JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.
ஞாயிற்றுக்கிழமை, 13 அக்டோபர் 2019 00:00

சிரியா நகரை கைப்பற்றியது துருக்கி படை

மத்திய கிழக்கு நாடான சிரியாவின் எல்லையை ஒட்டியுள்ள முக்கிய நகரை கைப்பற்றியதாக துருக்கிப் படைகள் தெரிவித்துள்ளன.மத்திய கிழக்கு நாடான சிரியாவை, ஐ.எஸ்., பயங்கரவாத அமைப்பு கைப்பற்றியிருந்தது. ஐ.எஸ்., அமைப்புக்கு எதிராக, அமெரிக்கப் படைகள் போரில் இறங்கின.

அப்போது, சிரியாவின் வடக்கு பகுதியில் வலுவாக உள்ள, குர்து இன மக்களின், சிரிய ஜனநாயகப் படை, அமெரிக்காவுக்கு ஆதரவாக போரில் ஈடுபட்டது.இந்த நிலையில், சிரியாவில் இருந்து தனது படைகளை திரும்பப் பெறுவதாக, அமெரிக்க அதிபர், டொனால்டு டிரம்ப் சமீபத்தில் அறிவித்தார். குர்து மக்களை, அதன் அண்டை நாடான துருக்கி, பயங்கரவாதிகளாக அறிவித்திருந்தது.

சிரியாவின் வடக்குப் பகுதிகளில் தாக்குதல் நடத்தப்படும் என, துருக்கி அறிவித்தது.அதன்படி, கடந்த சில நாட்களாக, சிரியாவின் வடக்கு பகுதிகளை குறிவைத்து, துருக்கிப் படைகள் முன்னேறி வருகின்றன.சிரியாவின் மிக முக்கியமான, ராஸ் அல்அயன் நகரைக் கைப்பற்றி உள்ளதாக, துருக்கிப் படைகள் அறிவித்துள்ளன. 

வான்வெளி தாக்குதல் மற்றும் பீரங்கி தாக்குதல் மூலம், இந்த நகரை கைப்பற்றியுள்ளதாக, துருக்கி அறிவித்துள்ளது. இந்த நிலையில், சிரியாவின் வடக்கு பிராந்தியத்தில் இருந்து, ஒரு லட்சத்துக்கும் மேற்பட்டோர், அச்சத்தின் காரணமாக இடம் பெயர்ந்துள்ளனர்.

இதற்கிடையே, துருக்கியுடன் செய்துள்ள ஒப்பந்தங்களின்படி அளிக்க வேண்டிய ஆயுதங்கள், 'சப்ளை'யை நிறுத்தி வைப்பதாக, ஐரோப்பிய நாடுகளான பிரான்ஸ் மற்றும் ஜெர்மனி அறிவித்துள்ளன.9 பேர் கொலைசிரியாவில், குர்து இன மக்கள் வலுவாக உள்ள பகுதியில், துருக்கி படைகள் தாக்குதல் நடத்தி வருகின்றன.

இந்த நிலையில், அந்தப் பகுதியில் உள்ள, குர்து படைகளுக்கு எதிரான படைகள், துருக்கிக்கு ஆதரவு தெரிவித்துள்ளன. சிரியாவின் டால் அப்யாட் நகரில், ஒன்பது அப்பாவி பொதுமக்களை, இந்தப் படைகள் கொலை செய்துள்ளதாக தகவல்கள் தெரிவிக்கின்றன.

பாக்., ஆதரவு சிரியா மீது துருக்கி படையெடுத்துள்ளதற்கு பல்வேறு உலக நாடுகள் கடும் கண்டனம் தெரிவித்துள்ளன. 'துருக்கியின் நடவடிக்கைகள், சிரியாவில் மீண்டும் ஐ.எஸ்., பயங்கரவாத அமைப்பு தலைதுாக்க உதவிடும்' என, உலக நாடுகள் எச்சரித்துள்ளன.

