JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.
வியாழக்கிழமை, 13 ஜூன் 2019 00:00

ஊடகங்களுக்கு அதிமுக எச்சரிக்கை

அதிமுக கட்சித் தலைமை அங்கீகரிக்காதவர்களிடம் கருத்து கேட்டு சட்டரீதியிலான நடவடிக்கைகளுக்கு எங்களை ஆட்படுத்த வேண்டாமென அதிமுக சார்பில் ஊடகங்களுக்கு எச்சரிக்கை விடப்பட்டுள்ளது. 

அதிமுக சார்பில் ஊடகங்களில் கட்சியினர் யாரும் தன்னிச்சையாக கருத்து கூறவேண்டாம் என்று 2 தினங்கள் முன்பு எச்சரித்திருந்தது அதிமுக தலைமை. இந்த நிலையில் இன்று (ஜூன் 13) அக்கட்சியின் சார்பில் வெளியிடப்பட்ட அறிக்கை ஒன்றில், '' அதிமுக சார்பில் கருத்துதெரிவிக்க கழகத்தின் செய்தித் தொடர்பாளர்கள் நியமிக்கப்பட்டுள்ளனர்.

அவர்களைத் தவிர மற்றவர்களை அழைத்து கருத்து தெரிவிக்கவோ, அனுமதிக்கவோ வேண்டாம். வேறு நபர்களை அழைத்து அவர்களை அதிமுக என்று அடையாளப்படுத்த வேண்டாம். மீறும்பட்சத்தில் அந்நபர்கள் கொடுக்கும் பேட்டிகளுக்கோ, செய்திகளுக்கோ அதிமுக எந்தவகையிலும் பொறுப்பேற்காது. 

இதுகுறித்து சட்டரீதியான நடவடிக்கைகளுக்கு எங்களை ஆட்படுத்த மாட்டீர்கள் என்று நம்புகிறோம்,'' என்று கூறப்பட்டுள்ளது. அறிக்கை வெளியிட்ட நிர்வாகி பெயர் ஏதும் அதில் இல்லை என்பது குறிப்பிடத்தக்கது.

பள்ளி வளாகங்களுக்கு அருகில், குழந்தைகளின் உடல் நலனுக்கு தீங்கு ஏற்படுத்தும் வகையிலான, 'நுாடுல்ஸ், பீட்சா, பர்கர்' போன்ற, 'ஜங்க் புட்' உணவு பொருட்களின் விளம்பரங்களுக்கு தடை விதிக்க, மத்திய அரசு முடிவு செய்துள்ளது.

டில்லியில் நடந்த, இந்திய தொழில் மற்றும் வர்த்தக கூட்டமைப்பு மாநாட்டில், இந்திய உணவு பாதுகாப்பு மற்றும் தர நிர்ணய ஆணைய தலைமை செயல் அதிகாரி, பவன் குமார் அகர்வால் கூறியதாவது: கடந்த, 2015ல், டில்லி உயர் நீதிமன்றம் பிறப்பித்த உத்தரவில், குழந்தைகளுக்கான ஆரோக்கியமான உணவு வகைகளை சாப்பிடுவது குறித்து, விழிப்புணர்வு ஏற்படுத்துவதற்கான நடவடிக்கைகளை மேற்கொள்ளும்படி தெரிவித்திருந்தது.

ஆனால், அதை முடிவு செய்வதில் சில பிரச்னைகள் இருந்தன. ஆரோக்கியமான உணவு எது, தீங்கு ஏற்படுத்தும் உணவு எது என்பதை வரையறை செய்வதில், குழப்பங்கள் இருந்தன. வெளிநாடுகளில் இருந்து வரும் பல உணவு பொருட்கள், தீங்கு ஏற்படுத்துபவையாக உள்ளன. அதேபோல், நம் நாட்டில் தயாராகும் சில உணவு பொருட்களும் அப்படித் தான் உள்ளன. இந்நிலையில், நீண்ட ஆய்வுக்கு பின், இது தொடர்பாக சில வரையறைகளை உருவாக்கி, சுகாதார அமைச்சகத்தின் ஒப்புதலுக்கு அனுப்பிஉள்ளோம்.

