JoomlaLock.com All4Share.net

Background Video

இலங்கை

இலங்கை (318)

சட்ட ரீதியாக திருமணம் செய்துகொண்ட மனைவியை, தனது எதிரிலேயே வேறு ஒருவரைக் கொண்டு கடுமையான பாலியல் வன்கொடுமைகளுக்கு உள்ளாக்கி திருப்தி அடைந்த நபருக்கு 22 ஆண்டு சிறைத்தண்டனை விதிக்கப்பட்டுள்ளது.

வேறு ஒர் நபர் ஆயுதம் ஒன்றை காண்பித்து அச்சுறுத்தி மனைவி பாலியல் ரீதியாக வன்கொடுமைக்கு உள்ளாவதனை குறித்த கணவர் பார்த்துக் கொண்டிருந்துள்ளார்.

இந்தக் குற்றச் செயல்களில் ஈடுபட்ட கணவர் மற்றும் பாலியல் வன்கொடுமையில் ஈடுபட்ட நபர் ஆகியோருக்கு நீதிமன்றம் 22 ஆண்டு கால கடூழிய சிறைத்தண்டனையும் தலா இருபதாயிரம் ரூபா அபராதமும், குற்றவாளிகள் தலா 150,000 ரூபா நட்டஈடு வழங்க வேண்டுமெனவும் நீதிமன்றம் உத்தரவிட்டுள்ளது.

கேகாலை உயர் நீதிமன்ற நீதவான் தம்மிக்க கனேபொல இந்த தண்டனையை அண்மையில் விதித்துள்ளார்.

2012ம் ஆண்டு ஜூலை மாதம் 10ம் திகதி இந்த சம்பவம் இடம்பெற்றுள்ளதாகத் தெரிவிக்கப்படுகிறது.

கேகாலை பல்லேகனுகல அமிதிரிகல என்னம் இடத்தில் இந்த சம்பவம் இடம்பெற்றுள்ளது.

தண்டனை அறிவிக்கப்பட்டபோது பாதிக்கப்பட்ட பெண் இரு கரங்களையும் கூப்பி நீதவானுக்க நன்றி தெரிவித்துள்ளார்.

திங்கட்கிழமை, 01 ஆகஸ்ட் 2016 00:00

பொலிஸ் மா அதிபரின் அதிரடி எச்சரிக்கை!!

Written by

சட்டத்தை பொலிஸார் அமுல் செய்யும் போது, பொலிஸாருடன் மோதலுக்கு வந்தால் தாக்குதல் நடத்தவும் நாம் தயங்கப் போவதில்லை. என்று பொலிஸ் மா அதிபர் பூஜித் ஜயசுந்தர தெரிவித்தார்.

காலி, கொஸ்கொட பகுதியில் பாடசாலையொன்றில் நேற்று முன்தினம் இடம்பெற்ற விஷேட நிகழ்வொன்றில் கலந்துகொண்டு உரையாற்றுகையிலேயே பொலிஸ் மா அதிபர் இதனைத் தெரிவித்தார்.

இதேவேளை பொலிஸ் மா அதிபர் உரையாற்றுகையில்,

அவரது கையடக்கத் தொலைபேசிக்கு கேகாலை சிரேஷ்ட பொலிஸ் அத்தியட்சர் ஊடாக விஷேட அழைப்பொன்று கிடைத்திருந்தது. அதில் ஒன்றிணைந்த எதிர்க்கட்சியின் ஆர்ப்பாட்டத்தின் போது அரச வாகனங்கள் இரண்டு தவறாக பயன்படுத்தப்பட்டுள்ளதாக தகவல் அளிக்கப்பட்டது.

இதனையடுத்து உடனடியாக வாகனங்கள் இரண்டை கைப்பற்றவும் சந்தேக நபர்களை கைது செய்யவும் நேரடி உத்தரவொன்றை பிறப்பித்த பொலிஸ் மா அதிபர் தொடர்ந்து உரையாற்றும் போதே மேற்படி கருத்தினைத் தெரிவித்தார்.

