.ஏ. சுமந்திரன் எம்.பி. உள்ளிட்ட குழுவினர் பங்கேற்கவுள்ளனர்.

இதன்போது ஜெனிவா பிரேரணையை அரசாங்கம் உரிய முறையில் அமுல்படுத்தவேண்டும் என கூட்டமைப்பு வலியுறுத்தும் என கூறப்படுகின்றது.

கடந்த வருடம் செப்டெம்பர் மாதம் ஜெனிவாவில் நிறைவேற்றப்பட்ட இலங்கை தொடர்பான பிரேரணைக்கு அமைவாக அரசாங்கமானது உள்ளக விசாரணை பொறமுறையை முன்னெடுப்பதற்கு நடவடிக்கைகளை மேற்கொண்டு வருகிறது.

இநதப் பிரேரணை முழுமையாக அமுல்படுத்தப்படவேண்டும் என தமிழ்த் தேசியக் கூட்டமைப்பு கூறிவருகின்ற நிலையில் அரசாங்கமும் இதனை முழுயைமாக அமுல்படுத்த தயார் என கூறிவருகின்றது.

எனவே அந்த வேலைத்திட்டங்களின் முன்னேற்றம் தொடர்பிலும் வெளிவிவவாகர அமைச்சர் மங்கள சமரவீர ஜெனிவாவில் விளக்கமளிக்கவுள்ளார்.

அதுமட்டுமன்றி பாராளுமன்றத்தில் சட்டமூலம் சமர்ப்பிக்கப்பட்டுள்ள காணாமல்போனோர் குறித்து ஆராயும் நிரந்தர அலுவலகம் தொடர்பிலும் இலங்கை அரசாங்கம் ஜெனிவாவில் விளக்கமளிக்கவுள்ளது.

ஜனாதிபதி மைத்திரிபால சிறிசேன தொடர்ச்சியாக தான் எக்காரணம் கொண்டும் உள்ளக விசாரணைப் பொறிமுறையில் சர்வதேச நீதிபதிகளை ஈடுபடுத்தப் போவதில்லை என கூறி வருகிறார். எனவே இது தொடர்பில் ஒரு உறுதியான நிலைப்பாட்டை அரசாங்கம் அறிவிக்கும் என நம்பப்படுகின்றது.

கடந்த 13ம் திகதி திங்கட்கிழமை ஆரம்பமான ஐக்கிய நாடுகள் மனித உரிமைப் பேரவையின் 32வது கூட்டத்தொடரானது எதிர்வரும் ஜூலை மாதம் முதலாம் திகதி வரை நடைபெறவுள்ளது.

முதலாவது அமர்வில் உரையாற்றிய ஐக்கிய நாடுகள் மனித உரிமை ஆணையாளர் செயிட் அல் ஹூசேன் இலங்கையானாது நீதி வழங்கும் செயற்பாடு தொடர்பான பொறிமுறையின் உபாய மார்க்கத்தை வெளியிட வேண்டுமென கோரிக்கை விடுத்திருந்தார்.

இவ்வருடம் பெப்ரவரி மாதம் இலங்கைக்கு விஜயம் மேற்கொண்டிருந்த ஐ.நா. மனித உரிமை ஆணையாளர் செயிட் அல் ஹசேன், சர்வதேச நீதிபதிகளை கொண்டு வருவதா இல்லையா என்பதை இலங்கை அரசாங்கமே தீர்மானிக்க வேண்டும் என்று கூறியிருந்தார்.

ஆனால் பாதிக்கப்பட்ட மக்களுக்கு நீதியை வழங்கும் செயற்பாடானது நம்பிக்கை தருவதாக அமைய வேண்டுமெனவும் செயிட் அல் ஹூசேன் கூறியிருந்தார்.

காலி துறைமுகத்தில் நிறுத்தி வைக்கப்பட்டுள்ள அவன்கார்ட் நிறுவனத்திற்கு சொந்தமான கப்பல் ஒன்றிலிருந்து யுக்ரேன் நாட்டவரொருவர் குற்றப்புலனாய்வு அதிகாரிகளினால் நேற்று இரவு கைதுச் செய்யப்பட்டுள்ளார்.

காலி துறைமுக பொலிஸார் சந்தேக நபரிடம் மேலதிக விசாரணைகளை முன்னெடுத்ததுடன் இன்று காலை காலி நீதவான் முன்னிலையில் ஆஜர்படுத்தப்பட்டார்.