இதற்கிடையே, பள்ளி வளாகங்களில், குழந்தைகளின் உடல் நலத்துக்கு கேடு ஏற்படுத்தும், சில வகையான, 'சிப்ஸ், பீட்சா, பர்கர், நுாடுல்ஸ்' மற்றும் பாக்கெட்டில் அடைக்கப்பட்ட, 'ஜங்க் புட்' எனப்படும், குறிப்பிட்ட உணவு பொருட்களின் விளம்பரங்களுக்கு தடை விதிக்க, முடிவு செய்யப்பட்டுள்ளது. பள்ளி வளாகங்களிலும், பள்ளி வளாகத்திலிருந்து, 50 மீட்டர் சுற்றளவு துாரத்துக்குள்ளும், இந்த விளம்பரங்களுக்கு தடை விதிக்கப்படும். இவ்வாறு, அவர் பேசினார்.

 

தேளின் விஷத்தில் இருந்து காசநோக்கு மருந்து கண்டுபிடித்துள்ளனர் அமெரிக்கா மற்றும் மெக்சிகோ விஞ்ஞானிகள். இந்த மருந்து கண்டுபிடிப்பில் முக்கிய பங்காற்றியவர்கள் தமிழக விஞ்ஞானி என்பது குறிப்பிடத்தக்கது.கலிபோர்னியாவின் ஸ்டான்போர்டு பல்கலை., விஞ்ஞானிகள் மற்றும் மெக்சிகோ விஞ்ஞானிகள் இணைந்து தேளின் விஷத்தில் இருந்து காசநோய்க்கு காரணமான பாக்டீரியாக்களை அழிக்கும் மருந்தினை கண்டுபிடித்துள்ளனர்.

இந்த விஞ்ஞானிகள் குழுவினர் தேள், பாம்பு, நத்தை உள்ளிட்ட விஷதன்மை கொண்ட உயிரினங்களில் இருந்து மருந்து கண்டறியும் சோதனையில் ஈடுபட்டு வந்தனர்.உலகில் மிக விலையுயர்ந்த பொருட்களில் தேளின் விஷமும் ஒன்று. இதன் ஒரு கேலன் (gallon - அமெரிக்க அளவு மதிப்பு. ஒரு கேலன் என்பது 3.78 லிட்டருக்கு சமம்) தயாரிக்க 39 மில்லியன் டாலர்கள் ஆகும். டிப்ளோசென்டிரஸ் மெலிசி என்ற அரிய வகை தேளில் இந்த ஆய்வு மேற்கொள்ளப்பட்டது.

பொதுவாக இந்த வகை தேள் இனங்கள் மழை காலங்கள் மற்றும் வறட்சியான காலங்களில் மட்டுமே காணப்படக் கூடியவை.விஞ்ஞானி பொசானி தலைமையிலான குழுவினர் கடந்த 45 ஆண்டுகளாக விஷ காரணிகளில் இருந்து மருந்து தயாரிக்கும் ஆய்வில் ஈடுபட்டு வருகின்றனர்.

இதுற்கு முன் இவர்கள் ஆன்டிபயோடிக்ஸ், பூச்சிக்கொல்லிகள் மற்றும் மலேரியாவுக்கு எதிரான மருந்துகளை சிலந்தியின் விஷத்தில் இருந்து கண்டுபிடித்துள்ளனர்.டிப்ளோசென்டிரஸ் மெலிசி தேளின் வால் பகுதியில் உள்ள விஷதன்மை கொண்ட திரவத்தை பிரித்தெடுத்துள்ளனர்.

அதில், சிவப்பு மற்றும் நீலம் என இரு நிறங்களில் மாறக் கூடிய இருவிதமான வேதிப் பொருட்கள் இருப்பது கண்டறியப்பட்டது. இதில் 0.5 மைக்ரோ லிட்டர் விஷயத்தை எடுத்து ஆய்வு செய்த கலிபோர்னியா பல்கலை.,யை சேர்ந்த ஷிப்தாஸ் பானர்ஜி மற்றும் ஞானமணி ஏழுமலை என்ற இரு இந்திய விஞ்ஞானிகள், வட்ட வடிவிலான துகள்கள் ஆன்டிமைக்ரோபியல் தன்மையை கொண்டிருந்ததை கண்டிறிந்தனர்.

