JoomlaLock.com All4Share.net

Background Video

Super User

Super User

Email: இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.

இந்திய ராணுவத்தில் சிப்பாயாக சேர பெண்களுக்கு புதிய வாயிலை திறந்துள்ளது இந்திய ராணுவம்!

ஆண்களுக்கான வேலை இது என்று குறிப்பிட்டு சொல்ல வேலைகள் தற்போதைக்கு இல்லை என சொல்லும் வகையில் அனைத்து துறைகளிலும் பெண்களின் பங்களிப்பு நிறைந்துவருகிறது.

குறிப்பாக, விண்வெளி மற்றும் ராணுவத்தில் பெண்களுக்கான கதவுகள் திறக்கப்படும்போதெல்லாம், அந்த உண்மை அழுத்தமாக நிரூபிக்கப்படுவதுடன் இளம் பெண்களின் நம்பிக்கையையும் அதிகரிக்கிறது.

அந்த வகையில், தற்போது இந்திய ராணுவத்தில் பெண் சிப்பாய் படைகளை உருவாக்க இந்திய ராணுவம் முன்வந்துள்ளது. இந்த பொருப்பில் இதுவரை ஆண்கள் மட்டுமே பணிபுரிந்துவந்த சூழலில், தற்போது இளம்பெண்களுக்கும் வாய்ப்பு அளிக்கப்படவுள்ளது.

ஏற்கெனவே இந்திய ராணுவத்தில், சிக்னல்ஸ், ஆர்மி ஏவியேஷன், ஆர்மி ஏர் டிஃபன்ஸ், எலக்ட்ரானிக்ஸ் மற்றும் மெக்கானிக்கல் இன்ஜினீயர்ஸ், ஆர்மி சர்வீஸ், ஆர்மி ஆர்டினன்ஸ், டிஃபன்ஸ் அட்டாஷே உள்ளிட்ட பல பிரிவுகளில் பெண்கள் பணிபுரிந்துவருகிறார்கள். சமீபத்தில் ஃபைட்டர் பைலட் பணிக்கும் பெண் அதிகாரிகள் வாய்ப்பு பெற்றனர். இதன் மூலம் IAF-ன் அனைத்துப் பிரிவுகளிலும் பெண்களும் பணியாற்றக்கூடிய பெருமை கிட்டியது. இந்நிலையில் தற்போது இந்திய ராணுவத்தில் சிப்பாய் பிரிவில் பெண்களுக்கான வாயில் திறக்கப்பட்டுள்ளது.

இந்திய ராணுவம் வெளியிட்டுள்ள அறிவிப்பின் படி 100 பெண் சிப்பாய்கள் தற்போது தேர்ந்தெடுக்கப் படவுள்ளனர் எனவும், இப்பதவிக்கு விண்ணப்பிக்கு விரும்பும் இளம்பெண்கள் ஏப்ரல் 25 துவங்கி ஜூன் 8 வரையில் விண்ணப்பிக்கலாம் என அறிவுறுத்தப்பட்டுள்ளது.

விண்ணப்பிக விரும்பும் பெண்மணிகள் 17½ முதல் 21 வயதுக்கு உட்பட்டவர்களாக இருத்தல் அவசியம். அம்பாலா, லக்னோ, ஜபல்பூர், பெங்களூரு மற்றும் சில்லாங் ஆகிய தேர்வு மையங்களில் தேர்வு நிகழும் என்பதால் விண்ணப்பதாரர் தங்களுக்கு அருகில் உள்ள தேர்வு மையத்தை தேர்வு செய்து கொள்ளலாம். தேர்விற்கான அனுமதி சீட்டு அவரவர் அதிகாரப்பூர்வ மின்னஞ்சலுக்கு அனுப்பி வைக்கப்படும்.

பொது வினா தாள் அடிப்படையில் தேர்வாளர்களுக்கு தேர்வு நடத்தப்படும். பொது தேர்வில் தேர்ந்தெடுக்கப்படும் தேர்வாளர்கள் மருத்துவ பரிசோதனைக்கு அனுப்பி வைக்கப்படுவர்.

மருத்துவ பரிசோதனையின் போது பாலின மாற்று அறுவை சிகிச்சை செய்தவர்கள் தகுதியற்றவர்களாக அறிவிக்கப்படுவர், நிரந்திர டாட்டோ வரைந்திருப்பவர்கள் விதிகளின் பேரில் தேர்ந்தெடுக்கப்படுவர், கர்ப்பிணி பெண்கள் தகுதியற்றவர்களாக அறிவிக்கப்படுவர் என தெரிவிக்கப்பட்டுள்ளது.