குறித்த சந்தேக நபரை எதிர்வரும் 5ம் திகதி வரையில் விளக்கமறியலில் வைக்குமாறு உத்தரவிட்டார்.

இலங்கையில் போர் முடிவடைந்து 7 வருடங்களாகின்ற நிலையில் கிழக்கு மாகாணத்தில் படை முகாம்கள் விலக்கிக் கொள்ளப்பட்ட சில இடங்களில் இன்னமும் வெடிப் பொருட்கள் அகற்றப்படாத நிலை காணப்படுகின்றது.

அந்த இடங்களில் மிதிவெடி அபாய எச்சரிக்கை அறிவிப்புகள் காணப்படுவதால் இராணுவம் விலக்கிக் கொண்ட தங்கள் காணிக்குள் செல்ல முடியாதிருப்பதாக காணி உரிமையாளர்கள் கவலை வெளியிட்டுள்ளனர்.

தங்கள் காணிகளில் காணப்படும் மிதிவெடிகள், கண்னி வெடிகளை அகற்றி விரைவாக தங்களிடம் அதனை கையளிக்க வேண்டும் என அவர்கள் கோருகிறார்கள்.

குறிப்பாக மட்டக்களப்பு மாவட்டத்தில் கொம்மாதுறை, மாவடிவேம்பு மற்றும் ஈரளக்குளம் உட்பட சில இடங்களில் இதே நிலை காணப்படுவதாக கூறப்படுகிறது.

மட்டக்களப்பு - வாழைச்சேனை பிரதான சாலையில் மாவடிவேம்பு இராணுவ முகாம் விலக்கிக் கொள்ளப்பட்டு மூன்று வருடங்களாகின்றன என காணி உரிமையாளரொருவர் கூறுகின்றார்.

இருபது வருடங்களாக தனது காணியில் நிலைகொண்டிருந்த இராணுவம் விலக்கிக் கொள்ளப்பட்டாலும் மிதிவெடிகள் அகற்றப்படும் வரை நுழைய வேண்டாம் என இராணுவம் அறிவித்துள்ளதால் தான் இன்னமும் காணிக்குள் நுழையவில்லை என்றும் அவர் தெரிவிக்கின்றார்.

சில நாட்களுக்கு முன்பு காணிக்குள் பரவிய தீ மற்றும் வெப்பம் காரணமாக வெடிப் பொருட்கள் வெடித்து சிதறியதால் அந்த பகுதியில் மக்கள் பீதியடைந்ததாகவும் அவர் குறிப்பிடுகின்றார்.

மட்டக்களப்பு மாவட்டத்தில் பெரு நிலப்பரப்பில் கண்னி வெடிகளை அகற்றும் பணிகள் ஒரளவு பூர்த்தியடைந்திருந்தாலும் இராணுவம் மற்றும் பொலிஸ் நிலை கொண்டிருந்த இடங்களில் காணப்படுவது பற்றி ஏற்கனவே தனது கவனத்திற்கு கொண்டு வரப்பட்டுள்ளதாக அரசாங்க அதிபர் பி. எம். எஸ் சார்ளஸ் கூறுகின்றார்.

பொலிஸ் மற்றும் இராணுவம் அதிகாரபூர்வமாக அந்த காணியை கையளித்த பின்னர் அதனை அகற்றுவதற்கான நடவடிக்கைகள் முன்னெடுக்கப்படுவதாகவும் அவர் தெரிவிக்கிறார்.

இரு வாரங்களுக்கு முன்னதாக இவ்வாறு அகற்றப்பட்ட இரு இடங்கள் மக்களிடம் கையளிக்கப்பட்டதாகவும் இது போன்று ஏனைய இடங்களும் கையளிக்கப்படும் என்றும் அரசாங்க அதிபர் பி. எம். எஸ் சார்ள்ஸ் குறிப்பிடுகின்றார்.

அவுஸ்திரேலியாவில் புகலிடம் கோரி படகில் பயணம் செய்த 44 இலங்கை அகதிகள் கடந்த 20 நாட்களாக நடுக்கடலில் ஆபத்தில் சிக்கி போராடி வரும் சம்பவம் சோகத்தை ஏற்படுத்தியுள்ளது.

இலங்கையில் யுத்தம் ஏற்பட்டபோது உயிருக்கு அஞ்சிய பலர் அகதிகளாக இந்தியா நாட்டில் தஞ்சம் அடைந்தனர்.

