JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

நியூஸிலாந்து நாட்டில் நேற்று இரவு திடீரென நிலநடுக்கம் ஏற்பட்டதால் மக்கள் பீதியடைந்தனர்.

நியூஸிலாந்து நாட்டில் சுமார் 5.2 ரிக்டர் அளவில் நேற்று இரவு 10.30 மணி அளவில் சக்தி வாய்ந்த நிலநடுக்கம் ஏற்பட்டதாக தெரியவருகிறது. இந்த நிலநடுக்கம் ரிக்டர் அளவுகோளில் 5.2 ஆக பதிவானது. இதனால் மக்கள் பீதியடைந்து வீடுகளை விட்டு சாலைகளில் தஞ்சம் அடைந்தனர். 

இதே போல் பசிபிக் பெருங்கடல் பகுதியில் அமைந்துள்ள பப்புவா நியூ கினியா தீவிலும் நேற்று இரவு 8.45 மணியளவில் நிலநடுக்கம் ஏற்பட்டது. இந்த நிலநடுக்கம் ரிக்டர் அளவுகோளில் 5.5 ஆக பதிந்தது குறிப்பிடத்தக்கது. இந்த நிலநடுக்கங்களால் ஏற்பட்ட சேத விவரங்கள் குறித்து இது வரை எந்த தகவலும் வெளிவரவில்லை.

தினகரனின் அமமுகவில் இருந்த நிர்வாகிகளும் அவருக்கு மறைமுகமாக ஆதரவு கொடுத்து கொண்டிருந்த அதிமுக எம்எல்ஏக்களும் அவரிடம் இருந்து கொஞ்சம் கொஞ்சமாக விலகி வந்து கொண்டிருக்கும் நிலையில் இன்று மேலும் ஒரு எம்எல்ஏ தினகரன் ஆதரவை விலக்கிக் கொண்டு முதலமைச்சர் எடப்பாடி பழனிச்சாமி அவர்களுக்கு ஆதரவு கொடுத்துள்ளார். 
 
டிடிவி தினகரன் அவர்களுக்கு ஆதரவு கொடுத்துக் கொண்டிருந்த மூன்று எம்எல்ஏக்களில் ஒருவர் கள்ளக்குறிச்சி எம்எல்ஏ பிரபு. இவர் நேற்று சென்னையில் தலைமைச்செயலகத்தில் முதலமைச்சர் எடப்பாடி பழனிச்சாமி சந்தித்து தனது ஆதரவை அதிமுகவுக்கு வழங்குவதாக அறிவித்துள்ளார்
 
விருத்தாச்சலம் எம்.எல்.ஏ கலைச்செல்வன், கள்ளக்குறிச்சி எம்.எல்.ஏ பிரபு மற்றும் அறந்தாங்கி எம்.எல்.ஏ ரத்தினசபாபதி ஆகியோர் அதிமுக எம்எல்ஏக்கள் ஆக இருந்து வந்த நிலையில் மூவரும் தினகரனுக்கு ஆதரவளித்து வந்தனர். மூவரும் சபாநாயகருக்கு எதிரான நம்பிக்கையில்லா தீர்மானத்தை கொண்டு வர உச்ச நீதிமன்றத்தில் மனு ஒன்றை தாக்கல் செய்துள்ளனர்.
 
இந்த நிலையில் இம்மாத தொடக்கத்தில் கலைச்செல்வன், ரத்தினசபாபதி ஆகிய இரண்டு எம்.எல்.ஏக்கள் அதிமுகவுக்கு ஆதரவு அளித்த நிலையில் தற்போது எம்.எல்.ஏ பிரபுவும் ஆதரவு அளித்துள்ளதால் இவர்கள் மூவரும் இணைந்து உச்ச நீதிமன்றத்தில் தாக்கல் செய்த மனுவை வாபஸ் வருவார்கள் என எதிர்பார்க்கப்படுகிறது
 
தினகரன் கட்சியில் இருந்து கிட்டத்தட்ட அனைவருமே வெளியேறிவிட்ட நிலையில் அவர் தற்போது தனிமையில் தவித்து வருவதாகவும், அவரது கட்சி கிட்டத்தட்ட ஜீரோவாகிவிட்டதாகவும் அரசியல் விமர்சகர்கள் கருத்து தெரிவித்து வருகின்றனர்.
ஞாயிற்றுக்கிழமை, 21 ஜூலை 2019 00:00

