JoomlaLock.com All4Share.net

Background Video

இலங்கை

இலங்கை (299)

கூட்டு எதிர்க்கட்சியினால் முன்னெடுக்கப்படவுள்ள பாதயாத்திரைக்கு எதிராக 15 இலட்சம் தோட்டத் தொழிலாளர்களை திரட்டி வீதியில் இறங்க தயார் என்று பதுளை மாவட்ட நாடாளுமன்ற உறுப்பினர் வடிவேல் சுரேஸ் தெரிவித்துள்ளார்.

குறித்த பாதயாத்திரையானது இனவாதத்தை தூண்டும் வகையில் அமையுமானால் எனது மக்கள் அதற்கு எதிராக கிளர்ந்தெழுவார்கள் என்றும் அவர் குறிப்பிட்டுள்ளார்.

தான் மக்களுடன் வீதிக்கு இறங்கினால் தம்முடன் முஸ்லிம் மக்களையும் இணைத்து கொள்ளப் போவதாகவும் அவர் தெரிவித்துள்ளார்.

இதேவேளை ஆட்சி பலத்தைக் கைப்பற்றுவதற்காக இனவாதத்தை தூண்டுபவர்களை மக்கள் வெறுப்பதாகவும், நாடாளுமன்ற உறுப்பினர் மேலும் தெரிவித்துள்ளார்.

ஊடகவியலாளர்களுக்கு எதிரான பிரதமரின் கருத்துக்கு கூட்டு எதிர்க்கட்சி கடும் எதிர்ப்பை வெளியிட்டுள்ளது.

ஊடக நிறுவனங்கள், ஊடகவியலாளர்கள் ஆகியோரை இலக்கு வைத்து பிரதமர் ரணில் விக்ரமசிங்க கடந்த வாரம் வெளியிட்ட கருத்தை வன்மையாகக் கண்டிப்பதாக கூட்டு எதிர்க்கட்சியின் சார்பில் முன்னாள் அமைச்சர் பேராசிரியர் ஜீ.எல்.பீரிஸ் தெரிவித்துள்ளார்.

இது தொடர்பில் ஊடக அறிக்கை ஒன்று வெளியிடப்பட்டுள்ளது.

அந்த ஊடக அறிக்கையில்…

ஊடகவியலாளர்கள் மற்றும் ஊடக நிறுவனங்களை இலக்கு வைத்து பிரதமர் வெளியிட்ட கருத்துக்களை நாம் வன்மையாகக் கண்டிக்கின்றோம்.

பிரதமரின் இந்த நடவடிக்கை பிரஜைகளின் புனிதமான உரிமைகளை மீறும் செயலாகும்.

செய்தித்தாள் ஒன்றின் ஆசிரியரை பதவி விலகுமாறு பிரதமர் கோரியுள்ளதுடன், அவ்வாறு பதவி விலகாவிட்டால் நடவடிக்கை எடுக்கப்படும் என அச்சுறுத்தியுள்ளார்.

கடந்த 18 மாத ஆட்சிக் காலத்தில் பல தடவைகள் பிரதமர் ஊடகங்களை எச்சரித்துள்ளார்.

நல்லாட்சி கொள்கைப் பற்றி பிரச்சாரம் செய்யும் இந்த அரசியல்வாதிகள் பொறுப்புணர்ச்சியற்ற வகையில் இவ்வாறு ஊடகங்களை மிரட்டுவார்கள் என ஊடகவியலாளர்கள் கனவிலும் நினைத்திருக்கவில்லை என அவர் தெரிவித்துள்ளார்.

அரசாங்க தகவல் திணைக்களத்தின் பணிப்பாளர் ரங்க கலன்சூரிய நேற்றைய தினம் தனது பதவி விலகல் கடிதத்தை ஜனாதிபதியிடம் கையளித்ததாகவும், அதனை ஜனாதிபதி நிராகரித்துள்ளதாகவும் செய்திகள் வெளிவந்தன.