இவர்களில் ஒரு கர்ப்பிணி பெண், 9 குழந்தைகள் உள்ளிட்ட 44 பேர் இந்தியாவிலிருந்து படகு மூலமாக வெளியேறி அவுஸ்திரேலியாவில் புகலிடம் எதிர்ப்பார்த்து கடந்த 20 நாட்களுக்கு முன்னர் புறப்பட்டுள்ளனர்.

இரவு, பகலாக பயணமான இந்த படகு இந்தோனேஷியாவில் உள்ள Aceh என்ற கடற்பகுதிக்கு அருகில் வந்தபோது மோசமான வானிலை காரணமாக படகு சேதம் அடைந்துள்ளது.

கடந்த 20 நாட்களாக அவுஸ்திரேலியா அல்லது இந்தோனேஷியா அதிகாரிகள் எந்த நடவடிக்கையும் எடுக்கவில்லை. இரண்டு நாட்களுக்கு முன்னர் படகில் இருந்த இரு வாலிபர்கள் கடலில் குதித்து இந்தோனேஷியா கடற்கரைக்கு செல்ல முயன்றுள்ளனர். ஆனால், இருவரையும் கைது செய்த இந்தோனேஷியா கடற்படை அவர்களை மீண்டும் அவர்களின் படகிற்கு திருப்பி அனுப்பியுள்ளனர்.

நடுக்கடலில் உணவின்றி தவித்து வரும் இலங்கை அகதிகளுக்கு ஆதரவாக ஐ.நா சபை அண்மையில் இந்தோனேஷியா அரசிற்கு கண்டனத்தை தெரிவித்துள்ளது.

இதனை தொடர்ந்து இந்தோனேஷியா துணை ஜனாதிபதியான Jusuf Kalla என்பவர் தலைமையில் இன்று ஆலோசனைக்கூட்டம் நடைபெற்றது.

இந்த கூட்டத்தை தொடர்ந்து அதிகாரிகள் ஒரு அறிவிப்பு ஒன்றையும் வெளியிட்டுள்ளனர். அதில், ‘நடுக்கடலில் இருக்கும் இலங்கை அகதிகளை இந்தோனேஷியா கடற்கரைக்கு அழைத்து வர முடிவு செய்யப்பட்டுள்ளது. ஆனால், அவர்களின் படகு பழுது பார்க்கப்பட்டு, உணவு மற்றும் பிற வசதிகள் ஏற்பாடு செய்யப்பட்டு அவர்கள் அனைவரும் திருப்பி இந்தியா நோக்கி அனுப்பப்படுவார்கள் என தெரிவிக்கப்பட்டுள்ளது.

மேலும், அகதிகள் இந்தியாவை அடையும் வரை அவர்களது படகை சுற்றி பாதுகாப்பிற்கு இந்தோனேஷியா கடற்படையினர் செல்லுவார்கள் எனவும் இந்தோனேஷியா அதிகாரிகள் தெரிவித்துள்ளனர்.

எனினும், இந்த நடவடிக்கை எப்போதும் மேற்கொள்ளப்படும் என்ற திகதியை அவர்கள் அறிவிக்கவில்லை.

அவுஸ்திரேலியாவில் புகலிடம் கோரி சென்றவர்களுக்கு ஆதரவாக அந்நாட்டு அரசு இதுவரை எந்த நடவடிக்கையும் மேற்கொள்ளாமல் மெளனம் சாதித்து வருவது நடுக்கடலில் தத்தளித்து வரும் 44 பேரையும் பெரும் சோகத்தில் ஆழ்த்தியுள்ளது.

இலங்கை தமிழ் அகதிகள் ஆஸ்திரேலியாவின் கிறிஸ்துமஸ் தீவை நோக்கி படகில் சென்ற போது, இந்தோனேசியா அருகில் நடுக்கடலில் படகு தத்தளித்தது. படகை அந்நாட்டு கடற்படை போலீசார் மீட்டனர்.

இலங்கை தமிழர்கள் 44 பேர், ஆஸ்திரேலியாவின் கிறிஸ்துமஸ் தீவுக்கு செல்ல திட்டமிட்டு மீன்பிடி படகில் பயணமாகினர். இதில் 20 ஆண்கள், 15 பெண்கள் (ஒருவர் கர்ப்பிணி), 9 குழந்தைகள் அடங்குவர். ஆஸி., செல்லும் வழியில் இந்தோனேசியாவின் அச்சே தீவு அருகே கடந்த 11ம் தேதி இவர்களது படகு தத்தளித்தபடி நின்று கொண்டிருந்ததை இந்தோனேசிய கடற்படையினர் பார்த்து, படகை கடற்கரைக்கு கொண்டு வந்தனர்.