இந்த நிலையில், துருக்கிக்கு ஆதரவு அளிப்பதாக பாக்., அறிவித்துள்ளது. துருக்கி அதிபர், ரெசப் தயீப் எட்ராகனுடனான தொலைபேசி பேச்சின்போது, துருக்கியின் நடவடிக்கைகளுக்கு முழு ஆதரவு அளிப்பதாக, பாக்., பிரதமர் இம்ரான் கான் கூறியுள்ளார்.எட்ராகன், இம்மாத இறுதியில், பாக்.,குக்கு பயணம் மேற்கொள்ள உள்ளார் என்பது குறிப்பிடத்தக்கது.

இந்தியா - தென்ஆப்பிரிக்கா அணிகள் இடையிலான 2-வது டெஸ்ட் கிரிக்கெட் போட்டி புனேயில் இன்று நடந்தது. இன்று முதலில் பேட்டிங் செய்த இந்தியா 5 விக்கெட்டுக்கு இரண்டு இன்னிங்சிலும் மொத்தமாக 601 ரன்கள் குவித்து ‘டிக்ளேர்’ செய்தது.

தென்னாப்பிரிக்கா அணி முதல் இன்னிங்சில் 275 ரன்கள் எடுத்து ஆட்டமிழந்தது. இன்றைய போட்டியில் இரண்டாவது இன்னிங்சில் பேட்டிங் செய்த தென்னாப்பிரிக்கா அணி 189 ரன்களுக்கு மொத்த விக்கெட்டுகளையும் பறிகொடுத்து ஆட்டமிழந்தது.

தென்னாப்பிரிக்கா அணியின் அனைத்து விக்கெட்டுகளும் இரண்டாவது இன்னிங்சில் வீழ்த்தப்பட்டதால் இந்திய அணி 137 ரன் வித்தியாசத்தில் வெற்றிப் பெற்றது.

கேப்டன் விராட் கோலி இரட்டை சதம் (254 ரன்) அடித்து சாதனை படைத்தார். உமேஷ் யாதவ் மற்றும் ரவீந்திர ஜடேஜா தலா மூன்று விக்கெட்டுகளை வீழ்த்தினர். அஸ்வின் இரண்டு விக்கெட்டுகளையும், இஷாந்த் சர்மா மற்றும் முகமது ஷமி தலா ஒரு விக்கெட்டையும் வீழ்த்தினர்.

இதுவரை ஆஸ்திரேலிய அணி 10 தொடர் டெஸ்ட் கிரிக்கெட் தொடர்களில் வெற்றி பெற்றுள்ளது. ஆனால், தென்னாப்பிரிக்காவுக்கு எதிரான இன்றைய ஆட்டத்தில் இந்தியா வெற்றி பெற்று 11 வது டெஸ்ட் தொடரை கைப்பற்றி வரலாற்றுச் சாதனை படைத்துள்ளது.

இந்தியா இப்போது மூன்று டெஸ்ட் போட்டிகள் கொண்ட தொடரில் 2-0 என்ற கணக்கில் முன்னிலை வகிக்கிறது. தென்ஆப்பிரிக்காவுக்கு எதிரான இறுதி டெஸ்ட் கிரிக்கெட் போட்டி அக்டோபர் 19-ஆம் தேதி  ராஞ்சியில் நடைபெற உள்ளது.

 

ஞாயிற்றுக்கிழமை, 13 அக்டோபர் 2019 00:00

ஜப்பானில் புயல்: 25 பேர் பலி

ஜப்பானை தாக்கிய ஹகிபிஸ் புயல், காரணமாக அங்கு கடந்த 60 ஆண்டுகளில் இல்லாத அளவிற்கு கனமழை பெய்து வருகிறது. இதனால்,25 பேர் உயிரிழந்துள்ளனர்.

