JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

கடந்த சில நாட்களாக இணையத்தில் வைரலாகி வருகிறது இறந்து கிடக்கும் யானை ஒன்றின் புகைப்படம். ஆப்பிரிக்கா வனப்பகுதியில் தந்தத்திற்காக வேட்டையாடப்பட்டு, முகம் முழுவதும் கொடூரமான முறையில் சிதைக்கப்பட்டு கிடக்கும் அந்த யானை தற்போது உலக அளவில்  மிகப்பெரிய அதிர்வலைகளை ஏற்படுத்தியுள்ளது.

காடுகளில் மரங்களின் பெருக்கத்திற்கும், வளர்ச்சிக்கும் பெரும் உதவியாக இருப்பவை யானைகள். ஆனால் தந்தத்திற்காக யானைகள் வேட்டையாடப்படுவது உலகம் முழுவதும் அதிக அளவில் நடந்து வருகிறது.

தற்போது இணையத்தில் வைரலாகும் இந்த யானை புகைப்படத்தை தென் ஆப்ரிக்காவை சேர்ந்த ஆவணப் பட இயக்குநர் ஜஸ்டின் சல்லீவன், போட்ஸ்வானா பகுதிகளில் தனது ட்ரோன் கேமரா மூலம் எடுத்துள்ளார். Andrei Stenin International என்ற அமைப்பு நடத்திய புகைப்பட போட்டிக்காக அவர் எடுத்த இந்த புகைப்படம்தான் தற்போது பலரது மத்தியிலும் மிகப்பெரிய தாக்கத்தை ஏற்படுத்தியுள்ளது. தும்பிக்கை தனியாக, தலை தனியாக துண்டிக்கப்பட்ட நிலையிலும், முகம் கொடூரமாக சிதைக்கப்பட்டுள்ள நிலையிலும் பார்ப்பவர்கள் அனைவரையும் கண்கலங்க வைத்த இந்த புகைப்படத்திற்கு அவர் Disconnection என பெயரிட்டுள்ளார்.

Disconnection என்பது யானைக்கும் தும்பிக்கைக்குமான பிரிவு மட்டுமல்லாமல், வன விலங்குகளோடு மனிதர்களுக்குமான பிரிவையும் தான் குறிக்கும் என இதுகுறித்து வேதனையுடன் தெரிவித்துள்ளார் ஜஸ்டின் சல்லீவன்.

தமிழ் திரைப்பட இயக்குநர் சங்கத் தலைவராக ஆ.கே.செல்வமணி தேர்வு செய்யப்பட்டார். இரண்டு ஆண்டுகளுக்கு ஒரு முறை தமிழ்த் திரைப்பட இயக்குநர் சங்கத் தேர்தல் நடத்தப்படுவது வழக்கம். பதவியில் இருந்த விக்ரமன் தலைமையிலான, நிர்வாகத்தின் பதவிக் காலம் முடிவுக்கு வந்ததையடுத்து, புதிய நிர்வாகத்தை தேர்வு செய்வதற்கான தேர்தல் சென்னையில் ஞாயிற்றுக்கிழமை நடைபெற்றது.

இரு முனைப்போட்டி: இந்தத் தேர்தலில் தலைவர் பதவிக்கு ஆர்.கே.செல்வமணி, வித்யாசாகர் இருவரும் போட்டியிட்டனர்.
சென்னை வடபழனியில் உள்ள திரைப்பட இசைக் கலைஞர்கள் சங்க வளாகத்தில் ஞாயிற்றுக்கிழமை காலை 7 மணிக்குத் தொடங்கி மாலை 4 மணி வரை வாக்குப்பதிவு நடைபெற்றது. சென்னை உயர்நீதிமன்ற வழக்குரைஞர் செந்தில்நாதன் 
மேற்பார்வையில் தேர்தல் நடைபெற்றது.

தலைவர், இரண்டு துணைத் தலைவர், நான்கு இணைச் செயலாளர்கள் மற்றும் 12 செயற்குழு உறுப்பினர்கள் உள்ளிட்ட பொறுப்புகளுக்கு இந்தத் தேர்தல் நடைபெற்றது. பொதுச் செயலாளர் பதவிக்கு ஆர்.வி. உதயகுமாரும், பொருளாளர் பதவிக்கு இயக்குநர் பேரரசுவும் ஏற்கெனவே போட்டியின்றி தேர்வு செய்யப்பட்டனர்.