எனினும் தாம் பதவி விலக எடுத்த தீர்மானம் குறித்து தனது பேஸ்புக் வலைத்தளத்தில் அவர் பதிவிட்டுள்ளதாக தெரிவிக்கப்பட்டுள்ளது.

'தான் தன்னுடைய பதவிவிலகல் கடிதத்தை ஜனாதிபதியிடம் கையளித்ததாகவும் ஆனால், ஜனாதிபதி அதனை ஏற்கவில்லை என்றும் ஊடகங்கள் செய்தி வெளியிட்டுள்ளன.

ஆனால், இதுதொடர்பில் தான் ஜனாதிபதி, பிரதமர், ஊடகத்துறை அமைச்சர் கயந்த கருணாதிலக, ஊடகபிரதி அமைச்சர் கரு பரணவிதாரண ஆகியோரின் தலைமைத்துவத்தின் கீழ் கலந்துரையாடல் ஒன்று இடம்பெற்றதாகவும், இதன்போது தற்போதைய நிலை தொடர்பில் தீவிரமாக கலந்துரையாடப்பட்டதாகவும் அவர் தெரிவித்துள்ளார்.

மேலும் இந்த கலந்துரையாடலின் பின்னர் தனது பதவி விலகள் முடிவினை மாற்றிக்கொண்டதாகவும் தெரிவித்துள்ள பணிப்பாளர் தன்னுடைய பதவியை மேலும் முன்னெடுக்க வேண்டும் என்பதே ஜனாதிபதி மற்றும் பிரதமரின் ஆசை என்றும் குறிப்பிட்டுள்ளார்.

நிதி மோசடி செய்தமை தொடர்பில் கைது செய்யப்பட்டு விளக்கமறியலில் வைக்கப்பட்டிருக்கும் தேசிய சுதந்திர முன்னணியின் ஊடகப் பேச்சாளர் மொகமட் முஸாமில் இன்று கொழும்பு கோட்டை நீதிமன்றத்தில் முன்னிலையாக உள்ளார்.

அரச நிதிகளை தவறாக பயன்படுத்தியமை தொடர்பில் பொலிஸ் விசேட விசாரணை பிரிவினரால் கடந்த மாதம் 20 ஆம் திகதி முஸாமில் கைது செய்யப்பட்டார்.

குறித்த பணத்தை அவரது மனைவியின் கணக்கில் வைப்பிலிட்ட காரணத்திற்காகவே இவர் மீது குற்றம் சுமத்தப்பட்டுள்ளது.

இவருக்காக தாக்கல் செய்யப்பட்ட பிணை மனுவும் நீதிமன்றத்தினால் நிராகரிக்கப்பட்டது.

கடந்த பாராளுமன்றத் தேர்தலில் தோல்வியடைந்த ஸ்ரீலங்கா சுதந்திரக் கட்சியின் முன்னாள் அமைச்சர்கள் மற்றும் பிரதி அமைச்சர்கள் பலருக்கு புதிய பதவிகளை வழங்குவதற்கு ஏற்பாடுகள் மேற்கொள்ளப்படுவதாக தெரிவிக்கப்படுகின்றது.

முன்னாள் அமைச்சர்களான திஸ்ஸ கரலியத்த, பியசேன கமகே, ஹேமால் குணசேகர, லலித் திஸாநாயக்க போன்றோருக்கே புதிய பதவிகள் வழங்கப்படவுள்ளன.

தற்பொழுது பதவியிலுள்ள ஆளுநர்கள் பலர் நீக்கப்பட்டு பின்னர், இடைவெளியாகும் இடத்துக்கே இவர்கள் நியமிக்கப்படவுள்ளதாகவும் அரசியல் வட்டாரங்கள் குறிப்பிட்டுள்ளன.

