JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.
செவ்வாய்க்கிழமை, 10 செப்டம்பர் 2019 00:00

பா.ஜ.க,வில் விரைவில் புகழேந்தி

அ.ம.மு.க., பொதுச்செயலர் தினகரனை விமர்சித்த விவகாரத்தால், நெருக்கடியில் சிக்கியுள்ள, அக்கட்சியின் மாநில நிர்வாகி, புகழேந்தி, பா.ஜ.,வில் சேர்வார் என, எதிர்பார்க்கப்படுகிறது.

சமீபத்தில், அ.ம.மு.க., மாநில, மாவட்ட நிர்வாகிகள் பட்டியல் வெளியிடப்பட்டது. அதில், கொள்கை பரப்பு செயலர் பதவி, தனக்கு கிடைக்கும் என, புகழேந்தி எதிர்பார்த்தார். ஆனால் அவருக்கு, மீண்டும் செய்தி தொடர்பாளர் பதவி தான் கிடைத்தது. இதனால், அதிருப்தி அடைந்த அவர், தினகரனை கடுமையாக விமர்சித்து பேசிய, வீடியோ வெளியானது.பேசியது உண்மை என, ஒப்புக் கொண்ட புகழேந்தி, அதை, அ.ம.மு.க., தகவல் தொழில்நுட்ப பிரிவு வெளியிட்டு, குழப்பத்தை ஏற்படுத்தியதாக, குற்றம் சாட்டினார்.

'இந்த விவகாரம் தொடர்பாக, விசாரணை நடத்தி, நடவடிக்கை எடுப்பேன்' என, நேற்று தினகரன் தெரிவித்துள்ளார். இதனால், அ.ம.மு.க.,வில் நீடிக்க முடியாத நிலைமை, புகழேந்திக்கு வந்துள்ளது. எனவே, அவரை, தி.மு.க.,வில் சேர்க்க, அவரது பழைய சகாக்கள், தங்க தமிழ்செல்வன், செந்தில்பாலாஜி போன்றவர்கள் முயற்சி எடுத்துள்ளனர். ஆனால், புகழேந்தி, கர்நாடகாவில் தீவிர அரசியல் செய்யவே விரும்புகிறார். தமிழக அரசியலில், அவருக்கு உள்ள ஆதரவு, ஓசூர் சட்டசபை தொகுதி இடைத்தேர்தலில் தெரிந்து விட்டது. அங்கு போட்டியிட்ட அவர், மிக குறைந்த ஓட்டுக்களை பெற்று, படுதோல்வி அடைந்தார்.

எனவே, கர்நாடகா அரசியலில் ஈடுபடும் விதமாக, அங்கு ஆட்சி செய்யும், பா.ஜ.,வில் இணைய விரும்புவதாக தெரிய வந்துள்ளது. இதுதொடர்பாக, பா.ஜ., - எம்.பி., ஒருவருடன் அவர் பேசியதாகவும் கூறப்படுகிறது. இதற்கிடையில், பெங்களூரு சிறையில் உள்ள சசிகலாவை சந்திக்க, புகழேந்தி விரும்புகிறார். அவரை சந்தித்து, தினகரன் செயல்பாடுகள் பற்றி புகார் கூற திட்டமிட்டு உள்ளார். அதன்பின், தன் முடிவை அறிவிப்பார் என, தெரிகிறது.

திருச்சி, திருவரங்கம் அருள்மிகு அரங்கநாதர் கோவிலில் திரு பவித்ர உத்ஸவம் எனப்படும் நூலிழைத் திருநாள் திங்கள் கிழமை நேற்று தொடங்கியது.

திருவரங்கம் திருக்கோயில் வைணவர்களின் தலைமைக் கோயிலாக போற்றப் படுகிறது. பூலோக வைகுண்டம் என போற்றி வணங்கப்படும் ஸ்ரீரங்கம் அரங்கநாதர் திருக் கோவிலில் ஆண்டுதோறும் பவித்ர உத்ஸவம் நேற்று தொடங்கியது. இதனை நூலிழைத் திருநாள் என்றும் அழைக்கின்றனர்.

ஒன்பது நாட்கள் நடைபெறும் பவித்ர உத்ஸவத்தின் போது, அனைத்து சந்நிதிகளிலும் உள்ள மூலவர் மற்றும் உத்ஸவ மூர்த்திகளுக்கு நூலிழைகளால் அலங்காரம் செய்யப்பட்டிருப்பதால் இவ்வாறு குறிப்பிடுகின்றனர்.

இந்த ஆண்டுக்கான திரு பவித்ர உத்ஸவத்தின் தொடக்க நாளான நேற்று காலை 9.15க்கு திருவரங்கம் நம்பெருமாள் மூலஸ்தானத்தில் இருந்து புறப்பட்டு, யாகசாலை வந்தடைந்தார். அங்கு பரப்பி வைக்கப்பட்டிருந்த மலர்களுக்கு நடுவே நம் பெருமாள் எழுந்தருளினார்.

