JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

யூரோ கோப்பை கால்பந்து போட்டியில் இத்தாலி அணி 1 - 0  என்ற கோல் கணக்கில் ஸ்வீடன்வை  தோற்கடித்தது.

பிரான்ஸ் :நேற்று மாலை 6.30 மணிக்கு  நடைபெற்ற இந்த ஆட்டத்தில் இத்தாலியின் 
ஏடேர்  கோலடிக்க அதுவே வெற்றிக் கோலானது. இதன் மூலம் இத்தாலி (ROUND 16)ரௌண்ட் 16க்குல் நுழைந்தது...

ரஜினிகாந்த் நடித்த கபாலியின் நெருப்புடா பாடல் டீசர் பெரும் வெற்றியைப் பெற்றுள்ளது.

இந்த டீசர் வெளியான 12 மணி நேரத்துக்குள் 1 மில்லியனுக்கும் அதிகமான பார்வைகளை யுட்யூபில் பெற்றது. இப்போது 32 மணி நேரத்துக்குள் மூன்று மில்லியனுக்கும் அதிகமான பார்வைகளைப் பெற்று சாதனைப் புரிந்துள்ளது.

முதல் டீசர்

ஏற்கெனவே கபாலியின் முதல் டீசர் இதுவரை 23 மில்லியனுக்கும் அதிகமான பார்வைகளைப் பெற்றுள்ளது. இது உலகளாவிய சாதனையாகப் பார்க்கப்படுகிறது.

வரவேற்பு

பொதுவாக இரண்டாவது டீசருக்கு முதல் டீசர் அளவுக்கு வரவேற்பு இருக்காது.

ஆனால் ரஜினி ரசிகர்களோ, இந்த இரண்டாவது டீசரை ஒரு திருவிழா மாதிரி கொண்டாடித் தீர்த்தனர்.

பெரிய வெற்றி

நெருப்புடா பாடல் டீசர் இப்போது திரையரங்குகளிலும் திரையிடப்படுகிறது. இதுவரை எந்தப் படத்தின் டீசர்களும் இந்தியாவில் இவ்வளவு பெரிய வெற்றியைப் பெற்றதில்லை என்று கொண்டாடுகின்றனர் திரையுலகில் உள்ளவர்களே.

பாடல் வீடியோக்கள்

கபாலி பாடல் வரிகளுடன் வெளியான வீடியோக்களுக்கும் பிரமாதமான வரவேற்பு. இதே நெருப்புடா பாடல் வீடியோவை இதுவரை 4 மில்லியனுக்கும் அதிகமானோர் பார்வையிட்டுள்ளனர். மற்ற பாடல்களுக்கும் 1 மில்லியனுக்கும் அதிகமான பார்வைகள் கிடைத்துள்ளன.

வருமானம்

இந்த வீடியோக்கள் மூலம் நல்ல வருமானமும் தயாரிப்பாளர் மற்றும் இசை வெளியீட்டு நிறுவனங்களுக்கு கிடைத்து வருகிறது.

சனிக்கிழமை, 18 ஜூன் 2016 00:00

எட்டாக் விலையில் பீன்ஸ்!

சென்னையில் தக்காளி விலையை அடுத்து தற்போது பீன்ஸ் விலை சதமடித்துள்ளது. பாமர மக்களுக்கு எட்டாத காயாக தொடர்ந்து ஏறுமுகத்தில் இருந்து வருகின்றது பீன்ஸ்.

சென்னையில் சில்லறை விற்பனையில் ஒரு கிலோ தக்காளி ரூ.55 முதல் ரூ.60 வரையிலும், பீன்ஸ் ரூ.95 முதல் ரூ.100 வரையிலும் விற்கப்பட்டது. ஆந்திரம், கர்நாடகம் ஆகிய மாநிலங்களில் வழக்கத்தைக் காட்டிலும் 40 சதவீதம் வரை தக்காளி வரத்து குறைந்ததால், கடந்த வாரம் சில்லறை விலையில் ஒரு கிலோ தக்காளி ரூ.100-க்கு விற்பனையானது. இதைத் தொடர்ந்து வியாழக்கிழமை ரூ.75 முதல் 80 வரை விற்பனையானது.

இந்த நிலையில், கோயம்பேடு சந்தைக்கு வெள்ளிக்கிழமை 70-க்கும் மேற்பட்ட லாரிகளில், ஏறத்தாழ 1,400 டன் தக்காளி கொண்டுவரப்பட்டது.

