JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

இந்தியா - வெஸ்ட் இண்டீஸ் இடையிலான 2-வது டெஸ்ட் போட்டி ஐதராபாத் ராஜீவ் காந்தி இன்டர்நேஷனல் மைதானத்தில் நடைபெற்று வந்தது. வெஸ்ட் இண்டீஸ் முதல் இன்னிங்சில் 311 ரன்களும், இந்தியா 367 ரன்களும் சேர்த்தது.

56 ரன்கள் பின்தங்கிய நிலையில் வெஸ்ட் இண்டீஸ் 2-வது இன்னிங்சை தொடங்கியது. உமேஷ் யாதவ் (4), ஜடேஜா (3) ஆகியோரின் அபார பந்து வீச்சால் வெஸ்ட் இண்டீஸ் 127 ரன்னில் சுருண்டது. இதனால் இந்தியாவை விட 71 ரன்கள் முன்னிலைப் பெற்றது.

இதனால் இந்தியாவிற்கு 72 ரன்கள் வெற்றி இலக்காக நிர்ணயித்தது வெஸ்ட் இண்டீஸ். 72 ரன்கள் எடுத்தால் வெற்றி என்ற இலக்குடன் இந்தியாவின் லோகேஷ் ராகுல், பிரித்வி ஷா ஆகியோர் தொடக்க வீரர்களாக களம் இறங்கினார்கள்.

இருவரும் சிறப்பாக விளையாடினார்கள். குறிப்பாக முதல் இன்னிங்சில் ஏமாற்றம் அடைந்த லோகேஷ் ராகுல் பொறுப்புடன் விளையாடினார். இருவரும் ஆட்டமிழக்காமல் இலக்கை எட்ட உதவிகரமாக இருந்தனர்.

17-வது ஓவரின் முதல் பந்தை பிரித்வி ஷா பவுண்டரிக்கு விரட்ட இந்தியா 75 ரன்கள் எடுத்து 10 விக்கெட் வித்தியாசத்தில் அபார வெற்றி பெற்றது. லோகேஷ் ராகுல், பிரித்வி ஷா தலா 33 ரன்கள் எடுத்து ஆட்டமிழக்காமல் இருந்தனர்.

ஆட்ட நாயகன் விருதை உமேஷ் யாதவும், தொடர் நாயகன் விருதினை பிருத்வி ஷாவும் பெற்றனர்.

 

கீழடி ஆய்வில் கிமு 2ம் நூற்றாண்டுக்கு முந்தையை பொருட்கள் கூட கண்டுபிடிக்கப்பட்டு இருப்பதாக தகவல்கள் வருகிறது.

கீழடி, இந்த பெயர் தமிழக வரலாற்றை பல அடி உயரங்களுக்கு மேலே கொண்டே செல்ல போகிறது. கீழடியில் இதுவரை கிடைத்த தொல்பொருட்கள் எல்லாம் உலகிலேயே மிகவும் பழமையான தொல்பொருள்களில் ஒன்று.

Image result for keezhadi images photos

இந்த தொல்பொருட்களை சரியாக ஆராய்ச்சி செய்தாலே பல இனங்களில் வரலாற்றை மாற்றி எழுதி முடியும். ஆனால் இதற்கு மத்திய அரசு தொடர்ந்து முட்டுக்கட்டை போட்டு வருகிறது.

இந்த கீழடி ஆராய்ச்சி தொடங்கியது என்னவோ 2015ல் தான். ஆனால் தொடக்கத்தில் இருந்தே இதில் பல ஆச்சர்யங்கள் ஆராய்ச்சியாளர்களுக்கு காத்திருந்தது. இந்தியாவில் எங்குமே கிடைக்காத அரியவகை பொருட்கள் இங்கு கிடைத்தது. குறைந்தபட்சம், இந்த பொருட்கள் பயன்படுத்தப்பட்ட காலம் கிமு 2ம் நூற்றாண்டாக இருக்க வாய்ப்புள்ளது என்கிறார்கள்.

இதுவரை 6000க்கும் அதிகமான தொல்லியியல் சார்ந்த பொருட்கள் கிடைத்து இருக்கிறது. பாரசீக பாசி குறியீடு ஓடுகள் நிறைய கிடைத்து இருக்கிறது. நேர்த்தியான முறையில் கட்டமைக்கப்பட்ட கழிவுநீர்கால்வாய்கள் கண்டுபிடிக்கப்பட்டுள்ளது. அதேபோல் தொழிற்கூடங்கள் செயல்பட்டதற்கான அடையாளங்களும் காணப்படுகிறது.
 
அதேபோல் அங்கு வீடுகள் இருந்ததற்கான அடையாளமும் இருந்துள்ளது. அதேபோல் இங்கு பல கோடி மதிப்பில் தங்கங்களும் காணப்பட்டு இருக்கிறது. 16 மீட்டர் தோண்டிய பின் இந்த தங்கம் கிடைத்துள்ளது. 50க்கும் அதிகமான சிறு சிறு ஆபரணங்கள் கண்டுபிடிக்கப்பட்டுள்ளது. இதை இன்னும் தெளிவாக ஆய்வு செய்ய கலிபோர்னியா எடுத்து செல்ல இருக்கிறார்கள்.
 