சட்டத்தை அமுல் செய்யும் போது ஒவ்வொருவரும் நினைத்தவாறு செயற்பட அனுமதிக்க முடியாது. கேகாலை சிரேஷ்ட பொலிஸ் அத்தியட்சர் இப்போது என்னுடன் பேசினார். நான் அவருக்கு தேவையான ஆலோசனைகளை வழங்கியுள்ளேன். பயப்படாது செயற்படுமாறும் அவர்களுக்கு பக்க பலமாக நான் இருப்பதாகவும் அவரிடம் கூறினேன்.

அரசின் வாகனங்கள் தவறாக பயன்படுத்தப்பட்டுள்ளன. அந்தவகையில் சட்டத்தை அமுல் செய்ய உத்தரவிட்டேன். சட்டத்தை அமுல் செய்யும் போது பொலிஸாருடன் முறுகல் நிலையை ஏற்படுத்தி மோதலுக்கு வந்தால் நாமும் தாக்குதல் நடத்துவோம்.

தாக்க வந்தால் பயப்பட மாட்டோம். கண்டிப்பாக தாக்குவோம். அதன் பின்னணியில் நான் இருப்பேன். எனினும் கொலை செய்ய முடியாது. படு காயங்களை ஏற்படுத்த முடியாது. குறைந்த பட்ச பலப் பிரயோகம் செய்யலாம் என்றார்.

கஞ்சாவுடன் வீதியில் நடமாடிய ஒருவரையும் கஞ்சா சுருட்டு வைத்திருந்த மற்றொரு நபரையும் தாம் கைது செய்திருப்பதாக ஏறாவூர் பொலிஸார் தெரிவித்தனர்.

விற்பனைக்காக தம்வசம் கஞ்சா வைத்திருந்த 22 வயதுடைய இளைஞன் ஏறாவூர் மிச்நகர் கிராம வீதியில் கைது செய்யப்பட்டுள்ளார்.

இதேவேளை ஏறாவூர் நகர பிரதான வீதியில் கஞ்சா சுருட்டு தன்வசம் வைத்திருந்த 28 வயதான நபரையும் பொலிஸார் ஞாயிறன்று கைது செய்துள்ளனர்.

இந்த நபர்கள் வீதிகளில் உலாவந்தவாறு கஞ்சா விற்பனையில் ஈடுபடுவதாக பொதுமக்களிடமிருந்து தகவல் கிடைத்ததின் பேரில் இந்தக் கைது இடம்பெற்றுள்ளது.

இச்சம்பவம் தொடர்பான விசாரணைகளை பொலிஸார் முன்னெடுத்து வருகின்றனர்.

நுரைச்சோலை அனல்மின் நிலையத்தில் இடம்பெற்றதாகக் கூறப்படும் நிலக்கரி மோசடி தொடர்பான அறிக்கையானது இன்று பிரதமரிடம் கையளிக்கப்படவுள்ளதாக குறிப்பிடப்பட்டுள்ளது.

குறித்த நிலக்கரி மோசடி தொடர்பில் ஆராய்வதற்கு நியமிக்கப்பட்ட குழுவால் தயாரிக்கப்பட்ட அறிக்கையே இன்று பிரதமரிடம் கையளிக்கப்படவுள்ளமை குறிப்பிடத்தக்கது.

குறித்த குழுவானது மின்சக்தி அமைச்சர் ரஞ்சித் சியம்பலாப்பிட்டியவினால் நியமிக்கப்பட்டது சுட்டிகாட்டத்தக்கது.

மேலும் குறித்த அறிக்கை பிரதமரைத் தொடர்ந்து பாராளுமன்றத்திற்கும், ஊடகங்களுக்கும் வழங்கப்படவுள்ளதாக அமைச்சர் ரஞ்சித் சியம்பலாப்பிட்டிய தெரிவித்துள்ளார்.

200 வருடகாலமாக இந்த நாட்டின் பொருளாதார அபிவிருத்திக்காக தமது உழைப்பை வழங்கிவரும் மலையகப் பெருந்தோட்ட மக்களின் அபிவிருத்திக்காக பொறுப்பு வாய்ந்த அரச நிறுவனம் ஒன்று இதுவரை இருக்கவில்லை.

