JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

ஜெர்மனி மற்றும் போலந்து அணி போட்டியில் டிராவில் முடிந்தது.

பிரான்ஸ் : நேற்று இரவு நடைபெற்ற இந்த ஆட்டத்தில் ஜெர்மனி  போலந்து இரு அணியும்  கோல் இல்லாமல்  போட்டி டிராவில் முடிவு அடைந்தது...

பிரிட்டனின் தொழிற்கட்சியைச் சேர்ந்த நாடாளுமன்ற உறுப்பினரான ஜோ காக்ஸ் துப்பாக்கியால் சுடப்பட்டு, பின்னர் கத்தியால் குத்தப்பட்டு படுகாயமடைந்த நிலையில் உயிரிழந்தார்.

துப்பாக்கிச் சூட்டிற்கான காரணம் என்ன என்பது இன்னும் தெளிவாக தெரியவில்லை.

இந்த சம்பவத்தை தொடர்ந்து ஐரோப்பிய ஒன்றியத்தில் பிரிட்டன் தொடர்வதா வேண்டாமா என்பதற்கான கருத்தறியும் வாக்கெடுப்புக்கான பிரசாரங்களை இரு தரப்பினரும் ரத்து செய்துள்ளனர்.

நாடாளுமன்றத்தின் தொழிற்கட்சி உறுப்பினரான ஜோ காக்ஸ், தான் ஒரு கூட்டம் நடத்திக் கொண்டிருந்த நூலகத்தின் வெளியே, சண்டை போட்டுக் கொண்டிருந்த இருவரிடையே தலையிட்டார் என்று சம்பவத்தை நேரில் பார்த்த ஒருவர் தெரிவித்துள்ளார்.

அந்த இரண்டு நபர்களில் ஒருவர் துப்பாக்கி வைத்திருந்ததாகவும், காக்ஸ் அவருடன் போராடியபோது அவர் சுடப்பட்டார் எனவும் அவர் தெரிவித்துள்ளார்.

அவர் ரத்த வெள்ளத்தில் நடை பாதையில் விழுந்துகிடந்த நிலையிலும்கூட, தாக்குதலில் ஈடுபட்டவர் அவரை தொடர்ந்து கத்தியால் குத்தத் தொடங்கினார் என நேரில் பார்த்தவர்கள் கூறினர்.

இத்தாக்குதல் அவர் மீது குறிவைத்தே நடத்தப்பட்டது என்று வேறு சிலர் கூறுகின்றனர்.

இது குறித்து 52 வயது நபர் ஒருவரை போலீஸார் கைது செய்துள்ளனர். அவரிடமிருந்து ஆயுதங்கள் பறிமுதல் செய்யப்பட்டதாகவும் கூறப்படுகிறது.

இச் சம்பவம் குறித்து மேற்கு யார்க்ஷயர் போலீஸ் மற்றும் குற்றவியல் துறை ஆணையர்கள் வெளியிட்ட அறிக்கையில், நேரில் பார்த்த பல சாட்சிகளிடம் போலீசார் விரிவான விசாரணை நடத்தியிருப்பதாகவும், கொலைக்கான காரணத்தைக் கண்டறிய முழு அளவிலான விசாரணை நடப்பதாகவும் தெரிவித்துள்ளனர்.

பிரதமர் டேவிட் கேமரன், கிப்ரால்டருக்கு செல்லவிருந்த தனது திட்டமிட்ட பயணத்தை ரத்து செய்துள்ளார்.

ஜோ காக்ஸ் மரணம் குறித்து இரங்கல் தெரிவித்துள்ள டேவிட் கேமரன், ''ஜோ காக்ஸ் மரணம் ஒரு துயரச் சம்பவம். அவர், அர்ப்பணிப்பு உணர்வு கொண்ட, அக்கறை கொண்ட எம்.பி. அவரது கணவர் பிரேண்டன் மற்றும் இரண்டு இளம் குழந்தைகளுக்கு எனது ஆழ்ந்த வருத்தங்கள் '' எனக் குறிப்பிட்டுள்ளார்.

உள்துறை அமைச்சர் தெரஸா மே உள்பட மேலும் பல தலைவர்கள் ஜோ காக்ஸ் மறைவுக்கு இரங்கல் தெரிவித்துள்ளனர்.

