JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

நாங்குநேரி தொகுதியை, தி.மு.க.,வுக்கு விட்டுக் கொடுக்க, காங்கிரசிடம், கூட்டணி கட்சி தலைவர் ஒருவர் நடத்திய, 'பஞ்சாயத்து' தோல்வி அடைந்துள்ளது. இதனால், தி.மு.க., - காங்., கூட்டணியில், உரசல் உருவாகி உள்ளது.தமிழகத்தில், 2016ல் நடந்த சட்டசபை தேர்தலில், நாங்குநேரி தொகுதியில், காங்., சார்பில் போட்டியிட்டு, வசந்தகுமார் வெற்றி பெற்றார். ராஜினாமாஇவர், லோக்சபா தேர்தலில், கன்னியாகுமரி தொகுதியில் போட்டியிட்டு, எம்.பி.,யானதால், எம்.எல்.ஏ., பதவியை ராஜினாமா செய்தார்.

இதையடுத்து, நாங்குநேரி தொகுதிக்கும், எம்.எல்.ஏ., மறைவால் காலியான மற்றொரு தொகுதியான, விக்கிரவாண்டிக்கும், இடைத்தேர்தல் அறிவிப்பு, விரைவில் வெளியாக உள்ளது.காங்கிரஸ் சார்பில், மூத்த தலைவர் குமரி அனந்தன், வசந்தகுமாரின் மகனும், நடிகருமான விஜய் வசந்த், வசந்தகுமாரின் மைத்துனர், எம்.எஸ்.காமராஜ், மறைந்த முன்னாள், எம்.எல்.ஏ., ஊர்வசி செல்வராஜின் மகன், அமிர்தராஜ் ஆகியோர், 'சீட்' பெற, முட்டி மோதுகின்றனர். 

வெள்ளோட்டம்: தி.மு.க., கூட்டணி கட்சியைச் சேர்ந்த மூத்த தலைவர் ஒருவர், சமீபத்தில், தமிழக காங்கிரஸ் மூத்த தலைவர் ஒருவரை சந்தித்து, பேச்சு நடத்தினார். அப்போது, 'இடைத்தேர்தல், முதல்வர், இ.பி.எஸ்.,சுக்கும், தி.மு.க., தலைவர், ஸ்டாலினுக்கும், 2021ல் நடைபெறவுள்ள சட்டசபை தேர்தல் வெற்றிக்கான வெள்ளோட்டமாக கருதப்படுகிறது. எனவே, தி.மு.க., போட்டியிட்டால் தான் வெற்றி பெற முடியும்; காங்., போட்டியிட வேண்டாம்' என, பஞ்சாயத்து பேசி உள்ளார்.

அதற்கு, காங்கிரஸ் தலைவர் பதில் கூறாமல், மவுனம் சாதித்துள்ளார்.சென்னை, வள்ளுவர் கோட்டம் முன், வரும், 15ம் தேதி, குமரி அனந்தன் தலைமையில், பூரண மதுவிலக்கை வலியுறுத்தி, உண்ணாவிரத போராட்டம் நடக்க உள்ளது.

இதில், வாழ்த்தி பேச, ஸ்டாலினுக்கு அழைப்பு விடுக்கப்பட்டு உள்ளது. 'அன்றைய தினம், திருவண்ணாமலையில் நடக்க உள்ள, தி.மு.க., முப்பெரும் விழாவில் பங்கேற்பதால், தன்னால் வர இயலாது; தனக்கு பதிலாக, வேறு நபரை அனுப்பி வைக்கிறேன்' என, ஸ்டாலின் கூறியுள்ளார்.