அந்த குறையை நீக்கும் வகையில் மலையகப் பெருந்தோட்ட மக்களுக்கு புதிய கிராமங்களை அமைப்பதற்கான அரச அதிகாரசபை ஒன்றை அமைப்பதற்கு தற்போது அமைச்சரவை அனுமதி வழங்கியுள்ளது.

மலையக மக்களின் வரலாற்றில் இது வரலாற்று திருப்புமுனையாகும் என தமிழ் முற்போக்கு கூட்டணியின் நுவரெலியா மாவட்ட பாராளுமன்ற உறுப்பினர் எம்.திலகராஜ் தெரிவித்துள்ளார்.

பதுளை மாவட்டம் ஹப்புத்தளை பிரதேச சபைக்கு உட்பட்ட பிட்டரத்மலை தோட்டத்தில் 66 வீடுகளை அமைக்கும் மலைநாட்டு புதிய கிராமங்கள் உட்கட்டுமான சமுதாய அபிவிருத்தி அமைச்சின் வேலைத்திட்டத்தின் ஆரம்ப நிகழ்வில் அமைச்சர் பழனி திகாம்பரத்தின் சார்பில் சிறப்பு அதிதியாக கலந்து கொண்டு உரையாற்றுகையிலேயே மேற்கண்டவாறு தெரிவித்தார்.

அவர் மேலும் கருத்து தெரிவிக்கையில்,

மகாவலி அபிவிருத்தித் திட்டத்துடன் தொடர்புடைய விடயங்களுக்கு மகாவலி அபிவிருத்தி அதிகார சபை அமைக்கப்பட்டது போல், வடக்கு கிழக்கில் யுத்தத்தினால் இடம்பெயர்ந்தவர்களை மீளக்குடியமர்த்த மீள்குடியேற்ற அதிகார சபை அமைக்கப்பட்டது போல், தென்னிலங்கையை அபிவிருத்தி செய்ய தென்மாகாண அபிவிருத்தி அதிகார சபை அமைக்கப்பட்டது போல, மலையகப் பெருந்தோட்ட மக்களுக்கான புதிய கிராமங்களை உருவாக்குவதற்கான அரச அதிகார சபையை உருவாக்குவதற்கு அமைச்சர் திகாம்பரத்தினால் சமர்ப்பிக்கப்பட்ட அமைச்சரவை பத்திரம் ஏற்றுக் கொள்ளப்பட்டுள்ளது.

இப்போது சட்ட மா அதிபர் திணைக்களத்திற்கு சட்ட வரைபுகளுக்காக அனுப்பபட்டுள்ள குறித்த யோசனை பாராளுமன்றுக்கு சமர்ப்பிக்கப்பட்டு சட்ட ரீதியான அதிகார சபையாக விரைவில் அமைக்கப்படும்.

இருநூறு வருடகாலமாக இந்த நாட்டுக்காக உழைத்துவரும் மக்களின் அபிவிருத்தி நடவடிக்கைகளை மேற்கொள்ள அரச பொறுப்பில் எந்த ஒரு நிறுவனமும் இதுவரை இருக்கவில்லை.

இந்த விடயம் தொடர்பில் மலையக சமூக ஆர்வலர்களிடத்தில் அதிகம் பேசப்பட்டபோதும் அரசியல் ரீதியாக அதனைப் பெற்றுக் கொடுக்க நடவடிக்கை மேற்கொள்ளப்படவில்லை. ஆனால் தமிழ் முற்போக்கு கூட்டணி அமைக்கப்பட்டு ஒரு வருட காலத்திற்குள் இந்த இலக்கு அடையப்பெற்றிருக்கிறது.

எதிர்வரும் காலங்களில் அரச நிதியீட்டத்திலும் மேற்பார்வையிலும் மலையகத்தில் புதிய கிராமங்கள் மற்றும் உட்கட்டுமான அபிவிருத்திகளை முன்னெடுக்க முடியும்.

