JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

சென்னை: சென்னையில் பெய்து வரும் தொடர் மழையால் தாழ்வான பகுதிகளில் வெள்ள நீர் சூழ்ந்து மக்களை சிரமத்திற்குள்ளாக்கியுள்ளது. பள்ளிக்கரணையில் பல இடங்களில் தாழ்வான பகுதிகளில் மழை நீர் புகுந்திருப்பதால் மக்கள் பெரும் அவதிக்குள்ளாகியுள்ளனர். சென்னையின் பல பகுதிகளில் மழை நீர் புகுந்திருப்பதாக தகவல்கள் கூறுகின்றன. குறிப்பாக வேளச்சேரி, தரமணி ஆகிய பகுதிகளில் தாழ்வான பகுதிகளில் மழை நீர் சூழ்ந்து நிற்கிறது. பல இடங்களில் வீடுகளுக்குள்ளும் தண்ணீர் புகுந்துள்ளது.

வேளச்சேரிக்கு அடுத்துள்ள பள்ளிக்கரணையில் ஐஐடி காலனி, காமகோடி நகர், விஜிபி காலனி உள்ளிட்ட பகுதிகளில் தண்ணீர் புகுந்துள்ளதாக தகவல்கள் வருகின்றன. இதேபோல மேலும் பல தாழ்வான பகுதிகளில் மழை நீர் சூழ்ந்துள்ளதால் மக்கள் சிரமத்துக்குள்ளாகியுள்ளனர். பல முக்கியச் சாலைகளிலும் தண்ணீர் தேங்கி நிற்கிறது. இதனால் போக்குவரத்து நெரிசல் அதிகமாக காணப்படுகிறது. பல இடங்களில் மரங்கள் விழுந்து போக்குவரத்துக்குப் பாதிப்பை ஏற்படுத்தியுள்ளது.


திருப்பூரில் 3 கண்டெய்னர்களில் ரூ. 570 கோடி பணம் பறிமுதல் செய்யப்பட்டது தொடர்பான விவகாரத்தில் முடிவு தெரியும் வரை தமிழக சட்டசபைத் தேர்தல் முடிவுகளை வெளியிடத் தடை விதிக்கக் கோரி சென்னை உயர்நீதிமன்றத்தில் மக்கள் பாதுகாப்புக் கழகத் தலைவரும், பிரபல சமூக சேவகருமான டிராபிக் ராமசாமி வழக்குத் தொடர்ந்துள்ளார்.

இதுதொடர்பாக அவர் தாக்கல் செய்துள்ள மனுவில் கூறியிருப்பதாவது:

சட்டசபை தேர்தலை முன்னிட்டு, தமிழகத்தில் சட்டவிரோதமாக எடுத்து செல்லப்பட்ட சுமார் 100 கோடி ரூபாய் பறிமுதல் செய்துள்ளதாகவும், அதில் 50 சதவீதம் முறையான கணக்கு இல்லாதவை என்றும் தமிழக தலைமை தேர்தல் அதிகாரி ராஜேஷ் லக்கானி கூறியுள்ளார்.

இந்த நிலையில், கடந்த 14ம் தேதி திருப்பூர் மாவட்டத்தில் வாகன சோதனையில் ஈடுபட்ட தேர்தல் அதிகாரிகள், 3 கண்டெய்னர் லாரிகளில் எடுத்துச் செல்லப்பட்ட ரூ.570 கோடியை பறிமுதல் செய்துள்ளனர். அந்த வாகனங்களில் பயணம் செய்தவர்களிடம் முறையான ஆவணங்கள் எதுவும் இல்லை. தற்போது இந்த பணம் தங்களுடையது என்று பாரத ஸ்டேட் வங்கி நிர்வாகம் உரிமை கோரியுள்ளது.

