JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

சவுதியின் அப்கைக் மற்றும் குரைஸ் நகரில் உள்ள சவுதி அரம்கோ நிறுவனத்திற்கு சொந்தமான இரண்டு எண்ணெய் சுத்திகரிப்பு ஆலைகள் மீது டுரோன் மீது தாக்குதல் நடத்தப்பட்டதாக சவுதி உள்துறை அமைச்சகம் தெரிவித்துள்ளது.

இது குறித்து சவுதி உள்துறை அமைச்சகம் வெளியிட்ட அறிக்கையில்: இன்று அதிகாலை 4 மணியளவில்(சவுதி நேரப்படி) அப்கைக் மற்றும் குரைஸ் நகரில் செயல்படும் சவுதி அரம்கோ எண்ணெய் சுத்திகரிப்பு ஆலைகள் மீது டுரோன் மூலம் தாக்குதல் நடத்தப்பட்டதில் தீப்பிடித்தது. தீ உடனடியாக அணைக்கப்பட்டு விட்டது. டுரோன் தாக்குதல் குறித்து விசாரணை நடந்து வருகிறது. இவ்வாறு அந்த அறிக்கையில் கூறப்பட்டு உள்ளது. இந்த தாக்குதலுக்கு எந்த அமைப்பும் பொறுப்பு ஏற்கவில்லை. இதில் ஏற்பட்ட சேதம் குறித்து அறிவிக்கப்படவில்லை.

 

கடந்த மாதம், அரம்கோ ஷாபா எண்ணெய் ஆலையில் , இயற்கை எரிவாயு உற்பத்தி செய்யும் இடத்தில், ஏமனை சேர்ந்த ஹூதி அமைப்பினர், தாக்குதல் நடத்தினர். ஆனால், இதில், எந்த பாதிப்பும் ஏற்படவில்லை. இதற்கு முன்னர், ஹூதி அமைப்பினர், சவுதி அரேபியா விமான தளங்கள் மற்றும் சில இடங்களில் ஏவுகணை மூலம் தாக்குதல் நடத்தினர். ஏமனில், சவுதி அரசு நடத்திய தாக்குதலுக்கு பதிலடியாக தாக்குதல் நடத்தியதாக அந்த அமைப்பு தெரிவித்திருந்தது. தற்போது நடந்த தாக்குதலுக்கு இந்த அமைப்பு இதுவரை பொறுப்பு ஏற்கவில்லை.

அப்கைக் நகரில் உள்ள எண்ணெய் சுத்திகரிப்பு ஆலை தான், அரம்கோவின் மிகப்பெரிய ஆலை ஆகும். கடந்த 2006 ல் அல் கொய்தா பயங்கரவாதிகள், வெடிபொருள் ஏற்றிய வாகனங்களுடன் அப்கைக் எண்ணெய் சுத்திகரிப்பு ஆலைக்குள் புகுந்து வெடிகுண்டுகளை வெடிக்க வைத்தனர். இதில் 2 பாதுகாப்பு வீரர்கள் உயிரிழந்தனர். 2 பயங்கரவாதிகளும் உயிரிழந்தனர். இந்த தாக்குதல் சம்பவத்தில், ஒருவருக்கு, 2014ம் ஆண்டில், சவுதி நீதிமன்றம் தூக்கு தண்டனை விதித்தது. ஒருவருக்கு 33 ஆண்டு சிறையும், மற்றொருவருக்கு 27 ஆண்டு சிறை தண்டனையும் வழங்கியது.

கறுப்பு பண தடுப்பு சட்டத்தின் கீழ் ரிலையன்ஸ் குழும தலைவர் முகேஷ் அம்பானி குடும்பத்தினருக்கு வருமான வரித்துறை கடந்த மார்ச்சில் 'நோட்டீஸ்' அனுப்பியதாக தகவல் வெளியாகியுள்ளது. கணக்கில் வராத வெளிநாட்டு வருவாய் மற்றும் சொத்துக்கள் தொடர்பான புகாரில் விளக்கம் கேட்டு இந்த நோட்டீஸ் அனுப்பப்பட்டுள்ளது.