இரவு, 7 மணி அளவில் திருமஞ்சனம், அலங்காரம் கண்டருளிய நம்பெருமாள் இரவு 11 மணிக்கு மூலஸ்தானம் சென்றடைந்தார்.

திருப்பவித்ர உத்ஸவத்தின் இரண்டாம் நாளான இன்று மதியம் 2 மணி முதல் 6 மணி வரை நம்பெருமாள் பூச்சாண்டி சேவை சாதிப்பார். அப்போது நம்பெருமாளின் திருமேனி முழுவதும் நூலிழைகளை சுருள் சுருளாக வைத்து அலங்காரம் செய்வர்! இதனை பூச்சாண்டி சேவை என்கின்றனர்.

ஸ்ரீவில்லிப்புத்தூரில் தயாராகும் உலகப்புகழ் பெற்ற பால்கோவாவிருக்கு புவிசார் குறியீடு கிடைத்துள்ளது. இதனால், ஆன்லைன் மூலமாகவும் பால்கோவா விற்பனை அதிகரிக்கும் என உற்பத்தியாளர்கள் மகிழ்ச்சி தெரிவித்துள்ளனர்.

ஸ்ரீ ஆண்டாள் அவதரித்து சுற்றுலா தளமாகவும் தமிழகத்தின் முத்திரை சின்னமாகவும் விளங்ககூடிய ஸ்ரீவில்லிபுத்தூரின் மற்றுமொரு சிறப்பு உலகபுகழ் பெற்ற பால்கோவா. ஸ்ரீவில்லிபுத்தூருக்கு வரும் சுற்றுலா பயணிகள் ஸ்ரீ ஆண்டாளை தரிசித்து செல்வது எவ்வளவு முக்கியத்துவமாக கருதுகிறார்களோ அதே அளவிற்கு இங்கு தயாராகும் பால்கோவாவை வாங்கி செல்வதை பெருமையாக கருதுகிறார்கள்.

ஆகையால் ஸ்ரீவில்லிபுத்தூர் நகரில் எங்கு பார்த்தாலும் பால்கோவா கடைகளே அதிகம் காணப்படுகின்றது. இங்கு தயாராகும் பால்கோவா தனிச்சிறப்பு வாய்ந்ததற்கு காரணம் மேற்கு தொடர்ச்சி மலை பகுதியின் அடிவாரத்தில் ஸ்ரீவில்லிபுத்தூர் அமைந்துள்ளதால் இப்பகுதியில் உள்ள கறவை மாடுகளுக்கு மலை பகுதியில் விளையும் பசுமையான புல்களே உணவாக தரப்படுகிறது.

மலைபகுதியில் விளையும் புல் களை உண்பதால் மாடுகளில் இருந்து பெறப்படும் பால் சுத்தமாகவும் கெட்டியாகவும் உள்ளது. மேலும் இங்கு தயாராகும் பால்கோவா வணிகத்திற்க்கு முக்கியத்துவம் கொடுக்காமல் சுவைக்கு முக்கியத்துவம் கொடுத்தே தயார் செய்யப்படுகிறது. கடந்த 1௦௦ ஆண்டுகளுக்கு முன்பாக ஸ்ரீவில்லிபுத்தூர் மற்றும் சுற்று வட்டார பகுதிகளில் 200 க்கும் மேற்பட்ட கிராமங்களில் ஆயிரகணக்கான கறவைமாடுகள் வளர்க்கப்பட்டு மாடுகளில் இருந்து பெறப்படும் பாலினை அந்த காலகட்டங்களில் பதபடுத்த முடியாத சூழ்நிலை ஏற்பட்டதால் பாலினை காய்ச்சி அதை உணவாக சாப்பிடும் நிலை உருவானது.

காலப்போக்கில் இதுவே பால்கோவா உருவாக காரணமாக அமைந்தது. அதிகமாக பால்கோவா தயாரித்தவர்கள் மீதமுள்ள பால் உணவை அருகில் இருக்ககூடிய வீடுகளுக்கு பண்டமாற்று முறையில் விற்பனை செய்து தங்களுக்கு தேவையான பொருள்களை அவர்களிடம் இருந்து பெற்று வந்தனர். இம்முறையே வளர்ச்சி கண்டு கடந்த 5௦ ஆண்டுகளுக்கு முன்பாக பால்கோவா செய்யும் தொழிலாக மாறியது. முதலில் குடிசை தொழிலாக செய்யப்பட்டுவந்த இத்தொழிலே காலபோக்கில் வளர்ச்சி கண்டு வெளிநாடுகளுக்கு ஏற்றுமதி செய்யும் அளவிருக்கு மாறியுள்ளது குறிப்பிடத்தக்கது .