அதிருப்தி: இந்நிலையில், நாங்குநேரியில், காங்கிரஸ் போட்டியிட வேண்டும் என, தீர்மானம் நிறைவேற்றி, அவற்றின் நகலை, திருநெல்வேலி கிழக்கு மாவட்ட நிர்வாகிகள் வினியோகித்து உள்ளனர். இதனால், தி.மு.க., தலைமை கடும் அதிருப்தியில் உள்ளது.குழப்பத்திற்கு தீர்வு காணும் வகையில், 'நாங்குனேரி, விக்கிரவாண்டி ஆகிய இரு தொகுதிகளிலும், தி.மு.க., போட்டியிடும்' என, திருவண்ணாமலையில் நடக்கும் முப்பெரும் விழாவில், ஸ்டாலின் அறிவிப்பார் என, கட்சி வட்டாரங்கள் தெரிவிக்கின்றன.

எண்ணெய் மற்றும் விண்வெளி துறை நிறுவனங்களுக்கு, இன்ஜின் மற்றும் உதிரி பாகங்கள், 'சப்ளை' செய்யும் ஒப்பந்தம் பெற, ஐரோப்பிய நாடான பிரிட்டனைச் சேர்ந்த, 'ரோல்ஸ் ராய்ஸ்' நிறுவனம், 77 கோடி ரூபாயை லஞ்சமாக வழங்கியதாக, அமலாக்கத் துறை வழக்கு பதிவு செய்துள்ளது.

ஒப்பந்தம்: காங்., தலைமையிலான, ஐக்கிய முற்போக்கு கூட்டணி ஆட்சியின்போது, 2007 - 2011 காலகட்டத்தில், அரசு துறை எண்ணெய், விண்வெளி நிறுவனங்களில் பயன்படுத்தும் இன்ஜின்கள் மற்றும் அவற்றுக்கு தேவையான உதிரிபாகங்கள் வாங்க முடிவு செய்யப்பட்டன. இதற்கான ஒப்பந்தங்கள், லண்டனை தலைமையிடமாக வைத்து செயல்படும், ரோல்ஸ் ராய்ஸ் நிறுவனத்துக்கு வழங்கப்பட்டன.எச்.ஏ.எல்., எனப்படும், ஹிந்துஸ்தான் ஏரோநாட்டிக்ஸ் லிமிடெட், ஓ.என்.ஜி.சி.,யான, எண்ணெய் மற்றும் இயற்கை எரிவாயு வாரியம், 'கெயில்' எனப்படும், இயற்கை எரிவாயு வினியோக நிறுவனம் ஆகியவற்றுக்கு இவை பயன்படுத்தப்பட்டன. 

இதற்கான ஒப்பந்தங்கள் செய்யப்பட்ட போது, தனியாக ஏஜென்டுகளை நியமிக்கக் கூடாது என்ற நிபந்தனை விதிக்கப்பட்டு இருந்தது. ஆனால், விதியை மீறி, சிங்கப்பூரைச் சேர்ந்த, அசோக் பத்னி இயக்குன ராக உள்ள ஆஷ்மோர் நிறுவனம், வர்த்தக ஆலோசகர் என்ற பெயரில் நியமிக்கப்பட்டிருந்தது. ஒப்பந்தங்கள் பெறுவதற்காக, இந்த ஏஜென்டுக்கு, கமிஷனாக, 77 கோடி ரூபாயை, ரோல்ஸ் ராய்ஸ் நிறுவனம் அளித்துள்ளது. லஞ்சம்: இந்தப் பணம், இந்த பொதுத் துறை நிறுவனங்களின் அதிகாரிகளுக்கு லஞ்சமாக கொடுக்கப்பட்டிருக்கலாம் என, குற்றம்சாட்டப்பட்டது.

இது தொடர்பாக, சி.பி.ஐ., ஐந்து ஆண்டுகள் விசாரணை நடத்தி, இந்தாண்டு, ஜூலையில் வழக்கு பதிவு செய்தது. அதன் அடிப்படையில், இதில் நடந்துள்ள பண மோசடி குறித்து, அமலாக்கத் துறை தற்போது வழக்கு பதிவு செய்துள்ளது.லண்டனைச் சேர்ந்த ரோல்ஸ் ராய்ஸ் நிறுவனம், அதன் இந்தியப் பிரிவு, ஆஷ்மோர் நிறுவனம், அசோக் பத்னி, பெயரிடப்படாத பொதுத் துறை நிறுவன அதிகாரிகள் மீது, வழக்கு பதிவு செய்யப்பட்டுள்ளது.