ஐரோப்பிய நாடான சுவிட்சர்லாந்தின் ஜெனிவா நகரில் உள்ள எச்.எஸ்.பி.சி. வங்கியில் கணக்கு வைத்திருந்த 700க்கும் அதிகமான இந்தியர்கள் மற்றும் நிறுவனங்களின் விபரம் 2011ல் வெளியானது. இது தொடர்பாக கிடைத்த விபரங்களின் அடிப்படையில் வருமான வரித்துறை விசாரணையை துவக்கியது. புலனாய்வு பத்திரிகையாளர்களின் சர்வதேச கூட்டமைப்பு 2015ல் 'சுவிஸ் லீக்ஸ்' என்ற பெயரில் வெளியிட்ட தகவலில் ஜெனிவா எச்.எஸ்.பி.சி. வங்கியில் கணக்கு வைத்திருப்பவர்களின் எண்ணிக்கை 1195 ஆக குறிப்பிடப்பட்டிருந்தது.

மேலும் அதே தகவலில் வரிவிலக்கு உள்ள வெளிநாடுகளில் இயங்கும் 14 நிறுவனங்களின் கணக்கில் இருந்த 4,200 கோடி ரூபாய்க்கும் ரிலையன்ஸ் குழுமத்துக்கும் தொடர்பு உள்ளதாக குறிப்பிடப்பட்டிருந்தது. அத்துடன் 14 நிறுவனங்களில் ஒன்றான 'கேபிடல் இன்வெஸ்ட்மென்ட் டிரஸ்ட்' மூலம் முகேஷ் அம்பானி குடும்பத்தினர் பயன் அடைந்து உள்ளனர் என்றும் தெரிவிக்கப்பட்டிருந்தது. இவை பற்றி பல்வேறு நாடுகளில் உள்ள அமைப்புகள் மூலம் விசாரித்து கிடைத்த தகவல்களின் அடிப்படையில் மஹாராஷ்டிரா மாநிலம் மும்பையில் உள்ள வருமான வரித்துறை முகேஷ் அம்பானி குடும்பத்திற்கு கடந்த மார்ச் 28ல் நோட்டீஸ் அனுப்பியுள்ளது.

முகேஷ் அம்பானி மனைவி நீடா அம்பானி அவர்களது மூன்று குழந்தைகளுக்கு நோட்டீஸ் அனுப்பப்பட்டதாகவும் இந்த நடவடிக்கை மிகவும் ரகசியமாக வைக்கப்பட்டதாகவும் தகவல்கள் தெரிவிக்கின்றன. கணக்கில் வராத வெளிநாட்டு வருவாய் மற்றும் சொத்துக்களை கண்டறிந்து வரி வசூலிக்கும் கறுப்பு பண தடுப்பு சட்டம் 2015ன் 10-வது பிரிவின் கீழ் இந்த நோட்டீஸ் அனுப்பப்பட்டதாக தெரிகிறது. 'பிரிட்டிஷ் விர்ஜின் தீவுகளில் செயல்படும் கேப்பிடல் இன்வெஸ்ட்மென்ட் டிரஸ்ட் மற்றும் கேமேன் தீவுகளில் செயல்படும் இன்ப்ராஸ்டரக்சர் நிறுவனத்தின் இறுதி பயனாளர்களாக முகேஷ் அம்பானி குடும்பத்தினர் இருந்துள்ளனர்.