ஆனால், வங்கி நிர்வாகம் சார்பில் அளிக்கப்பட்டுள்ள விளக்கம், தேர்தல் அதிகாரிகளுக்கு திருப்தி அளிக்காமல் உள்ளன. ஒரு இடத்தில் இருந்து மற்றொரு இடத்துக்கு பெரும் தொகையை எப்படி எடுத்து செல்வது?, ஒரு வங்கி கிளையில் எவ்வளவு பணம் இருப்பு வைக்கலாம்? என்பது தொடர்பான ரிசர்வ் வங்கி ஏற்கனவே சில விதிமுறைகளை வகுத்துள்ளது.

ஆனால், இந்த விதிமுறைகளை பின்பற்றாமல், பாரத ஸ்டேட் வங்கியின் கோவை கிளை நிர்வாகம் இந்த தொகையை தங்களது கிளையில் இருந்து எடுத்து செல்லப்பட்டது என்று கூறியுள்ளது. ஆனால், இவ்வளவு பெரிய தொகையை ஒரு வங்கி கிளையில் இருந்து மற்றொரு கிளைக்கு எடுத்துச்செல்வது சாத்தியமற்றது என்று முன்னாள் நிதியமைச்சர் (ப.சிதம்பரம்) கருத்து தெரிவித்துள்ளார்.

எனவே, இது சட்டவிரோதமான பணம் என்று தெரிகிறது. மேலும், இதுவரை ரிசர்வ் வங்கி மண்டல இயக்குனர், அமலாக்கப்பிரிவு மண்டல சிறப்பு இயக்குனர் ஆகியோர் இந்த பணம் குறித்து முறையான விசாரணை நடத்தி, தமிழக தலைமை தேர்தல் அதிகாரிக்கு அறிக்கை தரவில்லை.

எனவே, திருப்பூரில் பறிமுதல் செய்யப்பட்ட ரூ.570 கோடி குறித்து முறையான விசாரணை நடத்தவேண்டும். இந்த தொகை தமிழக சட்டசபை தேர்தலுக்காக கொண்டுவரப்பட்டதா? என்பதை கண்டறியவேண்டும். அதுவரை தமிழக சட்டசபை தேர்தல் முடிவுகளை வெளியிடக்கூடாது என்று கடந்த 15ம் தேதி தமிழக தலைமை தேர்தல் அதிகாரிக்கு மனு கொடுத்தேன். இதுவரை மனுபரிசீலிக்கப்படவில்லை.

எனவே, தமிழக சட்டசபை தேர்தல் முடிவுகளை வெளியிடக்கூடாது என்று இந்திய தேர்தல் ஆணையத்துக்கும், தமிழக தலைமை தேர்தல் அதிகாரிக்கும் உத்தரவிடவேண்டும் என்று டிராபிக் ராமசாமி கோரியுள்ளார்.

சட்டசபைத் தேர்தல் வாக்கு எண்ணிக்கை நாளை காலை தொடங்கவுள்ளது என்பது குறிப்பிடத்தக்கது.

சென்னை: கர்நாடகா மாநிலத்தில் இருந்து ராஜ்யசபா எம்.பி.யாக ப.சிதம்பரம் முயற்சி; ப.சிதம்பரத்துக்கு கர்நாடகா காங்கிரஸ் எதிர்ப்பு என்ற செய்திகள் ஒவ்வொரு ஆண்டும் வந்து கொண்டே இருக்கிறது... இதற்கு முற்றுப்புள்ளி வைக்கும் வகையில் தமிழகத்தில் இருந்தே ராஜ்யசபா எம்.பி.யாவதற்கான லாபிகளை ப.சிதம்பரம் மேற்கொண்டு வருவதாக தகவல்கள் வெளியாகி உள்ளன.

அதிமுக ராஜ்யசபா எம்.பி.க்களான நவநீதகிருஷ்ணன், ரபி பெர்ணார்ட், பால் மனோஜ் பாண்டியன், காங்கிரஸின் சுதர்சன நாச்சியப்பன், திமுகவின் கே.பி.ராமலிங்கம், எஸ்.தங்கவேலு ஆகியோரது பதவிக் காலம் முடிவடைய உள்ளது. இந்த 6 காலி இடங்களுக்கான தேர்தல் அறிவிக்கை வரும் 24-ந் தேதி வெளியிடப்பட உள்ளது. ராஜ்யசபா எம்.பி. தேர்தல் ஜூன் மாதம் 21-ந் தேதி நடைபெறூம்.

