JoomlaLock.com All4Share.net

Background Video

விமானப்படையில் முதல் முறையாக போர் விமானங்களை இயக்கும் பணியில் சேர்க்கப்பட்டுள்ள 3 பெண் விமானிகளும் இன்று தங்களின் சாதனை பயணத்தை துவக்கி உள்ளனர்.இந்திய விமானப்படையில் போர் விமானங்களை இயக்கும் பயிற்சிக்காக அவானி சதுர்வேதி, மோகனா சிங் மற்றும் பாவ்னா கந்த் ஆகிய 3 பேரும் தேர்வு செய்யப்பட்டனர். இவர்கள் 3 பேரும் பயிற்சி முடிந்து இன்று போர் விமானத்தை இயக்கினர். ஐதராபாத் அருகே உள்ள ஹகிம்பேட் விமானப்படை தளத்தில் இருந்து இவர்கள் போர் விமானத்தை இயக்கினர். இதன் மூலம் விமானப்படையில் சேர்க்கப்பட்டுள்ள முதல் பெண் விமானிகள் என்ற பெருமையை இவர்கள் பெற்றுள்ளனர்.

பிரதமர் நரேந்திர மோடியின் மக்களவைத் தொகுதியான வாரணாசியில், விசுவ ஹிந்து பரிஷத் (வி.எச்.பி.) அமைப்பின் சார்பில் பெண்களுக்கென பயிற்சி முகாம் நடத்தப்பட்டது.

ஆளும் பாரதீய ஜனதா கட்சியின் தாய் அமைப்பான ஆர்.எஸ்.எஸ்ஸின் அங்கீகாரம் பெற்ற துணை அமைப்பான விசுவ ஹிந்து பரிஷத் நடத்திய இந்தப் பயிற்சி முகாமில் 100 பெண்கள் பங்கேற்கின்றனர்.

ஒரு பள்ளியில் நடைபெறும் இந்த முகாமில், அந்தப் பெண்களுக்கு தற்காப்புக் கலை மற்றும் துப்பாக்கி சுடுதல் பயிற்சிகள் அளிக்கப்படுகின்றன.

தீவிரவாதத்தை எதிர்த்துப் போரிடும் திறனை வளர்த்துக் கொள்வதற்காக பெண்களுக்கு இந்தப் பயிற்சி அளிக்கப்படுவதாக நிகழ்ச்சி ஏற்பட்டாளர்கள் தெரிவிக்கின்றனர்.

இதுபற்றி, நிகழ்ச்சி ஏற்பாட்டாளர் கமலா மிஸ்ரா என்பவர் கூறும்போது, தீவிரவாதிகள் பெண்கள் கையால் இறப்பதை விரும்புவதில்லை. அவ்வாறு கொல்லப்பட்டால் சொர்க்கத்துக்கு செல்ல முடியாது

என அவர்கள் நம்புகின்றனர் ' என்று தெரிவித்தார்.

இந்தப் பயிற்சிக்குப் பிறகு, தாங்கள் இன்னும் உறுதியானவர்களாக மாறுவோம் என்றும், தீவிரவாதத்தை எதிர்த்துப் போரிட முடியும் என்றும் பயிற்சியில் பங்கேற்ற பெண்கள் தெரிவித்தனர்.

அதே நேரத்தில், உத்தரப் பிரதேச தேர்தலை மனதில் கொண்டு, பாரதீய ஜனதா கட்சி இத்தகைய நடவடிக்கைகளில் ஈடுபட்டுள்ளதாக உத்தரப் பிரதேச முதல்வர் அகிலேஷ் யாதவ் தெரிவித்தார்.

Top
We use cookies to improve our website. By continuing to use this website, you are giving consent to cookies being used. More details…