JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

இந்தியா - இந்தோனேஷியா தூதரக நட்புறவு ஏற்பட்டதன் 70-வது ஆண்டையொட்டி இந்தோனேஷியா அரசு ராமாயண காட்சியை விளக்கும் சிறப்பு தபால்தலை வெளியிட்டுள்ளது.

இந்தியா- இந்தோனோஷியா இடையே கடந்த 1949-ம் ஆண்டு தூதரக ரீதியில் நட்புறவு ஏற்பட்டது. இதன் 70-ம் ஆண்டையொட்டி சிறப்பு தபால் தலை வெளியிட இந்தோனேஷிய அரசு முடிவு செய்திருந்தது. கடந்த 2018-ம் ஆண்டு பிரதமர் மோடி இந்தோனேஷியா சென்றிருந்த போது இதற்கான ஒப்புதல் பெறப்பட்டது.

இதையடுத்து ராமாயணத்தில் இடம் பெறற ஒரு காட்சியை சித்திரிக்கும் தபால் தலை வெளியிட்டு விழா நடந்தது. விழாவில் இந்திய தூதர் பிரதீப் குமார் ராவத், இந்தோனேஷிய வெளியுறவுத்துறை இணை அமைச்சர் அப்தூர்ரஹ்மான் முகமது பஷீர் உள்ளிட்டோர் கலந்து கொண்டனர். இந்த தபால் தலையை இந்தோனேஷியாவின் பாபக் நெயோமன் நூரத் என்ற சிற்பி வடிவமைத்துள்ளார்.

புதன்கிழமை, 24 ஏப்ரல் 2019 00:00

கர்நாடகா : ஆட்சிக்கு ஆபத்து ?

 சில எம்.எல்.ஏ.,க்கள் வெளியேற உள்ளோம்' என கர்நாடக காங்கிரஸ் எம்.எல்.ஏ., ரமேஷ் ஜார்கிஹோளி கூறியிருப்பது அரசுக்கு ஆபத்தை ஏற்படுத்திள்ளது. கர்நாடகாவில் காங்., ம.ஜ.த., கூட்டணி ஆட்சியில் உள்ளது.

கட்சி மீது அதிருப்தியில் உள்ள கோகாக் காங்கிரஸ் எம்.எல்.ஏ. ரமேஷ் ஜார்கிஹோளி விரைவில் தன் பதவியை ராஜினாமா செய்வதாக பெலகாவியில் நேற்று முன்தினம் தெரிவித்தார்.

பின்பெங்களூருவில் ரமேஷ் ஜார்கிஹோளி நேற்று அளித்த பேட்டி: நான் மட்டும் ராஜினாமா செய்ய வேண்டுமானால் எப்போதோ செய்திருப்பேன். என்னுடன் சில எம்.எல்.ஏ. க்களும் இணைந்து ராஜினாமா செய்ய உள்ளோம். இவ்வாறு அவர்கூறினார்.பின் ரகசிய இடத்துக்கு ரமேஷ் ஜார்கிஹோளி புறப்பட்டு சென்றார். அவருடன் எத்தனை எம்.எல்.ஏ.,க்கள் ராஜினாமா செய்வர் என்பது தெரியவில்லை.

பத்துக்கும் அதிகமானோர் ராஜினாமா செய்யும் பட்சத்தில் பெரும்பான்மையை நிரூபிக்க கூட் டணி அரசுக்கு உத்தரவிடும்படி கவர்ன ருக்கு நெருக்கடி கொடுக்க பா.ஜ. முடிவு செய்து உள்ளதாக அக்கட்சி வட்டாரத்தில் பேசப்படுகிறது.

உள்ளூர் நிறுவனங்களின் வர்த்தக போட்டி, சீன அரசின் கடுமையான விதிமுறைகள் ஆகியவை காரணமாக சீனாவில் கடந்த 15 ஆண்டுகள் ஆன்லைன் வர்த்தக சேவை செய்து கொண்டிருந்த அமேசான் நிறுவனம் தற்போது நாட்டை விட்டு வெளியேற முடிவு செய்துள்ளது.