நாடாளுமன்ற உறுப்பினர் விமல் வீரவன்சவின் மூத்த சகோதரர் சரத் வீரவன்ச, நாட்டில் இருந்து வெளியேறுவதற்கு கோட்டை நீதிவான் நீதிமன்றம் தடைவிதித்துள்ளது.

இந்த தடை நேற்று விதிக்கப்பட்டுள்ளது.

ஜனாதிபதி செயலக வாகனங்களை முறைகேடாக பயன்படுத்தி 8.4 மில்லியன் ரூபாய்கள் நட்டம் விளைவித்த குற்றச்சாட்டு இவர் மீது சுமத்தப்பட்டுள்ளது.

இந்தநிலையில் அவரை நாட்டில் இருந்து வெளியேற அனுமதிக்க வேண்டாம் என்று நீதிவான், குடிவரவு கட்டுப்பாட்டாளருக்கு உத்தரவிட்டுள்ளார்.

மஹிந்த ராஜபக்சவின் ஆட்சிக்காலத்தில், அமைச்சராக இருந்த விமல் வீரவன்சவுக்கு பிரத்யேக செயலாளராக சரத் வீரவன்ச செயற்பட்டார்.

இந்தநிலையில் அவர் ஜனாதிபதி செயலகத்தினால் விமல் வீரவன்சவின் அமைச்சுக்கு வழங்கப்பட்ட 12 வாகனங்களில் ஒன்றை தமது தனிப்பட்ட பாவனைக்கு எடுத்துக்கொண்டார்.

அத்துடன் அரச அதிகாரி அல்லாத அவர், அமைச்சின் மூலமாக எரிபொருள் உட்பட்ட அனைத்து வசதிகளையும் பெற்றுவந்துள்ளார்.

விசாரணைகள் காரணமாக அவர் தற்போது நாட்டில் இருந்து தப்பித்துச்செல்ல முயற்சிக்கிறார் என்று நீதிமன்றத்தில் சீஐடியினர் தெரிவித்தனர்.

இதனையடுத்தே நீதிமன்றம் அவரை வெளிநாடு செல்லமுடியாத தடையை விதித்தது.

நாட்டுக்கு புதிய அரசியலமைப்பை உருவாக்குவதற்கான முயற்சிகள் மிகவும் துரிதமாக முன்னெடுக்கப்பட்டு வருகின்ற நிலையில் அதற்கு எதிரான மற்றும் ஆதரவான கருத்துக்கள் பரவலாக முன்வைக்கப்பட்டு வருகின்றன.

புதிய அரசியலமைப்பில் தமிழ் பேசும் மக்களுக்கான அரசியல் தீர்வு எவ்வாறு அமையப் போகின்றது என்பது தொடர்பாகவே தற்போது நாட்டில் வாதப்பிரதிவாதங்கள் இடம்பெற்று வருகின்றன.

புதிய அரசியலமைப்பில் தமிழ் பேசும் மக்களின் அரசியல் அபிலாஷைகளை பூர்த்தி செய்யும் வகையிலான உச்சபட்ச அதிகாரப் பகிர்வுடன் சகலரும் ஏற்றுக்கொள்ளக்கூடியவாறான தீர்வுத்திட்டம் முன்வைக்கப்படவேண்டும் என தமிழர் தரப்பு வலியுறுத்தி வருகின்றது.

மறுபுறம் புதிய அரசியலமைப்பின் ஊடாக நாட்டை பிரிவினைக்கு இட்டுச் செல்வதாக மஹிந்த அணியினர் குற்றம் சாட்டி வருகின்றனர்.

அதாவது புதிய அரசியலமைப்பின் ஊடாக வடக்கு கிழக்கு மாகாணங்களை இணைத்து நாட்டை துண்டாடப் போவதாக மஹிந்த அணியினர் குற்றம் சாட்டியுள்ளனர்.