விண்டீஸ் தொடர்: இந்திய அணி அறிவிப்பு

விண்டீஸ் அணிக்கு எதிரான கிரிக்கெட் தொடரில் பங்கேற்கும் இந்திய அணி அறிவிக்கப்பட்டுள்ளது.
விண்டீஸ் செல்ல உள்ள இந்திய அணி தலா மூன்று 'டுவென்டி- 20', மூன்று ஒரு நாள் மற்றும் இரண்டு டெஸ்ட் போட்டிகள் கொண்ட தொடரில் பங்கேற்கிறது. முதலில், 'டுவென்டி-20 தொடர் நடக்கிறது. முதல் இரு போட்டிகள் (ஆக.,3,4) அமெரிக்காவின் புளோரிடாவில் நடக்கிறது. இதற்கான இந்திய அணி வீரர்கள் தேர்வு இன்று(ஜூலை 21) நடந்தது. இதன் பின்னர், இந்திய அணி அறிவிக்கப்பட்டது. கேப்டனாக கோஹ்லி தொடர்கிறார். இந்திய அணியில் தோனி இடம்பெறவில்லை.

அணி விபரம் 

டெஸ்ட் தொடர்

கோஹ்லி(கேப்டன்), ரஹானே(துணை கேப்டன்), மயங்க் அகர்வால், கேஎல்.ராகுல், சி புஜாரா, ஹனும விஹாரி, ரோகித் சர்மா, ரிஷாப் பண்ட்(கீப்பர்) விர்திமான் சாஹா(கீப்பர்), அஸ்வின், ஜடேஜா, குல்தீப் யாதவ், இஷாந்த் சர்மா, முகமது ஷமி, பும்ரா, உமேஷ் யாதவ்

ஒரு நாள் அணி

விராட் கோஹ்லி(கேப்டன்), ரோகித் சர்மா(துணை கேப்டன்) ஷிகார் தவான், கேஎல்ராகுல், ஸ்ரேயாஸ் ஐயர், மணிஷ் பாண்டே, ரிஷாப் பண்ட்(கீப்பர்), ஜடேஜா, குல்தீப் யாதவ், சஹால், கேதார் ஜாதவ், முகமது ஷமி, புவனேஸ்வர் குமார், கலீல் அகமது, நவ்தீப் சைனி,

டுவென்டி -20 அணி

கோஹ்லி(கேப்டன்), ரோகித் சர்மா(துணை கேப்டன்), தவான், கேஎல்ராகுல், ஸ்ரேயாஸ் ஐயர், மணிஷ் பாண்டே, ரிஷாப் பண்ட்(கீப்பர்) குருனால் பாண்ட்யா, ரவீந்தர ஜடேஜா, வாஷிங்டன் சுந்தர், ராகுல் சஹார், புவனேஸ்வர் குமார், கலீல் அகமது, தீபக் சஹார், நவ்தீப் சைனி.

கர்நாடக மாநிலத்தில் கிருஷ்ணராஜ சாகர் (கே.ஆர்.எஸ்.) அணையிலிருந்து திறக்கப்பட்ட தண்ணீர் சனிக்கிழமை ஒகேனக்கல்லை வந்தடைந்தது.

கர்நாடக மாநிலத்தில் உள்ள காவிரி நீர்ப்பிடிப்புப் பகுதிகளில் கடந்த சில நாள்களாக மழை பெய்து வருகிறது. இதனால், கிருஷ்ணராஜ சாகர் மற்றும் கபினி அணைகள் வேகமாக நிரம்பி வருகின்றன. இந்த நிலையில், கர்நாடக மாநில விவசாயிகள் அண்மையில் பாசனத்துக்கு காவிரியில் தண்ணீர் திறந்துவிட வேண்டும் என கோரிக்கை வைத்திருந்தனர்.

அதேபோல, தமிழகமும் தங்களுக்கான தண்ணீரை காவிரியிலிருந்து திறந்து விடவேண்டும் என்ற கோரிக்கையை மேலாண் வாரியத்திடம் முன் வைத்தது. காவிரி மேலாண் வாரியம் தண்ணீர் திறக்கக் கோரி உத்தரவிட்டும், மழை பொழிந்தால் மட்டுமே தண்ணீர் திறக்கப்படும் என கர்நாடக அரசு தெரிவித்திருந்தது.