இவற்றில் காசநோய்க்கு காரணமாக பாக்டீரியாக்களை அழிக்கக் கூடிய தன்மை உள்ளது கண்டறியப்பட்டுள்ளது.இதில் ஞானமணி ஏழுமலை காஞ்சிபுரத்தை சேர்ந்தவர். புதுச்சேரியில் பி.எச்டி முடித்தவர். தற்போது ஸ்டான்போர்டு பல்கலையில் பணிபுரிகிறார்..

சீனாவின் கட்டுப்பாட்டில் உள்ள ஹாங்காங்கில் அரசு கொண்டு வந்துள்ள நாடுகடத்தும் மசோதாவை எதிர்த்து பொதுமக்கள் நடத்தும் போராட்டம் தீவிரமடைந்தது. பார்லியை முற்றுகையிட முயன்றவர்கள் மீது கண்ணீர் புகை குண்டுகள் வீசப்பட்டன. போராட்டம் வலுவடைந்து வருவதால் மசோதாவை நிறுத்தி வைப்பதாக அரசு அறிவித்துள்ளது.அண்டை நாடான சீனாவின் கட்டுப்பாட்டில் உள்ள ஹாங்காங்கில் புதிய மசோதா அறிமுகம் செய்யப்பட்டுள்ளது. அதன்படி குற்றச்சம்பவங்களில் விசாரணைக்காக சீனாவிற்கு கொண்டு செல்லப்படுவர்.இதற்கு ஹாங்காங்கைச் சேர்ந்த எதிர்க்கட்சிகள் எதிர்ப்பு தெரிவித்துள்ளன. 'அரசியல் ரீதியில் பழிவாங்க எங்களை சீனாவுக்கு கடத்துவதற்கு இது வழிவகுத்து விடும்' என எதிர்க்கட்சிகள் தெரிவித்துள்ளன.அதையடுத்து நாடு முழுவதும் போராட்டங்கள் வெடித்தன. ஆனால் 'எதிர்ப்பை மீறி இந்த மசோதா நிறைவேற்றப்படும்' என ஹாங்காங்கின் நிர்வாகத்தை கவனிக்கும் பெண் தலைவர் கேரி லேம் உறுதியுடன் கூறியிருந்தார்.அந்த நாட்டு பார்லியில் இந்த மசோதா மீது நேற்று விவாதம் நடத்தப்படும்; வரும் 20ல் ஓட்டெடுப்பு நடத்தப்படும் என அறிவிக்கப்பட்டிருந்தது. கேரி லேம் உட்பட பலர் சீனா ஆதரவாளர்கள் என்பதால் இந்த மசோதா நிறைவேறுவதற்கான வாய்ப்புகள் அதிகம் உள்ளன.அதனால் பார்லிமென்ட் கூடுவதற்கு முன்பாக மசோதாவை திரும்பப் பெறுவதாக அறிவிக்க கோரி போராட்டக்காரர்கள் காலக்கெடு விதித்திருந்தனர்.நேற்று இந்தக் காலக்கெடு முடிவுக்கு வந்ததால் பார்லிமென்ட் செல்லும் சாலைகளில் போராட்டக்காரர்கள் கூடினர்.ஆயிரக்கணக்கானோர் குவிந்ததால் அங்கு பதற்றம் நிலவியது. பார்லிமென்ட் கூடுவதற்கு முன்பாக அதற்குள் நுழைவதற்கு போராட்டக்காரர்கள் முயன்றனர். முதலில் தடியடி நடத்தப்பட்டது.