ஜப்பானில் கிழக்கு கடற்கரையை ஹகிபிஸ் புயல், மணிக்கு 225 கி.மீ., வேகத்தில் தாக்கியது. கடலில் ராட்சத அலை எழும்பி மக்களை அச்சுறுத்தியது. கடந்த 60ஆண்டுகளில் இல்லாத வகையில் அங்கு கனமழை பெய்து வருகிறது. பல இடங்களில் நிலச்சரிவு ஏற்பட்டு வருகிறது. 50 ஆயிரம் பேர் மீட்கப்பட்டு முகாம்களில் தங்க வைக்கப்பட்டனர்.

ரயில் மற்றும் விமான சேவை முற்றிலும் நிறுத்தப்பட்டது. கனமழையால் ஆறுகளில் வெள்ளப்பெருக்கு ஏற்பட்டு, வெள்ளநீர் குடியிருப்பு பகுதிகளுக்கும் புகுந்துள்ளது. மீட்பு பணியில் ஈடுபட அதிகாரிகள் தீவிரமாக ஈடுபட்டு வருகின்றனர்.

இதன் இடையே, கனமழை காரணமாக உயிரிழந்தவர்களின் எண்ணிக்கை 25 ஆக அதிகரித்துள்ளது. 100க்கும் மேற்பட்டவர்கள் காயமடைந்துள்ளனர். இன்னும் பலரை காணவில்லை. இதனால், பலி எண்ணிக்கை அதிகரிக்கலாம் என அஞ்சப்படுகிறது.

 

இதன் இடையே, மழை காரணமாக ஜப்பானில் உயிரிழந்தோருக்கு, நம் பிரதமர் மோடி இரங்கல் தெரிவித்துள்ளார்.

இது குறித்து அவர் டுவிட்டரில் வெளியிட்ட பதிவில், ஜப்பானில் ஹக்பிஸ் புயல் காரணமாக உயிரிழந்தோருக்கு இந்திய மக்கள் சார்பாக இரங்கல் தெரிவித்து கொள்கிறேன். இந்த இயற்கை பேரிடரால் ஏற்பட்ட பேரழிவு மற்றும் சேதத்தில் இருந்து விரைவில் மீண்டு வர வேண்டும். புயல் பாதிப்பிற்கு பிறகு, , மீள, ஜப்பான் மக்கள் மற்றும் அந்நாட்டு பிரதமர் ஷின்ஜோ அபே ஆகியோரால் முடியும் என பதிவிட்டுள்ளார்.

மேலும், இந்த துயரமான நேரத்தில் ஜப்பான் மக்களுடன் இந்தியா துணை நிற்பதாகவும், ஜப்பானில் உள்ள இந்திய கடற்படை வீரர்கள் மீட்பு பணியில் உதவுவார்கள் எனவும் கூறியுள்ளார்.

ஞாயிற்றுக்கிழமை, 13 அக்டோபர் 2019 00:00

டில்லியில் மின் திருட்டால் ரூ.400 கோடி நஷ்டம்

டில்லியில் அதிகரித்து வரும் மின்சார திருட்டு, போலீசாருக்கு பெரும் தலைவலியை ஏற்படுத்தி உள்ளது. கடந்த ஒன்றரை ஆண்டுகளில், 5,500 புகார்கள் பதிவு செய்யப்பட்டு, 2,500க்கும் அதிகமானோர் கைது செய்யப்பட்டுள்ளனர். இதனால், ஆண்டுக்கு ரூ.400 கோடி நஷ்டம் ஏற்படுவதாக, தகவல் வெளியாகி உள்ளது.

தலைநகர் டில்லியில், 2002 முதல், மின்சார சேவை தனியார் வசம் ஒப்படைக்கப்பட்டது. இதை, மூன்று தனியார் மின் பகிர்வு நிறுவனங்கள் நிர்வகித்து வருகின்றன. மின்சார சேவை தனியார் வசம் ஒப்படைக்கப்பட்ட பின், அத்துறையில் இருந்து வந்த தொழில்நுட்பம் மற்றும் வர்த்தக ரீதியிலான நஷ்டம், 55 சதவீதத்தில் இருந்து, 8 சதவீதமாக குறைந்தது. ஆனால், மின் திருட்டால் ஏற்படும் இழப்பு, ஆண்டொன்றுக்கு, 400 கோடி ரூபாயை எட்டியுள்ளது. இதை தடுக்க, டில்லி போலீசார், பல்வேறு நடவடிக்கைகளை மேற்கொண்டு வருகின்றனர். 'கடுமையான அபராதங்களுடன், ஐந்தாண்டு வரை சிறை தண்டனைகள் விதித்தும், மின் திருட்டை குறைக்க முடியவில்லை' என, அதிகாரிகள் தெரிவித்தனர்.