சீனாவில் அமேசானுக்கு போட்டியாக உள்ளூர் நிறுவனங்களான அலிபாபா மற்றும் ஜே.டி.காம் ஆகிய நிறுவனங்கள் புதிய சலுகைகளை வழங்கி வாடிக்கையாளர்களை அசத்தி வருகின்றன. மேலும் இந்த இரு நிறுவனங்களுக்கும் சீன அரசின் பெரும் ஒத்துழைப்பு உள்ளது. ஆனால் வெளிநாட்டு நிறுவனமான அமேசானுக்கு மட்டும் சீன அரசு கடும் விதிமுறைகளை விதித்து வருகிறது. இதனால் வேறு வழியின்றி வரும் ஜூன் 18 முதல் சீனாவில் ஆன்லைன் வர்த்தக சேவையை நிறுத்தி கொள்வதாக அந்நிறுவனம் அதிகாரபூர்வமாக அறிவித்துள்ளது. எனவே இனி சீனாவில் உள்ளவர்கள் அமேசான் நிறுவனத்தின் மூலம் வெளிநாட்டு பொருட்களை மட்டுமே வாங்க முடியும் 
 
இருப்பினும் அமேசானின் வெப் சேவைகள், கிண்டில் இ-புத்தகங்கள் மற்றும் கிராஸ்-பார்டர் செயல்பாடுகள் சீனாவில் தொடரும் என்று அமேசான் அறிவித்துள்ளது. அமேசானின் இந்த அதிரடி முடிவால் சீன நிறுவனங்கள் மகிழ்ச்சி அடைந்திருந்தாலும் சீன மக்கள் வருத்தத்தில் இருப்பதாக கூறப்படுகிறது

 

புதன்கிழமை, 24 ஏப்ரல் 2019 00:00

இலங்கை குண்டுவெடிப்பு: 100 பேர் கைது

 இலங்கை குண்டுவெடிப்புகள் தொடர்பாக இதுவரை 100 பேர் கைது செய்யப்பட்டுள்ளனர். தாக்குதல் நடத்தியவர்கள் 9 பேர் என்றும் அவர்களில் 8 பேர் அடையாளம் காணப்பட்டுள்ளதாகவும் அந்நாட்டு அமைச்சர் ருவான் விஜேரத்னே கூறினார்.

இலங்கையில் ஏப்.,21 ம் தேதியன்று நடந்த தொடர் குண்டுவெடிப்பு தாக்குதலில் பலியானவர்களின் எண்ணிக்கை 359 ஆக அதிகரித்துள்ளது. இதில் நூற்றுக்கணக்கானவர்கள் படுகாயம் அடைந்துள்ளனர். இந்த தாக்குதலுக்கு ஐஎஸ் பயங்கரவாத அமைப்பு பொறுப்பேற்றுள்ளது. 

இந்நிலையில் வெடி பொருட்கள் நிரப்பப்பட்ட லாரி ஒன்று கொழும்பு நகருக்குள் நுழைந்துள்ளதாக உளவுத்துறைக்கு தகவல் கிடைத்தது. இதனையடுத்து கொழும்பு நகர் முழுவதும் சோதனை தீவிரப்படுத்தப்பட்டது. இதன் ஒரு பகுதியாக இன்று (ஏப்.,24) கொழும்புவின் வெள்ளவத்தை பகுதியில் உள்ள சவாய் தியேட்டர் அருகில் மோட்டார் சைக்கிள் ஒன்றில் இருந்து மேலும் ஒரு வெடிகுண்டு கண்டுபிடிக்கப்பட்டு செயலிழக்கம் செய்யப்பட்டுள்ளது. ஆனால் வெடிகுண்டு எதுவும் கண்டுபிடிக்கப்படவில்லை என்றும் வண்டியின் பெட்டியை திறக்க முடியாததால் சிறு குண்டு வைத்து வண்டியை தகர்த்துவிட்டதாக தகவல்கள் தெரிவிக்கின்றன.