4 மணிக்கு தேர்தல் முடிவடைந்த நிலையில் பதிவான வாக்குகள் எண்ணப்பட்டன. மொத்தம் பதிவான 1503 வாக்குகளில் 1386 வாக்குகள் பெற்று ஆர்.கே.செல்வமணி வெற்றி பெற்றார். அவரை எதிர்த்துப் போட்டியிட்ட வித்யாசாகர் 100 வாக்குகள் மட்டுமே பெற்றார்.

திருநெல்வேலி மாவட்டத்தில் மூன்றாவது நாளாக தொடர்ந்து நீர்ப்பிடிப்புப் பகுதியில் சாரல் மழை பெய்ததையடுத்து அணைகளின் நீர்மட்டம் கணிசமாக உயர்ந்தது.

தென்மேற்குப் பருவமழை காரணமாக மேற்குத் தொடர்ச்சி மலைப் பகுதியில் கடந்த 3 நாள்களாக தொடர்ந்து சாரல் மழை பெய்து வருகிறது. இதனால் அணைகளுக்கு நீர்வரத்து அதிகரித்து அணைகளின் நீர்மட்டம் வேகமாக உயர்ந்து வருகிறது. ஞாயிற்றுக்கிழமை (ஜூலை 21) காலை 7 மணி நிலவரப்படி பாபநாசம் அணையின் நீர்மட்டம் 4 அடிஉயர்ந்து 55.85 அடியாகவும், அணைக்கு நீர்வரத்து 2196.85 கன அடியாகவும், அணையிலிருந்து வெளியேற்றப்படும் நீரின் அளவு 304.75 கன அடியாகவும் இருந்தது. அணையில் 2 மி.மீ. மழை பதிவாகியிருந்தது. 

சேர்வலாறு அணையின் நீர்மட்டம் 3 அடி உயர்ந்து 78.94 அடியாக இருந்தது. மணிமுத்தாறு அணை நீர்மட்டம் 50.60 அடியாக இருந்தது. கடனாநதி அணை நீர்மட்டம் 6 அடி உயர்ந்து 41அடியாகவும், நீர்வரத்து 187 கன அடியாகவும் இருந்தது. அணையில் 2 மி.மீ. மழை பதிவாகியிருந்தது.

ராமநதி அணையின் நீர்மட்டம் 4.50 அடி உயர்ந்து 54.75 அடியாகவும், அணைக்கு நீர்வரத்து 96.74கன அடியாகவும் இருந்தது. குண்டாறு அணையின் நீர்மட்டம் 24.75 அடியாகவும், நீர்வரத்து 12 கன அடியாகவும் இருந்தது. அணையில் 29 மி.மீ. மழை பதிவாகியிருந்தது. கொடுமுடியாறு அணை நீர்மட்டம் 17.50 அடியாகவும், நீர்வரத்து 8 கன அடியாகவும் இருந்தது. அடவிநயினார்கோயில் அணை நீர்மட்டம் 4 அடி உயர்ந்து 63 அடியாகவும், நீர்வரத்து 54 கனஅடியாகவும் இருந்தது. அணையில் 21 மி.மீ. மழை பதிவாகி இருந்தது.

அகஸ்தியர் அருவியில் குவிந்த சுற்றுலாப் பயணிகள்: பாபநாசம் அகஸ்தியர் அருவியில் ஞாயிற்றுக்கிழமை சுற்றுலாப் பயணிகள் ஏராளமானோர் குளித்து மகிழ்ந்தனர்.

மதமாற்றம் செய்வதை கண்டித்து, மதுரை அருகே, கிறிஸ்துவ மதக் கூடத்தை, அப்பகுதியினர் முற்றுகையிட்டனர்.மதுரை, பரவை, சத்தியமூர்த்தி நகரில், குறிப்பிட்ட சமுதாயத்தினர் அதிகம் வசிக்கின்றனர். 'இது, மதமாற்றம் செய்ய தடை செய்யப்பட்ட பகுதி' என, அப்பகுதியில், அறிவிப்பு பலகை வைத்துள்ளனர்.