தமிழகத்தில் இன்னும் 3 நாட்களில் புயல் ஒன்று கரையைக் கடக்க இருப்பதாகவும் அதற்கு ஃபானி எனப் பெயரிடப்பட்டுள்ளதாகவும் சென்னை வானிலை ஆய்வு மையம் எச்சரிக்கை விடுத்துள்ளது.

தமிழகத்தை நோக்கி ஏப்ரல் 29 ஆம் தேதி  புயல் ஒன்று வர இருப்பதாக தெரிவித்து இருக்கிறது. அதற்கு ஃபானி எனப் பெயரிடப்பட்டுள்ளது. தென்கிழக்கு வங்கக்கடல் பகுதியில் வரும் 25 ஆம் தேதி காற்றழுத்த தாழ்வுநிலை உருவாக இருப்பதாகவும் அது 27 ஆம் தேதியில் இருந்து படிப்படியாக தமிழகத்தை நோக்கி நகரும் என்றும் சென்னை வானிலை ஆய்வு மையம் அறிவித்துள்ளது.

இதையடுத்து ஏப்ரல் 29 ஆம் தேதி தமிழகத்தில் அந்தப் புயல் கரையைக் கடக்கும் எனவும் அறிவிக்கப்பட்டுள்ளது. இதனால் கடலோரப் பகுதிகளுக்கு எச்சரிக்கை விடுக்கப்பட்டு மீனவர்கள் கடலுக்கு செல்லவேண்டாம் எனவும் வலியுறுத்தப்பட்டுள்ளது. முன்னெச்சரிக்கை நடவடிக்கைகளை மேற்கொள்ள சொல்லி மாவட்ட நிர்வாகங்களுக்கு எச்சரிக்கை விடுக்கப்பட்டுள்ளதாகவும் பேரிடர் மேலாண்மை குழுவை  தயார் நிலையில் வைத்திருக்கவும் அறிவுறுத்தப்பட்டுள்ளது.

தமிழகத்தில் சமீபகாலங்களில் கஜா மற்றும் ஓகி புயலால் மக்கள் மிக மோசமாக பாதிக்கப்பட்டுள்ள நிலையில் ஃபானி புயல் எவ்விதமான விளைவுகளை உருவாக்கும் என்ற அச்சம் மக்களிடையே எழுந்துள்ளது.

தி.மு.க. முன்னாள் தலைவர் கருணாநிதியின் மகன் அழகிரி. இவர் தி.மு.க.வில் இருந்து கருணாநிதியால் நீக்கப்பட்டார். இவரது மகன் தயாநிதி அழகிரி.
 
இந்நிலையில், தயாநிதி அழகிரிக்கு சொந்தமான ரூ.40 கோடி மதிப்பிலான சொத்துகளை அமலாக்கத்துறை முடக்கியது.
 
இதுதொடர்பாக அமலாக்கத்துறை வெளியிட்டுள்ள அறிக்கையில் கூறியுள்ளதாவது:
 
பணமோசடி தடுப்பு சட்டம், 2002ன் கீழ் ஒலிம்பஸ் கிரானைட்ஸ் தனியார் நிறுவனத்திற்கு உரிய மதுரை, சென்னை உள்ளிட்ட பகுதிகளில் உள்ள நிலம், கட்டிடங்கள் மற்றும் வைப்பு தொகைகள் என மொத்தம் ரூ.40.34 கோடி மதிப்பிலான தயாநிதி அழகிரியின் சொத்துகள் முடக்கப்பட்டுள்ளன. இவற்றில் 25 அசையும் மற்றும் அசையா சொத்துகள் அடங்கும்.  சட்டவிரோத முறையில் இந்த சொத்துகள் ஈட்டப்பட்டு உள்ளன.
 
இந்த தனியார் நிறுவனத்தின் பங்குதாரர்களான எஸ். நாகராஜன் மற்றும் தயாநிதி அழகிரி உள்ளிட்ட பிற குற்றவாளிகள், சட்டவிரோத முறையில் குத்தகை நிலத்தில் சுரங்க நடவடிக்கைகளில் ஈடுபட்டு பலன் பெற்று, அரசுக்கு இழப்பு ஏற்படுத்தி உள்ளனர்.
 
பணமோசடி தடுப்பு சட்டத்தின் கீழ் நடந்த விசாரணையில், இவர்கள் லாப நோக்குடன் தொடர்ச்சியாக குற்றத்தில் ஈடுபட்டது, சட்டவிரோத முறையில் குவாரி நிறுவனம் நடத்தி, அதன்வழியே வர்த்தக நடைமுறைகளில் ஈடுபட்டு உள்ளது தெரிய வந்துள்ளது என தெரிவித்துள்ளது.
ஐபிஎல் தொடரின் 42-வது லீக் ஆட்டம் பெங்களூருவில் இரவு 8 மணிக்கு நடைபெற்றது. இதில் ராயல் சேலஞ்சர்ஸ் பெங்களூரு - கிங்ஸ் லெவன் பஞ்சாப் அணிகள் மோதின. டாஸ் வென்ற பஞ்சாப் அணி கேப்டன் அஷ்வின் பந்து வீச்சை தேர்வு செய்தார்.
 