ஆனால் இந்த ஆய்வுகள் இந்த மூன்று வருடத்தில் மட்டும் கிட்டத்தட்ட 8 முறை  நிறுத்தப்பட்டது. போதிய நிதி இல்லை, போதுமான ஆட்கள் இல்லை என்று பல்வேறு காரணங்களை சொல்லி ஆய்வு பணிகளை நிறுத்தி இருக்கிறார்கள். அதேபோல் வேண்டும் என்றே ஆய்வு செய்த பொருட்களை சாரியாக பராமரிக்காமல் இருந்துள்ளது. 
 
 
 
 
Image result for keezhadi images photos
 
தமிழகத்தில் ஆய்வு செய்ய நிதி இல்லை என்று கூறிய அதே மத்திய அரசுதான், ஹரியானாவில், குஜராத்திலும் தொடர்ந்து ஆய்வுகளை நடத்தி வருகிறது. அங்கு இதுவரை பெரிய அளவில் ஆதாரம், எதுவும் கிடைக்கவில்லை என்றாலும் அங்கு ஆய்வுகளை தொடர்ந்து நடத்தி வருகிறது மத்திய அரசின் தொல்லியல் ஆராய்ச்சி துறை.
 
இந்த நிலையில்தான் கீழடி ஆராய்ச்சி அறிக்கைகளை மத்திய அரசுக்கு அளிக்க வேண்டும் என்றது. ஆனால் மதுரை ஹைகோர்ட் பென்ச் அதை தடை செய்து, மாநில அரசுக்கே அறிக்கை விவரத்தை அளிக்க உத்தரவு பிறப்பித்து இருக்கிறது அதே சமயம் இந்த அறிக்கையை, ஆய்வு நடத்திய தொல்லியல் துறையை சேர்ந்த அமர்நாத் ராமகிருஷ்ணனை தயாரிக்க கூடாது என்று மத்திய தொல்லியல் துறை பிரச்சனை செய்ததும் குறிப்பிடத்தக்கது.

ஆரிய திராவிட வரலாற்றில் இந்த ஆதாரங்கள் பெரிய மாற்றத்தை உருவாக்கும். இந்தியாவில் திராவிட இனம் எங்கு எல்லாம் பரவி இருக்கிறது என்பதை தெள்ள தெளிவாக இந்த கீழடி ஆராய்ச்சி காட்டும். அதேபோல் தமிழ் மொழியின் தொன்மையை உலகிற்கு எடுத்துக் காட்டும் என்பதால், இந்த ஆராய்ச்சியை மத்தியப அரசு முடக்க பார்க்கிறது என்ற குற்றச்சாட்டு எழுந்துள்ளது.

 
 

நடிகர் விஜய் திமுகவிற்கு நெருக்கமாக இருப்பதாகவும், திமுகவிற்கு ஆதரவாக விஜய் அரசியல் களத்தில் இறங்க வாய்ப்புள்ளது என்றும் அரசியல் விமர்சகர்கள் தெரிவிக்கிறார்கள்.

நடிகர் ரஜினியும், நடிகர் கமல்ஹாசனும் அரசியலுக்கு வந்துவிட்டனர். அரசியல் குறித்த அறிவிப்போடு ரஜினி இருக்கிறார், இன்னும் கட்சிக்கான பெயரை அவர் அறிவிக்கவில்லை.

ஆனால் கமல் அப்படி இல்லாமல் பெயர், கொடியை அறிவித்து தீவிரமாக செயல்பட்டு வருகிறார். இந்த நிலையில்தான் நடிகர் விஜய் அரசியலுக்கு விரைவில் வருவார் என்று அவருக்கு நெருக்கமானவர்கள் பேசிக்கொள்கிறார்கள்.

ரஜினி அரசியல் அறிவிப்பை வெளியிட்டதில் இருந்தே, அவர் ஆளும் கட்சியான அதிமுகவிற்கும், பாஜகவிற்கும்தான் ஆதரவு தெரிவித்து வருகிறார்கள். பல முக்கிய விஷயங்களில் நேரடியாகவோ, மறைமுகமாவோ அவர் இந்த இரண்டு கட்சிகளுக்கும்தான் ஆதரவு தெரிவித்துள்ளார். அவருக்கு நெருக்கமானவர்களும் கூட ரஜினி பெரும்பாலும் பாஜக பக்கம் செல்ல வாய்ப்புள்ளது இல்லை தனிக்கட்சி தொடங்கி பாஜகவிற்கு ஆதரவு தெரிவிக்க வாய்ப்புள்ளது என்று கூறுகிறார்கள். Related image

அதேசயம் இன்னொரு பக்கம் நடிகர் கமல்ஹாசன் மக்கள் நீதி மய்யம் தொடங்கி தீவிரமாக செயல்பட்டு வருகிறார். ஆனால் கமல்ஹாசன் எந்த கட்சிக்கும் ஆதரவு தெரிவிப்பது போல தெரியவில்லை. அதிமுக, திமுகவை தமிழகத்தை விட்டு அகற்ற வேண்டும் என்ற அவர் தேசிய கட்சிகளுடனும் பெரிய அளவில் நெருக்கத்தில் இல்லை. இதன் காரணமாக அவர் பெரும்பாலும் தனியாக நிற்க வாய்ப்புள்ளது என்கிறார்கள்.