 

33 இடங்களை பெறுமா காங்?

இந்த 6 எம்.பி.க்களையும் புதிய தமிழக எம்.எல்.ஏ.க்கள்தான் தேர்ந்தெடுக்க உள்ளனர். சட்டசபை தேர்தலில் பதிவான வாக்குகள் மே 19-ந் தேதி எண்ணப்பட்டு முடிவு அறிவிக்கப்பட உள்ளது. ஒரு ராஜ்யசபா எம்.பி.க்கு 33 எம்.எல்.ஏ.க்களின் வாக்குகள் தேவை. தற்போதைய சட்டசபை தேர்தலில் காங்கிரஸ் கட்சி 41 இடங்களில் போட்டியிடுகிறது. இதில் 33 இடங்களில் வென்றால் எளிதாக ஒரு ராஜ்யசபா எம்.பி. அக்கட்சிக்கு கிடைக்கும். இல்லையெனில் திமுகவின் ஆதரவைத்தான் கோர வேண்டும்.

கர்நாடகா பஞ்சாயத்து

எதிர்வரும் ராஜ்யசபா தேர்தலில் மூத்த காங்கிரஸ் தலைவர் ப.சிதம்பரம் போட்டியிடக் கூடும் என கூறப்படுகிறது. ப.சிதம்பரத்தைப் பொறுத்தவரையில் லோக்சபா தேர்தலில்தான் போட்டியிட்டுள்ளார். கடந்த ராஜ்யசபா தேர்தலின் போது கர்நாடகா மாநிலத்தில் இருந்து ப.சிதம்பரம் போட்டியிடுவார் என கூறப்பட்டது. ஆனால் அதற்கு கர்நாடகா முதல்வர் சித்தராமையா கடும் எதிர்ப்பு தெரிவித்திருந்தார்.

தமிழகத்தில் இருந்தே...

இந்த ஆண்டும் அப்படியான ஒரு தகவல் பரவிக் கொண்டிருக்கிறது. இதற்கு முற்றுப்புள்ளி வைக்கும் வகையில் தமிழகத்தில் இருந்தே ராஜ்யசபா எம்.பி.யாவதற்கான லாபிகளில் சிதம்பரம் தீவிரமாக இருப்பதாக கூறப்படுகிறது.

திமுக ஆதரவு தரும்

கடந்த 2013-ம் ஆண்டு ராஜ்யசபா தேர்தலில் திமுகவின் கனிமொழிக்கு காங்கிரஸ் ஆதரவளித்தது. ஆகையால் இம்முறை திமுக நிச்சயம் ஆதரவு தரும் என காத்திருக்கிறது காங்கிரஸ்.

சுதர்சன நாச்சியப்பன்

அதே நேரத்தில் தமக்கான டெல்லி லாபிகள் மூலம் சுதர்சன நாச்சியப்பன் மீண்டும் எம்.பி.யாவதற்கான முயற்சிகளை மேற்கொண்டுவருகிறார். எப்படியாவது 2-வமுறையும் ராஜ்யசபா எம்.பி.யாகிவிடுவது என்பதில் சுதர்சன நாச்சியப்பன் மும்முரமாக இருக்கிறார் என்கின்றன காங்கிரஸ் வட்டாரங்கள்.

செவ்வாய்க்கிழமை, 17 மே 2016 00:00

சென்னையில் வெளுத்து வாங்கும் மழை

சென்னை: வங்கக்கடலில் நிலைகொண்டுள்ள காற்றழுத்த தாழ்வு பகுதி வலுவடைந்துள்ளதால் சென்னை, கன்னியாகுமரி, காஞ்சிபுரம் உள்ளிட்ட தமிழகத்தின் பெரும்பாலான இடங்களில்கனமழை பெய்து வருகிறது. சென்னையில் காற்றுடன் பெய்து வரும் கனமழையால் பல இடங்களில் மின்சாரம் தடைபட்டுள்ளது.