வெள்ளிக்கிழமை, 17 ஜூன் 2016 00:00

தக்காளி விலை கணிசமாக குறைந்துள்ளது

சென்னை கோயம்பேடு சந்தையில் தக்காளி விலை கணிசமாக குறைந்துள்ளது. 1 வாரத்திற்கு முன் கிலோ ரூ.110-க்கு விறக்கப்பட்ட தக்காளி விலை, படிப்படியாக குறைந்து உயர் ரக தக்காளி ரூ.50-ஆகவும், இரண்டாம் ரக தன்னாளி கிலோ ரூ.40-ஆகவும் விற்பனை செய்யப்படுகிறது. கோயம்பேட்டை தவிர பிற இடங்களில் உயர் ரக தக்காளி கிலோ ஒன்று ரூ.60 முதல் ரூ.70 வரை விற்கப்படுகிறது. எனினும் பருப்பு விலையும் சற்று அதிகமாக இருப்பதால் இல்லத்தரசிகளின் புலம்பல் குறையவில்லை. கடந்த சில நாட்களாக விலை அதிகமாக இருந்ததால் தக்காளியை வாங்க யாரும் முன் வரவில்லை. இதனால் படிப்படியாக விலை குறைந்தது. கேரட் ஒரு கிலோ ரூ.60-க்கும், பீன்ஸ் கிலோ ரூ.90 - 120-க்கும் விற்கப்படுகிறது.

தக்காளி மற்றும் காய்களின் விலை மேலும் குறைய வாய்ப்பு உள்ளது. விலையை கட்டுக்குள் கொண்டு வந்து ஏழை மக்களும் பயன் பெறும் வகையில் விலை நிர்ணயம் செய்ய வேண்டும் என்று அனைத்து தரப்பினரும் கோரிக்கை விடுத்துள்ளனர்.

தி.மு.க., பொருளாளர் ஸ்டாலின் அளித்த பேட்டி: சட்டசபைக்கு கருணாநிதி வந்து செல்ல வசதியாக இருக்கை ஒதுக்கப்படவில்லை. வீல்சேர் வந்து செல்ல முடியாத இடத்தில் கருணாநிதிக்கு இருக்கை ஒதுக்கப்பட்டுள்ளது. கருணாநிதி பங்கேற்கும் வகையில் இருக்கை அமைக்க வலியுறுத்தியுள்ளோம். 89 சட்டசபை உறுப்பினர்களை கொண்ட தி.மு.க.,வுக்கு முறைப்படி இருக்கை ஒதுக்க வேண்டும். தி.மு.க., சார்பில் சட்டசபையில் 3 பேர் பேச வாய்ப்பு கேட்கப்பட்டது. 2 பேருக்கு அனுமதி வழங்கப்பட்டுள்ளது. இதனை நாங்கள் ஏற்கவில்லை. தி.மு.க., அளித்த கோரிக்கைகள் குறித்து எந்த பதிலும் வரவில்லை. பரிசீலனையில் உள்ளதாக சபாநாயகர் கூறியுள்ளார். எங்களது கோரிக்கைகளை நிறைவேற்றாதபட்சத்தில் கருணாநிதியிடம் பேசி முடிவு எடுக்கப்படும். அ.தி.மு.க.,வின் காளிமுத்து சபாநாயகராக இருந்த போது, சைதாப்பேட்டை தி.மு.க., உறுப்பினர் மறைவுக்கு இரங்கல் தெரிவிக்கும் வகையில் சபையை ஒத்திவைக்க கோரிக்கை விடுத்தோம். இது ஏற்கப்படவில்லை. ஆனால் தற்போது, எம்.எல்.ஏ.,வாக பதவியேற்காத சீனிவேல் மறைவுக்கு இரங்கல் தெரிவித்து சபை ஒத்திவைக்கப்பட்டது. இது பற்றி கேள்வி எழுப்பியிருக்க முடியும். ஆனால் பெருந்தன்மையாக விட்டுவிட்டோம். எங்களுக்கு இருக்கும் பெருந்தன்மை, ஆளுங்கட்சிக்கு இல்லை எனக்கூறினார்.

வெள்ளிக்கிழமை, 17 ஜூன் 2016 00:00

தங்கம் விலை கீழ் சரிந்தது

கடந்த சில நாட்களாக தொடர்ந்து அதிரடியாக உயர்ந்து வந்த தங்கம் விலை, இன்று ஒரே நாளில் சவரனுக்கு ரூ.400 குறைந்துள்ளது. இதே போன்ற வெள்ளி விலையும் அதிரடியாக குறைந்துள்ளது. பார்வெள்ளி விலை ஒரே நாளில் ரூ.2000 குறைந்துள்ளது. இன்று காலை நேர நிலவரப்படி, சென்னையில் ஒரு கிராம் (22 காரட்) ரூ.2869 ஆகவும், 10 கிராம் (24 காரட்) ரூ.30680 ஆகவும் உள்ளன. ஒரு சவரன் தங்கம் ரூ.22,952 க்கு விற்பனையாகிறது. ஒரு கிராம் வெள்ளி ரூ.1.20 காசுகள் குறைந்து ரூ.44.90 ஆகவும், பார்வெள்ளி ரூ.2000 குறைந்து ரூ.41,975 ஆகவும் உள்ளது.

Top
We use cookies to improve our website. By continuing to use this website, you are giving consent to cookies being used. More details…