இவர்களை, அப்பகுதியைச் சேர்ந்த சிலர், கிறிஸ்துவ மதத்திற்கு மாற்றுவதாகவும், அவர்களின் குழந்தைகளை புகைப்படம் எடுத்து, ஆதரவற்றவர்களாக சித்தரித்து, இணையதளத்தில் காட்டி, வெளிநாடுகளில் இருந்து பணம் பெற்று வருவதாகவும் புகார்கள் எழுந்தன.இது குறித்து, அதிகாரிகளிடம் புகார் தெரிவித்தும் நடவடிக்கை இல்லை.

இந்நிலையில், மதமாற்றத்தில் ஈடுபட்டவர்களை கைது செய்யக் கோரி, நேற்று அப்பகுதியினர், கிறிஸ்துவ மதக்கூடத்தை முற்றுகையிட்டனர். கூடுதல், எஸ்.பி., வனிதா உள்ளிட்ட போலீசார் பேச்சு நடத்தியதால், முற்றுகை கைவிடப்பட்டது.

கங்கை உள்ளிட்ட 34 ஆறுகளை சுத்தப்படுத்துவதற்கு ரூ.5,800 கோடி நிதியை மத்திய அரசு ஒதுக்கீடு செய்துள்ளது.

இதுகுறித்து மக்களவையில் கேட்கப்பட்ட கேள்விக்கு மத்திய சுற்றுச்சூழல் துறை இணையமைச்சர் பாபுல் சுப்ரியோ எழுத்துப்பூர்வமாக தாக்கல் செய்துள்ள பதிலில் தெரிவிக்கப்பட்டிருப்பதாவது:

பல்வேறு மாநிலங்களிடம் இருந்தும் மத்திய அரசுக்கு மாசு சுத்தப்படுத்துதல் பணிகள் தொடர்பான திட்டங்கள் குறித்து தொடர்ந்து கோரிக்கைகள் வந்தன. இதில் மாசுபட்ட ஆறுகளை சுத்தப்படுத்துதல் பணியும் அடங்கும். அவை அனைத்துக்கும் தேசிய நதி பாதுகாப்புத் திட்டத்தின்கீழ் நிதி ஒதுக்கீடு செய்வது குறித்து ஆய்வு செய்யப்பட்டது.

இந்நிலையில், தேசிய நதி பாதுகாப்புத் திட்டத்தின்கீழ், 16 மாநிலங்களில் 77 நகரங்களில் ஓடும் 34 ஆறுகளை சுத்தப்படுத்துவதற்கு ரூ.5870.55 கோடி நிதி ஒதுக்கீடு செய்யப்பட்டுள்ளது. கடந்த ஓராண்டில் மட்டும் தேசிய நதி பாதுகாப்புத் திட்டத்தின்கீழ், 9 மாநிலங்களுக்கு ஆறுகளை சுத்தப்படுத்துவதற்கு ரூ.143 கோடி விடுவிக்கப்பட்டுள்ளது.

ஆறுகளில் ஓடும் நீரின் தூய்மைத் தன்மை குறித்து மாநில மாசுக்கட்டுப்பாட்டு வாரியத்துடன் இணைந்து மத்திய மாசு கட்டுப்பாட்டு வாரியம் தொடர்ந்து ஆய்வு செய்து வருகிறது. இதுவரை 351 ஆறுகளில் மாசு ஏற்பட்டிருப்பது மத்திய மாசுக்கட்டுப்பாட்டு வாரியத்தால் கண்டறியப்பட்டுள்ளது. ஏரிகள், நீர் சார் நிலப்பகுதிகளை பாதுகாப்பது குறித்த கேள்விக்கு பாபுல் சுப்ரியோ அளித்துள்ள பதிலில், "ஏரிகள், நீர்சார் நிலப்பகுதிகளில் மாசுவை கட்டுப்படுத்துவதற்கு 20 மாநிலங்களுக்கு கடந்த 3 ஆண்டுகளில் ரூ.181 கோடி நிதி விடுவிக்கப்பட்டுள்ளது என்று குறிப்பிட்டுள்ளார்.

பக்கம் 4 / 2555
Top
We use cookies to improve our website. By continuing to use this website, you are giving consent to cookies being used. More details…