JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

பாகிஸ்தானின் முன்னாள் கிரிக்கெட் வீரரும், தெஹ்ரீக்-இ-இன்சாஃப் கட்சித் தலைவருமான இம்ரான் கான் மூன்றாவது திருமணம் செய்துகொண்டதாகத் தகவல்கள் வெளியாகின. இதை அவர் மறுத்துள்ளார்.

பிபிசி தொலைக்காட்சியில் வானிலை அறிவிப்பாளராகப் பணியாற்றியுள்ள ரெஹம் கானுக்கும், இம்ரான் கானுக்கும் கடந்தவருடம் ஜனவரி மாதம் திருமணம் நடைபெற்றது. ஆனால் அவர், திருமணமான பத்தே மாதங்களில் தனது மனைவி ரெஹம் கானிடமிருந்து விவாகரத்து பெற்றார். இருவருக்கும் இடையே பரஸ்பர சம்மதத்தின் பேரில் விவாகரத்து ஆனதாக அறிவிக்கப்பட்டது. அரசியல் விவகாரங்களில் ரெஹம் கான் தலையிடுவதை இம்ரான் கான் விரும்பாததால் இருவரிடையே விவாகரத்து ஆனதாக இம்ரான் உறவினர்கள் வட்டாரத்தில் கூறப்பட்டது.

62 வயதான இம்ரான் கானுக்கு ஏற்கெனவே ஜெமீமா கோல்ட்ஸ்மித் என்பவருடன் கடந்த 1995-ம் ஆண்டு திருமணமாகி, இரண்டு மகன்கள் உள்ளனர். ஒன்பது ஆண்டுகளுக்குப் பிறகு இம்ரான்-ஜெமீமா இடையே விவாகரத்து ஆனதைத் தொடர்ந்து மகன்கள் இருவரும் தாயுடன் வசித்து வருகின்றனர். 41 வயதான ரெஹம் கானும், மருத்துவர் ஒருவரை திருமணம் செய்து விவாகரத்துப் பெற்றவர். இவருக்கு மூன்று குழந்தைகள் உள்ளனர்.

இந்நிலையில் இம்ரான் கான், மர்யம் என்கிறவரை மூன்றாவது திருமணம் செய்துகொண்டதாகத் தகவல்கள் வெளியாகின. இதை இம்ரான் கான் மறுத்துள்ளார். இதுபற்றி அவர் கூறும்போது, நிச்சயம் ஆதாரமில்லாத செய்தி இது. ஒருவேளை நான் மூன்றாவது திருமணம் செய்துகொண்டால் அதை அனைவருக்கும் தெரிவிப்பேன் என்றார்.

உத்தியோகபூர்வ விஜயமொன்றை மேற்கொண்டு, தெற்கு மற்றும் மத்திய ஆசிய விவகாரங்களுக்கான அமெரிக்காவின் உதவி இராஜாங்க செயலாளர் நிஷா பிஷ்வால் இன்று பிற்பகல் இலங்கை வந்தடைந்துள்ளார்.

அவருடன், தெற்காசியாவுக்கான அமெரிக்காவின் பதில் உதவிச் செயலாளர் மான்பிரீட் சிங்கும் இலங்கை வந்தடைந்துள்ளார். இவர்கள், இலங்கையில் பல உயர்மட்ட சந்திப்புக்களில் ஈடுபடவுள்ளமை குறிப்பிடத்தக்கது.

இலங்கையை நோக்கி படையெடுக்கும் இராஜதந்திரிகள் : அழுத்தத்திற்கு உள்ளாகுமா அரசாங்கம்?

சர்வதேச நாடுகளின் உயர்மட்ட இராஜதந்திரிகள் அண்மைய நாட்களாக அடுத்தடுத்து இலங்கைக்கு விஜயம் மேற்கொண்டு வருகின்ற நிலையில், யுத்த குற்ற விசாரணை பொறிமுறை குறித்து அரசாங்கம் கடும் நெருக்கடிக்கு உள்ளாகி வருவதாகவும் அதே சந்தர்ப்பத்தில் மேற்குலகத்தின் ஆதிக்கம் அதிகரித்து வருவதாகவும் அரசியல் ஆய்வாளர்கள் தெரிவிக்கின்றனர்.