இந்த கவனித்து வரும் திமுக, நடிகர் விஜயை களம் காண வைத்து இருப்பதாக தகவல்கள் வருகிறது. விஜயை அரசியலுக்கு கொண்டு வருவதன் மூலம் திமுகவிற்கு கணிசமான வரவேற்பு கிடைக்கும். கமல், ரஜினிக்கு செல்வதற்கு இணையான வாக்கு விஜய் மூலம் தங்களுக்கு கிடைக்கும் என்று திமுக நினைப்பதாக இரண்டு தரப்பிற்கும் நெருக்கமானவர்கள் பேசிக்கொள்கிறார்கள். கட்சியில் இருந்த தளபதி தற்போது தலைவர் ஆகிவிட்டதால், அந்த இடத்தை இந்த தளபதி நிரப்ப வாய்ப்புள்ளதாக பேசிக்கொள்கிறார்கள்.

ஆனால் இதற்கு முன் திமுகவிற்கும், விஜய்க்கும் சிறு சிறு சச்சரவும் வந்துள்ளது. கத்தியில் 2ஜி குறித்து வசனம் வைத்தது தொடங்கி சில சச்சரவுகள் இருவருக்கும் இருக்கிறது. அதேபோல் திமுக ஆதரவாளரான விஜயின் தந்தை இயக்குனர் எஸ்.ஏ. சந்திரசேகர் கூட சென்ற நாடாளுமன்ற தேர்தலில் திமுகவிற்கு எதிரான நிலைப்பாடு எடுத்தது எல்லாம் வரலாறு.

ஆனால் இந்த சர்ச்சை எல்லாம் முடிவிற்கு வந்து மீண்டும் திமுகவும், எஸ்.ஏ.சியும் நெருக்கமாகி இருப்பதாக கூறப்படுகிறது. இதன் காரணமாகவே சன் பிக்சர்ஸ் தயாரிப்பில் வெளியாகும் சர்க்கார் பட விழா மேடையில் விஜய் அப்படி பேசினார், இது ஒன்னும் திமுகவிற்கு தெரியாமல் நடந்த விஷயம் கிடையாது என்று கூறுகிறார்கள். தமிழக அரசியலில் தற்போது நடிகர்கள் காய்களாக களமிறங்கி இருக்கிறார்கள், இதில் யார் ராஜா என்று பொறுத்திருந்தான் பார்க்க வேண்டும்.

அலகாபாத்தில் அடுத்த 2019-ம் ஆண்டு ஜனவரி 15-ல் கும்பமேளா தொடங்க உள்ளது. இந்த விழாவை முன்னிட்டு அலகாபாத் மாநகரின் பெயர் பிரயாக்ராஜ் என மாற்றப்பட வேண்டும் என பல்வேறு தரப்பினர் கோரிக்கை விடுத்துள்ளதாக முதல்-மந்திரி யோகி ஆதித்யநாத் தெரிவித்துள்ளார். 

இது குறித்து அனைவரிடமும் கலந்து ஆலோசித்து பொது கருத்து ஏற்பட்டால் அலகாபாத் என்னும் பெயரை நீக்கி விட்டு பிரயாக்ராஜ் என மாற்றப்படும் என்று அவர் தெரிவித்துள்ளார். பெயர் மாற்றம் பற்றிய அறிவிப்பு கும்பமேளா தொடங்கும் முன் வெளியாகும் என கூறப்படுகிறது.

பாலியல் புகாரில் சிக்கிய வெளியுறவு துறை இணை அமைச்சர் எம்.ஜே.அக்பர் தனது பதவியை ராஜினாமா செய்துள்ளார்.

முன்னாள் பத்திரிகையாளரும், வெளியுறவு துறை இணை அமைச்சருமான எம்.ஜே. அக்பர் மீது பல பெண் பத்திரிகையாளர்கள் # மீடூ ஹேஸ்டேக் மூலம் பாலியல் புகார் கூறினார். இதனால், பரபரப்பு ஏற்பட்டது. அவர் பதவி விலக வேண்டும் என எதிர்க்கட்சிகள் வலியுறுத்தின.

இந்நிலையில், வெளிநாடு சென்று விட்டு, தாயகம் திரும்பிய அமைச்சர் அக்பர் தனது பதவியை ராஜினாமா செய்தார். தனது ராஜினாமா கடிதத்தை இ மெயில் மூலம் பிரதமர் மோடிக்கு அனுப்பி உள்ளதாக தகவல் வெளியாகியுள்ளது. மேலும், அவர் வெளியுறவு துறை அமைச்சர் சுஷ்மாவை சந்திக்க நேரம் கேட்டு உள்ளதாகவும் கூறப்படுகிறது. 

பக்கம் 10 / 2220
Top
We use cookies to improve our website. By continuing to use this website, you are giving consent to cookies being used. More details…