ராமநாதபுரம் மாவட்டத்தில் நாளை முதல் இரண்டு மாத காலத்திற்கு 144 தடை உத்தரவு பிறப்பித்து மாவட்ட ஆட்சியர் வீரராகவராவ் உத்தரவு பிறப்பித்துள்ளார்.

இமானுவேல் சேகரன் நினைவு தினம் மற்றும் முத்துராமலிங்கம் குருபூஜை முன்னிட்டு சட்டம் ஒழுங்கை பாதுகாப்பதற்காக ராமநாதபுரம் மாவட்டத்தில் இன்று (செப்., 8) நள்ளிரவு முதல் அக்டோபர் 31 வரை 144 தடை உத்தரவு பிறப்பித்து அம்மாவட்ட கலெக்டர் வீரராகவ ராவ் உத்தரவு பிறப்பித்துள்ளார்.

அக். 25 முதல் 31-ம் தேதி வரையிலான நாட்களில் பிற மாவட்டங்களிலிருந்து வாடகை வாகனங்கள் ராமநாதபுரம் மாவட்டத்தில் நுழைய தடை விதிக்கப்பட்டுள்ளது.
 
பாதுகாப்பு அச்சுறுத்தல் அல்லது கலவரத்தின் அவசர நிலைகளில், குற்றவியல் நடைமுறைச் சட்டத்தின் (சிஆர்பிசி) பிரிவு 144 தடை உத்தரவு அமலாக்கப்படுகிறது. பிரிவு 144 நடைமுறைப்படுப்பட்ட பகுதியில் ஐந்து அல்லது அதற்கு மேற்பட்ட நபர்கள் பொது இடத்தில் கூடுவது சட்ட விரோதமாக கருதப்படுகிறது.
ஞாயிற்றுக்கிழமை, 08 செப்டம்பர் 2019 00:00

உணவு டெலிவரியில் இறங்கும் அமேசான்!

இந்தியாவில் உணவு டெலிவரி அப்ளிகேசன்களுக்கு நல்ல வரவேற்பு இருப்பதால் பிரபல அமேசான் நிறுவனம் அடுத்த கட்டமாக உணவு டெலிவரி சேவையில் ஈடுபடப் போவதாக தகவல்கள் வெளியாகியுள்ளன. 

ஆன்லைன் விற்பனையில் இந்தியாவில் முதலிடம் வகிக்கும் நிறுவனம் அமேசான். இந்தியாவில் தொழில் நடவடிக்கைகளை மேம்படுத்த பெங்களூரில் மிகப்பிரம்மாண்டமான கட்டிடம் ஒன்றையும் கட்டியுள்ளது அமேசான். இந்நிலையில் உணவு டெலிவரி சேவையிலும் அமேசான் ஈடுபட போவதாக தகவல்கள் வெளியாகியுள்ளன.

ஏற்கனவே இந்தியாவில் நிறைய உணவு அப்ளிகேசன்கள் இருக்கின்றன. அவற்றில் ஸ்விகி, ஸொமாட்டோ, ஊபர் ஈட்ஸ் ஆகிய நிறுவனங்கள் நாளொன்றுக்கு சராசரியாக 10 லட்சம் வாடிக்கையாளர்களுக்கு உணவு டெலிவரி சேவையை வழங்கி வருகின்றன. இந்நிலையில் களம் இறங்க இருக்கும் அமேசான் முதலில் பெங்களூரில் மட்டும் சேவையை ஆரம்பிக்க இருப்பதாகவும், அது வெற்றியடையும் பட்சத்தில் இந்தியா முழுவதும் அதை விரிவுப்படுத்தவும் திட்டமிட்டிருப்பதாகவும் கூறப்படுகிறது.