மலையக மக்களின் அவலம் நிறைந்த லயத்து வாழ்க்கை முறையை இல்லாமல் ஆக்கி மலையகமெங்கும் தனிவீட்டுத் திட்டங்களை வேகமாக முன்னெடுக்க இந்த அதிகார சபை பெரும் வரப்பிரசாதமாக அமையும்.

நாங்கள் பாராளுமன்றத்தில் குரல் எழுப்புவது இத்தகைய உரிமைகளை வென்றெடுப்பதற்காகவே. ஒருவரை அனுப்பி இன்னொருவருக்கு விடுமுறை விண்ணப்பம் செய்வதற்கு அல்ல என தெரிவித்தார்.

இந்த நிகழ்வில் பதுளை மாவட்ட பாராளுமன்ற உறுப்பினர்களான அரவிந்த குமார், வடிவேல் சுரேஷ், பெருந்தோட்ட மனிதவள அபிவிருத்தி நிறுவனத்தின் தலைவர் வீ.புத்திரசிகாமணி, தொழிலாளர் தேசிய சங்கத்தின் உப தலைவர் எஸ்.ராஜமாணிக்கம், ஊவா மாகாண சபை உறுப்பினர் பிரகதி அனுசல்ய உட்பட பலர் கலந்து கொண்டிருந்தனர்.

போருக்குப் பின்னர் முன்னாள் போராளிகளுக்கு புனர்வாழ்வு வழங்கி விடுதலை செய்யப்பட்ட பலரும் இன்று நோயாளிகளாகவும் ஆரோக்கியம் அற்றவர்களாகவும் உள்ளனர் என்ற செய்தி இந்த நாட்டில் தமிழினத்துக்கு நடந்த மிகமோசமான கொடூரங்களில் ஒன்றாகியுள்ளது.

இதேவேளை புனர்வாழ்வு பெற்ற முன்னாள் போராளிகள் 105 பேர் இதுவரை உயிரிழந்து விட்டனர் என்ற செய்தி பேரதிர்ச்சிக்குரியது.

முன்னாள் போராளிகளுக்கு புனர்வாழ்வு வழங்குவதாகக் கூறி உலகை நம்ப வைத்து நாடகமாடி, புனர்வாழ்வு என்று மறு உலகிற்கு அனுப்புவது என்ற உண்மையை உலகம் உணராமல் விட்டது தான் மிகப்பெரும் அபத்தம்.

வன்னியில் நடந்த தமிழின அழிப்புக்குப் பின்னர் சரணடைந்த முன்னாள் போராளிகளுக்கு புனர்வாழ்வு கொடுத்து அவர்களை மீளவும் வழமையான வாழ்வுக்கு கொண்டு வருவதென்ற பேரில் எங்கள் தமிழ்ப் பிள்ளைகளுக்கு நடந்த அநியாயம் உலகில் எந்த நாட்டில் நடந்திருந்தாலும் அதனை வல்லரசுகளும் ஐ.நா சபை உள்ளிட்ட பொது அமைப்புகள் தட்டிக்கேட்டிருக்கும்.

ஆனால் இலங்கையில் நடந்தமையால், அது ஆட்சி மாற்றத்துடன் அடங்கிப்போயிற்று.

நல்லாட்சி வந்து விட்டது என்பதற்காக முன்னைய ஆட்சியில் நடந்த பேரழிவுகளை, அநியாயங்களை, கொடுமைகளை தட்டிக்கேட்காமல் விடுவதென்பது எந்த வகையில் நியாயமானது என்பதுதான் புரியாமல் உள்ளது.

முன்னைய ஆட்சியில் தமிழினத்துக்கு நடந்த மிகமோசமான கொடுமைத்தனங்களை தட்டிக் கேட்க வேண்டும் என்பதில் எங்கள் தமிழ் அரசியல் தலைமைகள் விட்ட மகா தவறுகள் தான் இன்று வரை தமிழினத்தின் இழப்பிற்கு எதுவும் கிடையாது என்ற நிலைமையைத் தோற்றுவித்தது.