அதன்படி, பெங்களூரு அணியின் தொடக்க ஆட்டக்காரர்களாக பார்திவ் படேலும், விராட் கோலியும் களமிறங்கினர்.
 
கோலி 13 ரன்னில் அவுட்டாகி அதிர்ச்சி அளித்தார். அடுத்து இறங்கிய டி வில்லியர்ஸ் அதிரடியாக விளையாடினார். பார்திவ் பட்டேல் 43 ரன்னிலும், மொயின் அலி 4 ரன்னிலும், அக்‌ஷதீப் நாத் 3 ரன்னிலும் அவுட்டாகினர்.
 
ஒருபுறம் விக்கெட்டுகள் வீழ்ந்தாலும் மறுமுனையில் நின்ற டி வில்லியர்ஸ் தனது அதிரடி ஆட்டத்தை தொடர்ந்தார். அவர் அரை சதமடித்து அசத்தினார்.
 
இறுதியில், பெங்களூரு அணி நிர்ணயிக்கப்பட்ட 20 ஓவரில் 4 விக்கெட் இழப்புக்கு 202 ரன்களை எடுத்துள்ளது.
 
டி வில்லியர்ஸ் கடைசி வரை ஆட்டமிழக்காமல் 44 பந்தில் 7 சிக்சர், 3 பவுண்டரியுடன் 82 ரன்களை எடுத்துள்ளார்.
 
இதையடுத்து 203 ரன் எடுத்தால் வெற்றி என்ற இலக்குடன் களம் இறங்கிய பஞ்சாப் அணி நிர்ணைக்கப்பட்ட 20 ஓவர் முடிவில் 7 விக்கெட்டை இழந்து 185 ரன் எடுத்து தோல்வியை தழுவியது. பஞ்சா அணி சார்பில் அதிக பட்சமாக கேஎல் ராகுல் 42 ரன்னும், மயாங்க் அகர்வால் 35 ரன்னும், நிக்கோலஸ் பூரன் 46 ரன்னும் எடுத்தனர். 
 
பெங்களூரு அணி பந்து வீச்சாளர்கள் தரப்பில் உமேஷ் யாதவ் 3 விக்கெட்டும், சைனி 2 விக்கெட்டும், மார்கஸ் ஸ்டாய்னிஸ் மற்றும் மொயீன் அலி தலா 1 விக்கெட்டும் கைப்பற்றினர்.

 

டிடிவி தினகரனின் கட்சிக்கு சமிபத்தில் நடந்த 38 தொகுதி மக்களவை மற்றும் 18 தொகுதிகள் சட்டமன்ற இடைத்தேர்தலில் தேர்தல் ஆணையம் பரிசுப்பெட்டி சின்னத்தை ஒதுக்கியது. இந்த சின்னத்தை டிடிவி தினகரன் நீண்ட சட்டப்போராட்டம் நடத்தி நீதிமன்றம் வரை சென்று பெற்றார் என்பது குறிப்பிடத்தக்கது.

இந்த நிலையில் வரும் மே 19ஆம் தேதி நடைபெறவிருக்கும் 4 தொகுதி இடைத்தேர்தலுக்கும் பரிசுப்பெட்டி சின்னத்தை தனது கட்சிக்கு ஒதுக்க வேண்டும் என்று டிடிவி தேர்தல் ஆணையத்தில் விண்ணப்பித்திருந்தார். ஆனால் தேர்தல் ஆணையத்திடம் இருந்து எந்தவித பதிலும் வராததால் இதுகுறித்து அவர் நீதிமன்றத்தில் வழக்குத்தாக்கல் செய்தார்.

பரிசுப்பெட்டி சின்னத்தை தேர்தல் ஆணையம் ஒதுக்கியுள்ளது. இதனால் அமமுகவினர் நிம்மதி அடைந்துள்ளனர். இந்த தேர்தல் அமமுகவுக்கு வாழ்வா? சாவா? என்ற நிலை உள்ளதால் அதிமுகவை விட அதிக தொகுதிகளில் வெற்றி பெற்றே ஆகவேண்டிய கட்டாயத்தில் உள்ளனர் என்பது குறிப்பிடத்தக்கது.

பக்கம் 2 / 2441
Top
We use cookies to improve our website. By continuing to use this website, you are giving consent to cookies being used. More details…