ஆனால் நிலைமையை கட்டுப்படுத்த முடியாததால் மிளகு தூள் வீசப்பட்டது. அதைத் தொடர்ந்து கண்ணீர் புகை குண்டுகள் வீசப்பட்டன.இதற்கிடையே மசோதா மீதான விவாதம் ஒத்திவைக்கப்படுவதாக அரசு அறிவித்துள்ளது. ஆனால் மறுதேதி எதுவும் அறிவிக்கப்படவில்லை.இருந்தாலும் போராட்டக்காரர்கள் தொடர்ந்து சாலைகளில் குவிந்துள்ளனர். மசோதாவை திரும்பப் பெறுவதாக அறிவிக்கும் வரை போராட்டம் தொடரும் என அறிவித்துள்ளனர்.

பாகிஸ்தான் - ஆஸ்திரேலியா அணிகள் மோதும் உலகக்கோப்பை தொடரின் 17-வது லீக் ஆட்டம் டான்டனில் நடைபெற்றது. டாஸ் வென்ற பாகிஸ்தான் கேப்டன் சர்பராஸ் அகமது பந்து வீச்சை தேர்வு செய்தார்.
 
இதையடுத்து ஆஸ்திரேலிய அணி களமிறங்கியது. தொடக்க ஆட்டக்காரர்களான டேவிட் வார்னர், ஆரோன் பிஞ்ச் பொறுப்புடன் ஆடி அரை சதமடித்தனர். பிஞ்ச் 82 ரன்னில் அவுட்டாகினார். தொடர்ந்து சிறப்பாக ஆடிய டேவிட் வார்னர் 107 ரன்கள் குவித்து ஆட்டமிழந்தார்.
 
ஸ்மித் (10), மேக்ஸ்வெல் (20), ஷான் மார்ஷ் (23), கவாஜா (18), அலெக்ஸ் ஹேரி (20) கவுல்டர் நைல் (2) ஆகியோர் சொற்ப ரன்களில் ஆட்டமிழக்க ஆஸ்திரேலியா 49 ஓவரில் 307 ரன்கள் சேர்த்து ஆல்அவுட் ஆனது. 
 
பாகிஸ்தான் இடது கை வேகப்பந்து வீச்சாளர் முகமது அமிர் ஐந்து விக்கெட்டுகள் எடுத்தார். முகமது அமிரின் அபார பந்து வீச்சால் கடைசி 48 பந்தில் 39 ரன்களுக்குள் 6 விக்கெட்டை இழந்து பின்னடைவை சந்தித்தது.
 
அதன் பின்னர், 308 ரன்கள் எடுத்தால் வெற்றி என்ற இலக்குடன் பாகிஸ்தான் களமிறங்கியது. தொடக்க ஆட்டக்காரர் இமாம் உல் ஹக் நிதானமாக ஆடி அரை சதமடித்தார். அவர் 53 ரன்னில் வெளியேறினார்.
 
பாபர் அசாம் 30 ரன்னிலும், முகமது ஹபீஸ் 46 ரன்னிலும், ஹசன் அலி 35 ரன்னிலும் அவுட்டாகினர். இறுதிக்கட்டத்தில் கேப்டன் சர்ப்ராஸ் அகமதும், வஹாப் ரியாசும் வெற்றிக்காக போராடினர். ரியாஸ் 45 ரன்னில் அவுட்டானார். சர்ப்ராஸ் 40 ரன்னில் ஆட்டமிழந்தார்.
 
இறுதியில், பாகிஸ்தான் அணி 45.4 ஓவரில் 266 ரன்களை மட்டுமே எடுத்தது. இதையடுத்து ஆஸ்திரேலியா அணி 41 ரன்கள் வித்தியாசத்தில் வெற்றி பெற்றது.
 
ஆஸ்திரேலியா அணி சார்பில் பாட் கம்மின்ஸ் 3 விக்கெட்டும், மிட்செல் ஸ்டார்க், கேன் ரிச்சர்ட்சன் ஆகியோர் தலா 2 விக்கெட்டுகள் வீழ்த்தினர்.
பக்கம் 9 / 2508
Top
We use cookies to improve our website. By continuing to use this website, you are giving consent to cookies being used. More details…