மூன்று நாள் விஜயமாக இலங்கை வந்திருந்த சீன வெளிவிவகார அமைச்சர் வாங் யீ நேற்று முன்தினம் நாடுதிரும்பியுள்ள நிலையில், இன்று உத்தியோகபூர்வ விஜயமொன்றை மேற்கொண்டு, தெற்கு மற்றும் மத்திய ஆசிய விவகாரங்களுக்கான அமெரிக்க உதவி இராஜாங்க செயலாளர் நிஷா பிஷ்வால் இலங்கை வரவுள்ளார்.

கடந்த வருடம் ஜெனீவாவில் நிறைவேற்றப்பட்ட இலங்கை தொடர்பான பிரேரணைக்கு அமெரிக்கா முக்கிய பங்குதாரராக செயற்பட்டது. அண்மையில் ஜனாதிபதி மைத்திரி, தான் ஆட்சியில் இருக்கும்வரை சர்வதேசத்தின் தலையீட்டை அனுமதியேன் என்று அழுத்தமாக குறிப்பிட்டுள்ளார். இந்நிலையில், அமெரிக்க உதவி இராஜாங்க செயலாளர் இலங்கை வருவதானது, அரசியல் களத்தில் பெரும் பரபரப்பை ஏற்படுத்தியுள்ளது.

இலங்கையில் ஏற்படுத்தப்படும் விசாரணை பொறிமுறையில் சர்வதேசத்தின் பங்களிப்பு அவசியம் இருக்கவேண்டுமென பிரதான எதிர்க்கட்சியான தமிழ்த் தேசியக் கூட்டமைப்பு வலியுறுத்தி வருகின்ற நிலையில், நாளைய தினம் கூட்டமைப்பினருடன் நிஷா பிஷ்வால் சந்திப்பில் ஈடுபடவுள்ளார். இதன்போது அமெரிக்காவின் அனுசரணையுடன் கடந்த வருடம் ஐ.நா மனித உரிமை பேரவையில் நிறைவேற்றப்பட்ட தீர்மானத்தை நிறைவேற்ற வேண்டுமென, அரசாங்கத்திற்கு அழுத்தம் கொடுக்குமாறு கூட்டமைப்பு வலியுறுத்துமென, அதன் நாடாளுமன்ற உறுப்பினர் மாவை சேனாதிராஜா தெரிவித்துள்ளார்.

மேலும், உள்ளக விசாரணை பொறிமுறையில் காணப்படும் சிக்கல்கள், அதனை நடைமுறைப்படுத்தும் போது எதிர்கொள்ளும் சவால்கள் என்பன குறித்து ஜனாதிபதி, பிரதமர் மற்றும் வெளிவிவகார அமைச்சருடனான சந்திப்பின்போது நிஷா பிஷ்வால் கலந்துரையாடவுள்ளார்.

அத்தோடு, அமெரிக்காவின் ஜனநாயகம் மற்றும் மனித உரிமை விவகாரத்திற்கு பொறுப்பான உதவிச்செயலாளர் டொம் மலினோக்ஸியும் இன்று இலங்கை வரவுள்ளார். இறுதிக்கட்ட யுத்தத்தின்போதும் யுத்தத்திற்கு பின்னராக காலப்பகுதியிலும் பாரிய மனித உரிமை மீறல் சம்பவங்கள் இடம்பெற்றதாக குற்றஞ்சாட்டப்பட்டு வரும் நிலையில், இவரது விஜயம் முக்கியத்துவம் வாய்ந்ததாக கருதப்படுகிறது.

நிஷா பிஷ்வால் மற்றும் டொம் மலினோக்ஸியின் விஜயத்தை தொடர்ந்து, ரஷ்ய வெளிவிகார அமைச்சர் சேர்ஜி லாவ்ரோ, அதற்கடுத்ததாக ஜப்பானிய பாதுகாப்பு அமைச்சர் என இலங்கைக்கு படையெடுக்கும் சர்வதேச உயர்மட்ட இராஜதந்திரிகளின் பட்டியல் நீண்டு செல்கிறது.

