JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

அமெரிக்காவுக்கும் இரானுக்கும் இடையே போர் ஏற்பட்டால், அத்துடன் இரான் மொத்தமாக அழிந்துவிடும் என்று அதிபர் டொனால்டு டிரம்ப் எச்சரிக்கை விடுத்துள்ளார்.

"இரானுக்கு போர் வேண்டுமென்றால், அதுவே அந்நாட்டின் முடிவாக இருக்கும். அமெரிக்காவை பயமுறுத்த வேண்டும் என்று நினைக்காதீர்கள்" என அதிபர் டிரம்ப் தனது ட்வீட்டில் பதிவிட்டுள்ளார்.

இதுபோன்ற மிரட்டல்கள் விடுத்து இரானை ஒன்றும் செய்ய முடியாது என்று அந்நாட்டின் வெளியுறவு அமைச்சர் மொஹமத் ஜாவத் சாரிஃப் ட்வீட் செய்துள்ளார்.

சமீபத்தில் வளைகுடா பகுதியில் கூடுதல் போர்கப்பல்கள் மற்றும் போர்விமானங்களை அமெரிக்கா நிலைநிறுத்தியது.

ஞாயிற்றுக்கிழமையன்று ஃபாக்ஸ் நியூஸ் செய்தி நிறுவனத்திடம் பேசிய அதிபர் டிரம்ப், இரானை அணு ஆயுதங்கள் தயாரிக்க விடமாட்டோம் என்றும் ஆனால், அந்நாட்டுடன் எந்த சண்டையையும் விரும்பவில்லை என்று தெரிவித்தார்.

"எனக்கு போர் செய்ய எந்த விருப்பமும் இல்லை. ஏனெனில் போர் பொருளாதாரங்களை பாதிக்கும். முக்கியமாக போர் மக்களை கொல்லும்" என்று அவர் குறிப்பிட்டார்.

இரு நாடுகளுக்கு இடையே அதிகரிக்கும் பதற்றங்களை தணிக்கும் விதமாக இரானும் சற்று இறங்கி வந்தது. அமெரிக்காவுடன் போர் நடத்தும் எண்ணம் இல்லை என்று இரான் தெரிவித்திருந்தது.

இந்நிலையில் அதிபர் டிரம்பின் ட்வீட்டுக்கு பதிலளித்துள்ள சாரிஃப், "அலெக்சாண்டர், செங்கிஸ் கான் போன்ற மற்ற படையெடுப்பாளர்கள் செய்ய முடியாததை டிரம்ப் செய்ய முடியும் என்று நினைக்கிறார்" என்று குறிப்பிட்டுள்ளார்.

திங்கட்கிழமை, 20 மே 2019 00:00

பூமி லாபம் தரும் கேதார யோகம்

ஜோதிடம் குறிப்பிடும் அபூர்வமான யோகங்களில் ஒன்று கேதார யோகம் ஆகும். மொத்த மக்கள் தொகையில் மிகவும் குறைவான சதவீத எண்ணிக்கையில்தான் இந்த யோகம் அமையும் என்பது ஜோதிட வல்லுனர்களின் கருத்தாகும்.
 
கேதார யோகம் என்பது ஒருவரது பிறப்பு ஜாதகத்தில் ராகு, கேது என்ற சர்ப்ப கிரகங்களை தவிர்த்து மற்ற 7 கிரகங்களும் ஏதேனும் 4 ராசிகளில் அமர்ந்திருப்பது ஆகும்.
 
அபூர்வமான இந்த யோகத்தில் பிறப்பவர்களின் குடும்பம் பெரும்பாலும் செல்வச்செழிப்பு கொண்டதாக இருக்கும். பூமிகாரகனான செவ்வாய் கிரகத்தின் அருள் இவர்களுக்கு இருப்பதால், நூற்றுக்கணக்கான ஏக்கர் நிலங்களை கொண்டவர்களாகவும், விவசாயம் மற்றும் பண்ணை தொழில்கள் மூலம் செல்வம் பெறுபவர்களாகவும் இருப்பார்கள். 
 