அவர்களிடம் உரிய ஆவணங்கள் இல்லாததால், தரையிறங்க அனுமதி மறுத்துவிட்டனர். இந்நிலையில், அனுமதி கொடுங்கள் அல்லது எங்களை சுட்டுவிடுங்கள் என அகதிகள் கெஞ்சினர்.

இந்தோனேஷிய போலீசாரின் செயலுக்கு மனித உரிமை ஆர்வலர்கள் கடும் எதிர்ப்பு தெரிவித்துள்ளனர். இது குறித்து இந்தோனேசிய கடற்படை கமாண்டர் தருல் அமின் கூறும்போது, 'நடுக்கடலில் நின்ற படகை பிடித்து விசாரித்த போது, படகு தொழில்நுட்ப கோளாறால் நின்றுள்ளது என கூறினர்.

ஆனால் எங்களது இன்ஜினியர்கள் சோதித்து பார்த்த போது, அதில் எந்த பிரச்னையும் இல்லை என்பது தெரிந்தது. அவர்களுக்கு உணவு, எரிபொருள் உள்ளிட்ட உதவிகள் தர தயாராக உள்ளோம். ஆனால் உடனடியாக எங்களது கடல் எல்லையை விட்டு வெளியேற உத்தரவிட்டுள்ளோம்.

இருப்பினும் தற்போது வானிலை மோசமாக இருப்பதால், சீரான நிலைக்கு வந்தவுடன் அவர்கள் அனுப்பி வைக்கப்படுவர்' என்றார். இலங்கை தமிழர்கள், இவ்வாறு பல்வேறு இன்னல்களுக்கு இடையே, அகதிகளாக பிற நாடுகளை நோக்கி தஞ்சமடையும் அவலநிலை தொடர்கிறது.

முன்னாள் ஜனாதிபதி மகிந்த ராஜபக்ச தனது செல்போனில் சாலாவ ஆயுத கிடங்கு வெடித்த சம்பவத்தை வீடியோவில் பதிவு செய்துள்ளதாக தெரியவருகிறது.

கொஸ்கம சாலாவ ஆயுத கிடங்கு வெடித்த கடந்த 5 ஆம் திகதி கொழும்பு ஆஷா சென்றல் மருத்துவமனையில் சிகிச்சை பெற்று வந்த தவுல்தென ஞானசார தேரரின் நலன் விசாரிக்க முன்னாள் ஜனாதிபதி வைத்தியசாலைக்கு சென்றுள்ளார்.

முன்னாள் ஜனாதிபதியுடன் நாடாளுமன்ற உறுப்பினர் பந்துல குணவர்தன, முன்னாள் நாடாளுமன்ற உறுப்பினர் உதித் லொக்குபண்டார ஆகியோரும் சென்றிருந்தனர்.

தவுல்தென ஞானசார தேரரின் நலன் விசாரித்த பின்னர், வைத்தியசாலையின் மேல் மாடியில் சிகிச்சை பெற்று வந்த குருணாகல் மாவட்ட நாடாளுமன்ற உறுப்பினர் சாலிந்த திஸாநாயக்கவை பார்க்க சென்றுள்ளார்.

முன்னாள் ஜனாதிபதி, சாலிந்த திஸாநாயக்கவின் நலன் விசாரித்து, அறை உள்ள ஜன்னல் வழியாக வெளியில் நடப்பதை பார்த்துள்ளார்.

வெளியில் அங்காங்கே புகையையும் சில வெளிச்சத்தையும் கண்ட முன்னாள் ஜனாதிபதி, “இந்த நேரத்தில் யார் வான வெடிகளை கொழுத்துகின்றனர்” எனக் கூறியவாறு வெடிப்புச் சம்பவத்தை தனது செல்போன் வீடியோவில் பதிவு செய்துள்ளார்.

முன்னாள் ஜனாதிபதியுடன் சென்றிருந்த உதித்த லொக்குபண்டார மற்றும் பந்துல குணவர்தன ஆகியோரும் சம்பவத்தை தமது செல்போனில் பதிவு செய்துள்ளனர்.