சாதாரணமாக வருடமொன்றிற்கு இரண்டு அல்லது மூன்று வெளிநாட்டு உயர்மட்ட இராஜதந்திரிகளே இலங்கைக்கு வரும் நிலையில், தற்போதைய அதிகரித்த விஜயம், பல கேள்விகளை ஏற்படுத்தியுள்ளது. குறிப்பாக சர்வதேச நிகழ்ச்சிநிரலின் மையமாக இலங்கை திகழ்கின்ற நிலையில், அதனை சரியான முறையில் இலங்கை அரசாங்கம் கையாள தவறுமாக இருந்தால், பாரிய சவால்களுக்கு முகங்கொடுக்க நேரிடும் என்பது குறிப்பிடத்தக்கது.

ரலின் மையமாக இலங்கை திகழ்கின்ற நிலையில், அதனை சரியான முறையில் இலங்கை அரசாங்கம் கையாள தவறுமாக இருந்தால், பாரிய சவால்களுக்கு முகங்கொடுக்க நேரிடும் என்பது குறிப்பிடத்தக்கது.

ஐரோப்பிய யூனியனில் இருந்து பிரிட்டன் பிரிந்து செல்ல வேண்டும் என்று வாக்களித்த பிறகுதான், அப்படி பிரிந்து சென்றால் என்னவாகும் என்ற கேள்வியை கூகுளிடம் பல யூ.கே. சிட்டிசன்கள் கேட்டதை கூகுகள் டிரெண்ட் அம்பலப்படுத்தியது.

அந்த கூத்தையே மக்கள் மறக்காத நிலையில் இன்னொரு அவசர பிழையையும் செய்து வைத்துள்ளனர் சூரியன் மறையாத நாடு என ஒரு காலத்தில் பெருமையடித்துக் கொண்ட பிரிட்டீஷ் நாட்டுக்காரர்கள்.

ஐரோப்பிய யூனியனில் இருந்து பிரிட்டன் பிரிவதை தொடர்ந்து, தற்போதைய பிரதமர் டேவிட் கேமரூன் நாளை பதவி விலக உள்ளார்.

 

புதிய பிரதமர்

முன்னாள் உள்துறை செயலாளரான தெரேசா மே, புதிய பிரதமராக அரியணை ஏற உள்ளார். தெரேசா பெயரை கன்சர்வேட்டிவ் கட்சி ஒரு மனதாக அறிவித்ததும், அவருக்கு வாழ்த்துக்கள் குவியத் தொடங்கின.

 

 

ஆபாச பட நடிகை

இதில்தான் உணர்ச்சிவசப்பட்டு சிக்கிக்கொண்டனர் பிரிட்டீஷ்காரர்கள். தெரேசா மே-க்கு டிவிட்டரில் வாழ்த்து சொல்வதற்கு பதிலாக, ஆபாச பட நடிகை தெரேசா மே-க்கு மென்ஷன் செய்து பிரதமராகிறீர்களாமே, வாழ்த்துக்கள் என கூறத் தொடங்கியுள்ளனர்.

ஹையோ.. ஹையோ

10 ஆயிரம் பாலோவர்களை மட்டுமே வைத்திருந்த அந்த கவர்ச்சி நடிகையின் டிவிட்டர் ஹேண்டிலில் மளமளவென ஃபாலோவர்கள் கூட்டம் மொய்க்க தொடங்கியது. முதலில் திருதிருவென விழித்தாலும், லேட்டாக இதை புரிந்து கொண்ட தெரேசா மே, 'என்னை பிரதமர் என மக்கள் நினைத்துக்கொண்டார்களே. இவர்கள் எவ்வளவு மெத்தனமாக உள்ளனர்' என கீச்சியுள்ளார்.

 

 

ஒரு வார்த்தை பிழை

Theresa May என்று எழுதினால் தற்போது பிரதமராக பதவி ஏற்க உள்ள நபரை குறிக்கும். அதுவே Teresa May என்று எழுதினால் ஆபாச நடிகையை குறிக்கும். இவை இரண்டிற்கும் இடையில் உள்ள வித்தியாசம் ஒரே ஒரு வார்த்தை H தான். ஹெச்சில்தான் கோட்டை விட்டுள்ளனர் பிரிட்டன் மக்கள்.