இந்நிலையில் முன்னாள் ஜனாதிபதி மஹிந்த ராஜபக்ச புதிய அரசியலமைப்பை உருவாக்குவதற்கு எதிர்ப்பு வெளியிடுகின்றமை குறித்து ஜனாதிபதி மைத்திரிபால சிறிசேன கடும் ஆச்சரியத்தை வெளியிட்டுள்ளார்.

முன்னாள் ஜனாதிபதி மஹிந்த ராஜபக்ச கடந்த இரண்டு தேர்தல்களிலும் நாட்டுக்கு புதிய அரசியலமைப்பு தேவை என்பதை தனது தேர்தல் விஞ்ஞாபனங்களில் வலியுறுத்தினார்.

இந்நிலையில் இன்று எந்த அடிப்படையில் புதிய அரசியலமைப்பு முயற்சியை எதிர்க்கின்றார் என்பது தெரியவில்லை.

ஸ்ரீலங்கா சுதந்திரக் கட்சியின் கொள்கைகளையே நான் முன்னெடுத்துச் செயல்படுகிறேன் என்று ஜனாதிபதி மைத்திரிபால சிறிசேன தெரிவித்துள்ளார்.

சர்வதேச ஆதரவினை இலங்கைக்கு பெற்றுக் கொள்வதற்காக நாட்டை காட்டிக் கொடுப்பதாக சிலர் என் மீது குற்றம் சாட்டுகின்றனர். நான் ஒருபோதும் நாட்டை காட்டிக் கொடுக்கவில்லை.

மாறாக பண்டாரநாயக்கவின் அரசியல் சிந்தனையையும் அவர் முன்னெடுத்த வெ ளிநாட்டுக் கொள்கையையுமே முன்னெடுக்கின்றேன். அதனை விடுத்து சர்வதேசத்துடன் எனக்கு தனிப்பட்ட ரீதியில் எதுவிதமான நிகழ்ச்சி நிரலும் கிடையாது என்று ஜனாதிபதி தெரிவித்திருக்கின்றார்.

கடந்த 2015ம் ஆண்டு ஜனவரி 8ம் திகதி இந்த நாட்டில் 65 லட்சத்து 50 ஆயிரம் மக்கள் என் மீது நம்பிக்கை வைத்து நாட்டின் ஜனாதிபதியாக என்னை தெரிவு செய்து நாட்டை என்னிடம் ஒப்படைத்தனர்.

எனவே எனது பொறுப்பை சரியான முறையில் நிறைவேற்றுவேன். எனது பொறுப்பை நிறைவேற்றுவதில் எந்தவொரு சந்தர்ப்பத்திலும் ஒரு அடி முன்னோக்கிச் செல்வேனே தவிர பின்னோக்கிச் செல்லமாட்டேன் என்றும் ஜனாதிபதி சுட்டிக்காட்டியுள்ளார்.

அனைவரும் இணைந்து நாட்டுக்கும் மக்களுக்கும் நன்மை பயக்கும் அரசியலமைப்பை உருவாக்க வேண்டும். புதிய அரசியலமைப்பானது மரணப் பொறி என விமர்சிப்போர் புதிய அரசியலமைப்பை உருவாக்கும் பாராளுமன்ற தெரிவுக்குழுவில் உறுப்பினர்களாக அங்கம் வகிக்கின்றனர்.

advertisement

1978ம் ஆண்டு அரசியலமைப்பை பாராளுமன்றத்தில் நிறைவேற்றிய போது அதனை எதிர்த்து நாட்டுக்கு புதிய அரசியலமைப்பு அவசியம் என்பதை சிறிமாவோ பண்டாரநாயக்க தலைமையிலான ஸ்ரீலங்கா சுதந்திரக் கட்சி வலியுறுத்தியது.

அதன் பின்னர் சந்திரிகா பண்டாரநாயக்க தனது தேர்தல் விஞ்ஞாபனத்தில் இரண்டு தடவைகள் இதனை வலியுறுத்தினார் என்பதனையும் ஜனாதிபதி நினைவூட்டியுள்ளார்.

