JoomlaLock.com All4Share.net

Background Video

தமிழ்நாட்டில் உள்ள மருத்துவக்கல்லூரிகளில் சேர மாணவர்களுக்கான கலந்தாய்வு இன்று தொடங்குகிறது.

தமிழகத்தில் 20 அரசு கல்லூரிகள் மற்றும் 6 சுயநிதி மருத்துவ கல்லூரிகள் உள்ளன.

அரசு கல்லூரிகளில் எம்.பி.பி.எஸ். படிப்பில் சேருவதற்கு 2 ஆயிரத்து 650 இடங்கள் உள்ளன. இந்த இடங்களில் அகில இந்திய ஒதுக்கீடு 15 சதவீதம் போக, 2 ஆயிரத்து 253 இடங்கள் மாநில ஒதுக்கீட்டுக்கு உள்ளன.

6 சுயநிதி மருத்துவக் கல்லூரிகளில் மொத்தம் 760 இடங்கள் உள்ளன. இவற்றில் அகில இந்திய ஒதுக்கீட்டு இடங்கள் 290.

அரசு ஒதுக்கீட்டுக்கு 470 இடங்கள் உள்ளன.

மேலும் 2 இ.எஸ்.ஐ.கல்லூரிகளில் படிக்க 200 இடங்கள் இருக்கின்றன. அவற்றில் அகில இந்திய ஒதுக்கீட்டு இடங்கள் 70 ஆகும். அந்த இடங்கள் தவிர அரசு ஒதுக்கீட்டாக 130 இடங்கள் உள்ளன.

ஆக, 28 கல்லூரிகளில் 3 ஆயிரத்து 610 இடங்கள் உள்ளன. அகில இந்திய ஒதுக்கீட்டாக மொத்தம் 757 இடங்கள் இருக்கின்றன. தமிழக ஒதுக்கீட்டாக 2 ஆயிரத்து 853 இடங்கள் இருக்கின்றன.

அரசு பல் மருத்துவக்கல்லூரி ஒன்று உள்ளது. அதில் 100 இடங்கள். அகில இந்திய ஒதுக்கீடு 15 போக, மீதம் உள்ள 85 இடங்கள் மாநில ஒதுக்கீட்டுக்கு வந்துள்ளது.

சுயநிதி பல் மருத்துவக்கல்லூரிகள் 17 உள்ளன. அந்த கல்லூரிகளில் மொத்தம் 1,610 பல் மருத்துவ இடங்கள் உள்ளன. அவற்றில் அகில இந்திய மருத்துவ இடங்கள் 640.மீதம் உள்ள இடங்கள் 970. இந்த இடங்கள் மாநில ஒதுக்கீட்டுக்கு வந்துள்ளன.

மருத்துவக் கல்லூரி தரவரிசைப் பட்டியல் ஏற்கனவே வெளியிடப்பட்டுவிட்டது. முதல் கட்ட கலந்தாய்வு இன்று (திங்கட்கிழமை) காலை 9 மணிக்கு சென்னை அண்ணா சாலையில் உள்ள அரசு பல்நோக்கு உயர் சிறப்பு மருத்துவமனை வளாகத்தில் நடைபெறுகிறது.

இன்று விளையாட்டு பிரிவு மாணவர்களுக்கும், முன்னாள் ராணுவத்தினர் முதலிய ஒதுக்கீட்டுக்கும், உடல் ஊனமுற்றோருக்கும் கலந்தாய்வு தொடங்குகிறது.

மருத்து நுழைவுத்தேர்வு அவசரச் சட்டத்தை எதிர்த்து சுப்ரீம் கோர்ட்டில் வழக்கு தொடரப்பட்டு உள்ளது.

மத்திய மந்திரி சபை ஒப்புதல் அளித்த மருத்துவ பொது நுழைவுத்தேர்வை இந்த ஓராண்டுக்கு மட்டும் நிறுத்தி வைக்கும் அவசர சட்டத்துக்கு ஜனாதிபதி பிரணாப் முகர்ஜி ஒப்புதல் அளித்தார். அதன்படி எம்.பி.பி.எஸ், பல் மருத்துவ படிப்புகளில் மாணவர்கள் சேருவதற்கு இந்த ஆண்டு மட்டும் பொது நுழைவுத்தேர்வு கிடையாது. பிளஸ் -2 மார்க் அடிப்படையில் சேர்க்க மத்திய அரசு அவசர சட்டம் கொண்டு வந்துள்ளது. இதையடுத்து தமிழகத்தில் மருத்துவ படிப்பிற்கான மாணவர் சேர்க்கை நடைமுறைகள் தொடங்கியது.

எம்.பி.பி.எஸ், பல் மருத்துவ விண்ணப்பப் படிவங்கள் வினியோகம் இன்று தொடங்கி உள்ளது.