தன்னடக்கமும், ஆன்மிக விஷயங்களில் ஈடுபாடும் உள்ளவர்கள். இவர்களது வீடு மரங்கள், செடிகள் சூழ்ந்த இயற்கை சூழலில் அமைந்திருக்கும். பல வாகனங்களை வைத்துள்ள இவர்களுக்கு வாகனம் சம்பந்தப்பட்ட தொழில் மூலமும் லாபம் பெறுவார்கள். வகை வகையான உணவு வகைகளை மக்களுக்கு அன்னதானமாக அளித்து அவர்களது பசியை போக்குவதில் ஈடுபாடு கொண்டவர்களாகவும் இருப்பார்கள்.
தமிழகத்தில் காலியாக இருக்கும் 22 சட்டசபை தொகுதிகளுக்கான இடைத்தேர்தல் நேற்றுடன் நடந்து முடிந்து உள்ளது. இதன் முடிவுகள் தமிழக அரசியலில் பெரும் தாக்கத்தை ஏற்படுத்தும் என்ற எதிர்பார்ப்பு நிலவி வருகிறது. 
 
தமிழகத்தை பொறுத்தவரை நாடாளுமன்ற தேர்தலையும் தாண்டி பெரும் எதிர்பார்ப்பை ஏற்படுத்தியிருப்பது 22 தொகுதிகளின் இடைத்தேர்தல். தமிழகத்தில் 22 தொகுதிகள் மற்றும் புதுச்சேரியின் ஒரு தொகுதியான தட்டாஞ்சாவடியின் தேர்தலுக்கு பிறகான கருத்துக்கணிப்பு முடிவுகள் தந்தி டி.வி.யில் ஒளிபரப்பாகி வருகிறது. 
அ.தி.மு.க. ஆட்சி நீடிக்குமா? தி.மு.க. திருப்பத்தை ஏற்படுத்துமா? அ.ம.மு.க. அதிர்ச்சி வைத்தியம் கொடுக்குமா? போன்ற கேள்விகளுக்கு பதில் சொல்லும் வகையில் தந்தி டி.வி.யில் தேர்தலுக்கு பிறகான கருத்துக்கணிப்பு முடிவுகள் வெளியாகி வருகிறது.
 
சாத்தூர்
 
 சாத்தூர் தொகுதியில் திமுக கூட்டணிக்கு வாய்ப்பு இருப்பதாக தெரிவிக்கப்பட்டுள்ளது. இங்கு திமுக கூட்டணிக்கு வாக்களித்ததாக 37-43 சதவீத பேர் தெரிவித்துள்ளனர்.    அதிமுக கூட்டணிக்கு என்று 33 - 39 சதவீத வாக்காளர்கள் தெரிவித்துள்ளனர். அமமுகவிற்கு என்று 16-22 சதவீத பேர் தெரிவித்துள்ளனர். 
 
திருப்போரூர்
 
 திருப்போரூர் சட்டமன்ற தொகுதியில்- உங்கள் வாக்கு யாருக்கு? என்பதற்கு அதிமுகவிற்கு வாக்களித்ததாக 42-48 சதவீத பேர் தெரிவித்துள்ளனர்.  திமுகவிற்கு என 40-46 சதவீத பேர் தெரிவித்துள்ளனர். அமமுகவிற்கு என்று 5 - 11 சதவீத பேர் தெரிவித்துள்ளனர். 
 
பெரம்பூர்

பெரம்பூர் சட்டமன்ற தொகுதியில் - உங்கள் வாக்கு யாருக்கு? என்பதற்கு, தி.மு.க.வுக்கு வாக்களித்ததாக 40-46 சதவீத பேர் தெரிவித்துள்ளனர். அ.தி.மு.க.வுக்கு வாக்களித்ததாக 35-41 சதவீத பேர் தெரிவித்துள்ளனர். அ.ம.மு.க.வுக்கு வாக்களித்ததாக 6-12 சதவீத பேர் தெரிவித்துள்ளனர். மற்ற கட்சிகளுக்கு வாக்களித்ததாக 7-13 சதவீத பேர் தெரிவித்துள்ளனர்.

சோளிங்கர்

சோளிங்கர் சட்டமன்ற தொகுதியில் - உங்கள் வாக்கு யாருக்கு? என்பதற்கு, அ.தி.மு.க.வுக்கு வாக்களித்ததாக 43-49 சதவீத பேர் தெரிவித்துள்ளனர். தி.மு.க.வுக்கு வாக்களித்ததாக 39-45 சதவீத பேர் தெரிவித்துள்ளனர். அ.ம.மு.க.வுக்கு வாக்களித்ததாக 4-10 சதவீத பேர் தெரிவித்துள்ளனர். மற்ற கட்சிகளுக்கு வாக்களித்ததாக 2-8 சதவீத பேர் தெரிவித்துள்ளனர்.