அதன்படி கடந்த ஜனாதிபதி மற்றும் பாராளுமன்றத் தேர்தல்களின் போது தேர்தல் விஞ்ஞாபனங்களை வெளியிட்டிருந்த மஹிந்த ராஜபக்ச நாட்டுக்கு புதிய அரசியலமைப்பு தேவை என்பதனை கூறிவிட்டு தற்போது தனது அரசாங்கம் அதற்கான முயற்சியை முன்னெடுக்கும் போது எதிர்ப்பது ஏன் என ஜனாதிபதி மைத்திரிபால சிறிசேன கேள்வியெழுப்பியுள்ளார்.

தற்போதைய நிலைமையில் நாட்டுக்கு புதிய அரசியலமைப்பு ஒன்று கொண்டுவரப்பட வேண்டியது அவசியமாகும் என்று பல தரப்புக்களினாலும் வலியுறுத்தப்பட்டு வருகின்றது.

அதாவது 1978ம் ஆண்டு கொண்டு வரப்பட்ட தற்போதைய அரசியலமைப்புக்கு அக்காலத்திலிருந்தே பல்வேறு எதிர்ப்புக்கள் முன்வைக்கப்பட்டு வந்தன.

குறிப்பாக இந்த அரசியலமைப்பின் ஊடாகவே நாட்டுக்கு நிறைவேற்று அதிகாரம் கொண்ட ஜனாதிபதி முறைமை அறிமுகப்படுத்தப்பட்டது. அதுமட்டுமன்றி விகிதாசார தேர்தல் முறைமையும் கொண்டுவரப்பட்டது.

ஆனால் 1978ம் ஆண்டு அரசியலமைப்பினூடாக தமிழ் பேசும் மக்களின் அரசியல் பிரச்சினைக்கு தீர்வுத் திட்டம் எதுவும் முன்வைக்கப்படாமையானது மிகப்பெரிய ஒரு குறைபாடாக காணப்பட்டது.

அதன் பின்னர் 1987ம் ஆண்டு தற்போதைய அரசியலமைப்புக்கு 13வது திருத்தச் சட்டம் உள்ளடக்கப்பட்டது. அதனூடாக மாகாண சபைகள் உருவாக்கப்பட்டு அதிகாரங்கள் பகிரப்படுவதாக ஒரு தோற்றப்பாடு ஏற்படுத்தப்பட்ட போதும் 13வது திருத்தச் சட்டத்தில் உறுதியளிக்கப்பட்ட அதிகாரங்கள் முழுமையாக மாகாணசபைகளுக்கு வழங்கப்படவில்லை.

இந்நிலையில் தற்போதைய அரசியலமைப்பானது தமிழ் பேசும் மக்களுக்கான அரசியல் தீர்வு விடயத்தில் மிகவும் வறிய மட்டத்திலேயே காணப்படுகிறது.

எனவே புதிய அரசியலமைப்பை கொண்டுவர வேண்டியதும் அதில் சிறுபான்மை மக்களுக்கான அரசியல் தீர்வை உள்ளடக்குவதும் தற்போதைய நிலைமையில் அவசியமான ஒன்றாக காணப்படுகிறது.

அதேபோன்று நிறைவேற்று அதிகாரம் கொண்ட ஜனாதிபதி முறைமையை மாற்றியமைக்க வேண்டும் என்ற கோரிக்கையும் மிகவும் வலுவான முறையில் முன்வைக்கப்பட்டு வருகிறது.

முன்னாள் ஜனாதிபதிகளான சந்திரிகா பண்டாரநாயக்க குமாரதுங்க, மஹிந்தராஜபக்ச ஆகியோர் தாம் பதவிக்கு வந்ததும் நிறைவேற்று அதிகாரம் கொண்ட ஜனாதிபதி முறைமையை மாற்றியமைப்பதாக கடந்த காலங்களில் தேர்தல்களின் போது வாக்குறுதியளித்திருந்தனர்.