தற்போது ஸொமாட்டோ, ஊபர் போன்ற நிறுவனங்களோடு உணவகங்கள் மனஸ்தாபத்தில் இருப்பதால் அமேசானால் இந்த சூழலை பயன்படுத்திக் கொள்ள முடியும். ஸொமாட்டோ, ஊபர் போன்ற நிறுவனங்கள் ஆர்டர் ஒன்றிற்கு 18% முதல் 25% வரை கமிஷனாக உணவகங்களிடம் இருந்து பெறுகின்றன. உணவகங்களை முதலில் ஈர்க்க திட்டமிட்டுள்ள அமேசான் கமிஷனை குறைத்து கொள்ள திட்டமிட்டிருக்கிறது. அமேசானின் கமிஷன் 5% முதல் 10% வரை இருக்கலாம் என கூறப்படுகிறது. இதனால் அமேசானில் இணைய உணவகங்கள் ஆர்வம் காட்டலாம்.

அமேசானின் கமிஷன் குறைவாக இருப்பதால் உணவகங்கள் வாடிக்கையாளர்களுக்கு சலுகை விலையில் உணவு அளித்தாலும் அது உணவகங்களுக்கு பெரிய நஷ்டத்தை ஏற்படுத்தாது. மேலும் வாடிக்கையாளர்களை கவர்வதற்காக அமேசான் மற்ற உணவு நிறுவனங்களை விடவும் குறைவான விலையில் உணவு வகைகளை தரவும் வாய்ப்புள்ளது. இதனால் கொஞ்சம் கொஞ்சமாக பிரபல உணவு டெலிவரி நிறுவனங்கள் சரிவை சந்திக்க வாய்ப்புள்ளதாக ஆன்லைன் பொருளாதார வல்லுநர்கள் தெரிவித்துள்ளனர்.

நிலவுக்கு அருகே தகவல் தொடர்பு துண்டிக்கப்பட்ட விக்ரம் லேண்டர் இருக்கும் இடம் ஆர்பிட்டர் மூலமாக கண்டுபிடிக்கப்பட்டுள்ளதாக இஸ்ரோ தலைவர் சிவன் தெரிவித்துள்ளார்.

நிலவின் தென்முனையை ஆய்வு செய்வதற்காக இஸ்ரோ அனுப்பிய சந்திரயான் 2 விண்கலத்தின் விக்ரம் லேண்டர், நிலவில் தரையிறங்குவதற்கு 2.1 கி.மீ., தூரத்தில் சிக்னல் துண்டிக்கப்பட்டது. இதனை மீண்டும் பெற இஸ்ரோ விஞ்ஞானிகள் ஆய்வு நடத்தி வந்தனர். 14 நாட்களுக்குள் விக்ரம் லேண்டரிடம் தொடர்பை பெற முயற்சி மேற்கொள்ளப்பட்டு வருவதாகவும் இஸ்ரோ சிவன் நம்பிக்கை தெரிவித்திருந்தார்.

இந்நிலையில் இஸ்ரோ தலைவர் சிவன் கூறுகையில், விக்ரம் லேண்டர் எங்கிருக்கிறது என கண்டுபிடிக்கப்பட்டுள்ளது. லேண்டர் இருக்கும் இடத்தை ஆர்ப்பிட்டர் புகைப்படம் எடுத்து அனுப்பி உள்ளது. இருப்பினும், லேண்டருடன் தொடர்பை பெற முடியவில்லை. லேண்டரிடம் தொடர்பை பெற முயற்சித்து வருகிறோம். தரையிறக்க திட்டமிடப்பட்ட இடத்தில் இருந்து 500 மீ தூரம் தள்ளி லேண்டர் இருப்பது கண்டுபிடிக்கப்பட்டது. நிலவின் மேற்பரப்பில் தான் லேண்டர், முழுமையாக உள்ளது. ஆர்பிட்டர் எடுத்த புகைப்படம் விரைவில் வெளியிடப்படும். இவ்வாறு சிவன் கூறியுள்ளார்.
பக்கம் 10 / 2631
Top
We use cookies to improve our website. By continuing to use this website, you are giving consent to cookies being used. More details…