 

பாகிஸ்தான் சென்று விளையாட இலங்கை வீரர்கள் 10 பேர் மறுப்பு தெரிவித்து, தொடரில் இருந்து விலகினர்.

கடந்த 2009ல் பாகிஸ்தான் மண்ணில் டெஸ்ட் தொடரில் பங்கேற்ற இலங்கை அணி வீரர்கள் சென்ற பஸ் மீது பயங்கரவாத தாக்குதல் நடந்தது. இதன் பின் ஜிம்பாப்வே (2015), விண்டீஸ் (2018) தவிர, மற்ற அணிகள் பாகிஸ்தான் சென்று விளையாடவில்லை.

இதனிடையே இலங்கை அணி வரும் செப். 27 முதல் அக்., 9 வரை மூன்று ஒருநாள், மூன்று 'டுவென்டி-20' போட்டிகள் கொண்ட தொடரில் பங்கேற்க உள்ளது. ஆனால் ஒரு நாள் அணி கேப்டன் கருணாரத்னே, 'டுவென்டி-20' அணி கேப்டன் மலிங்கா, 'சீனியர்' மாத்யூஸ் உள்ளிட்ட 10 வீரர்கள், பாகிஸ்தான் போதிய பாதுகாப்பு இருக்காது என்பதால், அங்கு செல்ல மறுத்து தொடரில் இருந்து விலகினர்.

நாட்டின் மிகப் பெரிய அணையான சர்தார் சரோவார் அணை நிரம்பியதுகுஜராத் மாநிலத்தில் பாயும் நர்மதா ஆற்றின் குறுக்கே கட்டப்பட்டுள்ள சர்தார் சரோவார் அணை இந்தியாவின் மிகப்பெரிய அணையாக உள்ளது. இது உலகிலேயே இரண்டாவது பெரிய அணை என்ற பெருமையை பெற்றுள்ளது.

இந்த அணையின் மொத்த உயரம் 535 அடி, நீளம் 3,970 அடி. அணையில் 453 அடி வரை நீர்தேக்க முடியும். இந்த அணையின் மூலம் குஜராத், ம.பி., ராஜஸ்தான், மகாராஷ்டிரா ஆகிய மாநிலங்களில் 81 லட்சம் ஹெக்டர் நிலங்கள் பாசன வசதி பெறுகின்றன.

2017 ம் ஆண்டிற்கு பிறகு இந்த அணை முழு கொள்ளவை எட்டியுள்ளது. அணையின் நீர்ப்பிடிப்பு பகுதியில் பெய்து வரும் பலத்த மழை காரணமாக அணைக்கு விநாடிக்கு 6.47 லட்சம் கனஅடி நீர் வரத்து உள்ளது. அணையின் மொத்த நீர்மட்டமான 453 அடியை எட்டி வருவதால் பாதுகாப்பு கருதி அணையின் மொத்தமுள்ள 30 மதகுகளில் 23 மதகுகள் வழியாக தற்போது விநாடிக்கு 6.16 லட்சம் கனஅடி நீர் திறந்து விடப்பட்டுள்ளது.

இதனால் குஜராத் மாநிலத்தின் நர்மதா, வதோதரா, பரூக் மாவட்டங்களுக்கு வெள்ள அபாய எச்சரிக்கை விடப்பட்டுள்ளது.நர்மதா மாவட்ட கலெக்டர் ஐ.கே.படேல் வெளியிட்டுள்ள அறிக்கையில் அணை நீர் வெளியேறும் கரைப் பகுதியில் வசிக்கும் மக்களை பாதுகாப்பான இடங்களுக்கு செல்ல அறிவுறுத்தும் படி அதிகாரிகளை கேட்டுக் கொண்டுள்ளார். அதிக நீர் வெளியேறுவதால் அசம்பாவிதங்களை தடுக்க தேவையான பாதுகாப்பு நடவடிக்கைகளை மேற்கொள்ள உத்தரவிட்டுள்ளார் .

அதிக மழை பொழிவு இந்த ஆண்டு குஜாரத் மாநிலத்தில் வழக்கமான மழைப் பொழிவில் 109 சதவீதம் மழைப் பொழிவு ஏற்பட்டுள்ளது. மாநிலத்தின் மொத்தமுள்ள 33 மாவட்டங்களில் 22 மாவட்டடங்களில் வழக்கமான மழைப் பொழிவில் 100 சதவீதம் பொழிந்துள்ளது குறிப்பிடத்தக்கது.

பக்கம் 8 / 2631
Top
We use cookies to improve our website. By continuing to use this website, you are giving consent to cookies being used. More details…