நல்லாட்சிக்கு எங்கள் ஆதரவு உண்டு. அதற்காக முன்னைய ஆட்சியினர் எங்கள் தமிழினத்தை துவம்சம் செய்து இன அழிப்புக்கு உட்படுத்தியதை இந்த உலகம் விசாரித்தாகவேண்டும் என்று தமிழ் அரசியல் தலைமை கோச­ம் போட்டிருந்தால், நிச்சயம் எங்களின் இனப்பிரச்சினைக்கு ஒரு முடிவு கண்டிருக்கும்.

எனவே இலங்கை அரசால் புனர்வாழ்வு அளிக்கப்பட்ட முன்னாள் போராளிகளின் உடல்நிலை, அவர்களின் ஆரோக்கியம் தொடர்பில் சர்வதேச மருத்துவர்களின் உதவியுடன் மருத்துவப் பரிசோதனை நடத்தப்பட வேண்டும்.

இப்பரிசோதனையை நடத்துவதன் மூலம் எங்கள் பிள்ளைகளை காப்பாற்ற முடியும் என்பதுடன் புனர்வாழ்வு என்ற பெயரில் மறு உலகத்துக்கு அனுப்புவதற்காக நடந்த நாசங்களையும் கண்டறிய முடியும் என்பதால்,புனர்வாழ்வு அளிக்கப்பட்ட முன்னாள் போராளிகளின் மருத்துவப் பரிசோதனைக்காக பொது அமைப்புகள் குரல் கொடுக்க வேண்டும்.

மத்தள மஹிந்த ராஜபக்ஸ விமான நிலைய சேவை நடவடிக்கைகளுக்காக பங்குதாரர்கள் தேவைப்படுவதாக போக்குவரத்து அமைச்சர் நிமல் சிறிபால டி சில்வா தெரிவித்துள்ளார்.

குறித்த விமான நிலையத்தின் சேவைகளானது அரச மற்றும் தனியார் ஒத்துழைப்புடன் முன்னெடுக்கப்படவுள்ளதாகவும், இதற்கமைய பங்குதாரர்கள் தேவைப்படுவதாகவும் அவர் மேலும் குறிப்பிட்டுள்ளார்.

இன்று ஆசிய பசுபிக் பிராந்திய விமான சேவை பணிப்பாளர்களின் 53வது மாநாட்டில் கலந்து கொண்ட போதே அமைச்சர் இதனைத் தெரிவித்துள்ளார்.

இந்த மாநாடானது இன்று முதல் 5ஆம் திகதி வரை நடைபெறவுள்ளமை குறிப்பிடத்தக்கது.

மேலும் எந்தவொரு விமான நிறுவனமும் வரையறை இல்லாமல் இதனை பயன்படுத்த முடியும் எனவும் அவர் தெரிவித்துள்ளார்.

இராணுவ சிப்பாய் ஒருவரை தொடர்ந்து மூன்று நாட்களாக பாலியல்வல்லுறவுக்குட்படுத்திய மதகுருவை மாதம்ப பொலிஸார் கைது செய்துள்ளனர்.

மாதம்பை சத்சிரிகம விகாரையை சேர்ந்த 25 வயதுடைய மதகுருவையே பொலிஸார் கைதுசெய்துள்ளதாக தெரிவிக்கப்பட்டுள்ளது.

பாதிக்கப்பட்ட இராணுவ சிப்பாய் ஹிக்கடுவையை சேர்ந்தவர் எனவும், வவுனியாவில்உள்ள கனகராயன்குளம் இராணுவ முகாமில் உள்ளவர் எனவர் பொலிஸார்குறிப்பிட்டுள்ளனர்.

குறித்த மதகுரு இராணுவ சிப்பாயுடன் முகப்புத்தகம் மூலம் நட்பு கொண்டிருந்தார்என சமூக ஊடக வலைத்தளம் மூலம் தெரியவந்துள்ளது.

இராணுவ சிப்பாய் கொத்மலையில் உள்ள பயிற்சி நிலையம் ஒன்றிற்கு வருகைதந்திருந்தார். அந்த நிலையில் மதகுருவின் விகாரையிலேயே தங்கியுள்ளார்.

அதன் பின்னர் குறித்த சிப்பாய் சுகயீனம் காரணமாகவைத்தியசாலையில் அனுமதிக்கப்பட்டுள்ளார்.