'இதுகுறித்த விபரங்களை வருமான வரி கணக்கில் காட்டாதது ஏன்; வெளிநாட்டு வருவாய் மற்றும் சொத்துக்கள் தொடர்பான விபரங்களை உடனே தெரிவியுங்கள்' என அம்பானி குடும்பத்தினருக்கு அனுப்பப்பட்டுள்ள நோட்டீசில் குறிப்பிடப்பட்டிருக்கிறது. இது தொடர்பாக கடந்த ஏப்ரல் -12ல் முதல் முறையாக விசாரணைக்கு வருமாறு அம்பானி குடும்பத்தினருக்கு தகவல் அனுப்பப்பட்டதாக தெரிகிறது. எனினும் முகேஷ் அம்பானி குடும்பத்துக்கு வருமான வரித்துறை நோட்டீஸ் அனுப்பியுள்ளதாக வந்துள்ள தகவலை ரிலையன்ஸ் குழும செய்தி தொடர்பாளர் மறுத்துள்ளார்.

சனிக்கிழமை, 14 செப்டம்பர் 2019 00:00

ஜீவசமாதி வாபஸ் பக்தர்கள் ஏமாற்றம்

சிவகங்கை அருகே, பாசாங்கரையில் உயிர் பிரியாததால், ஜீவசமாதி அடையும் திட்டத்தை, சிவ பக்தர், இருளப்பசாமி கைவிட்டார். இதனால், இரவு முழுவதும் காத்திருந்த பக்தர்கள், ஏமாற்றத்துடன் திரும்பினர். சிவகங்கை அருகே, பாசாங்கரையைச் சேர்ந்தவர், இருளப்பசுவாமி, 77; சிவபக்தர். சில மாதங்களுக்கு முன், இவரது கனவில், சிவன் வந்து, ஜீவசமாதி அடையுமாறு கூறியதாகவும், செப்.,12ம் தேதி நள்ளிரவு, 12:00 மணி முதல், மறுநாள் காலை, 5:00 மணிக்குள், இயற்கை மரணம் அடைந்து, சிவலிங்கத்தை கட்டி அணைத்தபடி, ஜீவசமாதி அடைய உள்ளதாக அறிவித்தார். பல்வேறு அமைப்புகள் சார்பில், ஜீவசமாதிக்கு, 10 அடி நீள, அகலமுள்ள குழி தோண்டப்பட்டது. செப்.,12 இரவு, சமாதி அமைய உள்ள இடத்தில், பக்தர்களுக்கு ஆசி வழங்கினார். பக்தர்கள் திருவாசகம், தேவாரப்பாடல் பாடினர். மாநிலம் முழுவதுமிருந்து, ஏராளமான பக்தர்கள் பங்கேற்றனர். அன்னதானம், வழங்கப்பட்டது.

கூடுதல், எஸ்.பி., மங்களேஸ்வரன் உட்பட, 200 போலீசார் பாதுகாப்பில் ஈடுபட்டனர். டாக்டர் சோதனை செப்.,12ம் தேதி இரவு, 10:00 மணியில் இருந்து, ஒரு மணி நேரத்திற்கு ஒருமுறை என, நேற்று காலை, 6:00 மணி வரை, இடைய மேலுார் ஆரம்ப சுகாதார நிலைய டாக்டர் ஆனந்த்குமார், இருளப்ப சுவாமியின் ரத்த ஓட்டம், நாடித்துடிப்பினை பரிசோதித்தார். சீரான ரத்த ஓட்டம், நாடித்துடிப்பு இருந்தது.நேற்று காலை, 5:00 மணி வரை, உயிர் பிரியவில்லை; இதை அடுத்து, ஜீவசமாதி அடையும் திட்டத்தை கைவிட்டுள்ளதாக, இருளப்பசுவாமி அறிவித்தார். இதனால், இரவு முழுவதும் காத்திருந்த பக்தர்கள், ஏமாற்றத்துடன் திரும்பினர்.

ம.பி., மாநிலம், பன்னா மாவட்டத்தில் உள்ள சுரங்கத்தில், 1.5 கோடி ரூபாய் மதிப்புள்ள, 29.46 காரட் வைரம் கிடைத்துள்ளது. ம.பி.,யில், பன்னா மாவட்டத்தில், கிருஷ்ணா கல்யாண்பூர் என்ற இடத்தில், வைரச்சுரங்கம் உள்ளது.