இலங்கை தலைநகர் கொழும்புக்கு வெளியே தெகிவளை பள்ளிவாசல் நிர்மாணப் பணிகளுக்கு விதிக்கப்பட்டுள்ள தடையில் காவல்துறையின் தலையீடு காணப்பட்டதா என முஸ்லிம் அமைச்சர்கள் மற்றும் நாடாளுமன்ற உறுப்பினர்களினால் குற்றச்சாட்டு முன் வைக்கப்பட்டுள்ளன.

காவல்துறைக்கு பொறுப்பு வகிக்கும் சட்டம் மற்றும் ஒழுங்கு அமைச்சர் சாகல இரத்நாயக்காவுடன் இடம் பெற்ற சந்திப்பில் இந்த குற்றச்சாட்டு முன் வைக்கப்பட்டுள்ளது.

அமைச்சர்கள் ரிஷாத் பதியுதீன், கபீர் ஹாசீம், பைஸார் முஸ்தபா மற்றும் நாடாளுமன்ற உறுப்பினர்களான முஜிபுர் ரகுமான், எஸ்.எம் மரிக்கார் ஆகியோர் இந்த சந்திப்பில் கலந்து கொண்டனர்.

பள்ளிவாசல் நிர்மாண பணிகளுக்கு தெகிவளை - கல்கிசை மாநகர சபையினால் ஏற்கனவே சட்ட ரீதியான அனுமதி வழங்கப்பட்டுள்ளது.

அந்த அனுமதியின்படி, ஆகஸ்ட் 24ஆம் தேதி வரையிலான கால எல்லைக்குள் நிர்மாணப் பணிகள் முடிவடைய வேண்டும் என பள்ளி வாசல் நிர்வாகம் கூறுகின்றது.

தற்போது, மாநகர மேயரால் எழுத்து மூலம் பிறப்பிக்கப்பட்ட உத்தரவொன்றின்படி நிர்மாணப் பணிகள் கடந்த சில நாட்களாக இடை நிறுத்தப்பட்டுள்ளன.

பௌத்த பிக்குமார்கள் உட்பட பௌத்த கடும் போக்காளர்களிடமிருந்து தெரிவிக்கப்பட்டு வந்த எதிர்ப்புகள் காரணமாகவே இந்த உத்தரவு பிறப்பிக்கப்பட்டுள்ளதாக கூறப்படுகிறது.

தற்காலிகமாக தடை விதிப்பதாக மாநகர முதல்வரால் வழங்கப்பட்ட கடிதமொன்றை பயன்படுத்திய காவல் துறை இதில் தலையிட்டு நிர்மாண வேலைகளுக்கு தடை விதித்ததாக முஸ்லிம் அமைச்சர்கள் மற்றும் நாடாளுமன்ற உறுப்பினர்களினால் தெரிவிக்கப்படுகின்றன.

இந்த விவகாரத்தை சட்டம் மற்றும் ஒழுங்கு அமைச்சரின் கவனத்திற்கு கொண்டு வந்த போது, இனிமேல் அவ்வாறு நடை பெறாது என்ற உத்தரவாதமும், உறுதி மொழியும் அவரால் தரப்பட்டதாக அமைச்சர் ரிஷாத் பதியுதீன் கூறுகின்றார்.

மேலும், சட்ட ரீதியான அங்கீகாரம் அனைத்தும் இருப்பதால் நிர்மாணப் பணிகளை முன்னெடுப்பதில் எவ்விதமான தடையும் இல்லை எனவும், மூன்று நாட்களுக்குள் சுமூகமான தீர்வொன்று பெற்றுத் தரப்படும் என்றும் அமைச்சர் பதில் தெரிவித்துள்ளதாக ரிஷாத் பதியுதீன் குறிப்பிட்டுள்ளார்.

பள்ளிசாசல் நிர்மாணப் பணிகளை தொடர்வதற்கு சட்ட ரீதியான அங்கீகாரம் இருந்தும் எதிர்ப்புகளும் தடைகளும் தொடருமானால் நீதிமன்றத்தை நாடவும் பள்ளி வாசல் நிர்வாகமும், முஸ்லிம் அரசியல் தலைமைகளும் தயாராக இருப்பதாகவும் அமைச்சர் ரிஷாத் பதியுதீன் தெரிவித்துள்ளார்.

Top
We use cookies to improve our website. By continuing to use this website, you are giving consent to cookies being used. More details…