தஞ்சாவூர்

தஞ்சாவூர் சட்டமன்ற தொகுதியில் - உங்கள் வாக்கு யாருக்கு? என்பதற்கு, தி.மு.க.வுக்கு வாக்களித்ததாக 37-43 சதவீத பேர் தெரிவித்துள்ளனர். அ.தி.மு.க.வுக்கு வாக்களித்ததாக 35-41 சதவீத பேர் தெரிவித்துள்ளனர். அ.ம.மு.க.வுக்கு வாக்களித்ததாக 15-21 சதவீத பேர் தெரிவித்துள்ளனர். மற்ற கட்சிகளுக்கு வாக்களித்ததாக 1-7 சதவீத பேர் தெரிவித்துள்ளனர்.

குடியாத்தம்

குடியாத்தம் சட்டமன்ற தொகுதியில் - உங்கள் வாக்கு யாருக்கு? என்பதற்கு, அ.தி.மு.க.வுக்கு வாக்களித்ததாக 38-44 சதவீத பேர் தெரிவித்துள்ளனர். தி.மு.க.வுக்கு வாக்களித்ததாக 35-41 சதவீத பேர் தெரிவித்துள்ளனர். அ.ம.மு.க.வுக்கு வாக்களித்ததாக 10-16 சதவீத பேர் தெரிவித்துள்ளனர். மற்ற கட்சிகளுக்கு வாக்களித்ததாக 5-11 சதவீத பேர் தெரிவித்துள்ளனர்.

பாப்பிரெட்டிபட்டி

பாப்பிரெட்டிபட்டி சட்டமன்ற தொகுதியில் - உங்கள் வாக்கு யாருக்கு? என்பதற்கு, அ.தி.மு.க.வுக்கு வாக்களித்ததாக 36-42 சதவீத பேர் தெரிவித்துள்ளனர். தி.மு.க.வுக்கு வாக்களித்ததாக 34-40 சதவீத பேர் தெரிவித்துள்ளனர். அ.ம.மு.க.வுக்கு வாக்களித்ததாக 14-20 சதவீத பேர் தெரிவித்துள்ளனர். மற்ற கட்சிகளுக்கு வாக்களித்ததாக 4-10 சதவீத பேர் தெரிவித்துள்ளனர்.

விளாத்திகுளம்

விளாத்திகுளம் சட்டமன்ற தொகுதியில் - உங்கள் வாக்கு யாருக்கு? என்பதற்கு, அ.தி.மு.க.வுக்கு வாக்களித்ததாக 31-37 சதவீத பேர் தெரிவித்துள்ளனர். தி.மு.க.வுக்கு வாக்களித்ததாக 29-35 சதவீத பேர் தெரிவித்துள்ளனர். அ.ம.மு.க.வுக்கு வாக்களித்ததாக 15-21 சதவீத பேர் தெரிவித்துள்ளனர். மற்ற கட்சிகளுக்கு வாக்களித்ததாக 13-19 சதவீத பேர் தெரிவித்துள்ளனர்.

மானாமதுரை

மானாமதுரை சட்டமன்ற தொகுதியில் - உங்கள் வாக்கு யாருக்கு? என்பதற்கு, அ.தி.மு.க.வுக்கு வாக்களித்ததாக 36-42 சதவீத பேர் தெரிவித்துள்ளனர். தி.மு.க.வுக்கு வாக்களித்ததாக 34-40 சதவீத பேர் தெரிவித்துள்ளனர். அ.ம.மு.க.வுக்கு வாக்களித்ததாக 16-22 சதவீத பேர் தெரிவித்துள்ளனர். மற்ற கட்சிகளுக்கு வாக்களித்ததாக 2-8 சதவீத பேர் தெரிவித்துள்ளனர்.

பெரியகுளம்

பெரியகுளம் சட்டமன்ற தொகுதியில் - உங்கள் வாக்கு யாருக்கு? என்பதற்கு, அ.தி.மு.க.வுக்கு வாக்களித்ததாக 36-42 சதவீத பேர் தெரிவித்துள்ளனர். தி.மு.க.வுக்கு வாக்களித்ததாக 34-40 சதவீத பேர் தெரிவித்துள்ளனர். அ.ம.மு.க.வுக்கு வாக்களித்ததாக 15-21 சதவீத பேர் தெரிவித்துள்ளனர். மற்ற கட்சிகளுக்கு வாக்களித்ததாக 3-9 சதவீத பேர் தெரிவித்துள்ளனர்.