இந்த நிலையில், தற்போது தொடர்ந்து காவிரி நீர்ப்பிடிப்பு பகுதிகளில் மழை பெய்து வரும் நிலையில், அங்குள்ள அணைகள் நிரம்பி வருவதால், கிருஷ்ணராஜசாகர் அணையிலிருந்து கடந்த 16-ஆம் தேதி சுமார் 850 கன அடி தண்ணீர் திறந்து விடப்பட்டது. இந்த தண்ணீர் சனிக்கிழமை காலை ஒகேனக்கல் அருகேயுள்ள பிலிகுண்டுலுவை வந்தடைந்தது. நீர்வரத்து குறித்து மத்திய நீர் ஆணையப் பொறியாளர்கள், அலுவலர்கள் பிலிகுண்டுலுவில் அளவீடு செய்தனர்.

இதில், காவிரியில் நீர்வரத்து சிறிதளவு கூடியிருப்பது தெரியவந்தது. இந்த தண்ணீர் சில மணி நேரத்தில் ஒகேனக்கல் அருவியை வந்தடைந்தது. மேலும், கர்நாடகம் திறந்துவிட்ட தண்ணீருடன் கடந்த இரண்டு நாள்களாக கிருஷ்ணகிரி மாவட்டம், தேன்கனிக்கோட்டை, அஞ்செட்டி பகுதிகளில் பொழியும் மழைநீரும் இணைந்து வருகிறது. இதனால், கர்நாடகம் திறந்துவிட்ட தண்ணீர் சுமார் 500 கன அடியும், மீதமுள்ள நீர் மழைநீரும் கலந்து வருவதாகக் கூறப்படுகிறது. இருப்பினும், ஒகேனக்கல் காவிரி ஆற்றில் வெள்ளிக்கிழமை வரை நொடிக்கு சுமார் 200 கன அடி தண்ணீர் மட்டுமே வந்துகொண்டிருந்தது.

தற்போதைய நிலவரப்படி நொடிக்கு 1,000 கன அடி தண்ணீர் வந்துகொண்டிருக்கிறது. மேலும், கர்நாடகத்தில் கபினி மற்றும் கிருஷ்ணராஜ சாகர் அணைகளிலிருந்து சுமார் 5,100 கனஅடி நீர் காவிரி ஆற்றில் திறந்துவிடப்பட்டுள்ளது.

இந்த தண்ணீர் வருகிற திங்கள்கிழமை பிலிகுண்டுலுவை வந்தடையலாம் எனக் கூறப்படுகிறது. இதனால், ஒகேனக்கல் காவிரியில் ஒரிரு நாள்களில் நீர்வரத்து அதிகரிக்கும் எனக் கூறப்படுகிறது. அதேபோல, காவிரி ஆற்றில் நீர்வரத்து தொடர்பாக பொதுப்பணித் துறை மற்றும் மத்திய நீர் ஆணையப் பொறியாளர்களும் தொடர்ந்து கண்காணித்து வருகின்றனர்.

கம்போடியா பள்ளிகளில் மாணவர்களுக்கு பாடாமாக திருக்குறள் பயிற்றுவிக்கப்பட உள்ளது.ஜூன் மாதம் கம்போடிய அரசு உயரதிகாரிகள், பல்லவ மன்னர்களுக்கும், கம்போடிய மன்னர்களுக்கும் இடையே இருந்த அரசியல் மற்றும் கலாசார உறவு குறித்து அறிய தமிழகம் வந்தனர்.

அவர்கள் பல்லவ, கம்போடிய மன்னர்களுக்கிடையே இருந்த நட்புக்கான பல சான்றுகளை பார்த்து சென்றனர்.இதையடுத்து சோழ மன்னன் முதலாம் ராஜேந்திர சோழனுக்கும், கம்போடியாவின் கெமர் வம்சத்தைச் சேர்ந்த முதலாம் சூர்யவர்மனுக்குமான நட்பை தெரிவிக்கும் வகையில் இருவருக்கும் ரூ.25 கோடியில் கம்போடியாவில் சிலைகளை அமைக்க அரசு முடிவு செய்துள்ளது.

மேலும் தமிழ்நாட்டுக்கும் கம்போடியாவிற்கும் உறவை வலுப்படுத்தும் வகையில், திருக்குறளை கம்போடிய அரசு அந்நாட்டின் பள்ளிகளில் பாடப்புத்தகத்தில் சேர்க்க உத்தரவிட்டுள்ளது. திருக்குறளை கம்போடியர்களும் கற்கவுள்ளனர்.

பக்கம் 5 / 2555
Top
We use cookies to improve our website. By continuing to use this website, you are giving consent to cookies being used. More details…