இலங்கை அருகே நிலைகொண்டுள்ள தீவிர காற்றழுத்த தாழ்வு பகுதி, காற்றழுத்த தாழ்வு மண்டலமாக வலுப்பெரும் என்று வானிலை ஆய்வு மையம் தெரிவித்துள்ளது. இது வட தமிழகத்தை நோக்கி நகர்கிறது. இதன் காரணமாக நாகை, பாம்பன், தூத்துக்குடி, புதுச்சேரி மற்றும் காரைக்கால் துறைமுகங்களில் புயல் எச்சரிக்கை கூண்டு ஏற்றப்பட்டுள்ளது.

தென்தமிழகத்திலும், வடகடலோர மாவட்டங்களிலும் கனமழை பெய்யும் என வானிலை ஆய்வு மையம் தெரிவித்துள்ளது. சென்னை மற்றும் சுற்றுவட்டாரப் பகுதிகளில் காற்றுடனும் இடி, மின்னலுடன் மழை வெளுத்து வாங்கி வருகிறது.

கிண்டி, வேளச்சேரி, மயிலாப்பூர், நுங்கம்பாக்கம், மீனம்பாக்கம் உள்ளிட்ட இடங்களில் காற்றுடன் பலத்த மழை பெய்வதால் மின்சாரம் துண்டிக்கப்பட்டது. சாலைகளில் தண்ணீர் தேங்கியுள்ளதால் வாகன ஓட்டிகள் சிரமத்திற்கு ஆளாகினர். சென்னை நகர்பகுதிகளில் மட்டுமல்லாது புறநகர் பகுதிகளிலும் காற்றுடன் கன மழை பெய்து வருகிறது.

திருவள்ளூர் மாவட்டம், பொன்னேரி, சோளவரம், செங்குன்றம், புழல் சுற்றுவட்டார பகுதிகளில் நள்ளிரவில் மழை பெய்தது. கன்னியாகுமரி மாவட்டத்தில் நேற்று சாரல் மழை பெய்த நிலையில், அதிகாலை முதல் கனமழை பெய்து வருகிறது.

சென்னையை ஒட்டியுள்ள தாம்பரம், பல்லாவரம், சேலையூர், குரோம்பேட்டை, மேடவாக்கம், பள்ளிக்கரணை உள்ளிட்ட காஞ்சிபுரம் மாவட்டப் பகுதிகளிலும் பேய் மழை பெய்து வருகிறது.

கடலின் சீற்றம் அதிகமாக உள்ளது. மணிக்கு 60 கிலோ மீட்டர் வேகத்தில் காற்று வீசக்கூடும் என்பதால் மீனவர்கள் கடலுக்கு செல்ல வேண்டாம் என எச்சரிக்கப்பட்டுள்ளது. ஆந்திராவிலும் கனமழை எச்சரிக்கை விடுக்கப்பட்டுள்ளது.

காரைக்கால் - நாகை இடையே 24 மணி நேரத்தில் புயல் கரையை கடக்கும் என்றும் வானிலை ஆய்வு மையம் எச்சரித்துள்ளதால் மழையின் தீவிரம் அதிகரிக்கும் என்று எதிர்பார்க்கப்படுகிறது.

செவ்வாய்க்கிழமை, 17 மே 2016 00:00

கண்கள் துடித்தால், நன்மையா? தீமையா?

எல்லாருக்குமே கண்கள் சில சமயங்களில் துடிக்கும். வலது கண் துடித்தால் கெட்டது, இடது கண் துடித்தால் நல்லது என நாமாகவே கண்களையும் விட்டு வைக்காமல் ஜோசியம் பார்த்துவிடுகிறோம். இதில் நல்லது என்று சொல்ல முடியாது. வேண்டுமானால் கெட்டது எனக் கூறலாம்.

