JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

திருமலை ஏழுமலையான் கோவிலுக்குள் இருந்த புதையலை தோண்டி எடுத்ததாக, தேவஸ்தான அதிகாரிகள் மீது, தலைமை அர்ச்சகர், ரமண தீட்சிதர் குற்றம் சாட்டியுள்ளார்.

ஆந்திராவில் உள்ள, திருப்பதி, திருமலை ஏழுமலையான் கோவில் தலைமை அர்ச்சகராக பணியாற்றி வந்த ரமண தீட்சிதருக்கு, நேற்று, தேவஸ்தானம் கட்டாய பணி ஓய்வு வழங்கியது.

ஆபரணங்கள் : இந்நிலையில், நேற்று காலை, தனியார் தொலைக்காட்சிக்கு, அவர் பேட்டி அளித்தார். அப்போது அவர் கூறியதாவது: ஏழுமலையான் கோவிலில் உள்ள பிரசாத தயாரிப்பு கூடத்தை, 25 நாட்கள் வரை மூடிய அதிகாரிகள், அங்கு, பூமிக்கு அடியில் தோண்டினர்.

'அந்த இடத்தில், பல்வேறு மன்னர்கள், ஏழுமலையானுக்கு நன்கொடையாக வழங்கிய ஆபரணங்கள் புதைத்து வைக்கப்பட்டுள்ளன' என, முன்னோர்கள் கூறியுள்ளனர்.எனவே, அங்கு புதையலாக வைக்கப்பட்டிருந்த பெருமளவிலான ஆபரணங்கள் என்ன ஆனது என தெரியவில்லை.

கடந்த, 2001ல், பிரமோற்சவ கருடசேவையின் போது, மூலவருக்கு அணிவிக்கப்பட்டிருந்த பிளாட்டின மாலையில் பதிக்கப்பட்ட வைர கல் விழுந்து விட்டதாக கூறப்பட்டது. ஆனால், அந்த வைரக்கல், பிரேசில் நாட்டில் நடந்த ஏலத்தில், 500 கோடி ரூபாய்க்கு விற்பனை ஆகி உள்ளது.இவ்வாறு அவர் கூறினார்.

போராட்டம் : இந்நிலையில், ரமண தீட்சிதரின் குற்றச்சாட்டுகள் தொடர்பாக, சி.பி.ஐ விசாரணைக்கு உத்தரவிட வலியுறுத்தி, திருப்பதியில் உள்ள தேவஸ்தான தலைமை அலுவலகம் எதிரில், இந்து சம்ரட்சண சமிதி அமைப்பினர், நேற்று போராட்டம் நடத்தினர்.

சன்ரைசர்ஸ் ஹைதராபாத் அணிக்கெதிரான ஐபிஎல் போட்டியில் கொல்கத்தா நைட் ரைடர்ஸ் அணி 5 விக்கெட்டுகள் வித்தியாசத்தில் வெற்றிபெற்றுள்ளது. 

ஐபிஎல் தொடரின் இன்றைய லீக் போட்டியில் சன்ரைசர்ஸ் ஹைதராபாத் - கொல்கத்தா நைட் ரைடர்ஸ் அணிகள் மோதின. ஹைதராபாத் ராஜிவ் காந்தி மைதானத்தில் நடைபெற்ற இப்போட்டியில்  டாஸ் வென்ற ஹைதராபாத் அணி கேப்டன் வில்லியம்சன் பேட்டிங் தேர்வு செய்தார்.

பிளே ஆஃப் வாய்ப்பைப் பிரகாசப்படுத்திக் கொள்ள இந்தப் போட்டியில் வென்றாக வேண்டிய கட்டாயத்தில் தினேஷ் கார்த்திக் தலைமையிலான கொல்கத்தா அணி களமிறங்கியது. இதனையடுத்து களம்கண்ட ஹைதராபாத் அணிக்கு இந்த முறை ஷிகர் தவானுடன், கோஷ்வாமி துவக்க வீரராகக் களமிறங்கினார். இருவரும் நன்றாக இன்னிங்சை துவக்கினர்.