இலங்கையின் தற்போதைய நிலவரம் குறித்து அந்நாட்டு பாதுகாப்புத்துறை அமைச்சர் ருவான் விஜேவர்தனே செய்தியாளர்களிடம் பேசுகையில், இன்னும் 2 நாட்களில் இலங்கையின் பாதுகாப்பு நிலவரம் உறுதிப்படுத்தப்படும். இரண்டு குழுக்களாக பிரிந்து பயங்கரவாத அமைப்பினர் செயல்படுவது தெரிய வந்துள்ளது. இந்த தாக்குதலில் பயங்கரவாத அமைப்பின் ஒரு பிரிவின் தலைவன், மனித வெடிகுண்டாக மாறி உயிரிழந்திருப்பது தெரிய வந்துள்ளது. 

தாக்குதலில் ஈடுபட்ட மொத்தம் 9 பயங்கரவாதிகளில் ஒரு பெண் உள்பட 8 பேர் அடையாளம் காணப்பட்டுள்ளனர். இது தொடர்பாக மொத்தம் 100 பேர் கைது செய்யப்பட்டுள்ளனர். பயங்கரவாதிகளின் அடையாளத்தை இப்போது வெளியிட முடியாது. விசாரணையை பாதிக்கும் என்பதால் பயங்கரவாதிகளின் பெயர் உள்ளிட்ட விபரங்களை வெளியிட முடியாது. தாக்குதலில் உயிரிழந்தவர்களின் எண்ணிக்கை 359 ஆக அதிகரித்துள்ளது. இவர்களில் 39 பேர் வெளிநாட்டினர். இவர்களில் 17 வெளிநாட்டினரின் உடல்கள் அடையாளம் காணப்பட்டு, அவர்களின் குடும்பத்தினரிடம் ஒப்படைக்கப்பட்டுள்ளது. தொடர்ந்து விசாரணை நடத்தப்பட்டு வருகிறது. இவ்வாறு அவர் தெரிவித்துள்ளார்.

செவ்வாய்க்கிழமை, 23 ஏப்ரல் 2019 00:00

குற்றால அருவிகளில் தண்ணீர் பெருக்கு

திருநெல்வேலி மாவட்டம், குற்றாலம் பகுதியில் திங்கள்கிழமை இரவு மழை பெய்ததைத் தொடர்ந்து பேரருவி மற்றும் ஐந்தருவிகளில் தண்ணீர் பெருக்கெடுத்து விழுந்ததால், சுற்றுலா பயணிகள் உற்சாகமாக குளித்து மகிழ்ந்தனர்.
குற்றாலம் பகுதியில் திங்கள்கிழமை நள்ளிரவு பலத்த இடி, மின்னலுடன் கனமழை பெய்தது. இதையடுத்து, குற்றாலம் பேரருவியில் நள்ளிரவில் அதிகளவில் தண்ணீர் கொட்டியது. இதன் காரணமாக, சுற்றுலாப் பயணிகள் பேரருவியில் குளிக்கத் தடை விதிக்கப்பட்டது. 

இந்நிலையில், செவ்வாய்க்கிழமை அதிகாலை முதல் தண்ணீர்வரத்து சற்று குறைந்ததையடுத்து, குற்றாலம் பேரருவியில் சுற்றுலாப் பயணிகள் குளிக்க அனுமதிக்கப்பட்டனர். மேலும், பழைய குற்றாலம் மற்றும் ஐந்தருவியிலும் தண்ணீர் கொட்டியதால், அங்கும் சுற்றுலா பயணிகள் உற்சாகமாக குளித்தனர். 

கோடைகாலத்தில் அருவிகளில் தண்ணீர் கொட்டுவதையடுத்து, சுற்றுப் பகுதியைச் சேர்ந்த சுற்றுலாப் பயணிகள் உற்சாகத்துடன் குளித்து மகிழ்ந்தனர்.

பக்கம் 3 / 2441
Top
We use cookies to improve our website. By continuing to use this website, you are giving consent to cookies being used. More details…