அதன் போதே சிப்பாய்வல்லுறவுக்கு உட்படுத்தப்பட்டது தெரியவந்துள்ளது.

விசாரணைகளின் பின்னர் மதகுருவை கைது செய்ததாகவும், சிலாபம் நீதிமன்றில்முன்னிலைப்படுத்த உள்ளதாகவும் பொலிஸார் குறிப்பிட்டுள்ளனர்.

இருப்பினும் சம்பவம் தொடர்பில் மாதம்ப பொலிஸார் மேலதிக விசாரணைகள்முன்னெடுத்து வருகின்றனர்.

கொழும்பு காலிமுகத்திடலுக்கு அருகில் நிர்மாணிக்கப்படும் கொழும்பு துறைமுக நகரை ஆசிய பசுபிக் பிராந்தியத்தின் நிதி நகரமாக மாற்றும் அமைச்சரவை பத்திரம் அமைச்சரவையில் தாக்கல் செய்யப்பட உள்ளதாக தெரியவருகிறது.

எவ்வாறாயினும் பிரதமர் ரணில் விக்ரமசிங்க, இந்தோனேசியாவின் ஜகர்த்தா நகரில் நடைபெறும் 12ஆவது உலக இஸ்லாமிய பொருளாதார மாநாட்டில் கலந்து கொள்ளவதற்காக இன்று அங்கு புறப்பட்டுச் சென்றுள்ளார்.

இதனால், குறித்த அமைச்சரவை பத்திரத்தை நாளைய தினம் அமைச்சரவையில் தாக்கல் செய்ய முடியாத நிலைமை ஏற்பட்டுள்ளது.

எவ்வாறாயினும் அமைச்சரவை பத்திரம் தாக்கல் செய்யப்பட்ட பின்னர், இந்தியாவின் சென்னை மற்றும் மத்திய கிழக்கு நாடுகளுக்கு இடையிலான நிதி நகரமாக கொழும்பு துறைமுக நகரம் உத்தியோகபூர்வமாக அறிவிக்கப்பட உள்ளது.

இலங்கை சுதந்திரமடைந்த பின்னர், முதல் முறையாக இவ்வாறான நிதி நகரம் அறிவிக்கப்படுகின்றமை குறிப்பிடத்தக்கது.

அதிக மதுபோதையில் சுயநினைவின்றி இருந்த பாடசாலை மாணவி ஒருவர், அநுராதபுரம் பொலிஸாரினால் மீட்கப்பட்டுள்ளார்.

அநுராதபுரம் பொலிஸ் தலைமையகத்திற்கு கிடைத்த தகவலுக்கமைய இவரை அநுராதபுரம் வித்தியாலய மாவத்தையில் இருந்து மீட்டு, வைத்தியசாலையில் அனுமதித்துள்ளதாகவும் பொலிஸார் குறிப்பிட்டுள்ளனர்.

மேலும் குறித்த மாணவி நேற்றைய தினம் தனக்கு பிரத்தியேக வகுப்பு இருப்பதாக கூறி தனது காதலருடன் இணைந்து சென்றுள்ளதாகவும்,

இதன்போது அவரது காதலன் மதுவுடன் போதை மாத்திரை ஏதாவது கலந்து பருகக் கொடுத்த பின்னர் மாணவியை துஸ்பிரயோக படுத்தியிருக்கலாம் என பொலிஸார் சந்தேகம் வெளியிட்டுள்ளனர்.

எனினும் குறித்த இடத்திலிருந்து மாணவியின் காதலன் தப்பிச்சென்றுள்ளதாகவும் பொலிஸார் குறிப்பிட்டுள்ளனர்.

குறித்த மாணவி இன்று காலை வரை சுயநினைவுக்கு வராததால் இவரிடம் மருத்துவ பரிசோதனைகள் மேற்கொள்வதில் சிரமம் ஏற்பட்டுள்ளதாகவும் வைத்தியசாலை வட்டாரங்கள் தெரிவித்துள்ளன.

பக்கம் 4 / 23
Top
We use cookies to improve our website. By continuing to use this website, you are giving consent to cookies being used. More details…