பூந்தமல்லி

பூந்தமல்லி சட்டமன்ற தொகுதியில் - உங்கள் வாக்கு யாருக்கு? என்பதற்கு, அ.தி.மு.க.வுக்கு வாக்களித்ததாக 37-43 சதவீத பேர் தெரிவித்துள்ளனர். தி.மு.க.வுக்கு வாக்களித்ததாக 35-41 சதவீத பேர் தெரிவித்துள்ளனர். அ.ம.மு.க.வுக்கு வாக்களித்ததாக 7-13 சதவீத பேர் தெரிவித்துள்ளனர். மற்ற கட்சிகளுக்கு வாக்களித்ததாக 9-15 சதவீத பேர் தெரிவித்துள்ளனர்.

தட்டாஞ்சாவடி

தட்டாஞ்சாவடி சட்டமன்ற தொகுதியில் - உங்கள் வாக்கு யாருக்கு? என்பதற்கு, அ.தி.மு.க.வுக்கு வாக்களித்ததாக 42-48 சதவீத பேர் தெரிவித்துள்ளனர். தி.மு.க.வுக்கு வாக்களித்ததாக 38-44 சதவீத பேர் தெரிவித்துள்ளனர். மற்ற கட்சிகளுக்கு வாக்களித்ததாக 11-17 சதவீத பேர் தெரிவித்துள்ளனர்.

இந்திய கிரிக்கெட் அணியின் ஆல்-ரவுண்டர் யுவராஜ்சிங் சரியாக ஆடாததால் 2017-ம் ஆண்டு ஜூலை மாதத்திற்கு பிறகு அணியில் இருந்து நிரந்தரமாக ஓரங்கட்டப்பட்டு விட்டார். ஐ.பி.எல். மற்றும் உள்ளூர் போட்டிகளில் மட்டும் தொடர்ந்து விளையாடுகிறார்.

இந்த நிலையில் சர்வதேச கிரிக்கெட்டில் இருந்து ஓய்வு பெற யுவராஜ்சிங் திட்டமிட்டுள்ளார். இது குறித்து இந்திய கிரிக்கெட் வாரிய நிர்வாகி ஒருவர் கூறுகையில், ‘சர்வதேச கிரிக்கெட் மற்றும் முதல்தர போட்டிகளில் இருந்து ஓய்வு பெறுவது குறித்து யுவராஜ்சிங் சிந்தித்து கொண்டிருக்கிறார். இது தொடர்பாக அவர் இந்திய கிரிக்கெட் வாரியத்திடம் பேச விரும்புகிறார். கனடாவில் நடக்கும் குளோபல் லீக் மற்றும் வெஸ்ட் இண்டீஸ், அயர்லாந்து, நெதர்லாந்தில் நடக்கும் 20 ஓவர் போட்டிகளில் ஆடுவதற்கு அவருக்கு அழைப்பு வந்துள்ளது. இதற்கு கிரிக்கெட் வாரியத்தின் அனுமதியை கோருகிறார்’ என்றார்.

37 வயதான யுவராஜ்சிங் 2011-ம் ஆண்டு இந்திய அணி உலக கோப்பையை வெல்ல பக்கபலமாக இருந்தார். அந்த உலக கோப்பையில் 362 ரன்களுடன், 15 விக்கெட்டும் எடுத்து தொடர் நாயகன் விருதை பெற்றது நினைவு கூரத்தக்கது.

வார வர்த்தகத்தின் முதல் நாளான இன்று, இந்தியப் பங்குச்சந்தை உயர்வுடன் தொடங்கின. தேர்தலுக்கு பிந்தைய கருத்துக்கணிப்புகள் நேற்று வெளியான நிலையில், 2014 ஆம் ஆண்டைப் போலவே பாஜக அதிக தொகுதிகளை கைப்பற்றி மீண்டும் ஆட்சி அமைக்கும் என்று தெரிவிக்கப்பட்டுள்ளது.

இதன் எதிரொலியாக இன்று காலை சென்செக்ஸ் 950 புள்ளிகள் வரை ஏற்றம் கண்டது. இன்றைய வர்த்தகத்தின் தொடக்கத்தில் சென்செக்ஸ் 962.12 புள்ளிகள் அதிகரித்து, 38,892.89 புள்ளிகளிலும், நிஃப்டி 286.95 புள்ளிகள் உயர்ந்து, 11,694.10 புள்ளிகளிலும் வர்த்தகமாகின.

 

பக்கம் 1 / 2470
Top
We use cookies to improve our website. By continuing to use this website, you are giving consent to cookies being used. More details…