எனினும் பதவிக்கு வந்ததன் பின்னர் அவர்கள் தமது வாக்குறுதியை நிறைவேற்றவில்லை. இதற்கு பல்வேறு காரணங்கள் கூறப்பட்ட போதும் நிறைவேற்று அதிகாரம் கொண்ட ஜனாதிபதி முறைமை மாற்றப்படவில்லை என்பதே யதார்த்தமாகும்.

அதேபோன்று தற்போதைய ஜனாதிபதியும் நிறைவேற்று அதிகாரம் கொண்ட ஜனாதிபதி முறைமையை மாற்றியமைப்பதாக கூறியே பதவிக்கு வந்தார்.

ஜனாதிபதி மைத்திரிபால சிறிசேன பதவிக்கு வந்து குறுகிய காலத்தில் 19வது திருத்தச் சட்டத்தை கொண்டு வந்து நிறைவேற்றியதன் மூலம் நிறைவேற்று அதிகார ஜனாதிபதி முறைமையில் சில மாற்றங்களை கொண்டுவந்தார்.

ஆனால் இதுவரை அந்த முறைமை முழுமையாக மாற்றப்படவில்லை.எனவே நிறைவேற்று அதிகாரம் கொண்ட ஜனாதிபதி முறைமையை முழுமையாக மாற்றியமைக்க வேண்டுமாயின் புதிய அரசியலமைப்புக்கு செல்ல வேண்டியது அவசியமாக காணப்படுகின்றது.

அத்துடன் கடந்த சில வருடங்களாக விருப்பு வாக்கு முறைமையற்ற புதிய தேர்தல் முறைமைக்கும் செல்ல வேண்டிய அவசியமும் பல்வேறு தரப்புக்களினாலும் வலியுறுத்தப்பட்டு வருகிறது.

இந்நிலையில் தமிழ் பேசும் மக்களுக்கான அரசியல் தீர்வு, நிறைவேற்று அதிகார ஜனாதிபதி முறைமையில் மாற்றம், புதிய தேர்தல் முறைமை உள்ளிட்ட மிக முக்கிய காரணங்களுக்காக புதிய அரசியலமைப்பு உருவாக்கப்பட வேண்டியது அவசியமாகும்.

இதற்கான முயற்சிகளை அரசாங்கம் மேற்கொண்டுள்ள நிலையில் அதனை உணர்ந்து ஆக்கபூர்வமான பங்களிப்பை வழங்கவேண்டியது கூட்டு எதிர்க்கட்சி என அறியப்படும் மஹிந்த அணியினரின் கடமையாகும்.

அதுமட்டுமன்றி இந்த விடயங்களை ஒருகாலத்தில் இதே மஹிந்த அணியினரும் வலியுறுத்தி வந்தனர் என்பதை மறந்து விடக்கூடாது. இதனையே ஜனாதிபதி மைத்திரிபால சிறிசேனவும் நினைவூட்டியிருக்கிறார்.

எனவே தற்போதைய இந்த மிகவும் தீர்க்கமான அரசியல் சூழலில் நாட்டுக்கு பொருத்தமான புதிய அரசியலமைப்பை கொண்டு வருவதற்கு அனைத்து தரப்பினரும் அர்ப்பணிப்புடன் செயற்பட வேண்டியது அவசியம் என்பதை வலியுறுத்துகிறோம்.

மாத்தறை ஹித்தெட்டிய பிரதேசப் பகுதியினில் 2008.12.18 இல் இடம்பெற்ற கொலைக்கும், அதே பிரதேசத்தை சேர்ந்த பெண்ணொருவரை கத்தி மூலம் தாக்கியமைக்கான குற்றத்திற்கும் நேற்று மாத்தறை நீதிபதியினால் தீர்ப்பு வழங்கப்பட்டுள்ளது.