இங்கு, பிரிஜேஷ் உபாத்யாய் என்பவருக்கு, 29.46 காரட் வைரம் கிடைத்துள்ளது. சந்தையில், இதன் விலை, 1.5 - 2 கோடி ரூபாய் வரை இருக்கும் என, மதிப்பிடப்பட்டுள்ளது.

எடுக்கப்பட்ட வைரத்தை, அங்குள்ள வைர அலுவலகத்தில், அவர் ஒப்படைத்துள்ளார். இது ஏலத்தின் மூலம் விற்பனை செய்யப்படும். அரசுக்கு சேர வேண்டிய ராயல்டி மற்றும் வரி போக, மீத தொகை, வைரத்தை எடுத்தவருக்கே வழங்கப்படும்.

பிரிஜேஷ், 25 ஆண்டுகளாக இத்தொழிலில் இருந்தாலும், இதுவரை சிறிய வைரங்களே கிடைத்துள்ளன. இதுவே, அவருக்கு கிடைத்துள்ள மிகப்பெரிய வைரம் என, தெரிவித்தார்.

வெள்ளிக்கிழமை, 13 செப்டம்பர் 2019 00:00

காஷ்மீரில் நிலம் வாங்க கர்நாடக அரசு தீவிரம்

ஜம்மு - காஷ்மீரில், கர்நாடக அரசு சார்பில் நிலம் வாங்க முடிவு செய்துள்ளதாக, அம்மாநில சுற்றுலா துறை அமைச்சர், சி.டி.ரவி, நேற்று தெரிவித்தார். ஜம்மு - காஷ்மீருக்கு வழங்கப்பட்டு வந்த சிறப்பு அந்தஸ்து ரத்து செய்யப்பட்டுள்ள நிலையில், அப்பகுதி மக்களுக்கு வேலைவாய்ப்பை உருவாக்க, மத்திய அரசு தீவிரம் காட்டி வருகிறது. இந்நிலையில், பிரபல வர்த்தக நிறுவனங்கள், தங்கள் கிளைகளை, ஜம்மு - காஷ்மீரில் துவக்குவோம் என அறிவித்துள்ளன. அதே போல, மஹாராஷ்டிரா உட்பட பா.ஜ., ஆளும் மாநில அரசுகளும், இம்மாநிலத்தில் தங்கள் சுற்றுலா துறையை மேம்படுத்த முடிவு செய்துள்ளன. இந்த வரிசையில், கர்நாடகாவும், ஜம்மு - காஷ்மீரில் சுற்றுலாவை மேம்படுத்த தீர்மானித்துள்ளது. இது பற்றி, கர்நாடக சுற்றுலா துறை அமைச்சர், சி.டி.ரவி அளித்த பேட்டி:கர்நாடக அரசு சார்பில், ஜம்மு - காஷ்மீரில் சுற்றுலாவை மேம்படுத்த முடிவு செய்துள்ளோம். இது குறித்து, அமைச்சரவையில் விவாதித்து ஒப்புதல் பெறப்படும். பின், ஜம்மு - காஷ்மீரில் முதலீடு செய்ய அனுமதி கொடுக்குமாறு, மத்திய அரசு மற்றும் ஜம்மு - காஷ்மீர் துணை நிலை ஆளுநருக்கு கடிதம் எழுதுவோம். இதற்காக, நாட்டின் எல்லை மாநிலமான காஷ்மீரில், நிலம் வாங்க முடிவு செய்துள்ளோம். அந்த இடத்தில், கர்நாடக சுற்றுலா மேம்பாட்டு வாரியம் அமைக்கும் யோசனை உள்ளது. இவ்வாறு, அவர் கூறினார்.

பக்கம் 3 / 2631
Top
We use cookies to improve our website. By continuing to use this website, you are giving consent to cookies being used. More details…