JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

கஜா புயல் நாளை கரையை கடக்க உள்ளதால் முன்னெச்சரிக்கை கடலூர், நாகை, திருவாரூர், ராமநாதபுரம், புதுக்கோட்டை, காரைக்கால் மாவட்டங்களில் நாளை விடுமுறை அறிவிக்கப்பட்டுள்ளது.

வங்கக் கடலில் நிலை கொண்டுள்ள கஜா புயல் மணிக்கு 7 கி.மீ., வேகத்தில் தமிழகத்தை நோக்கி நெருங்கி வருவதாகவும், நாளை (நவ.,15) மாலை பாம்பன் - கடலூர் இடையே கரையை கடக்கும் எனவும், இதனால் தமிழகம், புதுச்சேரியில் அதிக கனமழை பெய்யும் எனவும் இந்திய வானிலை மையம் எச்சரித்துள்ளது. இதனையடுத்து முன்னெச்சரிக்கை நடவடிக்கையாக கடலூர் நாகை, காரைக்கால் மாவட்டங்களில் நாளை பள்ளி, கல்லூரிகளுக்கு விடுமுறை விடப்படுவுதாக மாவட்ட கலெக்டர்கள் அறிவித்திருந்தனர். இந்நிலையில் திருவாரூர் மற்றும் ராமநாதபுரம், புதுக்கோட்டை மாவட்டங்களில் நாளை பள்ளி, கல்லூரிகளுக்கு விடுமுறை விடப்படுவதாக அறிவிக்கப்பட்டுள்ளது.

கஜா புயல் காரணமாக இன்று மாலை 5 மணியிலிருந்து தனுஷ்கோடிக்கு செல்ல அனுமதி மறுக்கப்படுவதாகவும், காற்றின் வேகத்தை பொறுத்து பாம்பன் பாலத்தில் போக்குவரத்துக்கு அனுமதிக்கலாமா என்பது குறித்து ஆலோசிக்கப்படும் எனவும் ராமநாதபுரம் மாவட்ட கலெக்டர் வீரராகவ ராவ் தெரிவித்துள்ளார்.

திருவள்ளுவர் பல்கலையில் நாளை நடைபெறவிருந்த தேர்வுகளும் மற்றொரு நாளுக்கு ஒத்திவைக்கப்பட்டுள்ளது.

இதன் இடையே, கஜா புயலின் வேகம் மணிக்கு 7 கி.மீ., வேகத்தில் இருந்து 10 கி.மீ., வேகத்தில் நகர்ந்து வருவதாக வானிலை மையம் தெரிவித்து உள்ளது.

இலங்கை பார்லியில் இருந்து ராஜபக்சே வெளிநடப்பு செய்ததை அடுத்து கூச்சல், குழப்பம் ஏற்பட்டது. இதனால் அவை நாளை வரை ஒத்திவைக்கப்பட்டுள்ளது. அதே நேரத்தில் ராஜபக்சேவுக்கு எதிராக கொண்டு வரப்பட்ட நம்பிக்கை இல்லா தீர்மானம் வெற்றி பெற்றதாக சபாநாயகர் அறிவித்தார்

கடும் அரசியல் குழப்பங்களுக்கு இடையே இலங்கை பார்லிமென்ட் இன்று கூடியது. அப்போது அதிபர் சிறிசேனாவால் புதிதாக பிரதமராக நியமிக்கப்பட்ட ராஜபக்சேவுக்கு எதிராக நம்பிக்கையில்லா தீர்மானம் கொண்டு வரப்பட்டது. இதற்கு எதிர்ப்பு தெரிவித்து ராஜபக்சே அவையில் இருந்து வெளிநடப்பு செய்தார். இதனையடுத்து கூச்சல், குழப்பம் நிலவியது. ரணில் கட்சியை சேர்ந்த உறுப்பினர்கள் கறுப்பு பேட்ஜ் அணிந்து அவையில் பங்கேற்றனர். 

எதிர்க்கட்சியை சேர்ந்த சில உறுப்பினர்களும் ரணிலுக்கு ஆதரவாக அணி மாறினர்.இதனால் ராஜபக்சேவின் ஆதரவாளர்கள் நம்பிக்கையில்லா தீர்மானம் கொண்டு வருவதற்கு எதிராக கூச்சல், குழப்பம் எழுப்பினர். இதனையடுத்து இலங்கை பார்லியை நாளை காலை 10 மணி வரை ஒத்திவைக்க சபாநாயகர் உத்தரவிட்டுள்ளார். அத்துடன் நம்பிக்கை இல்லா தீர்மானம் வெற்றி பெற்றதாகவும் சபாநாயகர் அறிவித்தார்.

செவ்வாய்க்கிழமை, 13 நவம்பர் 2018 00:00

கஜா புயல்: 7 மாவட்டங்களுக்கு எச்சரிக்கை

கடலூர், நாகை, காரைக்கால், திருவாரூர், தஞ்சை, புதுக்கோட்டை ராமநாதபுரம் மாவட்டங்களில் பலத்த காற்று வீசக்கூடும் என சென்னை வானிலை மையம் அறிவித்துள்ளது.