இதனால் கோயம்பேடு சந்தையில் உள்ள சில்லறை விற்பனைக் கடைகளில், ஒரு கிலோ தக்காளி ரூ.50-க்கும், சென்னை நகர்ப்பகுதிகளில் உள்ள கடைகளில் தரத்துக்கு ஏற்றவாறு ரூ.55 முதல் ரூ.65 வரை விற்பனையானது.

ஒரு வழியாக தக்காளி விலை குறைந்ததே என்று பெருமூச்சு விட்டவுடன் திடீரென பீன்ஸ் விலை உயர்ந்து வருகிறது. சென்னையில் வியாழக்கிழமை கிலோ ரூ.75-க்கு விற்பனையான பீன்ஸ், வெள்ளிக்கிழமை ஒரே நாளில் ரூ.25 அதிகரித்து ரூ.100-க்கு விற்கப்பட்டது. வழக்கமாக 400 டன் வரை கொண்டுவரப்படும் பீன்ஸ், அன்றைய தினம் 150 டன்னாக குறைந்ததே விலை உயர்வுக்கு காரணம் என வியாபாரிகள் தெரிவித்தனர்.

பிளஸ் 2 தேர்ச்சி பெற்ற மாணவர்களுக்கு அந்தந்த பள்ளிகளிலேயே ஜூன் 20-ம் தேதி முதல் வேலைவாய்ப்பு அலுவலக பதிவை மேற்கொள்ள ஏற்பாடு செய்யப்பட்டுள்ளது.

பிளஸ் 2 தேர்ச்சி பெற்ற மாணவர்களுக்கு மதிப்பெண் சான்று வழங்கப்படும் பள்ளிகளிலேயே வேலைவாய்ப்பு அலுவலக பதிவுப்பணி நடைபெற நடவடிக்கை மேற்கொள்ளப்பட்டுள்ளது.

எனவே, பிளஸ் 2 தேர்ச்சி பெற்ற மாணவர்கள் தங்களது 10 ஆம் வகுப்பு கல்வித் தகுதியினை பதிவு செய்த வேலைவாய்ப்பு அலுவலக அடையாள அட்டை எண், ஆதார் அட்டை எண், குடும்ப அட்டை, கைப்பேசி எண், மின்னஞ்சல் முகவரி ஆகிய விவரங்களுடன் மதிப்பெண் சான்று வழங்கப்படும் நாளன்று எடுத்து வர வேண்டும்.

மேலும் 10 ஆம் வகுப்பு கல்வித் தகுதியினை பதிவு செய்தவர்கள் வேலைவாய்ப்பு அலுவலக பதிவு எண் தெரியவில்லையெனில் வேலைவாய்ப்பு அலுவலகத்தை அணுகி பெற்றுக் கொள்ள வேண்டும்.

வேலைவாய்ப்பு பதிவுப்பணி ஜூன் 20 ஆம் தேதி முதல் ஜூலை 4-ம் தேதி வரை அந்தந்த பள்ளிகளிலேயே நடைபெறும்.

பதிவுப்பணி நடைபெறும் 15 நாட்களுக்கும் மதிப்பெண் சான்று வழங்க தொடங்கிய முதல் நாளையே பதிவு மூப்பு தேதியாக வழங்கப்படும்.

மேலும் www.tnvelaivaaippu.gov.in என்ற வேலைவாய்ப்புத் துறை இணையதளம் வழியாகவும் பதிவு செய்து கொள்ளலாம். பிளஸ் 2 தேர்ச்சி பெற்ற வேலைவாய்ப்பு பதிவு செய்ய விரும்பும் அனைத்து மாணவர்களும் தவறாது இந்த வசதியை பயன்படுத்திக் கொள்ளலாம் என மாவட்ட வேலைவாய்ப்பு அலுவலகம் தெரிவித்துள்ளது.

சனிக்கிழமை, 18 ஜூன் 2016 00:00

இன்று செயற்குழு கூடுகிறது

சட்டசபை தேர்த லில் வெற்றி பெற்ற பின், முதன் முறையாக, அ.தி.மு.க., செயற்குழு கூட்டம், இன்று நடைபெறுகிறது.சென்னை, ராயப்பேட்டை, அவ்வை சண்முகம் சாலையில் உள்ள, கட்சி தலைமை அலுவலகத்தில், அவை தலைவர் மதுசூதனன் தலைமையில், காலை, 11:00 மணிக்கு நடக்கும் இக்கூட்டத்தில், முதல்வர் ஜெயலலிதா கலந்து கொள்கிறார்.

Top
We use cookies to improve our website. By continuing to use this website, you are giving consent to cookies being used. More details…