கோஷ்வாமி 35 ரன்களுக்கு ஆட்டமிழக்க, பின்னர் இணைந்த தவான் - வில்லியம்சன் இணை இந்த முறையும் அதிரடியாக ஆடியது. இருப்பினும் தவான் 50 ரன்களுக்கும், வில்லியம்சன் 36 ரன்களுக்கும் வெளியேற அணியில் ஸ்கோர் குறைய ஆரம்பித்தது. நிர்ணயிக்கப்பட்ட 20 ஓவர்களில் அந்த அணி 9 விக்கெட் இழப்புக்கு 172 ரன்கள் எடுத்தது.  

இதன்பின்னர் கொல்கத்தா அணியில் கிறிஸ் லின் - சுனில் நரேன் ஜோடி துவக்கம் தந்தது. வழக்கம் போல் சுனில் நரேன் குறைந்த பந்துகளில் அதிரடி காட்டிவிட்டு சென்றார். அவர் 10 பந்துகளில் 29 ரன்கள் குவித்தார்.

 பின்னர் இணைந்த உத்தப்பா - கிறிஸ் லின் ஜோடிபொறுப்பாக விளையாடி அணியின் ஸ்கோரை உயர்த்தியது. கிறிஸ் லின் 55 ரன்களும், உத்தப்பா 45 ரன்களும் எடுத்து பெவிலியன் திரும்ப, கேப்டன் தினேஷ் கார்த்திக் அணியை வெற்றிப்பாதைக்கு அழைத்துச் சென்றார்.

19.4 ஓவர்களில் 5 விக்கெட்டுகளை மட்டுமே இழந்து கொல்கத்தா அணி வெற்றி இலக்கை எட்டியது. வெற்றியின் மூலம் பிளே ஆஃப் வாய்ப்பை கொல்கத்தா அணி உறுதி செய்துள்ளது. ஹைதராபாத் தரப்பில் அதிகபட்சமாக சித்தார்த் கவுல் 2 விக்கெட்டுகள் வீழ்த்தினார். ஆட்ட நாயகனாக கிறிஸ் லின் அறிவிக்கப்பட்டார்.

ஐபிஎல் கிரிக்கெட் தொடரின் 53வது லீக் போட்டியில் பெங்களூரு அணியை 30 ரன்கள் வித்தியாசத்தில் வீழ்த்தியது ராஜஸ்தான் அணி
 
ஐபிஎல் தொடரின் இன்றைய போட்டியில் ராஜஸ்தான் மற்றும் பெங்களூரு அணிகள் மோதின. இந்த போட்டியில் டாஸ் வென்ற ராஜஸ்தான் அணி முதலில் களமிறங்கி நிர்ணயிக்கப்பட்ட 20 ஓவர்களில் 5 விக்கெட் இழப்பிற்கு 164 ரன்கள் எடுத்தது.
 
ராஜஸ்தான் அணியில் அதிகப்பட்சமாக ராகுல் திரிபாதி 80 ரன்களும், கேப்டன் ரகானே 33 ரன்களும் எடுத்தனர். பெங்களூரு தரப்பில் உமேஷ் யாதவ் 3 வீக்கெட்டுகளை கைப்பற்றினார். 
 
பின்னர் 165 ரன்கள் எடுத்தால் வெற்றி என்ற இலக்குடன் களமிறங்கிய பெங்களூரு அணி 19.2 ஓவரில் அனைத்து வீக்கெட்டுகளையும் இழந்து 134 ரன்கள் மட்டுமே எடுத்தது. இதனால் 30 ரன்கள் வித்தியாசத்தில் ராஜஸ்தான் அணி வெற்றி பெற்றது. பெங்களூரு அணியில் அதிகப்பட்சமாக டிவில்லியர்ஸ் 53 ரன்கள் எடுத்தார்.
 
ஷ்ரெயாஸ் கோபால் 16 ரன்களுக்கு 4 விக்கெட்டுக்களை வீழ்த்தி ஆட்ட நாயகன் விருதினை தட்டிச் சென்றார். ப்ளே ஆஃப் சுற்றுக்கு தகுதி பெறாமல் வெளியேறியது பெங்களூரு.