வானிலை மைய இயக்குநர் பாலச்சந்திரன் கூறியதாவது: மத்திய மேற்கு வங்கக்கடல் பகுதியில், கஜா புயல் தற்போது நாகப்பட்டினம் வடகிழக்கே சுமார் 790 கி.மீ., தொலைவில் நிலை கொண்டுள்ளது. இது தென் மேற்கு திசையில் நகர்ந்து நாளை மறுநாள் (நவ.,15) பாம்பனுக்கும் கடலூருக்கு இடையே கரையை கடக்கும். 

அப்போது கடலூர், நாகப்பட்டினம், காரைக்கால், திருவாரூர், தஞ்சாவூர், புதுக்கோட்டை, ராமநாதபுரம் மாவட்டங்களில் பலத்த காற்று வீசக்கூடும். 80 முதல் 90 கி.மீ., வேகத்தில் காற்று வீசும். 100 கி.மீ., வேகத்தில் கூட காற்றுவீசக்கூடும். 15ம் தேதி காலை முதல் பெரும்பாலான இடங்களில் மழை பெய்யும். சில இடங்களில் கனமழை முதல் மிக கனமழை பெய்யக்கூடும். மீனவர்கள் கடலுக்குள் செல்ல வேண்டாம். சென்னையில் 15 மற்றும் 16 ம் தேதிகளில் ஓரளவு மிதமான மழை பெய்யக்கூடும்.இவ்வாறு அவர் கூறினார்.

இந்நிலையில், மத்திய நீர் வள ஆணையம், தலைமை செயலர், பொதுப்பணித்துறை அதிகாரிகளுக்கு கடிதம் எழுதிள்ளது.அதில், மழை அதிகமாக பெய்ய வாய்ப்பு உள்ளதால், நீர்பிடிப்பு பகுதிகளில் தண்ணீர் வேகமாக நிரம்ப வாய்ப்பு உள்ளது. இதனால், அனைத்து அணைகளையும் தீவிரமாக கண்காணிக்க வேண்டும் எனக்கூறியுள்ளது.

பாலியல் குற்றச்சாட்டு எழுந்ததையடுத்து பிளிப்கார்ட் நிறுவனத்தின் தலைமை நிர்வாகி பின்னி பன்சால் தனது பதவியை ராஜினாமா செய்தார்.

பெங்களூருவை தலைமையிடமாக கொண்டு செயல்படும் ஆன்-லைன் வர்த்தகம் என்று சொல்லப்படுகிற இணையவழி வர்த்தகத்தில் புகழ் பெற்றது.பிளிப்கார்ட் இந்நிறுவனத்தின் தலைமை நிர்வாகி பதவியிலிருந்து பின்னி பன்சால் திடீரென விலகி உள்ளார்.

''பின்னி பன்சால் மீது தனிப்பட்ட தவறான நடத்தை புகார்கள் எழுந்தன. அதன்பேரில் அவர் விலகி உள்ளார்'' என கூறப்பட்டுள்ளது.பிளிப்கார்ட் நிறுவனத்தின் தலைமை செயல் அதிகாரியாக கல்யாண் கிருஷ்ணமூர்த்தி தொடர்வார் என அறிவிக்கப்பட்டுள்ளது.

செவ்வாய்க்கிழமை, 13 நவம்பர் 2018 00:00

ஸ்டாலினுடன் சீதாராம் யெச்சூரி சந்திப்பு

மத்தியில் ஆளும் பாஜகவுக்கு எதிராக பல்வேறு கட்சி தலைவர்கள் போர்க்கொடி தூக்கி வருகின்றனர். அதன் தொடர்ச்சியாக, தமிழகத்தில் திமுக தலைவர் முக ஸ்டாலினை பல்வேறு கட்சி தலைவர்கள் சந்தித்து வருகின்றனர்.
 
இந்நிலையில், சென்னை வந்துள்ள மார்க்சிஸ்ட் கம்யூனிஸ்டு கட்சியின் பொது செயலாளர் சீதாராம் யெச்சூரி ஆழ்வார்பேட்டையில் உள்ள திமுக தலைவர் முக ஸ்டாலின் வீட்டுக்கு இன்று நேரில் சென்றார்.
 
அவரை திமுக தலைவர் ஸ்டாலின் பொன்னாடை அணிவித்தும், பூங்கொத்து கொடுத்தும் வரவேற்றார். அப்போது, எம்.பி கனிமொழி, டி.ஆர்.பாலு, திருச்சி சிவா, ஆ ராசா உள்ளிட்டோர் உடனிருந்தனர்.
 
இந்த சந்திப்பு குறித்து யெச்சூரி கூறுகையில், தமிழகத்தில் திமுகவுடன் இணைந்து எதிர் வரும் தேர்தலை சந்திக்க உள்ளோம் என தெரிவித்துள்ளார்.
பக்கம் 7 / 2255
Top
We use cookies to improve our website. By continuing to use this website, you are giving consent to cookies being used. More details…