 

 

வியாபாரம் ஜோர்

பாலோவர்கள் மொய்ப்பதை பார்த்ததும், தனது அரை நிர்வாண போட்டோவை வாங்க விருப்பம் உள்ளவர்கள் பணம் செலுத்தலாம் என சந்தடி சாக்கில் வியாபாரத்தை தெரேசா மே ஆரம்பித்ததுதான் இதில் ஹைலைட்.

 

 

பாலியல் வன்புணர்வுக்கு உட்படுத்தப்பட்டு படுகொலை செய்யப்பட்ட புங்குடுதீவுமாணவி வித்தியாவின் வழக்கில் சந்தேகநபர்களின் வாக்குமூலப் பிரதிகளைகுற்றப்புலனாய்வு பிரிவினரிடம் கையளிக்க நீதிபதி மறுப்பு தெரிவித்துள்ளார்.

புங்குடுதீவு மாணவி வித்தியாவின் வழக்கு விசாரணை இன்று புதன்கிழமை ஊர்காவற்துறை நீதவான் நீதிமன்ற நீதிபதி எம்.எம்.றியால் முன்னிலையில்விசாரணைக்கு எடுத்துக் கொள்ளப்பட்டபோதே நீதவான் இதனைத் தெரிவித்துள்ளார்.

குறித்த கொலை வழக்கில் சம்பந்தப்பட்ட 12 சந்தேக நபர்களும் நீதிமன்றில்ஆஜர்படுத்தப்பட்டிருந்தனர்.

இதன்போது குற்றத்தடுப்பு பிரிவினர் விசாரணைகள் குறித்த அறிக்கையினை சட்டமன்றதிணைக்களத்திடம் ஒப்படைத்திருந்தனர்.

அதேவேளை, தங்களது விசாரணைகளுக்கு ஒத்துழைப்பு வழங்கும் வகையில்சந்தேகநபர்களின் வாக்குமூல பிரதிகளை தங்களிடம் ஒப்படைக்குமாறு மன்றில்கோரியிருந்தனர்.

ஆனால் சந்தேகநபர்களின் வாக்குமூலங்கள் சீல் வைக்கப்பட்டுள்ளதாக தெரிவித்தநீதிபதி, பிரதிகளை குற்றப்புலனாய்வு பிரிவினரிடம் வழங்க மறுப்புதெரிவித்துள்ளார்.

அதேவேளை, வாக்குமூலப் பிரதிகள் மேல் நீதிமன்றத்தில் சமர்ப்பிக்கப்படவுள்ளநிலையில், மேல் நீதிமன்ற அனுமதியுடன் அவற்றை பெற்றுக் கொள்ளுமாறும்அறிவுறுத்தப்பட்டுள்ளது.

இந்நிலையில், தங்களது மரபணு அறிக்கை தொடர்பில் சந்தேகநபர்கள் மன்றில்வினவியுள்ளனர். ஆனால் அது தொடர்பிலும் எவ்வித தகவல்களை நீதிபதி வெளியிடமறுப்பு தெரிவித்துள்ளார்.

மேலும், கொலை இடம்பெறுவதற்கு முன்னர் அந்த பிரதேசத்தில் கிராமத்தில் வசித்தகுடும்பங்களின் விபரத்தினை கிராம சேவையாளர் வழங்கி இருந்தார்.

அதனை தொடர்ந்து குறித்த வழக்கு விசாரணையை எதிர்வரும் 26ம் திகதிக்கு நீதவான்ஒத்திவைத்தார்.

மத்திய அமைச்சர் பியூஸ் கோயல், நாளை மறுநாள் சென்னையில் முதல்வர் ஜெயலலிதாவை சந்தித்து பேச உள்ளதாக செய்திகள் வெளியாகியுள்ளன. மின்சாரம் உள்ளிட்ட பிரச்னைகள் குறித்து இருவரும் ஆலோசனை நடத்த உள்ளதாக செய்திகள் வெளியாகியுள்ளன. சட்டசபை தேர்தல் பிரசாரத்தின் போது, முதல்வர் ஜெ.,வை சந்திக்க முடியவில்லை என பியூஸ் கோயல் கூறியிருந்தார்

Top
We use cookies to improve our website. By continuing to use this website, you are giving consent to cookies being used. More details…