கர்நாடக மாநிலத்தில் ஆட்சி அமைக்க தன்னை கவர்னர் வஜூபாய் வாலா அழைத்ததாக மதசார்பற்ற கட்சியின் தலைவர் குமாரசாமி கூறினார். முன்னதாக அவர் கவர்னரை சந்தித்தார். 

சட்டசபையில் இன்று மே-19 நடைபெற்ற நம்பிக்கை ஓட்டெடுப்பு நடைபெறும் முன்னரே பதவியை எடியூரப்பா ராஜினாமா செய்தார். இதனையடுத்து காங்கிரஸ் ஆதரவுடன் மஜத ஆட்சி அமைக்க தங்களை அழைக்குமாறு குமாரசாமி கவர்னரை இன்று இரவு சந்தித்து கேட்டார். 

கவர்னரை சந்தித்த பின்னர் நிருபர்களிடம் குமாரசாமி கூறுகையில்: தற்போது நீதித்துறை மூலம் வெற்றி கிடைத்துள்ளது. கவர்னர் கேட்டு கொண்டது படி வரும் திங்கட்கிழமை 12 மணிக்குள் பதவியேற்கவுள்ளேன். நாளை இது தொடர்பாக கூட்டணி கட்சியினருடன் ஆலோசனை நடத்தவுள்ளேன். எம்.எல்.ஏ.,க்கள் கூட்டம் நடக்கிறது.

பதவியேற்பு விழாவில் காங்., தலைவர் ராகுல் , சோனியா மற்றும் கூட்டணி தலைவர்களான மம்தா, சந்திரசேகரராவ், மாயாவதி, சந்திரபாபு நாயுடு ஆகியோரை அழைக்கவுள்ளேன். கூட்டணி தலைவர்களுடன் பேசி மாநிலத்தில் நல்ல நிர்வாகம் நடத்த பாடுபடுவேன் என்றார்.

 

 

 

 

சென்னை, ஆர்.கே.நகர் தேர்தலுக்குப் பின், கட்சியின் கட்டமைப்பில் மாறுதலை ஏற்படுத்த விரும்பிய கட்சி செயல் தலைவர் ஸ்டாலின், குழுக்களை அனுப்பி கள ஆய்வு செய்து வந்து அறிக்கைக் கொடுக்க உத்தரவிட்டார்.தமிழகம் முழுவதும் சுற்றிய ஆய்வுக் குழுவினர், கள தகவல்களை அறிக்கையாக கட்சி மேலிடத்துக்கு சமர்ப்பித்தனர்.

அதன்படி, இரண்டொரு நாட்களில் கட்சி கட்டமைப்பில் மாறுதல்களை கொண்டு வர, ஸ்டாலின் முடிவெடுத்துள்ளார். இனி தி.மு.க.,வில் 65 மாவட்டங்கள் இருக்காது. 45 மாவட்டங்களாக குறைக்கப்படலாம். பல்வேறு மாவட்டச் செயலர்கள், பொறுப்பை இழப்பதோடு, புதிதாக பல மாவட்டங்களுக்கு செயலர்கள் நியமிக்கப்படவிருக்கின்றனர். 162 மாநில, மாவட்ட நிர்வாகிகள் மீது கடுமையான புகார்கள் இருப்பதால், அவர்கள் அவ்வளவு பேரையும் மாற்றி விட ஸ்டாலின் முடிவெடுத்திருப்பதாக தகவல்கள் கூறுகின்றன.

சிலரை பொறுப்பில் இருந்து நீக்குவதோடு, பலரை கட்சியில் இருந்து நீக்கி விடலாம் எனவும் ஸ்டாலின் முடிவெடுத்திருந்ததாக கூறப்படுகிறது. ஆனால், கட்சியை விட்டு நீக்கும் முடிவை கடைசி நேரத்தில் மாற்றிக் கொண்டு விட்டதாகவும் கூறப்படுகிறது.

இதற்கிடையில், நடவடிக்கை ஆளாவோம் என்று அஞ்சும் திமுக நிர்வாகிகள், ரஜினி கட்சிக்கு சென்று விடுவோம் என்று மிரட்டத் துவங்கி உள்ளதாக கூறப்படுகிறது.

பக்கம் 9 / 2020
Top
We use cookies to improve our website. By continuing to use this website, you are giving consent to cookies being used. More details…