ஏனெனில் கண்கள் துடிப்பதற்கு நிறைய காரணங்கள் உண்டு. சாதாரண தூக்கமின்மையில் தொடங்கி, மூளை சம்பந்தப்பட்ட பிரச்சனைகள் வரை கண்கள் துடிப்பதற்கு பின் நிறைய காரணங்கள் உள்ளது.

கண்கள் துடிப்பது, வந்து ஒரு சில நிமிடங்களில் தானாகவே போய் விடும். இது சாதாரணமாய் எல்லோருக்கும் வரும். பயப்பட வேண்டியது இல்லை. ஆனால் அது மாதக்கணக்கில் நீடித்தால், நிச்சயம் மருத்துவரிடம் பரிசோதனை செய்து கொள்ள வேண்டும்.

கண் துடிப்பது எதனால்?

கண்களின் மெல்லிய நரம்புகளையும், தசைகளையும் பாதிக்கும் வகையில் தொடர்ச்சியாக நடந்து கொண்டால், கண்கள் துடிக்கும். சில சமயங்களில் வெட்டி இழுப்பது போலவும் இருக்கும். கண்கள் துடிப்பதற்கு மயோகீமியா என்று மருத்துவ துறையில் அழைப்பார்கள்.

குடிப்பழக்கம்,சோர்வு, கண்கள் வறண்டு போவதால், மன அழுத்தம், அதிகமாய் காபி குடிப்பது, சரிவிகித சத்துக்களின் பற்றாக்குறை, அலர்ஜி, வெகு நேரம் கம்ப்யூட்டரை உற்று பார்ப்பது, படித்துக் கொண்டேயிருப்பது இது போன்று, கண்களுக்கு அதிகம் சிரமம் கொடுத்தால், சரியாக தூங்காமல் இருந்தால், மருந்துகளின் பக்க விளைவுகள் ஆகியவற்றினால் ஏற்படும். குடிப்பழக்கமும் முக்கிய காரணமாகும்.

தொடர்ச்சியாக கண்கள் துடித்துக் கொண்டேயிருந்தால், அவை நம் அன்றாட வாழ்க்கையைப் பாதிக்கும். ஆகவே என்ன பிரச்சனை என கண்டறிவது அவசியம். நீண்ட நாள் கண் துடிப்போ, வெட்டி இழுப்பது போலவோ இருந்தால், அது மூளை சம்பந்தப்பட்ட கோளாறாகவும் இருக்கலாம்.

வெறும் கண்கள் துடிப்பதோடு அல்லாமல், கண்கள் சிவந்து போனாலோ, கண்களில் எரிச்சல், அல்லது நீர் வடிதல், மற்றும் மேல் இமை தொங்கிக் கொண்டு வந்தாலோ, நிலைமை மோசமாக உள்ளது என அர்த்தம். உடனடியாக கவனிக்கப்பட வேண்டிய அவசியம்.

கண் துடித்தலுக்கு சிகிச்சை:

கண் துடிப்பிற்கு, நன்றாக தூங்கி, கண்களுக்கு போதிய ஓய்வு கொடுக்கும் போது அது தானாகவே போய்விடும் அல்லது கண்களுக்கு வெதுவெதுப்பான ஒத்தடம் தந்தாலும் நரம்புகளின் இறுக்கம் தளர்ந்து, துடிப்பது நிற்கும்.

ஆனால் இதுவே நீண்ட நாட்களுக்கு தொடர்ச்சியாக இருக்கும் போது பொடாக்ஸ் ஊசி செலுத்துவதன் மூலம் சரி செய்யலாம். அல்லது அறுவை சிகிச்சையில், பிரச்சனைக்குரிய சில நரம்புகளையும், தசைகளையும் வெடிவிடுவார்கள். இதனால் வெட்டி இழுக்கும் பிரச்சனைக்கும் மற்றும் கண் துடிப்பிற்கும் தீர்வு கிடைக்கும்.

Top
We use cookies to improve our website. By continuing to use this website, you are giving consent to cookies being used. More details…