 

மேற்கு வங்கம் மற்றும் குஜராத்தில் இருப்பதை போல, மின் திருட்டு வழக்குகளை விசாரிப்பதற்கான தனி போலீஸ் ஸ்டேஷன்களை டில்லியில் அமைத்தால் மட்டுமே, இதை தடுக்க முடியும் என்ற கோரிக்கை, நீண்ட நாட்களாக உள்ளது. இந்நிலையில், கடந்த ஒன்றரை ஆண்டுகளில், மின் திருட்டு தொடர்பாக, 5,500 புகார்கள் பதிவு செய்யப்பட்டுள்ளன. இதில், 4,500 புகார்கள் மீது, போலீசார் வழக்கு பதிவு செய்துள்ளனர். 2,500க்கும் அதிகமானோர், கைது செய்யப்பட்டுள்ளனர். அதில், 200 குற்றவாளிகள் தண்டிக்கப்பட்டுள்ளனர்.

உலக இளையோர் செஸ் சாம்பியன்ஷிப் போட்டி மும்பையில் நடந்து வருகிறது. இதில் நேற்று நடந்த 10வது சுற்று ஆட்டத்தில், 18 வயதுக்குட்பட்டோருக்கான பிரிவில் கிராண்ட்மாஸ்டரான சென்னையை சேர்ந்த பிரக்யானந்தா (வயது 14), லிதுவேனியாவின் பாவ்லிஸ் பல்டினிவிசியசை எதிர்கொண்டார்.

இதில் வெள்ளை நிற காய்களுடன் ஆடிய பிரக்யானந்தா 63வது காய் நகர்த்தலில் வெற்றி பெற்றார்.  இதனால் மொத்தம் 8.5 புள்ளிகளுடன் தங்கப்பதக்கம் வெல்லும் வாய்ப்பை நெருங்கினார். அடுத்த இடத்தில் ஆர்மேனியா வீரர் ஷந்த் சர்க்ஸ்யான் (8 புள்ளி) இருந்துள்ளார்.  இதனிடையே, இன்று 11வது மற்றும் கடைசி சுற்று ஆட்டம் நடந்தது.
 
இந்த போட்டியில் பிரக்யானந்தா வெற்றி பெற்று தங்க பதக்கம் தட்டி சென்றார்.  இதுபற்றி செஸ்.காம் வெளியிட்டுள்ள செய்தியில், 18 வயதுக்கு உட்பட்டோருக்கான பிரிவில் வெற்றி பெற்றுள்ள சிறுவன் பிரக்யானந்தாவுக்கு மனப்பூர்வ வாழ்த்துகள்.  இந்தியா உன்னால் பெருமை அடைகிறது என தெரிவித்து உள்ளது.
 
அவர் 2,700க்கு மேல் ரேட்டிங் பெற்று உள்ளார்.  18 வயதுக்கு உட்பட்டோருக்கான பிரிவில் அவர் பெற்றுள்ள முதல் தங்க பதக்கம் இதுவாகும்.  போட்டிகளை பதக்க வெற்றியுடன் முடித்த இந்திய தரப்பில் 6 பதக்கங்கள் வெல்லப்பட்டு உள்ளன.  அவற்றில் 3 வெள்ளி பதக்கங்களும் அடங்கும்.
பக்கம் 1 / 2669
Top
We use cookies to improve our website. By continuing to use this website, you are giving consent to cookies being used. More details…