இந்நிலையில் மருத்து நுழைவுத்தேர்வு அவசரச் சட்டத்தை எதிர்த்து சுப்ரீம் கோர்ட்டில் வழக்கு தொடரப்பட்டு உள்ளது. மத்திய பிரதேச மாநிலத்தில் வியாபம் ஊழலை வெளிக்கொண்டு வந்த ஆனந்த்ராய் என்பவர் அவசரச் சட்டத்திற்கு எதிராக சுப்ரீம் கோர்ட்டில் மனுதாக்கல் செய்து உள்ளார். இம்மனுவை விரைந்து விசாரிக்க அவரது தரப்பில் நாளை கோரிக்கை விடுக்கப்படலாம் என்று கூறப்படுகிறது.

மருத்துவ பொது நுழைவுத் தேர்வை இந்த ஆண்டு ரத்து செய்வதற்கான அவசர சட்டத்திற்கு குடியரசுத் தலைவர் பிரணாப் முகர்ஜி ஒப்புதல் அளித்துள்ளார்.நாடு முழுவதும் எம்.பி.பி.எஸ்., பி.டி.எஸ்., மருத்துவப் படிப்புகளில் சேர தேசிய அளவிலான பொது நுழைவுத் தேர்வு (NEET) கட்டாயம் நடத்தப்பட வேண்டும் என உச்ச நீதிமன்றம் தீர்ப்பு வழங்கியது. அதன்படி கடந்த 1-ம் தேதி நடந்த நுழைவுத்தேர்வை சுமார் 6½ லட்சம் மாணவர்கள் எழுதினர். ஜூலை 24-ம் தேதி 2-வது கட்ட நுழைவுத்தேர்வு நடக்க உள்ளது.இந்நிலையில், பொது நுழைவுத்தேர்வு கிராமப்புற மாணவர்களை பெரிதும் பாதிக்கும் என்று கருத்து எழுந்துள்ளது. நகர்ப்புற மாணவர்கள் மற்றும் சி.பி.எஸ்.இ. பாடத்திட்ட மாணவர்களுடன் அவர்கள் போட்டிபோட முடியாது என்பதால் நுழைவுத்தேர்வுக்கு எதிராக தமிழ்நாடு உள்பட 15 மாநிலங்கள் போர்க்கொடி உயர்த்தி உள்ளன. மேலும், இந்த ஆண்டு மட்டுமாவது பொது நுழைவுத்தேர்வில் இருந்து விலக்கு அளிக்க வேண்டும் என்று மத்திய அரசுக்கு, பல்வேறு தரப்பில் இருந்தும் கோரிக்கைகள் வைக்கப்பட்டன.

இதை தொடர்ந்து மத்திய அரசு அவசர சட்டம் பிறப்பித்து, இந்த ஆண்டு மட்டும் மாநில கல்வி வாரியத்தின் கீழ் பிளஸ்-2 முடித்த மாணவர்களுக்கு, மாநில அரசு நடத்திவரும் மருத்துவ கல்லூரிகள், பல் மருத்துவ கல்லூரிகளில் பொது நுழைவுத்தேர்வு இன்றி மாணவர் சேர்க்கையை நடத்த முடிவு செய்தது. அந்த அவசர சட்டம் ஜனாதிபதி பிரணாப் முகர்ஜியின் ஒப்புதலுக்கு அனுப்பிவைக்கப்பட்டது. ஆனால் அவர், உடனே ஒப்புதல் அளிக்காமல் இதுதொடர்பாக சட்ட நிபுணர்களிடம் கருத்து கேட்டதுடன், இந்த அவசர சட்டத்துக்கு என்ன அவசியம் வந்தது என்று விளக்கம் அளிக்குமாறு மத்திய சுகாதாரத்துறை அமைச்சகத்திடமும் கேட்டிருந்தார். இதையடுத்து ஜனாதிபதி பிரணாப் முகர்ஜியை மத்திய சுகாதாரத்துறை அமைச்சர் ஜே.பி.நட்டா நேற்று நேரில் சந்தித்து விளக்கம் அளித்தார். அரை மணி நேரம் நடந்த இந்த சந்திப்பின்போது ஜே.பி.நட்டா மாநில வாரியான கல்வித்திட்டங்கள் உள்பட பல்வேறு விளக்கங்களை அளித்தார்.இதை தொடர்ந்து, தற்போது இந்த விவகாரத்தில் மத்திய அரசு கொண்டு வந்த அவசர சட்டத்திற்கு குடியரசுத் தலைவர் பிரணாப் முகர்ஜி இன்று ஒப்புதல் வழங்கி உள்ளார். இதனால், தமிழகம், மகாராஷ்டிரா உள்ளிட்ட மாநிலங்களுக்கு மருத்துவ நுழைவுத் தேர்வில் இருந்து ஓராண்டுக்கு விலக்கு கிடைத்துள்ளது.

Top
We use cookies to improve our website. By continuing to use this website, you are giving consent to cookies being used. More details…