குறித்த கொலை வழக்கில் கைதுசெய்யப்பட்டிருந்த மாத்தறை நுபே பகுதியைச் சேர்ந்த 34 வயது மற்றும் 25 வயதுடைய குற்றவாளிகளுக்கு மரணதண்டனை விதிக்கப்பட்டது.

இதேவேளை பெண்ணெருவரை கத்தியினால் கொடூரமாக காயப்படுத்திய குற்றத்திற்காக அதே நபர்களுக்கு 8 வருட சிறைத்தண்டனையும் 60,000 ரூபா அபராதமும் விதிக்கப்பட்டுள்ளது.

அபராதப் பணத்தினை செலுத்த தவரும் பட்சத்தில் மேலதிகமாக 6 மாத சிறைத்தண்டனையும் விதிக்கப்படும் எனவும் தீர்ப்பு வழங்கப்பட்டுள்ளமை குறிப்பிடத்தக்கது.

பசில் ராஜபக்ஸவின் திருத்த மனு தொடர்பில் பிரதிவாதிகளான பொலிஸ் நிதி மோசடிவிசாரணை பிரிவினரையும் சட்டமா அதிபரையும் எதிர்வரும் ஆகஸ்ட் மாதம் 1 ஆம் திகதிஉயர் நீதிமன்றத்தில் முன்னிலையாகுமாறு கொழும்பு உயர் நீதி மன்றம் இன்று உத்தரவிட்டுள்ளது.

திவிநெகும அபிவிருத்தி திட்டத்தின் நிதிகளை தவறாக பயன்படுத்தியமை குறித்து தன்னை கைது செய்து விளக்கமறியலில் வைத்துள்ளதாக பசில் ராஜபக்ஸ ஜூலை 22ஆம் திகதி தாக்கல் செய்த மனுவில் குறிப்பிட்டுள்ளார்.

பசில் ராஜபக்ஸ ஜூலை 18 ஆம் திகதி நிதி மோசடி விசாரணை பிரிவினரால் கைதுசெய்யப்பட்டார்.

இவரை எதிர்வரும் ஆகஸ்ட் மாதம் 1 ஆம் திகதி வரையில் விளக்கமறியலில் வைக்குமாறு கடுவலை நீதவான் உத்தரவிட்டுள்ளமை குறிப்பிடத்தக்கது.

முன்னாள் பாராளுமன்ற உறுப்பினர் துமிந்த சில்வா மீதான 3 வழக்குகள் நவம்பர் மாதம் முதலாம் திகதிக்கு ஒத்திவைக்கப்பட்டுள்ளது.

கொழும்பு நீதவான் நீதிமன்றம் இந்த உத்தரவை பிறப்பித்துள்ளது.

தொடர்ந்து 3 வருடங்களாக தன்னுடைய கடன் மற்றும் சொத்து தொடர்பில் உரிய முறையில் இவர் தகவல்களை வெளிப்படுத்தவில்லை என்று கூறி இலஞ்சம் மற்றும் ஊழல் எதிர்ப்பு விசாரணை ஆணைக்குழுவானது இவர் மீது வழக்கு தொடர்ந்திருந்தமை குறிப்பிடத்தக்கது.

குறித்த விசாரணையை முன்னெடுக்கும் நீதவான் நீதிபதி அருனி ஆட்டிகல இன்று (26) விடுமுறை எடுத்துள்ளதால் இந்த வழக்கு மீதான விசாரணை நவம்பர் மாதம் முதலாம் திகதிக்கு ஒத்திவைக்கப்படுவதாக கொழும்பு பிரதான நீதவான் கிஹான் பிலப்பிட்டிய உத்தரவிட்டுள்ளமை குறிப்பிடத்தக்கது.

பக்கம் 7 / 22
Top
We use cookies to improve our website. By continuing to use this website, you are giving consent to cookies being used. More details…